ബുദ്ധി​യു​പ​ദേ​ശ​ത്തിന്‌ വേണ്ടി നിങ്ങൾ എങ്ങോട്ടു തിരി​യു​ന്നു?

നിങ്ങൾക്ക്‌ ആരെങ്കി​ലും എന്നെങ്കി​ലും കള്ളനാ​ണയം തന്നിട്ടു​ണ്ടോ? ഒരുപക്ഷേ ഇല്ലായി​രി​ക്കാം. എന്നാൽ കള്ളനാ​ണയം പ്രചരി​ക്കു​ന്നു​ണ്ടെന്ന്‌ ആരെങ്കി​ലും നിങ്ങ​ളോ​ടു പറഞ്ഞാൽ നിങ്ങൾ എങ്ങനെ പ്രതി​ക​രി​ക്കും? നിങ്ങൾ മുഷി​യു​മോ? തീർച്ച​യാ​യു​മില്ല! നിങ്ങളെ ജാഗരൂ​ക​നാ​ക്കി​യ​തിന്‌ നിങ്ങൾ നന്ദിപ​റ​ഞ്ഞേ​ക്കാം, നിങ്ങൾ കഠിനാ​ദ്ധ്വാ​നം​ചെ​യ്‌തു​ണ്ടാ​ക്കിയ നിങ്ങളു​ടെ നല്ല പണത്തിൽ കുറെ കള്ളനാ​ണ​യ​ത്തി​നു​വേണ്ടി നഷ്‌ട​പ്പെ​ടു​ത്താ​തി​രി​ക്കാൻ ശ്രദ്ധി​ക്കു​ക​യും ചെയ്യും.

നമ്മിൽ മിക്കവർക്കും കാലാ​കാ​ല​ങ്ങ​ളിൽ ബുദ്ധി​യു​പ​ദേ​ശ​വും മുന്നറി​യി​പ്പു​ക​ളും ലഭിക്കു​ന്നുണ്ട്‌. ചില മുന്നറി​യി​പ്പു​കൾ മററു ചിലതി​നെ​ക്കാൾ കൂടുതൽ പ്രയോ​ജ​ന​ക​ര​മാ​ണെ​ന്നു​ള്ളത്‌ സത്യം​തന്നെ. എന്നാൽ നിങ്ങൾ ചില ബുദ്ധി​യു​പ​ദേ​ശ​ങ്ങ​ളു​ടെ വ്യക്തി​പ​ര​മായ മൂല്യം കാണു​ന്നി​ല്ലെ​ങ്കി​ലും, അതു നൽക​പ്പെ​ട്ട​തിൽ മുഷി​യു​ന്ന​തിന്‌ അത്‌ കാരണ​മാ​ണോ?

എല്ലാവർക്കും കാലാ​കാ​ല​ങ്ങ​ളിൽ സഹായ​വും ബുദ്ധി​യു​പ​ദേ​ശ​വും ആവശ്യ​മാ​ണെ​ന്നു​ള്ള​താണ്‌ സത്യം. ഒരുവ​നും എല്ലാ ഉത്തരങ്ങ​ളും ഇല്ല. നമുക്കു ചുററും സാമ്പത്തി​ക​വും രാഷ്‌ട്രീ​യ​വു​മായ അനിശ്ചി​ത​ത്വ​മു​ള്ള​തു​കൊണ്ട്‌ എല്ലാവർക്കും ഭാവി​യെ​ക്കു​റിച്ച്‌ ഉറപ്പുള്ള പ്രത്യാശ ആവശ്യ​മാണ്‌. ദാമ്പത്യ​ബ​ന്ധ​ങ്ങ​ളിൽ പകുതി​യോ​ളം വിവാ​ഹ​മോ​ച​ന​ത്തിൽ കലാശി​ക്കുന്ന, കൗമാ​ര​പ്രായ ഗർഭധാ​ര​ണങ്ങൾ പെരു​കി​യി​രി​ക്കുന്ന, ലൈം​ഗി​ക​മാ​യി പകരുന്ന രോഗങ്ങൾ വ്യാപ​ക​മാ​യി​രി​ക്കുന്ന, ഒരു ലോക​ത്തിൽ നമുക്ക്‌ സമചി​ത്ത​ത​യുള്ള, പ്രാ​യോ​ഗി​ക​മായ, മാർഗ്ഗ​നിർദ്ദേ​ശ​ത്തി​ന്റെ അടിയ​ന്തി​രാ​വ​ശ്യ​മുണ്ട്‌. ഈ കുഴപ്പി​ക്കുന്ന വ്യവസ്ഥി​തി​യിൽ മാതാ​പി​താ​ക്കൾക്ക്‌ തങ്ങളുടെ കുട്ടി​കളെ വളർത്തു​ന്ന​തി​നുള്ള ഏററം നല്ല മാർഗ്ഗം നിശ്ചയി​ക്കു​ന്ന​തിന്‌ സഹായ​മാ​വ​ശ്യ​മാണ്‌. ആകുലീ​ക​രി​ക്കു​ന്ന​താ​യി തോന്നി​യേ​ക്കാ​വുന്ന തങ്ങളുടെ വൈരു​ദ്ധ്യാ​ത്‌മക വികാ​ര​ങ്ങ​ളെ​യും സമ്മർദ്ദ​ങ്ങ​ളെ​യും കൈകാ​ര്യം​ചെ​യ്യു​ന്ന​തിന്‌ ചെറു​പ്പ​ക്കാർക്ക്‌ സഹായ​മാ​വ​ശ്യ​മാണ്‌. സത്യസ​ന്ധ​ത​യി​ല്ലാ​യ്‌മ​യും ദുർമ്മാർഗ്ഗ​വും അക്രമ​വും അധിക​മ​ധി​കം അംഗീ​ക​രി​ക്ക​പ്പെ​ടുന്ന ഒരു ലോക​ത്തിൽ പ്രാ​യോ​ഗിക ധാർമ്മി​ക​മൂ​ല്യ​ങ്ങൾ പ്രാവർത്തി​ക​മാ​ക്കാൻ എല്ലാവർക്കും സഹായ​മാ​വ​ശ്യ​മാണ്‌.

അങ്ങനെ​യു​ള്ള സഹായം എവിടെ കണ്ടെത്താൻ കഴിയും? ജീവിതം സംബന്ധിച്ച ഏററം നല്ല ബുദ്ധി​യു​പ​ദേ​ശ​ത്തി​ന്റെ ഉറവ്‌ ദൈവ​ത്തി​ന്റെ നിശ്വ​സ്‌ത​വ​ച​ന​മായ ബൈബി​ളാണ്‌. പുരാതന സങ്കീർത്ത​ന​ക്കാ​രൻ ഇങ്ങനെ എഴുതി: “നിന്റെ വചനം എന്റെ പാദങ്ങൾക്ക്‌ ഒരു വിളക്കും എന്റെ പാതക്ക്‌ ഒരു പ്രകാ​ശ​വു​മാ​കു​ന്നു.” (സങ്കീർത്തനം 119:105) ദൈവ​വ​ചനം വായി​ക്കു​ക​യും ബാധക​മാ​ക്കു​ക​യും ചെയ്യു​ന്നവർ ഇന്നുള്ള മിക്ക കെണി​ക​ളെ​യും ഒഴിവാ​ക്കു​ന്നു. അതാണ്‌ യഹോ​വ​യു​ടെ സാക്ഷികൾ തങ്ങളുടെ അയൽക്കാ​രെ സന്ദർശി​ച്ചു​കൊ​ണ്ടും അവരോ​ടൊത്ത്‌ ബൈബിൾ ചർച്ച​ചെ​യ്‌തു​കൊ​ണ്ടും സഹസ്ര​ല​ക്ഷ​ക്ക​ണ​ക്കിന്‌ മണിക്കൂർ ചെലവ​ഴി​ക്കു​ന്ന​തി​ന്റെ ഒരു കാരണം. എന്നിരു​ന്നാ​ലും, അനേകർ ശ്രദ്ധി​ക്കു​ന്നില്ല, ചിലർ മുഷി​യു​ക​പോ​ലും ചെയ്യുന്നു. ഇത്‌ എന്തു​കൊ​ണ്ടാണ്‌?

അടഞ്ഞ മനസ്സുകൾ—എന്തു​കൊണ്ട്‌?

ശരി, അനേകർ വിശേ​ഷാൽ മതവി​ഷ​യം​സം​ബ​ന്ധിച്ച്‌ ബുദ്ധി​യു​പ​ദേശം സ്വീക​രി​ക്കു​ന്ന​തിന്‌ വളരെ വൈമ​ന​സ്യ​മു​ള്ള​വ​രാണ്‌. പള്ളിയം​ഗ​ങ്ങൾപോ​ലും എല്ലായ്‌പ്പോ​ഴും അവരുടെ ഉപദേ​ശി​മാർ കൊടു​ക്കുന്ന ബുദ്ധി​യു​പ​ദേശം ശ്രദ്ധി​ക്കാ​നാ​ഗ്ര​ഹി​ക്കു​ന്നില്ല. ഒരു ബ്രിട്ടീഷ്‌ വൈദി​കൻ ഇങ്ങനെ വിലപി​ച്ചു: “എല്ലാവർക്കും സ്വന്തം ആശയങ്ങ​ളുണ്ട്‌, അവ ഉപദേ​ഷ്ടാ​ക്കൻമാ​രു​ടേ​തു​പോ​ലെ​തന്നെ നല്ലതായി പരിഗ​ണി​ക്ക​പ്പെ​ടു​ന്നു.” അതു​കൊണ്ട്‌, ആളുകൾ തങ്ങളുടെ വീട്ടു​വാ​തിൽക്കലെ ഒരു അപരി​ചി​തനെ ശ്രദ്ധി​ക്കാൻ ആഗ്രഹി​ക്കാ​ത്തത്‌ അതിശ​യമല്ല.

തന്നെയു​മല്ല, നാം സംശയം ബാധി​ച്ചി​രി​ക്കുന്ന ഒരു യുഗത്തി​ലാണ്‌ ജീവി​ക്കു​ന്ന​തെ​ങ്കി​ലും അനേകർക്കും തങ്ങളുടെ സഭയോട്‌ ദൃഢമായ വൈകാ​രി​ക​ബ​ന്ധ​ങ്ങ​ളുണ്ട്‌. ഒരു എൻ​സൈ​ക്ലോ​പ്പീ​ഡിയ പ്രസ്‌താ​വി​ച്ച​തു​പോ​ലെ, “മതം അസംഖ്യ​മാ​ളു​ക​ളു​ടെ അത്യഗാധ വികാ​ര​ങ്ങളെ സ്‌പർശി​ക്കു​ന്നു.” അങ്ങനെ​യുള്ള ആളുകൾ ബൈബി​ളി​നെ​ക്കു​റിച്ച്‌ മറെറാ​രു മതത്തിൽപെട്ട ഒരാ​ളോട്‌ സംസാ​രി​ക്കു​ന്ന​തി​ന്റെ ആവശ്യം കാണാ​തി​രു​ന്നേ​ക്കാം, ചർച്ച അവരുടെ പ്രശ്‌ന​ങ്ങൾക്കുള്ള പരിഹാ​രം കണ്ടെത്തു​ന്ന​തി​നോ​ടുള്ള ബന്ധത്തി​ലാ​യാ​ലും.

മററു ചിലർ മതത്തിൽ ധാരാളം കപടഭ​ക്തി​യും അഴിമ​തി​യും കണ്ടിരി​ക്കു​ന്ന​തു​കൊണ്ട്‌ ബൈബിൾ ചർച്ച​ചെ​യ്യാ​നാ​ഗ്ര​ഹി​ക്കു​ന്നില്ല. ചില മതനേ​താ​ക്കൾ ദുർമ്മാർഗ്ഗം സംബന്ധിച്ച്‌ കണ്ണടച്ചു​ക​ള​യു​ന്ന​തി​നാൽ അവർ മുഷി​യു​ന്നു, അല്ലെങ്കിൽ അനേകം റെറലി​വി​ഷൻ സുവി​ശേ​ഷ​ക​രു​ടെ നിർല്ല​ജ്ജ​മായ പണക്കൊ​തി​നി​മി​ത്തം അവർക്ക്‌ വെറു​പ്പു​ണ്ടാ​യി​രി​ക്കു​ന്നു. ഒരുപക്ഷേ ഒരു വൈദി​കൻ ഒരു രാഷ്‌ട്രീ​യ​യു​ദ്ധ​ത്തിൽ ഒരു പക്ഷത്തി​നെ​തി​രെ മറെറാ​ന്നി​നെ പിന്താ​ങ്ങാൻ തന്റെ അധികാ​രം ഉപയോ​ഗി​ക്കു​മ്പോൾ അവർ അകന്നു​മാ​റു​ന്നു. അവരെ സംബന്ധി​ച്ച​ട​ത്തോ​ളം മതം അത്‌ പരിഹ​രി​ക്കു​ന്ന​തി​നേ​ക്കാ​ളേറെ പ്രശ്‌നങ്ങൾ സൃഷ്‌ടി​ക്കു​ന്ന​താ​യി തോന്നു​ന്നു.

അങ്ങനെ​യു​ള്ള​വർ പരാതി​പ​റ​യുന്ന പ്രശ്‌നങ്ങൾ യഥാർത്ഥ​മാണ്‌. മതപര​മാ​യി പറഞ്ഞാൽ, ധാരാളം “കള്ളനാ​ണയം” പ്രചരി​ക്കു​ന്നുണ്ട്‌. എന്നാൽ തീർച്ച​യാ​യും ഈ കാരണ​ത്താൽ ബൈബി​ളിൽനി​ന്നുള്ള വിലപ്പെട്ട സഹായം സ്വീക​രി​ക്കാൻ വിസമ്മ​തി​ക്കു​ന്നത്‌ കള്ളനോ​ട്ടു​കൾ പ്രചരി​ക്കു​ന്ന​തു​നി​മി​ത്തം യഥാർത്ഥ പണം സ്വീക​രി​ക്കാൻ വിസമ്മ​തി​ക്കു​ന്ന​തു​പോ​ലെ യുക്തി​ര​ഹി​ത​മാണ്‌!

നേരത്തെ പ്രസ്‌താ​വി​ച്ച​തു​പോ​ലെ, പ്രയാ​സ​ക​ര​മായ തീരു​മാ​ന​ങ്ങ​ളും അപകട​ക​ര​മായ സാഹച​ര്യ​ങ്ങ​ളു​മുള്ള ഈ ലോക​ത്തിൽ നമു​ക്കെ​ല്ലാം ബുദ്ധി​യു​പ​ദേശം ആവശ്യം​ത​ന്നെ​യാണ്‌. ബുദ്ധി​യു​പ​ദേശം സംബന്ധിച്ച്‌ ബുദ്ധി​പൂർവ​ക​മായ നിർദ്ദേ​ശം​കി​ട്ടാൻ ഏതെങ്കി​ലും മാർഗ്ഗ​മു​ണ്ടോ? ബൈബി​ളി​നെ​ക്കു​റിച്ച്‌ ഒരു വ്യത്യസ്‌ത മതത്തിൽപെട്ട ഒരാ​ളോ​ടു സംസാ​രി​ക്കു​ന്നത്‌ അനാവ​ശ്യ​മോ തെററു​പോ​ലു​മോ ആണോ? നല്ല ബുദ്ധി​യു​പ​ദേശം സ്വീക​രി​ക്കാൻത​ക്ക​വണ്ണം വിശാ​ല​മ​ന​സ്‌ക്ക​രാ​യി​രി​ക്കാ​നും തെററായ ബുദ്ധി​യു​പ​ദേ​ശ​ത്താൽ വഞ്ചിത​രാ​കാ​തി​രി​ക്കാ​നും സാധി​ക്കു​മോ? ഇതുസം​ബ​ന്ധി​ച്ചു ബൈബിൾ എന്തു പറയുന്നു? (w89 8⁄1)