എല്ലാവ​രും അന്യോ​ന്യം സ്‌നേ​ഹി​ക്കു​മ്പോൾ

യേശു​ക്രി​സ്‌തു തന്റെ ഗിരി​പ്ര​ഭാ​ഷ​ണ​ത്തിൽ എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലത്തി​ലേക്കു വിരൽ ചൂണ്ടി. 37-ാം സങ്കീർത്ത​ന​ത്തിൽ നിന്ന്‌ ഉദ്ധരി​ച്ചു​കൊണ്ട്‌ അവൻ ഇങ്ങനെ തുടങ്ങി: “സൌമ്യ​ത​യു​ള്ളവർ ഭാഗ്യ​വാ​ന്മാർ; അവർ ഭൂമിയെ അവകാ​ശ​മാ​ക്കും.” ഈ അത്ഭുത​ക​ര​മായ അവസ്ഥ എങ്ങനെ യാഥാർഥ്യ​മാ​കും എന്നും ആ ബൈബിൾ സങ്കീർത്തനം വിശദീ​ക​രി​ക്കു​ന്നു. അതിങ്ങനെ പറയുന്നു: “ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും; യഹോ​വയെ പ്രത്യാ​ശി​ക്കു​ന്ന​വ​രോ ഭൂമിയെ കൈവ​ശ​മാ​ക്കും.”—മത്തായി 5:5; സങ്കീർത്തനം 37:9.

അത്‌ എന്തൊരു അത്ഭുത​ക​ര​മായ മാറ്റം ആയിരി​ക്കും—ദുഷ്‌പ്ര​വൃ​ത്തി​ക്കാർ എല്ലാവ​രും ഭൂമി​യിൽനി​ന്നു നീക്കം ചെയ്യ​പ്പെ​ടും, അന്യോ​ന്യം സ്‌നേ​ഹി​ക്കു​ന്നവർ മാത്രം അവശേ​ഷി​ക്കും! അത്‌ എങ്ങനെ സംഭവി​ക്കും? വിഖ്യാ​ത​മായ ആ ഗിരി​പ്ര​ഭാ​ഷ​ണ​ത്തിൽ നമ്മെ ഇങ്ങനെ പ്രാർഥി​ക്കാൻ പഠിപ്പി​ക്കവേ യേശു അതിന്‌ ഉത്തരം നൽകി: “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.” (മത്തായി 6:10) ദൈവ​ത്തി​ന്റെ ഇഷ്ടം നടപ്പാ​കു​ന്നത്‌ എവിടെ ആണെന്ന്‌ ശ്രദ്ധി​ക്കുക. സ്വർഗ​ത്തിൽ മാത്രമല്ല. “നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണം എന്നു ഞങ്ങൾ പ്രാർഥി​ക്കു​ന്നു” എന്ന്‌ ക്രിസ്‌തീയ ശതാബ്ദ​ത്തി​ലെ ഒരു ലേഖനം ഊന്നി​പ്പ​റഞ്ഞു.

അങ്ങനെ​യെ​ങ്കിൽ, യേശു പ്രാർഥി​ക്കാൻ പഠിപ്പിച്ച ആ ദൈവ​രാ​ജ്യം എന്താണ്‌? അത്‌ വ്യക്തമാ​യും സ്വർഗ​ത്തിൽനി​ന്നു ഭരണം നടത്തുന്ന ഒരു യഥാർഥ ഗവൺമെ​ന്റാണ്‌. അതു​കൊ​ണ്ടാണ്‌ അതിനെ “സ്വർഗ്ഗ​രാ​ജ്യം” എന്നു വിളി​ച്ചി​രി​ക്കു​ന്നത്‌. (മത്തായി 10:7) ഈ രാജ്യ​ത്തി​ന്റെ അഥവാ ഗവൺമെ​ന്റി​ന്റെ നിയമിത ഭരണാ​ധി​കാ​രി ദൈവ​പു​ത്ര​നായ യേശു​ക്രി​സ്‌തു ആണ്‌.

യേശു മറിയ​യിൽനി​ന്നു ജനിക്കു​ന്ന​തിന്‌ ദീർഘ​നാൾ മുമ്പ്‌ യഹോ​വ​യു​ടെ പ്രവാ​ച​ക​നായ യെശയ്യാവ്‌ ആ അത്ഭുത​ക​ര​മായ സംഭവ​ത്തെ​യും തുടർന്ന്‌ എന്തു സംഭവി​ക്കും എന്നതി​നെ​യും കുറിച്ച്‌ മുൻകൂ​ട്ടി പറഞ്ഞു: “നമുക്കു ഒരു ശിശു ജനിച്ചി​രി​ക്കു​ന്നു; നമുക്കു ഒരു മകൻ നല്‌ക​പ്പെ​ട്ടി​രി​ക്കു​ന്നു; ആധിപ​ത്യം അവന്റെ തോളിൽ ഇരിക്കും; അവന്നു അത്ഭുത​മ​ന്ത്രി, വീരനാം ദൈവം, നിത്യ​പി​താ​വു, സമാധാന പ്രഭു എന്നു പേർ വിളി​ക്ക​പ്പെ​ടും. അവന്റെ ആധിപ​ത്യ​ത്തി​ന്റെ വർദ്ധ​നെ​ക്കും സമാധാ​ന​ത്തി​ന്നും അവസാനം ഉണ്ടാക​യില്ല.” (യെശയ്യാ​വു 9:6, 7) മരണത്തി​നും പുനരു​ത്ഥാ​ന​ത്തി​നും ശേഷം യേശു, രാജാ​വാ​യി ഭരണം ആരംഭി​ക്കു​ന്ന​തി​നുള്ള കൽപ്പന​യും പ്രതീ​ക്ഷി​ച്ചു​കൊണ്ട്‌ സ്വർഗ​ത്തിൽ പിതാ​വി​നോ​ടു കൂടെ ഇരുന്നു.—സങ്കീർത്തനം 110:1, 2; എബ്രായർ 10:12, 13, പി.ഒ.സി. ബൈ.; വെളി​പ്പാ​ടു 11:15.

അപ്പോൾ, വിദ്വേ​ഷ​പൂർണ​മായ ഈ ലോക​ത്തിന്‌ ഒടുവിൽ എന്തു സംഭവി​ക്കും? ആ ചോദ്യ​ത്തി​നുള്ള ബൈബി​ളി​ന്റെ മറുപടി ശ്രദ്ധി​ക്കുക. ദൈവ​ത്തി​ന്റെ പ്രവാ​ച​ക​നായ ദാനീ​യേൽ ഇങ്ങനെ മുൻകൂ​ട്ടി​പ്പ​റഞ്ഞു: “ഈ രാജാ​ക്ക​ന്മാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതി​ക്കും ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.”—ദാനീ​യേൽ 2:44.

ഈ ബൈബിൾ പ്രവചനം സ്‌പഷ്ട​മാ​യും മനുഷ്യ​ന്റെ കാര്യാ​ദി​ക​ളിൽ സംഭവി​ക്കാൻ പോകുന്ന ഒരു വലിയ മാറ്റത്തി​ലേക്കു വിരൽ ചൂണ്ടുന്നു. ദൈവ​ത്തി​ന്റെ ഭരണത്തി​നു കീഴ്‌പെ​ടാൻ ശാഠ്യ​പൂർവം വിസമ്മ​തി​ക്കുന്ന മനുഷ്യ​വർഗ ലോകം ഉൾപ്പെ​ടുന്ന ഈ മുഴു വ്യവസ്ഥി​തി​യും ഭൂമി​യിൽനി​ന്നു നീക്കം ചെയ്യ​പ്പെ​ടും! അതിന്റെ സ്ഥാനത്ത്‌ എന്തു വരു​മെന്നു പരിചി​ന്തി​ക്കുക.

നീതി​നി​ഷ്‌ഠ​മായ ഒരു പുതിയ ലോക​ത്തി​ലെ ജീവിതം

ഈ പഴയ ലോകം അവസാ​നി​ക്കു​മ്പോൾ അതിജീ​വകർ ഉണ്ടായി​രി​ക്കും. ബൈബിൾ ഇപ്രകാ​രം വിശദീ​ക​രി​ക്കു​ന്നു: “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.” (1 യോഹ​ന്നാൻ 2:17) അതേ, ദൈ​വേഷ്ടം ചെയ്യു​ന്നവർ ഒരു പുതിയ ലോക​ത്തി​ലേക്ക്‌ അതിജീ​വി​ക്കും, നോഹ​യും അവന്റെ കുടും​ബ​വും തങ്ങളുടെ നാളിലെ ലോകാ​വ​സാ​നത്തെ അതിജീ​വി​ച്ച​തു​പോ​ലെ. അപ്പൊ​സ്‌ത​ല​നായ പത്രൊസ്‌ ഇങ്ങനെ എഴുതി: “നാം [ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമി​ക്കു​മാ​യി​ട്ടു കാത്തി​രി​ക്കു​ന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.)—2 പത്രൊസ്‌ 3:5-7, 11-13.

ദൈവ​രാ​ജ്യം എന്ന ഒരേ ഒരു ഗവൺമെന്റു ഭരണം നടത്തുന്ന കാല​ത്തെ​ക്കു​റിച്ച്‌ ബൈബിൾ ഇങ്ങനെ വാഗ്‌ദാ​നം ചെയ്യുന്നു: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” (സങ്കീർത്തനം 37:29) നീതി​മാ​ന്മാർ ശുദ്ധീ​ക​രി​ക്ക​പ്പെട്ട ഒരു ഭൂമി​യിൽ ജീവിതം ആസ്വദി​ക്കും. അത്‌ എത്ര മഹത്തായ സമയം ആയിരി​ക്കും! മുൻ പേജു​ക​ളിൽ ചിത്രീ​ക​രി​ച്ചി​രി​ക്കുന്ന, ബൈബി​ളി​ലെ അനു​ഗ്ര​ഹ​ങ്ങ​ളെ​ക്കു​റി​ച്ചു നിങ്ങൾ ഇതി​നോ​ടകം പരിചി​ന്തി​ച്ചി​ട്ടി​ല്ലെ​ങ്കിൽ ദയവായി അങ്ങനെ ചെയ്യുക.

നമ്മുടെ സ്രഷ്ടാവ്‌ തന്നെ ആരാധി​ക്കു​ന്ന​വ​രു​ടെ പ്രയോ​ജ​ന​ത്തി​നാ​യി അത്തരം അത്ഭുത​ക​ര​മായ സംഗതി​കൾ വാഗ്‌ദാ​നം ചെയ്യുന്നു എന്ന്‌ അറിയു​ന്നത്‌ നിങ്ങളു​ടെ ഹൃദയത്തെ ഊഷ്‌മ​ള​മാ​ക്കു​ന്നി​ല്ലേ? തീർച്ച​യാ​യും, ആദ്യ മനുഷ്യ ദമ്പതി​കളെ സൃഷ്ടി​ക്കു​ക​യും അവരെ ഒരു ഭൗമിക പറുദീ​സ​യിൽ ആക്കി​വെ​ക്കു​ക​യും ചെയ്‌ത​പ്പോ​ഴത്തെ ദൈ​വോ​ദ്ദേ​ശ്യം അതായി​രു​ന്നു! ദൈവം അവരോ​ടു പറഞ്ഞത്‌ എന്താ​ണെന്നു ശ്രദ്ധി​ക്കുക: “നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞു അതിനെ അടക്കി സമു​ദ്ര​ത്തി​ലെ മത്സ്യത്തി​ന്മേ​ലും ആകാശ​ത്തി​ലെ പറവജാ​തി​യി​ന്മേ​ലും സകലഭൂ​ച​ര​ജ​ന്തു​വി​ന്മേ​ലും വാഴു​വിൻ.”—ഉല്‌പത്തി 1:27, 28.

ആദാമി​നും ഹവ്വായ്‌ക്കും കുട്ടികൾ ഉണ്ടാക​ണ​മാ​യി​രു​ന്നു, അവർ മുതിർന്നു വരു​മ്പോൾ ഭൗമിക പറുദീസ സംരക്ഷി​ക്കുക എന്ന ഉല്ലാസ​പ്ര​ദ​മായ വേലയിൽ പങ്കെടു​ക്കു​ക​യും ചെയ്യണ​മാ​യി​രു​ന്നു. മനുഷ്യ കുടും​ബ​ത്തി​ന്റെ അംഗസം​ഖ്യ വർധി​ക്കവേ ഏദെൻ തോട്ട​ത്തി​ന്റെ അതിരു​കൾ വികസി​പ്പി​ക്കു​ന്ന​തി​ലെ സന്തോ​ഷ​ത്തെ​ക്കു​റിച്ച്‌ ഒന്നു ചിന്തി​ക്കുക! വ്യക്തമാ​യും, മുഴു ഭൂമി​യും ഒരു പറുദീസ ആയിത്തീ​രുക എന്നത്‌ ദൈവ​ത്തി​ന്റെ ഉദ്ദേശ്യ​മാ​യി​രു​ന്നു. ആ ഉദ്ദേശ്യം എന്നെങ്കി​ലും നിവൃത്തി ആകുമോ? അത്‌ നിവൃത്തി ആകും എന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. എന്തു​കൊ​ണ്ടെ​ന്നാൽ, ദൈവം​തന്നെ അതു സംബന്ധിച്ച്‌ നമുക്കു വാക്കു തന്നിരി​ക്കു​ന്നു! “ഞാൻ പ്രസ്‌താ​വി​ച്ചി​രി​ക്കു​ന്നു; . . . ഞാൻ അനുഷ്‌ഠി​ക്കും” എന്ന്‌ അവൻ വാഗ്‌ദത്തം ചെയ്യുന്നു.—യെശയ്യാ​വു 46:11; 55:11.

മുൻ പേജു​ക​ളിൽ ചിത്രീ​ക​രി​ച്ചി​രി​ക്കുന്ന പ്രകാരം തിരു​വെ​ഴു​ത്തു​ക​ളിൽ വർണി​ച്ചി​രി​ക്കുന്ന ആ ഭൗമിക പറുദീ​സ​യിൽ എന്നേക്കും ജീവി​ക്കു​ന്നത്‌ നിങ്ങൾ ആസ്വദി​ക്കു​മോ? പ്രതീ​ക്ഷി​ക്കാ​വു​ന്നതു പോലെ, എന്നേക്കും അവിടെ ജീവി​ക്കാൻ എല്ലാവ​രെ​യും അനുവ​ദി​ക്കു​ക​യില്ല. ചില നിബന്ധ​നകൾ പാലി​ക്കേ​ണ്ട​തുണ്ട്‌. അവ എന്തെല്ലാ​മാണ്‌?

എന്നേക്കും ജീവി​ക്കാൻ യോഗ്യത പ്രാപി​ക്കൽ

ഒന്നാമ​താ​യി, ദൈവ​ത്തി​ന്റെ പുതിയ ലോക​ത്തിൽ ജീവി​ക്കു​ന്നവർ ദൈവം നമ്മെ പഠിപ്പി​ക്കു​ന്ന​തു​പോ​ലെ അന്യോ​ന്യം സ്‌നേ​ഹി​ക്കാൻ പഠിക്കണം. ബൈബിൾ ഇങ്ങനെ പറയുന്നു: “പരസ്‌പരം സ്‌നേ​ഹി​ക്ക​ണ​മെന്നു ദൈവം​തന്നെ നിങ്ങളെ പഠിപ്പി​ച്ചി​ട്ടു​ള്ള​താണ്‌.” (1 തെസ്സ​ലൊ​നീ​ക്യർ 4:9, പി.ഒ.സി. ബൈ.) ദൈവം അതു നമ്മെ എങ്ങനെ​യാ​ണു പഠിപ്പി​ക്കു​ന്നത്‌?

മുഖ്യ​മാ​യും തന്റെ ലിഖിത വചനമായ ബൈബി​ളി​ലൂ​ടെ​യാണ്‌ അവൻ അതു നമ്മെ പഠിപ്പി​ക്കു​ന്നത്‌. അതു​കൊണ്ട്‌ എന്നേക്കും ജീവി​ക്കു​ന്ന​തി​നു നാം ബൈബി​ളി​ലെ ദിവ്യ പഠിപ്പി​ക്ക​ലു​കൾ സ്വീക​രി​ക്കേ​ണ്ട​തുണ്ട്‌. പൗരസ്‌ത്യ​ദേ​ശത്തെ ഒരു ബൈബിൾ വിദ്യാർഥി ഇങ്ങനെ പറഞ്ഞു: “ബൈബിൾ വാഗ്‌ദാ​നം ചെയ്യു​ന്ന​തു​പോ​ലെ, എല്ലാ ആളുക​ളും അന്യോ​ന്യം സ്‌നേ​ഹി​ക്കാൻ പഠിച്ചി​രി​ക്കുന്ന കാലത്തി​നാ​യി ഞാൻ നോക്കി​പ്പാർത്തി​രി​ക്കു​ന്നു.”

തന്റെ പിതാ​വി​നോ​ടുള്ള പ്രാർഥ​ന​യിൽ യേശു അനിവാ​ര്യ​മായ ഒരു നിബന്ധന തിരി​ച്ച​റി​യി​ച്ചു. അവൻ പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” (യോഹ​ന്നാൻ 17:3) ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന 32 പേജുള്ള ലഘുപ​ത്രിക ആ അറിവു സമ്പാദി​ക്കു​ന്ന​തി​നു നിങ്ങളെ സഹായി​ക്കും. അതിന്റെ ഒരു പ്രതി ലഭിക്കാൻ 32-ാം പേജിൽ നൽകി​യി​രി​ക്കുന്ന കൂപ്പൺ പൂരി​പ്പിച്ച്‌ Watchtower, H-58 Old Khandala Road, Lonavla 410 401, Mah., India,-യിലേക്കോ 5-ാം പേജിൽ കൊടു​ത്തി​രി​ക്കുന്ന അനു​യോ​ജ്യ​മായ മേൽവി​ലാ​സ​ത്തി​ലോ അയയ്‌ക്കുക.

[8-10 പേജു​ക​ളി​ലെ ചതുരം/ചിത്രങ്ങൾ]

ദൈവം വാഗ്‌ദാ​നം ചെയ്‌തി​രി​ക്കു​ന്നത്‌

അന്യോന്യം സ്‌നേ​ഹി​ക്കുന്ന ഒരു ലോക​വ്യാ​പക സഹോ​ദ​ര​വർഗം

‘ദൈവ​ത്തി​ന്നു മുഖപ​ക്ഷ​മില്ല. ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു.’—പ്രവൃ​ത്തി​കൾ 10:34, 35.

കുറ്റകൃത്യമോ യുദ്ധമോ മേലാൽ ഉണ്ടായി​രി​ക്കു​ക​യില്ല

“ദുഷ്ടന്മാർ ദേശത്തു​നി​ന്നു [“ഭൂമി​യിൽനി​ന്നു,” NW] ഛേദി​ക്ക​പ്പെ​ടും.”—സദൃശ​വാ​ക്യ​ങ്ങൾ 2:22.

“[ദൈവം] ഭൂമി​യു​ടെ അററം​വ​രെ​യും യുദ്ധങ്ങളെ നിർത്തൽചെ​യ്യു​ന്നു.”—സങ്കീർത്തനം 46:9.

ഭക്ഷിക്കാൻ ധാരാളം നല്ല വിഭവങ്ങൾ

“ദേശത്തു [“ഭൂമി​യിൽ,” NW] പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും.”—സങ്കീർത്തനം 72:16.

മനുഷ്യർക്കും മൃഗങ്ങൾക്കും ഇടയിൽ സമാധാ​നം

“ചെന്നായി കുഞ്ഞാ​ടി​നോ​ടു​കൂ​ടെ പാർക്കും; പുള്ളി​പ്പു​ലി കോലാ​ട്ടു​കു​ട്ടി​യോ​ടു​കൂ​ടെ കിടക്കും; . . . ഒരു ചെറിയ കുട്ടി അവയെ നടത്തും.”—യെശയ്യാ​വു 11:6.

രോഗ​വും വാർധ​ക്യ​വും മരണവും നീക്കം​ചെ​യ്യ​പ്പെ​ടും

“[ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:4, 5എ.

മരിച്ച പ്രിയ​പ്പെ​ട്ട​വ​രു​ടെ ഭൗമിക പുനരു​ത്ഥാ​നം

“കല്ലറക​ളിൽ ഉള്ളവർ എല്ലാവ​രും [യേശു​വി​ന്റെ] ശബ്ദം കേട്ടു, . . . പുനരു​ത്ഥാ​നം ചെയ്‌വാ​നുള്ള നാഴിക വരുന്നു.”—യോഹ​ന്നാൻ 5:28, 29.