മൂപ്പൻമാ​രേ—ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ പെരു​മാ​റുക!

“ഞങ്ങൾ നിങ്ങളു​ടെ ഇടയിൽ മുലയൂ​ട്ടുന്ന ഒരു അമ്മ തന്റെ സ്വന്തം കുഞ്ഞു​ങ്ങളെ പോറ​റി​പ്പു​ലർത്തു​മ്പോ​ഴെ​ന്ന​പോ​ലെ സൗമ്യ​രാ​യി​ത്തീർന്നു.”—1 തെസ്സ​ലോ​നീ​ക്യർ 2:7.

1. യഹോ​വ​യു​ടെ വിശ്വ​സ്‌ത​നായ ഓരോ സാക്ഷി​ക്കും സുരക്ഷി​ത​ത്വം തോന്നാൻ കഴിയു​ന്ന​തെ​ന്തു​കൊണ്ട്‌?

യഹോ​വ​യാണ്‌ വലിയ ഇടയൻ. അവൻ തന്റെ വിശു​ദ്ധ​നാ​മ​ത്തി​നു​വേണ്ടി തന്റെ ആടുതു​ല്യ​രായ ദാസൻമാർക്കാ​യി സമൃദ്ധ​മായ കരുത​ലു​കൾ ചെയ്യു​ക​യും അവരെ “നീതി​പാ​ത​ക​ളിൽ” നടത്തു​ക​യും ചെയ്യുന്നു. അതു​കൊണ്ട്‌, അവന്റെ ഇഷ്‌ടം ചെയ്യു​ന്ന​വർക്ക്‌ യാതൊ​രു ദോഷ​ത്തെ​യും ഭയപ്പെ​ടാ​തെ ആശ്വാ​സ​ത്തി​നാ​യി തങ്ങളുടെ സഹാനു​ഭൂ​തി​യുള്ള ദൈവ​ത്തി​ലേക്കു നോക്കാൻ കഴിയും. തീർച്ച​യാ​യും, യഹോ​വ​യു​ടെ ഓരോ വിശ്വ​സ്‌ത​സാ​ക്ഷി​ക്കും ദൈവ​ത്തി​ന്റെ സ്‌നേ​ഹ​പു​ര​സ്സ​ര​മായ സംരക്ഷ​ണ​യിൽ സുരക്ഷി​ത​ത്വം തോന്നാൻ സാരവ​ത്തായ കാരണ​മുണ്ട്‌.—സങ്കീർത്തനം 23:1-4.

2. ദൈവ​മ​ഹ​ത്വ​ത്തി​ന്റെ പ്രതി​ച്ഛാ​യ​യെന്ന നിലയിൽ യേശു ഏതു ഗുണങ്ങൾ പ്രദർശി​പ്പി​ക്കു​ന്നു?

² യേശു​ക്രി​സ്‌തു “[ദൈവ]മഹത്വ​ത്തി​ന്റെ പ്രതി​ച്ഛാ​യ​യും അവന്റെ അസ്‌തി​ത്വ​ത്തി​ന്റെ​തന്നെ കൃത്യ​മായ പ്രതി​നി​ധാ​ന​വു​മാ​കു​ന്നു.” (എബ്രായർ 1:1-4) അതു​കൊണ്ട്‌ നല്ല ഇടയനായ യേശു സ്‌നേ​ഹ​വും സഹാനു​ഭൂ​തി​യും പ്രകട​മാ​ക്കു​ക​യും ചെയ്യുന്നു. (യോഹ​ന്നാൻ 10:14, 15) ഉദാഹ​ര​ണ​ത്തിന്‌, ഒരു സന്ദർഭ​ത്തിൽ, “അവൻ ഒരു വലിയ ജനക്കൂ​ട്ടത്തെ കണ്ടു, എന്നാൽ അവർ ഒരു ഇടയനി​ല്ലാത്ത ആടുക​ളെ​പ്പോ​ലെ​യാ​യി​രു​ന്ന​തു​കൊണ്ട്‌ അവന്‌ അവരോട്‌ സഹതാപം തോന്നി. അവൻ അവരെ അനേകം കാര്യങ്ങൾ പഠിപ്പി​ച്ചു​തു​ടങ്ങി.”—മർക്കോസ്‌ 6:34.

3. (എ) യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും​പോ​ലെ, ക്രിസ്‌തീയ ഉപ ഇടയൻമാർ ഏതു ഗുണങ്ങൾ പ്രദർശി​പ്പി​ക്കണം? (ബി) അപ്പോ​സ്‌ത​ല​നായ പൗലോസ്‌ മേൽവി​ചാ​ര​കൻമാർക്ക്‌ ഏതു ബുദ്ധി​യു​പ​ദേ​ശ​വും മുന്നറി​യി​പ്പും കൊടു​ത്തു?

³ സകല ക്രിസ്‌ത്യാ​നി​ക​ളും ‘ദൈവത്തെ അനുക​രി​ക്കു​ക​യും ക്രിസ്‌തു അവരെ സ്‌നേ​ഹി​ച്ച​തു​പോ​ലെ, സ്‌നേ​ഹ​ത്തിൽ തുടർന്നു നടക്കു​ക​യും വേണം.’ (എഫേസ്യർ 5:1, 2) അതു​കൊണ്ട്‌ അവർ സ്‌നേ​ഹ​വും സഹാനു​ഭൂ​തി​യു​മു​ള്ളവർ ആയിരി​ക്കണം. ദൈവ​ത്തി​ന്റെ ആട്ടിൻകൂ​ട്ട​ത്തി​ന്റെ ഉപ ഇടയൻമാ​രെ​ക്കു​റിച്ച്‌ ഇത്‌ വിശേ​ഷാൽ സത്യമാ​യി​രി​ക്കണം. അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “നിങ്ങൾക്കു​ത​ന്നെ​യും ദൈവം തന്റെ സ്വന്തം പുത്രന്റെ രക്തത്താൽ വിലക്കു​വാ​ങ്ങിയ തന്റെ സഭയെ മേയി​ക്കാൻ പരിശു​ദ്ധാ​ത്മാവ്‌ ആരു​ടെ​യി​ട​യിൽ നിങ്ങളെ മേൽവി​ചാ​ര​കൻമാ​രാ​ക്കി​വെ​ച്ചു​വോ ആ ആട്ടിൻകൂ​ട്ടം മുഴു​വ​നും ശ്രദ്ധ​കൊ​ടു​ക്കുക. എന്റെ പോക്കി​നു​ശേഷം മർദ്ദക​ചെ​ന്നാ​യ്‌ക്കൾ നിങ്ങളു​ടെ​യി​ട​യിൽ പ്രവേ​ശി​ക്കു​ക​യും ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ പെരു​മാ​റാ​തി​രി​ക്കു​ക​യും ചെയ്യും, നിങ്ങളു​ടെ ഇടയിൽനി​ന്നു​തന്നെ പുരു​ഷൻമാർ എഴു​ന്നേൽക്കു​ക​യും ശിഷ്യൻമാ​രെ തങ്ങളുടെ പിന്നാലെ വലിച്ചു​ക​ള​യാൻ വളച്ചൊ​ടിച്ച കാര്യങ്ങൾ സംസാ​രി​ക്കു​ക​യും ചെയ്യും.”—പ്രവൃ​ത്തി​കൾ 20:28-30.

4. (എ) കാല​ക്ര​മ​ത്തിൽ, പ്രവൃ​ത്തി​കൾ 20:29, 30-ലെ പൗലോ​സി​ന്റെ മുന്നറി​യി​പ്പി​നു ചേർച്ച​യാ​യി എന്തു സംഭവി​ച്ചു? (ബി) ഇപ്പോൾ ഏതു ചോദ്യ​ങ്ങൾ പരിചി​ന്ത​ന​മർഹി​ക്കു​ന്നു?

⁴ കാല​ക്ര​മ​ത്തിൽ വിശ്വാ​സ​ത്യാ​ഗി​ക​ളായ “മർദ്ദക​ചെ​ന്നാ​യ്‌ക്കൾ” പ്രത്യ​ക്ഷ​പ്പെ​ടു​ക​യും “ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ പെരു​മാ​റാ​തി​രി​ക്കു​ക​യും” ചെയ്‌തു. എന്നാൽ യഹോ​വ​യു​ടെ സാക്ഷി​ക​ളു​ടെ ഇടയിലെ മൂപ്പൻമാർ അങ്ങനെ​യുള്ള ക്രൂര​ഭ​രണം നടത്തു​ന്നി​ല്ലാ​ത്ത​തിൽ നമ്മൾ എത്ര സന്തോ​ഷ​മു​ള്ള​വ​രാണ്‌! എന്നിരു​ന്നാ​ലും, ആത്മാവി​നാൽ നിയമി​ക്ക​പ്പെട്ട മേൽവി​ചാ​ര​കൻമാ​രിൽനിന്ന്‌ ഏതു തരം പെരു​മാ​റ​റ​മാണ്‌ പ്രതീ​ക്ഷി​ക്കാൻ കഴിയു​ന്നത്‌? അങ്ങനെ​യുള്ള നിയമി​തർക്ക്‌ യഹോ​വ​യു​ടെ ആടുക​ളോട്‌ എങ്ങനെ ആർദ്ര​മായ പരിഗണന കാണി​ക്കാൻ കഴിയും?

ആട്ടിൻകൂ​ട്ട​ത്തിൻമേൽ കർതൃ​ത്വം നടത്താ​തി​രി​ക്കു​ക

5. (എ) ലൗകി​ക​നേ​താ​ക്കൻമാർ മിക്ക​പ്പോ​ഴും തങ്ങളുടെ പ്രജക​ളോട്‌ എങ്ങനെ പെരു​മാ​റു​ന്നു? (ബി) തന്റെ അനുഗാ​മി​ക​ളു​ടെ ഇടയിൽ ക്രൂര​ഭ​ര​ണ​ത്തിന്‌ ഇടമി​ല്ലെന്ന്‌ യേശു എങ്ങനെ പ്രകട​മാ​ക്കി?

⁵ ക്രിസ്‌തീയ മൂപ്പൻമാർ നമ്മോട്‌ സഹതാ​പ​പൂർവം പെരു​മാ​റാൻ നമുക്ക്‌ ഉചിത​മാ​യി പ്രതീ​ക്ഷി​ക്കാൻ കഴിയും. അവർ മിക്ക​പ്പോ​ഴും തങ്ങളുടെ പ്രജക​ളു​ടെ​മേൽ കർതൃ​ത്വം നടത്തുന്ന ലൗകിക ഭരണാ​ധി​പൻമാ​രെ​പ്പോ​ലെയല്ല. ഉദാഹ​ര​ണ​ത്തിന്‌, (ക്രി.വ. 768-814 വരെ ഭരിച്ച) ഫ്രാങ്കിഷ്‌ രാജാ​വാ​യി​രുന്ന ഷാൾമാൻ “കൊല്ലു​മെന്ന്‌ ഭീഷണി​പ്പെ​ടു​ത്തി സ്‌നാ​പനം സ്വീക​രി​ക്കാൻ സാക്‌സൻമാ​രെ നിർബ​ന്ധി​ക്കു​ക​യും നോമ്പ്‌ ലംഘി​ക്കു​ന്ന​വർക്ക്‌ അതിക​ഠി​ന​മായ ശിക്ഷ വിധി​ക്കു​ക​യും എല്ലായി​ട​ത്തും പ്രേര​ണക്കു പകരം ബലം പ്രയോ​ഗി​ക്കു​ക​യും ചെയ്‌തു.” (വില്യം ജോൺസി​നാൽ വിരചി​ത​മായ ക്രിസ്‌തീയ സഭയുടെ ചരിത്രം) യേശു​വി​ന്റെ അനുഗാ​മി​ക​ളു​ടെ ഇടയിൽ ക്രൂര​ഭ​ര​ണ​ത്തിന്‌ ഇടമില്ല, എന്തെന്നാൽ അവൻ ഇങ്ങനെ പറഞ്ഞു: “പുറജാ​തി​ക​ളു​ടെ ഭരണാ​ധി​കാ​രി​കൾ അവരു​ടെ​മേൽ കർതൃ​ത്വം നടത്തു​ന്നു​വെന്ന്‌ നിങ്ങൾക്ക​റി​യാം, അവരുടെ മഹാൻമാർ അവരു​ടെ​മേൽ ക്രൂര​ഭ​രണം നടത്തുന്നു. നിങ്ങളു​ടെ ഇടയിൽ അങ്ങനെ ആയിരി​ക്കാ​വു​ന്നതല്ല, എന്നാൽ നിങ്ങളു​ടെ ഇടയിൽ വലിയ​വ​നാ​യി​രി​ക്കാൻ ആഗ്രഹി​ക്കുന്ന ഏവനും നിങ്ങളു​ടെ ദാസനാ​യി​രി​ക്കണം, നിങ്ങളു​ടെ ഇടയിൽ ഒന്നാം സ്ഥാനം വഹിക്കാൻ ആഗ്രഹി​ക്കുന്ന ഏവനും നിങ്ങളു​ടെ അടിമ​യാ​യി​രി​ക്കണം, മനുഷ്യ​പു​ത്രൻ ശുശ്രൂ​ഷി​ക്ക​പ്പെ​ടാ​നല്ല, പിന്നെ​യോ മററു​ള്ള​വരെ ശുശ്രൂ​ഷി​ക്കാ​നും തന്റെ ജീവൻ മററ​നേ​കരെ വീണ്ടെ​ടു​ക്കാൻ കൊടു​ക്കാ​നും വന്നതു​പോ​ലെ​തന്നെ.”—മത്തായി 20:25-28, ഒരു അമേരി​ക്കൻ ഭാഷാ​ന്തരം.

6. (എ) മൂപ്പൻമാ​രെ സംബന്ധിച്ച്‌ ഏതു അടിസ്ഥാന വസ്‌തു​തകൾ മുന്തി​നിൽക്കു​ന്നു? (ബി) മൂപ്പൻമാ​രിൽനിന്ന്‌ എന്ത്‌ പ്രതീ​ക്ഷി​ക്കാൻ സഭക്ക്‌ ന്യായ​മുണ്ട്‌, ഈ പുരു​ഷൻമാർ തങ്ങളെ​ത്തന്നെ എങ്ങനെ വീക്ഷി​ക്കണം?

⁶ ‘ഒരു മേൽവി​ചാ​രക സ്ഥാനത്തി​നാ​യി എത്തിപ്പി​ടി​ക്കുന്ന ഒരു ക്രിസ്‌തീയ പുരുഷൻ ഒരു നല്ല വേല ആഗ്രഹി​ക്കു​ന്നു.’ (1 തിമൊ​ഥെ​യോസ്‌ 3:1) നാം ഇതും ഇപ്പോൾ ഉദ്ധരിച്ച യേശു​വി​ന്റെ ബുദ്ധി​യു​പ​ദേ​ശ​വും പരിഗ​ണി​ക്കു​മ്പോൾ ഈ അടിസ്ഥാ​ന​വ​സ്‌തു​തകൾ മുന്തി​നിൽക്കു​ന്നു: (1) ക്രിസ്‌തീയ മൂപ്പൻമാർ മററു​ള്ള​വ​രു​ടെ​മേൽ ക്രൂര​ഭ​രണം നടത്തരുത്‌; (2) യേശു​വി​ന്റെ അനുഗാ​മി​ക​ളു​ടെ ഇടയിൽ ഉത്തരവാ​ദി​ത്തം വഹിക്കു​ന്നവർ അവരുടെ അടിമകൾ ആയിരി​ക്കണം, യജമാ​നൻമാ​രാ​യി​രി​ക്ക​രുത്‌; (3) ഒരു മേൽവി​ചാ​ര​ക​സ്ഥാ​ന​ത്തി​നാ​യി എത്തിപ്പി​ടി​ക്കുന്ന പുരു​ഷൻമാർ അതിനെ “ഒരു നല്ല വേല”യായി വീക്ഷി​ക്കണം, ഒരു ഉന്നതസ്ഥാ​ന​മാ​യി​ട്ടല്ല. (സദൃശ​വാ​ക്യ​ങ്ങൾ 25:27; 1 കൊരി​ന്ത്യർ 1:31) “മൂപ്പൻ” എന്ന പദം യാതൊ​രു മനുഷ്യ​നെ​യും യഹോ​വ​യു​ടെ മററു ആരാധ​കർക്കു മീതെ ഉയർത്തു​ന്നില്ല. പകരം, സകല മൂപ്പൻമാ​രും ആത്മീയ​പ​ക്വ​ത​യും അനുഭ​വ​പ​രി​ച​യ​വു​മു​ള്ള​വ​രാ​യി വിശു​ദ്ധ​സേ​വ​ന​ത്തിൽ നേതൃ​ത്വം വഹിക്കുന്ന താഴ്‌മ​യുള്ള പുരു​ഷൻമാ​രാ​യി​രി​ക്കാൻ പ്രതീ​ക്ഷി​ക്കു​ന്ന​തിന്‌ സഭക്ക്‌ കാരണ​മുണ്ട്‌. തീർച്ച​യാ​യും, മൂപ്പൻമാർ യഹോ​വ​യാം ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും സഹക്രി​സ്‌ത്യാ​നി​ക​ളു​ടെ​യും വിനീ​ത​രായ അടിമ​ക​ളാ​യി തങ്ങളേ​ത്തന്നെ വീക്ഷി​ക്കണം.—റോമർ 12:11; ഗലാത്യർ 5:13; കൊ​ലോ​സ്യർ 3:24.

7. (എ) മൂപ്പൻമാർ മററു​ള്ള​വ​രോട്‌ ഇടപെ​ടു​മ്പോൾ 2 കൊരി​ന്ത്യർ 1:24 എങ്ങനെ ബാധക​മാ​ക്കണം? (ബി) ഭരണസം​ഘ​ത്തിൽനിന്ന്‌ ലഭിക്കുന്ന നിർദ്ദേ​ശങ്ങൾ സംബന്ധിച്ച്‌ മൂപ്പൻമാർ എന്ത്‌ ചെയ്യണം?

⁷ മററു​ള്ള​വർക്കു​വേണ്ടി താഴ്‌മ​യോ​ടെ അനുഷ്‌ഠി​ക്കുന്ന സേവനം സ്വാഭാ​വി​ക​മാ​യി അവരു​ടെ​മേൽ “കർതൃ​ത്വം നടത്തുന്ന”തിൽനിന്ന്‌ ഒരു മൂപ്പനെ തടയുന്നു. നമ്മുടെ മേൽവി​ചാ​ര​കൻമാർ പൗലോ​സി​ന്റേ​തു​പോ​ലെ​യുള്ള ഒരു മനോ​ഭാ​വം പ്രകട​മാ​ക്കു​ന്നത്‌ എത്ര നല്ലതാണ്‌! അവൻ കൊരി​ന്തി​ലെ ക്രിസ്‌ത്യാ​നി​ക​ളോട്‌ ഇങ്ങനെ പറഞ്ഞു: ‘ഞങ്ങൾ നിങ്ങളു​ടെ വിശ്വാ​സ​ത്തിൻമേൽ യജമാ​നൻമാ​രല്ല, പിന്നെ​യോ ഞങ്ങൾ നിങ്ങളു​ടെ സന്തോ​ഷ​ത്തി​നാ​യുള്ള കൂട്ടു​വേ​ല​ക്കാ​രാണ്‌.’ (2 കൊരി​ന്ത്യർ 1:24) അതനു​സ​രിച്ച്‌, സ്‌നേ​ഹ​പു​ര​സ്സ​ര​മായ മേൽവി​ചാ​രണ നടത്തു​ന്നവർ അനാവ​ശ്യ​മായ മാനു​ഷ​നി​ബ​ന്ധ​ന​കൾകൊണ്ട്‌ സഹവി​ശ്വാ​സി​കളെ ഭാര​പ്പെ​ടു​ത്തു​ന്നില്ല. പകരം, യഹോ​വ​യു​ടെ സാക്ഷി​ക​ളു​ടെ ഇടയിലെ മേൽവി​ചാ​ര​കൻമാർ തിരു​വെ​ഴു​ത്തു​ത​ത്വ​ങ്ങ​ളാൽ ഭരിക്ക​പ്പെ​ടു​ക​യും ദയാപൂർവ​ക​വും സഹായ​ക​വു​മായ സേവനം അനുഷ്‌ഠി​ക്കു​ക​യും​ചെ​യ്യു​ന്നു. അവർ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തിൽനിന്ന്‌ ലഭിക്കുന്ന നിർദ്ദേ​ശങ്ങൾ പെട്ടെന്ന്‌ ബാധക​മാ​ക്കി​ക്കൊണ്ട്‌ ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആഴമായ ആദരവു കാണി​ക്കു​ക​യും ചെയ്യുന്നു.—പ്രവൃ​ത്തി​കൾ, അദ്ധ്യായം 15.

8. പൗലോ​സിന്‌ സഹവി​ശ്വാ​സി​ക​ളോട്‌ എന്ത്‌ മനോ​ഭാ​വ​മു​ണ്ടാ​യി​രു​ന്നു, ഇത്‌ 20-ാം നൂററാ​ണ്ടി​ലെ മൂപ്പൻമാ​രെ എങ്ങനെ ബാധി​ക്കണം?

⁸ പൗലോ​സിന്‌ ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആർദ്ര​മായ പരിഗണന ഉണ്ടായി​രു​ന്ന​തു​കൊണ്ട്‌ അവന്‌ തെസ്സ​ലോ​നി​ക്യ​യി​ലെ ക്രിസ്‌ത്യാ​നി​ക​ളോട്‌ ഇങ്ങനെ പറയാൻക​ഴി​ഞ്ഞു: “ഞങ്ങൾ നിങ്ങളു​ടെ ഇടയിൽ മുലയൂ​ട്ടുന്ന ഒരു അമ്മ തന്റെ സ്വന്തം കുഞ്ഞു​ങ്ങളെ പോറ​റി​പ്പു​ലർത്തു​മ്പോ​ഴെ​ന്ന​പോ​ലെ സൗമ്യ​രാ​യി​ത്തീർന്നു. അങ്ങനെ, നിങ്ങ​ളോട്‌ ഊഷ്‌മ​ള​മായ പ്രിയം ഉണ്ടായി​രു​ന്ന​തി​നാൽ ദൈവ​ത്തി​ന്റെ സുവാർത്ത മാത്രമല്ല, ഞങ്ങളുടെ സ്വന്തം ദേഹി​കൾകൂ​ടെ നിങ്ങൾക്ക്‌ നൽകാൻ ഞങ്ങൾക്ക്‌ വളരെ സന്തോ​ഷ​മാ​യി​രു​ന്നു, എന്തു​കൊ​ണ്ടെ​ന്നാൽ നിങ്ങൾ ഞങ്ങൾക്ക്‌ പ്രിയ​രാ​യി​ത്തീർന്നു.” (1 തെസ്സ​ലോ​നി​ക്യർ 2:7, 8) സ്വന്തം താത്‌പ​ര്യ​ങ്ങൾക്കു​പരി തന്റെ കുഞ്ഞു​ങ്ങ​ളു​ടെ താത്‌പ​ര്യ​ങ്ങളെ കരുതു​ക​യും അവരോട്‌ ഊഷ്‌മ​ള​മായ പരിഗണന കാണി​ക്കു​ക​യും ചെയ്യത്ത​ക്ക​വണ്ണം അവരെ വളരെ അഗാധ​മാ​യി സ്‌നേ​ഹി​ക്കുന്ന മുലയൂ​ട്ടുന്ന ഒരു മാതാ​വി​നെ​പ്പോ​ലെ പൗലോസ്‌ പ്രവർത്തി​ച്ചു. ദൈവ​ത്തി​ന്റെ ആട്ടിൻകൂ​ട്ട​ത്തോ​ടെ​ന്ന​പോ​ലെ ആർദ്ര​ത​യോ​ടെ പെരു​മാ​റാൻ ഇത്‌ 20-ാം നൂററാ​ണ്ടി​ലെ മൂപ്പൻമാ​രെ എങ്ങനെ പ്രേരി​പ്പി​ക്കേ​ണ്ട​താണ്‌!

ആശ്വാ​സ​ത്തി​ന്റെ​യും നവോൻമേ​ഷ​ത്തി​ന്റെ​യും ഉറവുകൾ

9. യഹോ​വ​യു​ടെ ഏതൽക്കാല ജനത്തിന്റെ ഏതു സാഹച​ര്യ​ങ്ങൾ യെശയ്യാവ്‌ 32:1, 2ൽ മുൻകൂ​ട്ടി​പ്പ​റ​ഞ്ഞി​രു​ന്നു?

⁹ യേശു​ക്രി​സ്‌തു​വി​നാ​ലുള്ള രാജ്യ​ഭ​ര​ണ​ത്തി​ന്റെ ഈ നാളി​ലേക്ക്‌ വിരൽചൂ​ണ്ടി​ക്കൊണ്ട്‌ ഒരു രാജാവ്‌ “നീതി​ക്കു​വേ​ണ്ടി​ത്തന്നെ വാഴു​മെ​ന്നും” “പ്രഭു​ക്കൻമാർ” “ന്യായ​ത്തി​നു​വേ​ണ്ടി​ത്തന്നെ” ഭരിക്കു​മെ​ന്നും യെശയ്യാ​പ്ര​വാ​ചകൻ മുൻകൂ​ട്ടി​പ്പ​റഞ്ഞു. അതു​കൊണ്ട്‌ ഏതൽക്കാ​ലത്തെ ദിവ്യാ​ധി​പ​ത്യ​സ്ഥാ​പ​ന​ത്തി​ലുള്ള മൂപ്പൻമാർ സ്ഥാപിത സ്വർഗ്ഗീ​യ​രാ​ജ്യ​ത്തി​ന്റെ താത്‌പ​ര്യ​ങ്ങൾ കൈകാ​ര്യം ചെയ്യുന്നു—തീർച്ച​യാ​യും പ്രഭു​നിർവി​ശേ​ഷ​മായ സേവനം! ഉത്തരവാ​ദി​ത്ത​മുള്ള ഈ പുരു​ഷൻമാർക്ക്‌ യെശയ്യാ​വി​ന്റെ കൂടു​ത​ലായ പ്രാവ​ച​നി​ക​വ​ച​നങ്ങൾ ബാധക​മാ​കു​ന്നു: “ഓരോ​രു​ത്ത​നും കാററിൽനി​ന്നുള്ള ഒരു മറവി​ട​വും പിശറിൽനി​ന്നുള്ള ഒരു ഒളിപ്പി​ട​വും​പോ​ലെ​യെന്ന്‌, വെള്ളമി​ല്ലാത്ത ഒരു രാജ്യത്തെ നീരൊ​ഴു​ക്കു​കൾ പോ​ലെ​യെന്ന്‌, ക്ഷീണമുള്ള ഒരു ദേശത്തെ ഒരു വൻപാ​റ​യു​ടെ തണൽപോ​ലെ​യെന്ന്‌, തെളി​യണം.”—യെശയ്യാവ്‌ 32:1, 2.

10. യഹോ​വ​യു​ടെ സാക്ഷി​ക​ളു​ടെ ഇടയിലെ ഓരോ മൂപ്പനും എന്തിന്റെ ഒരു ഉറവാ​യി​രി​ക്കണം?

¹⁰ ക്രൈ​സ്‌ത​വ​ലോ​ക​ത്തി​ലെ മർദ്ദക​രായ മതനേ​താ​ക്കൻമാ​രിൽനിന്ന്‌ വ്യത്യ​സ്‌ത​മാ​യി, യഹോ​വ​യു​ടെ സാക്ഷി​ക​ളു​ടെ ഇടയിലെ മൂപ്പൻമാർ ആശ്വാ​സ​ത്തി​ന്റെ​യും നവോൻമേ​ഷ​ത്തി​ന്റെ​യും ഉറവു​ക​ളാണ്‌. പ്രായ​മേ​റിയ പുരു​ഷൻമാ​രു​ടെ സംഘങ്ങ​ളെന്ന നിലയിൽ അവർ യഹോ​വ​യു​ടെ ജനത്തിന്റെ ഇടയിൽ സമാധാ​ന​വും പ്രശാ​ന്ത​ത​യും സുരക്ഷി​ത​ത്വ​വും ഉന്നമി​പ്പി​ക്കു​ന്നു. വ്യക്തി​പ​ര​മാ​യി, ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ പെരു​മാ​റി​ക്കൊണ്ട്‌ ഓരോ മൂപ്പനും ഈ നല്ല അവസ്ഥക്ക്‌ സംഭാ​വ​ന​ചെ​യ്യാൻ കഴിയും.

ന്യായ​ത്തോ​ടും നീതി​യോ​ടും​കൂ​ടെ

11. (എ) ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളു​ടെ ഇടയിൽ സ്ഥിതി​ചെ​യ്‌തി​രുന്ന ഏതു പൊതു അവസ്ഥ ഇന്നത്തെ യഹോ​വ​യു​ടെ സാക്ഷി​ക​ളു​ടെ മിക്ക സഭകളി​ലും പ്രബല​പ്പെ​ട്ടി​രി​ക്കു​ന്നു? (ബി) മേൽവി​ചാ​ര​കൻമാർക്ക്‌ സഭയോട്‌ എന്ത്‌ ഉത്തരവാ​ദി​ത്ത​മുണ്ട്‌, എന്തു​കൊണ്ട്‌?

¹¹ ഒന്നാം നൂററാ​ണ്ടി​ലെ ക്രിസ്‌തീ​യ​സ​ഭ​ക​ളിൽ ചിലതിൽ പ്രശ്‌നങ്ങൾ ഉയർന്നു​വ​ന്നെ​ങ്കി​ലും അവയുടെ പൊതു അവസ്ഥ സമാധാ​ന​ത്തി​ന്റെ​യും ഐക്യ​ത്തി​ന്റെ​യും സന്തോ​ഷ​ത്തി​ന്റെ​യും അവസ്ഥയാ​യി​രു​ന്നു. (1 കൊരി​ന്ത്യർ 1:10-12; 3:5-9; എഫേസ്യർ 1:2; യാക്കോബ്‌ 2:1-9; 3:2-12; 4:11, 12; 1 യോഹ​ന്നാൻ 1:3, 4) ദൈവ​ത്തി​ന്റെ അനു​ഗ്ര​ഹ​ത്താ​ലും ക്രിസ്‌തു​വി​ന്റെ നേതൃ​ത്വ​ത്താ​ലും നിയമിത മേൽവി​ചാ​ര​കൻമാ​രു​ടെ വിശ്വ​സ്‌ത​വേ​ല​യാ​ലും ഇന്നത്തെ യഹോ​വ​യു​ടെ സാക്ഷി​ക​ളു​ടെ മിക്ക സഭകളി​ലും ഒരു നല്ല ആത്മീയാ​വസ്ഥ സ്ഥിതി​ചെ​യ്യു​ന്നുണ്ട്‌. സഭാപ​ര​മായ സമാധാ​ന​ത്തി​നും ഐക്യ​ത്തി​നും സന്തോ​ഷ​ത്തി​നും ഉറപ്പു​വ​രു​ത്തു​ന്ന​തിന്‌, ഈ പുരു​ഷൻമാർ ദിവ്യ​സ​ഹാ​യം തേടു​ക​യും ദൈവ​ത്തി​ന്റെ സ്ഥാപനത്തെ ധാർമ്മി​ക​മാ​യും ആത്മീയ​മാ​യും ശുദ്ധമാ​യി സൂക്ഷി​ക്കാൻ ഉത്സാഹ​പൂർവം ശ്രമി​ക്കു​ക​യും ചെയ്യുന്നു. (യെശയ്യാവ്‌ 52:11) ഒരു അശുദ്ധ സ്ഥാപന​ത്തിന്‌ ഒരിക്ക​ലും സമാധാ​ന​മോ സന്തോ​ഷ​മോ ഉള്ളതാ​യി​രി​ക്കാൻ കഴിക​യില്ല. അതിനു തീർച്ച​യാ​യും ദൈവാം​ഗീ​കാ​ര​മോ അനു​ഗ്ര​ഹ​മോ ഉണ്ടായി​രി​ക്ക​യില്ല. അവൻ “ദോഷം കാണാൻ കഴിയാ​ത്ത​വണ്ണം വളരെ ശുദ്ധമായ കണ്ണുക​ളു​ള്ള​വ​നാണ്‌, ദുഷ്‌പ്ര​വൃ​ത്തി​യെ അനുവ​ദി​ക്കാൻ കഴിയാ​ത്ത​വ​ണ്ണം​തന്നെ.” (ഹബക്കൂക്ക്‌ 1:13) അപ്പോൾ മൂപ്പൻമാർ, മററു​ള്ള​വ​യു​ടെ കൂട്ടത്തിൽ, നീതി​ന്യാ​യ​കാ​ര്യ​ങ്ങൾ നേരോ​ടെ തിരു​വെ​ഴു​ത്തു​പ​ര​മായ ഒരു രീതി​യിൽ ശ്രദ്ധി​ക്കാൻ പ്രതീ​ക്ഷി​ക്ക​പ്പെ​ടു​ന്നു. എന്നാൽ അങ്ങനെ​യുള്ള കേസുകൾ കൈകാ​ര്യം​ചെ​യ്യു​മ്പോൾ ഓർത്തി​രി​ക്കേണ്ട ചില വസ്‌തു​തകൾ എന്തൊ​ക്കെ​യാണ്‌?

12. ബൈബിൾനി​യ​മ​ങ്ങ​ളെ​യോ തത്വങ്ങ​ളെ​യോ ലംഘി​ക്കാത്ത വ്യക്തി​പ​ര​മായ കാര്യങ്ങൾ അന്വേ​ഷി​ക്കാൻ മൂപ്പൻമാ​രോട്‌ ആവശ്യ​പ്പെ​ടു​ന്നി​ല്ലെ​ങ്കി​ലും ഗലാത്യർ 6:1ന്റെ വീക്ഷണ​ത്തിൽ എന്തു ചെയ്യ​പ്പെ​ടണം?

¹² ഒരു സംഗതി, വ്യക്തി​പ​ര​മായ ഭിന്നതകൾ ഉൾപ്പെ​ടുന്ന കേസു​ക​ളിൽ വ്യക്തി​കൾക്ക്‌ സ്വകാ​ര്യ​മാ​യി കാര്യങ്ങൾ പറഞ്ഞു​തീർക്കുക സാദ്ധ്യ​മാ​യേ​ക്കാം. (മത്തായി 18:15-17) മൂപ്പൻമാർ ‘നമ്മുടെ വിശ്വാ​സ​ത്തിൻമേൽ യജമാ​നൻമാർ’ അല്ലാത്ത​തി​നാൽ ബൈബിൾനി​യ​മ​ങ്ങ​ളു​ടെ​യും തത്വങ്ങ​ളു​ടെ​യും ഗൗരവ​മുള്ള ലംഘനങ്ങൾ ഉൾപ്പെ​ടാത്ത ശുദ്ധമേ വ്യക്തി​പ​ര​മായ കാര്യങ്ങൾ അവർ അന്വേ​ഷി​ക്കാൻ പ്രതീ​ക്ഷി​ക്ക​പ്പെ​ടു​ന്നില്ല. സ്വാഭാ​വി​ക​മാ​യി, ഒരു വ്യക്തി “ഏതെങ്കി​ലും തെററായ നടപടി അതി​നെ​ക്കു​റിച്ച്‌ ബോധ​വാ​നാ​കു​ന്ന​തി​നു​മുമ്പ്‌” എടുത്ത​താ​യി തെളി​വു​ണ്ടെ​ങ്കിൽ ആത്മീയ യോഗ്യ​ത​ക​ളു​ള്ളവർ “സൗമ്യ​ത​യു​ടെ ഒരു ആത്മാവിൽ അങ്ങനെ​യുള്ള ഒരു മനുഷ്യ​നെ യഥാസ്ഥാ​ന​പ്പെ​ടു​ത്താൻ ശ്രമിക്കേ”ണ്ടതാണ്‌.—ഗലാത്യർ 6:1.

13. മൂപ്പൻമാർ കേട്ടു​കേൾവി​യെ അല്ല, ദുഷ്‌പ്ര​വൃ​ത്തി​യു​ടെ തെളി​വി​നെ അടിസ്ഥാ​ന​പ്പെ​ടു​ത്തി മാത്രമേ പ്രവർത്തി​ക്കാ​വൂ എന്ന്‌ തിരു​വെ​ഴു​ത്തു​കൾ പ്രകട​മാ​ക്കു​ന്ന​തെ​ങ്ങനെ?

¹³ മൂപ്പൻമാർ “നീതി​ക്കു​വേ​ണ്ടി​ത്തന്നെ” എല്ലായ്‌പ്പോ​ഴും നിഷ്‌പ​ക്ഷ​മാ​യി സേവി​ക്കേ​ണ്ട​താണ്‌. അതു​കൊണ്ട്‌ അവർ കേവലം കേട്ടു​കേൾവി​യെയല്ല, ദുഷ്‌പ്ര​വൃ​ത്തി​യു​ടെ തെളി​വി​നെ അടിസ്ഥാ​ന​പ്പെ​ടു​ത്തി പ്രവർത്തി​ക്കേ​ണ്ട​താണ്‌. പൗലോസ്‌ ഇങ്ങനെ ബുദ്ധി​യു​പ​ദേ​ശി​ച്ചു: “രണ്ടോ മൂന്നോ സാക്ഷി​ക​ളു​ടെ തെളി​വിൻമേ​ല​ല്ലാ​തെ ഒരു പ്രായ​മേ​റിയ പുരു​ഷ​നെ​തി​രായ ഒരു ആരോ​പണം അംഗീ​ക​രി​ക്ക​രുത്‌.” (1 തിമൊ​ഥെ​യോസ്‌ 5:19) യഹോ​വ​യു​ടെ പ്രമാ​ണ​മ​നു​സ​രിച്ച്‌, പുരാതന ഇസ്ര​യേ​ലിൽ മരണാർഹ​മായ പാപം ആരോ​പി​ക്ക​പ്പെട്ട ഒരു വ്യക്തി ‘ഒരു സാക്ഷി​യു​ടെയല്ല, രണ്ടോ മൂന്നോ സാക്ഷി​ക​ളു​ടെ വായ്‌മൊ​ഴി​യാൽ’ വധിക്ക​പ്പെ​ട​ണ​മാ​യി​രു​ന്നു. തന്നെയു​മല്ല, കുററ​മാ​രോ​പി​ക്ക​പ്പെ​ട്ട​യാ​ളിന്‌ തന്റെ കുററാ​രോ​പ​കരെ അഭിമു​ഖീ​ക​രി​ക്കാൻ പ്രത്യ​ക്ഷ​ത്തിൽ അവസര​മു​ണ്ടാ​യി​രു​ന്നു. തെളിവു മതിയാ​യ​താ​യി​രു​ന്നെ​ങ്കിൽ ‘ഒന്നാമ​താ​യി, സാക്ഷി​ക​ളു​ടെ കൈ അവനെ കൊല്ലു​ന്ന​തിന്‌ അവന്റെ​മേൽ വരേണ്ട​താ​യി​രു​ന്നു.’—ആവർത്തനം 17:6, 7.

14. (എ) ദിയൊ​ത്രെ​ഫെസ്‌ എന്തു ചെയ്യാൻ തെററാ​യി ശ്രമിച്ചു? (ബി) മൂപ്പൻമാർ നീതി​ന്യാ​യ​കാ​ര്യ​ങ്ങൾ കൈകാ​ര്യം​ചെ​യ്യു​മ്പോൾ ദൈവം അവരിൽനിന്ന്‌ എന്ത്‌ പ്രതീ​ക്ഷി​ക്കു​ന്നു?

¹⁴ നീതി​ന്യാ​യ​പ​ര​മായ നടപടിക്ക്‌ തിരു​വ​ച​നാ​നു​സൃ​ത​മായ ഒരു ഈടുററ അടിസ്ഥാ​ന​മു​ണ്ടാ​യി​രി​ക്കണം. സഭാ​മേൽവി​ചാ​ര​കൻമാർ ക്രി.വ. ഒന്നാം നൂററാ​ണ്ടി​ലെ അഹങ്കാ​രി​യാ​യി​രുന്ന ദിയൊ​ത്രെ​ഫെ​സി​നെ​പ്പോ​ലെ​യ​ല്ലാ​ത്ത​തിൽ നാം എത്ര സന്തുഷ്‌ട​രാണ്‌! അയാൾ സഞ്ചാര​സ​ഹോ​ദ​രൻമാ​രെ അതിഥി​പ്രി​യ​ത്തോ​ടെ സ്വീക​രി​ക്കാൻ ആഗ്രഹി​ച്ച​വരെ “സഭയിൽനിന്ന്‌ പുറന്ത​ള്ളാൻ” തെററാ​യി ശ്രമിച്ചു. അപ്പോ​സ്‌ത​ല​നായ യോഹ​ന്നാൻ ഇതി​നെ​യും മററു ദുഷ്‌പ്ര​വൃ​ത്തി​ക​ളെ​യും നിസ്സാ​ര​മാ​യി വീക്ഷി​ക്കാ​തെ ഇങ്ങനെ മുന്നറി​യി​പ്പു കൊടു​ത്തു: “ഞാൻ വന്നാൽ ഞാൻ അവന്റെ പ്രവൃ​ത്തി​കൾ ഓർമ്മി​പ്പി​ക്കും.” (3 യോഹ​ന്നാൻ 9, 10) അങ്ങനെ, ഒരു ഏതൽക്കാല നീതി​ന്യാ​യ​ക്ക​മ്മി​ററി സ്വീക​രി​ക്കുന്ന ഏതു പുറത്താ​ക്കൽ നടപടി​ക്കും ഒരു ബൈബിൾപ​ര​മായ അടിസ്ഥാ​ന​മു​ണ്ടെന്ന്‌ അവർക്കു​റ​പ്പു​ണ്ടാ​യി​രി​ക്കണം.a തീർച്ച​യാ​യും, ക്രിസ്‌തീയ മൂപ്പൻമാർ മററു​ള്ള​വ​രോട്‌ ഇടപെ​ടു​ന്ന​തിൽ ന്യായം​പാ​ലി​ക്കാൻ ദൈവം പ്രതീ​ക്ഷി​ക്കു​ന്നു. തീർച്ച​യാ​യും, യഹോ​വ​യു​ടെ ഭൗമി​ക​സ്ഥാ​പ​ന​ത്തി​ന്റെ കാര്യങ്ങൾ നടത്തു​ന്നവർ “പ്രാപ്‌തി​യുള്ള പുരു​ഷൻമാർ, ദൈവത്തെ ഭയപ്പെ​ടുന്ന വിശ്വാ​സ​യോ​ഗ്യ​രായ പുരു​ഷൻമാർ” ആയിരി​ക്കണം.—പുറപ്പാട്‌ 18:21.

15. നീതി​ന്യാ​യ വിചാ​ര​ണ​ക​ളിൽ പ്രാർത്ഥന എന്തു പങ്കു വഹിക്കണം?

¹⁵ ഓരോ ക്രിസ്‌തീയ നീതി​ന്യാ​യ​ക്ക​മ്മി​റ​റി​യും ഹൃദയം​ഗ​മ​മായ പ്രാർത്ഥ​ന​യിൽ യഹോ​വ​യു​ടെ സഹായം തേടണം. ഗൗരവ​മായ ദുഷ്‌പ്ര​വൃ​ത്തി ആരോ​പി​ക്ക​പ്പെ​ട്ടി​രി​ക്കുന്ന സഹോ​ദ​ര​നോ സഹോ​ദ​രി​യൊ ആയിട്ടുള്ള കൂടി​ക്കാഴ്‌ച പ്രാർത്ഥ​ന​യോ​ടെ തുടങ്ങണം. യഥാർത്ഥ​ത്തിൽ, ചർച്ചയു​ടെ സമയത്ത്‌ ദൈവ​സ​ഹാ​യ​ത്തി​ന്റെ പ്രത്യേക ആവശ്യം പൊന്തി​വ​രുന്ന ഏതു സമയത്തും പ്രാർത്ഥി​ക്കു​ന്നത്‌ ഉചിത​മാണ്‌.—യാക്കോബ്‌ 5:13-18.

16. മൂപ്പൻമാർ ഏതു രീതി​യിൽ നീതി​ന്യാ​യ​വി​ചാ​ര​ണകൾ നടത്തണം, എന്തു​കൊണ്ട്‌?

¹⁶ ദുഷ്‌പ്ര​വൃ​ത്തി ആരോ​പി​ക്ക​പ്പെ​ട്ടി​രി​ക്കുന്ന സഹവി​ശ്വാ​സി ദൈവ​ത്തി​ന്റെ ആട്ടിൻകൂ​ട്ട​ത്തി​ലെ ഒരു “ആട്‌” ആണെന്ന്‌ മൂപ്പൻമാർക്ക​റി​യാം. അതി​നോട്‌ ആദര​വോ​ടെ പെരു​മാ​റണം. (യെഹെ​സ്‌ക്കേൽ 34:7-14 താരത​മ്യ​പ്പെ​ടു​ത്തുക.) അക്ഷരീ​യ​മായ ആടുകൾക്ക്‌ ആർദ്ര​മായ പരിപാ​ലനം ആവശ്യ​മാണ്‌. എന്തു​കൊ​ണ്ടെ​ന്നാൽ അവ സംരക്ഷ​ണ​ത്തി​നു​വേണ്ടി തങ്ങളുടെ ഇടയനെ ആശ്രയി​ക്കുന്ന പേടി​യുള്ള ജീവി​ക​ളാണ്‌. അതു​കൊണ്ട്‌, പ്രാ​ദേ​ശിക സഭയിലെ പ്രതീ​കാ​ത്മക ആടുകളെ സംബന്ധി​ച്ചെന്ത്‌? നിസ്സം​ശ​യ​മാ​യി അവർ വലിയ ഇടയനായ യഹോ​വ​യാം ദൈവ​ത്തി​ന്റെ​യും നല്ല ഇടയനായ യേശു​ക്രി​സ്‌തു​വി​ന്റെ​യും പരിപാ​ല​ന​ത്തിൽ സുരക്ഷി​ത​ത്വം അനുഭ​വി​ക്കു​ന്നു. എന്നാൽ ആട്ടിൻകൂ​ട്ട​ത്തി​ന്റെ ഉപ ഇടയൻമാർ ആടുതു​ല്യ​രായ യഹോ​വ​യു​ടെ ദാസൻമാ​രു​ടെ ആന്തരി​ക​സ​മാ​ധാ​ന​ത്തി​നും സുരക്ഷി​ത​ബോ​ധ​ത്തി​നും സംഭാ​വ​ന​ചെ​യ്യുന്ന വിധങ്ങ​ളിൽ പ്രവർത്തി​ക്കേ​ണ്ട​താണ്‌. അപ്പോൾ നിങ്ങൾ ഒരു ക്രിസ്‌തീയ ഉപ ഇടയനാ​ണെ​ങ്കിൽ, നിങ്ങളു​ടെ സംരക്ഷ​ണ​യി​ലുള്ള സഹോ​ദ​രീ​സ​ഹോ​ദ​രൻമാർക്ക്‌ സുരക്ഷി​ത​ത്വ​വും പ്രശാ​ന്ത​ത​യും അനുഭ​വ​പ്പെ​ടു​ന്നു​ണ്ടോ? മൂപ്പൻമാർ ബൈബിൾനി​യ​മ​ങ്ങ​ളെ​യും തത്വങ്ങ​ളെ​യും ദൃഢമാ​യി ഉയർത്തി​പ്പി​ടി​ക്കേ​ണ്ട​താ​ണെ​ന്നു​ള്ളത്‌ സത്യം​തന്നെ. എന്നാൽ ആടുക​ളോട്‌ സ്‌നേ​ഹ​പു​ര​സ്സ​ര​മായ ഒരു വിധത്തിൽ പെരു​മാ​റാ​നും നീതി​ന്യാ​യ​വി​ചാ​ര​ണകൾ ശാന്തവും ക്രമീ​കൃ​ത​വും ദയാമ​സൃ​ണ​വും പരിഗ​ണ​ന​യോ​ടു​കൂ​ടി​യ​തു​മായ ഒരു രീതി​യിൽ നടത്താ​നും തിരു​വെ​ഴു​ത്തു​പ​ര​മാ​യി അവരോട്‌ ആവശ്യ​പ്പെ​ട്ടി​രി​ക്കു​ന്നു.

17. വിശേ​ഷിച്ച്‌ നീതി​ന്യാ​യ​വി​ചാ​ര​ണ​ക​ളിൽ ഏതു തിരു​വെ​ഴു​ത്തു​പോ​യിൻറു​കൾ മൂപ്പൻമാർ മനസ്സിൽ പിടി​ക്കണം?

¹⁷ നാം അപൂർണ്ണ​രാ​ക​യാൽ, നാം പറയുന്ന കാര്യ​ങ്ങ​ളിൽ “നമു​ക്കെ​ല്ലാം അനേകം പ്രാവ​ശ്യം പിഴവു​പ​റ​റു​ന്നു.” (യാക്കോബ്‌ 3:2) നമ്മി​ലോ​രോ​രു​ത്തർക്കും ദൈവ​ത്തി​ന്റെ കരുണ​യും ക്രിസ്‌തു​വി​ന്റെ “പ്രസാ​ദ​യാ​ഗ​വും” ആവശ്യ​മാണ്‌. (1 യോഹ​ന്നാൻ 1:8–2:2; സങ്കീർത്തനം 130:3) അതു​കൊണ്ട്‌ ഒരു ക്രിസ്‌തീയ ഇടയൻ തന്നേക്കു​റി​ച്ചു​തന്നെ വിനീ​ത​മായ ഒരു വീക്ഷണം കൈ​ക്കൊ​ള്ളേ​തുണ്ട്‌. “മനുഷ്യർ നിങ്ങ​ളോ​ടു ചെയ്യണ​മെന്ന്‌ നിങ്ങളാ​ഗ്ര​ഹി​ക്കു​ന്ന​തു​പോ​ലെ​തന്നെ അവരോ​ടും ചെയ്യുക” എന്ന യേശു​വി​ന്റെ വാക്കു​ക​ളും അയാൾ ഓർമ്മി​ക്കണം. (ലൂക്കോസ്‌ 6:31) ഈ ബുദ്ധി​യു​പ​ദേശം വിശേ​ഷാൽ നീതി​ന്യാ​യ​വി​ചാ​ര​ണ​ക​ളു​ടെ സമയത്ത്‌ ബാധക​മാ​ക്ക​പ്പെ​ടണം. ആത്മീയ​യോ​ഗ്യ​ത​യുള്ള പുരു​ഷൻമാർ തെററു ചെയ്യുന്ന ഒരു ക്രിസ്‌ത്യാ​നി​യെ ‘സൗമ്യ​ത​യു​ടെ ആത്മാവിൽ’ യഥാസ്ഥാ​ന​പ്പെ​ടു​ത്താൻ ശ്രമി​ക്കണം, ‘തങ്ങളും പരീക്ഷി​ക്ക​പ്പെ​ടാ​തി​രി​ക്കാൻ അവർ ഓരോ​രു​ത്ത​രും തങ്ങളു​ടെ​മേൽ ദൃഷ്ടി പതിപ്പി​ക്കു​മ്പോൾത്തന്നെ.’—ഗലാത്യർ 6:1; 1 കൊരി​ന്ത്യർ 10:12.

18. (എ) മൂപ്പൻമാർ നീതി​ന്യാ​യ​വി​ചാ​ര​ണ​യു​ടെ സമയത്ത്‌ മററു​ള്ള​വ​രോട്‌ പരുഷ​മാ​യി പെരു​മാ​റി​യാൽ എന്തു ഫലമു​ണ്ടാ​കാം? (ബി) മർക്കോസ്‌ 9:42-ന്റെ വീക്ഷണ​ത്തിൽ മൂപ്പൻമാ​രും മററു ക്രിസ്‌ത്യാ​നി​ക​ളും എന്തു ചെയ്യു​ന്ന​തി​നെ​തി​രെ സൂക്ഷി​ക്കണം?

¹⁸ മൂപ്പൻമാർ നീതി​ന്യാ​യ​വി​ചാ​ര​ണ​ക​ളു​ടെ സമയത്ത്‌ മററു​ള്ള​വ​രോട്‌ പരുഷ​മാ​യി പെരു​മാ​റു​ക​യാ​ണെ​ങ്കിൽ അത്‌ അങ്ങനെ​യുള്ള വ്യക്തി​കൾക്ക്‌ ഹാനി​ക​ര​മാ​ണെന്ന്‌ തെളി​ഞ്ഞേ​ക്കാം. എന്നാൽ വൈകാ​രി​ക​വും ശാരീ​രി​ക​വു​മായ ഉപദ്രവം ഉണ്ടായി​ല്ലെ​ങ്കി​ലും ഗുരു​ത​ര​മായ ആത്മീയ​ഹാ​നി നേരി​ടാം, മേൽവി​ചാ​ര​കൻമാ​രു​ടെ യോഗ്യ​ത​ക​ളും ചോദ്യം​ചെ​യ്യ​പ്പെ​ട്ടേ​ക്കാം. (യാക്കോബ്‌ 2:13 താരത​മ്യം​ചെ​യ്യുക.) അതു​കൊണ്ട്‌, നീതി​ന്യാ​യ​വി​ചാ​ര​ണ​ക​ളു​ടെ സമയത്തും മറെറല്ലാ സമയങ്ങ​ളി​ലും മൂപ്പൻമാർ ദയയു​ള്ള​വ​രാ​യി മററു​ള്ള​വർക്ക്‌ ഇടർച്ച വരുത്താ​തി​രി​ക്കാൻ സൂക്ഷി​ക്കണം. തീർച്ച​യാ​യും, ഈ കാര്യ​ത്തിൽ എല്ലാ ക്രിസ്‌ത്യാ​നി​ക​ളും ശ്രദ്ധി​ക്കേ​ണ്ട​തുണ്ട്‌, എന്തു​കൊ​ണ്ടെ​ന്നാൽ യേശു ഇങ്ങനെ പറഞ്ഞു: “വിശ്വ​സി​ക്കുന്ന ഈ ചെറി​യ​വ​രിൽ ഒരുവനെ ഇടറി​ക്കുന്ന ഏവനെ സംബന്ധി​ച്ചും ഒരു കഴുത തിരി​ക്കു​ന്ന​തരം തിരി​കല്ല്‌ അവന്റെ കഴുത്തിൽ കെട്ടി അവനെ യഥാർത്ഥ​മാ​യി കടലിൽ തള്ളിയി​ടു​ന്നു​വെ​ങ്കിൽ അതാണ്‌ അവന്‌ ഏറെ നല്ലത്‌.” (മർക്കോസ്‌ 9:42) സാധാ​ര​ണ​യാ​യി തിരി​ക്കു​ന്ന​തിന്‌ ഒരു മൃഗത്തി​ന്റെ ശക്തി ആവശ്യ​മാ​യി വരത്തക്ക​വണ്ണം മുകളി​ലത്തെ തിരി​കല്ല്‌ വളരെ വലുതാ​യി​രി​ക്കാൻ കഴിയു​മാ​യി​രു​ന്നു. അത്തര​മൊ​രു ഭാരം കഴുത്തിൽ കെട്ടി സമു​ദ്ര​ത്തിൽ എറിയ​പ്പെ​ടുന്ന ആർക്കും അതിജീ​വി​ക്കാൻ കഴിയു​മാ​യി​രു​ന്നില്ല. അപ്പോൾ, തീർച്ച​യാ​യും, തനിക്കു​ത​ന്നെ​യും അങ്ങനെ ഇടറി​ക്ക​പ്പെ​ടുന്ന ഏതു വ്യക്തി​ക്കും നിലനിൽക്കുന്ന ആത്മീയ​ദ്രോ​ഹ​ത്തിൽ കലാശി​ക്കുന്ന ഇടർച്ച വരുത്തി​ക്കൂ​ട്ടാ​തി​രി​ക്കാൻ ഒരു മൂപ്പൻ ശ്രദ്ധാ​ലു​വാ​യി​രി​ക്കണം.—ഫിലി​പ്പി​യർ 1:9-11.

സ്‌നേ​ഹ​പൂർവ​ക​മായ പരിഗണന കാണി​ക്കു​ന്ന​തിൽ തുടരുക

19. പത്രോസ്‌ കൂട്ടു​മൂ​പ്പൻമാർക്ക്‌ ഏതു ബുദ്ധി​യു​പ​ദേശം കൊടു​ത്തു, അതിന്‌ ഉചിത​മാ​യി ചെവി​കൊ​ടു​ക്കു​ന്ന​തിന്‌ അവരുടെ പ്രതീ​ക്ഷ​ക​ളോട്‌ എന്ത്‌ ബന്ധമുണ്ട്‌?

¹⁹ കൂട്ടു​മേൽവി​ചാ​ര​കൻമാർ എങ്ങനെ ആട്ടിൻകൂ​ട്ടത്തെ മേയി​ക്ക​ണ​മെന്ന്‌ കാണി​ച്ചു​കൊണ്ട്‌ അപ്പോ​സ്‌ത​ല​നായ പത്രോസ്‌ ഇങ്ങനെ എഴുതി: “നിങ്ങളു​ടെ സംരക്ഷ​ണ​യി​ലുള്ള ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കുക, നിർബ​ന്ധ​ത്താ​ലല്ല, മനസ്സോ​ടെ; സത്യസ​ന്ധ​മ​ല്ലാത്ത ആദായ​പ്രി​യം​നി​മി​ത്ത​വു​മല്ല, പിന്നെ​യോ ആകാം​ക്ഷ​യോ​ടെ; ദൈവ​ത്തി​ന്റെ അവകാ​ശ​മാ​യി​രി​ക്കു​ന്ന​വ​രു​ടെ​മേൽ കർതൃ​ത്വം​ന​ട​ത്തു​ന്ന​തു​പോ​ലെ​യു​മല്ല, പിന്നെ​യോ ആട്ടിൻകൂ​ട്ട​ത്തിന്‌ മാതൃ​ക​ക​ളാ​യി​ത്തീർന്നു​കൊ​ണ്ടു​തന്നെ. മുഖ്യ ഇടയൻ പ്രത്യ​ക്ഷ​നാ​ക്ക​പ്പെ​ട്ടി​രി​ക്കു​മ്പോൾ നിങ്ങൾക്ക്‌ മഹത്വ​ത്തി​ന്റെ വാടാത്ത കിരീടം ലഭിക്കും.” (1 പത്രോസ്‌ 5:2-4) അങ്ങനെ​യുള്ള ബുദ്ധി​യു​പ​ദേശം ബാധക​മാ​ക്കു​ന്ന​തി​നാ​ലും ദൈവ​ത്തി​ന്റെ ആട്ടിൻകൂ​ട്ട​ത്തോട്‌ സ്‌നേ​ഹ​പൂർവ​ക​മായ പരിഗണന പ്രകട​മാ​ക്കു​ന്ന​തി​നാ​ലും മാത്രമേ അഭിഷിക്ത മേൽവി​ചാ​ര​കൻമാർക്ക്‌ അമർത്യ ആത്മജീ​വി​ക​ളെന്ന നിലയിൽ തങ്ങളുടെ സ്വർഗ്ഗീ​യ​പ്ര​തി​ഫലം പ്രാപി​ക്കാ​നും ഭൗമി​ക​പ്ര​ത്യാ​ശ​ക​ളുള്ള മൂപ്പൻമാർക്ക്‌ വരാനി​രി​ക്കുന്ന ആഗോ​ള​പ​റു​ദീ​സ​യിൽ നിത്യ​ജീ​വൻ പ്രാപി​ക്കാ​നും കഴിയു​ക​യു​ള്ളു.

20. (എ) ക്രിസ്‌തീയ ഉപ ഇടയൻമാർ തങ്ങളുടെ സഹവി​ശ്വാ​സി​ക​ളോട്‌ എങ്ങനെ ഇടപെ​ടണം? (ബി) നിങ്ങൾ സ്‌നേ​ഹ​മുള്ള മൂപ്പൻമാ​രു​ടെ മാതൃ​കാ​യോ​ഗ്യ​മായ സേവന​വും സ്‌നേ​ഹ​നിർഭ​ര​മായ പരിപാ​ല​ന​വും സംബന്ധിച്ച്‌ എങ്ങനെ വിചാ​രി​ക്കു​ന്നു?

²⁰ യഹോ​വ​യാം ദൈവ​വും യേശു​ക്രി​സ്‌തു​വും സഹാനു​ഭൂ​തി​യും സ്‌നേ​ഹ​വു​മുള്ള ഇടയൻമാ​രാ​കു​ന്നു. അതു​കൊണ്ട്‌ ക്രിസ്‌തീയ ഉപ ഇടയൻമാർ ദൃഢമാ​യി ദിവ്യ​പ്ര​മാ​ണ​ങ്ങളെ ഉയർത്തി​പ്പി​ടി​ക്കു​മ്പോൾത്തന്നെ അവർ തങ്ങളുടെ ആടുതു​ല്യ​രായ സഹവി​ശ്വാ​സി​ക​ളു​മാ​യി ഇടപെ​ടു​മ്പോൾ സ്‌നേ​ഹ​വും സഹാനു​ഭൂ​തി​യും പ്രകട​മാ​ക്കണം. തീർച്ച​യാ​യും, യഹോ​വ​യു​ടെ സകല വിശ്വസ്‌ത സാക്ഷി​ക​ളും തങ്ങളുടെ സൂക്ഷി​പ്പു​ധനം കാത്തു​സൂ​ക്ഷി​ക്കു​ക​യും ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ പെരു​മാ​റു​ക​യും​ചെ​യ്യുന്ന ആത്മത്യാ​ഗി​ക​ളായ അങ്ങനെ​യുള്ള മൂപ്പൻമാ​രു​ടെ മാതൃ​കാ​യോ​ഗ്യ​മായ സേവനത്തെ ആഴമായി വിലമ​തി​ക്കു​ന്നു. നമ്മുടെ ഇടയിൽ നേതൃ​ത്വ​മെ​ടു​ക്കു​ന്ന​വ​രോട്‌ അനുസ​ര​ണ​മു​ള്ള​വ​രാ​യി​രി​ക്കു​ന്ന​തി​നാൽ ആ വിലമ​തി​പ്പും അതോ​ടു​കൂ​ടെ ഉചിത​മായ ആദരവും പ്രകട​മാ​ക്കാൻ കഴിയും. (w89 9⁄15)

[അടിക്കു​റിപ്പ്‌]

നിങ്ങളു​ടെ ആശയ​മെ​ന്താണ്‌?

◻ തന്റെ അനുഗാ​മി​ക​ളു​ടെ ഇടയിൽ ക്രൂര​ഭ​ര​ണ​ത്തിന്‌ ഇടമി​ല്ലെന്ന്‌ യേശു​ക്രി​സ്‌തു പ്രകട​മാ​ക്കി​യ​തെ​ങ്ങനെ?

◻ ഭരണസം​ഘ​ത്തിൽനിന്ന്‌ നിർദ്ദേ​ശങ്ങൾ ലഭിക്കു​മ്പോൾ മൂപ്പൻമാർ എന്തു ചെയ്യണം?

◻ യെശയ്യാവ്‌ 32:1, 2 അനുസ​രിച്ച്‌, മൂപ്പൻമാർ എന്തിന്റെ ഉറവു​ക​ളാ​യി​രി​ക്കണം?

◻ മൂപ്പൻമാർ കേവലം കേട്ടു​കേൾവി​യെ അടിസ്ഥാ​ന​പ്പെ​ടു​ത്തി പ്രവർത്തി​ക്ക​രു​തെന്ന്‌ തിരു​വെ​ഴു​ത്തു​കൾ പ്രകട​മാ​ക്കു​ന്ന​തെ​ങ്ങനെ?

◻ ക്രിസ്‌തീയ ഉപ ഇടയൻമാർ ആട്ടിൻകൂ​ട്ട​ത്തോട്‌ എങ്ങനെ പെരു​മാ​റണം?

[20-ാം പേജിലെ ചിത്രം]

ഒരു നീതി​ന്യാ​യ​ക്ക​മ്മി​ററി ഒരു സഹവി​ശ്വാ​സി​യു​മാ​യി കൂടി​വ​രു​മ്പോൾ ഹൃദയം​ഗ​മ​മായ പ്രാർത്ഥന മർമ്മ​പ്ര​ധാ​ന​മാണ്‌