യുവജ​നങ്ങൾ ചോദി​ക്കു​ന്നു . . .

അനീതി നിറഞ്ഞ ചുറ്റു​പാ​ടു​മാ​യി എനിക്ക്‌ എങ്ങനെ പൊരു​ത്ത​പ്പെ​ടാൻ കഴിയും?

“പണമു​ള്ള​വർക്കേ എവി​ടെ​യും സ്ഥാനമു​ള്ളൂ. കയറി​ക്കി​ട​ക്കാൻ ഇടമി​ല്ലാത്ത, ആഹാര​ത്തി​നു​പോ​ലും വകയി​ല്ലാത്ത ഞങ്ങളെ ആളുകൾ മൃഗങ്ങളെ പോ​ലെ​യാ​ണു കണക്കാ​ക്കു​ന്നത്‌. ഞാൻ ചത്തു കിടന്നാൽ പോലും ആരും തിരിഞ്ഞു നോക്കു​മെന്നു തോന്നു​ന്നില്ല.”—ആർനൂൾഫോ, ഭവനര​ഹി​ത​നായ ഒരു 15 വയസ്സു​കാ​രൻ.

ലോകം അനീതി​കൊണ്ട്‌ നിറഞ്ഞി​രി​ക്കു​ന്നു. ഐക്യ​രാ​ഷ്‌ട്ര ശിശു​ക്ഷേമ നിധി​യു​ടെ ഒരു റിപ്പോർട്ട്‌ ഇങ്ങനെ പറഞ്ഞു: “കഴിഞ്ഞ ദശകത്തിൽ യുദ്ധത്തി​ന്റെ ഫലമായി 20 ലക്ഷത്തി​ല​ധി​കം കുട്ടികൾ മരിച്ചു, 40 ലക്ഷത്തി​ല​ധി​കം കുട്ടികൾ അംഗവി​ഹീ​ന​രാ​യി തീർന്നു, പത്തു ലക്ഷത്തി​ല​ധി​കം പേർ അനാഥ​രാ​കു​ക​യോ വീട്ടു​കാ​രിൽനിന്ന്‌ വേർപെട്ടു പോകു​ക​യോ ചെയ്‌തു.” കുറെ പേർ സമ്പന്നത​യു​ടെ മടിത്ത​ട്ടിൽ കഴിയു​മ്പോൾ ലോക​ജ​ന​സം​ഖ്യ​യു​ടെ വലി​യൊ​രു പങ്കും പട്ടിണി​യും പരിവ​ട്ട​വു​മാ​യി നട്ടംതി​രി​യു​ന്നു. വികസ്വര രാജ്യ​ങ്ങ​ളിൽ ആർനൂൾഫോ​യെ പോ​ലെ​യുള്ള പല കുട്ടി​കൾക്കും വിദ്യാ​ഭ്യാ​സം ലഭിക്കു​ന്നില്ല.

നിങ്ങളെ സ്‌നേ​ഹി​ക്കു​ക​യും സംരക്ഷി​ക്കു​ക​യും ചെയ്യേ​ണ്ട​വർതന്നെ നിങ്ങ​ളോട്‌ അനീതി കാട്ടു​മ്പോൾ അതു വിശേ​ഷി​ച്ചും വേദനാ​ജ​ന​ക​മാ​യി​രു​ന്നേ​ക്കാം. 17 വയസ്സു​കാ​രി​യായ സൂസാ​ന്നാ​യു​ടെ കാര്യ​മെ​ടു​ക്കാം. അവളുടെ അമ്മ അവളെ​യും അവളുടെ രണ്ടു കുഞ്ഞനു​ജ​ന്മാ​രെ​യും ഉപേക്ഷി​ച്ചു പൊയ്‌ക്ക​ളഞ്ഞു. “വർഷങ്ങൾ എത്ര കടന്നു​പോ​യി. ഞാൻ താമസി​ക്കുന്ന അതേ പട്ടണത്തിൽത്ത​ന്നെ​യാണ്‌ അമ്മയും താമസി​ക്കു​ന്നത്‌. എങ്കിലും ഒപ്പം വന്നു താമസി​ക്കാൻ അമ്മ ഒരിക്ക​ലും എന്നോടു പറഞ്ഞി​ട്ടില്ല. ഇതുവരെ സ്‌നേ​ഹ​ത്തോ​ടെ​യൊന്ന്‌ ‘മോളേ’ എന്നു​പോ​ലും വിളി​ച്ചി​ട്ടില്ല. അതൊക്കെ ആലോ​ചി​ക്കു​മ്പോൾ എനിക്ക്‌ അമ്മയോ​ടു വല്ലാത്ത ദേഷ്യം തോന്നും,” സൂസാന്നാ ഹൃദയ​വേ​ദ​ന​യോ​ടെ പറയുന്നു. അത്തരം ദുഷ്‌പെ​രു​മാ​റ്റ​ത്തിന്‌ ഇരയാ​കു​മ്പോൾ കോപം അടക്കാൻ നിങ്ങൾക്കു ബുദ്ധി​മു​ട്ടു തോന്നി​യേ​ക്കാം. കുട്ടി​ക്കാ​ലത്ത്‌ ലൈം​ഗിക പീഡന​ത്തിന്‌ ഇരയായ ഒരു സ്‌ത്രീ പറഞ്ഞു: “ദൈവ​ത്തോ​ടു പോലും എനിക്ക്‌ അമർഷം തോന്നി.”

ദുഷ്‌പെ​രു​മാ​റ്റ​ത്തിന്‌ ഇരയാ​കു​മ്പോൾ സങ്കടവും ദേഷ്യ​വും തോന്നുക സ്വാഭാ​വി​ക​മാണ്‌. “മർദനം ജ്ഞാനിയെ ഭ്രാന്തു​പി​ടി​പ്പി​ച്ചേ​ക്കും” എന്നു ബൈബിൾ പറയുന്നു. (സഭാ​പ്ര​സം​ഗി 7:7, NW) എന്നും അനീതി സഹിച്ചു കഴി​യേണ്ടി വരുന്നത്‌ നിങ്ങളെ വിഷാ​ദ​ചി​ത്ത​രു​മാ​ക്കി​യേ​ക്കാം. (സങ്കീർത്തനം 43:2 താരത​മ്യം ചെയ്യുക.) അതു​കൊണ്ട്‌ അനീതി അവസാ​നി​ച്ചു കാണാൻ നിങ്ങൾക്ക്‌ അതിയായ ആഗ്രഹ​മു​ണ്ടാ​യി​രി​ക്കാം. മധ്യ അമേരി​ക്ക​യിൽ നിന്നുള്ള ഒരു പെൺകു​ട്ടി അനുസ്‌മ​രി​ക്കു​ന്നു: “13 വയസ്സു​ള്ള​പ്പോൾ ഞാൻ ഒരു വിദ്യാർഥി പ്രസ്ഥാ​ന​ത്തിൽ ചേർന്നു. കുട്ടികൾ പട്ടിണി കിടക്കാ​തി​രി​ക്ക​ത്ത​ക്ക​വി​ധം സ്ഥിതി​ഗ​തി​കൾക്കു മാറ്റം വരുത്തു​ന്ന​തിന്‌ എന്തെങ്കി​ലും ചെയ്യണ​മെന്ന്‌ എനിക്കു മോഹ​മു​ണ്ടാ​യി​രു​ന്നു. . . . പിന്നീട്‌ ഞാൻ സായുധ പോരാ​ട്ട​ത്തി​ലും പങ്കാളി​യാ​യി.” എന്നാൽ നീതി കണ്ടെത്തു​ന്ന​തി​നു പകരം സഹകാ​രി​ക​ളിൽനി​ന്നു​തന്നെ അവൾക്ക്‌ അതിനീ​ച​മായ പെരു​മാ​റ്റങ്ങൾ സഹി​ക്കേണ്ടി വന്നു.

തങ്ങളുടെ സാഹച​ര്യം മെച്ച​പ്പെ​ടു​ത്താൻ മിക്ക ആളുകൾക്കും കഴിവില്ല എന്ന്‌ ഇത്തരം അനുഭ​വങ്ങൾ നമ്മെ ഓർമി​പ്പി​ക്കു​ന്നു. അങ്ങനെ​യെ​ങ്കിൽ അനീതിക്ക്‌ ഇരയാ​യ​വർക്ക്‌ അതുമാ​യി എങ്ങനെ പൊരു​ത്ത​പ്പെ​ടാൻ കഴിയും?a നീരസ​വും കോപ​വും തോന്നു​മ്പോൾ നിങ്ങൾക്ക്‌ അത്‌ എങ്ങനെ കൈകാ​ര്യം ചെയ്യാൻ സാധി​ക്കും?

നീരസ​വും കോപ​വും വിട്ടു​ക​ള​യൽ

ഈ വ്യവസ്ഥി​തി​യു​ടെ “അന്ത്യനാ​ളുക”ളിലാണു നാം ജീവി​ക്കു​ന്നത്‌ എന്നു നിങ്ങൾ ഇടയ്‌ക്കി​ട​യ്‌ക്ക്‌ സ്വയം ഓർമി​പ്പി​ക്കേ​ണ്ട​തു​ണ്ടാ​യി​രി​ക്കാം. നമ്മുടെ നാളു​ക​ളിൽ, ആളുകൾ “ദ്രോ​ഹി​ക​ളും . . . സ്‌നേ​ഹ​മി​ല്ലാ​ത്ത​വ​രും ക്ഷമിക്കാ​ത്ത​വ​രും ദൂഷണം പറയു​ന്ന​വ​രും ആത്മനി​യ​ന്ത്രണം ഇല്ലാത്ത​വ​രും മൃഗതു​ല്യ​രും സൽഗു​ണ​ദ്വേ​ഷി​ക​ളും വഞ്ചകരും” ആയിരി​ക്കു​മെന്നു ബൈബിൾ മുൻകൂ​ട്ടി പറയു​ക​യു​ണ്ടാ​യി. (2 തിമൊ​ഥെ​യൊസ്‌ 3:1-4, ന്യൂ ഇന്റർനാ​ഷണൽ വേർഷൻ) പലരും “സകല ധാർമിക ബോധ​വും നശിച്ചവർ” ആണ്‌. (എഫെസ്യർ 4:19, NW) അതു​കൊ​ണ്ടു​തന്നെ അനീതി ഒരു ജീവി​ത​യാ​ഥാർഥ്യ​മാണ്‌, അതിനെ നാം അഭിമു​ഖീ​ക​രി​ച്ചേ മതിയാ​കൂ. തന്നിമി​ത്തം, “ഒരു സംസ്ഥാ​നത്തു ദരി​ദ്രനെ പീഡി​പ്പി​ക്കു​ന്ന​തും നീതി​യും ന്യായ​വും എടുത്തു​ക​ള​യു​ന്ന​തും കണ്ടാൽ നീ വിസ്‌മ​യി​ച്ചു​പോ​ക​രു​തു.”—സഭാ​പ്ര​സം​ഗി 5:8.

നീരസം നിങ്ങളെ വിഴു​ങ്ങി​ക്ക​ള​യു​ന്ന​തി​നെ​തി​രെ ജാഗ്രത പാലി​ക്കാൻ ബൈബിൾ ആവശ്യ​പ്പെ​ടു​ന്നതു നല്ല കാരണ​ത്തോ​ടെ​യാണ്‌. ഉദാഹ​ര​ണ​ത്തിന്‌ അത്‌ ഇങ്ങനെ പറയുന്നു: “സകല വിദ്വേ​ഷ​വും [“നീരസ​വും,” NW] ക്ഷോഭ​വും ക്രോ​ധ​വും . . . നിങ്ങൾ ഉപേക്ഷി​ക്കു​വിൻ.” (എഫെസ്യർ 4:31, പി.ഒ.സി. ബൈബിൾ.) കാരണം? നാളു​ക​ളോ​ളം കടുത്ത കോപം വെച്ചു​കൊ​ണ്ടി​രി​ക്കു​ന്നത്‌ ഹാനി​ക​ര​വും സ്വവി​നാ​ശ​ക​വും ആണ്‌. (സദൃശ​വാ​ക്യ​ങ്ങൾ 14:30; എഫെസ്യർ 4:26, 27 എന്നിവ താരത​മ്യം ചെയ്യുക.) ‘കർത്താ​വി​നെ​തി​രെ [“യഹോ​വ​യ്‌ക്കെ​തി​രെ,” NW] രോഷം​കൊ​ള്ളു’ന്നെങ്കിൽ ഇതു വിശേ​ഷി​ച്ചും സത്യമാണ്‌. (സദൃശ​വാ​ക്യ​ങ്ങൾ 19:3, ഓശാന ബൈബിൾ) ദൈവ​ത്തോ​ടു ദേഷ്യം തോന്നു​മ്പോൾ, നിങ്ങളെ ഏറ്റവും അധികം സഹായി​ക്കാൻ കഴിയുന്ന വ്യക്തി​യു​മാ​യുള്ള ബന്ധത്തി​നാണ്‌ ഉലച്ചിൽ തട്ടുന്നത്‌. “യഹോ​വ​യു​ടെ കണ്ണു തങ്കൽ ഏകാ​ഗ്ര​ചി​ത്ത​ന്മാ​രാ​യി​രി​ക്കു​ന്ന​വർക്കു വേണ്ടി തന്നെത്താൻ ബലവാ​നെന്നു കാണി​ക്കേ​ണ്ട​തി​ന്നു ഭൂമി​യി​ല്ലെ​ലാ​ട​വും ഊടാ​ടി​ക്കൊ​ണ്ടി​രി​ക്കു​ന്നു” എന്നു ബൈബിൾ പറയുന്നു.—2 ദിനവൃ​ത്താ​ന്തം 16:9.

യഹോ​വ​യെ കുറിച്ച്‌ ബൈബിൾ ഇങ്ങനെ​യും പറയുന്നു: “അവന്റെ വഴികൾ ഒക്കെയും ന്യായം; അവൻ വിശ്വ​സ്‌ത​ത​യുള്ള ദൈവം, വ്യാജ​മി​ല്ലാ​ത്തവൻ; നീതി​യും നേരു​മു​ള്ളവൻ തന്നേ.” (ആവർത്ത​ന​പു​സ്‌തകം 32:4) അനീതി ലോക​ത്തി​ലേക്കു കടന്നു വരാൻ ഇടയാ​യത്‌ ആദാമി​ന്റെ​യും ഹവ്വായു​ടെ​യും മത്സരം നിമി​ത്ത​മാണ്‌. (സഭാ​പ്ര​സം​ഗി 7:29) മനുഷ്യ​നാണ്‌—അല്ലാതെ ദൈവമല്ല—‘മനുഷ്യ​ന്റെ​മേൽ അവന്റെ ദോഷ​ത്തി​നാ​യി അധികാ​രം നടത്തി​യി​രി​ക്കു​ന്നത്‌.’ (സഭാ​പ്ര​സം​ഗി 8:9) ‘സർവ്വ​ലോ​ക​വും ദുഷ്ടന്റെ’ അതായത്‌ പിശാ​ചായ സാത്താന്റെ ‘അധീന​ത​യി​ലാ​ണു കിടക്കു​ന്നത്‌’ എന്നും ഓർക്കുക. (1 യോഹ​ന്നാൻ 5:19) ലോക​ത്തി​ലെ അനീതി​കൾക്കു കാരണ​ക്കാ​രൻ സാത്താ​നാണ്‌, അല്ലാതെ യഹോ​വയല്ല.

അനീതിക്ക്‌ അറുതി വരുന്നു

സന്തോ​ഷ​ക​ര​മെന്നു പറയട്ടെ, അനീതി എക്കാല​വും തുടരു​ക​യില്ല. ഇതു മനസ്സിൽ പിടി​ക്കു​ന്നത്‌, പൊരു​ത്ത​പ്പെട്ടു പോകാൻ നിങ്ങളെ സഹായി​ക്കും. ബൈബിൾ കാലങ്ങ​ളിൽ ജീവി​ച്ചി​രുന്ന ആസാഫി​നെ കുറിച്ചു ചിന്തി​ക്കുക. യഹോ​വയെ സേവി​ക്കു​ന്ന​വ​രെന്ന്‌ അവകാ​ശ​പ്പെട്ട ആളുകൾക്കി​ട​യി​ലാണ്‌ ആസാഫ്‌ ജീവി​ച്ചി​രു​ന്ന​തെ​ങ്കി​ലും അവനു ചുറ്റും അനീതി നടമാ​ടി​യി​രു​ന്നു. മറ്റുള്ള​വരെ ദ്രോ​ഹി​ക്കു​ന്ന​തി​ന്റെ പേരിൽ ശിക്ഷി​ക്ക​പ്പെ​ടു​ന്ന​തി​നു പകരം ദുഷ്ടരായ ആളുകൾ പ്രശ്‌ന​ങ്ങ​ളേ​തു​മി​ല്ലാത്ത സമ്പദ്‌സ​മൃ​ദ്ധ​മായ ജീവിതം നയിക്കു​ന്ന​താ​യി കാണ​പ്പെട്ടു! “ദുഷ്ടന്മാ​രു​ടെ സൌഖ്യം കണ്ടിട്ടു എനിക്കു . . . അസൂയ തോന്നി” എന്ന്‌ ആസാഫ്‌ സമ്മതിച്ചു പറയുന്നു. അത്തരം ചിന്തക​ളിൽ മുഴു​കി​യി​രു​ന്ന​തു​കൊണ്ട്‌ ആസാഫിന്‌ താത്‌കാ​ലി​ക​മാ​യി​ട്ടാ​ണെ​ങ്കി​ലും സമചിത്തത നഷ്ടമായി.—സങ്കീർത്തനം 73:1-12.

കാലാ​ന്ത​ര​ത്തിൽ, ആസാഫ്‌ ശ്രദ്ധേ​യ​മായ ഒരു വസ്‌തുത തിരി​ച്ച​റി​ഞ്ഞു. ദുഷ്ടന്മാ​രെ കുറിച്ച്‌ അവൻ പറഞ്ഞു: “നിശ്ചയ​മാ​യി നീ [ദൈവം] അവരെ വഴുവ​ഴു​പ്പിൽ നിർത്തു​ന്നു; നീ അവരെ നാശത്തിൽ തള്ളിയി​ടു​ന്നു.” (സങ്കീർത്തനം 73:16-19) അതേ, ദുഷ്ടന്മാർക്ക്‌ തങ്ങളുടെ പ്രവൃ​ത്തി​ക​ളു​ടെ ഭവിഷ്യ​ത്തു​ക​ളിൽനിന്ന്‌ എക്കാല​വും രക്ഷപ്പെ​ടാൻ സാധി​ക്കി​ല്ലെന്ന്‌ ആസാഫി​നു മനസ്സി​ലാ​യി. മിക്ക​പ്പോ​ഴും അവർക്കു തങ്ങളുടെ തെറ്റിന്റെ ഫലം അനുഭ​വി​ക്കേണ്ടി വരുന്നു. ചിലർക്കു തടവു​ശി​ക്ഷ​യോ സാമ്പത്തിക നഷ്ടമോ തൊഴിൽന​ഷ്ട​മോ അനുഭ​വി​ക്കേണ്ടി വന്നേക്കാം. മറ്റു ചിലർക്കാ​കട്ടെ സ്ഥാനമാ​നങ്ങൾ നഷ്ടമാ​യേ​ക്കാം. ഏറ്റവും ഒടുവിൽ, ദൈവം ഈ ദുഷ്ടവ്യ​വ​സ്ഥി​തി​യു​ടെ​മേൽ ന്യായ​വി​ധി നടപ്പി​ലാ​ക്കു​മ്പോൾ ദുഷ്ടന്മാർ “നാശത്തിൽ തള്ളിയിട”പ്പെടും.—സങ്കീർത്തനം 10:15, 17, 18; 37:9-11.

ദൈവം സമീപ ഭാവി​യിൽത്തന്നെ കാര്യങ്ങൾ നേരെ​യാ​ക്കും എന്നറി​യു​ന്നതു കോപ​വും നിരാ​ശ​യും നിയ​ന്ത്രി​ക്കാൻ നിങ്ങളെ സഹായി​ച്ചേ​ക്കും. ബൈബിൾ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ആർക്കും തിന്മെക്കു പകരം, തിന്മ ചെയ്യാതെ സകലമ​നു​ഷ്യ​രു​ടെ​യും മുമ്പിൽ യോഗ്യ​മാ​യതു മുൻക​രു​തി, കഴിയു​മെ​ങ്കിൽ നിങ്ങളാൽ ആവോളം സകലമ​നു​ഷ്യ​രോ​ടും സമാധാ​ന​മാ​യി​രി​പ്പിൻ. പ്രിയ​മു​ള്ള​വരേ, നിങ്ങൾ തന്നേ പ്രതി​കാ​രം ചെയ്യാതെ ദൈവ​കോ​പ​ത്തി​ന്നു ഇടം​കൊ​ടു​പ്പിൻ; പ്രതി​കാ​രം എനിക്കു​ള്ളതു; ഞാൻ പകരം ചെയ്യും എന്നു കർത്താവു [“യഹോവ,” NW] അരുളി​ച്ചെ​യ്യു​ന്നു.”—റോമർ 12:17-19; 1 പത്രൊസ്‌ 2:23 താരത​മ്യം ചെയ്യുക.

സഹായ​വും പിന്തു​ണ​യും ലഭിക്കൽ

ഒരുപക്ഷേ നിങ്ങൾക്കേറ്റ വൈകാ​രിക ക്ഷതത്തിന്റെ മുറി​പ്പാ​ടു​കൾ മായാതെ കിടപ്പു​ണ്ടാ​യി​രി​ക്കാം, ചില ഓർമകൾ ഇപ്പോ​ഴും കുത്തി​നോ​വി​ക്കു​ന്നു​ണ്ടാ​കാം. ഐക്യ​രാ​ഷ്‌ട്ര ശിശു​ക്ഷേമ നിധി​യു​ടെ ഒരു റിപ്പോർട്ട്‌ ഇങ്ങനെ പറയുന്നു: “അക്രമാ​സ​ക്ത​മായ പെരു​മാ​റ്റ​ത്തി​നു നിരന്തരം വിധേ​യ​രാ​കുന്ന എല്ലാ കുട്ടി​ക​ളു​ടെ​യും​തന്നെ വിശ്വാ​സ​ങ്ങൾക്കും മനോ​ഭാ​വ​ങ്ങൾക്കും ഗണ്യമായ മാറ്റം സംഭവി​ക്കു​ന്നു. പൊതു​വെ, അത്തരം കുട്ടി​കൾക്ക്‌ മറ്റുള്ള​വ​രി​ലുള്ള വിശ്വാ​സം നഷ്ടമാ​കു​ന്നു. അയൽക്കാ​രിൽനി​ന്നും സുഹൃ​ത്തു​ക്ക​ളിൽനി​ന്നും ഉപദ്ര​വ​മോ ദുഷ്‌പെ​രു​മാ​റ്റ​മോ സഹി​ക്കേണ്ടി വന്ന കുട്ടി​ക​ളു​ടെ കാര്യ​ത്തിൽ ഇതു വിശേ​ഷി​ച്ചും സത്യമാണ്‌.”

അത്തരം പ്രശ്‌നങ്ങൾ എളുപ്പ​ത്തിൽ പരിഹ​രി​ക്കാ​വു​ന്ന​വയല്ല. എന്നാൽ നിഷേ​ധാ​ത്മക വികാ​ര​ങ്ങ​ളോ വേദനി​പ്പി​ക്കുന്ന ഓർമ​ക​ളോ, നിങ്ങളെ ഭരിക്കു​ന്നു​വെ​ങ്കിൽ നിങ്ങൾക്കു സഹായം ആവശ്യ​മാ​യി​രി​ക്കാം. (സങ്കീർത്തനം 119:133, NW താരത​മ്യം ചെയ്യുക.) ഒന്നാമ​താ​യി, നിങ്ങൾ അനുഭ​വിച്ച പ്രയാ​സ​ങ്ങളെ കുറിച്ചു പ്രത്യേ​കം ചർച്ച ചെയ്യുന്ന ലേഖനങ്ങൾ നിങ്ങൾക്കു വായി​ക്കാൻ കഴിയും. ഉദാഹ​ര​ണ​ത്തിന്‌, ബലാത്സം​ഗ​ത്തി​നും പിടി​ച്ചു​പ​റി​ക്കും കുട്ടി​ക്കാ​ലത്തെ ദുഷ്‌പെ​രു​മാ​റ്റ​ത്തി​നും ഇരകളാ​യ​വർക്കു വേണ്ടി​യുള്ള പ്രാ​യോ​ഗിക ബുദ്ധി​യു​പ​ദേ​ശങ്ങൾ നൽകുന്ന ഒട്ടേറെ ലേഖനങ്ങൾ ഉണരുക! മാസി​ക​യിൽ പ്രസി​ദ്ധീ​ക​രി​ക്ക​പ്പെ​ട്ടി​ട്ടുണ്ട്‌. പറയുന്ന കാര്യങ്ങൾ സമാനു​ഭാ​വ​ത്തോ​ടെ ശ്രദ്ധിച്ചു കേൾക്കുന്ന, പക്വത​യുള്ള ഒരു വ്യക്തി​യു​മാ​യി നിങ്ങളു​ടെ ആശങ്കക​ളും വികാ​ര​ങ്ങ​ളും പങ്കു​വെ​ക്കു​ന്നതു വളരെ സഹായം ചെയ്യും. (സദൃശ​വാ​ക്യ​ങ്ങൾ 12:25) ഒരുപക്ഷേ നിങ്ങളു​ടെ മാതാ​പി​താ​ക്ക​ളോ​ടു​തന്നെ അവയെ​ല്ലാം പറയാൻ കഴി​ഞ്ഞേ​ക്കും.

എന്നാൽ മാതാ​പി​താ​ക്ക​ളു​ടെ പിന്തുണ ലഭ്യമ​ല്ലാത്ത സാഹച​ര്യ​മാ​ണെ​ങ്കി​ലോ? അപ്പോൾ ക്രിസ്‌തീയ സഭയിൽനി​ന്നു സഹായം തേടാൻ കഴിയും. യഹോ​വ​യു​ടെ സാക്ഷി​കൾക്കി​ട​യിൽ, സഭാമൂ​പ്പ​ന്മാർ പ്രയാസം അനുഭ​വി​ക്കു​ന്ന​വർക്ക്‌ അഭയ​കേ​ന്ദ്ര​മാ​യി വർത്തി​ക്കു​ന്നു. (യെശയ്യാ​വു 32:1, 2) അവർ നിങ്ങൾ പറയുന്ന കാര്യങ്ങൾ ശ്രദ്ധിച്ചു കേൾക്കുക മാത്രമല്ല, ആവശ്യ​മായ ചില പ്രാ​യോ​ഗിക ഉപദേ​ശങ്ങൾ നൽകു​ക​യും ചെയ്യും. പക്വത​യുള്ള മറ്റു ക്രിസ്‌ത്യാ​നി​കൾ നിങ്ങൾക്ക്‌ “സഹോ​ദ​ര​ന്മാ​രെ​യും സഹോ​ദ​രി​ക​ളെ​യും അമ്മമാ​രെ​യും” പോലെ ആയിരി​ക്കു​മെ​ന്നു​ള്ള​തും ഓർക്കുക. (മർക്കൊസ്‌ 10:29, 30) അമ്മ ഉപേക്ഷി​ച്ചു​പോയ സൂസാ​ന്നാ​യെ നിങ്ങൾ ഓർക്കു​ന്നു​ണ്ടോ? അവൾക്കും കൂടപ്പി​റ​പ്പു​കൾക്കും ക്രിസ്‌തീയ സഭയിൽനി​ന്നു പിന്തുണ ലഭിച്ചു. ഒരു ക്രിസ്‌തീയ ശുശ്രൂ​ഷകൻ സൂസാ​ന്നാ​യു​ടെ കുടും​ബ​ത്തോ​ടു വളരെ​യ​ധി​കം കരുതൽ പ്രകട​മാ​ക്കി, വളർത്ത​ച്ഛ​നെ​പ്പോ​ലെ​യാണ്‌ അവൾ അദ്ദേഹത്തെ കണക്കാ​ക്കു​ന്നത്‌. അത്തരം സഹായം, “പക്വത പ്രാപി​ക്കാ​നും സത്യത്തിൽ ഉറച്ചു നിൽക്കാ​നും ഞങ്ങളെ സഹായി​ച്ചി​രി​ക്കു​ന്നു,” സൂസാന്നാ പറയുന്നു.

അർഥവ​ത്താ​യ പ്രവർത്ത​നങ്ങൾ ഒരു ജീവി​ത​ച​ര്യ​യാ​ക്കു​ന്ന​തും വളരെ​യ​ധി​കം സഹായ​ക​മാ​യി​രി​ക്കു​മെന്നു വിദഗ്‌ധർ പറയുന്നു. സ്‌കൂ​ളിൽ പോകു​ന്ന​തും വീട്ടു​ജോ​ലി​കൾ ചെയ്യു​ന്ന​തും പോലും നിഷേ​ധാ​ത്മക ചിന്തകളെ മനസ്സിൽനിന്ന്‌ അകറ്റി​നിർത്താൻ വളരെ​യ​ധി​കം സഹായി​ക്കും. ആത്മീയ പ്രവർത്ത​നങ്ങൾ—ക്രിസ്‌തീയ യോഗ​ങ്ങ​ളിൽ സംബന്ധി​ക്ക​ലും സുവാർത്ത പ്രസം​ഗി​ക്ക​ലും—ഒരു ജീവി​ത​ച​ര്യ​യാ​ക്കു​ന്നതു നിങ്ങൾക്കു വിശേ​ഷാൽ പ്രയോ​ജനം ചെയ്യും.—ഫിലി​പ്പി​യർ 3:16, NW താരത​മ്യം ചെയ്യുക.

ദൈവ​രാ​ജ്യം വരിക​യും ഭൂവ്യാ​പ​ക​മാ​യി ദൈ​വേഷ്ടം നടപ്പി​ലാ​ക്കു​ക​യും ചെയ്യാതെ അനീതി ഭൂമി​യിൽനിന്ന്‌ അപ്രത്യ​ക്ഷ​മാ​കു​ക​യില്ല. (ദാനീ​യേൽ 2:44; മത്തായി 6:9, 10) ആ സമയം വന്നെത്തു​ന്ന​തു​വരെ, സാഹച​ര്യ​വു​മാ​യി പൊരു​ത്ത​പ്പെട്ടു പോകാൻ നിങ്ങളാൽ ആകുന്നതു ചെയ്യുക. ദൈവ​രാ​ജ്യ​ത്തി​ന്റെ ഭരണാ​ധി​പൻ എന്ന നിലയിൽ യേശു​ക്രി​സ്‌തു ‘നിലവി​ളി​ക്കുന്ന ദരി​ദ്ര​നെ​യും സഹായ​മി​ല്ലാത്ത എളിയ​വ​നെ​യും വിടു​വി​ക്കു​മെ​ന്നും എളിയ​വ​നെ​യും ദരി​ദ്ര​നെ​യും ആദരി​ക്കു​മെ​ന്നും ദരി​ദ്ര​ന്മാ​രു​ടെ ജീവനെ രക്ഷിക്കു​മെ​ന്നും’ ഉള്ള വാഗ്‌ദാ​ന​ത്തിൽനിന്ന്‌ ആശ്വാസം കണ്ടെത്തുക.—സങ്കീർത്തനം 72:12, 13.

[അടിക്കു​റി​പ്പു​കൾ]

[11-ാം പേജിലെ ആകർഷ​ക​വാ​ക്യം]

“ദൈവ​ത്തോ​ടു പോലും എനിക്ക്‌ അമർഷം തോന്നി”

[12-ാം പേജിലെ ചിത്രം]

സഹ ക്രിസ്‌ത്യാ​നി​ക​ളിൽ നിന്നുള്ള പിന്തുണ അനീതി നിറഞ്ഞ ചുറ്റു​പാ​ടു​ക​ളു​മാ​യി പൊരു​ത്ത​പ്പെട്ടു പോകാൻ നിങ്ങളെ സഹായി​ക്കും