പയനിയർ ആത്മാവ്‌ ഫിലി​പ്പൈൻസി​ന്റെ കൊയ്‌ത്തു ത്വരി​ത​പ്പെ​ടു​ത്തു​ന്നു

നിങ്ങൾ നേരത്തെ 1935-ൽ മാനി​ലാ​യിൽ ആയിരി​ക്ക​യും യഹോ​വ​യു​ടെ സാക്ഷി​കളെ കണ്ടുമു​ട്ട​ണ​മെന്ന്‌ ആഗ്രഹി​ക്ക​യും ചെയ്‌തി​രു​ന്നെ​ങ്കിൽ നിങ്ങൾക്ക്‌ 1134 റിസാൽ അവെന്യൂ​വി​ലുള്ള ഒരു ചെറിയ കെട്ടി​ട​ത്തിൽ അന്വേ​ഷി​ക്കേ​ണ്ടി​വ​രു​മാ​യി​രു​ന്നു. അവിടെ ബൈബിൾ പഠിക്കു​ന്ന​തി​നു ക്രമമാ​യി ഏകദേശം 20 പേർ കൂടി​വ​ന്നി​രു​ന്നു. വാച്ച്‌റ​റവ്വർ സൊ​സൈ​റ​റി​യു​ടെ ഫിലി​പ്പൈൻസി​ലെ ആദ്യത്തെ ബ്രാഞ്ച്‌ ഓഫീസ്‌ ആ കെട്ടി​ട​ത്തി​ലാ​യി​രു​ന്നു.

ഇന്ന്‌, ആ തലസ്ഥാന നഗരമായ മാനി​ല​യു​ടെ പ്രദേ​ശത്ത്‌ യഹോ​വ​യു​ടെ സാക്ഷി​ക​ളു​ടെ 103 സഭകളി​ലാ​യി 9,000 രാജ്യ​പ്ര​ഘോ​ഷകർ ഉണ്ട്‌! അതു​പോ​ലെ 50 വർഷം മുമ്പ്‌ ഫിലി​പ്പൈൻസി​ന്റെ വിദൂര ദക്ഷിണ​ഭാ​ഗ​ത്തുള്ള ദവാവോ നഗരത്തിൽ ഒററ സാക്ഷി​യും ഉണ്ടായി​രു​ന്നില്ല. ഇപ്പോൾ ആ നഗരത്തി​ലെ 41 സഭകളി​ലാ​യി 2,800-ൽ പരം സാക്ഷികൾ ഉണ്ട്‌.

ഈ രണ്ടു പ്രമുഖ നഗരങ്ങ​ളി​ലെ വർദ്ധനവ്‌ ആ പ്രാരം​ഭ​കാല സാക്ഷികൾ തങ്ങളുടെ പേരിന്‌ അനു​യോ​ജ്യ​രാ​യി ജീവിച്ചു എന്നതിന്റെ ഭാഗി​ക​മായ തെളി​വാണ്‌. (യെശയ്യാവ്‌ 43:10-12) അവർ തങ്ങളുടെ പ്രസം​ഗ​വും പഠിപ്പി​ക്ക​ലും വേല ഫിലി​പ്പൈൻസി​ന്റെ എല്ലാ ഭാഗ​ത്തേ​ക്കും വ്യാപി​പ്പി​ച്ചു. ഈ കൂടെ കൊടു​ത്തി​രി​ക്കുന്ന ചാർട്ട്‌ പരി​ശോ​ധി​ക്കു​ന്ന​തി​നാൽ കഴിഞ്ഞ അര നൂററാ​ണ്ടു കാലത്തെ ക്രിസ്‌തീയ ശിഷ്യ​രാ​ക്ക​ലി​ന്റെ ഫലയുഗം നിരീ​ക്ഷി​ക്കാൻ കഴിയും. ഫിലി​പ്പൈൻ വയലിൽ വളർച്ച ത്വരി​ത​പ്പെ​ടു​ത്തി​യ​തെ​ന്താണ്‌?

പയനിയർ ആത്മാവ്‌ വളർച്ചക്കു സഹായി​ക്കു​ന്നു

ആരംഭ​കാ​ലത്തെ ഫിലി​പ്പി​നൊ സാക്ഷി​ക​ളു​ടെ പക്ഷത്ത്‌ ഒരു തീക്ഷ്‌ണ​ത​യുള്ള പയനിയർ ആത്മാവ്‌ ഇല്ലായി​രു​ന്നെ​ങ്കിൽ നൂറു​ക​ണ​ക്കി​നു നിവസിത ദ്വീപു​ക​ളിൽ സുവാർത്ത​യു​മാ​യി എത്തുന്നതു അസാദ്ധ്യ​മാ​കു​മാ​യി​രു​ന്നു. ആ ആത്മാവ്‌ ഇപ്പോ​ഴും വളരെ സജീവ​മാണ്‌. ദൃഷ്ടാ​ന്ത​ത്തിന്‌, 1986 ഫെബ്രു​വ​രി​യി​ലെ റിപ്പോർട്ട്‌ ഫിലി​പ്പൈൻസിൽ എല്ലായി​ട​ത്തു​മാ​യി 758 പ്രത്യേക പയനി​യർമാ​രെ കൂടാതെ 9,090 നിരന്തര പയനിയർ ശുശ്രൂ​ഷകർ സേവന​മ​നു​ഷ്‌ഠി​ക്കു​ന്നു​ണ്ടാ​യി​രു​ന്നു. വെറും രണ്ടു വർഷം മുമ്പ്‌ റിപ്പോർട്ടു ചെയ്‌തി​രു​ന്ന​വ​രു​ടെ ഇരട്ടി​യി​ല​ധി​ക​മാ​യി​രു​ന്നു ഇത്‌! 1985 ഏപ്രി​ലിൽ 26,630—ആ രാജ്യത്തെ മുഴു സാക്ഷി​ക​ളു​ടെ​യും മൂന്നിൽ ഒന്ന്‌—ഏതെങ്കി​ലും വിധത്തി​ലുള്ള മുഴു​സമയ പ്രസം​ഗ​പ്ര​വർത്ത​ന​ത്തിൽ ഏർപ്പെ​ട്ടി​രു​ന്നു.

ഉവ്വ്‌, ഫിലി​പ്പൈൻസി​ലെ യഹോ​വ​യു​ടെ ജനം കാലത്തി​ന്റെ അടിയ​ന്തി​രത സംബന്ധിച്ച്‌ ബോദ്ധ്യ​മു​ള്ള​വ​രാണ്‌. ഇതു അവരെ തങ്ങളുടെ അയൽക്കാ​രോട്‌ ദൈവ​വ​ചനം പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്ന​തി​നു സാദ്ധ്യ​മാ​കു​ന്നി​ട​ത്തോ​ളം സമയം ചെലവ​ഴി​ക്കു​ന്ന​തി​നു കൃത്യ​ത​യു​ള്ള​വ​രാ​ക്കു​ന്നു. നിസ്സം​ശ​യ​മാ​യും, ചിലർക്ക്‌ എങ്ങനെ തങ്ങളുടെ കാര്യങ്ങൾ ക്രമീ​ക​രി​ക്കു​ന്ന​തി​നും മുഴു സമയ പ്രവർത്ത​ന​ത്തിൽ ഏർപ്പെ​ടു​ന്ന​തി​നും കഴിയു​ന്നു എന്ന്‌ അറിയാൻ നിങ്ങൾക്കു താത്‌പ​ര്യം ഉണ്ടായി​രി​ക്കും. അവർ ആസ്വദി​ക്കുന്ന നല്ല അനുഭ​വങ്ങൾ സംബന്ധിച്ച്‌ അറിയു​ന്ന​തി​നും നിങ്ങൾക്കു ഇഷ്ടം ഉണ്ടായി​രി​ക്കും.

പയനി​യ​റിം​ഗി​നു ക്രമീ​ക​ര​ണങ്ങൾ ചെയ്യുന്നു

പങ്കാസി​നാ​നി​ലെ ബിനാ​ലോ​നാ​നി​ലുള്ള ഫേലിപ്‌ വെൻഡു​റാ ഒരു കുടും​ബ​ജീ​വി​തം തുടങ്ങു​ന്ന​തിന്‌ മുമ്പ്‌ തന്റെ യൗവന​ത്തി​ന്റെ 13 വർഷക്കാ​ലം മുഴു​സമയ സേവന​ത്തിൽ ചെലവ​ഴി​ച്ചു. തന്റെ കുടും​ബം വളർന്ന​പ്പോൾ അയാൾ പയനിയർ പ്രവർത്ത​ന​ത്തി​ലേക്കു തിരികെ ചെല്ലണ​മെ​ന്നാ​ഗ്ര​ഹി​ച്ചു, എന്നാൽ പ്രമേ​ഹ​രോ​ഗം ഒരു കണ്ണിനു അന്ധത വരുത്തി. പിന്നീട്‌, ഏകദേശം നാലു വർഷം മുമ്പ്‌ അയാൾ പൂർണ്ണ​മാ​യും അന്ധനാ​യി​ത്തീർന്നു. ഇപ്രകാ​ര​മാ​യി​രു​ന്നി​ട്ടും തന്റെ കുടും​ബത്തെ പോറ​റു​ന്ന​തി​നും ഒരു ചെറിയ കച്ചവടം തുടരു​ന്ന​തി​നും തന്റെ ഭാര്യ​യു​ടെ​യും കുട്ടി​ക​ളു​ടെ​യും സഹായ​ത്തോ​ടെ 1985 ഏപ്രിൽ 1-ാം തീയതി വീണ്ടും ഒരു പയനി​യ​റാ​യി​ത്തീ​രു​ന്ന​തിന്‌ അയാളു​ടെ സമയം ക്രമീ​ക​രി​ക്കാൻ സാധിച്ചു. അംഗ വൈക​ല്യ​മു​ണ്ടാ​യി​രു​ന്നി​ട്ടും തനിക്കു​വേണ്ടി ബൈബിൾ വാക്യങ്ങൾ വായി​ക്കുന്ന തന്റെ മകന്റെ സഹായ​ത്തോ​ടെ വീടു​തോ​റു​മുള്ള വേലയിൽ ഏർപ്പെ​ടു​ന്നു. വെൻഡുറ സഹോ​ദരൻ പല ഭവന ബൈബി​ള​ദ്ധ്യ​യ​നങ്ങൾ നടത്തു​ക​യും സഭയിലെ ഒരു നിയമിത മൂപ്പനാ​യി​രി​ക്ക​യും ചെയ്യുന്നു. അയാളു​ടെ പുത്രൻമാ​രിൽ ഒരാൾ അയാ​ളോ​ടു കൂടി നിരന്തര പയനി​യ​റിംഗ്‌ നടത്തു​ക​യും അയാളു​ടെ മകൾ ഇടയ്‌ക്കി​ടെ സഹായ പയനി​യ​റിംഗ്‌ നടത്തു​ക​യും ചെയ്‌തു​കൊ​ണ്ടി​രി​ക്കു​ന്നു.

ലാഗു​ണാ​യി​ലെ ബിനാ​നി​ലെ ഒരു മൂപ്പനായ ക്ലോഡാൽഡൊ​ക്വി​യൊ ഹിലാഗ്‌ 1960-കളിൽ തനിക്കും തന്റെ ഭാര്യ​ക്കും ഒരു കുട്ടി​യു​ണ്ടാ​യ​തു​വരെ ഒരു പയനി​യ​റും സഞ്ചാര​മേൽവി​ചാ​ര​ക​നു​മാ​യി​രു​ന്നു. എന്നാൽ അയാൾ പറയു​ന്ന​തു​പോ​ലെ, “നിങ്ങൾ ഒരിക്കൽ മുഴു​സ​മ​യ​സേ​വ​ന​ത്തി​ന്റെ സന്തോഷം രുചി​ച്ച​റി​ഞ്ഞ​ശേഷം നിങ്ങൾക്കെ​പ്പോ​ഴും അതിനു​വേ​ണ്ടി​യുള്ള ഒരു വാഞ്‌ഛ​യു​ണ്ടാ​യി​രി​ക്കും.” അതു​കൊണ്ട്‌ അയാൾ കച്ചവട​ത്തിൽ വിജയി​ക്ക​യും തന്റെ ഭാര്യ​യും മകളു​മൊത്ത്‌ ഒരു സുഖ​പ്ര​ദ​മായ ജീവിതം ആസ്വദി​ച്ചു​വ​രി​ക​യാ​യി​രു​ന്നെ​ങ്കി​ലും അയാൾ ഇതു തന്റെ ജീവി​ത​ത്തി​ന്റെ യഥാർത്ഥ ഉദ്ദേശ്യ​മാ​യി കണക്കാ​ക്കി​യില്ല. അയാൾ ഇപ്രകാ​രം പറഞ്ഞു: “മുഴു സമയ​സേ​വ​ന​ത്തി​ലേക്കു തിരികെ ചെല്ലു​ന്ന​തി​നുള്ള ദീർഘ​കാ​ല​മാ​യി ലാളിച്ചു വന്നിരുന്ന എന്റെ സ്വപ്‌നം സാക്ഷാ​ത്‌ക്ക​രി​ച്ചി​ല്ലെ​ങ്കിൽ ഞാൻ സമ്പാദി​ച്ചി​രു​ന്ന​തെ​ല്ലാം നിരർത്ഥ​ക​മാ​യി​രി​ക്കും.” അയാൾ ഒരു പയനി​യ​റാ​യി​ത്തീ​രു​ന്ന​തി​നു രാവിലെ സമയങ്ങൾ വയൽ ശുശ്രൂ​ഷ​യ്‌ക്കു​വേണ്ടി ഉപയോ​ഗി​ച്ചു​കൊണ്ട്‌ തന്റെ കച്ചവടം കേവലം അർത്ഥ ദിനത്തി​ലേക്കു കുറച്ചു. 1984 ഒക്‌ടോ​ബർ 1-ന്‌ ഒരു നിരന്തര പയനിയർ എന്ന നിലയിൽ സേവനം തുടങ്ങി​യ​പ്പോൾ അയാളു​ടെ സ്വപ്‌നം സാക്ഷാ​ത്‌ക്ക​രി​ച്ചു. അയാളു​ടെ വരവ്‌ നേരത്തെ ഉണ്ടായി​രു​ന്ന​തി​ന്റെ പകുതി​യാ​യി​ത്തീർന്നെ​ങ്കി​ലും അയാളു​ടെ ചെലവു​ക​ളും ചുരുങ്ങി. ഇപ്പോൾ അയാളു​ടെ ഭാര്യ​യും അയാ​ളോ​ടൊത്ത്‌ നിരന്തര പയനി​യ​റിം​ഗിൽ പങ്കു​ചേ​രു​ക​യും അയാളു​ടെ മകൾ ഇടയ്‌ക്കി​ടെ സഹായ പയനി​യ​റിംഗ്‌ നടത്തു​ക​യും ചെയ്യുന്നു.

അന്ധനാ​ണെ​ങ്കി​ലും മുഴു​സ​മയം സേവി​ക്കു​ന്നു

പാന്റേ​ലി​യോൻ ററാ​റേ​റാ​യി​യ്‌ക്ക്‌ മൂന്നു വയസ്സ്‌ പ്രായ​മു​ണ്ടാ​യി​രു​ന്ന​പ്പോൾ അയാളെ അഞ്ചാം​പനി ആക്രമി​ച്ച​തി​നാൽ അയാൾ അന്ധനാ​യി​ത്തീർന്നു. 1972-ൽ അയാൾ ആദ്യമാ​യി സത്യ​ത്തെ​ക്കു​റി​ച്ചു കേൾക്കു​ക​യും നിത്യ​ജീ​വ​നി​ലേക്കു നയിക്കുന്ന സത്യം എന്ന പുസ്‌തകം പഠിക്കാൻ തുടങ്ങു​ക​യും ചെയ്‌തു. ഇത്‌ അവനെ പെട്ടെന്നു പുകയി​ല​യു​ടെ​യും മദ്യത്തി​ന്റെ​യും ആസക്തി​യിൽ നിന്നു വിമു​ക്ത​നാ​യി​ത്തീ​രാൻ സഹായി​ക്ക​യും 1973 ജൂലൈ 29-ാം തീയതി ജലസ്‌നാ​ന​ത്താൽ യഹോ​വ​യ്‌ക്കു സമർപ്പി​ച്ച​തി​നെ ലക്ഷ്യ​പ്പെ​ടു​ത്തു​ക​യും ചെയ്‌തു.

പാന്റേ​ലി​യോൻ ആദ്യമാ​യി തന്റെ അയൽക്കാ​രോ​ടു പ്രസം​ഗി​ക്കാൻ ആരംഭി​ച്ച​പ്പോൾ അയാളു​ടെ മൂത്ത സഹോ​ദരി ഇപ്രകാ​രം ശകാരി​ച്ചു: “നീ ഒരു അന്ധനാ​യി​രി​ക്ക​യും ഒരു ജോഡി പാൻറ്‌സ്‌ മാത്രം ഉണ്ടായി​രി​ക്ക​യും ചെയ്‌കെ നിനക്ക്‌ എങ്ങനെ ഒരു ശുശ്രൂ​ഷ​ക​നാ​യി​രി​ക്കാൻ കഴിയും?” എന്നാൽ ഇതു അയാളെ നിരു​ത്സാ​ഹ​പ്പെ​ടു​ത്തി​യില്ല. അയാൾക്കു തന്റെ ഭവനത്തി​നു ചുററു​മു​ണ്ടാ​യി​രുന്ന പ്രദേശം നന്നായി അറിയാ​മാ​യി​രു​ന്ന​തി​നാൽ അയാൾ ഒററയ്‌ക്കു പോയി തന്റെ അയൽക്കാ​രോ​ടു സത്യം പ്രസം​ഗി​ച്ചു. 1984-ൽ തന്റെ ഒരു പിതൃവ്യ പുത്ര​നെ​യും ഒരു അനന്തര​വ​നെ​യും സത്യം പഠിക്കു​ന്ന​തി​നും ആ വർഷം സെപ്‌റ​റം​ബ​റിൽ സ്‌നാ​ന​പ്പെ​ടു​ന്ന​തി​നും സഹായി​ക്കാൻ സാധി​ച്ച​തിൽ സന്തോ​ഷി​ച്ചു.

പാന്റേ​ലി​യോ​നി​നു തന്റെ മരുമ​ക്ക​ളും ഇരട്ടക​ളു​മായ ലോർനാ, ലൂസ്‌ എന്നീ ബധിര​രെ​യും ബൈബിൾ പഠിപ്പി​ക്കു​ന്ന​തി​നു സാധിച്ചു. ഒരു അന്ധനായ പയനി​യർക്ക്‌ അത്തരം വ്യക്തി​ക​ളോ​ടൊത്ത്‌ എങ്ങനെ ബൈബിൾ പഠിക്കാൻ കഴിയും? ഒരു സഹായി​യു​ടെ സഹായ​ത്തോ​ടെ പ്രസി​ദ്ധീ​ക​ര​ണ​ങ്ങ​ളി​ലെ ചിത്രങ്ങൾ വിപു​ല​മാ​യി ഉപയോ​ഗി​ച്ചു. അയാൾ സത്യം വിശദീ​ക​രി​ക്കു​മ്പോൾ പിതൃവ്യ പുത്ര​നായ റോക്വി​ന അയാൾ പറയു​ന്നതു ഇരട്ടകൾക്കു​വേണ്ടി ചിഹ്ന ഭാഷയി​ലേക്കു ഭാഷാ​ന്തരം ചെയ്യു​ക​യും ചെയ്യുന്നു. ലോർനാ​സും ലൂസും വലിയ അംഗ​വൈ​ക​ല്യം ഉള്ളവരാ​യി​രു​ന്നി​ട്ടും 1985 ഏപ്രിൽ 20-നു സ്‌നാ​ന​മേ​ററു. പാന്റേ​ലി​യോ​നെ സംബന്ധിച്ച്‌ ഒരു വർഷം താൻ ഒരു സഹായ പയനി​യ​റാ​യി സേവി​ച്ച​ശേഷം 1985 മാർച്ച്‌ 1-ാം തീയതി ഒരു നിരന്തര പയനി​യ​റാ​യി നിയമി​ക്ക​പ്പെട്ടു.

മുഴു​സമയ സേവനം ഒരു ജീവി​ത​ച​ര്യ

ഒരു ഹൈസ്‌ക്കൂൾ ബിരു​ദ​ദാന സന്ദർഭ​ത്തിൽ ഒരു വിദ്യാർത്ഥി​നി തന്റെ ഒരു സാക്ഷി​യായ സഹപാ​ഠി​യോട്‌ ഇപ്രകാ​രം പറഞ്ഞു: “ബിരു​ദാ​ന​ന്തരം ഏതു ഗതി സ്വീക​രി​ക്കു​മെന്നു നിങ്ങളു​ടെ ആളുക​ളോ​ടു ചോദി​ക്കു​മ്പോ​ഴൊ​ക്കെ അവരെ​ല്ലാം, ‘പയനി​യ​റിംഗ്‌’ എന്നു പറയുന്നു. അത്‌ ഏതുതരം ജീവി​ത​ച​ര്യ​യാണ്‌?” പയനി​യ​റിംഗ്‌ എന്താ​ണെന്നു ആ യുവസാ​ക്ഷി വിശദീ​ക​രി​ച്ചു കൊടു​ത്തു. സഹപാഠി തല്‌പ​ര​യാ​യി​ത്തീ​രു​ക​യും ഒരു ബൈബി​ള​ദ്ധ്യ​യനം സ്വീക​രി​ക്ക​യും പെട്ടെന്നു അവൾക്കും ഒരു പയനിയർ ആയിത്തീ​രു​ന്ന​തി​നുള്ള ലക്ഷ്യം വെക്കു​ക​യും ചെയ്‌തു.

മററു​ള്ള​വർ കോ​ളേജു പഠനം ഒരുവന്റെ ആത്മീയാ​വ​ശ്യ​ങ്ങളെ തൃപ്‌തി​പ്പെ​ടു​ത്തു​ന്നി​ല്ലെന്നു കണ്ടെത്തി. ബോ​ഹോ​ളി​ലെ ഒരു യുവ സഹോ​ദരി തന്റെ കോ​ളേജു പഠനത്തി​ന്റെ അവസാ​ന​വർഷ​ത്തിൽ തന്റെ പഠനം പൂർത്തി​യാ​കു​മ്പോൾ പയനി​യ​റിം​ഗിന്‌ സമയമു​ണ്ടെന്നു കണ്ടെത്തി. പിന്നീട്‌ അവൾ പയനി​യർസേവന സ്‌കൂ​ളിൽ പങ്കെടു​ക്കു​ക​യും കോ​ളേ​ജി​നെ​യും യഹോ​വയെ മുഴു​സ​മയം സേവി​ക്കു​ന്ന​തിൽ അനുഭ​വി​ക്കുന്ന സന്തോ​ഷ​ത്തെ​യും താരത​മ്യം ചെയ്യാൻ സാദ്ധ്യ​മ​ല്ലെന്നു പറയു​ക​യും ചെയ്‌തു. ഇപ്പോൾ അവൾ പ്രസം​ഗ​ക​രു​ടെ ആവശ്യം അധിക​മു​ള്ള​ടത്ത്‌ പയനി​യ​റാ​യി സേവന​മ​നു​ഷ്‌ഠി​ച്ചു​കൊ​ണ്ടി​രി​ക്ക​യും ചെയ്യുന്നു.

യുവാ​ക്ക​ളും വൃദ്ധരും മനസ്സോ​ടെ പങ്കു​കൊ​ള്ളു​ന്നു

രാജ്യാ​ധി​കാ​ര​ത്തി​ന്റെ നാളു​ക​ളിൽ ദൈവ​ത്തി​ന്റെ ജനം “മനസ്സോ​ടെ തങ്ങളെ​ത്തന്നെ അർപ്പി​ക്കും” എന്ന്‌ സങ്കീർത്തന പുസ്‌തകം മുൻകൂ​ട്ടി​പ​റഞ്ഞു. ‘യുവാ​ക്ക​ളും കന്യക​മാ​രും വൃദ്ധരും കുട്ടി​ക​ളും’ യഹോ​വ​യു​ടെ നാമത്തെ സ്‌തു​തി​ക്കും എന്നു അതു പറഞ്ഞു. (സങ്കീർത്ത​നങ്ങൾ 110:3; 148:12, 13) ഇതു ഫിലി​പ്പൈൻസി​ലെ ദൈവ​ജ​ന​ങ്ങ​ളു​ടെ​യി​ട​യിൽ സത്യ​മെന്നു സുനി​ശ്ചി​ത​മാ​യും തെളി​ഞ്ഞി​രി​ക്കു​ന്നു.

ഒടുവി​ല​ത്തെ കണക്കെ​ടു​പ്പ​നു​സ​രി​ച്ചു ഫിലി​പ്പൈൻസിൽ നിരന്തര പയനി​യർമാ​രാ​യി പേർചാർത്തി​യി​രു​ന്ന​വ​രിൽ 1,159 പേർ അഥവാ 13 ശതമാനം 20 വയസ്സിൽ താഴെ​യു​ള്ള​വ​രാ​യി​രു​ന്നു. ഇതു​പോ​ലുള്ള ചെറു​പ്പ​ക്കാർ സ്വാർത്ഥ​ത​യ്‌ക്കോ ലോക​ത്തി​ന്റെ അനുധാ​വ​ന​ങ്ങൾക്കോ വേണ്ടി തങ്ങളുടെ സമയം പാഴാ​ക്കി​ക്ക​ള​യാ​തെ നിസ്വാർത്ഥ​മാ​യി ‘തങ്ങളുടെ ചെറു​പ്പ​കാ​ലത്തു തങ്ങളുടെ സ്രഷ്ടാ​വി​നെ ഓർക്കു​ന്ന​താ​യി’ കാണു​ന്നതു എത്ര സന്തുഷ്ട​മാണ്‌!—സഭാ​പ്ര​സം​ഗി 12:1.

ചെറു​പ്പ​കാ​ല​ത്തു മുഴു​സമയ സേവനം ആരംഭിച്ച ചിലർ ഇപ്പോൾ വർഷങ്ങൾ പിന്നി​ട്ടി​രി​ക്കു​ന്നു എങ്കിലും ഇപ്പോ​ഴും വിശ്വ​സ്‌ത​ത​യോ​ടെ സേവന​മ​നു​ഷ്‌ഠി​ച്ചു വരുന്നു. ലിയോ​ഡി​ജ​റി​യോ ബർലാൻ സഹോ​ദ​ര​നും അയാളു​ടെ ഭാര്യ നാററി വിഡസും 1938 ഏപ്രിൽ 1-ാം തീയതി പയനി​യ​റിംഗ്‌ ആരംഭി​ച്ചു. അവർ പ്രയാസം നിറഞ്ഞ യുദ്ധത്തി​ന്റെ വർഷങ്ങ​ളി​ലൂ​ടെ കടന്നു​പോ​ക​യും സഞ്ചാര​വേ​ല​യുൾപ്പെടെ പല നിലക​ളിൽ സേവന​മ​നു​ഷ്‌ഠി​ക്ക​യും ചെയ്‌തു. ഇപ്പോൾ 72 വയസ്സു​ണ്ടാ​യി​രു​ന്നി​ട്ടും ബർലാൻ സഹോ​ദരൻ തന്റെ ഭാര്യ​യോ​ടൊത്ത്‌ പാംഗാ​സി​നാ​നി​ലെ സാൻകാർലോ​സിൽ തീക്ഷ്‌ണ​ത​യുള്ള ഒരു പ്രത്യേക പയനി​യ​റാ​യി സേവന​മ​നു​ഷ്‌ഠി​ക്കു​ന്നു.

മററു​ചി​ലർ കുറെ പ്രായ​മാ​യ​ശേഷം മുഴു​സമയ സേവനം ആരംഭി​ക്ക​യും തങ്ങളുടെ വാർദ്ധ​ക്യ​കാ​ല​ത്തും തുടരു​ക​യും ചെയ്‌തി​രി​ക്കു​ന്നു. ദൃഷ്ടാ​ന്ത​ത്തിന്‌ ലിയോൺസി​യോ സബൻഡൽ 52-ാം വയസ്സിൽ പയനി​യ​റിംഗ്‌ ആരംഭി​ക്ക​യും 92 വയസ്സാ​യ​പ്പോ​ഴും ഒരു പ്രത്യേക പയനി​യ​റാ​യി​രി​ക്ക​യും ചെയ്യുന്നു. അയാളും ഭാര്യ​യും 118 പേരെ തങ്ങളുടെ ജീവൻ യഹോ​വ​യ്‌ക്കു സമർപ്പി​ക്കു​ന്ന​തി​നു സഹായി​ച്ചി​ട്ടുണ്ട്‌. അതു​പോ​ലെ, സിപ്രി​യാ​നൊ സെപുൽവെഡാ സീനിയർ തനിക്കു 72 വയസ്സ്‌ ആയപ്പോൾ പയനി​യ​റിംഗ്‌ ആരംഭി​ക്ക​യും 1985-ൽ 88-ാം വയസ്സിൽ മരിക്കു​ന്നതു വരെ ഒരു നിരന്തര പയനി​യ​റാ​യി തുടരു​ക​യും ചെയ്‌തി​രു​ന്നു. പൗലാ​മാ​റി​യാ​നോ 71-ാം വയസ്സിൽ പയനി​യ​റിംഗ്‌ ആരംഭി​ക്ക​യും 88-ലും, ദുർബ്ബ​ല​നെ​ങ്കി​ലും തുടരു​ക​യും ചെയ്യുന്നു. ഇവരും വാർദ്ധ​ക്യം പ്രാപിച്ച മററു പലരും എത്ര മാററുള്ള ദൃഷ്ടാ​ന്ത​ങ്ങ​ളാണ്‌!

നേടിയ അഭിവൃ​ദ്ധി​യിൽ സന്തോ​ഷി​ക്കു​ന്നു

കഴിഞ്ഞ അരനൂ​റ​റാ​ണ്ടി​ല​ധി​കം കാല​ത്തേക്കു തിരിഞ്ഞു നോക്കു​മ്പോൾ, യഹോ​വ​യു​ടെ സാക്ഷി​ക​ളു​ടെ തീക്ഷ്‌ണ​മായ യത്‌ന​ങ്ങ​ളിൽമേൽ അവന്റെ അനു​ഗ്ര​ഹ​ത്തി​ന്റെ തെളിവു പ്രകട​മാണ്‌. 1935-ൽ വിരലിൽ എണ്ണാൻ മാത്ര​മു​ണ്ടാ​യി​രു​ന്ന​വ​രിൽനി​ന്നു 1986 ഫെബ്രു​വ​രി​യിൽ 88,113 പേർ വയൽശു​ശ്രൂ​ഷ​യിൽ പങ്കുപ​റ​റി​യതു കണ്ടതിൽ എത്ര സന്തോ​ഷ​മുണ്ട്‌! മാനി​ലാ​യി​ലെ റിസാൽ അവെന്യൂ​വി​ലെ ഒരു ചെറിയ സഭ ഇപ്പോൾ രാജ്യ​വ്യാ​പ​ക​മാ​യി 120 സർക്കി​ട്ടു​ക​ളിൽ സംഘടി​ത​രായ 2,454 സഭകളാ​യി വളർന്നി​രി​ക്കു​ന്നു.

ഭാവി​യി​ലേ​ക്കു എന്തു പ്രതീ​ക്ഷ​യും ഉണ്ട്‌? 1985 ഏപ്രിൽ 4-ലെ സ്‌മാരക ആചരണ​ത്തി​ലെ 2,68,526 എന്ന ഹാജർ—ആ രാജ്യത്തെ സാക്ഷി​ക​ളു​ടെ മൂന്നി​ര​ട്ടി​യിൽ കവിഞ്ഞ സംഖ്യ—ഒരു പ്രോ​ത്സാ​ഹ​ജ​ന​ക​മായ സൂചന​യാണ്‌. കൂടാതെ 1986 ഫെബ്രു​വ​രി​യിൽ താല്‌പ​ര്യ​ക്കാ​രു​മാ​യി 63,248 ഭവന ബൈബി​ള​ദ്ധ്യ​യ​നങ്ങൾ നടത്തു​ക​യു​ണ്ടാ​യി. യഹോ​വ​യു​ടെ അനു​ഗ്ര​ഹ​ത്താ​ലും അംഗീ​കാ​ര​ത്താ​ലും തുടർച്ച​യായ വളർച്ച ദർശി​ക്കും എന്നതിനു സംശയ​മില്ല.

യഹോ​വ​യു​ടെ ആരംഭ​കാല അഭിഷി​ക്ഷ​സാ​ക്ഷി​ക​ളാൽ 50 വർഷങ്ങൾക്കു​മേൽ മുമ്പ്‌ ഈ ദ്വീപു​ക​ളിൽ ആരംഭിച്ച വേലയെ അവൻ വളരെ​യ​ധി​കം ഫലവത്താ​ക്കി​യി​രി​ക്കു​ന്ന​തിൽ നാം സന്തുഷ്ട​രാണ്‌. അവന്റെ അനു​ഗ്ര​ഹ​ത്താ​ലും മാർഗ്ഗ​നിർദ്ദേ​ശ​ത്താ​ലും ഫിലി​പ്പൈൻസി​ലെ തന്റെ ജനങ്ങളു​ടെ പ്രസം​ഗ​വും പഠിപ്പി​ക്ക​ലും വേല വരും​നാ​ളു​ക​ളിൽ വികസി​പ്പി​ക്കു​ന്ന​തിൽ തുടരുക എന്നത്‌ അവരുടെ ലക്ഷ്യമാണ്‌. (w86 7/15)

[29-ാം പേജിലെ ചാർട്ട്‌]

ഫിലിപ്പൈൻസിലെ അമ്പതു വർഷത്തെ പുരോ​ഗ​തി

1935 20

1940 222

1950 10,055

1960 31,608

1970 54,789

1980 61,164

1986 88,113

[28-ാം പേജിലെ ഭൂപടം]

[പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക]

ഫിലിപ്പൈൻസ്‌

സാൻകാർലോസ്‌

മാനില

ബിനാൻ

സാംബോംഗാ

ദവാവോ