ദൈവത്തെ പ്രസാ​ദി​പ്പി​ക്കാൻ നിങ്ങൾ ആഗ്രഹി​ക്കു​ന്നു​വോ?

നിങ്ങളു​ടെ ആത്മീയ ആവശ്യം സംബന്ധി​ച്ചു നിങ്ങൾ ബോധ​വാ​നാ​ണോ? ഭൗതിക മൂല്യ​ങ്ങൾക്കു മാത്രം വിലയു​ള്ള​താ​യി കാണ​പ്പെ​ടുന്ന ഒരു ലോക​ത്തിൽ എന്തോ കുറവു​ള്ള​താ​യി നിങ്ങൾക്കു തോന്നു​ന്നു​വോ? ദൈവത്തെ അറിയാ​നും അവനു​മാ​യി ഒരു ഉറ്റബന്ധം ഉണ്ടായി​രി​ക്കാ​നും നിങ്ങൾ ആഗ്രഹി​ക്കു​ന്നു​വോ?

‘ഉവ്വ്‌, എന്നാൽ എനിക്ക്‌ അത്‌ എങ്ങനെ സാധി​ക്കും? ബൈബിൾ വായിച്ചു മനസ്സി​ലാ​ക്കാൻ ബുദ്ധി​മു​ട്ടല്ലേ?’ എന്നു നിങ്ങൾ പറഞ്ഞേ​ക്കാം. ഒരുപക്ഷേ, സാമ്പത്തിക ബുദ്ധി​മു​ട്ടു നിമിത്തം ചില ആളുകൾക്കു തീരെ കുറച്ചു സ്‌കൂൾ വിദ്യാ​ഭ്യാ​സമേ ലഭിച്ചി​ട്ടു​ള്ളൂ, അതു​കൊണ്ട്‌ അവർക്കു കാര്യങ്ങൾ വായിച്ചു മനസ്സി​ലാ​ക്കാൻ ബുദ്ധി​മു​ട്ടാ​യി​രു​ന്നേ​ക്കാം. ദൈവ​ത്തെ​ക്കു​റി​ച്ചും നിത്യ​ജീ​വനു വേണ്ടി​യുള്ള അവന്റെ നിബന്ധ​ന​ക​ളെ​ക്കു​റി​ച്ചും അറിയാൻ അവരെ എങ്ങനെ സഹായി​ക്കാൻ കഴിയും?

1996-ൽ വാച്ച്‌ ടവർ സൊ​സൈറ്റി ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക പ്രകാ​ശനം ചെയ്‌തു. അത്‌ ഇപ്പോൾ 211 ഭാഷക​ളിൽ ലഭ്യമാണ്‌. ദൈവം ആരാണ്‌? യേശു​ക്രി​സ്‌തു ആരാണ്‌? ഭൂമി​യെ​സം​ബ​ന്ധിച്ച ദൈവ​ത്തി​ന്റെ ഉദ്ദേശ്യം എന്താണ്‌? നിങ്ങൾക്കു സത്യമതം എങ്ങനെ കണ്ടെത്താം? തുടങ്ങിയ ചോദ്യ​ങ്ങൾക്കുള്ള ബൈബി​ളി​ന്റെ ലളിത​മായ ഉത്തരങ്ങൾ ഉൾക്കൊ​ള്ളുന്ന 16 പാഠങ്ങൾ അടങ്ങുന്ന 32 പേജുള്ള ഒരു ചതുർ വർണ ലഘുപ​ത്രിക ആണ്‌ അത്‌. കൂടാതെ നമുക്ക്‌ പ്രാർഥ​ന​യിൽ ദൈവ​ത്തോട്‌ എങ്ങനെ അടുക്കാൻ കഴിയു​മെ​ന്നും ദൈവ​ത്തി​നു പ്രസാ​ദ​ക​ര​മായ കുടും​ബ​ജീ​വി​തം എങ്ങനെ നയിക്കാൻ കഴിയു​മെ​ന്നും ആ ലഘുപ​ത്രിക വിവരി​ക്കു​ന്നു.

ഈ ലഘുപ​ത്രി​ക​യു​ടെ ഒരു പ്രതി ഉണ്ടായി​രി​ക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ ഒപ്പം കൊടു​ത്തി​രി​ക്കുന്ന കൂപ്പൺ പൂരി​പ്പിച്ച്‌ അയയ്‌ക്കുക.

□ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യു​ടെ ഒരു പ്രതി എനിക്ക്‌ അയച്ചു തരിക.

□ സൗജന്യ ഭവന ബൈബിൾ അധ്യയ​ന​ത്തിന്‌ ഞാൻ താത്‌പ​ര്യ​പ്പെ​ടു​ന്നു. എന്റെ വിലാസം: