തിരു​വെ​ഴു​ത്തു​ക​ളിൽ നിന്നുള്ള പാഠങ്ങൾ: മീഖാ 1:1-7:20

യഹോ​വ​യു​ടെ നീതി​യും നാമവും സമുന്ന​ത​മാ​ക്ക​പ്പെ​ടു​ന്നു

മീഖാ പ്രവാ​ചകൻ ക്രി. മു. എട്ടാം നൂററാ​ണ്ടിൽ, യിസ്രാ​യേ​ലി​ലും യഹൂദ​യി​ലും വിഗ്ര​ഹാ​രാ​ധ​ന​യും അനീതി​യും നടമാ​ടി​യി​രുന്ന ഒരു കാലത്തു ജീവി​ച്ചി​രു​ന്നു. അന്നത്തെ അവസ്ഥകൾ ഇന്നു പ്രബല​മാ​യി​രി​ക്കുന്ന അവസ്ഥക​ളോ​ടു വളരെ അടുത്ത സമാന​ത​യു​ള്ള​താ​ക​യാൽ മീഖാ​യു​ടെ ദൂതു​ക​ളും മുന്നറി​യി​പ്പു​ക​ളും നമ്മുടെ കാല​ത്തേക്ക്‌ വളരെ പ്രസക്ത​മാണ്‌. അവൻ അവതരി​പ്പിച്ച ക്രിയാ​ത്മ​ക​ങ്ങ​ളായ ദൂതുകൾ സാത്താന്റെ ആധിപ​ത്യ​ത്തിൻ കീഴി​ലുള്ള ലോക​ത്തിൽ നമുക്ക്‌ യാഥാർത്ഥ പ്രത്യാശ നൽകുന്നു.—1 യോഹ​ന്നാൻ 5:19.

മീഖാ​യു​ടെ ദൂത്‌ ഒരുപക്ഷേ പിൻവ​രുന്ന മൂന്നു വാചക​ങ്ങ​ളിൽ ഒതുക്കാൻ കഴിയും: “തിൻമ പ്രവർത്തി​ച്ചു​കൊ​ണ്ടി​രി​ക്കു​ന്ന​വർക്ക്‌ . . . അയ്യോ കഷ്ടം.” “ന്യായം പ്രവർത്തി​പ്പാ​നും ദയയെ സ്‌നേ​ഹി​പ്പാ​നും നിന്റെ ദൈവ​ത്തോ​ടു​കൂ​ടെ നടക്കു​ന്ന​തിൽ താഴ്‌മ​യു​ള്ള​വ​നാ​യി​രി​ക്കാ​നു​മ​ല്ലാ​തെ എന്താകു​ന്നു യഹോവ നിന്നിൽനിന്ന്‌ തിരികെ ചോദി​ക്കു​ന്നത്‌?” “നാമോ നമ്മുടെ ഭാഗത്ത്‌ എന്നേക്കും . . . യഹോ​വ​യു​ടെ നാമത്തിൽ നടക്കും”—മീഖാ 2:1; 6:8; 4:5.

വിഗ്ര​ഹാ​രാ​ധന കുററ വിധി​ക്ക​പ്പെ​ടു​ന്നു

യഹോവ ദുഷ്‌പ്ര​വൃ​ത്തി​ക്കാ​രെ എന്നേക്കും വച്ചു​പൊ​റു​പ്പി​ക്കു​ന്നില്ല. വിഗ്ര​ഹാ​രാ​ധ​ന​യും മത്‌സ​ര​വും യിസ്രാ​യേ​ലി​ലും യഹൂദ​യി​ലും വളരെ വ്യാപ​ക​മാ​യി​രു​ന്നു. അതു​കൊണ്ട്‌ യഹോവ അവർക്കെ​തി​രെ ഒരു സാക്ഷി​യാ​യി സേവി​ക്കു​ന്നു. അവരുടെ വിഗ്ര​ഹങ്ങൾ തകർക്ക​പ്പെ​ടും. വിഗ്ര​ഹാ​രാ​ധി​കൾ കഴുക​നെ​പ്പോ​ലെ കഷണ്ടി​യാ​വു​ക​യും പ്രവാ​സ​ത്തി​ലേക്ക്‌ പോ​കേ​ണ്ടി​വ​രി​ക​യും ചെയ്യും.—1:1-16.

വിശ്വ​സ്‌തർക്ക്‌ യഹോവ പ്രത്യാ​ശ​യു​ടെ ദൈവ​മാ​ണെന്ന്‌ തെളി​യു​ന്നു. കൗശല​ക്കാ​രായ ഏകാധി​പ​തി​കൾ കള്ളൻമാ​രും കവർച്ച​ക്കാ​രു​മെന്ന നിലയിൽ കുററം വിധി​ക്ക​പ്പെ​ട്ടി​രി​ക്കു​ന്നു. അനർത്ഥം അവരു​ടെ​മേൽ വരും. എന്നിരു​ന്നാ​ലും “യിസ്രാ​യേ​ലി​ലെ ശേഷി​പ്പു​ള്ള​വർക്ക്‌” പുനഃ​സ്ഥി​തീ​ക​ര​ണ​ത്തി​ന്റെ ഒരു വാഗ്‌ദാ​നം നൽക​പ്പെ​ട്ടി​രി​ക്കു​ന്നു. “ഒരു തൊഴു​ത്തി​ലെ ആട്ടിൻകൂ​ട്ട​ത്തെ​പ്പോ​ലെ ഞാൻ അവരെ ഐക്യ​ത്തിൽ കൊണ്ടു​വ​രും” എന്ന്‌ യഹോ​വ​യു​ടെ അരുള​പ്പാട്‌.—2:1-13.

തന്റെ ജനത്തിന്റെ ഇടയിൽ ഉത്തരവാ​ദി​ത്വം വഹിക്കു​ന്നവർ നീതി നിർവ​ഹി​ക്കാൻ യഹോവ പ്രതീ​ക്ഷി​ക്കു​ന്നു. യിസ്രാ​യേ​ലി​ലെ അനീതി​ക്കാ​രായ നായകൻമാ​രോട്‌ ഇപ്രകാ​രം പറയ​പ്പെ​ട്ടി​രി​ക്കു​ന്നു: “നൻമയെ ദ്വേഷി​ക്കു​ക​യും തിൻമയെ സ്‌നേ​ഹി​ക്കു​ക​യും ആളുക​ളു​ടെ ത്വക്ക്‌ അവരു​ടെ​മേൽനി​ന്നും അവരുടെ മാംസം അവരുടെ അസ്ഥിക​ളിൽനി​ന്നും പറിച്ചു​ക​ള​യു​ന്ന​വ​രു​മാ​യോ​രെ ന്യായം അറിയുക എന്നത്‌ നിങ്ങൾക്ക്‌ വിഹി​ത​മ​ല്ല​യോ?” യഹോ​വ​യു​ടെ ആത്മാ​വോ​ടെ, നീതി​യു​ടെ​യും ശക്തിയു​ടെ​യും ആത്മാ​വോ​ടെ, മീഖാ അവർക്കെ​തി​രെ യഹോ​വ​യു​ടെ ന്യായ​വി​ധി ഉച്ചരി​ക്കു​ന്നു. നീതി​കെട്ട നായകൻമാർ കൈക്കൂ​ലി വാങ്ങി ന്യായം വിധി​ക്കു​ന്നു; പുരോ​ഹി​തൻമാർ കൂലി വാങ്ങി ഉപദേ​ശി​ക്കു​ന്നു; പ്രവാ​ച​കൻമാർ പണം വാങ്ങി ലക്ഷണം പറയുന്നു എന്നവൻ പറയുന്നു. അതു​കൊണ്ട്‌ യെരൂ​ശ​ലേം “വെറും ശൂന്യ​ശി​ഷ്ട​ങ്ങ​ളു​ടെ ഒരു കൂമ്പാ​ര​മാ​യി​ത്തീ​രും.”—3:1-12.

പ്രത്യാ​ശ​യു​ടെ ഒരു ദൂത്‌

സത്യാ​രാ​ധന ഭൂവ്യാ​പ​ക​മാ​യി​ത്തീ​രും. “നാളു​ക​ളു​ടെ അന്തിമ ഭാഗത്ത്‌” അനേക ജനതക​ളിൽനി​ന്നുള്ള ആളുകൾ യഹോ​വ​യു​ടെ വഴിക​ളിൽ പ്രബോ​ധി​പ്പി​ക്ക​പ്പെ​ടും എന്ന്‌ മീഖാ പ്രവചി​ക്കു​ന്നു. ദൈവം ന്യായ​വി​ധി നിർവ​ഹി​ക്കും, മേലാൽ യുദ്ധം ഉണ്ടായി​രി​ക്കു​ക​യില്ല. സത്യാ​രാ​ധകർ ‘എന്നേക്കും തങ്ങളുടെ ദൈവ​മായ യഹോ​വ​യു​ടെ നാമത്തിൽ നടക്കും.’ പ്രവാ​സ​വും വേദന​യും സഹി​ക്കേ​ണ്ടി​വ​രു​മെ​ങ്കി​ലും അവന്റെ ജനം അവരുടെ ശത്രു​ക്ക​ളു​ടെ ഉള്ളം​കൈ​യ്യിൽനി​ന്നു​തന്നെ മോചി​പ്പി​ക്ക​പ്പെ​ടും.—4:1-13.

ദൈവ​ത്തി​ന്റെ വാഗ്‌ദത്ത വിമോ​ച​ക​നിൽ നമുക്ക്‌ വിശ്വാ​സ​മു​ണ്ടാ​യി​രി​ക്കാൻ കഴിയും. ബേത്‌ല​ഹേ​മിൽനി​ന്നുള്ള ഒരു ഭരണാ​ധി​പൻ യഹോ​വ​യു​ടെ ശക്തിയാൽ മേയി​ക്കും. “അസ്സീറി​യാ​ക്കാ​ര​നിൽനി​ന്നുള്ള വിടുതൽ മുൻകൂ​ട്ടി​പ്പ​റ​യ​പ്പെ​ട്ടി​രി​ക്കു​ന്നു. സത്യാ​രാ​ധ​ക​രു​ടെ ഒരു ശേഷിപ്പ്‌ നവോൻമേഷം നൽകുന്ന മഞ്ഞു​പോ​ലെ​യും സമൃദ്ധ​മായ മഴപോ​ലെ​യും ആയിരി​ക്കും, എല്ലാ രൂപത്തി​ലു​മുള്ള വ്യാജ മതങ്ങളും ഭൂതാ​രാ​ധ​ന​യും വേരോ​ടെ പിഴുതു നീക്ക​പ്പെ​ടും.—5:1-15.

യഹോ​വ​യു​ടെ നീതി പ്രബല​പ്പെ​ടും

യഹോ​വ​യു​ടെ ജനം അവന്റെ ന്യായ​വും നീതി​യു​മുള്ള നിലവാ​ര​ങ്ങൾക്കൊ​ത്തു​പോ​കാൻ അവൻ പ്രതീ​ക്ഷി​ക്കു​ന്നു. മോശ​മായ ആരാധന അർഹി​ക്കാൻത​ക്ക​വണ്ണം അവൻ എന്താണ്‌ ചെയ്‌തി​ട്ടു​ള്ളത്‌? അവൻ തന്റെ ജനത്തി​നു​വേണ്ടി നല്ല കാര്യങ്ങൾ ചെയ്‌തി​രി​ക്കു​ന്നു. ‘അവർ നീതി പ്രവർത്തി​ക്ക​ണ​മെ​ന്നും ദയയെ സ്‌നേ​ഹി​ക്ക​ണ​മെ​ന്നും അവരുടെ ദൈവ​ത്തോ​ടു​കൂ​ടെ നടക്കു​ന്ന​തിൽ എളിമ​യു​ള്ള​വ​രാ​യി​രി​ക്ക​ണ​മെ​ന്നുമ​ല്ലാ​തെ എന്താകു​ന്നു യഹോവ നിങ്ങ​ളോ​ടു ചോദി​ക്കു​ന്നത്‌?’ അവർ അവരുടെ ദുഷ്‌ട​മായ അക്രമ പ്രവർത്ത​ന​ങ്ങ​ളി​ലും മുത​ലെ​ടു​പ്പി​ലും തുടരു​ക​യാ​ണെ​ങ്കിൽ അവന്റെ പ്രതി​കൂല ന്യായ​വി​ധി​യേ അവർക്ക്‌ പ്രതീ​ക്ഷി​ക്കാൻ കഴിയു​ക​യു​ള്ളു.—6:1-16.

യഹോ​വ​യു​ടെ നീതി​യി​ലും കരുണ​യി​ലും നാം ആശ്രയി​ക്കണം. കുടും​ബാം​ഗങ്ങൾ പോലും ശത്രു​ക്ക​ളാ​യി​ത്തീ​രും. എന്നാൽ മീഖാ ഇപ്രകാ​രം പറയുന്നു: “എന്റെ രക്ഷയുടെ ദൈവ​ത്തി​നു​വേണ്ടി ഞാൻ ഒരു കാത്തി​രി​പ്പിൻ മനോ​ഭാ​വം പ്രകട​മാ​ക്കും. എന്റെ ദൈവം എന്നെ കേൾക്കും.” “സ്‌നേ​ഹ​ദ​യ​യിൽ പ്രമോ​ദം കണ്ടെത്തു​ന്ന​വ​നാ​ക​യാൽ ദൈവം തീർച്ച​യാ​യും എന്നേക്കും കോപം സംഗ്ര​ഹി​ച്ചു​വ​യ്‌ക്കു​ക​യില്ല” എന്നതി​നാൽ പ്രവാ​ചകൻ ദൈവ​ത്തി​ന്റെ നീതി​യിൽ ആശ്രയി​ക്കു​ന്നു.—7:1-20.

ഇന്നേക്കുള്ള പാഠങ്ങൾ: തന്റെ ജനം നീതി പ്രവർത്തി​ക്കാൻ യഹോവ പ്രതീ​ക്ഷി​ക്കു​ന്നു. വ്യാപാര ഇടപെ​ട​ലു​ക​ളോ​ടുള്ള ബന്ധത്തിൽ ഒരു ക്രിസ്‌ത്യാ​നി ഫലത്തിൽ തന്നോ​ടു​തന്നെ ഇപ്രകാ​രം ചോദി​ക്കണം: “കള്ള ത്രാസ്സും സഞ്ചിയി​ലെ കള്ള തൂക്കങ്ങ​ളും സഹിതം എനിക്ക്‌ ധാർമ്മി​ക​മാ​യി ശുദ്ധി​യു​ള്ള​വ​നാ​യി​രി​ക്കാൻ കഴിയു​മോ?” (6:11) ഈ അന്ത്യനാ​ളു​ക​ളിൽ യഹോ​വ​യു​ടെ ജനമെ​ല്ലാം അവന്റെ ഭൗമിക സ്ഥാപന​ത്തി​ലെ സമാധാ​ന​ത്തിന്‌ സംഭാവന ചെയ്യു​ക​യും അവന്റെ സമാധാന വഴിക​ളിൽ പ്രബോ​ധനം കൈ​ക്കൊ​ള്ളു​ക​യും വേണം. യഹോ​വ​യു​ടെ നാമം സമുന്ന​ത​മാ​ക്കാ​നും സത്യാ​രാ​ധ​നയെ പ്രോ​ത്സാ​ഹി​പ്പി​ക്കാ​നും നമ്മാലാ​വ​തെ​ല്ലാം നാം ചെയ്യണം.—2:12; 4:1-4. (w89 5/1)

[32-ാം പേജിലെ ചതുരം]

ബൈബിൾ വാക്യങ്ങൾ പരി​ശോ​ധി​ക്ക​പ്പെ​ടു​ന്നു

● 1:16ഇസ്രായേലിൽ കഷണ്ടി ലജ്ജയോ​ടും വിലാ​പ​ത്തോ​ടും കഷ്ടത്തോ​ടും ബന്ധപ്പെ​ട്ടി​രു​ന്നു. (യെശയ്യാവ്‌ 3:24-26; 15:2, 3; യിരെ​മ്യാവ്‌ 47:5) മരിച്ച ഒരു ബന്ധുവി​നു​വേണ്ടി വിലാപം കഴിക്കു​മ്പോൾ തല ക്ഷൗരം ചെയ്യുന്ന സമ്പ്രദാ​യം ചില പുറജാ​തി ജനതകൾക്കി​ട​യി​ലു​ണ്ടാ​യി​രു​ന്നു. ന്യായ​പ്ര​മാ​ണ​ത്തിൻകീ​ഴിൽ സ്വാഭാ​വിക കഷണ്ടി അശുദ്ധ​മാ​യി കണക്കാ​ക്ക​പ്പെ​ട്ടി​രു​ന്നി​ല്ലെ​ങ്കി​ലും യിസ്രാ​യേ​ല്യർ “യഹോ​വക്ക്‌ ഒരു വിശുദ്ധ ജനമാ​യി​രു​ന്ന​തി​നാൽ” വിലാപം കഴിക്കു​ക​യിൽ അവർ തല ക്ഷൗരം ചെയ്യരു​താ​യി​രു​ന്നു. (ആവർത്തനം 14:1, 2) എന്നിരു​ന്നാ​ലും വിഗ്ര​ഹാ​രാ​ധ​ന​യു​ടെ പാപക​ര​മായ ഗതി നിമിത്തം ഒരു വിശുദ്ധ ജനമെന്ന നിലയിൽ അവർ അയോ​ഗ്യ​രാ​യി​ത്തീ​രു​ക​യും അവരും അവരുടെ സന്തതി​ക​ളും അടിമ​ത്ത​ത്തിന്‌ അർഹരാ​യി​ത്തീ​രു​ക​യും ചെയ്‌ത​തി​നാൽ യഹൂദ​രോ​ടും യിസ്രാ​യേ​ല്യ​രോ​ടും അവരുടെ മുടി കത്രി​ച്ചു​ക​ള​യാൻ മീഖാ ആവശ്യ​പ്പെ​ടു​ന്നു. “കഴുകൻ” എന്ന്‌ ഇവിടെ തർജ്ജമ ചെയ്‌തി​രി​ക്കുന്ന എബ്രായ പദം ഗ്രി​ഫോൺ കഴുകനെ പരാമർശി​ച്ചി​രി​ക്കാം, അതിന്‌ തലയിൽ നേർത്ത രോമങ്ങൾ മാത്ര​മേ​യു​ള്ളു. അതു ഗരുഢന്റെ ജാതി​യിൽപ്പെ​ട്ട​ത​ല്ലെ​ങ്കി​ലും അതേ വർഗ്ഗത്തിൽപെ​ട്ട​താണ്‌.

● 2:12—ഈ വാക്കുകൾ ആധുനിക നാളിൽ ആത്മീയ യിസ്രാ​യേ​ലിൽ നിവൃ​ത്തി​യാ​കു​ന്നു. (ഗലാത്യർ 6:16) വിശേ​ഷിച്ച്‌ 1919 മുതൽ മഹാബാ​ബി​ലോ​ന്റെ മതപര​മായ അടിമ​ത്ത​ത്തിൽനിന്ന്‌ രക്ഷപെ​ടു​ന്ന​തിന്‌ അഭിഷിക്ത ശേഷി​പ്പിന്‌ വഴി തുറന്നു​കി​ട്ടി. (വെളി​പ്പാട്‌ 18:2) മീഖാ മുൻകൂ​ട്ടി പറഞ്ഞതു​പോ​ലെ അവർ ‘തൊഴു​ത്തി​ലെ ആട്ടിൻകൂ​ട്ട​ത്തെ​പ്പോ​ലെ​യും മേച്ചിൽസ്ഥ​ലത്തെ കാലി​ക്കൂ​ട്ട​ത്തെ​പ്പോ​ലെ​യും’ ശേഖരി​ക്ക​പ്പെട്ടു. 1935 മുതൽ “വേറെ ആടുക​ളു​ടെ” ഒരു “മഹാപു​രു​ഷാ​രം” അവരോട്‌ ചേർന്നി​രി​ക്കു​ന്ന​തി​നാൽ വാസ്‌ത​വ​ത്തിൽ “ആൾപെ​രു​പ്പം ഹേതു​വാ​യി മുഴക്ക​മു​ണ്ടാ​യി​രി​ക്കു​ന്നു.”—വെളി​പ്പാട്‌ 7:9; യോഹ​ന്നാൻ 10:16.

● 3:1-3—മീഖാ​യു​ടെ നാളിലെ യഹോ​വ​യു​ടെ പുരാതന ജനത്തിന്റെ ക്രൂര​രായ നായകൻമാ​രും കരുണ​യുള്ള ഇടയനായ യഹോ​വ​യും തമ്മിലുള്ള ഞെട്ടി​ക്കുന്ന വിപരീത താരത​മ്യം ഇവിടെ നമുക്ക്‌ കാണാം. നീതി നിർവ​ഹി​ച്ചു​കൊണ്ട്‌ ആട്ടിൻകൂ​ട്ട​ത്തിന്‌ സംരക്ഷണം കൊടു​ക്കാ​നുള്ള നിയോ​ഗ​ത്തിൽ അവർ പരാജ​യ​പ്പെട്ടു. അവർ ആലങ്കാ​രിക ആടുക​ളു​ടെ രോമം കത്രി​ച്ചു​കൊണ്ട്‌ മാത്രമല്ല ചെന്നാ​യ്‌ക്ക​ളെ​പ്പോ​ലെ അവയുടെ തൊലി ഉരിഞ്ഞു​കൊ​ണ്ടും കൂടെ ക്രൂര​മാ​യി അവരെ​ക്കൊണ്ട്‌ മുത​ലെ​ടു​ത്തു. “രക്തച്ചൊ​രി​ച്ചിൽ നടത്തി​ക്കൊണ്ട്‌” ഈ ദുഷ്ടൻമാ​രായ ഇടയൻമാർ ആളുകൾക്ക്‌ നീതി നിഷേ​ധി​ച്ചു. (3:10) വികല​മായ വിധി​തീർപ്പു​ക​ളി​ലൂ​ടെ തങ്ങളെ​ത്തന്നെ സംരക്ഷി​ക്കാൻ കഴിവി​ല്ലാ​ത്ത​വ​രിൽനിന്ന്‌ അവരുടെ ഭവനങ്ങ​ളും ജീവിത മാർഗ്ഗ​ങ്ങ​ളും വഞ്ചി​ച്ചെ​ടു​ക്ക​പ്പെട്ടു.—2:2; യെഹെ​സ്‌ക്കേൽ 34:1-5 താരത​മ്യം ചെയ്യുക.

● 4:3—ഇവിടെ പറഞ്ഞി​രി​ക്കുന്ന “അനേകം ജനങ്ങളും പ്രബല ജനതക​ളും” രാഷ്‌ട്ര​ങ്ങ​ളോ ഗവൺമെൻറു​ക​ളൊ ആയി തിരി​ച്ച​റി​യ​പ്പെ​ടേ​ണ്ടതല്ല. മറിച്ച്‌ ഇവർ ദേശീ​യ​ത്വ​ത്തിൽനിന്ന്‌ തങ്ങളെ​ത്തന്നെ വേർപെ​ടു​ത്തി യഹോ​വ​യു​ടെ സത്യാ​രാ​ധ​ന​യു​ടെ പർവ്വത​ത്തിൽ ഏകീകൃ​ത​മായ സേവന​ത്തി​ലേക്ക്‌ തിരി​യുന്ന വ്യക്തി​ക​ളാണ്‌. (യെശയ്യാവ്‌ 2:2-4) ദൈവ​രാ​ജ്യ​ത്തി​ന്റെ പക്ഷത്ത്‌ തങ്ങളുടെ നില സ്വീക​രി​ച്ചി​രി​ക്കു​ന്ന​വർക്ക്‌ യഹോവ “ന്യായം വിധി​ക്കു​ക​യും കാര്യങ്ങൾ നേരെ​യാ​ക്കു​ക​യും” ചെയ്യുന്നു. “മഹാപു​രു​ഷാര”ത്തിൽപെട്ട ഈ വ്യക്തികൾ തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തു​കൊണ്ട്‌, തങ്ങളുടെ സഹ സാക്ഷി​ക​ളു​മാ​യി സമാധാ​ന​ത്തി​ലാ​യി​രു​ന്നു​കൊണ്ട്‌, ദിവ്യ ന്യായ​വി​ധി​യോട്‌ യോജിപ്പ്‌ പ്രകട​മാ​ക്കു​ന്നു.

● 5:2—ബേത്‌ല​ഹേം എന്ന പേരിൽ രണ്ടു പട്ടണങ്ങൾ ഉണ്ടായി​രു​ന്ന​തി​നാ​ലാ​യി​രി​ക്കണം ബത്‌ല​ഹേം എഫ്രാത്തേ എന്ന്‌ തിരി​ച്ച​റി​യി​ച്ചി​രി​ക്കു​ന്നത്‌. യഹൂദ​യിൽ യെരൂ​ശ​ലേ​മിന്‌ തൊട്ടു തെക്കാ​യി​ട്ടുള്ള ബേത്‌ല​ഹേ​മി​നെ​യാണ്‌ മീഖാ തിരി​ച്ച​റി​യി​ക്കു​ന്നത്‌. മറെറ പട്ടണം വടക്ക്‌ സെബു​ലൂൻ ദേശത്താ​യി​രു​ന്നു. (യോശുവ 19:10,15) “എഫ്രാത്താ” അല്ലെങ്കിൽ “എഫ്രാത്ത്‌” യഹൂദ​യി​ലെ ബേത്‌ല​ഹേ​മിന്‌ അല്ലെങ്കിൽ അതിന്‌ ചുററു​മുള്ള പ്രദേ​ശ​ത്തിന്‌ നേര​ത്തെ​യുള്ള ഒരു പേരാ​യി​രു​ന്നു. (ഉൽപ്പത്തി 48:7; രൂത്ത്‌ 4:11) അത്തരം വിശദ​മായ തിരി​ച്ച​റി​യി​ക്കൽ മശിഹാ​യെ​പ്പ​റ​റി​യുള്ള ദൈവ​ത്തി​ന്റെ പ്രാവ​ച​നിക വാഗ്‌ദാ​ന​ങ്ങ​ളു​ടെ കൃത്യ​ത​യ്‌ക്ക്‌ അടിവ​ര​യി​ടു​ന്നു.

● 6:8—മീഖാ പാപപ​രി​ഹാര ബലിക​ളു​ടെ മൂല്യം കുറച്ചു കാണി​ക്കു​ക​യാ​യി​രു​ന്നില്ല, മറിച്ച്‌ യഹോ​വ​യു​ടെ ദൃഷ്ടി​യിൽ യഥാർത്ഥ​ത്തിൽ മൂല്യ​വ​ത്താ​യത്‌ എന്താ​ണെന്ന്‌ എടുത്തു കാണി​ക്കു​ക​യാ​യി​രു​ന്നു. (ആവർത്തനം 10:12 താരത​മ്യം ചെയ്യുക) ബലികൾ യഹോ​വക്ക്‌ സ്വീകാ​ര്യ​മാ​യി​രി​ക്കു​ന്ന​തിന്‌ പാപി നീതി, ദയ, താഴ്‌മ എന്നീ ഗുണങ്ങൾ പ്രകട​മാ​ക്കേ​ണ്ടി​യി​രു​ന്നു. യഹോവ ഇന്ന്‌ നമ്മുടെ സേവന​ത്തി​ലും അതേ കാര്യ​ങ്ങൾക്കു​വേണ്ടി നോക്കു​ന്നു.—1 കൊരി​ന്ത്യർ 13:4-8.

● 7:4—മുൾപ്പ​ടർപ്പും മുള്ളു​വേ​ലി​യും വസ്‌ത്രം കീറാ​നും ശരീരം മുറി​യാ​നും ഇടയാ​ക്കുന്ന തരം ചെടി​ക​ളാണ്‌. മീഖാ ഇവിടെ തന്റെ നാളിലെ ധാർമ്മിക അധഃപ​ത​നത്തെ വർണ്ണി​ക്കു​ക​യാ​യി​രു​ന്നു. അതു​കൊണ്ട്‌ വഴി​തെ​റ​റി​പ്പോയ ആ യിസ്രാ​യേ​ല്യ​രി​ലെ ഏററം നല്ലവൻപോ​ലും തന്നോട്‌ വളരെ അടുത്തു ചെല്ലു​ന്ന​വനെ ദ്രോ​ഹി​ക്കു​ക​യോ വേദനി​പ്പി​ക്കു​ക​യോ ചെയ്യുന്ന കാര്യ​ത്തിൽ മുൾപ്പ​ടർപ്പോ മുള്ളു​വേ​ലി​യോ പോ​ലെ​യാ​യി​രു​ന്നു എന്നാണ്‌ അവൻ അർത്ഥമാ​ക്കി​യത്‌.

[31-ാം പേജിലെ ചിത്രം]

യേശുവിന്റെ ജനനസ്ഥലം മീഖാ മുൻകൂ​ട്ടി​പ്പ​റ​ഞ്ഞു