മറഞ്ഞി​രി​ക്കുന്ന നിധി​കൾക്കു വേണ്ടി​യെ​ന്ന​പോ​ലെ അന്വേ​ഷി​ച്ചു​കൊ​ണ്ടേ​യി​രി​ക്കുക

ദൈവ​വ​ച​ന​മാ​കുന്ന ബൈബി​ളിൽ കാണുന്ന ജ്ഞാനര​ത്‌നങ്ങൾ എത്ര വിലതീ​രാ​ത്ത​താണ്‌! ഈ വിശേ​ഷ​നി​ധി​കൾ ദിവ്യോ​ദ്ദേ​ശ്യം വെളി​പ്പെ​ടു​ത്തു​ക​യും പുളക​പ്ര​ദ​മായ പ്രത്യാ​ശകൾ നമ്മുടെ മുമ്പാകെ വെക്കു​ക​യും ചെയ്യുന്നു. ഇവ ആശ്വാസം പകർന്നു തരിക​യും ദൈവത്തെ പ്രസാ​ദി​പ്പി​ക്കേ​ണ്ട​തെ​ങ്ങ​നെ​യെന്നു കാട്ടി​ത്ത​രി​ക​യും ചെയ്യുന്നു. (റോമർ 15:4) മററു​ള്ള​വ​രോ​ടുള്ള ഇടപെ​ട​ലു​ക​ളിൽ ജ്ഞാനപൂർവ്വം പെരു​മാ​റാൻ ഈ രത്‌നങ്ങൾ നമ്മെ സഹായി​ക്കു​ക​യും ചെയ്യുന്നു. തീർച്ച​യാ​യും, ദൈവ​ത്തിൽനി​ന്നുള്ള ജ്ഞാനം സംതൃ​പ്‌തി​യോ​ടും സന്തുഷ്ടി​യോ​ടും കൂടെ, ജീവന്റെ പാതയിൽ നടക്കു​വാൻ നമ്മെ സഹായി​ക്കു​ന്നു.—സങ്കീർത്തനം 16:11; 119:105.

ജ്ഞാനത്തി​ന്റെ പ്രയോ​ജ​നങ്ങൾ നിരവധി ആയിരി​ക്കെ നാം അതിനെ ഉന്നതമാ​യി മതി​ക്കേ​ണ്ട​താണ്‌. ജ്ഞാനത്തി​ന്റെ മൂർത്തി​മൽഭാ​വം, “എന്റെ അധര​മൊ​ഴി​കൾ എല്ലാം നീതി​യി​ലു​ള്ള​വ​യ​ല്ലോ” എന്നു പറയുന്നു. “കോട്ട​മോ വക്രത​യോ ഉള്ളതായി അവയിൽ ഒന്നുമില്ല. അവയെ​ല്ലാം വിവേ​ച​ന​യു​ള്ള​വനു നേരു​ള്ള​തും ജ്ഞാനം കണ്ടെത്തു​ന്ന​വന്‌ പരമാർത്ഥ​ത​യു​ള്ള​തും ആയിരി​ക്കും. വെള്ളിയല്ല എന്റെ ശിക്ഷണം അത്രേ കൈ​ക്കൊ​ള്ളു​വിൻ, വിശിഷ്ട സ്വർണ്ണ​ത്തെ​ക്കാൾ ജ്ഞാനവും തന്നെ. എന്തു​കൊ​ണ്ടെ​ന്നാൽ ജ്ഞാനം മുത്തു​ക​ളി​ലും ശ്രേഷ്‌ഠ​മ​ല്ലോ. മററു സകല പ്രമോ​ദ​ങ്ങൾക്കു തന്നെയും അതി​നോ​ടു തുല്യം നിൽക്കാൻ കഴിയു​ക​യില്ല.”—സദൃശ​വാ​ക്യ​ങ്ങൾ 8:8-11.

എന്തു​കൊണ്ട്‌ അന്വേ​ഷി​ച്ചു​കൊ​ണ്ടി​രി​ക്കണം?

ഒളിഞ്ഞു​കി​ട​ക്കുന്ന രത്‌ന​ങ്ങൾക്കോ സ്വർണ്ണ​ത്തി​നോ വെള്ളി​ക്കോ വേണ്ടി​യുള്ള അന്വേ​ഷണം പലപ്പോ​ഴും വ്യർത്ഥ​മാ​യി​ത്തീ​രാ​റാ​ണു​ള്ളത്‌. പക്ഷേ ദൈവിക ജ്ഞാനത്തി​നു​വേ​ണ്ടി​യുള്ള അന്വേ​ഷ​ണത്തെ സംബന്ധിച്ച്‌ ഇതു സത്യമാ​ക​ണ​മെ​ന്നില്ല. ഈ അന്വേ​ഷ​ണ​ത്തിൽ നമു​ക്കെ​ങ്ങനെ വിജയം കൈവ​രി​ക്കാം? കൊള്ളാം, നാം ഈ നിധിയെ എത്ര തീവ്ര​മാ​യി ആഗ്രഹി​ക്കു​ന്നു എന്നതി​നെ​യും ഇതു കണ്ടെത്താൻ നാം എത്ര കഠിന​മാ​യി അദ്ധ്വാ​നി​ക്കും എന്നതി​നെ​യും ആശ്രയി​ച്ചാണ്‌ വിജയം ഇരിക്കു​ന്നത്‌. അതിന്റെ യഥാർത്ഥ മൂല്യം നാം തിരി​ച്ച​റി​യു​ന്നെ​ങ്കിൽ മറെറല്ലാ വിശി​ഷ്ട​വ​സ്‌തു​ക്ക​ളെ​ക്കാ​ളും അതിനെ നാം വിലമ​തി​ക്കും. ഏതായാ​ലും, “ജ്ഞാനം ലഭിക്കു​ന്നത്‌ സ്വർണ്ണ​ത്തെ​ക്കാ​ളെ​ത്ര​യോ മെച്ചമാണ്‌! ഗ്രാഹ്യം ലഭിക്കു​ന്നത്‌ വെള്ളി​യെ​ക്കാ​ളേ​റെ​യാ​യി തെര​ഞ്ഞെ​ടു​ക്കേ​ണ്ട​തു​മ​ല്ലോ.”—സദൃശ​വാ​ക്യ​ങ്ങൾ 16:16.

സദൃശ​വാ​ക്യ​ങ്ങൾ 2:1-6 ഇങ്ങനെ പ്രോൽസാ​ഹി​പ്പി​ക്കു​ന്നു: “എന്റെ മകനെ വിവേ​ച​ന​ക്കാ​യി നിന്റെ ഹൃദയം ചായ്‌ക്ക​ത്ത​ക്ക​വണ്ണം ജ്ഞാനത്തിന്‌ ചെവി​കൊ​ടു​ക്കു​ന്ന​തിന്‌ നീ എന്റെ വചനങ്ങൾ കൈ​ക്കൊണ്ട്‌ എന്റെ സ്വന്തം കൽപ്പനകൾ നിക്ഷേ​പ​ങ്ങ​ളാ​യി നിന്നിൽതന്നെ കാത്താൽ; കൂടാതെ ഗ്രാഹ്യ​ത്തി​നു​വേണ്ടി വിളിച്ച്‌ വിവേ​ച​ന​ക്കു​വേണ്ടി ശബ്ദിച്ചാൽ, നീ അതിനെ വെള്ളി​ക്കു​വേ​ണ്ടി​യെ​ന്ന​പോ​ലെ തേടി​ക്കൊ​ണ്ടി​രി​ക്ക​യും മറഞ്ഞി​രി​ക്കുന്ന നിധി​കൾക്കു​വേ​ണ്ടി​യെ​ന്ന​പോ​ലെ അതിനു​വേണ്ടി അന്വേ​ഷി​ച്ചു​കൊ​ണ്ടി​രി​ക്ക​യും ചെയ്യു​ന്നു​വെ​ങ്കിൽ നീ യഹോ​വാ​ഭയം ഗ്രഹി​ക്കു​ക​യും ദൈവി​ക​ജ്ഞാ​നം തന്നെ കണ്ടെത്തു​ക​യും ചെയ്യും. എന്തെന്നാൽ യഹോ​വ​യ​ല്ലോ ജ്ഞാനം നൽകു​ന്നത്‌; അവന്റെ അധരത്തിൽ നിന്നു​ള്ള​വ​യ​ല്ലോ പരിജ്ഞാ​ന​വും വിവേ​ച​ന​യും.”

മണ്ണിൽ ആഴ്‌ന്നു​കി​ട​ക്കുന്ന നിധികൾ മറഞ്ഞി​രി​ക്കെ അവക്കായി അന്വേ​ഷി​ക്കേ​ണ്ട​താ​വ​ശ്യ​മാണ്‌. കുഴി​ക്കു​മ്പോൾ ചിലർ ഉല്ലാസ​വേ​ള​ക​ളും ഊണും ഉറക്കവും ഉപേക്ഷി​ച്ചേ​ക്കാം. പക്ഷേ നിധി കണ്ടെത്തി​ക്ക​ഴി​യു​മ്പോൾ അത്തരം അദ്ധ്വാനം വേണ്ടതു തന്നെയാ​യി​രു​ന്നു​വെന്ന്‌ മതിക്കാൻ ഇടയാ​കും. ദൈവ​ത്തി​ന്റെ ജ്ഞാനം തേടു​ന്ന​തിന്‌ ഇതു​പോ​ലുള്ള ത്യാഗങ്ങൾ നാം ചെയ്യേ​ണ്ട​തുണ്ട്‌. ആഴ്‌ന്നു കിടക്കുന്ന നിധി​കൾക്കു​വേണ്ടി അന്വേ​ഷി​ക്കു​മ്പോൾ കഠിന​മായ ഖനനം ആവശ്യ​മാ​യി​രി​ക്കു​ന്ന​തു​പോ​ലെ ജ്ഞാനത്തി​നു​വേ​ണ്ടി​യുള്ള അന്വേ​ഷ​ണ​ത്തി​നും സ്ഥിരോൽസാ​ഹം ആവശ്യ​മാണ്‌. ബൈബി​ളി​ന്റെ​യും ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളു​ടെ​യും ഉപരി​ത​ല​പ​ഠനം മാത്രം പോരാ. ആത്മീയ​ര​ത്‌നങ്ങൾ കണ്ടെത്തു​ന്ന​തിന്‌ സമയവും ഗവേഷ​ണ​വും ധ്യാന​വും ആവശ്യ​മാണ്‌. പക്ഷേ, തിരു​വെ​ഴു​ത്തു​ക​ളി​ലേ​ക്കുള്ള ഉൾക്കാഴ്‌ച നാം നേടു​മ്പോൾ അതെ​ന്തൊ​രാ​ന​ന്ദ​മാ​യി​രി​ക്കും!—നെഹമ്യാവ്‌ 8:13.

വിജയ​ക​ര​മായ നിധി​വേട്ട

അതെ, ദൈവ​വ​ചനം കുഴി​ച്ചു​നോ​ക്കി ജ്ഞാനര​ത്‌നങ്ങൾ കണ്ടെത്തു​ന്നത്‌ സന്തുഷ്ടി പകർന്നു തരുന്നു. (സദൃശ​വാ​ക്യ​ങ്ങൾ 3:13-18) നമ്മൾ ഒരു നല്ല വ്യക്തി​പ​ര​മായ അല്ലെങ്കിൽ കുടുംബ ഗ്രന്ഥ​ശേ​ഖരം ഒരുക്കു​ന്നത്‌ ആ ലക്ഷ്യത്തിൽ ജ്ഞാനപൂർവ്വ​ക​മാണ്‌. പക്ഷേ അതിൽ എന്തെല്ലാം ഉണ്ടായി​രി​ക്കണം? ഒരു നല്ല നിഘണ്ടു​വോ​ടൊ​പ്പം തിരു​വെ​ഴു​ത്തു​ക​ളു​ടെ നിരവധി പരിഭാ​ഷ​ക​ളും വീക്ഷാ​ഗോ​പു​ര​ത്തി​ന്റെ​യും അതിന്റെ കൂട്ടു​മാ​സി​ക​യായ ഉണരുക!യുടെ​യും ഓരോ വർഷ​ത്തെ​യും പ്രതികൾ ഉൾപ്പെ​ടുന്ന ക്രിസ്‌തീയ ബൈബിൾ പ്രസി​ദ്ധീ​ക​ര​ണ​ങ്ങ​ളും ഉണ്ടായി​രി​ക്കു​ന്നത്‌ യഹോ​വ​യു​ടെ സാക്ഷികൾ സഹായ​ക​ര​മാ​യി കണ്ടെത്തി​യി​രി​ക്കു​ന്നു. നമ്മെ നിധി​തേ​ടു​ന്ന​വ​രെ​ന്ന​നി​ല​യിൽ ഒരു ഗ്രന്ഥ​ശേ​ഖരം സഹായി​ക്ക​ണ​മെ​ങ്കിൽ തീർച്ച​യാ​യും ആ ഗ്രന്ഥ​ശേ​ഖരം ഉചിത​മാ​യി​തന്നെ ഉപയോ​ഗി​ക്ക​പ്പെ​ടണം.

ജ്ഞാനത്തി​നു​വേ​ണ്ടി​യുള്ള നമ്മുടെ അന്വേ​ഷ​ണ​ത്തിൽ വിഷയ​വും തിരു​വെ​ഴു​ത്തു​ഭാ​ഗ​ങ്ങ​ളും പരി​ശോ​ധി​ക്കു​ന്ന​തിന്‌ വീക്ഷാ​ഗോ​പുര പ്രസി​ദ്ധീ​കരണ സൂചി​ക​യോ വാച്ച്‌റ​റവർ സൊ​സൈ​റ​റി​യു​ടെ പുസ്‌ത​ക​ങ്ങ​ളു​ടെ​യോ മാസികാ വാല്യ​ങ്ങ​ളു​ടെ​യോ പിൻഭാ​ഗത്തു കാണി​ച്ചി​രി​ക്കുന്ന സൂചി​ക​ക​ളോ നമുക്ക്‌ പരി​ശോ​ധി​ക്കാ​വു​ന്ന​താണ്‌. ദൈവി​ക​ജ്ഞാ​നം തേടു​ന്ന​തി​നുള്ള അടിസ്ഥാന പണിയാ​യു​ധങ്ങൾ ഇവയാണ്‌. യഥാർത്ഥ​ത്തിൽ ദൈവി​ക​ജ്ഞാ​ന​ത്തി​ന്റെ “ഒളിഞ്ഞു​കി​ട​ക്കുന്ന നിധി”കളി​ലേക്ക്‌ നമ്മെ നയിക്കുന്ന ഒരു മാപ്പു​പോ​ലെ​യാ​ണത്‌. (സദൃശ​വാ​ക്യ​ങ്ങൾ 2:4) ഗവേഷ​ണ​ത്തി​നാ​വ​ശ്യ​മായ ചില പ്രസി​ദ്ധീ​ക​ര​ണങ്ങൾ നമ്മുടെ പക്കൽ ഇല്ലെങ്കിൽ യഹോ​വ​യു​ടെ സാക്ഷി​ക​ളു​ടെ രാജ്യ​ഹോ​ളിൽ അതു ലഭ്യമാ​യേ​ക്കും.

വിജയ​ക​ര​മാ​യ നിധി-അന്വേ​ഷണം ഇപ്പോൾ നമു​ക്കൊ​ന്നു ദൃഷ്ടാ​ന്തീ​ക​രി​ച്ചു കാണാം. നാം ബൈബിൾ വായി​ക്കു​മ്പോൾ യേശു​വി​നെ ഒററി​ക്കൊ​ടുത്ത ശേഷം യൂദാ ഇസ്‌ക്ക​ര്യോ​ത്താ എങ്ങനെ മരിച്ചു എന്നതു സംബന്ധിച്ച്‌ അത്ഭുത​പ്പെ​ട്ടേ​ക്കാം. മത്തായി 27:5 പറയു​ന്നത്‌ യൂദാ “പോയി തൂങ്ങി മരിച്ചു” എന്നാണ്‌. പക്ഷേ പ്രവൃത്തി 1:18 ഇങ്ങനെ പറയുന്നു: “തലകീ​ഴാ​യി വീണ്‌ നടുവെ പിളർന്ന്‌ അവന്റെ കുട​ലെ​ല്ലാം തുറി​ച്ചു​പോ​യി.” ആ സ്ഥിതിക്ക്‌ യൂദാ മരിച്ചത്‌ എങ്ങനെ​യാ​യി​രു​ന്നു? തിരു​വെ​ഴു​ത്തു​ക​ളു​ടെ ഉൾക്കാഴ്‌ച എന്ന പ്രസി​ദ്ധീ​ക​ര​ണ​ത്തി​ന്റെ “തിരു​വെ​ഴു​ത്തു സൂചിക”യിൽ ഈ വാക്യങ്ങൾ പട്ടിക​പ്പെ​ടു​ത്തി​യി​രി​ക്കു​ന്നത്‌ എവി​ടെ​യെന്നു പരി​ശോ​ധി​ക്കുക വഴി ഒരുത്തരം കണ്ടുപി​ടി​ക്കാൻ കഴിയും. അതു നമ്മോ​ടി​ങ്ങനെ പറയുന്നു: “മത്തായി ആത്‌മ​ഹ​ത്യാ​ശ്ര​മ​ത്തി​ന്റെ വിധം സൂചി​പ്പി​ക്കു​മ്പോൾ പ്രവൃ​ത്തി​കൾ അതിന്റെ ഫലം വർണ്ണി​ക്കു​ന്നു. ഈ രണ്ടു വൃത്താ​ന്ത​ങ്ങ​ളും കൂട്ടി​യി​ണ​ക്കു​മ്പോൾ യൂദാ ഏതോ മലഞ്ചരു​വി​ന​ടുത്ത്‌ തൂങ്ങി​മ​രി​ക്കാൻ ശ്രമി​ച്ചു​വെ​ങ്കി​ലും കയറോ വൃക്ഷശി​ഖ​ര​മോ പൊട്ടി​യിട്ട്‌ അവൻ, കുത്തനെ, താഴെ​യുള്ള പാറപ്പു​റ​ത്തു​വീണ്‌ ശരീരം പിളർന്നു മരിച്ചു എന്ന്‌ നിർണ്ണ​യി​ക്കാൻ കഴിയു​ന്നു. യരൂശ​ലേ​മി​നു ചുററു​പാ​ടു​മുള്ള കൽപ്ര​ദേ​ശങ്ങൾ ഇത്തരം ഒരു സംഭവം അനുമാ​ന​യോ​ഗ്യ​മാ​ക്കി​ത്തീർക്കു​ന്നു.” (വാല്യം 2, പേജ്‌ 130)

ബൈബിൾ വാക്യ​ങ്ങ​ളു​ടെ സ്ഥാനം കണ്ടെത്തു​ന്ന​തിന്‌ സൂചി​കകൾ നമ്മെ സഹായി​ക്കു​ന്നു. തീർച്ച​യാ​യും ഒരു തിരു​വെ​ഴു​ത്തു​ഭാ​ഗം ചർച്ച​ചെ​യ്യു​മ്പോൾ നാം അതിന്റെ പശ്ചാത്ത​ല​വും കൂടെ കുറി​ക്കൊ​ള്ളേ​ണ്ട​തുണ്ട്‌. ദൃഷ്ടാ​ന്ത​ത്തിന്‌ നമുക്ക്‌ സങ്കീർത്തനം 144:12-14 വരെ കാണാം. ചിലയാ​ളു​കൾ ഇങ്ങനെ പറയു​ന്ന​താ​യി ഈ വാക്യങ്ങൾ സൂചി​പ്പി​ക്കു​ന്നു: ‘ഞങ്ങളുടെ പുത്രൻമാർ തൈകൾപോ​ലെ​യും ഞങ്ങളുടെ പുത്രി​മാർ അരമന ശൈലി​യിൽ കൊത്തി​യു​ണ്ടാ​ക്കിയ കോണു​കൾ പോ​ലെ​യും ഞങ്ങളുടെ കളപ്പു​രകൾ നിറഞ്ഞ​വ​യും ഞങ്ങളുടെ ആട്ടിൻപ​റ​റങ്ങൾ ആയിര​മാ​യി​ര​മാ​യി പെരു​കു​ന്ന​വ​യും ഞങ്ങളുടെ കാളകൾ ചുമടു​വാ​ഹി​ക​ളും ഭ്രൂണ​ക്ഷ​ത​മി​ല്ലാ​ത്ത​വ​യും അല്ലോ.’ ഈ വാക്കുകൾ ദൈവ​ജ​ന​ത്തി​നു ബാധക​മാ​കു​ന്നു​വെന്ന്‌ കരുതി​യേ​ക്കാം. പക്ഷേ അതിന്റെ പശ്ചാത്തലം കാണി​ക്കു​ന്നത്‌ അങ്ങനെയല്ല എന്നാണ്‌. 11-ാം വാക്യ​ത്തിൽ അസത്യ​ഭാ​ഷി​ക​ളിൽ നിന്നുള്ള വിടു​ത​ലി​നു​വേണ്ടി സങ്കീർത്ത​ന​ക്കാ​ര​നായ ദാവീദ്‌ അഭ്യർത്ഥി​ക്കു​ന്നു. അവർ തങ്ങളുടെ പുത്രൻമാ​രെ​യും പുത്രി​മാ​രെ​യും ആടുക​ളെ​യും മാടു​ക​ളെ​യും സംബന്ധിച്ച്‌ ഊററം കൊണ്ടി​രു​ന്നു. 15-ാം വാക്യം അനുസ​രിച്ച്‌ ആ ദോഷി​കൾ ഇങ്ങനെ പറഞ്ഞു: “ഈ സ്ഥിതി​യി​ലി​രി​ക്കുന്ന ജനം സന്തുഷ്ട​ര​ത്രേ!” ഇതിനു വിപരീ​ത​മാ​യി ദാവീദു പക്ഷേ ഇങ്ങനെ​യാണ്‌ ഉദ്ധരിച്ചു പറഞ്ഞത്‌: “യഹോവ ദൈവ​മാ​യുള്ള ജനം സന്തുഷ്ടർ!”

ആത്മീയ​ര​ത്‌നങ്ങൾ സമൃദ്ധം!

ജ്ഞാനത്തി​നു​വേ​ണ്ടി​യുള്ള വിജയ​ക​ര​മായ അന്വേ​ഷ​ണ​ങ്ങ​ളിൽ നിന്ന്‌ സുനി​ശ്ചി​ത​മാ​യും സന്തുഷ്ടി​യു​ള​വാ​കു​ന്നു. ഗവേഷ​ണ​ത്തി​ലൂ​ടെ കണ്ടെത്താൻ കഴിയുന്ന ആത്മീയ രന്തങ്ങളിൽ ബൈബിൾ ചോദ്യ​ങ്ങൾക്കുള്ള തൃപ്‌തി​ക​ര​മായ ഉത്തരങ്ങ​ളും അടങ്ങി​യി​രി​ക്കു​ന്നു. നാം അന്വേ​ഷി​ച്ചു​കൊ​ണ്ടേ​യി​രി​ക്കു​ന്നു​വെ​ങ്കിൽ എന്തെല്ലാം ഉത്തരങ്ങ​ളാണ്‌ നമുക്കു കണ്ടെത്താ​നാ​വുക! ദൃഷ്ടാ​ന്ത​ത്തിന്‌ കയീനു തന്റെ ഭാര്യയെ എവിടെ നിന്നു ലഭിച്ചു? വാച്ച്‌ടവർ (ഒക്‌ടോ​ബർ 1, 1981) പറഞ്ഞു: “ആദാമി​നും ഹവ്വാക്കും രണ്ടല്ല [കയീൻ, ഹാബേൽ] അനവധി മക്കൾ ഉണ്ടായി​രു​ന്നു​വെന്ന്‌ ബൈബിൾ നമ്മോടു പറയുന്നു: ‘ശേത്തിനെ [മറെറാ​രു മകൻ] ജനിപ്പി​ച്ച​ശേഷം’ ആദാമി​ന്റെ ആയുഷ്‌ക്കാ​ലം എണ്ണൂറ്‌ സംവൽസ​രങ്ങൾ ആയിരു​ന്നു. അക്കാലത്ത്‌ അവൻ പുത്രൻമാർക്കും പുത്രി​മാർക്കും പിതാ​വാ​യി​ത്തീർന്നു.’ (ഉൽപ്പത്തി 5:4) ഈ വിവര​ത്തി​ന്റെ അടിസ്ഥാ​ന​ത്തിൽ കയീനു ഭാര്യയെ ലഭിച്ചത്‌ എവിടെ നിന്നാ​യി​രി​ക്കും എന്നാണ്‌ നിങ്ങൾ പറയുക? ഉവ്വ്‌, അവൻ തന്റെ സഹോ​ദ​രി​മാ​രി​ലൊ​രാ​ളെ വിവാഹം ചെയ്‌തി​രി​ക്കണം. ഇന്ന്‌ അത്തരത്തിൽ അടുത്ത രക്തബന്ധ​മുള്ള മാതാ​പി​താ​ക്കൾക്ക്‌ കുട്ടികൾ ജനിച്ചാൽ അതവർക്ക്‌ അപകടം വരുത്തി​യേ​ക്കാം. പക്ഷേ മാനു​ഷ​ച​രി​ത്ര​ത്തി​ന്റെ പ്രാരം​ഭ​ത്തിൽ മനുഷ്യ​വർഗ്ഗം പൂർണ്ണ​ത​യോ​ടു വളരെ​യ​ടു​ത്താ​യി​രുന്ന കാലത്ത്‌ ഇതൊരു പ്രശ്‌ന​മാ​യി​രു​ന്നില്ല.”

സദൃശ​വാ​ക്യ​ങ്ങൾ എന്ന ബൈബിൾ പുസ്‌തകം നാം വായി​ക്കു​ക​യാ​ണെന്നു സങ്കൽപ്പി​ക്കുക. സദൃശ​വാ​ക്യ​ങ്ങൾ 1:7ൽ പറഞ്ഞി​രി​ക്കു​ന്നതു കുറി​ക്കൊ​ള്ളു​മ്പോൾ ഇങ്ങനെ നാം ആശ്ചര്യ​പ്പെ​ട്ടേ​ക്കാം: ‘“യഹോ​വാ​ഭയം” എന്താണ്‌?’ ഗവേഷണം നമ്മെ മെയ്‌ 15, 1987ലെ വാച്ച്‌റ​റ​വ​റിൽ കൊ​ണ്ടെ​ത്തി​ക്കും. അതിങ്ങനെ പറഞ്ഞു: “അത്‌ ഭയം, അഗാധ​മായ ആദരവ്‌, കൂടാതെ അവന്റെ സ്‌നേ​ഹ​ദ​യ​യും നൻമയും നാം വിലമ​തി​ക്കു​ന്ന​തു​മൂ​ലം അവനെ അപ്രീ​തി​പ്പെ​ടു​ത്തു​ന്ന​തി​ലുള്ള ആരോ​ഗ്യ​ക​ര​മായ പേടി എന്നിവ​യാണ്‌. തന്നെ അനുസ​രി​ക്കാ​തി​രി​ക്കു​ന്ന​വ​രു​ടെ​മേൽ ശിക്ഷയോ മരണമോ വരുത്തു​ന്ന​തി​നുള്ള അധികാ​ര​വും ശക്തിയു​മുള്ള അത്യു​ന്ന​ത​ന്യാ​യാ​ധി​പ​തി​യും സർവ്വശ​ക്ത​നു​മാ​ണവൻ എന്ന്‌ അംഗീ​ക​രി​ക്കുക എന്നതാണ്‌ ‘യഹോ​വാ​ഭയ’ത്തിന്റെ അർത്ഥം. അതിന്റെ അർത്ഥം യഹോ​വയെ വിശ്വ​സ്‌ത​മാ​യി സേവി​ക്കുക, അവനിൽ സമ്പൂർണ്ണ​മാ​യി ആശ്രയി​ക്കുക, അവന്റെ ദൃഷ്ടി​യിൽ തിൻമ​യാ​യ​തി​നെ വെറു​ക്കുക എന്നും കൂടെ​യാണ്‌.

അന്വേ​ഷി​ച്ചു​കൊ​ണ്ടേ​യി​രി​ക്കുക!

ആത്‌മാർത്ഥ​മാ​യി ജ്ഞാനം അന്വേ​ഷി​ക്കു​ന്ന​വരെ വിലതീ​രാത്ത ആത്‌മീ​യ​ര​ത്‌നങ്ങൾ കണ്ടെത്താൻ സഹായി​ക്കു​ന്ന​തി​നാണ്‌ വീക്ഷാ​ഗോ​പു​രം പ്രസി​ദ്ധീ​ക​രി​ച്ചു​കൊ​ണ്ടി​രി​ക്കു​ന്നത്‌. നമു​ക്കെ​ല്ലാ​വർക്കും ദൈവ​വ​ച​ന​ത്തി​ന്റെ ജ്ഞാനവും ഗ്രാഹ്യ​വും ആവശ്യ​മാണ്‌. സദൃശ​വാ​ക്യ​ങ്ങൾ 4:7, 8 ഇങ്ങനെ പറയുന്നു: “ജ്ഞാനമ​ത്രേ പ്രധാ​ന​കാ​ര്യം, ജ്ഞാനം നേടുക; സമ്പാദി​ക്കുന്ന സർവ്വസ്വ​വും കൊണ്ട്‌ ഗ്രാഹ്യം നേടുക. അതിനെ ഉന്നതമാ​യി ആദരി​ക്കുക. അത്‌ നിന്നെ ഉയർത്തും. നീ അതിനെ ആശ്ലേഷി​ക്കു​ന്ന​തു​കൊണ്ട്‌ അതു നിന്നെ മഹത്വ​പ്പെ​ടു​ത്തും.”

തിരു​വെ​ഴു​ത്തു​ക​ളു​ടെ ഉൾക്കാഴ്‌ച നേടു​ന്ന​തി​ലൂ​ടെ​യും ജ്ഞാനം നേരായി ഉപയോ​ഗി​ക്കു​ന്ന​തി​ലൂ​ടെ​യും മാത്രമേ നമുക്ക്‌ യഥാർത്ഥ സന്തുഷ്ടി കണ്ടെത്താൻ കഴിയു​ക​യു​ള്ളു. അതെ, ദൈവി​ക​ജ്ഞാ​നം പ്രകട​മാ​ക്കു​ന്ന​തി​ലൂ​ടെ മാത്രമെ നമുക്ക്‌ യഹോ​വ​യാം ദൈവത്തെ പ്രസാ​ദി​പ്പി​ക്കാൻ കഴിയൂ. അതു​കൊണ്ട്‌ മറഞ്ഞി​രി​ക്കുന്ന നിധി​കൾക്കു​വേ​ണ്ടി​യെ​ന്ന​തു​പോ​ലെ ജ്ഞാനത്തി​നു​വേണ്ടി അന്വേ​ഷി​ക്കു​ന്ന​തിൽ നിന്ന്‌ യാതൊ​ന്നും നിങ്ങളെ തടയാ​തി​രി​ക്കട്ടെ. (w89 3/15)

[4, 5 പേജു​ക​ളി​ലെ ചിത്രങ്ങൾ]

ആഴ്‌ന്നു കിടക്കുന്ന നിധി​കൾക്കു​വേ​ണ്ടി​യുള്ള അന്വേ​ഷണം കഠിന​മായ ഖനനം ആവശ്യ​മാ​ക്കു​ന്നു. ദൈവി​ക​ജ്ഞാ​ന​ത്തി​നു​വേ​ണ്ടി​യുള്ള നമ്മുടെ അന്വേ​ഷ​ണ​ത്തിൽ നാം സ്ഥിരോ​ത്സാ​ഹി​ക​ളാ​യി​രി​ക്കേ​ണ്ട​തല്ലേ?