ഒരു ആഗോള ദുരന്തം ഒഴിവാ​ക്കാ​നാ​കുന്ന വിധം

ഒരു “ആഗോള ദുരന്തം” എന്നാണ്‌ ഐക്യ​രാ​ഷ്‌ട്രങ്ങൾ അതിനെ വിളി​ക്കു​ന്നത്‌—അത്‌ അങ്ങനെ​തന്നെ ആണുതാ​നും. ലോക​മെ​മ്പാ​ടു​മാ​യി, ഗർഭധാ​ര​ണ​ത്തോ​ടും പ്രസവ​ത്തോ​ടും അനുബ​ന്ധിച്ച്‌ ഓരോ മിനി​ട്ടി​ലും ഒരു സ്‌ത്രീ വീതം മരിക്കു​ന്നു.

ഇവയിൽ മിക്കതും വികസ്വര രാജ്യ​ങ്ങ​ളി​ലാ​ണു സംഭവി​ക്കു​ന്നത്‌. ഗർഭധാ​ര​ണ​ത്തോട്‌ അനുബ​ന്ധിച്ച്‌, യൂറോ​പ്പിൽ 10,000-ത്തിൽ ഒന്നും ഐക്യ​നാ​ടു​ക​ളിൽ 12,500-ൽ ഒന്നും മാത്രം സ്‌ത്രീ​കൾ മരണമ​ട​യു​മ്പോൾ, ലാറ്റിൻ അമേരി​ക്ക​യിൽ അത്‌ 73-ൽ ഒന്നും ഏഷ്യയിൽ 54-ൽ ഒന്നുമാണ്‌. എന്നാൽ ആഫ്രി​ക്ക​യി​ലെ നിരക്കു ഭയാന​ക​മാണ്‌, 21-ന്‌ ഒന്ന്‌!

ഗർഭധാ​ര​ണ​ത്തോട്‌ അനുബ​ന്ധി​ച്ചു പ്രതി​വർഷം സംഭവി​ക്കുന്ന 6,00,000 മരണങ്ങ​ളിൽ ഒട്ടനവ​ധി​യും, പ്രസവ ശുശ്രൂ​ഷ​യിൽ വൈദ​ഗ്‌ധ്യം നേടി​യ​വ​രു​ടെ സഹായ​ത്തോ​ടെ ഒഴിവാ​ക്കാ​വു​ന്നതേ ഉണ്ടായി​രു​ന്നു​ള്ളൂ. അതു​കൊണ്ട്‌, സ്‌ത്രീ​കൾക്ക്‌ (പുരു​ഷൻമാർക്കും) വിദഗ്‌ധ​രായ സൂതി​കർമി​ണി​ക​ളാ​കു​ന്ന​തിന്‌ ഉള്ള പരിശീ​ലനം കൊടു​ക്കു​ന്ന​തിന്‌ ഇപ്പോൾ ഐക്യ​രാ​ഷ്‌ട്ര ശിശു​ക്ഷേമ നിധി​യും (യുനി​സെഫ്‌) ലോകാ​രോ​ഗ്യ സംഘട​ന​യും (ഡബ്ലിയു​എച്ച്‌ഒ) ഊന്നൽ നൽകി വരുന്നു.

ആവശ്യ​ത്തി​നു ഡോക്ടർമാർ ഇല്ലാത്ത രാജ്യ​ങ്ങ​ളിൽ, പരിശീ​ലനം സിദ്ധിച്ച സൂതി​കർമി​ണി​ക​ളു​ടെ പങ്കു വളരെ നിർണാ​യ​ക​മാണ്‌, അതിനു ജീവ​നെ​യോ മരണ​ത്തെ​യോ അർഥമാ​ക്കാൻ കഴിയും. പരിശീ​ലനം സിദ്ധിച്ച സൂതി​കർമി​ണി​കൾക്കു കൂടുതൽ അധികാ​രം അനുവ​ദി​ച്ചു കൊടു​ത്ത​തിന്‌ ഇപ്പോൾത്തന്നെ ഫലം കണ്ടു തുടങ്ങി​യി​രി​ക്കു​ന്നു എന്ന്‌ യുനി​സെ​ഫി​ന്റെ ഡോക്ട​റായ ഫ്രാൻസ്‌ ഡോ​നേ​യും ഡബ്ലിയു​എച്ച്‌ഒ-യുടെ ഉപദേ​ശ​ക​യായ ആൻ തോം​പ്‌സ​ണും ഈയടുത്ത കാലത്ത്‌ യുഎൻ റേഡി​യോ​യോട്‌ പറയു​ക​യു​ണ്ടാ​യി. ഉദാഹ​ര​ണ​ത്തിന്‌, പ്രസവ​ത്തി​നു ശേഷം സ്വാഭാ​വി​ക​മാ​യി പുറന്ത​ള്ള​പ്പെ​ടാത്ത മറുപിള്ള നീക്കം ചെയ്യാൻ സൂതി​കർമി​ണി​കൾക്ക്‌ അനുമതി നൽകി​യ​പ്പോൾ പല ആഫ്രിക്കൻ രാജ്യ​ങ്ങ​ളി​ലും മാതൃ​മരണ നിരക്കു കുത്തനെ കുറഞ്ഞ​താ​യി അവർ പറഞ്ഞു. ഇന്തോ​നേ​ഷ്യ​യി​ലും സമാന​മായ അഭിവൃ​ദ്ധി ഉണ്ടായി​ക്കൊ​ണ്ടി​രി​ക്കു​ക​യാണ്‌. അവിടെ ഓരോ ഗ്രാമ​ത്തി​നും രണ്ടു സൂതി​കർമി​ണി​കളെ വീതം പരിശീ​ലി​പ്പി​ക്കാൻ ലക്ഷ്യമി​ട്ടി​രി​ക്കുന്ന ഒരു പദ്ധതി നടപ്പി​ലാ​ക്കി വരിക​യാണ്‌. ഇതുവരെ, ഇവി​ടെ​നി​ന്നു പരിശീ​ലനം സിദ്ധിച്ച 55,000 പേരാണ്‌ ഈ രംഗത്തു തങ്ങളുടെ സേവനം ലഭ്യമാ​ക്കി​ക്കൊ​ണ്ടി​രി​ക്കു​ന്നത്‌.

“വികസിത രാജ്യ​ങ്ങ​ളി​ലും, സൂതി​കർമി​ണി​കളെ ഉപയോ​ഗി​ക്കുന്ന ഈ രീതി നിലവി​ലുണ്ട്‌,” എന്ന്‌ യുഎൻ റേഡി​യോ പരിപാ​ടി​യായ പെർസ്‌പെ​ക്ടിവ കുറി​ക്കൊ​ള്ളു​ക​യു​ണ്ടാ​യി. ഫ്രാൻസ്‌, നെതർലൻഡ്‌സ്‌, സ്വീഡൻ, യു​ണൈ​റ്റഡ്‌ കിങ്‌ഡം എന്നീ രാജ്യങ്ങൾ ഈ പരമ്പരാ​ഗത രീതി ഉപേക്ഷി​ച്ചതേ ഇല്ല. ഐക്യ​നാ​ടു​ക​ളി​ലാ​കട്ടെ, ഇതു വീണ്ടും പ്രാബ​ല്യ​ത്തിൽ വന്നു​കൊ​ണ്ടി​രി​ക്കു​ക​യാണ്‌. ഈ രാജ്യങ്ങൾ സൂതി​കർമി​ണി​ക​ളു​ടെ പ്രാധാ​ന്യം ശരിക്കും മനസ്സി​ലാ​ക്കു​ന്നു എന്നു പരിശീ​ലനം സിദ്ധിച്ച ഒരു സൂതി​കർമി​ണി​യും കൂടി​യായ ആൻ തോം​പ്‌സൺ പറഞ്ഞു. കാരണം, ഇതു മുഖാ​ന്തരം സ്‌ത്രീ​കൾക്കു വ്യക്തി​പ​ര​മായ അടിസ്ഥാ​ന​ത്തിൽ തുടർച്ച​യായ പരിച​രണം ലഭിക്കു​ന്നു. “പ്രസവം പൂർത്തി​യാ​കാൻ 24 മണിക്കൂർ വരെ എടു​ത്തെന്നു വന്നേക്കാം, പക്ഷേ ആ 24 മണിക്കൂ​റും വെറുതെ കാത്തി​രു​ന്നു കളയാൻ ഡോക്ടർമാർക്കു നേരമില്ല.” എന്നുവ​രി​കി​ലും, സുരക്ഷി​ത​മായ പ്രസവ​ത്തി​ലേക്കു നയിക്കുന്ന ഒരു ഘടകം “സഹാനു​ഭൂ​തി പ്രകട​മാ​ക്കുന്ന, നല്ല അറിവും മനസ്സി​ലാ​ക്കാൻ പ്രാപ്‌തി​യു​മുള്ള, സ്‌ത്രീ​ക്കു സാന്ത്വ​ന​മേ​കാൻ കഴിവുള്ള ഒരാളു​ടെ സാന്നി​ധ്യ​മാണ്‌” എന്നും അവർ കൂട്ടി​ച്ചേർത്തു.

“കേവലം ഒരു കുടും​ബാം​ഗ​ത്തി​ന്റെ​യോ യാതൊ​രു പരിശീ​ല​ന​വും ലഭിക്കാത്ത ഒരു പരമ്പരാ​ഗത പ്രസവ​ശു​ശ്രൂ​ഷ​ക​യു​ടെ​യോ അല്ലെങ്കിൽ ആരു​ടെ​യും സഹായ​മി​ല്ലാ​തെ​യോ ആണ്‌ പ്രതി​വർഷം ആറു കോടി പ്രസവങ്ങൾ നടക്കു​ന്നത്‌” എന്നു പെർസ്‌പെ​ക്ടിവ കൂട്ടി​ച്ചേർക്കു​ന്നു. ഇതിന്‌ ഒരു മാറ്റം വരുത്താൻ യുഎൻ കിണഞ്ഞു പരി​ശ്ര​മി​ച്ചു കൊണ്ടി​രി​ക്കു​ക​യാണ്‌. ഒരു തുടക്ക​മെന്ന നിലയിൽ ഡബ്ലിയു​എച്ച്‌ഒ-യുടെ 1998-ലെ ലോകാ​രോ​ഗ്യ​ദി​നം “സുരക്ഷിത മാതൃ​ത്വം” എന്ന വിഷയ​ത്തിൽ ആണ്‌ കേന്ദ്രീ​ക​രി​ച്ചി​രു​ന്നത്‌. “അടുത്ത രണ്ടോ മൂന്നോ വർഷങ്ങൾകൊ​ണ്ടൊ​ന്നും ഇതു നേടി​യെ​ടു​ക്കുക സാധ്യമല്ല എന്നു ഞങ്ങൾക്ക്‌ അറിയാം,” ഡോ. ഡോനേ പറഞ്ഞു. എന്നിരു​ന്നാ​ലും, അവരുടെ ലക്ഷ്യം “പ്രസവ​സ​മ​യത്ത്‌ ഓരോ സ്‌ത്രീ​ക്കും ഒരു വിദഗ്‌ധ പ്രസവ​ശു​ശ്രൂ​ഷക/കൻ വീതം ഉണ്ടായി​രി​ക്കുക” എന്നതാണ്‌.

[31-ാം പേജിലെ ചിത്ര​ത്തിന്‌ കടപ്പാട്‌]

UN/J. Isaac