യുവജ​നങ്ങൾ ചോദി​ക്കു​ന്നു . . .

എനിക്കു ശ്രദ്ധ കേന്ദ്രീ​ക​രി​ക്കാൻ കഴിയാ​ത്തത്‌ എന്തു​കൊണ്ട്‌?

“ചില​പ്പോൾ ഞാനൊ​ന്നും അറിയു​ക​യേ​യില്ല. സഭാ​യോ​ഗ​ത്തിൽ പരിപാ​ടി ശ്രദ്ധി​ച്ചു​കൊ​ണ്ടി​രി​ക്കുക ആയിരി​ക്കും. പെട്ടെന്ന്‌ മനസ്സ്‌ അലഞ്ഞു​തി​രി​യാൻ തുടങ്ങു​ക​യാ​യി. പിന്നെ പത്തു മിനിറ്റു കഴിഞ്ഞാ​യി​രി​ക്കും ഞാൻ വീണ്ടും ശ്രദ്ധി​ക്കു​ന്നത്‌.”—ജെസ്സെ.

“ഇവിടെ ശ്രദ്ധിക്കൂ!” അധ്യാ​പ​ക​രോ മാതാ​പി​താ​ക്ക​ളോ നിങ്ങ​ളോ​ടു കൂടെ​ക്കൂ​ടെ ഇങ്ങനെ പറയാ​റു​ണ്ടോ? ഉണ്ടെങ്കിൽ, കാര്യാ​ദി​ക​ളിൽ മനസ്സു കേന്ദ്രീ​ക​രി​ക്കു​ന്ന​തു​മാ​യി ബന്ധപ്പെട്ട്‌ നിങ്ങൾക്ക്‌ ഒരു പ്രശ്‌നം ഉണ്ടായി​രി​ക്കാം. തത്‌ഫ​ല​മാ​യി നിങ്ങളു​ടെ ഗ്രേഡു കുറഞ്ഞു പോ​യേ​ക്കാം. കൂടാതെ നിങ്ങൾ ലഹരിക്ക്‌ അടിമ​പ്പെ​ട്ട​വ​നോ പരുക്ക​നോ ആണെന്നു തെറ്റി​ദ്ധ​രി​ച്ചു​കൊണ്ട്‌ മറ്റുള്ളവർ നിങ്ങളെ അവഗണി​ച്ചേ​ക്കാം.

കൂടുതൽ പ്രധാ​ന​മാ​യി, ശ്രദ്ധ കേന്ദ്രീ​ക​രി​ക്കാ​നുള്ള കഴിവി​ല്ലായ്‌മ നിങ്ങളു​ടെ ആത്മീയ​തയെ പ്രതി​കൂ​ല​മാ​യി ബാധി​ച്ചേ​ക്കാം. എന്തായാ​ലും ബൈബിൾ ഇപ്രകാ​രം അനുശാ​സി​ക്കു​ന്നു​ണ്ട​ല്ലോ: “നിങ്ങൾ എങ്ങനെ ചെവി​ക്കൊ​ള്ളു​ന്നു എന്നു ശ്രദ്ധി​ക്കുക.” (ലൂക്കൊസ്‌ 8:18, ഓശാന ബൈ.) വാസ്‌ത​വ​ത്തിൽ ആത്മീയ കാര്യാ​ദി​കൾക്കു “സാധാ​ര​ണ​യിൽ കവിഞ്ഞ ശ്രദ്ധ​കൊ​ടു”ക്കാൻ ക്രിസ്‌ത്യാ​നി​ക​ളോ​ടു കൽപ്പി​ച്ചി​രി​ക്കു​ന്നു. (എബ്രായർ 2:1, NW) ശ്രദ്ധ കേന്ദ്രീ​ക​രി​ക്കാൻ ബുദ്ധി​മു​ട്ടു​ണ്ടെ​ങ്കിൽ, മേൽപ്പറഞ്ഞ ബുദ്ധ്യു​പ​ദേശം ചെവി​ക്കൊ​ള്ളുക പ്രയാ​സ​മാ​ണെന്നു നിങ്ങൾ കണ്ടെത്തി​യേ​ക്കാം.

എന്നാൽ, എന്തായി​രി​ക്കാം അതിന്റെ കാരണം? ചില കേസു​ക​ളിൽ, എന്തെങ്കി​ലും ശാരീ​രിക പ്രശ്‌ന​മാ​യി​രി​ക്കാം ശ്രദ്ധ കേന്ദ്രീ​ക​രി​ക്കാൻ സാധി​ക്കാ​തെ വരുന്ന​തി​നു കാരണം. ഉദാഹ​ര​ണ​ത്തിന്‌, ശ്രദ്ധക്കു​റവു നിമി​ത്ത​മുള്ള ക്രമ​ക്കേട്‌ നാഡീ​സം​ജ്ഞ​കളെ പ്രേഷണം ചെയ്യുന്ന മസ്‌തിഷ്‌ക സംവി​ധാ​ന​ങ്ങളെ പ്രതി​കൂ​ല​മാ​യി ബാധി​ക്കു​ന്നെന്നു ചില ഗവേഷകർ കരുതു​ന്നു.a ശ്രവണ വൈക​ല്യം, കാഴ്‌ച​ക്കു​റവ്‌ എന്നിങ്ങനെ തിരി​ച്ച​റി​ഞ്ഞി​ട്ടി​ല്ലാത്ത പ്രശ്‌നങ്ങൾ ചില യുവജ​ന​ങ്ങൾക്കുണ്ട്‌. ശ്രദ്ധ കേന്ദ്രീ​ക​രി​ക്കാ​നുള്ള ഒരുവന്റെ പ്രാപ്‌തി​യെ ഇവയും തടസ്സ​പ്പെ​ടു​ത്തി​യേ​ക്കാം. ശ്രദ്ധ കേന്ദ്രീ​ക​രി​ക്കു​ന്ന​തിൽ പൊതു​വേ മുതിർന്ന​വ​രെ​ക്കാൾ ബുദ്ധി​മു​ട്ടു​ള്ളതു യുവജ​ന​ങ്ങൾക്കാ​ണെന്നു ഗവേഷകർ കണ്ടെത്തി​യി​രി​ക്കു​ന്നു. തന്മൂലം, വൈദ്യ​സം​ബ​ന്ധ​മായ ക്രമ​ക്കേ​ടു​കൾ ഒന്നുമി​ല്ലെ​ങ്കിൽപോ​ലും, ശ്രദ്ധാ​വി​മു​ഖത യുവജ​ന​ങ്ങ​ളിൽ സാധാ​ര​ണ​മാണ്‌.

മാറുന്ന ചിന്താ​രീ​തി​കൾ

ശ്രദ്ധ കേന്ദ്രീ​ക​രി​ക്കു​ന്നതു ബുദ്ധി​മു​ട്ടാ​യി നിങ്ങൾക്ക്‌ അനുഭ​വ​പ്പെ​ടു​ന്നു എങ്കിൽ, അതു വളർച്ച​യു​ടെ പരിണത ഫലങ്ങളാ​കാ​നാണ്‌ കൂടുതൽ സാധ്യത. അപ്പോ​സ്‌ത​ല​നായ പൗലൊസ്‌ എഴുതി: “ഞാൻ ശിശു​വാ​യി​രു​ന്ന​പ്പോൾ ശിശു​വി​നെ​പ്പോ​ലെ സംസാ​രി​ച്ചു, ശിശു​വി​നെ​പ്പോ​ലെ ചിന്തിച്ചു, ശിശു​വി​നെ​പ്പോ​ലെ നിരൂ​പി​ച്ചു; പുരു​ഷ​നായ ശേഷമോ ഞാൻ ശിശു​വി​ന്നു​ള്ളതു ത്യജി​ച്ചു​ക​ളഞ്ഞു.” (1 കൊരി​ന്ത്യർ 13:11) അതേ, പ്രായ​പൂർത്തി​യി​ലേക്കു വളരവേ, നിങ്ങളു​ടെ ചിന്താ​രീ​തി​കൾക്കു മാറ്റം വരുന്നു. കൗമാരം തളിർക്കു​മ്പോൾ (ഇംഗ്ലീഷ്‌) എന്ന പുസ്‌തകം പറയു​ന്നത്‌ അനുസ​രിച്ച്‌, “പുത്തൻ ചിന്താ​പ്രാ​പ്‌തി​കൾ . . . കൗമാര പ്രായ​ത്തി​ന്റെ ആരംഭ​ത്തിൽ ഉളവാ​കു​ന്നു.” അമൂർത്ത ആശയങ്ങ​ളും സങ്കൽപ്പ​ങ്ങ​ളും ഗ്രഹി​ക്കാ​നും അപഗ്ര​ഥി​ക്കാ​നു​മുള്ള പ്രാപ്‌തി നിങ്ങൾ വികസി​പ്പി​ച്ചെ​ടു​ക്കു​ന്നു. സാന്മാർഗി​ക​വും സദാചാ​ര​പ​ര​വു​മായ മറ്റു വിഷയ​ങ്ങ​ളി​ലുള്ള നിങ്ങളു​ടെ ഗ്രാഹ്യം കൂടുതൽ ആഴമു​ള്ള​താ​കു​ന്നു. മുതിർന്ന​വ​രെ​പ്പോ​ലെ സ്വന്തം ഭാവി സംബന്ധി​ച്ചു നിങ്ങൾ ചിന്തിച്ചു തുടങ്ങു​ന്നു.

അതു​കൊ​ണ്ടുള്ള പ്രശ്‌ന​മെ​ന്താണ്‌? നിങ്ങളു​ടെ മസ്‌തി​ഷ്‌ക​ത്തിൽ ഊറ്റം കൊള്ളുന്ന ഈ പുതിയ ചിന്തക​ളും ആശയങ്ങ​ളും സങ്കൽപ്പ​ങ്ങ​ളു​മൊ​ക്കെ അങ്ങേയറ്റം ശ്രദ്ധാ​ശൈ​ഥി​ല്യ​ത്തി​നു കാരണ​മാ​യേ​ക്കാം. ഒരു കുട്ടി​യു​ടേ​തായ ലളിത​വും അടിസ്ഥാ​ന​വു​മായ തലത്തിലല്ല നിങ്ങൾ മേലാൽ ചിന്തി​ക്കു​ന്നത്‌. കാണു​ന്ന​തും കേൾക്കു​ന്ന​തു​മായ കാര്യങ്ങൾ അപഗ്ര​ഥി​ക്കാ​നും ചോദ്യം ചെയ്യാ​നും നിങ്ങളു​ടെ മസ്‌തി​ഷ്‌കം ഇപ്പോൾ പ്രേര​ണ​യേ​കു​ന്നു. ഒരു അധ്യാ​പ​ക​നോ ലെക്‌ച​റ​റോ പറയുന്ന സംഗതി​കൾ അതി​നോ​ടു ബന്ധപ്പെട്ട കാര്യ​ങ്ങ​ളിൽ മനസ്സ്‌ അലഞ്ഞു തിരി​യു​ന്ന​തിന്‌ ഇടയാ​ക്കി​യേ​ക്കാം. എന്നാൽ, അതിനു കടിഞ്ഞാ​ണി​ടു​ന്നി​ല്ലെ​ങ്കിൽ, വില​യേ​റിയ വിവരങ്ങൾ നിങ്ങൾക്കു നഷ്ടമാ​യേ​ക്കാം. രസകര​മെന്നു പറയട്ടെ, നീതി​മാ​നായ യിസ്‌ഹാക്ക്‌ ശാന്തമാ​യി ധ്യാനി​ക്കാ​നാ​യി സമയം ചെലവ​ഴി​ച്ചെന്ന്‌ ബൈബിൾ പറയുന്നു. (ഉല്‌പത്തി 24:63) വിശ്ര​മി​ക്കാ​നും ധ്യാനി​ക്കാ​നും കാര്യാ​ദി​കൾ അവലോ​കനം ചെയ്യാ​നു​മൊ​ക്കെ​യാ​യി ഓരോ ദിവസ​വും കുറച്ചു സമയം മാറ്റി​വെ​ക്കു​ന്നതു മറ്റു സന്ദർഭ​ങ്ങ​ളിൽ കൂടുതൽ ശ്രദ്ധ കേന്ദ്രീ​ക​രി​ക്കാൻ സഹായി​ച്ചേ​ക്കും.

വികാ​ര​ങ്ങ​ളും ഹോർമോ​ണു​ക​ളും

നിങ്ങളു​ടെ വികാ​ര​ങ്ങ​ളും ശ്രദ്ധാ​ശൈ​ഥി​ല്യ​ത്തി​നു കാരണ​മാ​യേ​ക്കാം. കേൾക്കു​ക​യോ വായി​ക്കു​ക​യോ ചെയ്യുന്ന കാര്യാ​ദി​ക​ളിൽ ശ്രദ്ധ കേന്ദ്രീ​ക​രി​ക്കാൻ ശ്രമി​ക്കു​മ്പോൾ, മറ്റു കാര്യ​ങ്ങളെ കുറിച്ച്‌ ചിന്തി​ക്കു​ന്ന​താ​യി നിങ്ങൾ കണ്ടെത്തി​യേ​ക്കാം. നിങ്ങൾക്കു മുഷി​ച്ചി​ലും ആവേശ​വും, വിഷാ​ദ​വും ആഹ്ലാദ​വും അനുഭ​വ​പ്പെ​ട്ടേ​ക്കാം. എന്നാൽ പരി​ഭ്ര​മി​ക്കേണ്ട! നിങ്ങൾക്കു കുഴപ്പ​മൊ​ന്നു​മില്ല. സർവ സാധ്യ​ത​യു​മ​നു​സ​രിച്ച്‌, ഇത്‌ നിങ്ങളു​ടെ ഹോർമോ​ണു​ക​ളു​ടെ പ്രവർത്ത​ന​മാണ്‌. നിങ്ങൾ താരു​ണ്യ​ത്തി​ന്റെ മാറ്റങ്ങൾ അനുഭ​വി​ക്കു​ക​യാണ്‌.

കാത്തീ മകോ​യി​യും ചാൾസ്‌ വിബിൾസ്‌മെ​നും എഴുതു​ന്നു: “കൗമാര പ്രായ​ത്തിൽ വികാ​ര​വേ​ലി​യേറ്റം ഉണ്ടാകു​ന്നു . . . ഈ വികാ​ര​വ്യ​തി​യാ​നം ഒരള​വോ​ളം കൗമാ​ര​പ്രാ​യ​ത്തി​ന്റെ ഭാഗമാണ്‌. നിങ്ങൾ ഇപ്പോൾ അനുഭ​വി​ക്കുന്ന മാറ്റങ്ങ​ളു​ടെ ഫലമാ​യു​ണ്ടാ​കുന്ന സമ്മർദ​വും ഒരള​വോ​ളം ഇതിനു കാരണ​മാ​കു​ന്നു.” കൂടാതെ, ലൈം​ഗിക അഭിനി​വേശം അതിന്റെ മൂർധ​ന്യ​ത്തി​ലെ​ത്തുന്ന “നവയൗവന”ത്തിലേക്കു നിങ്ങൾ കാൽ ഊന്നു​ക​യു​മാണ്‌. (1 കൊരി​ന്ത്യർ 7:36, NW) എഴുത്തു​കാ​രി​യായ രൂത്ത്‌ ബെൽ അഭി​പ്രാ​യ​പ്പെ​ടു​ന്നു: “താരു​ണ്യ​ത്തിൽ ശരീര​ത്തി​നു​ണ്ടാ​കുന്ന മാറ്റങ്ങൾ മിക്ക​പ്പോ​ഴും തീവ്ര​മായ ലൈം​ഗിക വികാ​രങ്ങൾ ജനിപ്പി​ക്കു​ന്നു. നിങ്ങൾ ലൈം​ഗി​ക​തയെ കുറിച്ചു വളരെ ചിന്തി​ക്കു​ക​യും എളുപ്പം ലൈം​ഗി​ക​മാ​യി ഉത്തേജി​ത​നാ​കു​ക​യും ചെയ്‌തേ​ക്കാം. ചില​പ്പോൾ ലൈം​ഗിക കാര്യ​ത്തിൽ മനസ്സു വ്യാപ​രി​ക്കു​ന്നു എന്നു വരാം.”b

ലേഖന​ത്തി​ന്റെ ആരംഭ​ത്തിൽ പരാമർശിച്ച ജെസ്സെ കൗമാ​ര​പ്രാ​യ​ക്കാ​രു​ടെ ഇടയിൽ വളരെ സാധാ​ര​ണ​മായ മാനസിക അലഞ്ഞു​തി​രി​യൽ അനുഭ​വി​ക്കു​ന്നു. അവൻ പറയുന്നു: “ചില​പ്പോൾ ഞാൻ പെൺകു​ട്ടി​കളെ കുറി​ച്ചോ എനിക്കുള്ള പ്രശ്‌ന​ങ്ങളെ കുറി​ച്ചോ പിന്നീട്‌ ഞാൻ എന്തു ചെയ്യു​മെ​ന്നോ ഒക്കെ ചിന്തി​ക്കു​ന്നു.” ഒടുവിൽ, വികാര തിരത്തള്ളൽ ശമിക്കും. അതിനി​ട​യിൽ ആത്മശി​ക്ഷ​ണ​ത്തി​നാ​യി പ്രയത്‌നി​ക്കുക. അപ്പോ​സ്‌ത​ല​നായ പൗലൊസ്‌ എഴുതി: “എന്റെ ശരീരത്തെ ദണ്ഡിപ്പി​ച്ചു അടിമ​യാ​ക്കു​ക​യ​ത്രേ ചെയ്യു​ന്നതു.” (1 കൊരി​ന്ത്യർ 9:27) വികാ​ര​ങ്ങൾക്കു കടിഞ്ഞാ​ണി​ടാൻ പഠിക്കു​ന്ന​തി​ന​നു​സ​രിച്ച്‌ ശ്രദ്ധ കേന്ദ്രീ​ക​രി​ക്കാ​നും നിങ്ങൾക്കു സാധി​ക്കും.

നിങ്ങളു​ടെ ഉറക്കശീ​ല​ങ്ങൾ

ശാരീ​രി​ക​മാ​യി വളരു​ന്ന​തി​നും ഓരോ ദിവസ​വും മനസ്സി​ലാ​ക്കുന്ന ധാരാളം പുതിയ സങ്കൽപ്പ​ങ്ങ​ളും വികാ​ര​ങ്ങ​ളും വിശക​ലനം ചെയ്യാൻ മസ്‌തി​ഷ്‌കത്തെ അനുവ​ദി​ക്കു​ന്ന​തി​നും നിങ്ങൾക്കു വേണ്ടത്ര ഉറക്കം ആവശ്യ​മാണ്‌. എന്നിരു​ന്നാ​ലും, മിക്ക യുവജ​ന​ങ്ങ​ളു​ടെ​യും പട്ടിക​യിൽ ഉറക്കസ​മയം വളരെ കുറവാണ്‌. ഒരു നാഡീ​ശാ​സ്‌ത്രജ്ഞൻ അഭി​പ്രാ​യ​പ്പെ​ടു​ന്നു: “ഒരുവൻ തന്റെ ശരീര​ത്തോട്‌ എത്ര മണിക്കൂർ ഉറക്കം കടപ്പെ​ട്ടി​രി​ക്കു​ന്നു​വോ ശരീരം അതൊ​രി​ക്ക​ലും മറക്കു​ക​യില്ല. നേരേ​മ​റിച്ച്‌, അത്‌ എപ്പോ​ഴും ഓർത്തി​രി​ക്കു​ക​യും പെട്ടെന്ന്‌ ഓർമ​നഷ്ടം, ശ്രദ്ധ കേന്ദ്രീ​ക​രി​ക്കു​ന്ന​തി​ലുള്ള ബുദ്ധി​മു​ട്ടു​കൾ, മന്ദമായ ചിന്താ​പ്രാ​പ്‌തി എന്നീ രൂപത്തിൽ അതിന്റെ ബില്ല്‌ അവതരി​പ്പി​ക്കു​ക​യും ചെയ്യും.”

ഓരോ ദിവസ​വും സാധാരണ ഉറങ്ങു​ന്ന​തി​നെ​ക്കാൾ ഒന്നോ അതില​ധി​ക​മോ മണിക്കൂർ കൂടുതൽ ഉറങ്ങു​ന്ന​തി​നാൽ, ശ്രദ്ധ കേന്ദ്രീ​ക​രി​ക്കാ​നുള്ള പ്രാപ്‌തി വളരെ വർധി​പ്പി​ക്കാ​നാ​കും എന്നു ചില ഗവേഷകർ കരുതു​ന്നു. ആലസ്യ​ത്തെ​യും നിദ്രാ​പ്രി​യ​ത്തെ​യും ബൈബിൾ കുറ്റം​വി​ധി​ക്കു​ന്നു എന്നതു ശരിതന്നെ. (സദൃശ​വാ​ക്യ​ങ്ങൾ 20:13) എന്നുവ​രി​കി​ലും, ഫലപ്ര​ദ​മാ​യി പ്രവർത്തി​ക്കു​ന്ന​തിന്‌ വേണ്ടത്ര വിശ്രമം എടുക്കു​ന്നത്‌ തികച്ചും ഉചിത​മാണ്‌.—സഭാ​പ്ര​സം​ഗി 4:6.

ഭക്ഷണ​ക്ര​മ​വും ശ്രദ്ധ കേന്ദ്രീ​ക​രി​ക്ക​ലും

ഭക്ഷണ​ക്രമം ആയിരി​ക്കാം മറ്റൊരു പ്രശ്‌നം. കൊഴു​പ്പും മധുര​വും നിറഞ്ഞ ഭക്ഷണം യുവജ​ന​ങ്ങ​ളു​ടെ ഇടയിൽ പ്രിയ​ങ്ക​ര​മാണ്‌. പോഷക രഹിത​മായ ഇത്തരം ഭക്ഷണം വളരെ രുചി​കരം ആയിരി​ക്കാ​മെ​ങ്കി​ലും അത്‌ മാനസിക ഉത്തേജ​നത്തെ മന്ദീഭ​വി​പ്പി​ക്കു​ന്ന​താ​യി ഗവേഷകർ അഭി​പ്രാ​യ​പ്പെ​ടു​ന്നു. അതു​പോ​ലെ​തന്നെ ബ്രെഡ്‌, സിറീയൽ, ചോറ്‌, പാസ്റ്റ തുടങ്ങിയ ധാന്യ ഭക്ഷണങ്ങൾ കഴിച്ച​തി​നു ശേഷവും മാനസിക കാര്യ​ക്ഷമത മന്ദീഭ​വി​ക്കു​ന്ന​താ​യി പഠനങ്ങൾ സൂചി​പ്പി​ക്കു​ന്നു. ധാന്യകം മസ്‌തി​ഷ്‌ക​ത്തിൽ സെറ​ട്ടോ​ണിൻ എന്ന ഒരു രാസവ​സ്‌തു​വി​ന്റെ അളവ്‌ വർധി​പ്പി​ക്കു​ന്ന​താ​യി​രി​ക്കാം ഇതിന്റെ കാരണം. തന്മൂലം ഒരുവൻ ഉറക്കം തൂങ്ങുന്നു. അതു​കൊണ്ട്‌ മാനസിക ഉണർവ്‌ ആവശ്യ​മായ ഏതൊരു പ്രവർത്ത​ന​ത്തി​നും മുമ്പ്‌ മാംസ്യ സമ്പുഷ്ട​മായ ഭക്ഷണം കഴിക്കാൻ ചില പോഷ​കാ​ഹാര വിദഗ്‌ധർ ശുപാർശ ചെയ്യുന്നു.

ടിവി​യു​ടെ​യും കമ്പ്യൂ​ട്ട​റി​ന്റെ​യും തലമുറ

ടിവി​യും അതി​വേഗം വർധിച്ചു കൊണ്ടി​രി​ക്കുന്ന അതിന്റെ പ്രചാ​ര​വും ശ്രദ്ധ കേന്ദ്രീ​ക​രി​ക്കാ​നുള്ള യുവജ​ന​ങ്ങ​ളു​ടെ പ്രാപ്‌തി​യെ കുറയ്‌ക്കു​ന്നെന്നു വിദ്യാ​ഭ്യാ​സ വിചക്ഷണർ വർഷങ്ങ​ളാ​യി മനസ്സി​ലാ​ക്കി വരുന്നു. ഇപ്പോൾ ചിലർക്കു കമ്പ്യൂ​ട്ട​റി​നെ സംബന്ധി​ച്ചും സമാന അഭി​പ്രാ​യ​മുണ്ട്‌. ഈ ആധുനിക സങ്കേതിക വിദ്യകൾ യുവജ​ന​ങ്ങളെ യഥാർഥ​ത്തിൽ എങ്ങനെ​യാ​ണു ബാധി​ക്കു​ന്നത്‌ എന്നതു സംബന്ധിച്ച്‌ വിദഗ്‌ധ​രു​ടെ ഇടയിൽ തർക്കങ്ങൾ നിലനിൽക്കു​ന്നെ​ങ്കി​ലും, ടിവി കാണാ​നോ കമ്പ്യൂട്ടർ കളിക​ളിൽ ഏർപ്പെ​ടാ​നോ വളരെ​യ​ധി​കം സമയം ചെലവ​ഴി​ക്കു​ന്നത്‌ ഒരിക്ക​ലും ആരോ​ഗ്യാ​വ​ഹമല്ല. ഒരു യുവാവ്‌ ഇങ്ങനെ സമ്മതി​ക്കു​ന്നു: “വീഡി​യോ കളികൾ, കമ്പ്യൂട്ടർ, ഇന്റർനെറ്റ്‌ തുടങ്ങി​യവ ആവശ്യ​മു​ള്ളതു പെട്ടെന്ന്‌ ലഭിക്കത്തക്ക വിധത്തിൽ കുട്ടി​ക​ളായ ഞങ്ങളെ പരുവ​പ്പെ​ടു​ത്തു​ന്നു.”

കഠിന പ്രയത്‌നം, സ്ഥിരോ​ത്സാ​ഹം, പഴഞ്ച​നെന്നു കരുത​പ്പെ​ടുന്ന ക്ഷമ എന്നിവ​യി​ലൂ​ടെ മാത്രമേ ജീവി​ത​ത്തിൽ പല സംഗതി​ക​ളും നേടാൻ സാധി​ക്കു​ക​യു​ള്ളൂ എന്നതാണ്‌ പ്രശ്‌നം. (എബ്രായർ 6:12, താരത​മ്യം ചെയ്യുക; യാക്കോബ്‌ 5:7.) അതു​കൊണ്ട്‌ വേഗത്തിൽ നീങ്ങു​ന്ന​തും വിനോ​ദി​പ്പി​ക്കു​ന്ന​തു​മായ കാര്യാ​ദി​ക​ളാണ്‌ മൂല്യ​വ​ത്താ​യ​തെന്നു നിഗമനം ചെയ്യരുത്‌. ടിവി കാണു​ന്ന​തും കമ്പ്യൂട്ടർ കളിക​ളിൽ ഏർപ്പെ​ടു​ന്ന​തും രസകരം ആയിരു​ന്നേ​ക്കാ​മെ​ങ്കി​ലും പെയി​ന്റി​ങ്ങിൽ ഏർപ്പെ​ടു​ക​യോ ചിത്രം വരയ്‌ക്കു​ക​യോ ഒരു സംഗീ​തോ​പ​ക​രണം വായി​ക്കാൻ പഠിക്കു​ക​യോ ചെയ്യരു​തോ? ഇത്തരം സിദ്ധികൾ നിങ്ങളു​ടെ ശ്രദ്ധാ​പ്രാ​പ്‌തി​യെ വർധി​പ്പി​ച്ചേ​ക്കും.

നിങ്ങളു​ടെ ശ്രദ്ധാ​പ്രാ​പ്‌തി വർധി​പ്പി​ക്കാൻ മറ്റു വഴികൾ ഉണ്ടോ? തീർച്ച​യാ​യും. ഒരു ഭാവി ലക്കം അവയിൽ ചിലതി​ലേക്കു വെളിച്ചം വീശും.

[അടിക്കു​റി​പ്പു​കൾ]

[20-ാം പേജിലെ ആകർഷ​ക​വാ​ക്യം]

പോഷകരഹിതമായ ഭക്ഷണം മാനസിക ഉത്തേജ​നത്തെ മന്ദീഭ​വി​പ്പി​ക്കു​ന്ന​താ​യി ഗവേഷകർ അഭി​പ്രാ​യ​പ്പെ​ടു​ന്നു

[20-ാം പേജിലെ ആകർഷ​ക​വാ​ക്യം]

‘ചില​പ്പോൾ ഞാൻ പെൺകു​ട്ടി​കളെ കുറി​ച്ചോ എനിക്കുള്ള പ്രശ്‌ന​ങ്ങളെ കുറി​ച്ചോ ചിന്തി​ച്ചു​കൊ​ണ്ടി​രി​ക്കു​ന്നു’

[19-ാം പേജിലെ ചിത്രം]

ക്ലാസ്സിൽ ശ്രദ്ധി​ക്കുക പ്രയാ​സ​മാ​ണെന്നു നിങ്ങൾക്കു മിക്ക​പ്പോ​ഴും തോന്നാ​റു​ണ്ടോ?