“ഒരു ഉത്കൃഷ്ട പഠിപ്പിക്കൽ സഹായി!”
ബൈബിൾ യഥാർഥത്തിൽ എന്തു പഠിപ്പിക്കുന്നു? എന്ന പുസ്തകത്തെക്കുറിച്ച് പാനമയിലുള്ള യഹോവയുടെ സാക്ഷികളിൽപ്പെട്ട ഒരു മുഴുസമയ ശുശ്രൂഷകൻ എഴുതിയതാണിത്. വർണചിത്രങ്ങളോടുകൂടിയതും 224 പേജുകളുള്ളതുമായ ഈ പുസ്തകം ഇപ്പോൾ ബൈബിളധ്യയനങ്ങൾ നടത്താൻ വ്യാപകമായി ഉപയോഗിക്കപ്പെട്ടുവരുന്നു. “അതിലെ വിവരങ്ങൾ അവിശ്വസനീയമാംവിധം സംക്ഷിപ്തവും പൊരുത്തമുള്ളതും ബോധ്യംവരുത്തുന്നവയുമാണ്. പരാമർശങ്ങളും അനുബന്ധങ്ങളും പാഠഭാഗവുമായി കോർത്തിണക്കിയിരിക്കുന്ന പുതുമയാർന്ന വിധം, ആഴത്തിൽ കുഴിച്ചിറങ്ങാൻ തത്ക്ഷണം വായനക്കാരനെ പ്രോത്സാഹിപ്പിക്കുന്നു,” അദ്ദേഹം വിവരിച്ചു.
യു.എസ്.എ.-യിലെ മിസൗറിയിലുള്ള ഒരു ബൈബിളധ്യാപിക ഇങ്ങനെയെഴുതി: “ഇതിന്റെ ലളിതമായ രചനാശൈലി എനിക്കിഷ്ടമായി. ഇതുവരെ കണ്ടിട്ടുള്ളതിലേക്കും യുക്തിസഹമായ ക്രമത്തിലാണ് ഇതിൽ വിഷയങ്ങൾ അവതരിപ്പിക്കപ്പെട്ടിരിക്കുന്നത്.” ബൈബിൾ പഠിപ്പിക്കുന്നു പുസ്തകം ലഭ്യമായ ഉടനെ ആ അധ്യാപിക അതുമായി, മുമ്പ് ബൈബിൾ പഠിക്കാൻ ശ്രമിച്ചിരുന്നെങ്കിലും നിരുത്സാഹിതയായിത്തീർന്നിരുന്ന ഒരു സ്ത്രീയുടെ അടുക്കലേക്കു പോയി.
“ആദ്യ അധ്യായം വായിച്ചുതീരുന്നതിനുമുമ്പുതന്നെ ആ പുസ്തകം തനിക്ക് എത്രമാത്രം ഇഷ്ടപ്പെട്ടുവെന്ന് അറിയിച്ചുകൊണ്ട് ആ സ്ത്രീ എനിക്കു ഫോൺ ചെയ്തു,” അധ്യാപിക പറയുന്നു. അത് തനിക്കുവേണ്ടിത്തന്നെ എഴുതപ്പെട്ട ഒന്നായി തോന്നിയെന്നും ബൈബിളധ്യയനം പുനരാരംഭിക്കാൻ ആഗ്രഹിക്കുന്നുവെന്നും ആ സ്ത്രീ പറഞ്ഞു. ആദ്യത്തെ പത്ത് അധ്യായങ്ങൾ ഒരുമിച്ചു പഠിച്ചുകഴിഞ്ഞപ്പോൾ ആ വിവരങ്ങൾ വിദ്യാർഥിനിയിൽ ഉളവാക്കിയ സന്തോഷം ഒന്നു കാണേണ്ടതുതന്നെയായിരുന്നു എന്ന് അധ്യാപിക അഭിപ്രായപ്പെട്ടു.
ബൈബിൾ പഠിപ്പിക്കുന്നു പുസ്തകം ലഭ്യമായിട്ട് രണ്ടുവർഷം ആകുന്നതേയുള്ളൂവെങ്കിലും 150-ലധികം ഭാഷകളിലായി 5 കോടിയിലേറെ കോപ്പികൾ അച്ചടിച്ചുകഴിഞ്ഞിരിക്കുന്നു. ഈ പുസ്തകത്തെക്കുറിച്ചു കൂടുതൽ വിവരങ്ങൾ അറിയാൻ ആഗ്രഹിക്കുന്നെങ്കിൽ ദയവായി ഇതോടൊപ്പം നൽകിയിരിക്കുന്ന കൂപ്പൺ പൂരിപ്പിച്ച് ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയയ്ക്കുക.
□ കടപ്പാടുകളൊന്നും കൂടാതെ, ഇവിടെ കാണിച്ചിരിക്കുന്ന പുസ്തകത്തെക്കുറിച്ചു കൂടുതൽ വിവരങ്ങൾ അറിയാൻ ഞാൻ ആഗ്രഹിക്കുന്നു.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്പര്യമുണ്ട്. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു: