ശക്തയായ ബാബി​ലോൻ മൂന്നാ​മ​ത്തെ ലോ​ക​മ​ഹ​ച്ഛക്തി

പുരാതന ബാബി​ലോൻ നെബൂ​ഖ​ദ്‌നേ​സ​റി​ന്റെ കീഴിൽ അവളുടെ ഉച്ചാവ​സ്ഥ​യിൽ എത്തി, അവളുടെ മതം ലോക​ത്തി​ലേക്കു കടത്തി​വി​ട്ടു, ഒററരാ​ത്രി​കൊണ്ട്‌ പിടി​ച്ച​ട​ക്ക​പ്പെ​ടു​ക​യും ചെയ്‌തു. ഈ നഗരത്തെ സംബന്ധിച്ച്‌ കൂടു​ത​ലാ​യി അറിയു​ന്നത്‌ ബൈബി​ളി​ന്റെ കൃത്യ​ത​യി​ലും അതിന്റെ അത്ഭുത​ക​ര​മായ പ്രവച​ന​ങ്ങ​ളു​ടെ തെററാത്ത നിവൃ​ത്തി​യി​ലും ഉള്ള നിങ്ങളു​ടെ വിശ്വാ​സത്തെ ബലപ്പെ​ടു​ത്തും.

ശക്തയായ ബാബി​ലോൻ മെസൊ​പ്പൊ​ത്തേ​മി​യാ​യു​ടെ തെക്കു​ഭാ​ഗത്ത്‌ യൂഫ്ര​ട്ടീസ്‌ നദിയു​ടെ ഇരുക​ര​ക​ളി​ലു​മാ​യി പ്രൗഢി​യോ​ടെ സ്ഥിതി​ചെ​യ്‌തി​രു​ന്നു. അവൾ “രാജ്യ​ങ്ങ​ളു​ടെ അലങ്കാരം,” മത, വ്യാപാര, സൈനിക കേന്ദ്രം, ആയിരു​ന്നു. (യെശയ്യാവ്‌ 13:19) അവൾക്ക്‌ വലിയ സമ്പത്തും ഗംഭീര കെട്ടി​ട​ങ്ങ​ളും ലോക​പ്ര​ശസ്‌ത പൂന്തോ​ട്ട​ങ്ങ​ളും ഉണ്ടായി​രു​ന്നു. അവളുടെ കാലത്തെ ലോക​ശക്തി അവളാ​യി​രു​ന്നു!

എന്നിരു​ന്നാ​ലും യഹോ​വ​യു​ടെ പ്രവാ​ച​ക​നാ​യി​രുന്ന യിരെ​മ്യാവ്‌ ഇപ്രകാ​രം എഴുതു​ന്ന​തിന്‌ നിശ്വ​സ്‌ത​നാ​ക്ക​പ്പെട്ടു: “ബാബി​ലോൻ നിവാ​സി​ക​ളി​ല്ലാ​തെ കൽക്കു​ന്നു​ക​ളും കുറു​ക്കൻമാ​രു​ടെ പാർപ്പി​ട​വും വിസ്‌മ​യ​കാ​ര​ണ​വും ചൂളകു​ത്തു​ന്ന​തി​നുള്ള വിഷയ​വു​മാ​യി​ത്തീ​രും.”—യിരെ​മ്യാവ്‌ 51:37.

ഈ മഹാന​ഗ​ര​ത്തിന്‌ പൂർണ്ണ​നാ​ശ​മോ? അത്തരം കാര്യം ആർക്കു ചിന്തി​ക്കാൻ കഴിയു​മാ​യി​രു​ന്നു? എങ്കിലും ഒരിക്കൽ ഗർവ്വി​ഷ്‌ഠ​യാ​യി​രുന്ന ബാബി​ലോൻ ഇപ്പോൾ തെക്കു​കി​ഴക്കേ ഇറാക്കി​ലെ ബാഗ്‌ദാ​ദിന്‌ ഏകദേശം 50 മൈൽ തെക്കു​മാ​റി ജീർണ്ണിച്ച ശൂന്യ​മായ മൺകൂ​ന​യു​ടെ ഒരു നിരാ​ശാ​ജ​ന​ക​മായ ശേഖര​മ​ല്ലാ​തെ മറെറാ​ന്നു​മല്ല. അവളുടെ വീഴ്‌ച​യി​ലേക്കു നയിച്ച​തെ​ന്താ​യി​രു​ന്നു?

ലോകത്തെ ഏററം പുരാതന നഗരങ്ങ​ളി​ലൊ​ന്നായ ബാബി​ലോൻ, നോഹ​യു​ടെ പ്രപൗ​ത്ര​നും യഹോ​വ​ക്കെ​തി​രെ ധിക്കാ​രി​യായ നായാ​ട്ടു​വീ​ര​നു​മാ​യി​രുന്ന നി​മ്രോ​ദാ​യി​രു​ന്നു സ്ഥാപി​ച്ചത്‌. (ഉൽപ്പത്തി 10:8-10) എന്നിരു​ന്നാ​ലും നമുക്കു താൽപ്പ​ര്യ​ജ​ന​ക​മായ കാലഘട്ടം നി​മ്രോ​ദി​ന്റെ കാലത്തി​നു വളരെ​ക്കാ​ലം കഴിഞ്ഞാ​യി​രു​ന്നു വന്നത്‌. അത്‌ ഈജി​പ്‌റ​റും അസീറി​യാ​യും പ്രബല ലോക​ശ​ക്തി​ക​ളാ​യി​ത്തീർന്ന​ശേ​ഷ​മാ​യി​രു​ന്നു വന്നത്‌.

ബാബി​ലോൻ നെബൂ​ഖ​ദ്‌നേ​സ​റി​ന്റെ കാലത്ത്‌

ഏകദേശം 2,600 വർഷങ്ങൾക്കു​മുമ്പ്‌ ക്രി. മു. 632-ൽ ബാബി​ലോ​ന്യ​രും അവരുടെ സഖ്യക​ക്ഷി​ക​ളും ചേർന്ന്‌ അസീറി​യാ​യെ മറിച്ചി​ട്ടു.a പിന്നീട്‌ ബാബി​ലോൻ അസീറി​യാ​യെ മാററി​ക്കൊണ്ട്‌ ബൈബിൾച​രി​ത്ര​ത്തി​ലെ മൂന്നാം ലോക​മ​ഹ​ച്‌ഛ​ക്തി​യാ​യി​ത്തീർന്നു.

ഈ നവീന ബാബി​ലോൻ അഥവാ പുതിയ ബാബി​ലോൻ സാമ്രാ​ജ്യ​ത്തി​ന്റെ സിംഹാ​സ​ന​ത്തി​ലി​രുന്ന നെബൂ​ഖ​ദ്‌നേസർ ഒരു ജേതാവു മാത്ര​മാ​യി​രു​ന്നില്ല എന്നാൽ ഒരു നഗരശിൽപ്പി​കൂ​ടി​യാ​യി​രു​ന്നു. ബാബി​ലോ​നി​ന്റെ ഗംഭീര മതിലു​ക​ളും മതിപ്പു​ള​വാ​ക്കുന്ന കെട്ടി​ട​ങ്ങ​ളും മിക്കവ​യും അദ്ദേഹ​ത്തിന്‌ അവകാ​ശ​പ്പെ​ടാൻ കഴിയു​ന്ന​വ​യാണ്‌. “നെബൂ​ഖ​ദ്‌നേസർ” എന്ന നാമം വഹിക്കുന്ന വളരെ​യ​ധി​കം ഇഷ്‌ടി​കകൾ കണ്ടെത്ത​പ്പെ​ട്ടി​ട്ടുണ്ട്‌—യിരെ​മ്യാവ്‌, ദാനി​യേൽ എന്നീ ബൈബിൾപു​സ്‌ത​ക​ങ്ങ​ളിൽ കൂടെ​ക്കൂ​ടെ പരാമർശി​ക്ക​പ്പെ​ടുന്ന, “ഇത്‌ ഞാൻതന്നെ പണിക​ഴി​പ്പിച്ച മഹാബാ​ബി​ലോൻ അല്ലേ?” എന്ന്‌ വീമ്പി​ള​ക്കു​ന്ന​താ​യി ബൈബിൾ ഉദ്ധരി​ക്കുന്ന നെബൂ​ഖ​ദ്‌നേസർ തന്നെ.—ദാനി​യേൽ 4:30.

ബാബി​ലോ​നു ചുററും രണ്ടു വൻമതി​ലു​കൾ ഉണ്ടായി​രു​ന്നു, അവക്കി​ട​യി​ലുള്ള സ്ഥലം പാറക്ക​ഷ​ണങ്ങൾ കൊണ്ട്‌ നിറച്ചി​രു​ന്നു. അവ രണ്ടും​കൂ​ടെ 80-ൽ പരം അടി കനമുള്ള ഒരു പ്രതി​രോ​ധം ഉളവാ​ക്കി​യി​രു​ന്നു. ഭിത്തി​കൾക്കു വെളി​യിൽ എല്ലാത്തരം വള്ളങ്ങളും ഉപയോ​ഗി​ച്ചി​രുന്ന, ഇഷ്ടിക​കൊ​ണ്ടുള്ള ഒരു ഉൾമു​ഖ​ത്തോ​ടു​കൂ​ടിയ, 65 മുതൽ 260 വരെ അടി വീതി​യു​ണ്ടാ​യി​രുന്ന ഒരു കിടങ്ങ്‌ ഉണ്ടായി​രു​ന്നു.

വടക്കു​നി​ന്നു​ള്ള രാജവീ​ഥി, വീതി​കൂ​ടിയ ഘോഷ​യാ​ത്രാ​പാ​ത​യായ നഗരത്തി​ലെ മുഖ്യ​പ​ഥ​ത്തി​ലേക്ക്‌ 40 അടി ഉയരമുള്ള ഇസ്‌താർ ഗെയി​റ​റി​ലൂ​ടെ കടന്നു​പോ​കു​ന്നു. നെബൂ​ഖ​ദ്‌നേ​സ​റി​ന്റെ കൊട്ടാ​രം ഇസ്‌താർഗെ​യ്‌റ​റി​നു​ള്ളിൽ വലതു വശത്താ​യി​രു​ന്നു. അതിന്റെ ബൃഹത്തായ സിംഹാ​സ​ന​മു​റിക്ക്‌ 170 അടി നീളവും 55 അടി വീതി​യു​മു​ണ്ടാ​യി​രു​ന്നു. അതി​ലേക്കു നയിക്കുന്ന ഗെയ്‌റ​റും ഭിത്തി​ക​ളും വർണ്ണ​ശോ​ഭ​യുള്ള തിളങ്ങുന്ന ഇഷ്ടിക​കൾകൊ​ണ്ടുള്ള സിംഹ​ങ്ങ​ളാ​ലും കാളക​ളാ​ലും സർപ്പങ്ങ​ളാ​ലും അലങ്കരി​ക്ക​പ്പെ​ട്ടി​രു​ന്നു. ആ സിംഹ​ങ്ങ​ളിൽ ഒന്നിനെ പാരീ​സി​ലെ ല്യൂർ മ്യൂസി​യ​ത്തിൽ പ്രദർശി​പ്പി​ച്ചി​രി​ക്കു​ന്നത്‌ കാണാൻ കഴിയും.

ബാബി​ലോ​ന്യ മതം

നഗരത്തി​ന്റെ ബാബേൽ എന്ന എബ്രായ നാമത്തി​ന്റെ അർത്ഥം “കലക്കം” എന്നും അതിന്റെ സുമേ​റി​യൻപേ​രി​ന്റെ​യും അക്കാഡി​യൻപേ​രി​ന്റെ​യും അർത്ഥം “ദൈവ​ത്തി​ന്റെ പടിവാ​തിൽ” എന്നും ആണ്‌. രണ്ടർത്ഥ​ങ്ങ​ളും ബാബി​ലോ​നി​നെ അതിന്റെ മതത്തോട്‌ ബന്ധിക്കു​ന്നു. ചില പണ്ഡിതൻമാർ ബാബി​ലോ​ന്യ ദൈവ​മായ മാർഡൂക്ക്‌ (ബൈബി​ളിൽ മെരോ​ദാക്ക്‌) ദൈവീ​ക​രി​ക്ക​പ്പെട്ട നി​മ്രോദ്‌ ആയിരു​ന്നി​രി​ക്കാം എന്ന്‌ വിശ്വ​സി​ക്കു​ന്നു. ബാബി​ലോ​ന്യ മതം അനേകം ദൈവ​ത്ര​യ​ങ്ങ​ളെ​യും അംഗീ​ക​രി​ച്ചി​രു​ന്നു. അത്തരത്തി​ലുള്ള ഒന്ന്‌ സിൻ (ചന്ദ്ര​ദേവൻ), ഷാമാഷ്‌ (സൂര്യ​ദേവൻ), ഇസ്‌താർ (പ്രേമ​ത്തി​ന്റെ​യും സമൃദ്ധി​യു​ടെ​യും ദേവത) എന്നിവർ ഉൾപ്പെ​ടു​ന്ന​താ​യി​രു​ന്നു.

ജ്യോ​തി​ഷം അവിടെ വ്യാപ​ക​മാ​യി​രു​ന്നു. ബാബി​ലോ​ന്യർ അന്ന്‌ അറിയ​പ്പെ​ട്ടി​രുന്ന ഗ്രഹങ്ങളെ തങ്ങളുടെ അഞ്ചു പ്രമുഖ ദേവീ​ദേ​വൻമാ​രു​ടെ പേരി​നാൽ വിളി​ച്ചി​രു​ന്നു. ഒരു ആധുനിക ചരി​ത്ര​പു​സ്‌തകം ഇപ്രകാ​രം വിശദീ​ക​രി​ക്കു​ന്നു: “നാം ഈ ഗ്രഹങ്ങളെ അവയുടെ റോമൻ പേരു​ക​ളാൽ വിളി​ക്കു​ന്നു, എന്നാൽ റോമാ​ക്കാർ ബാബി​ലോ​ന്യ പദങ്ങൾ സ്വീക​രി​ക്കു​ക​യും അവയെ കേവലം റോമാ​യി​ലെ അവയുടെ തുല്യ​പ​ദ​ങ്ങ​ളി​ലേക്ക്‌ ഭാഷാ​ന്തരം ചെയ്യു​ക​യും ചെയ്‌തി​രു​ന്നു. അങ്ങനെ പ്രേമ​ദേ​വ​ത​യായ ഇസ്‌താ​റി​ന്റെ ഗ്രഹം വീനസാ​യി, മാർഡൂ​ക്ക്‌ദേ​വന്റെ പേരു​ണ്ടാ​യി​രുന്ന ഗ്രഹം ജൂപ്പി​ററർ എന്നു മാററ​പ്പെട്ടു.b ബാബി​ലോ​ന്യ​രാൽ ഉപയോ​ഗി​ക്ക​പ്പെ​ട്ടി​രുന്ന “കാൽദി​യൻ” എന്ന പേര്‌ മിക്കവാ​റും “ജ്യോ​തി​ഷ​ക്കാ​രൻ” എന്നതിന്റെ പര്യാ​യ​മാ​യി​ത്തീർന്നു.

ബാബി​ലോൻ “കൊത്ത​പ്പെട്ട ബിംബ​ങ്ങളു”ടെയും മലിന​മായ “കാഷ്‌ഠ​വി​ഗ്ര​ഹ​ങ്ങ​ളു​ടെ​യും ദേശം” ആയിരു​ന്നു എന്ന്‌ ബൈബിൾ പറയുന്നു. (യിരെ​മ്യാവ്‌ 50:2, 38) എന്നിട്ടും അതിന്റെ മതപര​മായ ആശയങ്ങൾ ലോക​ത്തെ​മ്പാ​ടു​മുള്ള മററു മതങ്ങളു​ടെ ഒരു മുഖ്യ ഉറവി​ട​മാ​യി​ത്തീർന്നു. പ്രൊ​ഫസർ മോറിസ്‌ ജാസ്‌സ്‌ത്രോ ദി റിലി​ജി​യൻ ഓഫ്‌ ബാബി​ലോ​നിയ ആൻഡ്‌ അസ്സീറി​യ​യിൽ ഇപ്രകാ​രം പ്രസ്‌താ​വി​ക്കു​ന്നു: “ക്രിസ്‌ത്യാ​നി​ത്വ​ത്തി​ന്റെ ആവിർഭാ​വ​ത്തി​നു മുമ്പ്‌ പുരാതന ലോകത്ത്‌, ഈജി​പ്‌ററ്‌, പേർഷ്യ, ഗ്രീസ്‌ എന്നിവി​ട​ങ്ങ​ളിൽ ബാബി​ലോ​ന്യ മതത്തിന്റെ സ്വധീനം അനുഭ​വ​പ്പെ​ട്ടി​രു​ന്നു.” പിന്നീട്‌ അതിന്റെ അനേകം തെററായ ആശയങ്ങൾ ക്രൈ​സ്‌ത​വ​ലോ​ക​ത്തി​ലെ സഭകളാൽ പോലും സ്വീക​രി​ക്ക​പ്പെ​ടു​ക​യും പഠിപ്പി​ക്ക​പ്പെ​ടു​ക​യും ചെയ്‌തു. അതു​കൊണ്ട്‌ ബൈബിൾ വ്യാജ​മ​ത​ലോ​ക​സാ​മ്രാ​ജ്യ​ത്തെ “മഹാബാ​ബി​ലോൻ” എന്ന്‌ വിളി​ക്കു​ന്നു.—വെളി​പ്പാട്‌ 17:3-5.

ബാബി​ലോൻ യെരു​ശ​ലേ​മി​നെ പിടി​ച്ച​ട​ക്കു​ന്നു

യെശയ്യാ​പ്ര​വാ​ചകൻ രണ്ടാം ലോക​ശ​ക്തി​യായ അസീറിയ പുരാതന ലോക​ത്തിൽ ആധിപ​ത്യം നടത്തി​യി​രുന്ന കാലത്താ​യി​രു​ന്നു ജീവി​ച്ചി​രു​ന്നത്‌. എന്നിട്ടും അവൻ യെരു​ശ​ലേം അന്ന്‌ ശക്തരാ​യി​രുന്ന അസീറി​യാ​ക്കാ​രാ​ലല്ല ബാബി​ലോ​ന്യ​രാൽ നശിപ്പി​ക്ക​പ്പെ​ടും എന്ന്‌ പ്രവചി​ക്കാൻ ദൈവ​ത്താൽ നിശ്വ​സ്‌ത​നാ​ക്ക​പ്പെട്ടു. (യെശയ്യാവ്‌ 39:6, 7) ഈ പ്രവചനം സത്യ​മെന്നു തെളി​ഞ്ഞോ? നമുക്കു കാണാം.

യെശയ്യാ​വി​ന്റെ കാലത്തിന്‌ ഒരു നൂററാ​ണ്ടു കഴിഞ്ഞാ​യി​രു​ന്നു ബാബി​ലോ​നും അവളുടെ സഖ്യക​ക്ഷി​ക​ളും അസീറി​യയെ ജയിച്ച​ട​ക്കി​യത്‌, ബാബി​ലോൻ പുതിയ ലോക​ശ​ക്തി​യാ​യി​ത്തീ​രു​ക​യും ചെയ്‌തു. പിന്നീട്‌ ക്രി.മു. 617-ൽ ബാബി​ലോൻ രാജാ​വായ നെബൂ​ഖ​ദ്‌നേസർ യെരു​ശ​ലേ​മി​ലെ യഹോ​യാ​ക്കീൻ രാജാ​വി​നെ പിടി​ക്കു​ക​യും അവനെ​യും “ദേശത്തി​ലെ മററു പ്രമു​ഖ​രായ ആളുക​ളെ​യും” ബാബി​ലോ​നി​ലേക്ക്‌ തടവു​കാ​രാ​യി അയക്കു​ക​യും ചെയ്‌തു. നെബൂ​ഖ​ദ്‌നേസർ മത്ഥന്യാ​വെ യെരു​ശ​ലേ​മിൽ രാജാ​വാ​ക്കു​ക​യും “അവന്റെ പേര്‌ സിദെ​ക്കീ​യാവ്‌ എന്ന്‌ മാററു​ക​യും ചെയ്‌തു.”—2 രാജാ​ക്കൻമാർ 24:11-17.

പുരാ​വ​സ്‌തു​ഗ​വേ​ഷകർ കണ്ടെടുത്ത ബാബി​ലോ​ന്യ​രു​ടെ തന്നേ രേഖക​ളും ഈ സംഭവം ശരി​യെന്ന്‌ ഉറപ്പാ​ക്കു​ന്നു. പ്രധാന സംഭവങ്ങൾ രേഖ​പ്പെ​ടു​ത്തി​യി​രി​ക്കുന്ന ബാബി​ലോ​ന്യ ദിനവൃ​ത്താ​ന്ത​മ​ട​ങ്ങിയ പുരാതന കളിമൺപ​ല​കകൾ ബാബി​ലോൻ രാജാവ്‌ “യഹൂദ്യ [യെരു​ശ​ലേം] നഗരത്തെ ഉപരോ​ധി​ച്ചു​വെ​ന്നും . . . നഗരം കൈവ​ശ​പ്പെ​ടു​ത്തി​യെ​ന്നും രാജാ​വി​നെ പിടി​ച്ചു​വെ​ന്നും” പറയുന്നു. “അവൻ അവിടെ അവന്റെ സ്വന്തം ഇഷ്ടപ്ര​കാ​രം ഒരു രാജാ​വി​നെ നിയമി​ക്കു​ക​യും അതിന്റെ ഭാരിച്ച കപ്പം വാങ്ങി ബാബി​ലോ​നി​ലേക്ക്‌ അയക്കു​ക​യും ചെയ്‌തു.”

കൂടാതെ യഹോ​യാ​ക്കീൻ ബാബി​ലോ​നിൽ പ്രവാ​സ​ത്തി​ലാ​യി​രു​ന്ന​പ്പോൾ അവന്‌ കൊടു​ക്ക​പ്പെ​ട്ടി​രുന്ന ഭക്ത്യ അലവൻസ്‌ സംബന്ധിച്ച്‌ ബൈബിൾ പരാമർശി​ക്കു​ന്നു. (2 രാജാ​ക്കൻമാർ 25:27-30) പുരാ​വ​സ്‌തു​ഗ​വേ​ഷകർ “യഹോ​യാ​ക്കീൻ രാജാ​വി​നും” “യഹൂദാ​രാ​ജാ​വി​ന്റെ പുത്രൻമാർക്കും” നൽക​പ്പെ​ട്ടി​രുന്ന ഭക്ത്യ അലവൻസ്‌ സംബന്ധിച്ച്‌ പരാമർശി​ക്കുന്ന ഭരണപ​ര​മായ രേഖകൾ ബാബി​ലോ​നിൽ കണ്ടെത്തി​യി​ട്ടുണ്ട്‌.

യെരു​ശ​ലേ​മി​ലെ ജനങ്ങൾ യഹോ​വ​യാം ദൈവ​ത്തോട്‌ ഒരു ഉടമ്പടി ബന്ധത്തി​ലാ​യി​രു​ന്നെ​ങ്കി​ലും അവർ അപ്പോ​ഴും ദൈവ​ത്തി​ന്റെ വഴികൾ പിൻപ​റ​റു​ന്ന​തി​നും അവന്റെ പ്രവാ​ച​കൻമാ​രെ അനുസ​രി​ക്കു​ന്ന​തി​നും ശാഠ്യ​പൂർവം വിസമ്മ​തി​ച്ചു. അവർ “[അവന്റെ] വാക്കുകൾ അനുസ​രി​ക്കാ​തി​രി​ക്കേ​ണ്ട​തിന്‌ തങ്ങളുടെ കഴുത്ത്‌ കഠിന​പ്പെ​ടു​ത്തി” എന്ന്‌ യഹോവ പറഞ്ഞു. “മുഴു യഹൂദ​യേ​യും ഞാൻ ബാബി​ലോൻ രാജാ​വി​ന്റെ കൈക​ളിൽ ഏൽപ്പി​ക്കും, അവൻ യഥാർത്ഥ​മാ​യി അവരെ ബാബി​ലോ​നി​ലേക്ക്‌ പ്രവാ​സി​ക​ളാ​യി കൊണ്ടു​പോ​ക​യും വാളി​നാൽ വീഴ്‌ത്തു​ക​യും ചെയ്യും” എന്ന്‌ അവൻ യിരെ​മ്യാവ്‌ മുഖാ​ന്തരം മുന്നറി​യി​പ്പു കൊടു​ത്തു.—യിരെ​മ്യാവ്‌ 19:15; 20:4.

അതു​കൊണ്ട്‌ സിദെ​ക്കി​യാവ്‌ നെബൂ​ഖ​ദ്‌നേ​സ​റി​നെ​തി​രെ മത്സരി​ച്ച​പ്പോൾ ബാബി​ലോ​ന്യർ തിരികെ വരിക​യും യരുശ​ലേ​മി​നെ ഉപരോ​ധി​ക്ക​യും ചെയ്‌തു. അവർ ക്രി.മു. 607 തമ്മൂസ്‌ 9൹ അതിന്റെ മതിലു​കൾ തകർത്തു. അവർ ആലയം ചുട്ടു​ന​ശി​പ്പി​ക്ക​യും നഗരമ​തി​ലു​കൾ പൊളി​ക്കു​ക​യും സിദെ​ക്കി​യാ​വി​നെ​യും ജനങ്ങളിൽ മിക്കവ​രേ​യും ബാബി​ലോ​നി​ലേക്ക്‌ ബന്ദിക​ളാ​യി കൊണ്ടു​പോ​ക​യും ചെയ്‌തു. യഹോ​വ​യു​ടെ വാക്കുകൾ യഥാർത്ഥ​ത്തിൽ സത്യ​മെന്നു തെളിഞ്ഞു: “ഈ ദേശ​മെ​ല്ലാം ഒരു ശൂന്യ​സ്ഥലം, ഒരു അതിശ​യ​വി​ഷയം ആയിത്തീ​രു​ക​യും ഈ ജനത ബാബി​ലോൻ രാജാ​വി​നെ എഴുപതു വർഷം സേവി​ക്കേ​ണ്ടി​വ​രി​ക​യും ചെയ്യും.”—യിരെ​മ്യാവ്‌ 25:11.

നെബൂ​ഖ​ദ്‌നേ​സ​റി​ന്റെ സ്വപ്‌ന​ബിം​ബം

പിന്നീട്‌ തന്റെ കാലത്തെ ലോക​ശ​ക്തി​യു​ടെ തലവനാ​യി​രുന്ന ബാബി​ലോൻ രാജാ​വായ നെബൂ​ഖ​ദ്‌നേ​സ​റിന്‌ കുറേ അസാധാ​രണ വിവരങ്ങൾ ലഭിച്ചു. ദൈവം അവന്‌ ഒരു വലിയ ബിംബ​ത്തി​ന്റെ സ്വപ്‌നം അയച്ചു. ആ സ്വപ്‌നം നെബൂ​ഖ​ദ്‌നേ​സ​റി​ന്റെ കാലം മുതൽ തുടരെ വന്ന ലോക​ശ​ക്തി​ക​ളായ മേദോ-പേർഷ്യ, ഗ്രീസ്‌, റോം വരെയും നമ്മുടെ ഏതൽക്കാ​ല​ത്തി​നും അപ്പുറം ദൈവ​രാ​ജ്യം സകല മാനു​ഷ​ഗ​വൺമെൻറു​ക​ളെ​യും സ്ഥിരമാ​യി മാററി​സ്ഥാ​പി​ക്കു​ന്ന​തു​വ​രെ​യു​മുള്ള മുഴു കാലഘ​ട്ട​ത്തി​ലെ​യും ചരി​ത്ര​ത്തി​ന്റെ ബാഹ്യ​രേഖ വെളി​പ്പെ​ടു​ത്തി. ദൈവ​ത്തി​ന്റെ പ്രവാ​ച​ക​നായ ദാനി​യേൽ നെബൂ​ഖ​ദ്‌നേ​സ​റി​നോട്‌ ഇപ്രകാ​രം പറഞ്ഞു: “ഇതിനു​ശേഷം എന്തു സംഭവി​പ്പാ​നി​രി​ക്കു​ന്നു എന്ന്‌ മഹാ​ദൈ​വം​തന്നേ രാജാ​വി​നെ അറിയി​ച്ചി​രി​ക്കു​ന്നു. സ്വപ്‌നം ആശ്രയ​യോ​ഗ്യ​വും അതിന്റെ വ്യാഖ്യാ​നം വിശ്വ​സ​നീ​യ​വു​മാ​കു​ന്നു.”—ദാനി​യേൽ 2:28-45.

അത്തരം ലോക​കാ​ര്യ​ങ്ങ​ളിൽ ദൈവ​ത്തിന്‌ ഒരു കൈയു​ണ്ടാ​യി​രി​ക്കാൻ കഴിയു​മെന്ന്‌—“മനുഷ്യ​വർഗ്ഗ​ത്തി​ന്റെ രാജ്യ​ത്തിൻമേൽ അത്യു​ന്നതൻ ഭരണാ​ധി​കാ​രി​യാ​ണെ​ന്നും അവൻ തനിക്കു ബോധി​ച്ച​വന്‌ അതു നൽകു​ന്നു​വെ​ന്നും”കൂടെ നെബൂ​ഖ​ദ്‌നേസർ ഏററവും ശക്തമായ ഒരു വിധത്തിൽ വ്യക്തി​പ​ര​മാ​യി പഠി​ക്കേ​ണ്ടി​യി​രു​ന്നു.—ദാനി​യേൽ 4:25.

ബാബി​ലോ​ന്റെ നാശം മുൻകൂ​ട്ടി​പ്പ​റ​യു​ന്നു

എന്നിരു​ന്നാ​ലും യഹോ​വ​യു​ടെ ജനത്തോ​ടുള്ള ബാബി​ലോ​ന്റെ അമിത​മായ ക്രൂരത ശിക്ഷി​ക്ക​പ്പെ​ടാ​തെ പോവു​ക​യി​ല്ലാ​യി​രു​ന്നു. യിരെ​മ്യാ​വു മുഖാ​ന്തരം ദൈവം ഇപ്രകാ​രം പറഞ്ഞി​രു​ന്നു: “ബാബി​ലോ​നും കൽദയ നിവാ​സി​കൾക്കൊ​ക്കെ​യും അവർ ജനങ്ങളായ നിങ്ങളു​ടെ മുമ്പാകെ സീയോ​നിൽ ചെയ്‌ത സകല തിൻമ​യും നിമിത്തം ഞാൻ പകരം കൊടു​ക്കും.” യെശയ്യാ​വു മുഖാ​ന്തരം അവൻ ഇപ്രകാ​രം മുൻകൂ​ട്ടി​പ്പ​റ​ഞ്ഞി​രു​ന്നു: “ഞാൻ അവർക്കെ​തി​രെ മേദ്യരെ ഉണർത്തു​ക​യാ​കു​ന്നു.”—യിരെ​മ്യാവ്‌ 51:24; യെശയ്യാവ്‌ 13:17.

ബാബി​ലോ​നി​നെ തള്ളിയി​ടു​ക​യും തന്റെ ജനത്തെ വിടു​വി​ക്കു​ക​യും ചെയ്യുന്ന നേതാ​വി​ന്റെ പേരു​പോ​ലും യഹോവ രണ്ടു നൂററാ​ണ്ടു​ക​ളോ​ളം മുൻപേ​കൂ​ട്ടി പറഞ്ഞു—മഹാനായ കോ​രേശ്‌ എന്നും അറിയ​പ്പെ​ട്ടി​രുന്ന കോ​രേ​ശ്‌തന്നെ. കോ​രേ​ശി​നെ​സം​ബ​ന്ധി​ച്ചുള്ള പ്രവചനം “രണ്ടു പാളി​ക​ളോ​ടു​കൂ​ടിയ കതകുകൾ അവന്റെ മുമ്പാകെ തുറന്നു​കി​ട​ക്കും. അതു​കൊണ്ട്‌ പടിവാ​തി​ലു​കൾ പോലും അടഞ്ഞു​കി​ട​ക്ക​യില്ല” എന്നു പറഞ്ഞു. (യെശയ്യാവ്‌ 44:26-45:1) അങ്ങനെ​യൊ​രു കാര്യം യഥാർത്ഥ​ത്തിൽ സംഭവി​ച്ചോ? ചരിത്രം ഉത്തരം പറയുന്നു.

ബാബി​ലോൻ വീഴുന്നു!

യഹൂദ അടിമ​ത്വ​ത്തി​ന്റെ മുൻകൂ​ട്ടി​പ്പ​റ​യ​പ്പെട്ട 70 വർഷ ശൂന്യത അവസാ​നി​ക്കാ​റാ​യ​പ്പോൾ മേദ്യ​രും പാർസി​ക​ളും മാർച്ചു​ചെ​യ്യു​ക​യാ​യി​രു​ന്നു. ബാബി​ലോൻ രാജാ​വായ നബോ​ണി​ഡസ്‌ യുദ്ധക്ക​ള​ത്തിൽ കോ​രേ​ശി​ന്റെ അടുക്കൽനിന്ന്‌ നേര​ത്തെ​തന്നേ പലായനം ചെയ്‌തി​രു​ന്നു. ഗ്രീക്കു​ച​രി​ത്ര​കാ​ര​നായ ഹെറോ​ഡോ​ട്ടസ്‌ ബാബി​ലോ​ന്യർ വളരെ ദീർഘ​മായ ഉപരോ​ധത്തെ ചെറുത്തു നിൽക്കാൻ സജ്ജരാ​യി​രു​ന്നു​വെന്നു പറയുന്നു. പ്രത്യ​ക്ഷ​ത്തിൽ അവർക്ക്‌ ബാബി​ലോ​ന്റെ ശക്തമായ മതിലു​ക​ളിൽ വലിയ വിശ്വാ​സ​മു​ണ്ടാ​യി​രു​ന്നു.

ബൈബിൾ വിവരണം പറയു​ന്ന​ത​നു​സ​രിച്ച്‌ ക്രി.മു. 539 ഒക്‌ടോ​ബർ 5/6 രാത്രി​യിൽ ബേൽശസ്സർ ബാബി​ലോ​ന്റെ ഉള്ളിൽ ഉന്നതരായ ആയിരം അതിഥി​കൾക്ക്‌ ആതിഥ്യം നൽകി​ക്കൊണ്ട്‌ വീഞ്ഞു​കു​ടി​ച്ചും ഭക്ഷണം കഴിച്ചും ഒരു വലിയ വിരുന്നു കഴിക്ക​യാ​യി​രു​ന്നു. (ദാനി​യേൽ 5:1-4) ബാബി​ലോ​നിൽ അന്നു രാത്രി​യിൽ ഒരു ഉത്സവമു​ണ്ടാ​യി​രു​ന്നു​വെന്ന്‌ ഹെറോ​ഡോ​ട്ടസ്‌ സ്ഥിരീ​ക​രി​ക്കു​ന്നു. നഗരത്തി​ലെ ആളുകൾ “ആ സമയത്ത്‌ ഡാൻസു​ചെ​യ്യു​ക​യും സുഖി​ക്ക​യും ചെയ്യു​ക​യാ​യി​രു​ന്നു” എന്ന്‌ അദ്ദേഹം പറയുന്നു. എന്നിരു​ന്നാ​ലും വെളി​യിൽ കോ​രേശ്‌ നഗരത്തി​ന്റെ മദ്ധ്യത്തി​ലൂ​ടെ ഒഴുകി​ക്കൊ​ണ്ടി​രുന്ന യൂഫ്ര​ട്ടീസ്‌ നദിയി​ലെ വെള്ളം വേറെ വഴിക്ക്‌ തിരി​ച്ചു​വി​ട്ടി​രു​ന്നു. ജലനി​രപ്പ്‌ താഴ്‌ന്ന​പ്പോൾ അദ്ദേഹ​ത്തി​ന്റെ സൈന്യം സാവകാ​ശ​ത്തിൽ ഉന്നതമായ മതിൽ കടന്ന്‌ നദീത​ട​ത്തി​ലൂ​ടെ ബാബി​ലോ​ന്യർ തുറന്നി​ട്ടി​രുന്ന “നദിയി​ലേക്കു നയിക്കുന്ന ചെറിയ പടിവാ​തി​ലു​കൾ,” എന്ന്‌ ഹെറോ​ഡോ​ട്ടസ്‌ വിളി​ച്ച​വ​യി​ലൂ​ടെ പ്രവേ​ശി​ച്ചു.

പ്രവാ​ച​ക​നാ​യ യിരെ​മ്യാവ്‌ അനേകം​വർഷങ്ങൾ മുൻകൂ​ട്ടി ബാബി​ലോ​ന്റെ വീഴ്‌ചയെ സംബന്ധിച്ച ഒരു സ്‌പഷ്ട​മായ വർണ്ണന എഴുതി: “ബാബേ​ലി​ലെ ശക്തരായ പുരു​ഷൻമാർ യുദ്ധം നിർത്തി​യി​രി​ക്കു​ന്നു. . . . ബാബി​ലോൻ രാജാ​വി​ന്റെ നഗരം നാലു​പു​റ​വും പിടി​ക്ക​പ്പെട്ടു, കടവുകൾ തന്നേയും പിടി​ക്ക​പ്പെട്ടു, പേപ്പി​റസ്‌ വള്ളങ്ങൾ അവർ തീവെച്ചു ദഹിപ്പി​ച്ചു​ക​ളഞ്ഞു എന്ന്‌ അവനെ അറിയി​ക്കാൻ ഒരു ഓട്ടക്കാ​രൻ മറെറാ​രു ഓട്ടക്കാ​രനെ സന്ധിക്കു​ന്ന​തി​നും ഒരു റിപ്പോർട്ടർ മറെറാ​രു റിപ്പോർട്ടറെ സന്ധിക്കു​ന്ന​തി​നും ഓടുന്നു.”—യിരെ​മ്യാവ്‌ 51:30-32.

ഇപ്പോൾ ബ്രിട്ടീഷ്‌ കാഴ്‌ച​ബം​ഗ്ലാ​വി​ലുള്ള നബോ​ണി​ഡസ്‌ ദിനവൃ​ത്താ​ന്തം ഈ വർണ്ണനയെ സ്ഥിരീ​ക​രി​ക്കു​ന്നു. “കോ​രേ​ശി​ന്റെ സൈന്യം പോരാ​ട്ടം കൂടാതെ ബാബി​ലോ​നിൽ പ്രവേ​ശി​ച്ചു” എന്ന്‌ അത്‌ പറയുന്നു.

യഹോ​വ​യു​ടെ പ്രവചനം നിവൃ​ത്തി​യേ​റു​ന്നു

ഒററ രാത്രി​കൊണ്ട്‌ ബാബി​ലോൻ വീണു. ബൈബിൾ ചരി​ത്ര​ത്തി​ലെ മൂന്നാം ലോക​ശക്തി പെട്ടെന്നു നിലച്ചു. കോ​രേ​ശിന്‌ കോ​രേ​ശി​ന്റെ സിലിണ്ടർ എന്നറി​യ​പ്പെ​ടുന്ന ഒരു ക്യൂണി​ഫോം പ്രമാ​ണ​ത്തിൽ ഇപ്രകാ​രം വീമ്പി​ള​ക്കാൻ കഴിഞ്ഞു: “ഞാൻ ലോക​ത്തി​ന്റെ രാജാ​വാണ്‌, മഹാരാ​ജാവ്‌, നിയമാ​നു​സൃത രാജാവ്‌, ബാബി​ലോൻ രാജാവ്‌, സുമേ​റി​യൻ രാജാവ്‌.” തൊട്ടു​പി​ന്നാ​ലെ കോ​രേശ്‌ തന്റെ സുപ്ര​സിദ്ധ വിളം​ബരം പ്രസി​ദ്ധ​പ്പെ​ടു​ത്തി, ഏകദേശം 50,000 യഹൂദ ബന്ദികൾ മുൻകൂ​ട്ടി​പ്പ​റ​യ​പ്പെട്ട 70 വർഷത്തെ ശൂന്യ​ത​യു​ടെ അവസാ​ന​ത്തിൽ കൃത്യ​മാ​യി യെരു​ശ​ലേ​മും യഹോ​വ​യു​ടെ ആലയവും പുനർനിർമ്മി​ക്കു​ന്ന​തിന്‌ അവിടെ തിരി​ച്ചെത്തി.—എസ്രാ 1:1-11.

നൂററാ​ണ്ടു​കൾക്കു​ശേഷം യേശു​വി​ന്റെ അപ്പോ​സ്‌ത​ല​നായ പത്രോസ്‌ അവിടെ തഴച്ചു​വ​ളർന്നി​രുന്ന ഒരു യഹൂദ സമുദാ​യത്തെ പഠിപ്പി​ക്കാൻ ചെന്നു, പത്രോസ്‌ തന്റെ നിശ്വസ്‌ത ബൈബിൾലേ​ഖ​ന​ങ്ങ​ളിൽ ഒന്നെങ്കി​ലും ബാബി​ലോ​നിൽനി​ന്നാ​യി​രു​ന്നു എഴുതി​യത്‌. (1 പത്രോസ്‌ 5:13) എന്നിരു​ന്നാ​ലും കാല​ക്ര​മ​ത്തിൽ ഈ പ്രവചനം നിവൃ​ത്തി​യേറി: “രാജ്യ​ങ്ങ​ളു​ടെ അലങ്കാ​ര​വും കൽദയ​രു​ടെ അഭിമാ​ന​ഭൂ​ഷ​ണ​വു​മായ ബാബി​ലോൻ ദൈവം സൊ​ദോ​മി​നെ​യും ഗൊ​മോ​റ​യെ​യും മറിച്ചു​ക​ള​ഞ്ഞ​തു​പോ​ലെ​യാ​യി​ത്തീ​രും. അവൾ ഒരിക്ക​ലും നിവസി​ത​മാ​കു​ക​യില്ല.”—യെശയ്യാവ്‌ 13:19, 20.

ശക്തമാ​യി​രു​ന്ന ബാബി​ലോൻ പൊടി​പി​ടിച്ച കൽക്കൂ​നകൾ, ഒരു ശൂന്യ​പ്ര​ദേ​ശത്തെ നഷ്‌ട​ശി​ഷ്‌ടങ്ങൾ, അല്ലാതെ മറെറാ​ന്നു​മല്ല.—യഹോ​വ​യു​ടെ പ്രാവ​ച​നിക വചനത്തി​ന്റെ പരാജ​യ​പ്പെ​ടാത്ത കൃത്യ​ത​യു​ടെ നിശബ്‌ദ​വും വാചാ​ല​വു​മായ ഒരു തെളിവ്‌.—യിരെ​മ്യാവ്‌ 51:36, 37. (w88 3/1)

[അടിക്കു​റി​പ്പു​കൾ]

[30-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക]

ബാബിലോൻ സാമ്രാ​ജ്യ​ത്തി​ന്റെ വ്യാപ്‌തി

മഹാ സമുദ്രം

യൂഫ്രട്ടീസ്‌ നദി

ബാബിലോൻ

മേദ്യ

യെരുശലേം

[കടപ്പാട്‌]

Based on a map copyrighted by Pictorial Archive (Near Eastern History) Est. and Survey of Israel

[30-ാം പേജിലെ ചിത്രങ്ങൾ]

ബാബിലോനിലെ പുനർനിർമ്മിച്ച ഇഷ്‌ടാർ ഗെയി​ററ്‌ (വലത്ത്‌)

[കടപ്പാട്‌]

Museum of Western Asiatic Antiquity, East Berlin, GDR

ബാബിലോനിന്റെ ശൂന്യ​ശി​ഷ്‌ടങ്ങൾ ഇന്ന്‌ (താഴെ)