ചിലർ മതം മാറി​യി​രി​ക്കു​ന്ന​തി​ന്റെ കാരണം

ഒരു വ്യക്തി മതം മാറു​ന്ന​തു​പോ​ലെ​യുള്ള ഒരു കർശന​ന​ട​പടി സ്വീക​രി​ക്കു​ന്ന​തിന്‌ അയാൾക്ക്‌ തീർച്ച​യാ​യും നല്ല കാരണങ്ങൾ ഉണ്ടായി​രി​ക്കണം. പ്രയോ​ജ​ന​ങ്ങൾക്ക്‌ ഏതു പ്രാതി​കൂ​ല്യ​ങ്ങ​ളെ​ക്കാ​ളും മുൻതൂ​ക്ക​മു​ണ്ടാ​യി​രി​ക്കണം.

നിങ്ങളു​ടെ സ്രഷ്ടാ​വി​നെ അറിയു​ന്ന​തും അവനു​മാ​യി ഒരു നല്ല ബന്ധം വളർത്തി​യെ​ടു​ക്കു​ന്ന​തും ഒരു നല്ല കാരണ​മാ​ണെന്ന്‌ നിങ്ങൾ പരിഗ​ണി​ക്കു​മോ? അനേക​രെ​സം​ബ​ന്ധി​ച്ചും അങ്ങനെ ആയിരു​ന്നു. ആരെങ്കി​ലു​മാ​യി ഒരു ബന്ധം വളർത്തി​യെ​ടു​ക്കു​ന്ന​തിന്‌ നാം ആ ആളെ നന്നായി അറി​യേ​ണ്ട​തുണ്ട്‌. ദൃഷ്ടാ​ന്ത​മാ​യി, ഒരു അപരി​ചി​തനെ അറിയു​ന്ന​തു​വരെ ഒരു കൊച്ചു​കു​ട്ടി അയാളു​ടെ കൈയിൽ പിടി​ക്കു​ന്ന​തിന്‌ ഭയപ്പെ​ട്ടേ​ക്കാം. അങ്ങനെ​തന്നെ നാം ദൈവത്തെ വിശ്വ​സി​ച്ചു​തു​ട​ങ്ങു​ന്ന​തി​നു​മുമ്പ്‌ നാം അവനെ അറി​യേ​ണ്ട​തുണ്ട്‌. മിക്ക മതങ്ങൾക്കും അവ ദൈവ​മാ​യി ആരാധി​ക്കുന്ന ഒരു കേന്ദ്ര​മൂർത്തി​യു​ണ്ടെ​ന്നു​ള്ളത്‌ സത്യം​തന്നെ. എന്നാൽ മിക്കവർക്കും ദൈവം വ്യക്തമാ​യി നിർവ​ചി​ക്ക​പ്പെ​ടുന്ന വ്യക്തി​ത്വ​മി​ല്ലാത്ത അവ്യക്ത​നും വിദൂ​ര​നു​മാ​ണെ​ന്നു​ള്ള​തും സത്യമ​ല്ല​യോ? അതു​കൊണ്ട്‌ നാം അവനെ എങ്ങനെ​യാണ്‌ അറിയുക?

നാം നമുക്കു ചുററു​മുള്ള വസ്‌തു​ക്കളെ നോക്കു​മ്പോൾ നാം കാണു​ന്ന​വ​യിൽ നാം ഭയന്നു​പോ​കു​ന്നു. നാം സൗന്ദര്യ​വും ബുദ്ധി​യും ശക്തിയും കണ്ടുപി​ടി​ക്കു​ന്നു. ഇതി​ന്റെ​യെ​ല്ലാം ഉത്ഭവം അനേകരെ അന്ധാളി​പ്പി​ക്കു​ന്നു, എന്നാൽ അത്‌ വ്യക്തമാ​യി വിശദീ​ക​രി​ക്കുന്ന ഒരു പുസ്‌ത​ക​മുണ്ട്‌. അത്‌ ബൈബി​ളാണ്‌. അതിന്റെ ഏടുക​ളി​ലൂ​ടെ നാം മനസ്സി​ലാ​ക്കു​ന്നത്‌ ഈ അത്‌ഭു​തങ്ങൾ ഒരു പേരും വ്യക്തി​ത്വ​വു​മുള്ള സ്രഷ്ടാ​വിൽനിന്ന്‌ ഉത്ഭവി​ച്ചു​വെ​ന്നാണ്‌. നാം ശ്രദ്ധാ​പൂർവം ബൈബിൾ പഠിക്കു​മ്പോൾ ദൈവ​ത്തി​ന്റെ വ്യക്തി​ത്വം നമുക്കു സുവ്യ​ക്ത​മാ​യി​ത്തീ​രു​ന്നു. നാം അവനെ സ്‌നേ​ഹ​വും പരിപാ​ല​ന​വു​മുള്ള ഒരു ദൈവ​മാ​യി മനസ്സി​ലാ​ക്കു​ന്നു. “ദൈവം സ്‌നേ​ഹ​മാ​കു​ന്നു”വെന്ന്‌ ബൈബിൾ പറയുന്നു. (1യോഹന്നാൻ 4:8) നാം അവന്റെ മഹനീ​യ​മായ വ്യക്തി​ത്വ​ത്തി​ലേക്ക്‌ ആകർഷി​ക്ക​പ്പെ​ടു​ന്നു, അത്‌ സ്‌നേ​ഹ​ത്താ​ലും ജ്ഞാനത്താ​ലും നീതി​യാ​ലും ശക്തിയാ​ലും പൂർണ്ണ​മാ​യി സന്തുലി​ത​മാണ്‌. തുടർന്ന്‌ ഒരു അടുത്ത ബന്ധം ഉടലെ​ടു​ക്കു​ന്നു.

മിസീ​യിക്ക്‌ യഹോ​വ​യി​ലേക്ക്‌ ആകർഷി​ക്ക​പ്പെ​ടു​ന്ന​തി​ന്റെ അത്തര​മൊ​രു അനുഭ​വം​തന്നെ ഉണ്ടായി. അവൾ വിശദീ​ക​രി​ച്ചു: ‘ഞാൻ ഒരു കുട്ടി​യാ​യി​രു​ന്ന​പ്പോൾ, അനേകം ദൈവങ്ങൾ ഉണ്ടെന്ന്‌ എന്നെ പഠിപ്പി​ച്ചി​ട്ടു​ണ്ടാ​യി​രു​ന്നു. വെള്ളത്തിന്‌ ഒരു ദൈവ​വും വൃക്ഷങ്ങൾക്ക്‌ ഒരു ദൈവ​വും വീടിന്‌ ഒരു ദൈവ​വും ഉണ്ടായി​രു​ന്നു. ഈ ദൈവ​ങ്ങ​ളു​ടെ അസ്‌തി​ത്വ​ത്തെ ഞാൻ സംശയി​ച്ചെ​ങ്കി​ലും ഒരു സത്യ ദൈവ​മു​ണ്ടാ​യി​രി​ക്ക​ണ​മെന്ന്‌ ഞാൻ തീർച്ച​യാ​യും വിശ്വ​സി​ച്ചി​രു​ന്നു. എന്റെ കർശന​മായ ഷിന്റോ–ബുദ്ധമത വളർത്തൽ ഞാൻ ദൈവ​ത്തെ​ക്കു​റിച്ച്‌ ദുഷ്‌പ്ര​വൃ​ത്തി​കൾക്ക്‌ ശിക്ഷി​ക്കുന്ന ഒരു ഭയങ്കര​നെന്നു ചിന്തി​ക്കാ​നി​ട​യാ​ക്കി. ഒരു പള്ളിയിൽ പോയി ക്രിസ്‌തീയ ദൈവ​ത്തെ​ക്കു​റി​ച്ചു പഠിക്കാൻ എനിക്കു ആഗ്രഹ​മു​ണ്ടാ​യി​രു​ന്നെ​ങ്കി​ലും എന്റെ ബുദ്ധമത പശ്ചാത്തലം എന്നെ പിന്തി​രി​പ്പി​ച്ചു. അങ്ങനെ​യി​രി​ക്കെ ഒരു സ്‌ത്രീ വീട്ടിൽ വരുക​യും എന്നോ​ടു​കൂ​ടെ ബൈബിൾ പഠിക്കാ​മെന്ന്‌ സമ്മതി​ക്കു​ക​യും​ചെ​യ്‌തു. ആ പഠനത്താൽ ദൈവ​ത്തിന്‌ യഹോവ എന്ന ഒരു പേരു​ണ്ടെന്നു ഞാൻ മനസ്സി​ലാ​ക്കി. അവൻ ഭീകര​നായ ഒരു ദൈവ​മ​ല്ലെ​ന്നും നമ്മെ ശിക്ഷി​ക്കാ​നല്ല പിന്നെ​യോ സഹായി​ക്കാൻ എല്ലായ്‌പ്പോ​ഴും നമ്മെ വീക്ഷി​ച്ചു​കൊ​ണ്ടി​രി​ക്കുന്ന സ്‌നേ​ഹ​വാ​നായ ദൈവ​മാ​ണെ​ന്നും അറിഞ്ഞ​തിൽ ഞാൻ പുളകം​കൊ​ണ്ടു. ഞാൻ ആ ദൈവത്തെ സേവി​ക്കാ​നാ​ഗ്ര​ഹി​ച്ചു, അതു​കൊ​ണ്ടു ഞാൻ എന്റെ മതം മാറി.’ അവൾ ഏതാണ്ട്‌ 30 വർഷമാ​യി ദൈവ​വു​മാ​യി സംതൃ​പ്‌തി​ക​ര​മായ ബന്ധം ആസ്വദി​ച്ചു​കൊ​ണ്ടി​രി​ക്കു​ക​യാണ്‌.

സ്വാത​ന്ത്ര്യ​വും പ്രത്യാ​ശ​യും നൽകുന്ന ബന്ധം

ദൈവ​വു​മാ​യി ഒരു ബന്ധം വളർത്തി​യെ​ടു​ത്ത​തി​നാൽ അനേകർക്കു ലഭിച്ചി​രി​ക്കുന്ന ഒരു പാർശ്വ പ്രയോ​ജ​ന​മുണ്ട്‌. മററു ബന്ധങ്ങൾക്ക്‌ അവരുടെ ജീവി​ത​ത്തിൽ പ്രാധാ​ന്യം കുറഞ്ഞു​വ​രു​മ്പോൾ അനേകർ അടിമ​പ്പെ​ടു​ത്തുന്ന മാനു​ഷ​ഭ​യ​ത്തിൽ നിന്നും യഥാർത്ഥ അർത്ഥവും മൂല്യ​വു​മി​ല്ലാത്ത ഞെരു​ക്കുന്ന ആചാര​ങ്ങ​ളിൽനി​ന്നു​മുള്ള സ്വാത​ന്ത്ര്യം നേടി​യി​ട്ടുണ്ട്‌. അതു​കൊണ്ട്‌, മിക്ക കുടും​ബ​ങ്ങ​ളെ​യും നിരന്തരം കടത്തിൽ നിർത്തുന്ന അന്തസ്സും പാരമ്പ​ര്യ​ങ്ങ​ളും നിലനിർത്താ​നുള്ള ചെലവു​ക​ളിൽനിന്ന്‌ അവർ വിമു​ക്ത​രാ​യി​രി​ക്കു​ന്നു. “മനുഷ്യ​രു​ടെ മുമ്പാകെ വിറക്കു​ന്ന​താണ്‌ ഒരു കണി വെക്കു​ന്നത്‌” എന്ന്‌ ബൈബിൾ മുന്നറി​യി​പ്പു നൽകുന്നു, “യഹോ​വ​യിൽ ആശ്രയി​ക്കു​ന്നവൻ സംരക്ഷി​ക്ക​പ്പെ​ടും” എന്നുള്ള ഉറപ്പു കൂട്ടി​ച്ചേർക്കു​ക​യും ചെയ്യുന്നു.—സദൃശ​വാ​ക്യ​ങ്ങൾ 29:25.

മരണ​ത്തെ​ക്കു​റി​ച്ചുള്ള ഭയത്തിൽനി​ന്നുള്ള സ്വാത​ന്ത്ര്യ​മാണ്‌ നേടേ​ണ്ടി​യി​രി​ക്കുന്ന മറെറാ​രു സ്വാത​ന്ത്ര്യം. മേലു​ദ്ധ​രിച്ച മിസീ പറയുന്നു: “എനിക്ക്‌ 22 വയസ്സാ​യി​രു​ന്ന​പ്പോൾ എനിക്ക്‌ ടൈ​ഫോ​യിഡ്‌ പിടി​പെട്ടു. ഞാൻ അർദ്ധ​ബോ​ധാ​വ​സ്ഥ​യിൽ അവിടെ കിടന്ന​പ്പോൾ ഞാൻ മരിക്കു​മെന്ന്‌ പ്രതീ​ക്ഷി​ക്കു​ന്ന​തു​പോ​ലെ സുഹൃ​ത്തു​ക്ക​ളും ബന്ധുക്ക​ളും സംസാ​രി​ക്കു​ന്നത്‌ ഞാൻ കേട്ടു. എന്നാൽ ഞാൻ മരണത്തെ ഭയപ്പെ​ട്ടി​രു​ന്നു. എനിക്കു ജീവി​ക്ക​ണ​മെ​ന്നു​ള്ള​താ​യി​രു​ന്നു എന്റെ ഏക വിചാരം. സന്തോ​ഷ​ക​ര​മെന്നു പറയട്ടെ, എനിക്ക്‌ സൗഖ്യം വന്നു. എന്റെ പിൽക്കാല ബൈബിൾ പഠനത്താൽ എനിക്ക്‌ ആ മരണഭീ​തി​യിൽനിന്ന്‌ മുക്തി കിട്ടി. മരണം കേവലം അസ്‌തി​ത്വ​മി​ല്ലാ​യ്‌മ​യാ​ണെന്ന്‌ ഞാൻ പഠിച്ചു.” ബൈബിൾ പറയുന്നു: “മരിച്ച​വരെ സംബന്ധി​ച്ചാ​ണെ​ങ്കിൽ അവർക്ക്‌ യാതൊ​ന്നി​നെ​ക്കു​റി​ച്ചും ബോധ​മില്ല.” (സഭാ​പ്ര​സം​ഗി 9:5, 10) ആരെങ്കി​ലും മരിക്കു​ന്നു​വെ​ങ്കിൽ, ദൈവം മരിച്ച​വരെ തന്റെ ഓർമ്മ​യിൽ ജീവ​നോ​ടെ സൂക്ഷി​ക്കു​ന്ന​തി​നാൽ അത്ഭുത​ക​ര​മായ പുനരു​ത്ഥാ​ന​പ്ര​ത്യാ​ശ​യുണ്ട്‌.—യോഹ​ന്നാൻ 5:28, 29.

തങ്ങൾ പഠിച്ചി​രി​ക്കുന്ന കാര്യങ്ങൾ തങ്ങളുടെ ജീവി​ത​ത്തിന്‌ യഥാർത്ഥ അർത്ഥവും പ്രത്യാ​ശ​യും നൽകി​യി​രി​ക്കു​ന്ന​താ​യി ബൈബിൾ പഠിക്കുന്ന അനേകർ സമാന​മാ​യി കണ്ടെത്തി​യി​ട്ടുണ്ട്‌. ബൈബിൾ എഴുത​പ്പെ​ട്ട​തി​ന്റെ ഒരു കാരണ​മി​താണ്‌, അതായത്‌, “നമുക്ക്‌ പ്രത്യാ​ശ​യു​ണ്ടാ​കേ​ണ്ട​തിന്‌.” (റോമർ 15:4) ബുദ്ധമതം ഒരു സ്രഷ്‌ടാ​വി​നെ​ക്കു​റി​ച്ചോ ദൈവ​ത്തെ​ക്കു​റി​ച്ചോ യാതൊ​ന്നും പഠിപ്പി​ക്കു​ന്നില്ല. തിൻമ​യും ദുരി​ത​വും എല്ലായ്‌പ്പോ​ഴും സ്ഥിതി​ചെ​യ്‌തി​ട്ടു​ണ്ടെ​ന്നും അനന്തമായ പുനർജ്ജൻമ ചക്രങ്ങ​ളി​ലൂ​ടെ എന്നേക്കും തുടരു​മെ​ന്നും പറയ​പ്പെ​ടു​ന്നു. മരിച്ചവർ ഒരു അനിശ്ചി​ത​സ്ഥ​ല​മായ സ്വർഗ്ഗ​ത്തിൽ പോകു​മെന്ന്‌ മിക്ക പാശ്ചാത്യ മതങ്ങളും പഠിപ്പി​ക്കു​ന്നു. എന്നാൽ അവർ അവിടെ എന്തു ചെയ്യു​മെ​ന്നു​ള്ളതു സംബന്ധിച്ച്‌ അവർക്ക്‌ അത്ര തിട്ടമില്ല. ജീവി​ത​ത്തിന്‌ വളരെ കുറച്ചു പ്രത്യാ​ശ​യോ അർത്ഥമോ കൊടു​ക്കുന്ന ഈ മത തത്വശാ​സ്‌ത്ര​ങ്ങ​ളിൽനി​ന്നു വ്യത്യ​സ്‌ത​മാ​യി മനുഷ്യൻ ഭൂമി​യു​ടെ പരിപാ​ലകൻ എന്ന നിലയിൽ അതിൽ എന്നേക്കും ജീവിതം ആസ്വദി​ക്കാൻ സൃഷ്ടി​ക്ക​പ്പെ​ട്ടു​വെന്ന്‌ ബൈബിൾ പഠിപ്പി​ക്കു​ന്നു. (ഉൽപ്പത്തി 2:15-17; യെശയ്യാവ്‌ 45:18) സ്വത്തു​ണ്ടാ​ക്കാ​നും സ്വയം സേവി​ക്കാ​നു​മല്ല പിന്നെ​യോ ദൈവ​ത്തെ​യും മററു​ള്ള​വ​രെ​യും നിസ്വാർത്ഥ​മാ​യി സേവി​ക്കാ​നാണ്‌ ജീവിതം ചെലവ​ഴി​ക്കേ​ണ്ട​തെന്ന്‌ നാം അങ്ങനെ തിരി​ച്ച​റി​യാ​നി​ട​യാ​കു​ന്നു.—സഭാ​പ്ര​സം​ഗി 12:13; മത്തായി 22:37-39.

സത്യം നേടുക, യഥാർത്ഥ സുഹൃ​ത്തു​ക്ക​ളെ​യും

ചിലർ മററു കാരണ​ങ്ങ​ളാൽ മതം മാറാൻ നിർബ​ന്ധി​ത​രാ​കു​ന്നു. അവയി​ലൊ​ന്നാണ്‌ മതസത്യം തേടാ​നുള്ള ആഗ്രഹം. തീർച്ച​യാ​യും സമ്പൂർണ്ണ​സ​ത്യം ഇല്ലെന്ന്‌ അനേകർ വിചാ​രി​ക്കു​ന്നു. ബൈബിൾ പറയു​ന്ന​തു​പോ​ലെ, അവർ ‘അന്വേ​ഷി​ക്കു​ന്നില്ല’.—സങ്കീർത്തനം 10:4.

എന്നാൽ തീർച്ച​യാ​യും അങ്ങനെ അന്വേ​ഷണം നടത്തുന്ന ആളുകൾ ഉണ്ട്‌. മദ്ധ്യ ജപ്പാനിൽ വസിക്കുന്ന സാക്കി സത്യം കണ്ടെത്തു​ന്ന​തിന്‌ 25 വർഷക്കാ​ലം ഒരു ബുദ്ധമ​ത​വി​ഭാ​ഗ​ത്തിൽനിന്ന്‌ മറെറാ​ന്നി​ലേക്ക്‌ പോയി. അവൾക്ക്‌ ഒരിക്ക​ലും തൃപ്‌തി​വ​ന്നില്ല. ഓരോ സ്ഥാപന​ത്തി​ലും അവൾ ഉത്തരവാ​ദി​ത്ത​മുള്ള സ്ഥാനങ്ങ​ളി​ലേ​ക്കു​യർന്ന​പ്പോൾ അവൾ തന്നെ ഇടറി​ക്കുന്ന കാര്യങ്ങൾ എല്ലായ്‌പ്പോ​ഴും കണ്ടു—വ്യാപാ​രം, ദുർവൃ​ത്തി, ചൂഷണം എന്നിങ്ങനെ. അവൾ ബുദ്ധൻ ജീവി​ക്കു​ക​യും പഠിപ്പി​ക്കു​ക​യും​ചെയ്‌ത ചരി​ത്ര​പ്ര​ധാ​ന​സ്ഥ​ല​ങ്ങ​ളിൽ ബുദ്ധമ​ത​ത്തി​ന്റെ വേരുകൾ തേടി ഇൻഡ്യ​യി​ലേ​ക്കു​പോ​ലും സഞ്ചരിച്ചു. ഈ ഹൈന്ദ​വ​രാ​ജ്യത്ത്‌ ബുദ്ധമ​ത​ത്തി​ലുള്ള തുച്ഛമായ താൽപ്പ​ര്യം കണ്ടതിൽ അവൾക്ക്‌ അതിയായ നിരാശ തോന്നി. അനന്തരം യഹോ​വ​യു​ടെ സാക്ഷി​ക​ളു​മാ​യുള്ള അവളുടെ സംഭാ​ഷ​ണ​ങ്ങ​ളിൽ എല്ലാ മതങ്ങളും ദൈവ​ത്തിൽനി​ന്ന​ല്ലെ​ന്നും പിന്നെ​യോ അവന്റെ ശത്രു​വായ പിശാ​ചായ സാത്താ​നിൽനി​ന്നാ​ണെ​ന്നും അവളോ​ടു പറയ​പ്പെട്ടു.—1 കൊരി​ന്ത്യർ 10:20.

ഇതു സാക്കിയെ ഞെട്ടിച്ചു. എന്നാൽ അത്‌ അവൾ ചിന്തി​ക്കു​ന്ന​തി​നും പരി​ശോ​ധി​ക്കു​ന്ന​തി​നും ഇടയാക്കി. അവൾ മതം മനുഷ്യ​വർഗ്ഗ​ത്തി​നു​വേണ്ടി എന്തു ചെയ്‌തി​രി​ക്കു​ന്നു? (ഇംഗ്ലീഷ്‌) എന്ന പുസ്‌ത​ക​വും മററു പ്രസി​ദ്ധീ​ക​ര​ണ​ങ്ങ​ളും വായിച്ചു.a ജപ്പാനിൽ ആചരി​ക്ക​പ്പെ​ടുന്ന ബുദ്ധമ​ത​ത്തിന്‌ വർഷങ്ങൾകൊണ്ട്‌ പല മാററങ്ങൾ ഉണ്ടാ​യെ​ങ്കി​ലും ബൈബി​ളിന്‌ ആയിര​ക്ക​ണ​ക്കിന്‌ വർഷങ്ങ​ളാ​യി മാററ​മു​ണ്ടാ​യി​ട്ടി​ല്ലെന്ന്‌ അവൾ കണ്ടുതു​ടങ്ങി. ഒടുവിൽ അവളുടെ അന്വേ​ഷണം പ്രതി​ഫ​ല​ദാ​യ​ക​മാ​യി. അവൾ അന്വേ​ഷി​ച്ചു​കൊ​ണ്ടി​രുന്ന സത്യം അവൾ കണ്ടെത്തി. അവളുടെ സന്തോഷം ഒരു വയലിൽ ഒളിച്ചു​വെ​ച്ചി​രുന്ന നിക്ഷേപം കണ്ടെത്തിയ യേശു​വി​ന്റെ ഉപമയി​ലെ മമനു​ഷ്യ​ന്റെ സന്തോഷം പോ​ലെ​യാ​യി​രു​ന്നു: “തന്റെ സന്തോഷം നിമിത്തം അയാൾ പോയി തനിക്കുള്ള വസ്‌തു​ക്കൾ വിൽക്കു​ക​യും ആ വയൽ വാങ്ങു​ക​യും​ചെ​യ്യു​ന്നു.”—മത്തായി 13:44.

മതസത്യം കണ്ടെത്തി​യി​ട്ടു​ള്ളവർ അത്‌ അന്വേ​ഷി​ക്കുന്ന മററു​ള്ള​വ​രോട്‌ “സഹാനു​ഭൂ​തി” പ്രകട​മാ​ക്കു​ന്നു. (1 പത്രോസ്‌ 3:8) യഥാർത്ഥ​ത്തിൽ, അവരുടെ ഊഷ്‌മ​ള​ത​യും യഥാർത്ഥ​സ്‌നേ​ഹ​വും പ്രാരം​ഭ​ത്തിൽ അനേകരെ ഒരു ബൈബിൾ പഠനത്തിന്‌ ആകർഷി​ക്കു​ന്നു. “നിങ്ങൾക്ക്‌ നിങ്ങളു​ടെ ഇടയിൽ സ്‌നേ​ഹ​മു​ണ്ടെ​ങ്കിൽ നിങ്ങൾ എന്റെ ശിഷ്യൻമാ​രാ​കു​ന്നു​വെന്ന്‌ എല്ലാവ​രും അറിയും” എന്ന്‌ യേശു പറഞ്ഞു. (യോഹ​ന്നാൻ 13:35) ഇന്ന്‌ നമുക്ക്‌ അത്തരം സ്‌നേ​ഹ​പൂർവ​ക​മായ അന്തരീക്ഷം എവിടെ കണ്ടെത്താൻ കഴിയും? ടോക്കി​യോ​യു​ടെ ഡയിലി യോമ്യൂ​റി​യി​ലെ തന്റെ പംക്തി​യിൽ കാസു​ഹി​ക്കോ നഗോയാ എഴുതി​യ​പ്പോൾ താൻ യഹോ​വ​യു​ടെ സാക്ഷി​ക​ളു​ടെ ഒരു യോഗ​സ്ഥലം സന്ദർശിച്ച സമയത്ത്‌ അവർ തന്നോടു പെരു​മാ​റിയ വിധ​ത്തെ​ക്കു​റിച്ച്‌ അഭി​പ്രാ​യം പറയു​ക​യു​ണ്ടാ​യി. “അവരുടെ ചിരി ഒരു മുൻ മീററിം​ഗിൽ എന്നെ കണ്ടശേഷം എന്നെ വീണ്ടും കാണു​ന്ന​തി​ലുള്ള സന്തോ​ഷം​പോ​ലെ​യാ​യി​രു​ന്നു.” എന്നാൽ വാസ്‌ത​വ​മ​ത​ല്ലാ​യി​രു​ന്നു. “ഞാൻ അവരുടെ മുഖത്തു സൂക്ഷി​ച്ചു​നോ​ക്കി, അവരെ​ല്ലാം തികച്ചും അപരി​ചി​ത​രാ​യി​രു​ന്നു.” വേറെ രണ്ടു​പേ​രും കൂടെ ചിരി​ച്ച​പ്പോൾ “എനിക്കു സന്തോഷം തോന്നി. അവരുടെ ഏതു മീററിം​ഗി​ലും ഒരു അപരി​ചി​തനെ കാണു​മ്പോൾ അവർ ചിരി​ക്കു​ന്നത്‌ ആ വിധത്തി​ലാണ്‌” എന്ന്‌ നഗോയാ അനുസ്‌മ​രി​ക്കു​ന്നു.

നിരന്തരം പ്രാ​ദേ​ശി​ക​മാ​യി കൂടി​വ​രു​ന്ന​തു​കൊണ്ട്‌ അന്യോ​ന്യം നന്നായി അറിയു​ന്ന​തു​നി​മി​ത്തമല്ല ഊഷ്‌മ​ള​ത​യും സ്‌നേ​ഹ​വും ഉണ്ടാകു​ന്നത്‌. എന്നാൽ ബൈബി​ളി​ന്റെ ഒരു നിരന്ത​ര​പ​ഠ​ന​ത്തിൽനി​ന്നും തങ്ങളുടെ ജീവി​ത​ത്തിൽ അതിന്റെ തത്വങ്ങൾ ബാധക​മാ​ക്കു​ന്ന​തിൽനി​ന്നു​മാണ്‌ അവ സംജാ​ത​മാ​കു​ന്നത്‌. 1985-86-ൽ വിദേ​ശ​ങ്ങ​ളിൽ നടന്ന യഹോ​വ​യു​ടെ സാക്ഷി​ക​ളു​ടെ “നിർമ്മ​ല​താ​പാ​ലക” ഡിസ്‌ത്രി​ക്‌ട്‌ കൺ​വെൻ​ഷ​നു​ക​ളിൽ സംബന്ധി​ക്കാൻ ക്ഷണിക്ക​പ്പെട്ട അനേകർ തങ്ങളുടെ ആതി​ഥേ​യ​രാൽ കാണി​ക്ക​പ്പെട്ട സ്‌നേ​ഹ​ത്താ​ലും ആതിഥ്യ​ത്താ​ലും വികാ​ര​ത​ര​ളി​ത​രാ​യി. ഫിലി​പ്പീൻസി​ലെ കൺ​വെൻ​ഷ​നിൽ സംബന്ധിച്ച ജപ്പാനിൽനി​ന്നുള്ള ഒരു യുവ ഇണകൾ ഇങ്ങനെ അഭി​പ്രാ​യ​പ്പെട്ടു: “ഞങ്ങളെ​ല്ലാം സമാപ​ന​ഗീ​ത​ത്തിന്‌ ഒത്തു​ചേർന്ന്‌ ഓരോ​രു​ത്ത​രും സ്വന്തം ഭാഷയിൽ ഗീതമാ​ല​പി​ച്ച​പ്പോൾ ഞങ്ങൾ അത്യന്തം വികാ​ര​ത​ര​ളി​ത​രാ​യി. യഥാർത്ഥ​ത്തിൽ ഒരു സാർവ​ദേ​ശീയ സഹോ​ദ​ര​വർഗ്ഗ​ത്തിൽ ഉൾപ്പെ​ടു​ന്ന​തി​ന്റെ അർത്ഥ​മെ​ന്തെന്ന്‌ ഞങ്ങൾ ഇദം​പ്ര​ഥ​മ​മാ​യി അനുഭ​വി​ച്ച​റി​ഞ്ഞു.”

ഒടുവിൽ, ബൈബിൾ പഠിക്കു​ക​യും അതിലെ തത്വങ്ങൾ ബാധക​മാ​ക്കു​ക​യും ചെയ്‌ത​തി​ന്റെ ഫലമായി തങ്ങളുടെ ജീവി​ത​ത്തിൽ വരുത്തിയ വലിയ മാററ​ങ്ങ​ളെ​ക്കു​റിച്ച്‌ അനേകർ നിങ്ങ​ളോ​ടു പറയും. മുമ്പ്‌ ആടുക​ളും ചെന്നാ​യ്‌ക്ക​ളും തമ്മി​ലെ​ന്ന​പോ​ലെ വ്യത്യ​സ്‌ത​വ്യ​ക്തി​ത്വ​മു​ണ്ടാ​യി​രു​ന്നവർ ഇപ്പോൾ ക്രിസ്‌തീയ സമ്മേള​ന​ത്തിൽ സമാധാ​ന​പ​ര​മാ​യി ഒത്തുക​ഴി​യു​ന്നു. (യെശയ്യാവ്‌ 11:6) ചിലർ ഭാവ​ഭേ​ദ​ങ്ങ​ളു​ള്ള​വ​രും സൗഹൃ​ദ​ഭാ​വ​മി​ല്ലാ​ത്ത​വ​രും ക്ഷിപ്ര​കോ​പി​ക​ളും ഭയമു​ള്ളവർ പോലു​മാ​യി​രു​ന്നു. മററു ചിലർക്ക്‌ വിഷാ​ദ​ത്തി​ന്റെ കുഴപ്പ​മു​ണ്ടാ​യി​രു​ന്നു. ഇനിയും ചിലർ അന്തർമു​ഖ​രും സ്വാർത്ഥ​ചി​ന്ത​ക്കാ​രു​മാ​യി​രു​ന്നു. അനേകർക്ക്‌ തരണം​ചെ​യ്യേണ്ട ദുശ്ശീ​ലങ്ങൾ ഉണ്ടായി​രു​ന്നു. എന്നാൽ തീവ്ര​ശ്ര​മ​വും ഒപ്പം ദൈവത്തെ പ്രസാ​ദി​പ്പി​ക്കാ​നുള്ള ആഗ്രഹ​വും നിമിത്തം അവർക്ക്‌ ഗംഭീ​ര​മായ മാററങ്ങൾ വരുത്താൻ കഴിഞ്ഞു.

നിങ്ങളെ സംബന്ധി​ച്ചെന്ത്‌? മാററങ്ങൾ വരുത്തു​ന്ന​തി​നുള്ള മേൽപ്പറഞ്ഞ കാരണ​ങ്ങ​ളിൽ ഏതെങ്കി​ലും നിങ്ങൾക്ക്‌ ആകർഷ​ക​മാ​യി​രി​ക്കു​ന്നു​വോ? അങ്ങനെ​യെ​ങ്കിൽ ബൈബി​ളി​ന്റെ ഗൗരവ​പൂർണ്ണ​മായ ഒരു പഠനം നടത്താൻ ഞങ്ങൾ നിങ്ങളെ പ്രോൽസാ​ഹി​പ്പി​ക്കു​ക​യാണ്‌. സകല വ്യാജ​മ​ത​ങ്ങ​ളും ബൈബി​ളി​ലെ ദൈവ​വു​മാ​യുള്ള ഒരു ഏററു​മു​ട്ട​ലി​ന്റെ പാതയി​ലാണ്‌ എന്ന്‌ ബൈബിൾ പ്രകട​മാ​ക്കു​ന്നു. മുൻ ലേഖന​ത്തിൽ പറഞ്ഞ പയലറ​റി​നെ​പ്പോ​ലെ നിങ്ങളു​ടെ​യും നിങ്ങളു​ടെ പ്രിയ​പ്പെ​ട്ട​വ​രു​ടെ​യും ജീവനെ രക്ഷിക്കാൻ നിങ്ങൾ കർശന​മായ നടപടി സ്വീക​രി​ക്കേ​ണ്ട​തു​ണ്ടാ​യി​രി​ക്കാം. “നാശത്തി​ലേ​ക്കുള്ള വഴി വീതി​യു​ള്ള​തും വിശാ​ല​വു​മാ​കു​ന്നു, അതിലെ പോകു​ന്നവർ അനേക​രാണ്‌; അതേസ​മയം ജീവനി​ലേ​ക്കുള്ള പടിവാ​തിൽ ഇടുങ്ങി​യ​തും വഴി ഞെരു​ക്ക​മു​ള്ള​തു​മാ​കു​ന്നു” എന്ന്‌ യേശു പറഞ്ഞു. (മത്തായി 7:13, 14) അതെ, നിങ്ങൾ “വീതി​യു​ള്ള​തും വിശാ​ല​വു​മായ” വഴി​യേ​യാണ്‌ നടക്കു​ന്ന​തെ​ങ്കിൽ, നിങ്ങൾക്ക്‌ മതം മാറാ​നുള്ള നല്ല കാരണ​ങ്ങ​ളുണ്ട്‌! (w88 6/1)

[അടിക്കു​റി​പ്പു​കൾ]

[5-ാം പേജിലെ ചിത്രം]

എന്റെ കർശന​മായ ഷിന്റോ–ബുദ്ധമത വളർത്തൽ ഞാൻ ദൈവ​ത്തെ​ക്കു​റി​ച്ചു ഒരു ഭയങ്കര​നെന്നു ചിന്തി​ക്കാ​നി​ട​യാ​ക്കി

[7-ാം പേജിലെ ചിത്രം]

‘ജീവനി​ലേക്കു നയിക്കുന്ന പാത ഞെരു​ക്ക​മു​ള്ള​താ​കു​ന്നു’