രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

സനേഹം കുടും​ബ​ങ്ങളെ ഐക്യ​ത്തി​ലാ​ക്കു​ന്നു

വിവാഹം നിസ്വാർത്ഥ​ത​യാൽ നയിക്ക​പ്പെ​ടുന്ന സ്‌നേ​ഹ​ത്തിൽ അടിസ്ഥാ​ന​പ്പെ​ട്ടി​രി​ക്കു​മ്പോൾ മാത്രമേ കുടുംബ ഐക്യം നേടാൻ കഴിയു​ക​യു​ള്ളു. അത്തരം സ്‌നേഹം സ്‌നേ​ഹ​ത്തി​ന്റെ ദൈവ​മായ യഹോ​വ​യിൽനിന്ന്‌ ഉത്ഭവി​ക്കു​ന്നു, അതു​കൊണ്ട്‌ അത്‌ ദൈവാ​ത്മാ​വി​ന്റെ ഒരു ഫലമാണ്‌. (ഗലാത്യർ 5:22, 23; 1 യോഹ​ന്നാൻ 4:8) താഴെ കൊടു​ക്കുന്ന അനുഭ​വങ്ങൾ ബൈബിൾപ​രി​ജ്ഞാ​ന​ത്തിൽ അധിഷ്‌ഠി​ത​മായ സ്‌നേഹം കുടും​ബ​ങ്ങളെ എങ്ങനെ ഐക്യ​ത്തി​ലാ​ക്കി​യി​രി​ക്കു​ന്നു​വെന്ന്‌ ചിത്രീ​ക​രി​ക്കു​ന്നു.

ഹോ​ങ്കോംഗ്‌

◻ ഹോ​ങ്കോം​ഗിൽ ഒരു പയനിയർ ഒരു കുടും​ബി​നി​യും അവളുടെ രണ്ടു പുത്രി​മാ​രു​മാ​യി ഒരു ഭവന ബൈബിൾ അദ്ധ്യയനം തുടങ്ങി. അവൾ ഒരു വിപ്ലവാ​ത്മക മതവു​മാ​യി​ട്ടാണ്‌ ഇടപെ​ടു​ന്നത്‌ എന്ന ആശങ്ക ഭർത്താവു പ്രകട​മാ​ക്കി. അദ്ധ്യയ​ന​ത്തിൽ ഇരിക്കു​ന്ന​തി​നും സ്വയം തീരു​മാ​നി​ക്കു​ന്ന​തി​നും ഭർത്താ​വി​നെ ക്ഷണിക്കു​ന്ന​തിന്‌ പയനിയർ അവളോ​ടു നിർദ്ദേ​ശി​ച്ചു, അയാൾ അങ്ങനെ ചെയ്‌തു. ഇതിനി​ട​യിൽ ഭാര്യ യോഗ​ങ്ങൾക്കു ഹാജരാ​കാൻ തുടങ്ങി, എന്നാൽ അവൾക്ക്‌ തന്റെ കുട്ടി​കളെ പരിശീ​ലി​പ്പി​ക്കു​ന്ന​തിൽ പ്രശ്‌ന​മു​ണ്ടാ​യി​രു​ന്നു. അവൾ മൂത്തയാ​ളെ ക്രമമാ​യി വഴക്കു​പ​റ​യു​ക​യും ഇളയ കുട്ടിയെ അതിലാ​ള​ന​കൊണ്ട്‌ വഷളാ​ക്കു​ക​യും ചെയ്‌തി​രു​ന്നു. പിന്നീട്‌, അവൾക്കും ഭർത്താ​വി​നും പ്രശ്‌ന​ങ്ങ​ളു​ണ്ടാ​യി​രു​ന്നു​വെന്ന്‌ അറിയാ​നി​ട​യാ​യി. അവരുടെ വഴക്ക്‌ മിക്ക​പ്പോ​ഴും അക്രമ​മാ​യി പൊട്ടി​ത്തെ​റി​ക്കു​ക​യും പല പ്രാവ​ശ്യം പോലീ​സി​നെ വിളി​ക്കേ​ണ്ട​താ​യി വരിക​യും ചെയ്‌തി​രു​ന്നു. തങ്ങളുടെ വിവാ​ഹ​ത്തിൽ അവർക്ക്‌ എങ്ങനെ ദൈവ​സ്‌നേഹം പ്രകട​മാ​ക്കാ​മെന്നു പഠിപ്പി​ക്കു​ന്ന​തിന്‌ പയനിയർ ശക്തിയുള്ള ദൈവ​വ​ചനം ഉപയോ​ഗി​ച്ചു. പെട്ടെന്ന്‌ പഴയ നടപടി​ക​ളും ശീലങ്ങ​ളും മാറാൻ തുടങ്ങി. രണ്ടു​പേ​രും യോഗ​ങ്ങ​ളിൽ ക്രമമാ​യി ഹാജരാ​കു​ന്ന​വ​രാ​യി​ത്തീർന്നു, ഭവനത്തിൽ കൂടുതൽ സന്തുഷ്‌ട​മായ ഒരു അന്തരീക്ഷം നിലവിൽവ​രി​ക​യും ചെയ്‌തു. ഭർത്താവ്‌ പുകവലി ഉപേക്ഷി​ക്കു​ക​യും ഇപ്പോൾ ദിവ്യാ​ധി​പത്യ ശുശ്രൂ​ഷാ​സ്‌ക്കൂ​ളിൽ ചേരു​ക​യും ചെയ്‌തി​രി​ക്കു​ന്നു. ഭാര്യ ഇപ്പോൾ സ്‌നാ​പ​ന​മേററ ഒരു പ്രസാ​ധ​ക​യാണ്‌.

ദൈവാ​ത്മാ​വി​ന്റെ ഒരു ഫലമായ സ്‌നേഹം പ്രകട​മാ​ക്കി​ക്കൊണ്ട്‌ കുടുംബ ഐക്യം നേടി​യി​രി​ക്കു​ന്നു.

ബ്രിട്ടൻ

◻ ബ്രിട്ട​നിൽ നിന്നുള്ള ഒരു അനുഭവം തന്റെ ഭാര്യ​യു​മാ​യുള്ള പെരു​മാ​റ​റ​ത്തിൽ സ്‌നേ​ഹ​വും ക്ഷമയും സഹിഷ്‌ണു​ത​യും പ്രകട​മാ​ക്കുന്ന ഒരു ഭർത്താ​വി​നെ യഹോവ എങ്ങനെ അനു​ഗ്ര​ഹി​ക്കു​ന്നു​വെന്ന്‌ വിശദീ​ക​രി​ക്കു​ന്നു. 12 വർഷം മുമ്പ്‌ ഭർത്താവ്‌ സത്യത്തി​ലേക്കു വരു​മ്പോൾ അയാളു​ടെ ഭാര്യ​യു​ടെ ശക്തമായ എതിർപ്പ്‌ ഒരു നിയമ​പ​ര​മായ വിവാ​ഹ​മോ​ചനം നേടു​ന്ന​തി​ലേക്ക്‌ അവളെ നയിച്ചു. എന്നിരു​ന്നാ​ലും ഭർത്താവ്‌ അവളുടെ പണപര​മായ ആവശ്യങ്ങൾ നടക്കു​ന്നു​ണ്ടെന്ന്‌ ഉറപ്പു വരുത്തി​ക്കൊ​ണ്ടും ഒരു ക്രമമായ അടിസ്ഥാ​ന​ത്തിൽ അവൾക്കു​വേണ്ടി ജോലി​കൾ ചെയ്‌തു​കൊ​ടു​ത്തു​കൊ​ണ്ടും അവളോട്‌ ദയകാ​ട്ടു​ന്ന​തിൽ തുടർന്നു. നാലു​വർഷ​ങ്ങൾക്കു​ശേഷം അവൾ നേരത്തെ എതിർത്തി​രു​ന്നി​ട്ടും ഒരിക്കൽകൂ​ടി അവളോട്‌ സത്യ​ത്തെ​ക്കു​റിച്ച്‌ പറയാൻ അയാൾ തീരു​മാ​നി​ച്ചു. ഒരു സഹോ​ദ​രി​യോ​ടൊത്ത്‌ അവൾക്ക്‌ ബൈബിൾ പഠിക്കാ​മെന്ന്‌ അയാൾ നിർദ്ദേ​ശി​ച്ച​പ്പോൾ അയാൾ അതിശ​യി​ക്ക​ത്ത​ക്ക​വണ്ണം അവൾ അതു സമ്മതിച്ചു. ക്രമേണ അവൾ സത്യത്തി​നു​വേണ്ടി ഒരു നില സ്വീക​രി​ക്കു​ക​യും സ്‌നാ​പ​ന​മേൽക്കു​ക​യും ചെയ്‌തു. ഭർത്താ​വിന്‌ അവളോ​ടുള്ള സ്‌നേഹം ഒരിക്ക​ലും നഷ്ടപ്പെ​ട്ടി​രു​ന്നില്ല, അവൾ സത്യത്തെ തന്റെ സ്വന്തമാ​ക്കി​യെന്ന്‌ തെളി​യി​ച്ച​പ്പോൾ അയാൾ അവളോട്‌ തന്നെ വീണ്ടും വിവാഹം ചെയ്യാൻ ആവശ്യ​പ്പെട്ടു. അവളുടെ മുമ്പി​ലത്തെ ദുഷിച്ച മനോ​ഭാ​വ​ത്തി​ന്റെ വീക്ഷണ​ത്തിൽ അയാൾ ഇത്‌ ഒരിക്ക​ലും ചെയ്യു​ക​യി​ല്ലെന്ന്‌ പ്രതീ​ക്ഷി​ച്ചി​രു​ന്ന​തി​നാൽ അവൾ ഇതിങ്കൽ ആശ്ചര്യ​പ്പെട്ടു. ഇപ്പോൾ അവർ പുനർവി​വാ​ഹ​തി​രാ​യിട്ട്‌ ഉദ്ദേശം എട്ടു വർഷങ്ങ​ളാ​യി, രണ്ടു​പേ​രും സത്യത്തിൽ നന്നായി പുരോ​ഗ​മി​ച്ചു​കൊ​ണ്ടു​മി​രി​ക്കു​ന്നു.

ദക്ഷിണ പസഫിക്ക

◻ ഇരുപ​തി​ല​ധി​കം വർഷങ്ങൾക്കു​മുമ്പ്‌ ദക്ഷിണ പസഫി​ക്കി​ലെ തുവാ​ലു​വി​ലെ ഒരു ദ്വീപിൽനിന്ന്‌ ഒരു ചെറു​പ്പ​ക്കാ​രൻ സാഹി​ത്യ​ങ്ങൾ ആവശ്യ​പ്പെ​ട്ടു​കൊണ്ട്‌ വാച്ച്‌ടവർ സൊ​സൈ​റ​റിക്ക്‌ എഴുതി. ആ സമയത്ത്‌ ആ ദ്വീപിൽ സാക്ഷി​ക​ളാ​രും ഉണ്ടായി​രു​ന്നില്ല. എന്നിരു​ന്നാ​ലും അയാൾ തനിയെ സാഹി​ത്യ​ങ്ങൾ വായി​ക്കു​ക​യും അത്‌ സത്യമാ​ണെന്ന്‌ തിരി​ച്ച​റി​യു​ക​യും ചെയ്‌തു. എന്നിരു​ന്നാ​ലും അയാളു​ടെ ഭാര്യ അയാളു​ടെ പുതു​വി​ശ്വാ​സത്തെ തീവ്ര​മാ​യി എതിർത്തു, അതു​കൊണ്ട്‌ അയാൾ അത്‌ ഉപേക്ഷി​ച്ചു.

ഈ അടുത്ത​കാ​ലത്ത്‌ തുവാ​ലു​വൻ ഭാഷയിൽ സാഹി​ത്യ​ങ്ങൾ ലഭ്യമാ​യി​ത്തീർന്ന​പ്പോൾ ഭാര്യ ചില പ്രസി​ദ്ധീ​ക​ര​ണങ്ങൾ സ്വന്തമാ​ക്കി. അവ അവൾക്ക്‌ സ്വന്തമാ​യി വായി​ക്കാൻ കഴിഞ്ഞു. അവൾ ഇപ്പോൾ സത്യം തിരി​ച്ച​റി​യു​ക​യും അവളുടെ ഭർത്താ​വി​നോട്‌ ഇപ്രകാ​രം പരാതി​പ​റ​യു​ക​യും ചെയ്‌തു: “ഈ വർഷങ്ങ​ളി​ലെ​ല്ലാം നിങ്ങളു​ടെ​പക്കൽ വെളി​ച്ച​മു​ണ്ടാ​യി​രു​ന്നു, എന്നാൽ നിങ്ങൾ അത്‌ ഉയർത്തി​പ്പി​ടി​ച്ചില്ല. സാക്ഷികൾ ശരിയാ​ണെന്ന്‌ നിങ്ങൾ വിശ്വ​സി​ക്കു​ന്ന​തി​ന്റെ കാരണം എന്നോടു വിശദീ​ക​രി​ക്ക​യെ​ങ്കി​ലും ചെയ്യാ​ഞ്ഞ​തെ​ന്തു​കൊണ്ട്‌?” ഇപ്പോൾ ബൈബിൾസ​ത്യ​ത്തിൽ ഐക്യ​പ്പെട്ട്‌ ഈ ദമ്പതികൾ സാക്ഷി​ക​ളോട്‌ സഹവസി​ക്കാൻ തുടങ്ങി.

ഫിജി​യിൽ സ്‌ക്കൂ​ളിൽ പോയി​ക്കൊ​ണ്ടി​രുന്ന തങ്ങളുടെ രണ്ടു പുത്രി​മാർ ഭവനത്തിൽ തിരി​ച്ചെ​ത്തി​യ​പ്പോൾ മാതാ​പി​താ​ക്കൾ യഹോ​വ​യു​ടെ സാക്ഷി​ക​ളാ​യി​ത്തീ​രാ​നുള്ള തങ്ങളുടെ തീരു​മാ​നം അവരെ അറിയി​ച്ചു. അവർ ബൈബിൾ പഠിക്കാൻ തങ്ങളോ​ടൊത്ത്‌ ചേരു​ന്ന​തിന്‌ പെൺകു​ട്ടി​കളെ പ്രോ​ത്സാ​ഹി​പ്പി​ച്ചു, എന്നാൽ അവരെ അതിശ​യി​പ്പി​ക്കു​മാറ്‌ പെൺകു​ട്ടി​കൾ നേര​ത്തെ​തന്നെ ഫിജി​യിൽ യോഗ​ങ്ങ​ളിൽ സംബന്ധി​ച്ചി​രു​ന്ന​താ​യി മനസ്സി​ലാ​ക്കി. കുടും​ബം സന്തോ​ഷ​ത്തോ​ടെ ഒത്തൊ​രു​മിച്ച്‌ സത്യം സ്വീക​രി​ക്കു​ക​യും പിതാ​വും മാതാ​വും പുത്രി​മാ​രിൽ ഒരാളും രാജ്യ​പ്ര​സാ​ധ​ക​രാ​യി​ത്തീ​രു​ക​യും ചെയ്‌തു.

ബൈബിൾസ​ത്യ​വും സ്‌നേ​ഹ​വും ലോക​ത്തെ​ല്ലാ​യി​ട​ത്തും കുടും​ബ​ങ്ങളെ ഐക്യ​പ്പെ​ടു​ത്തു​ന്ന​തെ​ങ്ങ​നെ​യെന്ന്‌ കാണു​ന്നത്‌ എത്ര സന്തോ​ഷ​ക​ര​മാണ്‌. (w89 4⁄1)