ടാഗ്വ കുരു—അതിന്‌ ആനകളെ രക്ഷിക്കാ​നാ​കു​മോ?

ഇക്വഡോറിലെ ഉണരുക! ലേഖകൻ

അവർ ചങ്ങാതി​മാ​രാ​ണെന്ന്‌ ആരും പ്രതീ​ക്ഷി​ക്കില്ല. ഒന്നിന്റെ തൂക്കം ഏതാനും ഗ്രാം മാത്രം; മറ്റേതി​ന്റെ​യാ​കട്ടെ ടൺ കണക്കി​നും. ഒന്ന്‌ സസ്യ​ലോ​ക​ത്തിൽ നിന്നാ​ണെ​ങ്കിൽ മറ്റേത്‌ ജന്തുസാ​മ്രാ​ജ്യ​ത്തിൽ നിന്നാണ്‌. അവർ വെവ്വേറെ ഭൂഖണ്ഡ​ങ്ങ​ളിൽ വസിക്കു​ന്നു. എന്നിരു​ന്നാ​ലും തെക്കേ അമേരി​ക്ക​യി​ലെ ഇത്തിരി​പ്പോന്ന ടാഗ്വ കുരു​വിന്‌ ആഫ്രി​ക്ക​യി​ലെ കൂറ്റൻ ആനകളെ നിഷ്‌ഠു​ര​മായ കൂട്ട​ക്കൊ​ല​യിൽ നിന്നു രക്ഷിക്കാൻ കഴി​ഞ്ഞേ​ക്കും. എന്നാൽ, എന്താണ്‌ ഈ ടാഗ്വ കുരു, അത്‌ എങ്ങനെ​യാണ്‌ ആനയുടെ ചങ്ങാതി ആയിത്തീർന്നി​രി​ക്കു​ന്നത്‌?

ഒരു അസാധാ​രണ പന

ടാഗ്വ കുരു, മുഖ്യ​മാ​യും തെക്കേ അമേരി​ക്ക​യു​ടെ വടക്കു​ഭാ​ഗത്തു കണ്ടുവ​രുന്ന ഒരു പ്രത്യേക ഇനം പനയുടെ കുരു​വാണ്‌. മന്ദഗതി​യിൽ വളരുന്ന ഈ വൃക്ഷങ്ങ​ളു​ടെ മനോ​ഹ​ര​മായ ഓലകൾ തറനി​ര​പ്പിൽനി​ന്നു വളർന്നു പൊങ്ങു​ന്നു. വർഷങ്ങൾ കഴിഞ്ഞേ തായ്‌ത്തടി ദൃശ്യ​മാ​കു​ക​യു​ള്ളൂ. ടാഗ്വ പനയുടെ തായ്‌ത്ത​ടിക്ക്‌ രണ്ടു മീറ്റർ ഉയരം വെക്കണ​മെ​ങ്കിൽ 35 മുതൽ 40 വരെ വർഷം എങ്കിലും എടുക്കും. ഓലക​ളു​ടെ തൊട്ടു​താ​ഴെ​യാ​യി വലിയ, പരുപ​രുത്ത പനങ്കു​ലകൾ ഉണ്ടാകു​ന്നു. സാധാ​ര​ണ​മാ​യി, ഇടതിങ്ങി വളരുന്ന, മരം​പോ​ലെ ഉറപ്പുള്ള കായ്‌കൾ നിറഞ്ഞ ഈ കുലകൾക്ക്‌ ഏതാണ്ട്‌ 10 കിലോ​ഗ്രാം ഭാരം ഉണ്ടായി​രി​ക്കും. ഓരോ കായി​ലും സാധാ​ര​ണ​ഗ​തി​യിൽ ഏകദേശം ഒരു കോഴി​മു​ട്ട​യു​ടെ ആകൃതി​യും വലിപ്പ​വു​മുള്ള നാലു മുതൽ ഒമ്പതു വരെ കുരു ഉണ്ടായി​രി​ക്കും. ആദ്യ ഘട്ടത്തിൽ കുരു​വി​ന​കത്തെ പൊള്ള​യായ ഭാഗത്ത്‌ തേങ്ങാ​വെ​ള്ള​ത്തോ​ടു സമാന​മായ കുടി​ക്കാൻ കൊള്ളാ​വുന്ന ഒരു ദ്രാവകം ഉണ്ടായി​രി​ക്കും. രണ്ടാം ഘട്ടത്തിൽ ഈ നീര്‌ ഉറഞ്ഞ്‌, ജെല്ലി​പോ​ലി​രി​ക്കുന്ന മധുര​മുള്ള ഭക്ഷ്യ​യോ​ഗ്യ​മായ നൊങ്ക്‌ ആയിത്തീ​രു​ന്നു. അവസാന ഘട്ടത്തിൽ ഇത്‌ ആനക്കൊ​മ്പി​നോ​ടു (ദന്തം) വളരെ​യേറെ സാമ്യ​മുള്ള കട്ടിയുള്ള ഒരു വെള്ള വസ്‌തു ആയി മാറുന്നു. അതു​കൊ​ണ്ടു തന്നെ മലയാ​ള​ത്തിൽ ഇതിനെ ദന്തപ്പശ എന്നു വിളി​ക്കാ​റുണ്ട്‌.

ആനയുടെ ചങ്ങാതി ആയിരി​ക്കു​ന്നത്‌ എന്തു​കൊണ്ട്‌?

ടാഗ്വ കുരു​വി​ന​കത്തെ പരിപ്പ്‌ അഥവാ ദന്തപ്പശ ആനക്കൊ​മ്പി​നു പകരം ഉപയോ​ഗി​ക്കാം എന്നതി​നാൽ ഇതിനെ ആനയുടെ ചങ്ങാതി എന്നു വിളി​ക്കു​ന്ന​തിൽ ഒരു തെറ്റു​മില്ല. നിർദ​യ​മായ ആനക്കൊ​മ്പു​വേട്ട ആഫ്രിക്കൻ ആനയുടെ നിലനിൽപ്പി​നു ഭീഷണി ഉയർത്തി​യി​രി​ക്കു​ന്നു. എന്നിരു​ന്നാ​ലും ടാഗ്വ കുരു​വി​ന​കത്തെ ദന്തപ്പശ അങ്ങേയറ്റം കട്ടിയു​ള്ള​തും ചായം വേഗത്തിൽ ആഗിരണം ചെയ്യു​ന്ന​തും നന്നായി പോളീഷ്‌ ചെയ്യാൻ കഴിയു​ന്ന​തു​മാ​യ​തി​നാൽ അത്‌ ആനക്കൊ​മ്പി​നു പകരം ഉപയോ​ഗി​ക്കാൻ കഴിയും. അന്തർദേ​ശീ​യ​മാ​യി നിരോ​ധി​ക്ക​പ്പെട്ട വസ്‌തു​വായ ആനക്കൊ​മ്പല്ല തങ്ങൾ ഉപയോ​ഗി​ക്കു​ന്ന​തെന്നു തെളി​യി​ക്കു​ന്ന​തി​നാ​യി കരകൗ​ശ​ല​വി​ദ​ഗ്‌ധർ പലപ്പോ​ഴും തങ്ങളുടെ ഉത്‌പ​ന്ന​ങ്ങ​ളിൽ ടാഗ്വ​യു​ടെ തവിട്ടു​നി​റ​ത്തി​ലുള്ള പുറം​തോട്‌ അൽപ്പം അവശേ​ഷി​പ്പി​ക്കാ​റുണ്ട്‌. ഈ വസ്‌തുത തന്നെ അതും ആനക്കൊ​മ്പും എത്രമാ​ത്രം സമാന​മാണ്‌ എന്നതിന്റെ തെളി​വാണ്‌.

ദന്തപ്പശ അടുത്ത​കാ​ലത്തെ ഒരു കണ്ടുപി​ടി​ത്തമല്ല. 1750-ൽ, തെക്കേ അമേരി​ക്കൻ സന്ന്യാ​സി​യായ ച്വാൻ ഡെ സാന്റാ ചെർട്രൂ​ഡിസ്‌ തന്റെ വൃത്താ​ന്ത​ങ്ങ​ളിൽ ദന്തപ്പശയെ കുറിച്ചു പരാമർശി​ച്ചി​ട്ടു​ള്ള​താ​യി കാണാം. ശിൽപ്പങ്ങൾ കൊത്തി​യു​ണ്ടാ​ക്കാൻ ഉപയോ​ഗി​ച്ചി​രുന്ന “വെണ്ണക്കൽ ഗോളങ്ങ”ളോട്‌ അദ്ദേഹം അവയെ ഉപമിച്ചു. 1900-ങ്ങളുടെ തുടക്കം ആയപ്പോ​ഴേ​ക്കും, ടാഗ്വ ഏറ്റവും കൂടുതൽ ഉത്‌പാ​ദി​പ്പി​ക്കുന്ന രാജ്യ​മായ ഇക്വ​ഡോർ ഓരോ വർഷവും ആയിര​ക്ക​ണ​ക്കി​നു ടൺ ദന്തപ്പശ കയറ്റു​മതി ചെയ്യാൻ തുടങ്ങി. മുഖ്യ​മാ​യും ബട്ടണു​ക​ളു​ടെ നിർമാ​ണ​ത്തി​നാ​യി​രു​ന്നു അത്‌. എന്നാൽ രണ്ടാം ലോക​മ​ഹാ​യു​ദ്ധ​ത്തി​നു ശേഷം ചെലവു​കു​റഞ്ഞ പുതിയ പ്ലാസ്റ്റി​ക്കു​കൾ രംഗം കീഴട​ക്കി​യ​തോ​ടെ ടാഗ്വ വ്യാപാ​ര​ത്തി​ന്റെ മരണമണി മുഴങ്ങി. എന്നാൽ ഇപ്പോൾ ഈ വ്യവസാ​യം ഉയിർത്തെ​ഴു​ന്നേൽപ്പി​ന്റെ പാതയി​ലാണ്‌. അടുത്ത​കാ​ലത്ത്‌ 18 മാസത്തെ ഒരു കാലയ​ള​വിൽ ഇക്വ​ഡോർ 1,650 ടൺ ടാഗ്വ ഇറ്റലി, ഐക്യ​നാ​ടു​കൾ, ജപ്പാൻ, ജർമനി എന്നിവി​ട​ങ്ങ​ളി​ലേ​ക്കും മറ്റു 18 രാജ്യ​ങ്ങ​ളി​ലേ​ക്കും കയറ്റു​മതി ചെയ്‌തു എന്നത്‌ ഇതിനു തെളി​വാണ്‌.a ഇന്ന്‌ ടാഗ്വ സംസ്‌ക​രി​ക്കു​ക​യും ഉപയോ​ഗി​ക്കു​ക​യും ചെയ്യു​ന്നത്‌ എങ്ങനെ​യാണ്‌?

ബഹുമുഖ ഉപയോ​ഗ​മുള്ള ടാഗ്വ

ഉഷ്‌ണ​മേ​ഖലാ സൂര്യന്റെ ചൂടേറ്റ്‌ ഉണങ്ങു​ന്ന​തി​നാ​യി ടാഗ്വ കുരു ജലാംശം അനുസ​രിച്ച്‌ ഒന്നു മുതൽ മൂന്നു വരെ മാസ​ത്തേക്ക്‌ വെയി​ലത്തു നിരത്തി​യി​ടു​ന്നു. പിന്നീട്‌ യന്ത്രം ഉപയോ​ഗിച്ച്‌ അവയുടെ തോടു പൊളി​ക്കു​ന്നു. വലിപ്പം അനുസ​രിച്ച്‌ തരംതി​രി​ക്കു​ക​യും ബട്ടൺ നിർമാ​ണ​ത്തിന്‌ ഉപയോ​ഗി​ക്കു​ന്ന​തി​നാ​യി നേർത്ത കഷണങ്ങ​ളാ​യി മുറി​ക്കു​ക​യും ചെയ്യുന്നു. വാസ്‌ത​വ​ത്തിൽ ലോക​ത്തി​ലെ ഏറ്റവും മേൽത്ത​ര​മായ ചില വസ്‌ത്രങ്ങൾ അലങ്കരി​ക്കാൻ ഈ “ആനക്കൊമ്പ്‌” ബട്ടണു​ക​ളാണ്‌ ഉപയോ​ഗി​ച്ചി​രി​ക്കു​ന്നത്‌. എന്നാൽ ബട്ടൺ ഉണ്ടാക്കാൻ മാത്രമല്ല ദന്തപ്പശ ഉപയോ​ഗി​ക്കു​ന്നത്‌. ആഭരണങ്ങൾ, ചതുരം​ഗ​ക്ക​രു​ക്കൾ, കുഴൽവാ​ദ്യ​ങ്ങ​ളു​ടെ ചില ഭാഗങ്ങൾ, പിയാ​നോ കട്ടകൾ, കുടക​ളു​ടെ പിടി എന്നിങ്ങനെ വിവിധ രൂപങ്ങൾ അതു കൈവ​രി​ക്കു​ന്നു.

എന്നാൽ ടാഗ്വ പനയുടെ സംഭാ​വ​നകൾ ഇതു​കൊ​ണ്ടൊ​ന്നും തീരു​ന്നില്ല! സംസ്‌ക​ര​ണ​ത്തി​നു ശേഷം ബാക്കി​വ​രുന്ന നേർമ​യുള്ള പൊടി സസ്യേതര ഭക്ഷ്യവ​സ്‌തു​ക്കൾ സമ്പുഷ്ട​മാ​ക്കു​ന്ന​തിന്‌ ഉപയോ​ഗി​ക്കു​ന്നു. കൂടാതെ ഇത്‌, മരക്കരി ഉണ്ടാക്കു​മ്പോൾ തീ കത്തിക്കാ​നും ഉപയോ​ഗി​ക്കു​ന്നു. പനയോല ഉപയോ​ഗിച്ച്‌ വെള്ളം കടക്കാത്ത മേൽക്കൂ​രകൾ നിർമി​ക്കാം. മാത്രമല്ല, ടാഗ്വ​യു​ടെ വിള​വെ​ടു​പ്പും സംസ്‌ക​ര​ണ​വും കയറ്റു​മ​തി​യും അനേകർക്ക്‌ തൊഴിൽ പ്രദാനം ചെയ്യുന്നു.

എല്ലാറ്റി​നും ഉപരി, ദന്തപ്പശ​യ്‌ക്ക്‌ ആഫ്രിക്കൻ ആനകളു​ടെ സംരക്ഷ​ണ​ത്തിൽ വളരെ വലിയ ഒരു പങ്കു വഹിക്കാൻ കഴിയും. അതു​കൊണ്ട്‌ ആനക്കൊ​മ്പി​ന്റെ ആർഭാടം നിങ്ങൾ ആഗ്രഹി​ക്കു​ന്നെ​ങ്കിൽ ആഫ്രി​ക്ക​യി​ലെ സാവന്ന​ക​ളി​ലേക്കു നോ​ക്കേ​ണ്ട​തില്ല. മറിച്ച്‌ അത്‌ സുലഭ​മാ​യുള്ള തെക്കേ അമേരി​ക്ക​യി​ലെ മഴവന​ങ്ങളെ കുറിച്ചു ചിന്തി​ക്കുക, അവിടെ അത്‌ മരത്തി​ലും കായ്‌ക്കു​ന്നു! അതേ, ആനയുടെ ചങ്ങാതി​യായ ടാഗ്വ കുരു​വി​നെ കുറിച്ചു ചിന്തി​ക്കുക.

[അടിക്കു​റി​പ്പു​കൾ]

[24, 25 പേജു​ക​ളി​ലെ ചിത്രങ്ങൾ]

1. ടാഗ്വ പന

2. ടാഗ്വ പനങ്കു​ല​കൾ

3. കുരു കാണാൻ കഴിയ​ത്ത​ക്ക​വണ്ണം ടാഗ്വ കായ്‌ കുറുകെ മുറി​ച്ചി​രി​ക്കു​ന്നു

4. ടാഗ്വ കുരു ഉണങ്ങി കട്ടിയാ​യി​ത്തീ​രു​ന്നു

5. ടാഗ്വ ബട്ടണുകൾ

6. മുത്തു​ച്ചി​പ്പി​യു​ടെ ഉൾപാ​ളി​യാൽ അലങ്കൃ​ത​മായ ടാഗ്വ ആഭരണങ്ങൾ

7. ടാഗ്വ ശിൽപ്പങ്ങൾ