അദ്ദേഹ​ത്തി​ന്റെ വിശ്വാ​സം ശക്തി​യേ​കി

പതി​നേഴു വയസ്സുള്ള ഒരു പെൺകു​ട്ടി, 1998 ജൂൺ 8 ലക്കം ഉണരുക!യിൽ വന്ന ഒരു ലേഖന​ത്തി​നു വിലമ​തി​പ്പു പ്രകടി​പ്പി​ച്ചു​കൊണ്ട്‌ മുൻ സോവി​യറ്റ്‌ യൂണിയൻ റിപ്പബ്ലിക്ക്‌ ആയിരുന്ന മൊൾഡോ​വ​യി​ലെ വാച്ച്‌ ടവർ സൊ​സൈ​റ്റി​യു​ടെ ഓഫീ​സി​ലേക്ക്‌ എഴുതി. “രണ്ടു പിതാ​ക്ക​ന്മാർ—ആരെ വേണമെന്ന എന്റെ തിര​ഞ്ഞെ​ടുപ്പ്‌” എന്നതാ​യി​രു​ന്നു ലേഖനം. ഒരു അർമേ​നി​യൻ യുവാ​വി​ന്റെ ജീവി​താ​നു​ഭ​വങ്ങൾ അതിൽ വിവരി​ച്ചി​രു​ന്നു.

അവൾ പറയുന്നു: “ആ ലേഖനം വായി​ച്ച​പ്പോൾ എന്റെ കണ്ണുകൾ നിറഞ്ഞു തുളുമ്പി. എന്തു​കൊ​ണ്ടെ​ന്നാൽ എനിക്കും അത്തരം അനുഭ​വ​ങ്ങ​ളി​ലൂ​ടെ കടന്നു​പോ​കേണ്ടി വന്നിട്ടുണ്ട്‌. പതിനഞ്ചു വയസ്സു​ള്ള​പ്പോ​ഴാണ്‌ ഞാൻ ബൈബിൾ പഠിക്കാൻ തുടങ്ങി​യത്‌. ആദ്യം എന്റെ മാതാ​പി​താ​ക്കൾ എതിർപ്പൊ​ന്നും പറഞ്ഞില്ല. എന്നാൽ യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഞാൻ ഹാജരാ​യി തുടങ്ങി​യ​പ്പോൾ അവർ ശക്തമായി എതിർത്തു. പിന്നീട്‌, 1997-ൽ, പഠിച്ച കാര്യങ്ങൾ മറ്റുള്ള​വ​രു​മാ​യി പങ്കു​വെ​ക്കാൻ ആരംഭി​ച്ച​പ്പോൾ അവർ പറഞ്ഞു: ‘നീ നിന്റെ സാക്ഷി സുഹൃ​ത്തു​ക്ക​ളു​ടെ അടു​ത്തേക്കു പൊയ്‌ക്കോ. അവർ നിനക്ക്‌ ആഹാര​വും വസ്‌ത്ര​വും ജോലി​യു​മൊ​ക്കെ തരട്ടെ. നീ മഹാ നിഷേ​ധി​യാണ്‌!’ എന്റെ തല ഭിത്തി​യിൽ ഇടിച്ചു​കൊ​ണ്ടും മറ്റും മാതാ​പി​താ​ക്കൾ എന്നെ ശാരീ​രി​ക​മാ​യി പോലും ഉപദ്ര​വി​ച്ചു.

“വളരെ കഠിന​മായ ഒരു പരി​ശോ​ധ​ന​യാ​യി​രു​ന്നു അത്‌. യഹോവ എന്നിൽ സന്തുഷ്ട​നാ​ണോ എന്ന്‌ ആ അർമേ​നി​യൻ യുവാ​വി​നെ പോ​ലെ​തന്നെ ഞാനും പലപ്പോ​ഴും സംശയി​ച്ചു. ‘ഞാൻ ഒന്നിനും കൊള്ളാ​ത്ത​വ​ളാ​ണോ? ചെയ്‌തു പോയി​ട്ടുള്ള തെറ്റു​ക​ളൊ​ക്കെ യഹോവ എന്നോടു ക്ഷമിക്കു​മോ? യഹോവ ഇപ്പോ​ഴും എന്നെ സ്‌നേ​ഹി​ക്കു​ന്നു​ണ്ടോ?’ എന്നിങ്ങ​നെ​യുള്ള ചിന്തകൾ എന്നെ അലട്ടി.

“യഹോവ മേലാൽ എന്നെ സ്‌നേ​ഹി​ക്കു​ന്നില്ല എന്നു തോന്നിയ സന്ദർഭ​ങ്ങ​ളാ​യി​രു​ന്നു ഏറ്റവും പ്രയാ​സ​കരം. ഒരിക്ക​ലും അവനെ ഉപേക്ഷി​ക്കാ​തി​രി​ക്കാൻ തക്കവണ്ണം എന്നെ സഹായി​ക്കാ​നും ശക്തീക​രി​ക്കാ​നു​മാ​യി ഞാൻ പലപ്പോ​ഴും കണ്ണീ​രോ​ടെ യഹോ​വ​യോട്‌ അപേക്ഷി​ച്ചു. യഹോവ എന്റെ പ്രാർഥ​നകൾ ശ്രദ്ധിച്ച്‌ എന്റെ യാചന​കൾക്ക്‌ ഉത്തരം നൽകു​ക​തന്നെ ചെയ്‌തു. അവൻ എനിക്ക്‌ ഉറപ്പും നിശ്ചയ​ദാർഢ്യ​വും ധൈര്യ​വും പ്രദാനം ചെയ്‌തു. പ്രത്യേ​കി​ച്ചും, ‘എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും’ എന്ന സങ്കീർത്ത​ന​ക്കാ​രന്റെ ദൃഢവി​ശ്വാ​സ​ത്തോ​ടെ​യുള്ള പ്രഖ്യാ​പനം രേഖ​പ്പെ​ടു​ത്തി​യി​രി​ക്കുന്ന അവന്റെ വചനമായ ബൈബി​ളി​ലൂ​ടെ.—സങ്കീർത്തനം 27:10.

“1997 സെപ്‌റ്റം​ബർ 27-ന്‌ കാഗൂ​ളിൽ വെച്ചു നടന്ന യഹോ​വ​യു​ടെ സാക്ഷി​ക​ളു​ടെ ഒരു സർക്കിട്ട്‌ സമ്മേള​ന​ത്തിൽ യഹോ​വ​യ്‌ക്കുള്ള എന്റെ സമർപ്പണം ഞാൻ ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തി. സങ്കീർത്തനം 84:11-ലെ തന്റെ വാഗ്‌ദാ​നം സ്‌നേ​ഹ​നി​ധി​യായ നമ്മുടെ സ്വർഗീയ പിതാ​വായ യഹോവ നിവർത്തി​ക്കു​ന്നത്‌ ഞാൻ അനുഭ​വി​ച്ച​റി​ഞ്ഞി​രി​ക്കു​ന്നു: ‘യഹോ​വ​യായ ദൈവം സൂര്യ​നും പരിച​യും ആകുന്നു; യഹോവ കൃപയും മഹത്വ​വും നൽകുന്നു; നേരോ​ടെ നടക്കു​ന്ന​വർക്കു അവൻ ഒരു നന്മയും മുടക്കു​ക​യില്ല.’

“വിശ്വാ​സത്തെ ശക്തീക​രി​ക്കുന്ന തന്റെ അനുഭവം ഉണരുക! മാസി​ക​യി​ലൂ​ടെ പങ്കുവെച്ച ആ അർമേ​നി​യൻ യുവാ​വി​നോട്‌ എനിക്ക്‌ അങ്ങേയ​റ്റത്തെ കൃതജ്ഞ​ത​യുണ്ട്‌. അദ്ദേഹ​ത്തി​ന്റെ​യും എന്റെയും മാതാ​പി​താ​ക്കൾ ക്രമേണ ബൈബിൾ പഠിപ്പി​ക്ക​ലു​ക​ളിൽ താത്‌പ​ര്യം കാണി​ക്കു​മെന്നു ഞാൻ പ്രത്യാ​ശി​ക്കു​ന്നു.”