സത്യസ​ന്ധ​രാ​യി​രി​ക്കു​ക​യെ​ന്നാൽ അർത്ഥ​മെന്ത്‌?

സത്യസ​ന്ധ​രാ​യി​രി​ക്കു​ക​യെ​ന്നാൽ വഞ്ചന കൂടാതെ സത്യമു​ള്ള​വ​രാ​യി​രി​ക്കു​ക​യെ​ന്നാണ്‌. സത്യസന്ധത നിങ്ങൾ മററു​ള്ള​വ​രോട്‌ നിഷ്‌പ​ക്ഷ​മാ​യി ഇടപെ​ട​ണ​മെന്ന്‌ ആവശ്യ​പ്പെ​ടു​ന്നു—ഒളിച്ചു​ക​ളി​യി​ല്ലാ​തെ​യും മാന്യ​മാ​യും വഞ്ചനകൂ​ടാ​തെ​യും വഴി​തെ​റ​റി​ക്കാ​തെ​യും തന്നെ. സത്യസ​ന്ധ​നായ ഒരാൾ ഒരു നിർമ്മ​ല​മ​നു​ഷ്യ​നാണ്‌. എല്ലായ്‌പ്പോ​ഴും വിശ്വാ​സ​യോ​ഗ്യ​നാ​യി​രി​ക്കു​ന്നതി​നാൽ അയാൾ ഒരിക്ക​ലും സഹമനു​ഷ്യ​നെ വഞ്ചിക്കു​ക​യില്ല. നമ്മോട്‌ ആ വിധത്തിൽ പെരു​മാ​റാൻ നമ്മളെ​ല്ലാം ആഗ്രഹി​ക്കും, ഇല്ലേ? അതു​കൊണ്ട്‌ സത്യസ​ന്ധ​തക്ക്‌ എന്നെങ്കി​ലും കാലഹ​ര​ണ​പ്പെ​ടാൻ കഴിയു​മോ?

മേൽപ്ര​സ്‌താ​വിച്ച നിർവ​ച​ന​ങ്ങ​ളിൽനിന്ന്‌ ഒരു സത്യാ​രാ​ധ​ക​നാ​ണെ​ന്ന​ഭി​മാ​നി​ക്കുന്ന ഏതൊ​രാ​ളും എന്തു​കൊണ്ട്‌ സത്യസ​ന്ധ​നാ​യി​രി​ക്ക​ണ​മെന്ന്‌ ക്രിസ്‌ത്യാ​നി പെട്ടെ​ന്നു​തന്നെ കാണുന്നു. (യോഹ​ന്നാൻ 4:24) അയാൾ “സത്യത്തി​ന്റെ ദൈവ​മായ യഹോ​വയെ” ആരാധി​ക്കു​ന്നു. (സങ്കീർത്തനം 31:5; തീത്തോസ്‌ 1:2) ന്യായാ​നു​സ​രണം, “സത്യസ​ന്ധ​രായ മനുഷ്യർ” മാത്രമേ അവനെ പ്രതി​നി​ധാ​നം ചെയ്യാൻ യോഗ്യ​രാ​യി​രി​ക്കു​ന്നു​ള്ളു.—പുറപ്പാട്‌ 18:21, ന്യൂ വേൾഡ്‌ ട്രാൻസേ​ഷ്‌ളൻ റഫറൻസ്‌ ബൈബിൾ, അടിക്കു​റിപ്പ്‌.

സത്യസന്ധത നമ്മുടെ ജീവി​ത​ത്തി​ലെ അനേകം വശങ്ങളെ ബാധി​ക്കു​ന്നു, അതു​കൊണ്ട്‌ അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞത്‌ മനസ്സി​ലാ​ക്കാ​വു​ന്ന​താണ്‌: “ഞങ്ങൾ എല്ലാ കാര്യ​ങ്ങ​ളി​ലും സത്യസ​ന്ധ​രാ​യി നടക്കാൻ ആഗ്രഹി​ക്കു​ന്നു.” അതിൽ സംസാ​ര​ത്തി​ലും ജോലി​യി​ലും കുടും​ബ​കാ​ര്യ​ങ്ങ​ളി​ലും ബിസി​നസ്‌ ഇടപാ​ടു​ക​ളി​ലും ഗവൺമെൻറു​കൾ നമ്മു​ടെ​മേൽ വെക്കുന്ന ഏതു നിയമ​വ്യ​വ​സ്ഥ​ളോ​ടും പ്രതി​വർത്തി​ക്കു​ന്ന​തി​ലു​മുള്ള സത്യസന്ധത ഉൾപ്പെ​ടു​ന്നു.—എബ്രായർ 13:18.

നാം പറയു​ന്ന​തിൽ

മിക്ക​പ്പോ​ഴും നിർദ്ദോ​ഷ​വും സ്വീകാ​ര്യ​വു​മെന്ന്‌ വീക്ഷി​ക്ക​പ്പെ​ടു​ന്ന​തെ​ങ്കി​ലും ആളുകൾ സത്യം സംസാ​രി​ക്കാത്ത അനേകം വിധങ്ങ​ളുണ്ട്‌. അവർ ജോലി​ചെ​യ്യുന്ന മണിക്കൂ​റു​ക​ളു​ടെ റിപ്പോർട്ടു​ക​ളിൽ വഞ്ചന കാണി​ക്കു​ക​യും സന്ദർശി​ക്കു​ന്ന​വ​രോട്‌ കുട്ടി​ക​ളെ​ക്കൊണ്ട്‌ അസത്യങ്ങൾ പറയി​ക്കു​ക​യും ഇൻഷു​റൻസ്‌ ഏജൻറൻമാ​രോട്‌ തെററായ പ്രസ്‌താ​വ​നകൾ ചെയ്യു​ക​യും ജോലി​യിൽ അവധി​കി​ട്ടു​ന്ന​തിന്‌ രോഗ​മാ​യി​രു​ന്നു എന്ന്‌ കള്ളം പറയു​ക​യും ചെയ്യുന്നു, ചുരുക്കം ചിലതു മാത്ര​മാ​ണിവ.

ചില​പ്പോൾ നമുക്ക്‌ മറെറാ​രാ​ളോ​ടു പറയാ​നു​ള്ളത്‌ എഴു​തേ​ണ്ട​തുണ്ട്‌. ഏതെങ്കി​ലും കാരണ​ത്താൽ, വാഗ്രൂ​പേണ ഒരിക്ക​ലും വ്യാജം പറയു​ക​യി​ല്ലാ​ത്തവർ നികു​തി​കൾക്കു​വേ​ണ്ടി​യുള്ള ആദായം റിപ്പോർട്ടു​ചെ​യ്യു​മ്പോൾ അല്ലെങ്കിൽ ഒരു അന്താരാ​ഷ്‌ട്ര അതിർത്തി​യിൽ കസ്‌റ​റംസ്‌ അധികൃ​ത​രോട്‌ ഇനം തിരി​ച്ചുള്ള ഡിക്ല​റേഷൻ എഴുതു​മ്പോൾ സംഗതി വ്യത്യ​സ്‌ത​മാ​ണെന്ന്‌ വിചാ​രി​ക്കു​ന്നു. ഈ വഞ്ചന എല്ലാ നികു​തി​ദാ​യ​കർക്കും ചെലവു വരുത്തു​ന്നു. അത്‌ യഥാർത്ഥ അയൽസ്‌നേ​ഹ​മാ​ണോ? കൂടാതെ, ക്രിസ്‌ത്യാ​നി​കൾക്ക്‌ “കൈസർക്കു​ള്ളത്‌ കൈസർക്കു തിരികെ കൊടു​ക്കാൻ” ഒരു കടപ്പാ​ടി​ല്ലേ?—ലൂക്കോസ്‌ 20:25; 10:27; റോമർ 13:1, 2, 7, 8 കൂടെ കാണുക.

നമ്മുടെ സംസാ​ര​ത്തിൽ നാം തീർച്ച​യാ​യും “വ്യാജ​ത്തി​ന്റെ പിതാ​വി​നെ” അല്ല, “സത്യത്തി​ന്റെ ദൈവത്തെ” അനുക​രി​ക്കാ​നാ​ഗ്ര​ഹി​ക്കു​ന്നു. (സങ്കീർത്തനം 31:5; യോഹ​ന്നാൻ 8:44) തത്വദീ​ക്ഷ​യി​ല്ലാ​ത്തവർ തെററി​ദ്ധ​രി​പ്പി​ക്കു​ന്ന​തി​നും വഞ്ചിക്കു​ന്ന​തി​നും കപടസം​സാ​രത്തെ ആശ്രയി​ച്ചേ​ക്കാം. എന്നാൽ നമ്മുടെ അയൽക്കാ​ര​നോ​ടു നുണ പറയു​ന്നത്‌ അയാളെ സ്‌നേ​ഹി​ക്കു​കയല്ല. മാത്ര​വു​മല്ല, വ്യാജം പറയു​ന്ന​വർക്ക്‌ യഥാർത്ഥ​ഭാ​വി​യില്ല.—എഫേസ്യർ 4:25; വെളി​പ്പാട്‌ 21:27; 22:15.

ജോലി​യിൽ

വാങ്ങുന്ന കൂലിക്ക്‌ ഒരു ദിവസത്തെ സത്യസ​ന്ധ​മായ ജോലി ചെയ്യു​ക​യെ​ന്നത്‌ ന്യായ​യു​ക്ത​വും തിരു​വെ​ഴു​ത്തു​പ​ര​വു​മായ ഒരു വ്യവസ്ഥ​യാണ്‌. (കൊ​ലോ​സ്യർ 3:22-24) എന്നിരു​ന്നാ​ലും, നീണ്ട ഇടവേ​ള​ക​ളിൽ കമ്പനി​സ​മയം പാഴാ​ക്കു​ന്ന​വ​രും ജോലിക്ക്‌ താമസി​ച്ചു​വ​രു​ക​യും നേരത്തെ പോകു​ക​യും ജോലി​ക്കു കയറി​യ​ശേഷം ചമയത്തിന്‌ ഏറെ സമയം ചെലവ​ഴി​ക്കു​ക​യും അനധി​കൃ​ത​മാ​യി വ്യക്തി​പ​ര​മായ ഫോൺവി​ളി​കൾ നടത്തു​ന്ന​തിന്‌ കമ്പനി​ഫോൺ ഉപയോ​ഗി​ക്കു​ക​യും ചെയ്യു​ന്ന​വ​രും കമ്പനി​സ​മ​യത്ത്‌ സ്വന്തം ബിസി​നസ്‌ നടത്തു​ന്ന​വ​രും ഉറങ്ങു​ന്ന​വ​രും​പോ​ലു​മായ അനേകാ​യി​രം സമയക്ക​ള്ളൻമാ​രുണ്ട്‌. അവരുടെ മോഷണം എല്ലാവർക്കും ചെലവ്‌ വർദ്ധി​പ്പി​ക്കു​ന്നു.

ജോലി​യി​ലെ മററു രൂപങ്ങ​ളി​ലുള്ള മോഷ​ണ​ത്തിൽ വ്യക്തി​പ​ര​മായ ഉപയോ​ഗ​ത്തിന്‌ സാധന​ങ്ങ​ളും ഉപകര​ണ​ങ്ങ​ളും എടുത്തു​കൊ​ണ്ടു പോകു​ന്നത്‌ ഉൾപ്പെ​ടു​ന്നു. ഇത്‌ അപര്യാ​പ്‌ത​മായ ശമ്പളത്തിന്‌ പരിഹാ​രം​കാ​ണു​ക​യ​ല്ലാ​തെ മറെറാ​ന്നു​മ​ല്ലെന്ന്‌ അവകാ​ശ​പ്പെ​ടു​ന്നു, തങ്ങൾ ഒരു പിശു​ക്ക​നായ മുതലാ​ളി​യു​മാ​യി കാര്യങ്ങൾ സമീക​രി​ക്കു​ന്നു​വെ​ന്ന​പോ​ലെ! എന്നാൽ വസ്‌തു​ക്കൾ എടുത്തു​കൊ​ണ്ടു​പോ​കു​ന്നത്‌ ഉടമസ്ഥ​ന്റെ​യോ മുതലാ​ളി​യു​ടെ​യോ അറി​വോ​ടും അനുവാ​ദ​ത്തോ​ടും​കൂ​ടെ​യ​ല്ലെ​ങ്കിൽ അത്‌ യഥാർത്ഥ​ത്തിൽ മോഷ​ണ​ത്തി​ന്റെ ഒരു രൂപമാണ്‌.

ഈ സാഹച​ര്യ​ങ്ങ​ളി​ലെ​ല്ലാം, സത്യ​ക്രി​സ്‌ത്യാ​നി ഈ നിശ്വ​സ്‌ത​ബു​ദ്ധി​യു​പ​ദേശം ബാധക​മാ​ക്കും: “കള്ളൻ മേലാൽ മോഷ്ടി​ക്കാ​തെ . . . തന്റെ കൈകൾകൊണ്ട്‌ നല്ല വേല ചെയ്യട്ടെ, ഞെരു​ക്ക​മുള്ള ആർക്കെ​ങ്കി​ലും വിതര​ണം​ചെ​യ്യാൻ തനിക്ക്‌ എന്തെങ്കി​ലും ഉണ്ടായി​രി​ക്കേ​ണ്ട​തി​നു​തന്നെ.”—എഫേസ്യർ 4:28; പ്രവൃ​ത്തി​കൾ 20:35.

എന്നിരു​ന്നാ​ലും, സത്യസ​ന്ധ​മോ നിയമാ​നു​സൃ​ത​മോ അല്ലാത്ത ഒരു പ്രവൃത്തി ചെയ്യാൻ നിങ്ങളു​ടെ മുതലാ​ളി നിങ്ങ​ളോട്‌ ആവശ്യ​പ്പെ​ടു​ക​യും നിങ്ങൾ അനുസ​രി​ക്കു​ന്നി​ല്ലെ​ങ്കിൽ നിങ്ങളെ പിരി​ച്ചു​വി​ടു​മെന്നു ഭീഷണി​പ്പെ​ടു​ത്തു​ക​യു​മാ​ണെ​ങ്കി​ലെന്ത്‌? ചില ദൃഷ്ടാ​ന്തങ്ങൾ: ഒരിക്ക​ലും വാഹന​ത്തിൽ സ്ഥാപി​ക്കാത്ത സ്‌പെ​യർപാർട്ടു​കൾക്ക്‌ പതിവു​കാ​ര​നിൽനിന്ന്‌ അവ മാററി​വെ​ക്കു​ന്ന​തി​ന്റെ ചാർജ്‌ വാങ്ങുക, പതിവു​കാർക്ക്‌ ഉയർന്ന നിരക്കു​കൾ ചാർജ്‌ ചെയ്യാൻക​ഴി​യ​ത്ത​ക്ക​വണ്ണം വിലകു​റഞ്ഞ താഴ്‌ന്ന ചരക്കുകൾ പെട്ടി​യിൽ വെക്കുക; സാധന​ത്തിന്‌ പുതിയ, “വെട്ടി​ക്കു​റച്ച” വില എഴുതുക, അസൽവില അതുത​ന്നെ​യോ അതിലും കുറവോ ആയിരി​ക്കു​മ്പോൾ. അനേകം​ജോ​ലി​ക്കാർ ഇതിനെ ജോലി​ക്കാ​രു​ടെയല്ല, പിന്നെ​യോ മുതലാ​ളി​യു​ടെ ഉത്തരവാ​ദി​ത്ത​മാ​യി വീക്ഷി​ക്കും. ഇങ്ങനെ​യുള്ള ഒരു സാഹച​ര്യ​ത്തെ അഭിമു​ഖീ​ക​രി​ച്ച​പ്പോൾ യഹോ​വ​യു​ടെ സാക്ഷികൾ എന്തു ചെയ്‌തി​ട്ടുണ്ട്‌? ഡറിൽ ജെ——പറയുന്നു:

“ഒരു പലചര​ക്കു​ക​ട​യിൽ ഉൽപ്പന്ന മാനേ​ജ​രാ​യി ജോലി​ചെ​യ്യവേ, യാതൊ​രു വിലയും കൂട്ടാതെ ലാഭം വർദ്ധി​പ്പി​ക്കാൻ മാനേ​ജ്‌മെൻറ്‌ ആവശ്യ​പ്പെട്ടു. ഇതിനുള്ള നിർദ്ദേ​ശങ്ങൾ ഇവയാ​യി​രു​ന്നു: ചില ഉൽപ്പന്ന​ങ്ങ​ളു​ടെ തൂക്കം കൂട്ടി​പ്പ​റ​യു​ക​യും സപ്ലയറെ കൃത്രിമ ക്രെഡി​ററ്‌ നോട്ടു​കൾ ഏൽപ്പി​ക്കു​ക​യും ചെയ്യുക. സാധാരണ നടപടി​കൾ, എന്നാൽ വഞ്ചനാ​ത്മകം.”

ഡറിൽ തെററി​ദ്ധ​രി​പ്പി​ക്കാ​നും വഞ്ചിക്കാ​നും വിസമ്മ​തി​ച്ചു. (സദൃശ​വാ​ക്യ​ങ്ങൾ 20:23) ഏതാനും ആഴ്‌ച​കൾക്കു​ശേഷം അയാളെ പിരി​ച്ചു​വി​ട്ടു. തന്റെ കുടും​ബത്തെ തൊഴി​ലി​ല്ലാ​യ്‌മ​യു​ടെ ഫലങ്ങൾക്ക്‌ വിധേ​യ​മാ​ക്കി​യ​തിൽ അയാൾ ബുദ്ധി​ഹീ​ന​നാ​യി​രു​ന്നോ? സത്യസ​ന്ധ​നാ​യി​രു​ന്ന​തിൽ അയാൾ ഖേദി​ച്ചോ? ഇല്ല, എന്തു​കൊ​ണ്ടെ​ന്നാൽ സംഭവി​ച്ച​തി​നെ​ക്കു​റിച്ച്‌ ഒരു സഹസാക്ഷി കേട്ട​പ്പോൾ അയാൾ തൊഴിൽ കൊടു​ത്തു. ഡറിൽ പറയുന്നു: “മൂന്നോ നാലോ ആഴ്‌ച​കൾക്കു​ള്ളിൽ ഞാൻ സത്യസ​ന്ധ​മായ മാർഗ്ഗ​ത്തിൽ എന്നെയും കുടും​ബ​ത്തെ​യും വീണ്ടും പോറ​റി​ത്തു​ടങ്ങി. യഹോ​വ​യോ​ടുള്ള നിർമ്മലത പാലി​ച്ച​തിന്‌ അവനാൽ അനു​ഗ്ര​ഹി​ക്ക​പ്പെ​ട്ടത്‌ ഒരു പദവി​യാ​യി ഞാൻ കണക്കാ​ക്കു​ന്നു.”

മറിച്ച്‌ നിങ്ങൾ സത്യസ​ന്ധ​നാ​യ​തു​കൊണ്ട്‌ നിങ്ങൾക്ക്‌ ഒരു ജോലി കിട്ടി​യേ​ക്കാം. ഒരു സുപ്ര​സിദ്ധ ഇൻറർനാ​ഷനൽ ഇൻഷു​റൻസ്‌ കമ്പനി​യു​ടെ ഏജൻറ്‌ കാനഡാ, റെറാ​റൊ​ണ്ടോ​യി​ലെ വിജയി​യായ ഒരു സ്‌റേ​റാ​റു​ട​മയെ യഹോ​വ​യു​ടെ സാക്ഷി​കളെ ജോലി​ക്കു നിർത്തി​ക്കൊണ്ട്‌ അയാളു​ടെ തൊഴി​ലാ​ളി​മോ​ഷ​ണ​പ്ര​ശ്‌നങ്ങൾ അവസാ​നി​പ്പി​ക്കാൻ ഉപദേ​ശി​ച്ചു. ഏജൻറ്‌ ഇങ്ങനെ വിശദീ​ക​രി​ച്ചു: “ഞാൻ മറെറാ​രു നഗരത്തിൽ ഇൻഷു​റൻസ്‌ പരിശീ​ലനം നേടി​ക്കൊ​ണ്ടി​രു​ന്ന​പ്പോൾ അവരുടെ ഇടപാ​ടു​കാ​രിൽ രാത്രി​യിൽ പലചരക്കു ഷെൽഫു​ക​ളിൽ സാധനങ്ങൾ സ്‌റേ​റാ​ക്കു​ചെ​യ്യാൻ സാക്ഷി​കളെ മാത്രം ജോലി​ക്കു നിർത്തിയ ഒരു വലിയ സൂപ്പർമാർക്ക​ററ്‌ ശൃംഖല ഉണ്ടായി​രു​ന്ന​താ​യി ഞാൻ കണ്ടെത്തി. അവർക്ക്‌ മററു ജോലി​ക്കാ​രിൽനിന്ന്‌ കുറേ ചീത്ത അനുഭ​വങ്ങൾ ഉണ്ടായി. എന്നാൽ സ്‌റേ​റാ​ക്കു​ചെ​യ്യു​ന്ന​തിന്‌ രാത്രി​മ​ണി​ക്കൂ​റു​ക​ളിൽ വരാൻ സാക്ഷി​കൾക്ക്‌ താക്കോൽ കൊടു​ത്ത​ശേഷം അവർക്ക്‌ യാതൊ​രു വസ്‌തു​വും നഷ്ടപ്പെ​ട്ടി​രു​ന്നില്ല.’

സത്യസ​ന്ധ​നാ​യി​രി​ക്കാ​നുള്ള മററ മാർഗ്ഗങ്ങൾ

കടം വാങ്ങു​ന്ന​യാൾ വാങ്ങുന്ന സമയത്ത്‌ മിക്ക​പ്പോ​ഴും താഴ്‌മ​യും ആദരവും പ്രതി​ഫ​ലി​പ്പി​ക്കു​ന്നു, അയാൾ തിരികെ കൊടു​ക്കു​ന്ന​തു​സം​ബ​ന്ധിച്ച്‌ ഉറപ്പും സഹായ​ത്തി​നു നന്ദിയും പ്രകട​മാ​ക്കു​ന്നു. എന്നാൽ കടം വീട്ടു​ന്ന​തി​നുള്ള സമയം വരു​മ്പോൾ കടം വാങ്ങുന്ന ചിലരിൽ അത്ഭുത​ക​ര​മാം​വി​ധം വ്യത്യ​സ്‌ത​മായ ഒരു ദുഷിച്ച മനോ​ഭാവ മാററം വരുന്നു. അപ്പോൾ കോപ​വും വൈരാ​ഗ്യ​വും കടംവീ​ട്ടു​ന്ന​തു​സം​ബ​ന്ധിച്ച്‌ ശല്യ​പ്പെ​ടു​ത്തു​ന്ന​താ​യുള്ള പരാതി​യും ദർശി​ക്കുക സാധാ​ര​ണ​മാണ്‌. കടം​കൊ​ടു​ത്ത​യാൾക്ക്‌ കരുണ​യി​ല്ലെന്ന്‌ അവകാ​ശ​പ്പെ​ടു​ക​യും​ചെ​യ്യു​ന്നു. കടംവാ​ങ്ങു​ന്ന​യാ​ളി​ന്റെ ദൃഷ്ടി​യിൽ കടം​കൊ​ടു​ത്ത​യാൾ ഒരു അതി​ക്രൂ​ര​നാ​യി രൂപാ​ന്ത​ര​പ്പെ​ട്ടി​രി​ക്കു​ന്നു! എന്നിരു​ന്നാ​ലും, ‘കടംവാ​ങ്ങി​യിട്ട്‌ തിരികെ കൊടു​ക്കാ​ത്തവൻ ദുഷ്‌ട​നാണ്‌’ എന്നാണ്‌ ബൈബിൾ പറയു​ന്നത്‌. (സങ്കീർത്തനം 37:21; റോമർ 13:8) ചെറിയ തുകകൾ പോലും കൊടു​ക്കാൻ കടംവാ​ങ്ങിയ ആൾ ശ്രമി​ക്കാ​തെ, ഒരുപക്ഷേ, കടംത​ന്ന​യാ​ളി​നോ​ടു സംസാ​രി​ക്കാൻപോ​ലും ശ്രമി​ക്കാ​ത്ത​പ്പോൾ വിശേ​ഷാൽ ഇതു സത്യമാ​യി​രി​ക്കും.

കുടും​ബ​ജീ​വി​ത​ത്തിൽ അനേകം കാര്യ​ങ്ങ​ളിൽ സത്യസന്ധത ആവശ്യ​മാണ്‌: കുടും​ബ​ത്ത​ലവൻ തന്റെ വരുമാ​ന​വും സാമ്പത്തി​ക​കാ​ര്യ​ങ്ങ​ളും സംബന്ധിച്ച്‌ ഭാര്യ​യോട്‌ സത്യസ​ന്ധ​നാ​യി​രി​ക്കേ​ണ്ട​തു​ത​ന്നെ​യാണ്‌; ഭാര്യ കുടും​ബ​പണം എങ്ങനെ ചെലവ​ഴി​ക്കു​ന്നു​വെ​ന്ന​തു​സം​ബ​ന്ധിച്ച്‌ ഭർത്താ​വി​നോട്‌ സത്യസ​ന്ധ​യാ​യി​രി​ക്കണം; ഇരുവ​രും തങ്ങളുടെ ലൈം​ഗി​ക​താൽപ​ര്യ​ങ്ങൾ പരസ്‌പരം പരിമി​ത​പ്പെ​ടു​ത്തു​ന്ന​തുൾപ്പെടെ നിർമ്മലത പാലി​ക്കു​ന്ന​വ​രാ​യി​രി​ക്കേ​ണ്ട​തുണ്ട്‌; കുട്ടികൾ തങ്ങളുടെ മാതാ​പി​താ​ക്ക​ളു​ടെ പ്രസ്‌താ​വിത ഇച്ഛക​ളോ​ടുള്ള പൊരു​ത്ത​ത്തിൽ അവരുടെ സഹവാ​സ​ങ്ങ​ളും വിനോ​ദ​രൂ​പ​ങ്ങ​ളും സംബന്ധിച്ച്‌ സത്യസ​ന്ധ​രും അനുസ​ര​ണ​മു​ള്ള​വ​രു​മാ​യി​രി​ക്കു​ന്നതു നല്ലതാണ്‌.—എഫേസ്യർ 5:33; 6:1-3.

ഒരു യഥാർത്ഥ​ക്രി​സ്‌ത്യാ​നി “അനീതി​യെ നിരാ​കരി”ക്കേണ്ടതാ​ണെന്ന്‌ ഈ പറഞ്ഞതിൽനി​ന്നെ​ല്ലാം വ്യക്തമാ​യി​രി​ക്കേ​ണ്ട​താണ്‌—സത്യസ​ന്ധ​ത​യി​ല്ലാ​യ്‌മ​യോ​ടും ഭോഷ്‌കു​പ​റ​ച്ചി​ലി​നോ​ടും വഞ്ചിക്ക​ലി​നോ​ടും ചതിക്ക​ലി​നോ​ടും ധാർമ്മി​ക​ദു​ഷി​പ്പി​നോ​ടും ഒത്തു​പോ​കുന്ന ദുഷ്ട പ്രവൃ​ത്തി​ക​ളെ​യും ദുഷ്‌ഫ​ല​ങ്ങ​ളെ​യും തന്നെ.—2 തിമൊ​ഥെ​യോസ്‌ 2:19; റോമർ 2:21-24.

പ്രതി​ഫ​ല​ങ്ങ​ളും പ്രയോ​ജ​ന​ങ്ങ​ളും

ഔചി​ത്യ​വും നിഷ്‌ക​പ​ട​ത​യും മററു​ള്ള​വ​രോ​ടുള്ള നേരായ ഇടപെ​ട​ലു​ക​ളും സത്യസ​ന്ധ​തയെ പ്രോൽസാ​ഹി​പ്പി​ക്കു​ന്നു. ആശ്രയ​ത്തി​ന്റെ​യും വിശ്വാ​സ​ത്തി​ന്റെ​യു​മായ ഒരു കാലാവസ്ഥ അങ്ങനെ വികാ​സം​പ്രാ​പി​ക്കു​ന്നു, അത്‌ ആരോ​ഗ്യ​ക​ര​മായ മനോ​ഭാ​വ​ങ്ങ​ളി​ലേ​ക്കും ബന്ധങ്ങളി​ലേ​ക്കും നയിക്കു​ന്നു. സത്യസന്ധത മററു​ള്ള​വ​രേ​ക്കു​റി​ച്ചുള്ള സംശയ​ങ്ങ​ളാ​ലും സന്ദേഹ​ങ്ങ​ളാ​ലും ഭയങ്ങളാ​ലും ഉളവാ​ക്ക​പ്പെ​ടുന്ന, സമയവും ഊർജ്ജ​വും വേണ്ടി​വ​രുന്ന പ്രതി​രോ​ധ​ത്തിൽനി​ന്നു വിമു​ക്ത​മായ ധൈര്യ​പൂർവ​ക​മായ ജീവി​ത​ത്തി​ന്റെ ഒരു അന്തരീ​ക്ഷ​വും പ്രദാ​നം​ചെ​യ്യു​ന്നു.—യെശയ്യാവ്‌ 35:8-10 താരത​മ്യ​പ്പെ​ടു​ത്തുക.

സത്യസന്ധത നമുക്ക്‌ ഒരു ശുദ്ധമ​നഃ​സാ​ക്ഷി ഉണ്ടായി​രി​ക്കു​ന്ന​തി​നും സംഭാവന ചെയ്യുന്നു, നാം സ്വീകാ​ര്യ​മാ​യി “ജീവനുള്ള ദൈവ​ത്തിന്‌ വിശു​ദ്ധ​സേ​വനം അർപ്പിക്ക”ണമെങ്കിൽ അത്‌ അത്യന്താ​പേ​ക്ഷി​ത​മാണ്‌. (എബ്രായർ 9:14; 1 തിമൊ​ഥെ​യോസ്‌ 1:19) അത്‌ രാത്രി​യിൽ നല്ല ഉറക്കത്തി​നി​ട​യാ​ക്കി​ക്കൊണ്ട്‌ മനഃസ​മാ​ധാ​നം നൽകുന്നു. നിങ്ങൾക്ക്‌ ബുദ്ധി​മു​ട്ടു കൂടാതെ മററു​ള്ള​വരെ അഭിമു​ഖീ​ക​രി​ക്കാൻ കഴിയും. സത്യസന്ധത ദുഷ്‌പ്ര​വൃ​ത്തി​യിൽ പിടി​ക്ക​പ്പെ​ടു​മെ​ന്നുള്ള കാർന്നു​തി​ന്നുന്ന ഭയത്തെ നീക്കം​ചെ​യ്യു​ന്നു. ഈ വിധത്തിൽ നാം മാനുഷ മാന്യ​ത​യും ആത്മാഭി​മാ​ന​വും പാലി​ക്കു​ന്നു. അതിന്‌ എന്നെങ്കി​ലും കാലഹ​ര​ണ​പ്പെ​ടാ​നോ അപ്രാ​യോ​ഗി​ക​മാ​കാ​നോ എങ്ങനെ കഴിയും?

തന്നിമി​ത്തം നാം സത്യസ​ന്ധ​രായ ആളുക​ളാ​ണെ​ങ്കിൽ നമ്മി​ലേ​ക്കും മററു​ള്ള​വ​രി​ലേ​ക്കും പ്രവഹി​ക്കുന്ന അനേകം പ്രതി​ഫ​ല​ങ്ങ​ളും പ്രയോ​ജ​ന​ങ്ങ​ളും ഇപ്പോൾത്ത​ന്നെ​യുണ്ട്‌. എല്ലാറ​റി​നു​മു​പ​രി​യാ​യി, അത്‌ ഏററം നല്ല നയമാ​യി​രി​ക്കു​ന്ന​തു​കൊ​ണ്ടോ സത്‌ന്യ​സ​ന്ധ​രാ​യി​രി​ക്കാൻ നമ്മോടു കൽപ്പി​ച്ചി​രി​ക്കു​ന്ന​തു​കൊ​ണ്ടോ മാത്രമല്ല, പിന്നെ​യോ നാം നമ്മുടെ പിതാ​വായ യഹോ​വയെ സ്‌നേ​ഹി​ക്കു​ന്ന​തു​കൊ​ണ്ടാണ്‌ നാം സത്യസ​ന്ധ​രാ​യി​രി​ക്കാൻ ആഗ്രഹി​ക്കേ​ണ്ടത്‌. നാം അവനു​മാ​യുള്ള നമ്മുടെ വില​യേ​റിയ ബന്ധം നിലനിർത്താ​നും അവന്റെ അംഗീ​കാ​രം നേടാ​നും ആഗ്രഹി​ക്കു​ന്നു. സത്യസ​ന്ധ​രാ​യി​രി​ക്കു​ന്ന​തി​നാൽ അയൽസ്‌നേഹം പ്രകട​മാ​ക്കു​ന്ന​തു​കൊ​ണ്ടും അങ്ങനെ​യാ​യി​രി​ക്കാൻ നാം ആഗ്രഹി​ക്കു​ന്നു. അതു​കൊണ്ട്‌ ലളിത​മാ​യി പറഞ്ഞാൽ, ഒരു സതക്രി​സ്‌ത്യാ​നി​യാ​യി​രി​ക്കു​ക​യെ​ന്നാൽ സത്യസ​ന്ധ​നാ​യി​രി​ക്കുക എന്നാണർത്ഥം.—മത്തായി 22:36-39.

സങ്കീർത്ത​ന​ക്കാ​രൻ പറയുന്നു: “യഹോവേ, നിന്റെ കൂടാ​ര​ത്തിൽ ആർ ഒരു അതിഥി​യാ​യി​രി​ക്കും? നിന്റെ വിശുദ്ധ പർവത​ത്തിൽ ആർ വസിക്കും? നിഷ്‌ക്ക​ള​ങ്ക​മാ​യി നടക്കു​ന്ന​വ​നും നീതി പ്രവർത്തി​ക്കു​ന്ന​വ​നും ഹൃദയ​ത്തിൽ സത്യം സംസാ​രി​ക്കു​ന്ന​വ​നും തന്നെ. . . . അവൻ തന്റെ കൂട്ടു​കാ​ര​നോട്‌ യാതൊ​രു ദോഷ​വും ചെയ്‌തി​ട്ടില്ല.” (സങ്കീർത്തനം 15:1-3) യഹോ​വ​യു​ടെ ആരാധ​ക​രെന്ന നിലയിൽ നാം സത്യസ​ന്ധ​മായ ജീവിതം നയിക്കു​ന്നു​വെ​ങ്കിൽ അവൻ ഇപ്പോ​ഴത്തെ നീതി​കെട്ട വ്യവസ്ഥി​തി​യെ നീതി​പൂർവം അവസാ​നി​പ്പി​ച്ച​ശേഷം “ദൈവ​ത്തി​ന്റെ കൂടാരം മനുഷ്യ​രോ​ടു​കൂ​ടെ” ആയിരി​ക്കു​മ്പോൾ നാം അവന്റെ “അതിഥി”യെന്ന നിലയിൽ നിത്യാ​നു​ഗ്ര​ഹങ്ങൾ ആസ്വദി​ക്കു​ന്ന​വ​രോ​ടു​കൂ​ടെ ഉണ്ടായി​രി​ക്കും. അപ്പോൾ നാം ഒരിക്ക​ലും കാലഹ​ര​ണ​പ്പെ​ട്ട​വ​രാ​യി​രി​ക്ക​യില്ല!—വെളി​പ്പാട്‌ 21:1-5. (w88 2/15)

[5-ാം പേജിലെ ചിത്രം]

നിങ്ങളുടെ സത്യസ​ന്ധ​ത​യോ​ടുള്ള വെല്ലു​വി​ളി​യെ നിങ്ങൾക്ക്‌ കൈകാ​ര്യം​ചെ​യ്യാൻ കഴിയു​മോ?

നാം ജീവി​ക്കുന്ന ലോകം നമ്മുടെ ബോദ്ധ്യ​ങ്ങ​ളെ​യും ശരി ചെയ്യു​ന്ന​തി​നുള്ള നമ്മുടെ തീരു​മാ​ന​ത്തെ​യും വെല്ലു​വി​ളി​ക്കു​ന്നു. അത്‌ മററു​ള്ള​വ​രു​ടെ ചെലവിൽപോ​ലും നമ്മെ ഒന്നാമതു കരുതു​ന്ന​തിന്‌ ഊന്നൽ കൊടു​ക്കാൻ സംവി​ധാ​നം ചെയ്യ​പ്പെ​ട്ടി​രി​ക്കു​ന്നു.

സത്യസന്ധത ഇപ്പോ​ഴും ഏററം നല്ല നയമാ​ണെ​ന്നുള്ള വീക്ഷണം നിങ്ങൾ ആത്മാർത്ഥ​മാ​യി പുലർത്തു​ന്നു​വോ? സമ്മർദ്ദങ്ങൾ നിങ്ങളെ പരീക്ഷി​ക്കു​മ്പോൾ നിങ്ങളെ സത്യസ​ന്ധ​നാ​യി നിലനിർത്താൻത​ക്ക​വണ്ണം ശക്തമാ​ണോ നിങ്ങളു​ടെ ബോദ്ധ്യ​ങ്ങൾ? ദൃഷ്ടാ​ന്ത​മാ​യി, താഴെ പറയുന്ന സാഹച​ര്യ​ങ്ങ​ളിൽ നിങ്ങൾ എന്തു ചെയ്യും:

□ പല മാസങ്ങ​ളിൽ നിങ്ങൾക്ക്‌ ജോലി ഇല്ലാതി​രു​ന്ന​ശേഷം നിങ്ങളു​ടെ കടങ്ങൾ വീട്ടാ​നും മിച്ചം വെക്കാ​നും ഒരു വലിയ പണത്തുക നിങ്ങൾ കണ്ടെത്തു​ന്നു​വെ​ങ്കിൽ?

□ നിങ്ങളു​ടെ സാമ്പത്തി​ക​ഭാ​വി​യെ നിർണ്ണ​യി​ച്ചേ​ക്കാ​വുന്ന മാർക്കു നേടാൻക​ഴി​യുന്ന ഏകമാർഗ്ഗം നിങ്ങളു​ടെ സ്‌കൂ​ളി​ലെ ഒരു പ്രധാന പരീക്ഷ​യിൽ വഞ്ചന കാട്ടു​ക​യാ​ണെ​ങ്കിൽ?

□ ഒരു ശാസ്‌ത്ര​ജ്ഞ​നാ​യി അംഗീ​കാ​രം കിട്ടു​ന്ന​തിന്‌ നിങ്ങളു​ടെ ഗവേഷ​ണ​ത്തി​ന്റെ ഡേററാ നിങ്ങളു​ടെ റിപ്പോർട്ട്‌ പ്രസി​ദ്ധീ​ക​രി​ക്ക​ത്ത​ക്ക​വണ്ണം “ഭേദഗ​തി​ചെ​യ്യേ​ണ്ടത്‌” ആവശ്യ​മാ​ക്കി​ത്തീർക്കു​ന്നു​വെ​ങ്കിൽ ?

□  മറെറാ​രു രാജ്യത്തെ നിങ്ങളു​ടെ അവധി​ക്കാ​ലത്ത്‌ ഒരു വിലകൂ​ടിയ സാധനം നിങ്ങൾ വളരെ ലാഭത്തിൽ വാങ്ങി​യിട്ട്‌ അതിർത്തി​യിൽ അത്‌ ഡിക്ലയർ ചെയ്‌താൽ ഉയർന്ന ഡ്യൂട്ടി കൊടു​ക്കേ​ണ്ടി​വ​രു​ന്നു​വെ​ങ്കിൽ?

[6-ാം പേജിലെ ചതുരം]

സത്യസന്ധതയുടെ പ്രവൃ​ത്തി​കൾ കാലഹ​ര​ണ​പ്പെ​ട്ട​തല്ല

ആളുകൾ അവരുടെ സഹമനു​ഷ്യ​നെ​ക്കു​റിച്ച്‌ ഇപ്പോ​ഴും കരുതു​ന്നു​ണ്ടോ? ഉവ്വ്‌, എന്നാൽ വർത്തമാ​ന​പ്പ​ത്രങ്ങൾ സത്യസ​ന്ധ​ത​യു​ടെ പ്രവൃ​ത്തി​കൾ അപൂർവ​വും തന്നിമി​ത്തം വാർത്താ​പ്രാ​ധാ​ന്യ​മു​ള്ള​വ​യും എന്നപോ​ലെ​യാണ്‌ അവ റിപ്പോർട്ടു ചെയ്യു​ന്നത്‌.

യു.എസ്‌.എ. ഇൻഡ്യാ​നാ, ഫോർട്ട്‌ വേയ്‌നി​ലെ പൊലീസ്‌, പൂട്ടാത്ത ഒരു കാറിൽ വിലപി​ടി​പ്പുള്ള ഒരു ററി.വി. വെച്ചു​കൊണ്ട്‌ കള്ളൻമാ​രെ ആകർഷി​ക്കാൻ ശ്രമിച്ചു. എന്തു സംഭവി​ക്കു​മെന്നു കാണാൻ അവർ പല ആഴ്‌ച​ക​ളിൽ കാത്തി​രു​ന്നു. “ആളുകൾ കാറിനു സമീപം നടന്നിട്ട്‌ ററി.വി. കാണു​ക​യും കതകു തുറന്ന്‌ ലോക്ക്‌ബട്ടൻ താഴ്‌ത്തി​യിട്ട്‌ കതകട​ച്ച​ശേഷം നടന്നു​പോ​കു​ക​യും ചെയ്യു​ന്ന​താണ്‌ ഞങ്ങൾ കണ്ടത്‌.” അങ്ങനെ ചെയ്‌ത​തി​നാൽ അവർ സത്യസന്ധത പ്രകട​മാ​ക്കി.

ബൈബി​ളു​പ​ദേ​ശ​ത്തി​ന്റെ പ്രയോ​ജ​ന​ക​ര​മായ ഫലം നിമിത്തം നഷ്ടപ്പെട്ട പണം തിരികെ കൊടു​ക്കു​ന്ന​തി​നെ​ക്കു​റിച്ച്‌ കനേഡി​യൻ വർത്തമാ​ന​പ്പത്ര തലക്കെ​ട്ടു​കൾ പറയുന്നു:

“നല്ല ശമര്യ​ക്കാർ ഒഴിവു ദിവസത്തെ രക്ഷിക്കു​ന്നു.”

—ദി വിൻസർ സ്‌ററർ

“സത്യസ​ന്ധ​നായ പാററ 421 ഡോളർ തിരികെ കൊടു​ക്കു​ന്നു.”

—ദി സ്‌പെ​ക്‌റേ​റ​ററർ

“നഷ്ടപ്പെട്ട 983 ഡോളർ തിരികെ കൊടു​ത്തത്‌ വ്യാപാ​രി​യു​ടെ വിശ്വാ​സത്തെ വീണ്ടെ​ടു​ക്കു​ന്നു.”—ദി റെറ​റൊ​ണ്ടോ സ്‌ററർ

ഈ സംഭവ​ങ്ങ​ളിൽ നഷ്ടപ്പെട്ട പണം തിരികെ കൊടു​ത്തത്‌ യഹോ​വ​യു​ടെ സാക്ഷികൾ ആയിരു​ന്നു. ആദ്യ​ത്തേ​തിൽ, വീടു​തോ​റു​മുള്ള ശുശ്രൂ​ഷ​യിൽ പങ്കെടു​ത്തി​രുന്ന രണ്ടു യുവ സാക്ഷികൾ ഒരു സ്‌ത്രീ​യു​ടെ പേഴ്‌സ്‌ കണ്ടെത്തി തിരികെ കൊടു​ത്തു. അവർ ഇങ്ങനെ പറഞ്ഞു: “ആ കുട്ടികൾ ഒരു ദശലക്ഷ​ത്തി​ലൊ​ന്നാ​ണെന്ന്‌ ഞാൻ വിചാ​രി​ക്കു​ന്നു. . . . അത്‌ യഥാർത്ഥ​ത്തിൽ മനുഷ്യ​പ്ര​കൃ​തി​യി​ലുള്ള നിങ്ങളു​ടെ വിശ്വാ​സത്തെ പുനഃ​സ്ഥി​തീ​ക​രി​ക്കു​ക​തന്നെ ചെയ്യുന്നു.” അവർ ടൗണിനു വെളി​യിൽനി​ന്നു വന്നതാ​യി​രു​ന്ന​തു​കൊണ്ട്‌ ആ യുവാ​ക്കൾക്ക്‌ പണം അനായാ​സം എടുക്കാ​മാ​യി​രു​ന്നു, എന്നാൽ അവർ ഇങ്ങനെ പറഞ്ഞു: “അത്‌ ഒന്നുമില്ല. ഞങ്ങൾ മറെറാ​രാൾക്ക്‌ ഒരു നൻമ ചെയ്‌തു​വെ​ന്നേ​യു​ള്ളു.”

രണ്ടാമത്തെ റിപ്പോർട്ടും ഒരു യാത്ര​ക്കാ​ര​നോ​ടു ബന്ധപ്പെ​ട്ട​താ​യി​രു​ന്നു. “എന്നാൽ [പണം കണ്ടെത്തിയ ആളിന്റെ] മനസ്സിൽ പ്രലോ​ഭനം യാതൊ​രു സംശയ​വും അവശേ​ഷി​പ്പി​ച്ചില്ല” എന്ന്‌ പേപ്പർ റിപ്പോർട്ടു ചെയ്‌തു. താൻ ഒരു യഹോ​വ​യു​ടെ സാക്ഷി​യാ​ണെ​ന്നും “ഞങ്ങൾക്ക്‌ സത്യസ​ന്ധ​ത​യിൽ ശക്തമായ വിശ്വാ​സ​മു​ണ്ടെ​ന്നും” സാക്ഷി പറഞ്ഞു.

മൂന്നാ​മത്തെ സംഭവ​ത്തിൽ, പണം നഷ്ടപ്പെ​ട്ട​യാൾ “തനിക്ക്‌ മനുഷ്യ​ത്വ​ത്തി​ലുള്ള വിശ്വാ​സം മിക്കവാ​റും നഷ്ടപ്പെ​ട്ടി​രു​ന്നു​വെന്ന്‌ ഏററു​പ​റഞ്ഞു.” പണമി​രുന്ന ബ്രൗൺ പേപ്പർബാഗ്‌ കണ്ടെത്തിയ സാക്ഷി​യു​ടെ ഭർത്താവ്‌ ബൈബി​ളി​നാൽ നയിക്ക​പ്പെ​ടു​ന്ന​താണ്‌ താക്കോൽ എന്ന്‌ ഒരു റിപ്പോർട്ട​റോ​ടു പറഞ്ഞു: “അതാണ്‌ എന്റെ ഭാര്യക്ക്‌ അത്‌ തിരികെ കൊടു​ക്കു​ന്നത്‌ എളുപ്പ​മാ​ക്കി​യത്‌.”

മറെറാ​രു സംഭവ​ത്തിൽ, വീടു​തോ​റും പ്രവർത്തി​ച്ചി​രുന്ന രണ്ടു സാക്ഷികൾ നഷ്ടപ്പെട്ട ഒരു ശമ്പളക്കവർ കണ്ടു. അവർ അത്‌ സ്ഥലത്തെ പൊലീസ്‌ സ്‌റേ​റ​ഷ​നി​ലെ​ത്തി​ച്ച​പ്പോൾ പണം നഷ്ടപ്പെ​ട്ട​തി​നെ​ക്കു​റി​ച്ചുള്ള റിപ്പോർട്ടി​ല്ലെന്ന്‌ ഡ്യൂട്ടി​യി​ലു​ണ്ടാ​യി​രുന്ന സർജൻറ്‌ പറഞ്ഞു. സ്ഥലത്തെ റേഡി​യോ സ്‌റേ​റ​ഷ​നിൽ ഇതി​നെ​ക്കു​റിച്ച്‌ അറിയി​പ്പു​കൊ​ടു​ക്കാൻ സാക്ഷി നിർദ്ദേ​ശി​ച്ചു. പോലീ​സു​കാ​രന്‌ ഏതാണ്ട്‌ അന്ധാളി​പ്പാ​യി. അയാൾ പറഞ്ഞു: “ഈ പണം തിരികെ കൊടു​ക്കാൻ നിങ്ങൾ ഒട്ടേറെ ശ്രമി​ക്കു​ന്നുണ്ട്‌. ഏതായാ​ലും നിങ്ങൾ ഏതു മതത്തിൽപെ​ട്ട​വ​രാണ്‌?” സാക്ഷി മറുപടി പറഞ്ഞ​പ്പോൾ സർജൻറ്‌ പറഞ്ഞു: “ഞാൻ അങ്ങനെ വിചാ​രി​ച്ചു, എന്തു​കൊ​ണ്ടെ​ന്നാൽ അങ്ങനെ​യുള്ള ശ്രമം​ചെ​യ്യാൻത​ക്ക​വണ്ണം സത്യസ​ന്ധ​ത​യു​ള്ളത്‌ നിങ്ങൾക്കു മാത്ര​മാണ്‌.”

വീടു​തോ​റും സന്ദർശനം നടത്തി​ക്കൊ​ണ്ടി​രുന്ന യഹോ​വ​യു​ടെ സാക്ഷി​ക​ളി​ലൊ​രാ​ളായ ഡബ്ലിയു. കെ.−−−അത്യന്തം അസാധാ​ര​ണ​മായ ഒരു അപേക്ഷയെ അഭിമു​ഖീ​ക​രി​ച്ചു. ആ വീട്ടു​കാ​ര​നും ഭാര്യ​ക്കും തീർത്തും സുഖമി​ല്ലാ​യി​രു​ന്നു. എന്നാൽ അന്ന്‌ ഒരു ബാങ്ക്‌ഇ​ട​പാട്‌ നടത്തേ​ണ്ട​തു​ണ്ടാ​യി​രു​ന്നു. സാക്ഷിക്ക്‌ അതു ചെയ്യാ​മോ​യെന്ന്‌ അവർ ചോദി​ച്ചു. സമ്മതി​ച്ച​പ്പോൾ ബാങ്കിൽ കൊണ്ടു​പോ​കാൻ രൊക്കം 30,000 രൂപാ അയാളു​ടെ കൈയിൽ കൊടു​ത്തു. ബാങ്കിൽനിന്ന്‌ തിരി​ച്ചു​ചെ​ന്ന​പ്പോൾ “എന്നെ അറിയു​ക​പോ​ലു​മി​ല്ലാ​ഞ്ഞ​പ്പോൾ നിങ്ങൾക്ക്‌ എന്നെ എങ്ങനെ വിശ്വ​സി​ക്കാൻ കഴിഞ്ഞു? എന്ന്‌ അയാൾക്ക്‌ ചോദി​ക്കാ​തി​രി​ക്കാൻ കഴിഞ്ഞില്ല. ഉത്തരമി​താ​യി​രു​ന്നു: “യഹോ​വ​യു​ടെ സാക്ഷി​കളെ മാത്രമേ വിശ്വ​സി​ക്കാ​വൂ എന്ന്‌ ഞങ്ങൾക്ക​റി​യാം, എല്ലാവർക്കു​മ​റി​യാം.”

തീർച്ച​യാ​യും എല്ലാ രാജ്യ​ങ്ങ​ളി​ലും യഹോ​വ​യു​ടെ സാക്ഷി​കൾക്കു പുറമേ സത്യസ​ന്ധ​രായ ആളുക​ളു​ണ്ടെ​ങ്കി​ലും അവർ പ്രത്യേക പ്രസ്‌താ​വന അർഹി​ക്കാൻ തീർത്തും അപൂർവ​മാ​ണെന്ന്‌ തോന്നു​ന്നു. സത്യസന്ധത സംബന്ധിച്ച ബൈബി​ളു​പ​ദേശം പ്രയോ​ജ​ന​ക​ര​വും പ്രാ​യോ​ഗി​ക​വു​മായ ഫലങ്ങൾ ഉളവാ​ക്കു​ന്ന​തിൽ നമുക്ക്‌ എത്ര നന്ദിയു​ള്ള​വ​രാ​യി​രി​ക്കാൻ കഴിയും!