ഗ്രീസ്‌—അഞ്ചാം​ലോ​ക​മ​ഹ​ച്ഛക്തി

വേഗതയും ചിറകു​മുള്ള ഒരു പുള്ളി​പ്പു​ലി​യെ​പ്പോ​ലെ, അലക്‌സാ​ണ്ടർ ഏഷ്യാ​മൈ​ന​റും (ആധുനി​ക​നാ​ളി​ലെ ടർക്കി) പാലസ്‌തീ​നും ഈജി​പ്‌റ​റും ഇൻഡ്യ​യു​ടെ അതിർവരെ വ്യാപിച്ച മെദോ​പേർഷ്യൻ സാമ്രാ​ജ്യ​വും ജയിച്ച​ട​ക്കാൻ ഗ്രീസിൽനിന്ന്‌ വന്നു. ഈ അപൂർവ​ജേ​താ​വി​നെ​യും ബൈബിൾ അയാ​ളെ​ക്കു​റി​ച്ചു പറഞ്ഞതി​നെ​യും സംബന്ധിച്ച്‌ കൂടുതൽ അറിയാൻ നിങ്ങൾ ആഗ്രഹി​ക്കു​ന്നു​വോ?

യുവാ​വാ​യി​രുന്ന അലക്‌സാ​ണ്ടർ 20 വയസ്സു മാത്രം പ്രായ​മു​ണ്ടാ​യി​രു​ന്ന​പ്പോൾ മാസി​ഡോ​ണി​യ​യു​ടെ സിംഹാ​സ​നാ​വ​കാ​ശി​യാ​യി​ത്തീർന്നു. രണ്ടു വർഷങ്ങൾക്കു​ശേഷം, അലക്‌സാ​ണ്ടർ തന്റെ പിതാ​വായ ഫിലി​പ്പി​ന്റെ പ്ലാനനു​സ​രിച്ച്‌, കിഴക്കൻ സാമ്രാ​ജ്യ​ത്തി​ലെ ശക്തരായ പേർഷ്യാ​ക്കാർക്കെ​തി​രെ ഒരു പ്രതി​കാ​ര​പോ​രാ​ട്ടം തുടങ്ങി. അലക്‌സാ​ണ്ടർ നിർത്തു​ന്ന​തി​നു മുമ്പ്‌ തന്റെ കാലത്തെ ലോകം പിടി​ച്ച​ട​ക്കി​യി​രു​ന്നു.

ഈ ഊർജ്ജ​സ്വ​ല​നായ യുവ സൈനിക യുദ്ധത​ന്ത്രജ്ഞൻ ഏഷ്യാ​മൈനർ, സിറിയാ, പാലസ്‌തീൻ, ഈജി​പ്‌ററ്‌, ബാബി​ലോ​ണി​യാ, പുരാതന ഇൻഡ്യ​യു​ടെ കവാടം​വ​രെ​യുള്ള മുഴു മെദോ​പേർഷ്യൻ സാമ്രാ​ജ്യം എന്നിവ​യി​ലൂ​ടെ പാഞ്ഞു​ക​യറി! ഒരുപക്ഷേ പുരാ​ത​ന​കാ​ലത്തെ ഏററവും വലിയ ജനറൽ എന്നു പരിഗ​ണി​ക്ക​പ്പെട്ട അയാൾ ഇന്ന്‌ മഹാനായ അലക്‌സാ​ണ്ടർ എന്ന്‌ അറിയ​പ്പെ​ടു​ന്നു.

അതിശ​യ​ക​ര​മാ​യ ഒരു ചുരു​ങ്ങിയ സമയത്തി​നു​ള്ളിൽ ഗ്രീസ്‌ ബൈബിൾ ചരി​ത്ര​ത്തി​ലെ ലോക​ശ​ക്തി​ക​ളിൽ അഞ്ചാമ​ത്തേ​താ​യി​ത്തീർന്നു—അതിനു മുമ്പു​ണ്ടാ​യി​രുന്ന ഏതി​നേ​ക്കാ​ളും വലിയത്‌. അത്തരം ഒരു സംഗതി നടന്നത്‌ എങ്ങനെ​യാ​യി​രു​ന്നു? അത്‌ ദൈവ​വ​ച​ന​ത്തോട്‌ ബന്ധപ്പെ​ടു​ന്ന​തെ​ങ്ങ​നെ​യാണ്‌? അത്‌ നിങ്ങൾക്കെ​ന്തർത്ഥ​മാ​ക്കു​ന്നു?

ബൈബിൾ പ്രവച​ന​ത്തിൽ മുൻകൂ​ട്ടി​പ്പ​റ​യ​പ്പെട്ടു

അലക്‌സാ​ണ്ട​റി​ന്റെ കാലത്തിന്‌ ഇരുനൂ​റു വർഷങ്ങൾക്കു​മുമ്പ്‌, ബാബി​ലോൻ പ്രാബ​ല്യ​ത്തി​ലി​രി​ക്കു​മ്പോൾ മേദ്യ​രും പേർഷ്യ​ക്കാ​രും അതുവരെ ലോക​ശ​ക്തി​യാ​യി​ത്തീർന്നി​ട്ടി​ല്ലാ​തി​രി​ക്കെ യഹോ​വ​യു​ടെ പ്രവാ​ച​ക​നാ​യി​രുന്ന ദാനി​യേ​ലിന്‌ ഭാവി​ലോക ചരി​ത്രത്തെ വിവരി​ക്കുന്ന രണ്ടു വലിയ പ്രവാ​ച​ക​ദർശ​നങ്ങൾ കൊടു​ക്ക​പ്പെട്ടു. പിന്നീട്‌, ബാബി​ലോൻ വീണ​ശേഷം, അവന്റെ കാലത്തി​നും​ശേഷം വളരെ​നാൾ കഴിഞ്ഞ്‌ സംഭവി​ക്കുന്ന കാര്യങ്ങൾ സംബന്ധിച്ച്‌ അവന്‌ മൂന്നാ​മത്‌ ഒരു പ്രവചനം ലഭിച്ചു. ദാനി​യേൽ അവ എഴുതി. രണ്ടു നൂററാ​ണ്ടു​ക​ളോ​ളം കഴിയു​ന്ന​തു​വരെ നിവൃ​ത്തി​യേ​റാൻ തുടങ്ങാ​തി​രുന്ന ഈ പ്രവച​ന​ങ്ങ​ളിൽ, അലക്‌സാ​ണ്ട​റി​നും അയാളു​ടെ രാജ്യ​ത്തി​നും സംഭവി​ക്കാ​നി​രുന്ന കാര്യ​ങ്ങളെ സംബന്ധിച്ച കൃത്യ​മായ വിവരങ്ങൾ അടങ്ങി​യി​രു​ന്നു.

ദാനി​യേ​ലിന്‌ വെളി​പ്പെ​ടു​ത്ത​പ്പെ​ട്ടത്‌ എന്തായി​രു​ന്നു? നിങ്ങൾക്ക്‌ ഈ പ്രവച​നങ്ങൾ ക്രി.മു. ഏകദേശം 536-ൽ എഴുത​പ്പെട്ട ദാനി​യേൽ എന്ന ബൈബിൾപു​സ്‌ത​ക​ത്തിൽ കണ്ടെത്താൻ കഴിയും. ചുരു​ക്ക​ത്തിൽ, അഞ്ചാം ലോക​ശ​ക്തി​യാ​യി​രുന്ന ഗ്രീസി​നോ​ടുള്ള ബന്ധത്തിൽ അവൻ കണ്ട കാര്യങ്ങൾ ഇവയാ​യി​രു​ന്നു:

ആദ്യത്തെ പ്രവാ​ച​ക​ദർശ​ന​ത്തിൽ ഗ്രീസ്‌ ശീഘ്ര​ഗ​മ​ന​ത്തിന്‌ സജ്ജമാ​ക്ക​പ്പെട്ട ഒരു പുള്ളി​പ്പു​ലി​യാൽ പ്രതി​നി​ധാ​നം ചെയ്യ​പ്പെ​ട്ടി​രു​ന്നു. “അതിന്‌ അതിന്റെ മുതു​കിൽ പറക്കുന്ന ജീവി​യു​ടെ നാലു ചിറകു​കൾ ഉണ്ടായി​രു​ന്നു. . . . അതിന്‌ നിശ്ചയ​മാ​യും ആധിപ​ത്യം കൊടു​ക്ക​പ്പെട്ടു.”—ദാനി​യേൽ 7:6.

രണ്ടാമത്തെ പ്രവാ​ച​ക​ദർശ​ന​ത്തിൽ ഒരു കോലാ​ട്ടു​കൊ​ററൻ “സൂര്യാ​സ്‌ത​മ​യ​ത്തി​ങ്കൽ നിന്ന്‌ [പടിഞ്ഞാറ്‌] മുഴു ഭൂതല​ത്തിൻമേ​ലു​മാ​യി നിലം​തൊ​ടാ​തെ” അത്ര വേഗത​യിൽ ഗമിക്കു​ന്ന​താ​യി കാണ​പ്പെട്ടു. അത്‌ “മേദ്യ​യു​ടെ​യും പേർഷ്യ​യു​ടെ​യും രാജാ​ക്കൻമാ​രെ പ്രതി​നി​ധാ​നം​ചെ​യ്യു​ന്നു” എന്ന്‌ ദൂതൻ പറഞ്ഞ രണ്ടു കൊമ്പുള്ള ആട്ടു​കൊ​റ​റന്റെ നേരെ വന്നു. കോലാ​ട്ടു​കൊ​ററൻ “ആട്ടു​കൊ​റ​റനെ ഇടിച്ചു​വീ​ഴി​ക്കാ​നും അതിന്റെ രണ്ടു കൊമ്പു​കൾ തകർക്കാ​നും പുറ​പ്പെട്ടു.” ദാനി​യേ​ലി​നോട്‌ ഇപ്രകാ​രം പറയ​പ്പെട്ടു: “രോമാ​വൃ​ത​മായ കോലാ​ട്ടു​കൊ​ററൻ ഗ്രീക്കു​രാ​ജാ​വി​നെ പ്രതി​നി​ധാ​നം​ചെ​യ്യു​ന്നു.”—ദാനി​യേൽ 8:5-8, 20, 21.

മൂന്നാ​മ​ത്തെ സംഭവ​ത്തിൽ, “ഒരു പേർഷ്യൻ രാജാവ്‌ . . . എല്ലാറ​റി​നെ​യും ഗ്രീക്ക്‌ രാജ്യ​ത്തി​നെ​തി​രെ ഇളക്കി​വി​ടും. ശക്തനായ ഒരു രാജാവ്‌ നിശ്ചയ​മാ​യും എഴു​ന്നേൽക്കു​ക​യും വിപു​ല​മായ അധികാ​ര​ത്തോ​ടെ ഭരിക്കു​ക​യും അവന്റെ ഇഷ്ടപ്ര​കാ​രം പ്രവർത്തി​ക്കു​ക​യും ചെയ്യും.”—ദാനി​യേൽ 11:2, 3.

ഈ പ്രതീ​ക​ങ്ങ​ളു​ടെ അർത്ഥ​മെ​ന്താ​യി​രു​ന്നു? ദാനി​യേ​ലി​നോട്‌ പറയപ്പെട്ട വിധങ്ങ​ളിൽ ഈ കാര്യങ്ങൾ സംഭവി​ച്ചോ? നമുക്കു കാണാം.

പ്രവച​നങ്ങൾ നിവൃ​ത്തി​യേ​റി

ക്രി.മു. 334-ാം ആണ്ടിലെ വസന്തത്തിൽ അലക്‌സാ​ണ്ടർ 30,000ത്തോളം കാലാൾപ​ട​യും 5,000 അശ്വ​സേ​ന​യു​മാ​യി ഡാർഡ​നെൽസിൽ (പുരാതന ഹെലസ്‌പോണ്ട്‌) ഏഷ്യയിൽ പ്രവേ​ശി​ച്ചു. നാലു ചിറകു​ക​ളുള്ള ഒരു പ്രതീ​കാ​ത്മക പുള്ളി​പ്പു​ലി​യു​ടെ അല്ലെങ്കിൽ നിലം​തൊ​ടാ​തെ വരുന്ന​തെന്നു തോന്നിയ ഒരു കോലാ​ട്ടു​കൊ​റ​റന്റെ വേഗത​യിൽ അയാൾ സ്വന്തം രാജ്യ​ത്തി​ന്റെ 50 ഇരട്ടി വരുന്ന പേർഷ്യൻ ഭരണ​പ്ര​ദേ​ശ​ങ്ങ​ളി​ലൂ​ടെ മുന്നേറി! അയാൾ “വിപു​ല​മായ അധികാ​ര​ത്തോ​ടെ ഭരിക്ക​യും സ്വന്തം ഇഷ്ടപ്ര​കാ​രം പ്രവർത്തി​ക്കു​ക​യും ചെയ്‌തോ”? ചരിത്രം ഉത്തരം നൽകുന്നു.

ഏഷ്യാ​മൈ​ന​റി​ന്റെ (ആധുനിക തുർക്കി) വടക്കു​പ​ടി​ഞ്ഞാ​റെ മൂലയിൽ ഗ്രാനി​ക്കസ്‌ നദിയി​ങ്കൽ അലക്‌സാ​ണ്ടർ പേർഷ്യ​ക്കെ​തി​രെ​യുള്ള തന്റെ യുദ്ധത്തിൽ ആദ്യ വിജയം നേടി. ആ ഹേമന്ത​കാ​ലത്ത്‌ അയാൾ പശ്ചിമ ഏഷ്യാ​മൈനർ പിടി​ച്ച​ടക്കി. തുടർന്നു വന്ന ശരത്‌കാ​ലത്ത്‌ ഏഷ്യാ​മൈ​ന​റി​ന്റെ തെക്കു​കി​ഴക്കേ മൂലയി​ലുള്ള ഇസ്സുസ്സിൽ വെച്ച്‌ അയാൾ അഞ്ചുലക്ഷം എന്നു കണക്കാ​ക്ക​പ്പെട്ട ഒരു പേർഷ്യൻ സൈന്യ​ത്തെ പൂർണ്ണ​മാ​യി തോൽപ്പി​ച്ചു, പേർഷ്യ​യി​ലെ മഹാരാ​ജാ​വാ​യി​രുന്ന ഡേറി​യസ്‌ III-ാമൻ അയാളു​ടെ കുടും​ബത്തെ അലക്‌സാ​ണ്ട​റു​ടെ കൈക​ളിൽ ഉപേക്ഷി​ച്ചു​കൊണ്ട്‌ പലായനം ചെയ്‌തു.

പലായനം ചെയ്‌ത പേർഷ്യൻ സൈന്യ​ത്തെ പിന്തു​ട​രു​ന്ന​തി​നു പകരം അലക്‌സാ​ണ്ടർ മെഡി​റ​റ​റേ​നി​യൻ തീരത്തു​കൂ​ടെ തെക്കോ​ട്ടു മാർച്ചു​ചെ​യ്‌ത്‌ ശക്തമായ പേർഷ്യൻ കപ്പൽപട ഉപയോ​ഗി​ച്ചി​രുന്ന താവളങ്ങൾ പിടി​ച്ച​ടക്കി. ദ്വീപ​ന​ഗ​ര​മായ സോർ ഏഴുമാ​സം ചെറു​ത്തു​നി​ന്നു. ഒടുവിൽ നെബു​ക്ക​ദ്‌നേസർ നശിപ്പി​ച്ചു​ക​ള​ഞ്ഞി​രുന്ന പഴയ വൻകര​യി​ലെ നഗരത്തി​ന്റെ പാറക്ക​ഷ​ണങ്ങൾ ഉപയോ​ഗിച്ച്‌ അലക്‌സാ​ണ്ടർ ദ്വീപ​ന​ഗ​ര​ത്തി​ലേക്ക്‌ ഒരു വരമ്പു​വഴി ഉണ്ടാക്കി. ആ വരമ്പിന്റെ അവശി​ഷ്ടങ്ങൾ, ഇന്നും ദൃശ്യ​മാണ്‌, സോറി​ന്റെ പൊടി സമു​ദ്ര​ത്തിൽ എറിഞ്ഞു​ക​ള​യും എന്ന യെഹെ​സ്‌ക്കേ​ലി​ന്റെ പ്രവചനം നിവർത്തി​ച്ചു​കൊ​ണ്ടു​തന്നെ.—യെഹെ​സ്‌ക്കേൽ 26:4, 12.

തനിക്ക്‌ കീഴട​ങ്ങിയ യരുശ​ലേ​മി​നെ ഒഴിവാ​ക്കി​ക്കൊണ്ട്‌ അലക്‌സാ​ണ്ടർ തെക്കോട്ട്‌ നീങ്ങി ഗാസാ പിടി​ച്ചെ​ടു​ക്കു​ക​യും “തന്റെ വിപു​ല​മായ അധികാ​രം” വികസി​പ്പി​ക്കു​ക​യും താൻ ഒരു വിമോ​ച​ക​നാ​യി സ്വീക​രി​ക്ക​പ്പെട്ട ഈജി​പ്‌റ​റിൽ “തന്റെ ഇഷ്ടപ്ര​കാ​രം” പ്രവർത്തി​ക്കു​ക​യും​ചെ​യ്‌തു. മെംഫി​സ്സിൽ അയാൾ ഏപ്പിസ്‌ കാളക്ക്‌ ബലിയർപ്പി​ക്കു​ക​യും അങ്ങനെ ഈജി​പ്‌ഷ്യൻ പുരോ​ഹി​തൻമാ​രെ പ്രസാ​ദി​പ്പി​ക്കു​ക​യും ചെയ്‌തു. അയാൾ അലക്‌സാ​ണ്ട്രിയ നഗരവും സ്ഥാപിച്ചു, അത്‌ പിന്നീട്‌ ഒരു വിദ്യാ​ഭ്യാ​സ കേന്ദ്ര​മെന്ന നിലയിൽ ആതെൻസി​നോ​ടു മത്സരിച്ചു. അതിന്‌ ഇപ്പോ​ഴും അയാളു​ടെ നാമം​ത​ന്നെ​യാ​ണു​ള്ളത്‌.

ഫിലി​പ്പി​ന്റെ സകല ലക്ഷ്യങ്ങ​ളും സാധി​ക്കു​ക​യും കവിയു​ക​യും​ചെ​യ്‌തി​രു​ന്നു, എന്നാൽ അലക്‌സാ​ണ്ടർ അശേഷം പൂർത്തീ​ക​രി​ച്ചി​രു​ന്നില്ല. വേഗത​യുള്ള ഒരു കോലാ​ട്ടു​കൊ​റ​റ​നെ​പ്പോ​ലെ അയാൾ പാലസ്‌തീ​നി​ലൂ​ടെ വടക്കു​കി​ഴ​ക്കോട്ട്‌ പിന്തി​രി​ഞ്ഞു​പോ​കു​ക​യും ടൈ​ഗ്രീസ്‌ നദിയി​ങ്ക​ലേക്കു മുന്നേ​റു​ക​യും​ചെ​യ്‌തു. അതു​കൊണ്ട്‌, ക്രി.മു. 331-ൽ അയാൾ മുൻ അസ്സീറി​യൻ തലസ്ഥാ​ന​മാ​യി​രുന്ന നിന​വേ​യു​ടെ തകർന്നു​തു​ട​ങ്ങിയ ശൂന്യ​ശി​ഷ്ട​ങ്ങ​ളിൽനിന്ന്‌ അകലെ​യ​ല്ലാ​തെ ഗ്വാഗാ​മെ​ലാ​യിൽ പേർഷ്യ​ക്കാ​രു​മാ​യി ഏററു​മു​ട്ടി. അലക്‌സാ​ണ്ട​റു​ടെ 47,000 പടയാ​ളി​കൾ 10,00,000ത്തോളം വരുന്ന ഒരു പുനഃ​സം​ഘ​ടിത പേർഷ്യൻ​സൈ​ന്യ​ത്തെ കീഴടക്കി.

വിജയ​ത്താൽ ഗർവ്വി​ഷ്‌ഠ​നാ​യി അലക്‌സാ​ണ്ടർ തെക്കോ​ട്ടു തിരി​യു​ക​യും പേർഷ്യൻ ഗ്രീഷ്‌മ തലസ്ഥാ​ന​മായ ബാബി​ലോൻ പിടി​ച്ച​ട​ക്കു​ക​യും​ചെ​യ്‌തു. അയാൾ സൂസാ​യി​ലെ​യും പെർസി​പ്പോ​ളി​സി​ലെ​യും തലസ്ഥാ​ന​ങ്ങ​ളും പിടി​ച്ചെ​ടു​ക്കു​ക​യും ബൃഹത്തായ പേർഷ്യൻ ഖജനാവ്‌ കൈയ​ട​ക്കു​ക​യും സേർക്‌സ​സി​ന്റെ വമ്പിച്ച കൊട്ടാ​ര​ത്തി​നു തീവെ​ക്കു​ക​യും ചെയ്‌തു. ഒടുവിൽ, എക്‌ബ​റ​റ​നാ​യി​ലെ തലസ്ഥാനം അയാൾക്ക്‌ കീഴടങ്ങി. ഈ ശീഘ്ര​ഗാ​മി​യായ ജേതാവ്‌ പിന്നീട്‌ പേർഷ്യൻപ്ര​ദേ​ശ​ത്തി​ന്റെ ശേഷിച്ച ഭാഗം കീഴട​ക്കു​ക​യും ആധുനിക പാകി​സ്ഥാ​നി​ലെ ഇൻഡസ്‌ന​ദി​വരെ കിഴ​ക്കോട്ട്‌ പ്രയാ​ണം​ചെ​യ്യു​ക​യും ചെയ്‌തു. നിസ്സം​ശ​യ​മാ​യി, ഗ്രീസ്‌ ബൈബിൾ ചരി​ത്ര​ത്തി​ലെ അഞ്ചാമത്തെ മഹച്‌ഛ​ക്തി​യാ​യി​ത്തീർന്നി​രു​ന്നു.

അലക്‌സാ​ണ്ട​റു​ടെ ദിഗ്വി​ജയം ഈ വിസ്‌തൃ​ത​മായ മണ്ഡലത്തി​ലാ​കെ ഗ്രീക്ക്‌ഭാ​ഷ​യെ​യും സംസ്‌ക്കാ​ര​ത്തെ​യും വ്യാപി​പ്പി​ക്കു​ക​യും ചെയ്‌തു. ജയിച്ച​ട​ക്ക​പ്പെട്ട രാജ്യ​ങ്ങ​ളിൽ ഗ്രീക്ക്‌ കോള​നി​കൾ സ്ഥാപി​ക്ക​പ്പെ​ട്ട​തോ​ടെ പൊതു കൊയ്‌നി ഗ്രീക്ക്‌ ആ നാളിലെ സാർവ​ദേ​ശീയ ഭാഷയാ​യി​ത്തീർന്നു. ആ ഭാഷയാ​യി​രു​ന്നു പിൽക്കാ​ലത്ത്‌ ക്രിസ്‌തീയ ഗ്രീക്ക്‌ തിരു​വെ​ഴു​ത്തു​കൾ രേഖ​പ്പെ​ടു​ത്താൻ ഉപയോ​ഗി​ക്ക​പ്പെ​ട്ടത്‌.

അലക്‌സാ​ണ്ട​റു​ടെ രാജ്യം വിഭജി​ക്ക​പ്പെ​ടു​ന്നു

അലക്‌സാ​ണ്ടർ തന്റെ സാമ്രാ​ജ്യ​ത്തി​ന്റെ തലസ്ഥാ​ന​മാ​യി ബാബി​ലോ​നെ പുനർനിർമ്മി​ക്കാൻ ആഗ്രഹി​ച്ചു. എന്നാൽ ഇത്‌ സംഭവി​ക്കാൻപാ​ടി​ല്ലാ​യി​രു​ന്നു. രോമാ​വൃ​ത​മായ കോലാ​ട്ടു​കൊ​റ​റന്‌ ഒരൊററ വലിയ കൊമ്പ്‌ ഉള്ളതായി പ്രവചനം വർണ്ണി​ച്ചി​രു​ന്നു, അതിനെ സംബന്ധിച്ച്‌ ദാനി​യേൽ ഇങ്ങനെ പറഞ്ഞി​രു​ന്നു:

“കോലാ​ടു​ക​ളി​ലെ മുട്ടാട്‌, അതിന്റെ ഭാഗത്ത്‌ അങ്ങേയ​റ​റത്തെ ഭാവം നടിച്ചു; എന്നാൽ അത്‌ ബലപ്പെട്ട ഉടനെ വലിയ കൊമ്പ്‌ ഒടിഞ്ഞു​പോ​യി, അതിനു പകരം നാലെണ്ണം ആകാശ​ങ്ങ​ളി​ലെ നാലു കാററു​ക​ളു​ടെ നേരെ​യും പ്രമു​ഖ​മാ​യി​ത്തീ​രാൻ തുടങ്ങി. . . . രോമാ​വൃ​ത​മായ കോലാ​ട്ടു​കൊ​ററൻ ഗ്രീസി​ലെ രാജാ​വി​നെ പ്രതി​നി​ധാ​നം​ചെ​യ്യു​ന്നു; അതിന്റെ കണ്ണുകൾക്കു നടുവി​ലെ വലിയ കൊമ്പി​നെ സംബന്ധി​ച്ചാ​ണെ​ങ്കിൽ അത്‌ ഒന്നാമത്തെ രാജാ​വി​നെ പ്രതി​നി​ധാ​നം​ചെ​യ്യു​ന്നു. അതിനു പകരം ഒടുവിൽ നാലെണ്ണം എഴു​ന്നേൽക്ക​ത്ത​ക്ക​വണ്ണം ആ ഒന്നു തകർന്ന​തോ, അയാളു​ടെ ജനതയിൽനിന്ന്‌, എന്നാൽ അയാളു​ടെ ശക്തിയിൽനി​ന്ന​ല്ലാ​തെ എഴു​ന്നേൽക്കുന്ന നാലു രാജ്യ​ങ്ങ​ളുണ്ട്‌.”—ദാനി​യേൽ 8:8, 21, 22.

“അവൻ എഴു​ന്നേ​റ​റു​ക​ഴി​യു​മ്പോൾ അവന്റെ രാജ്യം തകരു​ക​യും ആകാശ​ങ്ങ​ളി​ലെ നാലു കാററു​ക​ളി​ലേ​ക്കും വിഭജി​ക്ക​പ്പെ​ടു​ക​യും​ചെ​യ്യും, എന്നാൽ അയാളു​ടെ സന്തതി​കൾക്കല്ല, അയാൾ ഭരിച്ചി​രുന്ന അധികാ​ര​മ​നു​സ​രി​ച്ചു​മല്ല; എന്തു​കൊ​ണ്ടെ​ന്നാൽ അയാളു​ടെ രാജ്യം ഇവരല്ലാ​തെ മററു​ള്ള​വർക്കു​പോ​ലു​മാ​യി പിഴു​തെ​ടു​ക്ക​പ്പെ​ടും.”—ദാനി​യേൽ 11:4.

ബൈബിൾ മുൻകൂ​ട്ടി​പ്പ​റ​ഞ്ഞി​രു​ന്ന​തു​പോ​ലെ അയാളു​ടെ ലോകാ​ധി​പ​ത്യം ഹ്രസ്വ​കാ​ല​ത്തേ​ക്കാ​യി​രു​ന്നു. അയാളു​ടെ വിജയ​ശ്രീ​ലാ​ളി​ത​മായ ജീവി​ത​വൃ​ത്തി​യു​ടെ ഔന്നത്യ​ത്തിൽ, വെറും മുപ്പത്തി​ര​ണ്ടാം വയസ്സിൽ, അലക്‌സാ​ണ്ട​റു​ടെ നിർദ്ദ​യ​മായ ദിഗ്വി​ജ​യ​ങ്ങൾക്ക്‌ അറുതി​വന്നു. മലമ്പനി പിടി​പെ​ട്ട​തോ​ടെ അയാൾ വിരു​ന്നു​ക​ഴി​ച്ചു മത്തുപി​ടി​ക്കു​ന്ന​തിൽ തുടർന്നു. അയാൾ പെട്ടെന്ന്‌ ബാബി​ലോ​നിൽ വെച്ച്‌ ക്രി.മു. 323ൽ മരിച്ചു. അയാളു​ടെ മൃത​ദേഹം ഈജി​പ്‌റ​റി​ലേക്കു കൊണ്ടു​വ​രു​ക​യും അലക്‌സാ​ണ്ട്രി​യാ​യിൽ കല്ലറയിൽ വെക്കു​ക​യും​ചെ​യ്‌തു. “ഒന്നാമത്തെ രാജാ​വി​നെ പ്രതി​നി​ധാ​നം​ചെ​യ്യുന്ന” “വലിയ കൊമ്പ്‌” തകർന്നു​പോ​യി​രു​ന്നു. അപ്പോൾ അയാളു​ടെ സാമ്രാ​ജ്യ​ത്തിന്‌ എന്ത്‌ സംഭവി​ച്ചു?

അയാളു​ടെ രാജ്യം വിഭജി​ത​മാ​കു​മെന്ന്‌, എന്നാൽ “അയാളു​ടെ സന്തതി​കൾക്കല്ലാ”യിരി​ക്കു​മെന്ന്‌ പ്രവചനം പറഞ്ഞി​രു​ന്നു. അലക്‌സാ​ണ്ട​റു​ടെ അപ്രാ​പ്‌ത​നായ സഹോ​ദ​ര​നാ​യി​രുന്ന ഫിലിപ്പ്‌ അല്‌പ​കാ​ലം ഭരിക്കു​ക​യും പിന്നീടു കൊല്ല​പ്പെ​ടു​ക​യും​ചെ​യ്‌തു. അലക്‌സാ​ണ്ട​റി​ന്റെ നിയമാ​നു​സൃത പുത്ര​നാ​യി​രുന്ന അലക്‌സാ​ണ്ട​റും (അല്ലൗ) അവിഹിത പുത്ര​നാ​യി​രുന്ന ഹെറാ​ക്കിൾസും (ഹെർക്കു​ലസ്‌) അങ്ങനെ​തന്നെ. അങ്ങനെ വലിയ രക്തപാ​ത​കി​യാ​യി​രുന്ന മഹാനായ അലക്‌സാ​ണ്ട​റു​ടെ വംശാ​വലി അസ്‌ത​മി​ച്ചു.

“അയാളു​ടെ ജനതയിൽനിന്ന്‌, എന്നാൽ അയാളു​ടെ ശക്തിയിൽനി​ന്ന​ല്ലാ​തെ എഴു​ന്നേൽക്കുന്ന നാലു രാജ്യ​ങ്ങ​ളുണ്ട്‌” എന്നും അയാളു​ടെ രാജ്യം “ആകാശ​ങ്ങ​ളി​ലെ നാലു കാററു​ക​ളു​ടെ നേരെ വിഭജി​ക്ക​പ്പെ​ടു​മെ​ന്നും, എന്നാൽ . . . അയാൾ ഭരിച്ചി​രുന്ന അയാളു​ടെ അധികാ​ര​മ​നു​സ​രി​ച്ചല്ല”എന്നും കൂടെ മുൻകൂ​ട്ടി​പ്പ​റ​ഞ്ഞി​രു​ന്നു. ഇത്‌ സംഭവി​ച്ചോ?

കാല​ക്ര​മ​ത്തിൽ, അലക്‌സാ​ണ്ട​റു​ടെ വിസ്‌തൃ​ത​മായ സാമ്രാ​ജ്യം അയാളു​ടെ നാലു ജനറൽമാർക്കാ​യി വിഭജി​ക്ക​പ്പെട്ടു: (1) ജനറൽ കസാണ്ടർ—മാസി​ഡോ​ണി​യാ​യും ഗ്രീസും. (2) ജനറൽ ലിസി​മാ​ക്കസ്‌—ഏഷ്യാ​മൈ​ന​റും യൂറോ​പ്യൻ ത്രേസും. (3) ജനറൽ സെല്യൂ​ക്കസ്‌ നിക്കേ​ററർ—ബാബി​ലോ​ണി​യാ, മേദ്യ, സിറിയാ, പേർഷ്യാ, ഇൻഡസ്‌ നദിവ​രെ​യുള്ള കിഴക്കൻ പ്രവി​ശ്യ​കൾ. (4) ജനറൽ ടോളമി ലാഗസ്‌—ഈജി​പ്‌ററ്‌, ലിബിയ, പാലസ്‌തീൻ. പ്രവചി​ക്ക​പ്പെ​ട്ടി​രു​ന്ന​തു​പോ​ലെ, അലക്‌സാ​ണ്ട​റി​ന്റെ വലിയ ഏക രാജ്യ​ത്തിൽനി​ന്നാണ്‌ നാല്‌ യവന രാജ്യങ്ങൾ ഉയർന്നു​വ​ന്നത്‌.a

ഇവയിൽ ഏററവും ദീർഘ​മാ​യി നിലനി​ന്നത്‌ ഈജി​പ്‌റ​റി​ലെ റേറാ​ള​മിക്ക്‌ രാജ്യ​മാ​യി​രു​ന്നു. അത്‌ ക്രി.മു. 30-ൽ റോമാ​യിക്ക്‌ കീഴടങ്ങി, അതിനു​ശേഷം റോമാ ഗ്രീസി​ന്റെ സ്ഥാനത്തു വരുക​യും ആറാം ലോക​മ​ഹ​ച്ഛക്തി​യാ​യി​ത്തീ​രു​ക​യും​ചെ​യ്‌തു.

മനുഷ്യ​വർഗ്ഗ​ത്തിന്‌ ഏറെ ശോഭ​ന​മായ പ്രത്യാ​ശ​കൾ

മർദ്ദക ലോക​ശ​ക്തി​കൾ അനിശ്ചി​ത​കാ​ലം പിന്തു​ടർന്നു​കൊ​ണ്ടി​രി​ക്ക​ണ​മാ​യി​രു​ന്നോ? വേണ്ട, നാം അവയിൽ അവസാ​ന​ത്തേ​തി​ന്റെ അവസാ​ന​ത്തോ​ട​ടു​ത്താണ്‌ ജീവി​ക്കു​ന്ന​തെന്ന്‌ ബൈബിൾ നമ്മോടു പറയുന്നു.—വെളി​പ്പാട്‌ 17:10.

ഈ മൃഗതു​ല്യ മാനുഷ ഗവൺമെൻറു​കളെ വീക്ഷി​ച്ച​ശേഷം ദാനി​യേൽ വ്യത്യ​സ്‌ത​മായ ഒന്നു കണ്ടു. അവന്‌ സ്വർഗ്ഗ​ങ്ങ​ളോ​ളം​തന്നെ വ്യാപി​ക്കുന്ന ഒരു ദർശനം കൊടു​ക്ക​പ്പെട്ടു, അവിടെ “പുരാ​ത​ന​നായ” ദൈവം​തന്നെ ഭാവി​യിൽ പിടി​ച്ചു​പ​റി​ക്കുന്ന എതെങ്കി​ലും മാനുഷ നേതാ​വി​നല്ല, പിന്നെ​യോ “മനുഷ്യ​പു​ത്ര​നെ​പ്പോ​ലെ​യുള്ള ഒരുവന്‌”—പുനരു​ത്ഥാ​നം പ്രാപിച്ച സ്വർഗ്ഗീയ യേശു​ക്രി​സ്‌തു​വിന്‌—രാജ്യം കൊടു​ക്കു​ന്നത്‌ അവൻ കണ്ടു!—ദാനി​യേൽ 7:9, 10, 13.

എന്തോരു വ്യത്യാ​സം! ആ സ്വർഗ്ഗീ​യ​രാ​ജ്യ​വും അതിന്റെ ഭരണാ​ധി​പ​ത്യ​വും ഭൂമി​യി​ലെ യുദ്ധ​ക്കൊ​തി​യൻമാ​രാ​യി​രുന്ന മുൻ രാജാ​ക്കൻമാ​രു​ടേ​തിൽനിന്ന്‌ എത്ര വ്യത്യ​സ്‌ത​മാ​യി​രി​ക്കേ​ണ്ട​താ​യി​രു​ന്നു. ദാനി​യേൽ ഉയർത്ത​പ്പെട്ട ഈ സ്വർഗ്ഗീയ “മനുഷ്യ​പു​ത്ര”നെക്കു​റിച്ച്‌ ഇങ്ങനെ പറഞ്ഞു: “ജനങ്ങളും ദേശീ​യ​സം​ഘ​ങ്ങ​ളും ഭാഷക​ളു​മെ​ല്ലാം അവനെ​ത്തന്നെ സേവി​ക്കേ​ണ്ട​തിന്‌ അവന്‌ ഭരണാ​ധി​പ​ത്യ​വും പ്രതാ​പ​വും രാജ്യ​വും കൊടു​ക്ക​പ്പെട്ടു. അവന്റെ ഭരണാ​ധി​പ​ത്യം നീങ്ങി​പ്പോ​കു​ക​യി​ല്ലാത്ത അനിശ്ചി​ത​കാ​ലം നിലനിൽക്കുന്ന ഒരു ഭരണാ​ധി​പ​ത്യ​വും അവന്റെ രാജ്യം നശിപ്പി​ക്ക​പ്പെ​ടു​ക​യി​ല്ലാ​ത്ത​തു​മാ​യി​രി​ക്കും.” (ദാനി​യേൽ 7:14) അത്‌ സമാധാ​ന​വും നീതി​യു​മുള്ള ഒരു രാജ്യ​മാ​യി​രി​ക്കേ​ണ്ടി​യി​രു​ന്നു.—യെശയ്യാവ്‌ 9:6, 7.

നാം മനുഷ്യ​ഭ​ര​ണ​ത്തി​ന്റെ അത്യാ​ഗ്ര​ഹ​ത്തെ​യും അക്രമ​ത്തെ​യും പിന്തി​രി​ഞ്ഞു​നോ​ക്കു​മ്പോൾ ഈ സ്വർഗ്ഗീ​യ​രാ​ജ്യം ഇപ്പോൾത്തന്നെ സ്ഥാപി​ക്ക​പ്പെ​ട്ടി​രി​ക്കു​ന്നു​വെ​ന്നും അതിന്റെ നീതി​നി​ഷ്‌ഠ​മായ ഭൂവ്യാ​പക ഭരണം സമീപി​ച്ചി​രി​ക്കു​ന്നു​വെ​ന്നും അറിയു​ന്ന​തിൽ നമുക്ക്‌ എത്ര സന്തുഷ്‌ട​രാ​യി​രി​ക്കാൻക​ഴി​യും!—വെളിപ്പാട്‌12:10,12.

“എന്തെന്നാൽ ദർശനം ഇനിയും നിയമി​ത​കാ​ല​ത്തേ​ക്കു​ള്ള​താണ്‌, അത്‌ അവസാ​ന​ത്തി​ലേക്ക്‌ ബദ്ധപ്പെ​ടു​ക​യാണ്‌, അത്‌ ഒരു വ്യാജം പറയു​ക​യില്ല. അത്‌ താമസി​ക്ക​ണ​മെ​ങ്കിൽത്തന്നെ അതിനെ പ്രതീ​ക്ഷി​ച്ചി​രി​ക്കുക; എന്തെന്നാൽ അത്‌ തീർച്ച​യാ​യും സത്യമാ​യി ഭവിക്കും. അത്‌ താമസി​ക്കു​ക​യില്ല.”—ഹബക്കൂക്ക്‌ 2:3. (w88 4/15)

[അടിക്കു​റി​പ്പു​കൾ]

[27-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക]

അലക്‌സാണ്ടറുടെ രാജ്യ​ത്തി​ന്റെ വ്യാപ്‌തി

പെല്ലാ

സർദ്ദീസ്‌

ഇസ്സൂസ്സ്‌

ഡമാസ്‌ക്കസ്‌

സോർ

യെരുശലേം

അലക്‌സാണ്ട്രിയാ

മെംഫിസ്‌

തെബിസ്‌

യൂഫ്രട്ടീസ്‌ നദി

ടൈഗ്രിസ്‌ നദി

ഗ്വാഗാമെലാ

ബാബിലോൻ

എക്‌ബറ്റനാ

ശൂശൻ

പെർസിപ്പോളിസ്‌

അലക്‌സാണ്ട്രിയാ എഷേറ്റ്‌

ടാക്‌സിലാ

സിന്ധൂ നദി

[29-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക]

അലക്‌സാണ്ടറുടെ സാമ്രാ​ജ്യം പിരി​ഞ്ഞു​ണ്ടായ വിഭാ​ഗ​ങ്ങൾ

മഹാ സമുദ്രം

കസാണ്ടർ

പെല്ലാ

ലിസിമാക്കസ്‌

ലിസിമാക്കിയാ

ടോളമി ലാഗസ്‌

അലക്‌സാണ്ട്രിയാ

സെല്യൂക്കസ്‌ നിക്കേറ്റർ

അന്ത്യോക്യ

സെലൂഷ്യാ

[28-ാം പേജിലെ ചിത്രം]

ആധുനിക നാളിലെ അലക്‌സാൻഡ്രി​യാ​യി​ക്കു സമീപ​മുള്ള തീരദേശ അതിർത്തി

[കടപ്പാട്‌]

Pictorial Archive (Near Eastern History) Est.