യെശയ്യാ പുസ്‌തകം “യിസ്രാ​യേ​ലി​ന്റെ പരിശു​ദ്ധൻ” എന്നനി​ല​യിൽ യഹോ​വയെ വാഴ്‌ത്തു​ന്നു

യെശയ്യാ പുസ്‌തകം “യിസ്രാ​യേ​ലി​ന്റെ പരിശു​ദ്ധൻ” എന്നനി​ല​യിൽ ഒരു മുന്തിയ വിധത്തിൽ യഹോ​വയെ വാഴ്‌ത്തു​ന്നു, ഈ പ്രയോ​ഗം മൊത്തം ഇരുപ​ത്തി​യഞ്ചു പ്രാവ​ശ്യം ഉപയോ​ഗി​ച്ചു​കൊ​ണ്ടു​തന്നെ. കൂടാതെ, ആരിലൂ​ടെ ദൈവ​ജ​ന​ത്തിന്‌ മോചനം കൈവ​രു​മാ​യി​രു​ന്നോ ആ മശിഹാ​യെ അഥവാ യഹോ​വ​യു​ടെ അഭിഷി​ക്തനെ അത്‌ തെററു​പ​റ​റാ​ത്ത​വി​ധം വ്യക്തമാ​യി ചൂണ്ടി​ക്കാ​ണി​ക്കു​ന്നു.

ചരിത്ര പശ്ചാത്തലം

ഉസ്സീയാവ്‌, യോഥാം, ആഹാസ്‌, യെഹി​സ്‌ക്കി​യാവ്‌ എന്നീ യഹൂദ​രാ​ജാ​ക്കൻമാ​രു​ടെ കാലത്താണ്‌ യെശയ്യാ​വിന്‌ ഈ ദർശനം ലഭിച്ച​തെന്ന്‌ യെശയ്യാവ്‌ 1:1 നമ്മെ അറിയി​ക്കു​ന്നു. ഇത്‌ സാർവ്വ​ദേ​ശീയ പിരി​മു​റു​ക്ക​ത്തി​ന്റെ ഒരു കാലമാ​യി​രു​ന്നു, അന്ന്‌ വ്യാജ​മ​ത​ത്തി​ന്റെ മനോ​ഭാ​വ​ങ്ങൾക്ക്‌ യഹൂദ​യി​ലെ ആളുക​ളു​ടെ​മേൽ ആഴമായ ഒരു ഫലമു​ണ്ടാ​യി​രു​ന്നു. യെശയ്യാ​യു​ടെ ചുമതലാ നിർവ്വ​ഹ​ണ​ത്തി​ന്റെ തുടക്ക​ത്തോ​ട​ടുത്ത്‌ ഉസ്സീയാ​രാ​ജാവ്‌ പൗരോ​ഹി​ത്യ ചുമത​ലകൾ നിർവ്വ​ഹി​ക്കു​ന്ന​തി​ലെ തന്റെ അഹങ്കാ​രം​നി​മി​ത്തം ഒരു കുഷ്‌ഠ​രോ​ഗി​യാ​യി മരിച്ചു. (2 ദിനവൃ​ത്താ​ന്തം 26:16, 19-21) അവന്റെ പുത്ര​നായ യോഥാ​മി​ന്റെ ഭരണകാ​ലത്ത്‌ രാജാവ്‌ ശരി ചെയ്‌ത​പ്പോൾ പോലും “ജനം നാശക​ര​മാ​യി പ്രവർത്തി​ച്ചു​കൊ​ണ്ടി​രു​ന്നു” എന്ന്‌ റിപ്പോർട്ടു ചെയ്യ​പ്പെ​ട്ടി​രി​ക്കു​ന്നു.—2 ദിനവൃ​ത്താ​ന്തം 27:2; 2 രാജാ​ക്കൻമാർ 15:34.

അടുത്ത​താ​യി ആഹാസ്‌ രാജാവ്‌ വന്നു. അവൻ നരബലി ഉൾപ്പെടെ ബാൽ ആരാധ​ന​യു​ടെ ചടങ്ങുകൾ ചെയ്‌തു​കൊണ്ട്‌ 16 വർഷക്കാ​ലം ജനതക്ക്‌ ഒരു ചീത്ത ദൃഷ്ടാന്തം വെച്ചു. അവിടെ “യഹോ​വ​യോട്‌ വലിയ അവിശ്വ​സ്‌തത” ഉണ്ടായി​രു​ന്നു. (2 ദിനവൃ​ത്താ​ന്തം 28:1-4, 19) ഈ കാലത്താ​യി​രു​ന്നു സിറി​യ​യു​ടെ​യും യിസ്രാ​യേ​ലി​ന്റെ​യും രാജാ​ക്കൻമാർ ഒരുമിച്ച്‌ യെരൂ​ശ​ലേ​മി​നെ ഉപരോ​ധി​ച്ചത്‌. തന്നിമി​ത്തം ആഹാസ്‌ യെശയ്യാ പ്രവാ​ച​കന്റെ ഉപദേശം അവഗണിച്ച്‌ സൈനീക സഹായ​ത്തി​നാ​യി അസ്സീറി​യൻ രാജാ​വായ തിഗ്ലത്ത്‌—പിലേസർ മൂന്നാ​മനെ സമീപി​ച്ചു. (2 രാജാ​ക്കൻമാർ 16:5-8; യെശയ്യാവ്‌ 7:1-12) ഇങ്ങനെ ആഹാസ്‌ ‘ജഡത്തെ തന്റെ ആയുധ​മാ​ക്കി തന്റെ ഹൃദയം യഹോ​വ​യിൽനിന്ന്‌ അകററി.’ (യിരെ​മ്യാവ്‌ 17:5) അസ്സീറിയ ഒരു സഖ്യത്തിന്‌ സമ്മതിച്ചു, എന്നാൽ അതിന്റെ സ്വന്തം അധികാ​രം വ്യാപി​പ്പി​ക്കു​ന്ന​തി​ലാ​യി​രു​ന്നു മുഖ്യ താല്‌പ​ര്യം. അസ്സീറി​യൻ സൈന്യം സിറി​യ​യി​ലെ ദമാസ്‌ക്കസ്‌ പിടി​ച്ച​ട​ക്കു​ക​യും വിശ്വാ​സ​ത്യാ​ഗി​യായ യിസ്രാ​യേ​ലി​ന്റെ യോർദ്ദാ​ന​ക്ക​രെ​യുള്ള പ്രദേ​ശത്തെ നിവാ​സി​കളെ പ്രവാ​സി​ക​ളാ​യി കൊണ്ടു​പോ​വു​ക​യും ചെയ്‌തു.—1 ദിനവൃ​ത്താ​ന്തം 5:26.

പിന്നീട്‌ ശമര്യ കപ്പം കൊടു​ക്കു​ന്ന​തിൽ പരാജ​യ​പ്പെ​ട്ട​പ്പോൾ അതും ആക്രമി​ക്ക​പ്പെട്ടു, അതിലെ നിവാ​സി​കൾ നാടു​ക​ട​ത്ത​പ്പെ​ടു​ക​യും ചെയ്‌തു. (2 രാജാ​ക്കൻമാർ 16:9; 17:4-6; 18:9-12) ഇങ്ങനെ പത്തു ഗോത്ര രാജ്യം അവസാ​നി​ച്ചു, യഹൂദ​യ്‌ക്കു ചുററും പുറജാ​തി രാഷ്‌ട്രങ്ങൾ സ്ഥാനം പിടി​ക്കു​ക​യും ചെയ്‌തു. പിൽക്കാ​ലത്ത്‌ അസ്സീറി​യൻ ഭരണാ​ധി​കാ​രി​കൾ യഹൂദ​യി​ലേ​യും ചുററു​മുള്ള രാഷ്‌ട്ര​ങ്ങ​ളി​ലെ​യും നഗരങ്ങളെ ആക്രമി​ച്ചു​കൊണ്ട്‌ പടിഞ്ഞാറ്‌ സൈനീക നടപടി​കൾ തുടർന്നു. യെരൂ​ശ​ലേം സ്വയം കീഴട​ങ്ങാൻ സൻഹേ​രീബ്‌ ആവശ്യ​പ്പെ​ടു​ക​പോ​ലും ചെയ്‌തു. എന്നാൽ യെഹി​സ്‌ക്കി​യാ​വി​ന്റെ ഭരണത്തിൻകീ​ഴിൽ അവി​ടെ​യുള്ള അവസ്ഥക്ക്‌ മാററം വന്നു. യെഹി​സ്‌ക്കീ​യാവ്‌ യഹോ​വ​യിൽ ആശ്രയി​ക്കു​ക​യും യഹോവ അവനോ​ടു​കൂ​ടെ​യു​ണ്ടെന്ന്‌ തെളി​യു​ക​യും ചെയ്‌തു.—2 രാജാ​ക്കൻമാർ 18:5-7; യെശയ്യാവ്‌ 36, 37 അദ്ധ്യാ​യങ്ങൾ.

യെശയ്യാവ്‌ ആരുടെ ഭരണത്തിൻകീ​ഴിൽ തന്റെ പ്രവാചക സേവനം തുടങ്ങി​യോ ആ ഉസ്സീയാവ്‌, പൊ. യു. മു. 829-ൽ വാഴ്‌ച തുടങ്ങി. യെഹി​സ്‌ക്കി​യാവ്‌ പൊ. യു. മു. 716-ൽ ഭരണം അവസാ​നി​പ്പി​ക്കു​ക​യും ചെയ്‌തു. എന്നിരു​ന്നാ​ലും, പ്രവാ​ച​ക​നെ​ന്ന​നി​ല​യി​ലുള്ള യെശയ്യാ​യു​ടെ സേവനം അതിലും ഹ്രസ്വ​മാ​യി​രി​ക്കാ​നാണ്‌ സാദ്ധ്യത. യെശയ്യാവ്‌ 6-ാം അദ്ധ്യായം 1-ാം വാക്യം “ഉസ്സീയാവ്‌ മരിച്ച വർഷത്തെ” പരാമർശി​ക്കു​ന്നു. (പൊ. യു. മു. 777) അന്നാണ്‌ യെശയ്യാ​വിന്‌ യഹോ​വ​യിൽ നിന്ന്‌ നിയോ​ഗം ലഭിച്ച​തെന്ന്‌ ആ അദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കു​ന്നു; എങ്കിലും അതിനു​മു​മ്പുള്ള വിവരങ്ങൾ അവൻ നേരത്തെ രേഖ​പ്പെ​ടു​ത്തി​യി​രി​ക്കാ​നാണ്‌ സാദ്ധ്യത. പിന്നീട്‌ 36-ാം അദ്ധ്യായം 1-ാം വാക്യ​ത്തിൽ “യെഹി​സ്‌ക്കി​യാ​രാ​ജാ​വി​ന്റെ പതിനാ​ലാം വർഷത്തെ” (പൊ. യു. മു. 732⁄731) പരാമർശി​ക്കു​ന്നു. യെശയ്യാ​വി​ന്റെ എഴുത്ത്‌ പൂർത്തീ​ക​രി​ക്കു​ന്ന​തിന്‌ പിന്നീട്‌ എത്ര വർഷം​കൂ​ടെ എടുത്തു എന്ന്‌ നമുക്ക​റി​യില്ല, എങ്കിലും വളരെ പെട്ടെന്ന്‌ പൂർത്തീ​ക​രി​ച്ചി​രു​ന്നി​രി​ക്കാം.

യെശയ്യാ പുസ്‌ത​ക​ത്തി​ന്റെ പ്രത്യേക ഭാഗങ്ങ​ളി​ലെ ഉള്ളടക്ക​ത്തി​ന്റെ കാലനിർണ്ണയം നടത്താൻ സഹായി​ക്കുന്ന ഏതാനും പരാമർശ​ന​ങ്ങൾകൂ​ടെ​യുണ്ട്‌. ദൃഷ്ടാ​ന്ത​ത്തിന്‌, ആഹാസ്‌ രാജാ​വി​ന്റെ കാലത്ത്‌ യിസ്രാ​യേൽ രാജാ​വായ പേക്കഹ്‌ യെരൂ​ശ​ലേ​മി​നെ​തി​രെ യുദ്ധം ചെയ്യാൻ വന്നതായി 7-ാം അദ്ധ്യായം 1-ാം വാക്യം പറയുന്നു. ആഹാസ്‌ ഏകദേശം പൊ. യു. മു. 762 മുതൽ 746 വരെ ഭരണം നടത്തി​യെ​ങ്കി​ലും പേക്കഹി​ന്റെ ഭരണം ഏതാണ്ട്‌ പൊ. യു. മു. 758-ൽ അവസാ​നി​ച്ചു. അതു​കൊണ്ട്‌ ആ സംഭവം ആ വർഷത്തി​നു മുമ്പാ​യി​രു​ന്നി​രി​ക്കണം. കൂടാതെ, ഫെലി​സ്‌ത്യ​യെ​ക്കു​റി​ച്ചുള്ള ഒരു പ്രഖ്യാ​പനം “ആഹാസ്‌ രാജാവ്‌ മരിച്ച വർഷത്തിൽ ആണെന്ന്‌ യെശയ്യാവ്‌ 14:28 കാലനിർണ്ണയം ചെയ്യുന്നു, അത്‌ ഏതാണ്ട്‌ പൊ. യു. മു. 746-ൽ ആയിരി​ക്കും. ഈ പരാമർശ​നങ്ങൾ, യെശയ്യാ പുസ്‌ത​ക​ത്തി​ലെ സംഭവങ്ങൾ കാലത്തി​ന്റെ നീരൊ​ഴു​ക്കിൽ എവി​ടെ​യെന്ന്‌ നിർണ്ണ​യി​ക്കു​ന്ന​തിന്‌ സഹായി​ക്കു​ന്നു.

രചനയി​ലെ ഏകത്വം

ആധുനിക കാലത്തെ ചില ബൈബിൾ വിമർശകർ യെശയ്യാ പുസ്‌തകം മുഴുവൻ യെശയ്യാ​വി​നാൽ എഴുത​പ്പെ​ട്ടു​വെ​ന്ന​തി​നെ എതിർത്തി​ട്ടുണ്ട്‌. യിസ്രാ​യേ​ല്യ​രു​ടെ ബാബി​ലോ​ന്യ പ്രവാ​സ​കാ​ല​ത്തി​ന്റെ അന്ത്യ​ത്തോ​ട​ടുത്ത്‌ ജീവി​ച്ചി​രുന്ന പേരു വെളി​പ്പെ​ടു​ത്താത്ത ഒരു വ്യക്തി​യാൽ 40 മുതൽ 66 വരെയുള്ള അദ്ധ്യാ​യങ്ങൾ എഴുത​പ്പെ​ട്ടു​വെന്ന്‌ ചിലർ അവകാ​ശ​പ്പെ​ടു​ന്നു. മററു വിമർശ​കൻമാർ പുസ്‌ത​ക​ത്തി​ന്റെ കൂടു​ത​ലായ ഭാഗങ്ങൾ മുറി​ച്ചു​നീ​ക്കി യെശയ്യാ​വ​ല്ലാ​തെ മററാ​രോ അത്‌ എഴുതി​യ​താ​യി സിദ്ധാ​ന്തീ​ക​രി​ക്കു​ന്നു. എന്നാൽ ബൈബിൾ തന്നെ ഈ തർക്കങ്ങ​ളോട്‌ യോജി​ക്കു​ന്നില്ല.

ക്രിസ്‌തീ​യ ഗ്രീക്ക്‌ തിരു​വെ​ഴു​ത്തു​ക​ളു​ടെ നിശ്വസ്‌ത എഴുത്തു​കാർ 1-39 അദ്ധ്യാ​യ​ങ്ങ​ളി​ലെ​യും 40-66 അദ്ധ്യാ​യ​ങ്ങ​ളി​ലെ​യും വിവരങ്ങൾ “യെശയ്യാ പ്രവാ​ച​ക​ന്റേ​താ​യി” സ്ഥിരീ​ക​രി​ച്ചു. ഇതേ പേരു വഹിക്കുന്ന രണ്ട്‌ ആളുകൾ ഉണ്ടായി​രു​ന്നു​വെ​ന്നോ പുസ്‌ത​ക​ത്തി​ന്റെ ഒരു ഭാഗം എഴുതിയ ആളുടെ പേർ അജ്ഞാത​മാ​ണെ​ന്നോ അവർ ഒരിക്ക​ലും സൂചി​പ്പി​ച്ചില്ല. (ദൃഷ്ടാ​ന്ത​ത്തിന്‌, മത്തായി 3:3-ഉം മത്തായി 4:14-16-ഉം യെശയ്യാവ്‌ 40:3, 9:1, 2 എന്നിവ​യോട്‌ താരത​മ്യം ചെയ്യുക; കൂടാതെ യോഹ​ന്നാൻ 12:38-41, യെശയ്യാവ്‌ 53:1-ഉം യെശയ്യാവ്‌ 6:1, 10-ഉം ആയി താരത​മ്യം ചെയ്യുക.) ഇതിനു പുറമെ, ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളു​ടെ എഴുത്തു​കാർ യെശയ്യാ പുസ്‌ത​ക​ത്തി​ന്റെ അവസാന ഭാഗത്തു​നിന്ന്‌ ഉദ്ധരി​ക്കുന്ന വിവരങ്ങൾ അജ്ഞാത​നായ ഒരാളു​ടേ​താ​യി​ട്ടല്ല, പിന്നെ​യോ “യെശയ്യാ പ്രവാ​ച​ക​ന്റേ​താ​യി” കൃത്യ​മാ​യി തിരി​ച്ച​റി​യി​ക്കുന്ന നിരവധി മററു സ്ഥലങ്ങൾ ഉണ്ട്‌. (മത്തായി 12:17-21-നോട്‌ യെശയ്യാവ്‌ 42:1-4-ഉം റോമർ 10:16-നോട്‌ യെശയ്യാവ്‌ 53:1-ഉം താരത​മ്യം ചെയ്യുക.) യേശു​ക്രി​സ്‌തു​ത​ന്നെ​യും നസറെ​ത്തി​ലെ സിന്ന​ഗോ​ഗിൽ “യെശയ്യാ പ്രവാ​ച​കന്റെ ചുരു​ളിൽ നിന്ന്‌” വായി​ച്ച​പ്പോൾ അവൻ യെശയ്യാവ്‌ 61:1, 2 വായി​ക്കു​ക​യാ​യി​രു​ന്നു.—ലൂക്കോസ്‌ 4:17-19.

അതിലു​പ​രി, യെശയ്യാ​യു​ടെ ചാവു​കടൽ ചുരു​ളിൽ (പൊ. യു. മു. ഒന്നോ രണ്ടോ നൂററാ​ണ്ടു മുമ്പു​ള്ള​തെന്ന്‌ വിശ്വ​സി​ക്ക​പ്പെ​ടു​ന്നു) പ്രവച​ന​ത്തിന്‌ 39-ാം അദ്ധ്യാ​യ​ത്തി​ന്റെ അവസാ​ന​ത്തിൽ ഏതെങ്കി​ലും വിഭജനം ഉള്ളതായി പകർപ്പെ​ഴു​ത്തു​കാ​രൻ അറിഞ്ഞി​രു​ന്നി​ല്ലെ​ന്നു​ള്ള​തി​ന്റെ തെളി​വുണ്ട്‌. അവൻ 39-ാം അദ്ധ്യായം അടങ്ങുന്ന പംക്തി​യു​ടെ ഒടുവി​ലത്തെ വരിയിൽ 40-ാം അദ്ധ്യായം തുടങ്ങി.

യെശയ്യാ​യു​ടെ മുഴു പുസ്‌ത​ക​വും നൂററാ​ണ്ടു​ക​ളി​ലു​ട​നീ​ളം രണ്ടോ അധിക​മോ ഭാഗമാ​യി​ട്ടല്ല ഒററ ഗ്രൻഥ​മാ​യി കൈമാ​റി​പ്പോ​ന്നി​രി​ക്കു​ന്നു. മുപ്പ​ത്തൊ​മ്പ​താം അദ്ധ്യാ​യ​ത്തിൽനിന്ന്‌ 40-ാം അദ്ധ്യാ​യ​ത്തി​ലേ​ക്കുള്ള തുടർച്ച യെശയ്യാവ്‌ 39:6, 7-ൽ രേഖ​പ്പെ​ടു​ത്തി​യി​രി​ക്കു​ന്ന​തിൽ വ്യക്തമാണ്‌, അത്‌ സ്‌പഷ്ട​മാ​യും തുടർന്നു വരുന്ന​തി​ലേ​ക്കുള്ള ഒരു മാററ​മാണ്‌, ബാബി​ലോ​ന്യ ന്യായ​വി​ധി​യു​ടെ കാലഘ​ട്ടത്തെ സംബന്ധിച്ച പ്രവച​ന​ങ്ങൾക്കാ​യി വഴി തുറന്നു​കൊ​ടു​ക്കുന്ന ഒന്നുതന്നെ.

ആ പുസ്‌തകം ഒന്നില​ധി​കം എഴുത്തു​കാ​രു​ടെ ഉല്‌പ​ന്ന​മാ​ണെന്ന്‌ അവകാ​ശ​പ്പെ​ടു​ന്നവർ, ഏതാണ്ട്‌ രണ്ട്‌ നൂററാ​ണ്ടു​കൾ മുമ്പ്‌ കോ​രേശ്‌ എന്നു​പേ​രുള്ള ഒരു ഭരണാ​ധി​കാ​രി തടവി​ലുള്ള യഹൂദൻമാ​രെ മോചി​പ്പി​ക്കു​മെന്ന്‌ മുൻകൂ​ട്ടി പറയാൻ യെശയ്യാ​വിന്‌ കഴിയു​മാ​യി​രു​ന്ന​താ​യി കരുതു​ന്നില്ല; തൽഫല​മാ​യി, ചുരു​ങ്ങി​യ​പക്ഷം കോ​രേശ്‌ തന്റെ ജയിച്ച​ടക്കൽ തുടങ്ങി​യ​ശേഷം പിൽക്കാ​ലത്ത്‌ ഇത്‌ എഴുത​പ്പെ​ട്ടു​വെന്ന്‌ അവർ ഊഹി​ക്കു​ന്നു. (യെശയ്യാവ്‌ 44:28; 45:1) എന്നാൽ പുസ്‌ത​ക​ത്തി​ന്റെ ഈ മുഴു​ഭാ​ഗ​ത്തി​ന്റെ​യും പ്രസക്തി ഗ്രഹി​ക്കു​ന്ന​തിൽ അവർ പരാജ​യ​പ്പെ​ടു​ന്നു, എന്തു​കൊ​ണ്ടെ​ന്നാൽ ഈ ഭാഗം തന്റെ ജനത്തിന്‌ എന്തുസം​ഭ​വി​ക്കു​മെന്ന്‌ മുൻകൂ​ട്ടി പറയാ​നുള്ള ദൈവ​ത്തി​ന്റെ കഴി​വോ​ടെ മുന്നറി​വാണ്‌ കൈകാ​ര്യം ചെയ്യു​ന്നത്‌. ഏതാണ്ട്‌ ഇരുനൂറ്‌ വർഷം മുമ്പ്‌ ഈ പ്രവചനം, ബാബി​ലോ​നെ ജയിച്ച​ട​ക്കു​ക​യും യഹൂദൻമാ​രെ മോചി​പ്പി​ക്കു​ക​യും ചെയ്യു​ന്ന​വ​നാ​യി അപ്പോൾ ജനിച്ചി​ട്ടി​ല്ലാത്ത ഒരുവന്റെ പേര്‌ രേഖ​പ്പെ​ടു​ത്തു​ന്നു. അതിന്റെ നിവൃത്തി അത്‌ ദിവ്യ ഉത്ഭവമു​ള്ള​താ​ണെന്ന്‌ തീർച്ച​യാ​യും തെളി​യി​ക്കു​മാ​യി​രു​ന്നു. അത്‌ ഭാവി സംബന്ധിച്ച യെശയ്യാ​യു​ടെ കണക്കു കൂട്ടൽ അല്ലായി​രു​ന്നു, എന്തെന്നാൽ അവൻതന്നെ പറഞ്ഞതു​പോ​ലെ “യഹോവ പറഞ്ഞി​രി​ക്കു​ന്നത്‌ ഇതാണ്‌. (യെശയ്യാവ്‌ 45:1) യെശയ്യാ​യു​ടെ ഈ ഭാഗത്തി​ന്റെ എഴുത്ത്‌ കോ​രേ​ശി​ന്റെ കാലത്തുള്ള ഒരു എഴുത്തു​കാ​ര​ന്റെ​താ​യി ആരോ​പി​ച്ചാ​ലും വിമർശ​ക​രു​ടെ പ്രശ്‌നം അപ്പോ​ഴും തീരു​ക​യില്ല. എന്തു​കൊ​ണ്ടില്ല? എന്തു​കൊ​ണ്ടെ​ന്നാൽ പുസ്‌ത​ക​ത്തിൽ ഈ ഭാഗം മശിഹ​യായ യേശു​ക്രി​സ്‌തു​വി​ന്റെ ഭൗമീക ജീവി​ത​ത്തി​ലെ​യും ശുശ്രൂ​ഷ​യി​ലെ​യും സംഭവങ്ങൾ വിശദ​മാ​യി മുൻകൂ​ട്ടി പറയു​ക​കൂ​ടെ ചെയ്‌തു—വീണ്ടും ഭാവി​യിൽ സ്ഥിതി ചെയ്‌തി​രുന്ന കാര്യങ്ങൾ തന്നെ. ഈ പ്രവച​ന​ങ്ങ​ളു​ടെ നിവൃത്തി, യെശയ്യാ​യു​ടെ പ്രവചനം ദിവ്യ​നി​ശ്വ​സ്‌ത​മാ​ണെ​ന്നും വഞ്ചകൻമാ​രു​ടെ എഴുത്തു​ക​ളു​ടെ ഒരു കൂട്ടി​ച്ചേർപ്പ​ല്ലെ​ന്നും സ്ഥിരീ​ക​രി​ക്കു​ന്നു.

യെശയ്യാ​വാണ്‌ 40 മുതൽ 66 വരെയുള്ള അദ്ധ്യാ​യങ്ങൾ എഴുതി​യ​തെ​ന്ന​തി​നെ നിഷേ​ധി​ക്കു​ന്നവർ അതേ കാരണ​ങ്ങ​ളാൽ ബാബി​ലോ​ന്റെ നാശത്തെ സംബന്ധിച്ച 13-ാം അദ്ധ്യാ​യ​വും അവൻ എഴുതി​യെ​ന്ന​തി​നെ നിഷേ​ധി​ക്കു​ന്നു. എന്നാൽ 13-ാം അദ്ധ്യാ​യ​ത്തി​ന്റെ മുഖവുര ഈ വാക്കു​ക​ളോ​ടെ​യാണ്‌: “ബാബി​ലോ​നെ​തി​രെ​യുള്ള പ്രഖ്യാ​പനം, ആമോ​സി​ന്റെ മകനായ യെശയ്യാവ്‌ ദർശന​ത്തിൽ കണ്ടത്‌.” വ്യക്തമാ​യും, ഇത്‌ ഒന്നാം അദ്ധ്യാ​യ​ത്തി​ന്റെ ആദ്യ വാക്യ​ത്തിൽ കാണുന്ന “ആമോ​സി​ന്റെ മകനായ യെശയ്യാ​വു”തന്നെയാണ്‌.

ബൈബി​ളി​ന്റെ മററ ഭാഗങ്ങ​ളു​മാ​യുള്ള പരസ്‌പര ബന്ധം

യെശയ്യാ​യു​ടെ എഴുത്തു​കൾ ബൈബി​ളി​ന്റെ മററു പല ഭാഗങ്ങ​ളു​മാ​യി വ്യാപ​ക​മാ​യി കൂടി​പ്പി​ണ​ഞ്ഞു​കി​ട​ക്കു​ന്നു. യെശയ്യാ​യു​ടെ കാല​ശേഷം ഒരു നൂററാ​ണ്ടോ അതില​ധി​ക​മോ കഴിഞ്ഞ്‌ യിരെ​മ്യാവ്‌ രാജാ​ക്കൻമാ​രു​ടെ പുസ്‌ത​ക​ത്തിൽ കാണുന്ന രേഖ എഴുതി. രണ്ട്‌ രാജാ​ക്കൻമാർ 18:13 മുതൽ 20:19 വരെ രേഖ​പ്പെ​ടു​ത്തി​യി​രി​ക്കു​ന്നത്‌ യെശയ്യാവ്‌ 36 മുതൽ 39 വരെയുള്ള അദ്ധ്യാ​യ​ങ്ങ​ളിൽ കാണുന്ന അതേ വിവരം തന്നെയാണ്‌. മററു പ്രവാ​ച​കൻമാ​രും യെശയ്യാവ്‌ എഴുതി​യ​തിന്‌ സമാന​മായ വിവരങ്ങൾ എഴുതി എന്നു മാത്രമല്ല, മററ്‌ ബൈബി​ളെ​ഴു​ത്തു​കാർ യെശയ്യാ​യു​ടെ എഴുത്തു​ക​ളി​ലേ​താ​യി നിരവധി പരാമർശ​നങ്ങൾ നടത്തി​യി​ട്ടു​മുണ്ട്‌.

യെശയ്യാ​യു​ടെ പുസ്‌ത​ക​ത്തിൽ നിന്ന്‌ കൂടെ​ക്കൂ​ടെ ഉദ്ധരി​ച്ചി​ട്ടു​ള്ള​തും അത്യന്തം ശ്രദ്ധേ​യ​വു​മായ പ്രവച​നങ്ങൾ മശിഹയെ സംബന്ധിച്ച്‌ മുൻകൂ​ട്ടി പറയുന്ന വിശദാം​ശ​ങ്ങ​ളാണ്‌. ഇവയിൽ പലതും ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളു​ടെ എഴുത്തു​കാർ ഉദ്ധരി​ക്കു​ക​യോ ബാധക​മാ​ക്കു​ക​യോ ചെയ്‌തി​രി​ക്കു​ന്നു. ദൃഷ്ടാ​ന്ത​ത്തിന്‌, യെശയ്യാവ്‌ 7:14 ഒരു കന്യക​യിൽനി​ന്നുള്ള അവന്റെ ജനനം മുൻകൂ​ട്ടി പറഞ്ഞു. (മത്താ. 1:23) അവൻ യിശാ​യി​യു​ടെ പുത്ര​നായ ദാവീ​ദി​ന്റെ കുടും​ബ​വം​ശ​ത്തിൽ ജനിക്കു​മെന്ന്‌ മുൻകൂ​ട്ടി പറയ​പ്പെട്ടു. (യെശയ്യാവ്‌ 9:7; 11:1, 10; ലൂക്കോസ്‌ 1:32, 33; റോമർ 15:8, 12) യഹോ​വ​യു​ടെ ഈ പ്രതി​നി​ധി​യു​ടെ മുമ്പാകെ വഴി ഒരുക്കി​ക്കൊണ്ട്‌ ഒരാൾ മരുഭൂ​മി​യിൽ വിളിച്ചു പറയു​മെന്ന്‌ പ്രവചി​ച്ചു. (യെശയ്യാവ്‌ 40:3; മർക്കോസ്‌ 1:1-4) അവന്റെ നിയോ​ഗം യെശയ്യാവ്‌ 61:1, 2-ൽ രേഖ​പ്പെ​ടു​ത്തി​യി​രു​ന്നു. (ലൂക്കോസ്‌ 4:17-21), അവന്റെ ശുശ്രൂ​ഷ​യു​ടെ ഫലമായി ഗലീല​യി​ലെ ആളുകൾ ഒരു വലിയ വെളിച്ചം കാണു​മെന്ന്‌ മുൻകൂ​ട്ടി പറയ​പ്പെട്ടു. (യെശയ്യാവ്‌ 9:1, 2; മത്തായി 4:13-16) അവൻ നമ്മുടെ രോഗ​ങ്ങളെ വഹിക്കു​മെന്ന്‌ പ്രവചി​ക്ക​പ്പെട്ടു. (യെശയ്യാവ്‌ 53:4; മത്തായി 8:16, 17); അവൻ വിശ്വ​സി​ക്ക​പ്പെ​ടു​ക​യി​ല്ലെന്ന്‌ (യെശയ്യാവ്‌ 53:1; യോഹ​ന്നാൻ 12:37, 38); അവൻ തെരു​വു​ക​ളിൽ വഴക്കു​ണ്ടാ​ക്കു​ക​യി​ല്ലെന്ന്‌ (യെശയ്യാവ്‌ 42:1-4; മത്തായി 12:14-21); അവൻ ഒരു ഇടർച്ച​ക്ക​ല്ലെ​ന്ന​നി​ല​യിൽ തള്ളിക്ക​ള​യ​പ്പെ​ടും, എന്നാൽ പ്രധാന മൂലക്ക​ല്ലാ​യി​ത്തീ​രു​മെന്ന്‌ (യെശയ്യാവ്‌ 8:14, 15; 28:16; 1 പത്രോസ്‌ 2:6-8); അടിച്ചാ​ലും കുററം​വി​ധി​ച്ചാ​ലും അവൻ കുററാ​രോ​പ​ക​രു​ടെ മുമ്പിൽ മിണ്ടാ​തി​രി​ക്കു​മെന്ന്‌ (യെശയ്യാവ്‌ 50:6; 53:7, 8; യോഹ​ന്നാൻ 19:3, 9; മർക്കോസ്‌ 14:53-65; 15:1-15); അതി​ക്ര​മി​ക​ളോ​ടു​കൂ​ടെ എണ്ണപ്പെ​ടു​മെന്ന്‌ (യെശയ്യാവ്‌ 53:12; മത്തായി 26:55, 56; 27:38); അവൻ പാപങ്ങൾ നീക്കു​ന്ന​തി​നും അനേകർക്ക്‌ ദൈവ​വു​മാ​യി ഒരു നീതി​യുള്ള നില നേടാൻവ​ഴി​തു​റ​ക്കാ​നു​മാ​യി ഒരു യാഗ മരണം വരിക്കു​മെന്ന്‌ (യെശയ്യാവ്‌ 53:5, 8, 11, 12; റോമർ 4:25); ധനിക​രോ​ടു​കൂ​ടെ അടക്ക​പ്പെ​ടു​മെന്ന്‌. (യെശയ്യാവ്‌ 53:9; മത്തായി 27:57-60; യോഹ​ന്നാൻ 19:38-42) മശിഹ​യു​ടെ അടയാളം വ്യക്തമാ​ക്കു​ന്ന​തിന്‌ യേശു​ക്രി​സ്‌തു​വും അവന്റെ അപ്പോ​സ്‌ത​ലൻമാ​രും കൂടെ​ക്കൂ​ടെ യെശയ്യാ​വിൽനി​ന്നു ഉദ്ധരി​ച്ച​താ​യി നിരീ​ക്ഷി​ക്കു​ന്നത്‌ രസകര​മാണ്‌.

ഇത്‌ മററ്‌ നിശ്വസ്‌ത ബൈബി​ളെ​ഴു​ത്തു​കാർ യെശയ്യാ പ്രവച​ന​ത്തിൽനിന്ന്‌ ഉദ്ധരി​ച്ചി​ട്ടു​ള്ള​തി​ന്റെ പൂർണ്ണ​വി​വ​രമല്ല. പിന്നെ​യോ അവ, യെശയ്യാ വളരെ വ്യാപ​ക​മാ​യി ശ്രദ്ധി​ക്ക​പ്പെ​ടു​ന്ന​തി​ലെ ചില പ്രവച​നങ്ങൾ വിശേ​ഷ​വൽക്ക​രി​ക്കു​ന്നു എന്നുമാ​ത്രം. ഈ പ്രവച​ന​ങ്ങ​ളും പുസ്‌ത​ക​ത്തി​ന്റെ ശേഷിച്ച മുഴു ഭാഗവും തന്റെ അഭിഷിക്ത പുത്ര​നി​ലൂ​ടെ തന്റെ ജനത്തിന്‌ ഈ രക്ഷ നൽകു​ന്ന​വ​നെ​ന്ന​നി​ല​യിൽ യിസ്രാ​യേ​ലി​ന്റെ പരിശു​ദ്ധ​നായ യഹോ​വയെ വാഴ്‌ത്തു​ന്നു.

ബാക്കി​യു​ള്ള ഭാഗം മലയാ​ള​ത്തിൽ അച്ചടി​ച്ചി​ട്ടി​ല്ല