ബൈബിൾ—നിങ്ങൾക്ക്‌ പ്രാ​യോ​ഗി​കം

“നൻമ​യെ​ന്തെന്ന്‌ അവൻ നിന്നോട്‌ അരുളി​ച്ചെ​യ്‌തി​ട്ടുണ്ട്‌, ഓ ഭൗമി​ക​മ​നു​ഷ്യാ” എന്ന്‌ 2700 വർഷങ്ങൾക്കു മുമ്പ്‌ ഒരു ദൈവ​പു​രു​ഷൻ എഴുതി. (മീഖാ 6:8) പക്ഷേ നമ്മുടെ ആധുനി​ക​നാ​ളിൽ അത്‌ നമുക്ക്‌ “നല്ലതും” പ്രാ​യോ​ഗി​ക​വും ആണോ?

“ആധുനിക മനശ്ശാ​സ്‌ത്ര​ത്തെ​യും ലൈം​ഗി​ക​നി​ബ​ദ്ധ​മായ മാനസ്സിക വികാ​സ​പ്ര​ക്രി​യ​യെ​ക്കു​റി​ച്ചും ആരെങ്കി​ലും എന്തെങ്കി​ലും അറിയു​ന്ന​തിന്‌ ദീർഘ​നാൾ മുമ്പാണ്‌ ബൈബിൾ എഴുത​പ്പെ​ട്ടത്‌,” എന്ന്‌ ഡോ. ചെസെൻ പറയുന്നു. അതിന്റെ എഴുത്തു​കാ​രു​ടെ ഉദ്ദേശ്യ​ല​ക്ഷ്യ​ങ്ങൾ ഉത്തമങ്ങ​ളാ​യി​രു​ന്നു​വെ​ങ്കിൽ തന്നെ ഈ സുപ്ര​ധാന ഘടകങ്ങൾ പരിഗ​ണ​ന​ക്കെ​ടു​ക്കാൻ അവർക്ക്‌ സാദ്ധ്യ​മാ​യി​രു​ന്നില്ല. എങ്കിലും ധാർമ്മികമൂല്യങ്ങളെയും⁄മോ കല്‌പനകളുടെയും⁄മോ കാര്യം വരു​മ്പോൾ ബൈബി​ളി​നും അതിന്റെ വ്യാഖ്യാ​താ​ക്കൾക്കും വളരെ​യ​ധി​കം പറയാ​നുണ്ട്‌.”

ബൈബിൾ മാനുഷ ചിന്തയു​ടെ ഉത്‌പ​ന്ന​മാ​യി​രു​ന്നെ​ങ്കിൽ ആ വാദം സാധു​വാ​കു​മാ​യി​രു​ന്നു. പക്ഷെ ഞങ്ങളുടെ ഏപ്രിൽ 1, 1986-ലെ ലക്കത്തിൽ കാണി​ച്ചി​രി​ക്കു​ന്ന​പ്ര​കാ​രം ബൈബിൾ മനുഷ്യ​ന്റെയല്ല ദൈവ​ത്തി​ന്റെ വചനം ആണ്‌. ഈ പ്രധാന ആശയം അവഗണി​ക്കാ​നാ​വില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ, സമയം സാഹച​ര്യ​ങ്ങൾ എന്നിവ​യാൽ മമനു​ഷ്യ​ന്റെ ജ്ഞാനം നിയ​ന്ത്രി​ക്ക​പ്പെ​ടു​ന്ന​തു​പോ​ലെ ദൈവ​ജ്ഞാ​നം നിയ​ന്ത്ര​ണ​വി​ധേ​യ​മോ മാററ​ത്തിന്‌ വിധേ​യ​മോ അല്ല മനുഷ്യ​വർഗ്ഗ​ത്തി​ന്റെ സ്രഷ്ടാ​വെ​ന്ന​നി​ല​യിൽ ദൈവ​ത്തിന്‌ നമ്മുടെ നിർമ്മി​തി എങ്ങനെ​യാ​ണെ​ന്നും നമുക്ക്‌ ഏററവും നല്ലതെ​ന്താ​ണെ​ന്നും ഉത്തമ​ബോ​ദ്ധ്യം ഉണ്ട്‌. അതു​കൊണ്ട്‌ അപ്പോ​സ്‌തലൻ ഉചിത​മാ​യി ഇങ്ങനെ പറയുന്നു: “എല്ലാ തിരു​വെ​ഴു​ത്തും ദൈവ നിശ്വ​സ്‌ത​വും ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും സമ്പൂർണ്ണ സജ്ജനാ​യി​ക്കൊണ്ട്‌ തികഞ്ഞ സാമർത്ഥ്യം ഉള്ളവനാ​യി​ത്തീ​രേ​ണ്ട​തിന്‌ പഠിപ്പി​ക്ക​ലി​നും ശാസന​ക്കും കാര്യങ്ങൾ നേരെ​യാ​ക്കു​ന്ന​തി​നും നീതി​യി​ലെ ശിക്ഷണ​ത്തി​നും പ്രയോ​ജനം ഉള്ളതാ​കു​ന്നു.”—2 തിമൊ​ഥെ​യോസ്‌ 3:16, 17.

നമ്മുടെ ആധുനിക കാലങ്ങ​ളിൽ സംഭവി​ച്ചി​രി​ക്കുന്ന ഐതി​ഹാ​സിക മാററങ്ങൾ സംബന്ധി​ച്ചെന്ത്‌? നാമിന്ന്‌ കൂടുതൽ സ്വത​ന്ത്ര​വും പ്രബു​ദ്ധ​വും ആയ കാലത്താണ്‌ ജീവി​ക്കു​ന്ന​തെന്ന്‌ തോന്നി​യി​ട്ടി​ല്ലേ? പരമ്പരാ​ഗ​ത​മായ ചങ്ങലകൾ പലതും സമൂഹം പൊതു​വിൽ ഉപേക്ഷി​ച്ചി​ട്ടി​ല്ലേ? സത്യം​തന്നെ, പക്ഷെ, വർദ്ധിച്ച ജ്ഞാനവും പുതു​താ​യി നേടിയ “സ്വാത​ന്ത്ര്യ​വും” എല്ലാം ഉണ്ടായി​രു​ന്നി​ട്ടും മമനു​ഷ്യ​ന്റെ അടിസ്ഥാന ആവശ്യ​ങ്ങ​ളും അവന്റെ ഘടനയും മാറി​യി​ട്ടില്ല. ആന്തരി​ക​മാ​യി നാം ഇന്നും ഒന്നുതന്നെ. ഭക്ഷിക്കു​ന്ന​തി​നും പാനം ചെയ്യു​ന്ന​തി​നും ഉറങ്ങു​ന്ന​തി​നും പുനരു​ത്‌പാ​ദി​പ്പി​ക്കു​ന്ന​തി​നും ആരാധി​ക്കു​ന്ന​തി​നും ഉള്ള പ്രേരണ നമ്മുടെ പൂർവ്വീ​കർക്കു​ണ്ടാ​യി​രു​ന്ന​തു​പോ​ലെ ഇന്ന്‌ നമുക്കു​മുണ്ട്‌. നമുക്കി​ന്നും സ്‌നേ​ഹ​വാ​ത്സ​ല്യ​ങ്ങ​ളു​ടെ ആവശ്യം ഉണ്ട്‌. നാം സന്തുഷ്ടി​യും ആഗ്രഹി​ക്കു​ന്നു. നമുക്കി​ന്നും അർത്ഥവ​ത്തായ ജീവിതം നയി​ക്കേ​ണ്ട​തുണ്ട്‌.

ബൈബിൾ തത്വങ്ങൾ ഈ ആവശ്യ​ങ്ങൾക്കാ​യി കരുതു​ന്നു. കൂടാതെ, ഈ ആധുനി​ക​നാ​ളിൽ പോലും ബൈബി​ളി​ന്റെ പഠിപ്പി​ക്ക​ലു​കൾ നമ്മുടെ നൻമക്കാ​യി ഉപകരി​ക്കു​ന്നു. ബൈബിൾ ബുദ്ധി​യു​പ​ദേശം പിന്തു​ട​രു​ന്ന​തി​ലൂ​ടെ ലഭ്യമാ​കുന്ന ഫലങ്ങൾ മറേറ​തു​വി​ധേ​ന​യും നേടി​യെ​ടു​ക്കാ​നാ​കു​ന്ന​വ​യെ​ക്കാൾ മികച്ച​താണ്‌. ധാർമ്മി​കത, ധനതത്വ​ശാ​സ്‌ത്രം, ആരോ​ഗ്യം എന്നീ മണ്ഡലങ്ങ​ളിൽ ഇതെങ്ങനെ സത്യം ആയിരി​ക്കു​ന്നു​വെന്നു നമുക്ക്‌ ചുരു​ക്ക​മാ​യി പരി​ശോ​ധി​ക്കാം.

ബൈബി​ളും ധാർമ്മി​ക​ത​യും

ധാർമ്മി​കത സംബന്ധി​ച്ചുള്ള വീക്ഷണ​ങ്ങ​ളിൽ വന്നിരി​ക്കുന്ന മാററ​ങ്ങ​ളാണ്‌ നമ്മുടെ ആധുനി​ക​നാ​ളു​ക​ളി​ലെ ഏററവും വലിയ മാററ​ങ്ങ​ളി​ലൊന്ന്‌. മുൻകാ​ല​ങ്ങ​ളിൽ വെറു​ക്ക​ത്ത​ക്ക​താ​യി​രുന്ന ആചാരങ്ങൾ സ്വീകാ​ര്യ​മാ​യി​ത്തീർന്നി​രി​ക്കു​ന്നു. വിവാ​ഹ​ബ​ന്ധ​ത്തിന്‌ പുറത്ത്‌ കുട്ടി​കളെ പ്രസവി​ക്കുന്ന സ്‌ത്രീ​കളെ സമൂഹം മേലാൽ നിന്ദ്യ​മാ​യി കാണു​ന്നില്ല. സ്വവർഗ്ഗ​ഭോ​ഗി​കൾ അവരുടെ അവകാ​ശ​ങ്ങൾക്കാ​യി തുറന്ന സമരം നടത്തുന്നു. പരസ്‌പര സമ്മതമുള്ള മുതിർന്ന​വർക്കി​ട​യിൽ നടക്കുന്ന ചെയ്‌തി​ക​ളിൽ ഇടപെ​ടു​ന്ന​തി​നോ അവയെ​പ്പ​ററി പരാതി പറയു​ന്ന​തി​നോ ആർക്കും അവകാ​ശ​മില്ല എന്നതാണ്‌ പരക്കെ​യുള്ള വീക്ഷണം. ബൈബി​ളി​ന്റെ നിലവാ​രങ്ങൾ വിക്‌ടോ​റി​യൻ എന്ന്‌ മുദ്ര​കു​ത്തി ഉപേക്ഷി​ക്കു​ക​യും ചെയ്‌തി​രി​ക്കു​ന്നു.

പക്ഷെ ബൈബി​ളി​ന്റെ പ്രമാ​ണങ്ങൾ വിക്‌ടോ​റി​യാ രാജ്ഞി​യു​ടെ യുഗമാ​യി​രുന്ന 19-ാം നൂററാ​ണ്ടിന്‌ ദീർഘ​കാ​ലം മുമ്പേ ഏർപ്പെ​ടു​ത്ത​പ്പെ​ട്ടി​ട്ടു​ള്ള​താണ്‌. അത്‌ മനുഷ്യ​വർഗ്ഗ​ത്തി​ന്റെ ശ്രേയസ്സ്‌ കൈവ​രു​ത്തു​ന്ന​താ​യി ഇപ്പോ​ഴും തെളി​ഞ്ഞു​കൊ​ണ്ടി​രി​ക്കു​ന്നു. കുതി​ച്ചു​യ​രുന്ന വിവാ​ഹ​മോ​ച​ന​നി​ര​ക്കും, ഗർഭച്ഛി​ദ്ര​ത്തി​ന്റെ പെരു​പ്പ​വും കൗമാര ഗർഭധാ​ര​ണ​മെന്ന പകർച്ച​വ്യാ​ധി​യും ലൈം​ഗി​ക​മാ​യി വ്യാപി​ക്കുന്ന രോഗ​ങ്ങ​ളു​ടെ നീണ്ട നിരയും അഭിനവ സദാചാ​ര​ത്തി​നൊ​പ്പ​ത്തി​നൊ​പ്പം മുന്നേ​റു​ന്നത്‌ ഒരുവൻ പരിഗ​ണി​ക്കു​മ്പോൾ ഇത്‌ തീർച്ച​യാ​യും കാണാൻ സാധി​ക്കും. ഇവയെ​ല്ലാം ചെല​വേ​റി​യ​തും അവശത​യു​ള​വാ​ക്കു​ന്ന​തും മരണകരം പോലു​മായ പ്രശ്‌നങ്ങൾ ആണ്‌. ലൈം​ഗി​കത, നിർമ്മലത, വൈവാ​ഹിക വിശ്വ​സ്‌തത എന്നീ കാര്യങ്ങൾ സംബന്ധിച്ച്‌ ബൈബി​ളി​ന്റെ ബുദ്ധി​യു​പ​ദേശം പിന്തു​ട​രു​ന്നത്‌ കൂടുതൽ പ്രാ​യോ​ഗി​കം ആയിരി​ക്കു​ക​യി​ല്ലേ?—സദൃശ​വാ​ക്യ​ങ്ങൾ 5:3-11, 15-20; മലാഖി 2:13-16; എബ്രായർ 13:4; 1 കൊരി​ന്ത്യർ 6:9, 10.

ദ ന്യൂ​യോർക്ക്‌ ടൈം​സി​ലെ പിൻവ​രുന്ന റിപ്പോർട്ടിൽ കാണി​ച്ചി​രി​ക്കു​ന്ന​പ്ര​കാ​രം കേവലം ഒരു രോഗ​ത്തി​ന്റെ കാര്യ​ത്തിൽ തന്നെ ഇത്‌ വിശേ​ഷാൽ എത്ര സത്യം ആയിരി​ക്കു​ന്നു​വെന്ന്‌ കുറി​ക്കൊ​ള്ളുക: “‘എയ്‌ഡ്‌സ്‌ രോഗം ആപത്‌ ഗണങ്ങളിൽ (risk groups) പെട്ടവർക്കി​ട​യിൽ അതിന്റെ അതിശീ​ഘ്ര​വ്യാ​പനം തുടരു​ന്നു’ എന്ന്‌ ന്യൂ​യോർക്ക്‌ നഗരി​യി​ലെ ആരോഗ്യ കമ്മീഷ​ണ​റായ ഡോ. ഡേവിഡ്‌, ജെ. സെൻസർ പറഞ്ഞു . . . അപകട​വി​ധേ​യ​രിൽ സ്വവർഗ്ഗ​ര​തി​ക്കാ​രും ഉഭയവർഗ്ഗ​ര​തി​ക്കാ​രായ പുരു​ഷൻമാ​രും മയക്കു​മ​രു​ന്നു കുത്തി​വ​യ്‌ക്കു​ന്ന​വ​രും രോഗ​ബാ​ധി​ത​രിൽ നിന്ന്‌ രക്തപ്പകർച്ച സ്വീക​രി​ക്കു​ന്ന​വ​രും എയ്‌ഡ്‌സ്‌ ബാധയു​ള്ള​വ​രു​ടെ കുട്ടി​ക​ളോ വിവാ​ഹ​ഇ​ണ​ക​ളോ എന്നിവ​രും ഉൾപ്പെ​ടു​ന്നു.”

വാസ്‌ത​വ​ത്തിൽ, കൂടുതൽ അർത്ഥവ​ത്താ​യി​രി​ക്കു​ന്നത്‌ എന്താണ്‌? അവിഹി​ത​മായ ആനന്ദത്തി​ന്റെ ഏതാനും മിനി​റ​റു​ക​ളും മിക്ക​പ്പോ​ഴും അതോ​ടൊത്ത്‌ ഉളവാ​കുന്ന ഭയവും ആശങ്കയു​മാ​ണോ അതോ ഒരു ശുദ്ധമ​ന​സ്സാ​ക്ഷി​യും ആത്മാഭി​മാ​ന​വും ആണോ? ദുരന്ത​സാ​ദ്ധ്യ​ത​ക​ളോട്‌ കൂടിയ ഒരു ഹ്രസ്വ​ബ​ന്ധ​മോ അതോ ബൈബിൾ പിന്താ​ങ്ങുന്ന ശുദ്ധമായ വിവാ​ഹ​ബ​ന്ധ​ത്തി​ലെ ഈടുററ പ്രതി​ബ​ദ്ധ​ത​യോ—ഏതാണ്‌ നിലനിൽക്കുന്ന സന്തുഷ്ടി​യും സംതൃ​പ്‌തി​യും കൈവ​രു​ത്തു​ന്നത്‌?

ബൈബി​ളും സാമ്പത്തി​ക​ശാ​സ്‌ത്ര​വും

സാമ്പത്തിക പ്രശ്‌ന​ങ്ങൾക്ക്‌ ബൈബി​ളിന്‌ ഒരു പരിഹാ​ര​മാർഗ്ഗം നിർദ്ദേ​ശി​ക്കാ​നുണ്ട്‌ എന്ന്‌ വിലമ​തി​ക്കു​ന്നവർ വിരള​മാണ്‌. എങ്കിലും അതിന്റെ പ്രമാ​ണങ്ങൾ പാലി​ക്കു​ന്നത്‌ നിങ്ങളു​ടെ തീൻമേ​ശ​യിൽ അപ്പം കുറയാ​തി​രി​ക്കാൻ ഇടയാ​ക്കു​ന്നു. ഇതെങ്ങനെ?

മിക്കവാ​റും ഒരു വ്യക്തി സമ്പാദി​ക്കു​ന്ന​തി​ന്റെ ഏറിയ​പ​ങ്കും ദുർവ്യ​യം ചെയ്‌തു​പോ​വു​ന്നു. ബൈബി​ളി​ന്റെ ബുദ്ധി​യു​പ​ദേശം പിൻപ​റ​റു​ന്നത്‌ ഉപയോ​ഗ​മുള്ള ഉദ്ദേശ്യ​ങ്ങൾക്ക്‌ ഈ തുകകൾ കരുതി​വ​യ്‌ക്കു​ന്ന​തിന്‌ ഇടവരു​ത്തും. ഉദാഹ​ര​ണ​ത്തിന്‌ പലപ്പോ​ഴും ദാരി​ദ്ര്യ​ത്തി​ലേക്ക്‌ നയിക്കുന്ന ഒരു ശീലം അമിത മദ്യപാ​നം ആണ്‌. ദശലക്ഷ​ക്ക​ണ​ക്കി​നാ​ളു​കൾ കൈയ്യിൽ കിട്ടിയ ശംബള​വു​മാ​യി നേരേ ബാറു​ക​ളി​ലേ​ക്കും മദ്യഷാ​പ്പു​ക​ളി​ലേ​ക്കും കുതി​ക്കു​ന്നു. പല കേസു​ക​ളി​ലും കടച്ചീ​ട്ടു​കൾ അടച്ചു​തീർക്കു​ന്ന​തി​നോ തങ്ങളുടെ കുടും​ബ​ങ്ങൾക്ക്‌ ഭക്ഷണ​മൊ​രു​ക്കു​ന്ന​തി​നോ വേണ്ടത്ര തുക ശേഷി​പ്പി​ല്ലാ​തെ അവർ അവിടം വിട്ടു പോവു​ന്നു. ചില​പ്പോൾ അടിസ്ഥാന ആവശ്യ​ങ്ങൾക്ക്‌ പണം കടമെ​ടു​ക്കേ​ണ്ടി​വ​രു​ന്നു. ബൈബിൾ ബുദ്ധി​പൂർവ്വം അമിത​മ​ദ്യ​പാ​നത്തെ കുററം​വി​ധി​ക്കു​ന്നു; അത്‌ മിതത്വം പ്രോ​ത്സാ​ഹി​പ്പി​ക്കു​ന്നു.—സദൃശ​വാ​ക്യ​ങ്ങൾ 23:20, 21, 29, 30; 1 തിമൊ​ഥെ​യോസ്‌ 3:2, 3, 8.

പുകവ​ലി​യു​ടെ​യും മയക്കു​മ​രു​ന്നു ദുരു​പ​യോ​ഗ​ത്തി​ന്റെ​യും ശീലത്തിന്‌ അടി​പ്പെ​ടു​ന്ന​വ​രു​ടെ സംഗതി​യി​ലും ഇത്‌ സത്യം​തന്നെ. ഈ ശീലങ്ങ​ളെ​ല്ലാം എത്ര ചെല​വേ​റി​യ​താണ്‌! അത്‌ നിർത്താൻ എന്തു വിഷമം ന്യൂ​യോർക്ക്‌ പോസ്‌റ​റൽ അച്ചടിച്ചു വന്ന മനശ്ശാ​സ്‌ത്ര​ജ്ഞ​രായ ജോയ്‌സ്‌ ബ്രദേ​ഴ്‌സിന്‌ ലഭിച്ച​തായ പിൻവ​രുന്ന കത്ത്‌ സാധാരണ കത്തുക​ളു​ടെ ഒരു തനി രൂപമാണ്‌: “ഞാൻ കൊ​ക്കേ​യിൻ ഉപയോ​ഗി​ക്കാൻ തുടങ്ങി​യത്‌ അത്‌ ഒരു തമാശ​യാ​യി​രു​ന്നത്‌ കൊണ്ടാ​യി​രു​ന്നു. എന്റെ മിക്ക സ്‌നേ​ഹി​തൻമാ​രും അത്‌ വാരാ​ന്ത്യ​ങ്ങ​ളിൽ വലിക്കു​മാ​യി​രു​ന്നു. അത്‌ എന്റെ ജീവി​ത​ത്തി​ലെ സർവ്വനൻമ​ക്കും വിലങ്ങു​ത​ടി​യാ​യി​ത്തീർന്നു. അത്‌ നിർത്തു​ന്ന​തിൽ ഞാൻ വലിയ ക്ലേശം നേരി​ടു​ന്നു. ഞാൻ രണ്ടു കുട്ടി​ക​ളു​ടെ അമ്മയാണ്‌, എനിക്ക്‌ ഉടനെ അതു​പേ​ക്ഷി​ക്കാ​നാ​യി​ല്ലെ​ങ്കിൽ അവർ കഷ്ടതയി​ലാ​കും എന്നോർത്ത്‌ ഞാൻ ഭയക്കുന്നു. ഞാൻ പ്രതി​ദി​നം രണ്ടു പ്രാവ​ശ്യം നടത്തു​ന്നുണ്ട്‌. ഞാൻ എന്റെ കൺപു​രി​കം വരെ കടബാ​ദ്ധ്യ​ത്തിൽ ആണ്ടിരി​ക്കു​ന്നു, ഞാൻ കഷ്ടതയി​ലാണ്‌.”

മറെറാ​രു മയക്കു​മ​രു​ന്നു​പ​യോ​ഗി ഇങ്ങനെ എഴുതി: “വിജയ​ക​ര​മാ​യി തൊഴിൽ ചെയ്‌തു ജീവി​ക്കു​ക​യാ​യി​രുന്ന ഞാനും എന്റെ ഭർത്താ​വും മൂന്നു വർഷങ്ങ​ളാ​യി കൊ​ക്കെ​യിൻ ബാധക്ക​ടി​പ്പെട്ട്‌ കഴിയു​ക​യാണ്‌. അത്‌ ആദ്യമാ​ദ്യം ഒരു മഹാസം​ഗ​തി​യാ​യ​നു​ഭ​വ​പ്പെട്ടു. പക്ഷെ അത്‌ ഇപ്പോൾ അധിക​മ​ധി​കം പ്രധാ​ന​മാ​യി​ത്തീ​രു​ക​യാണ്‌. വാസ്‌ത​വ​ത്തിൽ അത്‌ ഞങ്ങളുടെ ജീവി​തത്തെ തകിടം മറിക്കു​ന്നു. ഞങ്ങളുടെ ശീലങ്ങൾക്ക്‌ ഒരു ജീവി​ത​കാല സമ്പാദ്യം മുഴുവൻ വേണ്ടി​വ​രു​ന്ന​തു​കൊണ്ട്‌ ഞങ്ങൾ ഇന്ന്‌ കടബാ​ദ്ധ്യ​ത​യി​ലാണ്‌. ഞങ്ങളി​രു​വ​രും മോശ​മായ സ്വപ്‌നാ​ട​ന​ങ്ങൾക്ക്‌ ഇരയാ​യി​ട്ടുണ്ട്‌. ചില ദിവസ​ങ്ങ​ളിൽ മതിവി​ഭ്രമം ഒരുത​ര​ത്തി​ലും വിട്ടു​മാ​റാ​റും ഇല്ല.

ഇത്രമേൽ ഇല്ലെങ്കി​ലും പുകവ​ലി​ക്കാ​രും സാമ്പത്തി​ക​മാ​യി ക്ഷതമനു​ഭ​വി​ക്കു​ന്നു. ആധുനിക ഓഫീസ്‌ ടെക്‌നോ​ളജി എന്ന മാസിക ഇങ്ങനെ പ്രസ്‌താ​വി​ക്കു​ന്നു: “ഈ അടുത്ത കാലത്ത്‌ പ്രസി​ദ്ധി​ക​രിച്ച ഒരു ദേശവ്യാ​പക സർവ്വേ അനുസ​രിച്ച്‌ ഒരു തൊഴി​ലി​നു​വേണ്ടി അന്വേ​ഷി​ക്കുന്ന പുകവ​ലി​ക്കാത്ത ആളുകൾക്ക്‌ പുകവ​ലി​ക്കാ​രായ ഉദ്യോ​ഗാർത്ഥി​ക​ളെ​ക്കാൾ നിയമനം ലഭിക്കാ​നുള്ള സാദ്ധ്യത വളരെ കൂടുതൽ ഉണ്ട്‌. അമേരി​ക്ക​യു​ടെ ഏററവും വലിയ കമ്പനി​ക​ളു​ടെ ഉപാദ്ധ്യ​ക്ഷൻമാ​രു​മാ​യും തൊഴിൽ വകുപ്പ്‌ ഡയറക്ടർമാ​രു​മാ​യും നടത്തിയ ഇൻറർവ്യു​കളെ ആധാര​മാ​ക്കി​യുള്ള പഠനം . . . ഇന്നത്തെ തൊഴി​ലു​ട​മകൾ പുകവ​ലി​ക്കാ​ത്ത​വ​രായ ഉദ്യോ​ഗാർത്ഥി​കളെ കവിഞ്ഞ്‌ പ്രിയ​പ്പെ​ടു​ന്നു എന്ന്‌ വെളി​പ്പെ​ടു​ത്തി.” എന്തു​കൊണ്ട്‌? കാരണം കോൺഗ്രസ്സ്‌ നടത്തിയ പഠനത്തിൽ കാണി​ച്ചി​രു​ന്ന​തു​പോ​ലെ പുകവലി ഉത്‌പാ​ദ​ന​ന​ഷ്ട​വും ഉയർന്ന വൈദ്യ ബില്ലു​ക​ളു​മുൾപ്പെടെ രാഷ്‌ട്ര​ത്തി​ന്റെ ആരോ​ഗ്യ​സം​രക്ഷണ ചെലവ്‌ പ്രതി​വർഷം 65 ബില്യൺ ഡോളർ ആക്കി ഉയർത്തു​ന്നു—വിററ​ഴി​ക്ക​പ്പെ​ടുന്ന ഓരോ സിഗ​റെ​ററ്‌ കൂടി​നും 2.17 ഡോള​റി​നു തുല്യം!

അതെ, പിൻവ​രുന്ന ബൈബിൾ ബുദ്ധി​യു​പ​ദേശം ബാധക​മാ​ക്കു​ന്ന​തി​ലൂ​ടെ ഒരു വ്യക്തി സാമ്പത്തി​ക​മാ​യി സഹായി​ക്ക​പ്പെ​ടു​ന്നു: “നമുക്ക്‌ ജഡത്തി​ലെ​യും ആത്മാവി​ലെ​യും സകല മാലി​ന്യ​ത്തിൽ നിന്നും സ്വയം ശുദ്ധീ​ക​രി​ക്കാം.” (2 കൊരി​ന്ത്യർ 7:1) ബൈബിൾ തത്വങ്ങൾ ബാധക​മാ​ക്കി​ക്കൊണ്ട്‌ സകലവിധ ചൂതാ​ട്ട​ങ്ങ​ളിൽ നിന്നും ഒഴിഞ്ഞി​രി​ക്കു​ന്ന​വ​രു​ടെ കാര്യ​ത്തി​ലും ഇത്‌ സത്യമാ​യി ഭവിക്കു​ന്നു. (യെശയ്യാവ്‌ 65:11, 12; ലൂക്കോസ്‌ 12:5) കൂടാതെ ബൈബിൾ തത്വങ്ങ​ളോട്‌ പിൻപ​ററി നിൽക്കു​ന്ന​വരെ അവരുടെ സത്യസന്ധത, നിർമ്മലത, ഉത്സാഹം എന്നിവയെ പ്രതി. അവരുടെ യജമാ​നൻമാർ അങ്ങേയ​ററം പ്രിയ​പ്പെ​ടു​ന്നു, സാദ്ധ്യ​ത​യ​നു​സ​രിച്ച്‌ ഏററവും ആദ്യം ജോലിക്ക്‌ എടുക്ക​പ്പെ​ടു​ന്ന​വ​രും ഏററവും ഒടുവി​ലാ​യി പിരി​ച്ച​യ​ക്ക​പ്പെ​ടു​ന്ന​വ​രും അവരാ​യി​രി​ക്കും.—കൊ​ലോ​സ്യർ 3:22, 23; എഫേസ്യർ 4:28.

ബൈബി​ളും ആരോ​ഗ്യ​വും

ഇന്ന്‌ നാം വൈദ്യ​ശാ​സ്‌ത്ര​പ​ര​മാ​യി വളരെ പുരോ​ഗ​മി​ച്ചി​രി​ക്കെ, ബൈബി​ളി​ന്റെ ബുദ്ധി​യു​പ​ദേശം മറിക​ട​ന്നി​ട്ടു​ണ്ടോ? കൊള്ളാം, ആധുനിക വൈദ്യ​ശാ​സ്‌ത്ര​പ​ര​മായ ചികി​ത്സാ​രീ​തി​ക​ളെ​യോ, രോഗാ​ണു​ക്ക​ളെ​യോ വൈറ​സ്സു​ക​ളെ​യോ പററി​പോ​ലും എന്തെങ്കി​ലു​മോ യാതൊ​ന്നു​മോ അറിവാ​യി​രു​ന്നി​ട്ടി​ല്ലാത്ത അന്ധവി​ശ്വാ​സ ജഢില​മാ​യി​രുന്ന ഒരു കാലത്ത്‌ ബൈബിൾ എഴുത​പ്പെ​ട്ടു​വെ​ങ്കി​ലും, ചികിത്സ, ആരോ​ഗ്യം എന്നിവ​യു​മാ​യി ബന്ധപ്പെട്ട കാര്യ​ങ്ങ​ളിൽ ബൈബിൾ എത്ര കൃത്യ​ത​യു​ള്ള​തും പുതു​മ​യു​ള്ള​തു​മാ​യി നിലനിൽക്കു​ന്നു​വെ​ന്ന​താണ്‌ ഗവേഷ​കരെ അത്ഭുത​സ്‌ത​ബ്ദ​രാ​ക്കി​യി​രി​ക്കുന്ന ഒരു വസ്‌തുത.

ആധുനിക വൈദ്യ​ശാ​സ്‌ത്രം ഉണ്ടായി​രു​ന്നി​ട്ടും ആരോ​ഗ്യ​പ്ര​ശ്‌നങ്ങൾ പെരു​കു​ന്നു. പക്ഷെ ബൈബിൾ ബുദ്ധി​യു​പ​ദേശം ഉത്തമ ആരോ​ഗ്യം വികസി​പ്പി​ക്കു​ന്നു. കുറി​ക്കൊണ്ട്‌ കഴിഞ്ഞ​തു​പോ​ലെ, ബൈബിൾ തത്വങ്ങൾ പിൻതു​ട​രു​ന്നത്‌ നമ്മുടെ ആരോ​ഗ്യ​ത്തിന്‌ ദോഷം ചെയ്യുന്ന പ്രവർത്തന ശീലങ്ങ​ളിൽനിന്ന്‌ നമ്മെ സംരക്ഷി​ക്കു​ന്നു. അവ നമ്മുടെ മാനസ്സിക ആരോ​ഗ്യം പുഷ്ടി​പ്പെ​ടു​ത്തു​ന്ന​തി​നും സഹായി​ക്കും. മനോ​ഭാ​വ​ങ്ങൾക്കും വികാ​ര​ങ്ങൾക്കും ശരീര​ത്തിൻമേ​ലുള്ള ഫലം ബൈബിൾ തിരി​ച്ച​റി​യു​ന്നു. (സദൃശ​വാ​ക്യ​ങ്ങൾ 14:30) അതു​കൊണ്ട്‌ അത്‌ ദ്രോ​ഹ​ക​ര​ങ്ങ​ളായ മനോ​ഭാ​വ​ങ്ങ​ളിൽനി​ന്നു നമ്മെ അകററി സംരക്ഷി​ക്കു​ക​യും തത്‌സ്ഥാ​നത്ത്‌ ക്രിയാ​ത്മ​ക​വും പരിപു​ഷ്ടി​ദാ​യ​ക​വും ആയ ഗുണങ്ങൾ പോഷി​പ്പി​ക്കു​ക​യും ചെയ്യുന്നു.

എഫേസ്യർ 4:31, 32-ലെ ബുദ്ധി​യു​പ​ദേശം ശ്രദ്ധി​ക്കുക: “ദുരു​ദ്ദേ​ശ​പൂർവ്വ​ക​മായ എല്ലാ കൈപ്പും കോപ​വും ക്രോ​ധ​വും മുറവി​ളി​യും അസഭ്യ​ഭാ​ഷ​ണ​വും സർവ്വവ​ഷ​ള​ത്വ​ത്തോ​ടു​മൊ​പ്പം നിങ്ങളിൽനിന്ന്‌ നീങ്ങി​പ്പോ​കട്ടെ. എന്നാൽ നിങ്ങൾ അന്യോ​ന്യം നിർലോ​ഭ​മാ​യി ക്ഷമിച്ചു​കൊണ്ട്‌ മൃദു​ല​വാ​ത്സ​ല്യ​ത്തോ​ടെ പരസ്‌പരം ദയാലു​ക്ക​ളാ​യി​രി​ക്കുക.” അതെ, വിനാ​ശ​ക​ര​മായ ഒരു മുറി​പ്പെ​ടു​ത്തുന്ന വ്യക്തി​ത്വ​ത്തിൽ നിന്ന്‌ പുതിയ ആരോ​ഗ്യാ​വ​ഹ​മായ ക്രിസ്‌തീയ വ്യക്തി​ത്വ​ത്തി​ലേ​ക്കുള്ള മാററ​ത്തിന്‌ ബൈബിൾ ഊന്നൽ നൽകുന്നു. (എഫേസ്യർ 4:20-24; കൊ​ലോ​സ്യർ 3:5-14) അത്‌ ദൈവാ​ത്മാ​വി​ന്റെ പിൻവ​രുന്ന ഗുണങ്ങൾ പ്രദർശി​പ്പി​ക്കാൻ നമ്മെ സഹായി​ക്കു​ന്നു: “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം.” (ഗലാത്യർ 5:22, 23) മനസ്സി​നും ഹൃദയ​ത്തി​നും ആഹരി​ക്കാ​കു​ന്ന​തും സമാധാ​ന​ത്തിൽ കഴിയാൻ സഹായി​ക്കു​ന്ന​തു​മായ ഭക്ഷണം ബൈബിൾ പ്രദാനം ചെയ്യുന്നു.—സദൃശ​വാ​ക്യ​ങ്ങൾ 3:7, 8; 4:20-22; ഫിലി​പ്യർ 4:6-8.

കൂടാതെ, ബൈബിൾ ചട്ടങ്ങൾ പാലിച്ചു ജീവി​ക്കു​ന്നവർ അക്രമ​ങ്ങ​ളി​ലോ കലാപ​ങ്ങ​ളി​ലോ പ്രക്ഷോ​ഭ​ങ്ങ​ളി​ലോ അല്ലെങ്കിൽ ദേഹോ​പ​ദ്ര​വ​ത്തിൽ കലാശി​ക്കുന്ന അതു​പോ​ലുള്ള മററു കാര്യ​ങ്ങ​ളി​ലോ ഉൾപ്പെ​ടു​ക​യില്ല. അവർക്ക്‌ ഒരുത്തമ മനഃസാ​ക്ഷി​യുണ്ട്‌. അത്‌ ഒരു സന്തുഷ്ട മനോ​ഭാ​വ​വും നല്ല ശരീരാ​രോ​ഗ്യ​വും നിലനിർത്തു​ന്ന​തിന്‌ വലിയ സംഭാവന ചെയ്യുന്നു. (1 പത്രോസ്‌ 3:16-18) കൂടാതെ, ബൈബി​ളി​ന്റെ ബുദ്ധി​യു​പ​ദേശം ബാധക​മാ​ക്കു​ന്നവർ ഒരു ഊഷ്‌മ​ള​വും പ്രതി​ഫ​ല​ദാ​യ​ക​വും സന്തുഷ്ട​വും ആയ കുടും​ബ​ജീ​വി​തം മററു​ള്ള​വ​രോ​ടൊ​ത്തുള്ള സമാധന ബന്ധത്തോട്‌ കൂടെ ആസ്വദി​ക്കു​ന്നു.

അതെ, ബൈബിൾ നമ്മുടെ നാളി​ലേക്ക്‌ പ്രാ​യോ​ഗി​ക​മാണ്‌. അതിന്റെ തത്വങ്ങൾ വാസ്‌ത​വ​മാ​യി ബാധക​മാ​ക്കുന്ന ദശലക്ഷ​ങ്ങ​ളു​ടെ ജീവി​ത​ത്തിൽ ഇത്‌ പ്രകട​മാണ്‌. അതിന്‌ നിങ്ങ​ളെ​യും സഹായി​ക്കാൻ കഴിയും. അതിന്റെ പഠിപ്പി​ക്ക​ലു​കൾ നിങ്ങളു​ടെ സ്വന്തജീ​വി​ത​ത്തിൽ പരീക്ഷി​ച്ചു നോക്കാൻ നിങ്ങൾക്ക്‌ ക്ഷണമുണ്ട്‌. ഇതെങ്ങനെ ചെയ്യാൻ കഴിയു​മെന്ന്‌ കാണിച്ചു തരുന്ന​തിന്‌ യഹോ​വ​യു​ടെ സാക്ഷി​കൾക്ക്‌ സന്തോ​ഷ​മു​ണ്ടാ​യി​രി​ക്കും. (w86 5/1)