നിങ്ങൾക്ക്‌ എങ്ങനെ നല്ല ആരോ​ഗ്യം ആസ്വദി​ക്കാം?

ചികി​ത്സാ​വി​ധി​കൾ ജനപ്രീ​തി​യാർജിച്ച ഒരു സംസാ​ര​വി​ഷ​യ​മാണ്‌. എല്ലാവർക്കും തന്നെ ഓരോ രോഗ​ത്തി​നും അവരവർക്ക്‌ ഇഷ്ടപ്പെട്ട ഒരു പ്രതി​വി​ധി കാണും. സ്വയം ചികി​ത്സി​ക്കാ​നുള്ള പ്രേരണ ശക്തമാ​ണെ​ന്നതു മനസ്സി​ലാ​ക്കാ​വു​ന്ന​തേ​യു​ള്ളൂ. അതേസ​മയം “നിർണാ​യക ഘട്ടത്തിൽ മാത്രം ഡോക്‌ട​റു​ടെ സഹായം തേടുന്ന” ആളുക​ളും ഉണ്ട്‌ എന്ന്‌ ബ്രസീ​ലു​കാ​ര​നായ ഒരു ഡോക്‌ടർ പറയുന്നു. “മാസങ്ങ​ളോ​ളം സ്വയം ചികി​ത്സി​ച്ചി​ട്ടും ഭേദമാ​കാത്ത വ്രണങ്ങൾ അവർക്ക്‌ ഉണ്ടായി​രി​ക്കാം. ഒടുവിൽ അവർ ഡോക്‌ടറെ ചെന്നു കാണു​മ്പോൾ തുടക്ക​ത്തിൽ തന്നെ ചികി​ത്സി​ക്കേ​ണ്ടി​യി​രുന്ന ഒരുതരം അർബു​ദ​മാണ്‌ അവരു​ടേ​തെന്ന്‌ കണ്ടെത്ത​പ്പെ​ടു​ന്നു.”

മിക്ക​പ്പോ​ഴും രോഗം നേരത്തേ കണ്ടെത്തി​യാൽ ജീവൻ രക്ഷിക്കാ​നാ​കും. എന്നാൽ പരി​ശോ​ധന നീട്ടി​വെ​ച്ചാൽ അത്‌ ദുരന്ത​ത്തിൽ കലാശി​ച്ചേ​ക്കാം. “30 വയസ്സു​ണ്ടാ​യി​രുന്ന ഒരു സ്‌ത്രീക്ക്‌ മാസമുറ വൈകു​ക​യും അടിവ​യ​റിന്‌ നേരിയ വേദന അനുഭ​വ​പ്പെ​ടു​ക​യും ചെയ്‌തു. അവൾ വേദനാ സംഹാ​രി​ക​ളും പഴുപ്പി​നെ​തി​രെ​യുള്ള മരുന്നും കൂടിയ അളവിൽ കഴിച്ചു, വേദന ശമിച്ചു,” ഒരു ശസ്‌ത്ര​ക്രി​യാ വിദഗ്‌ധൻ പറയുന്നു. “മൂന്നു ദിവസ​ത്തി​നു​ശേഷം അവൾക്കു രക്തവാർച്ച​യെ​ത്തു​ടർന്ന്‌ തളർച്ച ഉണ്ടാകു​ക​യും തത്‌ക്ഷണം ആശുപ​ത്രി​യിൽ കൊണ്ടു​പോ​കേണ്ടി വരിക​യും ചെയ്‌തു. ഉടനടി ഞാൻ അവളെ ശസ്‌ത്ര​ക്രി​യ​യ്‌ക്ക്‌ വിധേ​യ​യാ​ക്കി. അണ്ഡവാ​ഹി​നി​ക്കു​ഴ​ലിൽ ഗർഭധാ​രണം നടന്നതാ​യി​രു​ന്നു കാരണം. തക്കസമ​യത്ത്‌ അവളുടെ ജീവൻ രക്ഷിക്കാൻ കഴിഞ്ഞു!”

സാവൊ പൗലോ​യി​ലുള്ള ഒരു ചെറു​പ്പ​ക്കാ​രി തനിക്ക്‌ രക്തക്കു​റ​വു​ള്ള​താ​യി കരുതി, എന്നാൽ അവളുടെ വൃക്ക ഗുരു​ത​ര​മായ വിധത്തിൽ തകരാ​റി​ലാ​യ​താ​യി​രു​ന്നു കാരണം. ചികിത്സ താമസി​പ്പി​ച്ച​തു​കൊണ്ട്‌ വൃക്ക മാറ്റി​വെക്കൽ മാത്ര​മാ​യി​രു​ന്നു സാധ്യ​മായ പരിഹാ​രം. അവളുടെ ഡോക്‌ടർ ഇങ്ങനെ ഉപസം​ഹ​രി​ക്കു​ന്നു: “മിക്ക​പ്പോ​ഴും രോഗി വൈദ്യ ചികിത്സ തേടാൻ മടിക്കു​ന്നു. അയാൾ സ്വയം ചികി​ത്സി​ക്കു​ക​യോ മുറി​വൈ​ദ്യ​ന്മാ​രു​ടെ ഉപദേശം തേടു​ക​യോ ചെയ്യുന്നു. ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളാ​യി​രി​ക്കും ഫലം.”

നമ്മുടെ ശരീരം നൽകുന്ന സംജ്ഞകളെ നിസ്സാ​ര​മാ​യി തള്ളാൻ നാം തീർച്ച​യാ​യും ആഗ്രഹി​ക്കു​ന്നില്ല. എങ്കിലും ചികി​ത്സ​കൾക്കോ സ്വയം ചികി​ത്സ​യ്‌ക്കോ അടി​പ്പെ​ടു​ന്നത്‌ ഒഴിവാ​ക്കാൻ നമുക്ക്‌ എങ്ങനെ കഴിയും? “ശരീര​വും മനസ്സും മനോ​ഭാ​വ​വും നല്ല സ്ഥിതി​യി​ലാ​യി​രി​ക്കുന്ന” അല്ലെങ്കിൽ “ശാരീ​രിക രോഗ​ങ്ങ​ളിൽനി​ന്നും വേദന​യിൽനി​ന്നും വിമു​ക്ത​മാ​യി​രി​ക്കുന്ന” അവസ്ഥ​യെ​യാണ്‌ ആരോ​ഗ്യം എന്നു നിർവ​ചി​ച്ചി​രി​ക്കു​ന്നത്‌. ഇന്ന്‌ പല രോഗ​ങ്ങ​ളും പൂർണ​മാ​യി അല്ലെങ്കിൽ ഒരു പരിധി​വരെ തടയാൻ സാധി​ക്കു​മെന്ന്‌ അംഗീ​ക​രി​ക്ക​പ്പെ​ട്ടി​രി​ക്കു​ന്നു എന്നതു ശ്രദ്ധേ​യ​മാണ്‌. ഡോ. ലൂയിസ്‌ തോമസ്‌ പറയു​ന്നത്‌ അനുസ​രിച്ച്‌, “അനുചി​ത​മാ​യി സൃഷ്ടി​ക്ക​പ്പെ​ട്ട​വരല്ല നമ്മൾ, പിന്നെ​യോ അത്ഭുത​വ​ഹ​മാം വിധം കരുത്തുറ്റ, ആരോ​ഗ്യ​മുള്ള, ദീർഘ​കാ​ലം ജീവി​ക്കാൻ സൃഷ്ടി​ക്ക​പ്പെട്ട ജീവി​ക​ളാണ്‌ നാം.” അതു​കൊണ്ട്‌, ‘രോഗ​ഭീ​തി പൂണ്ട്‌ അർധ​പ്രാണ’രായി​ത്തീ​രു​ന്ന​തി​നു പകരം നാം ശരീര​ത്തോ​ടും സ്വയം സൗഖ്യ​മാ​ക്കാ​നുള്ള അതിന്റെ അസാധാ​ര​ണ​മായ പ്രാപ്‌തി​യോ​ടും സഹകരി​ക്കണം. കഴിവുള്ള ഒരു ഡോക്‌ടർക്കോ ചികി​ത്സ​ക​നോ നിങ്ങളെ സഹായി​ക്കാൻ കഴി​ഞ്ഞേ​ക്കും.

വൈദ്യ സഹായം തേടേണ്ട സമയം

“പനി, തലവേദന, ഛർദി എന്നിവ അല്ലെങ്കിൽ അടിവ​യ​റ്റി​ലെ​യോ നെഞ്ചി​ലെ​യോ അരക്കെ​ട്ടി​ലെ​യോ വേദന സാധാരണ മരുന്ന്‌ കഴിച്ചി​ട്ടും കുറയാ​തി​രി​ക്കു​ക​യും അകാര​ണ​മാ​യി കൂടെ​ക്കൂ​ടെ വേദന ഉണ്ടാകു​ക​യും വേദന അസഹ്യ​മോ തീവ്ര​മോ ആയിരി​ക്കു​ക​യും ചെയ്‌താൽ വിദഗ്‌ധ വൈദ്യ​സ​ഹാ​യം തേടണം എന്ന്‌ ബ്രസീ​ലു​കാ​ര​നായ ഒരു ഡോക്‌ടർ നിർദേ​ശി​ക്കു​ന്നു. രോഗ​ല​ക്ഷ​ണങ്ങൾ എങ്ങനെ കൈകാ​ര്യം ചെയ്യണ​മെന്ന്‌ തിട്ടമി​ല്ലെ​ങ്കി​ലോ മറ്റ്‌ അവസര​ങ്ങളെ അപേക്ഷിച്ച്‌ എന്തെങ്കി​ലും വ്യത്യാ​സം തോന്നു​ന്നെ​ങ്കി​ലോ വൈദ്യ സഹായം തേടണ​മെ​ന്നാണ്‌ മറ്റൊരു ഡോക്‌ട​റു​ടെ നിർദേശം. അദ്ദേഹം കൂട്ടി​ച്ചേർക്കു​ന്നു: “ഒരു കുട്ടിക്ക്‌ രോഗം പിടി​പെ​ടു​മ്പോൾ, കുട്ടിയെ സ്വയം ചികി​ത്സി​ക്കു​ന്ന​തി​നു പകരം വിദഗ്‌ധ വൈദ്യ​സ​ഹാ​യം തേടാ​നാണ്‌ മാതാ​പി​താ​ക്കൾ പൊതു​വേ ഇഷ്ടപ്പെ​ടു​ന്നത്‌.”

എന്നാൽ എല്ലായ്‌പോ​ഴും മരുന്നി​ന്റെ ആവശ്യ​മു​ണ്ടോ? മരുന്നു​ക​ളു​ടെ ഉപയോ​ഗം വിപരീ​ത​ഫലം ഉളവാ​ക്കു​മോ? വയറ്റിൽ അസ്വസ്ഥത അനുഭ​വ​പ്പെ​ടുക അല്ലെങ്കിൽ കരളി​ന്റെ​യോ വൃക്കയു​ടെ​യോ പ്രവർത്ത​ന​ത്തി​നു തകരാറു സംഭവി​ക്കുക പോലുള്ള എന്തെങ്കി​ലും പാർശ്വ​ഫ​ലങ്ങൾ ഉണ്ടാകു​മോ? മറ്റ്‌ ഔഷധ​ങ്ങ​ളു​മാ​യുള്ള പ്രതി​പ്ര​വർത്ത​ന​ങ്ങ​ളു​ടെ കാര്യ​മോ? “തങ്ങളുടെ പ്രശ്‌ന​ങ്ങളെ സമചി​ത്ത​ത​യോ​ടെ അല്ലെങ്കിൽ വിവേ​ച​ന​യോ​ടെ വീക്ഷി​ക്കുന്ന രോഗി​കൾ കുറവാണ്‌,” ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക പറയുന്നു. എന്നിരു​ന്നാ​ലും മനസ്സാക്ഷി ബോധ​മുള്ള ഒരു ഡോക്‌ടർ എല്ലാ മരുന്നു​ക​ളും ദോഷം ചെയ്‌തേ​ക്കാ​മെ​ന്നും ഇന്ന്‌ ഉപയോ​ഗി​ക്ക​പ്പെ​ടുന്ന മരുന്നു​ക​ളിൽ പാർശ്വ​ഫ​ല​ങ്ങ​ളി​ല്ലാ​ത്ത​താ​യി അധികം മരുന്നു​ക​ളൊ​ന്നും ഇല്ലെന്നും മനസ്സി​ലാ​ക്കാൻ നമ്മെ സഹായി​ച്ചേ​ക്കാം. അടുത്ത പ്രാവ​ശ്യം കുറിച്ചു തരുന്ന മരുന്ന്‌ വാങ്ങു​മ്പോൾ ലേബലി​ന്മേൽ നൽകി​യി​രി​ക്കുന്ന പാർശ്വ​ഫ​ല​ങ്ങ​ളെ​ക്കു​റി​ച്ചുള്ള മുന്നറി​യി​പ്പു​കൾ വായി​ക്കുക! കുറി​പ്പി​ല്ലാ​തെ​തന്നെ നിയമാ​നു​സൃ​തം വാങ്ങാൻ കിട്ടുന്ന മരുന്നു​ക​ളും അനുചി​ത​മാ​യോ ആവശ്യ​ത്തിൽ കൂടു​ത​ലോ ഉപയോ​ഗി​ച്ചാൽ ദോഷം ചെയ്യു​ക​യോ മരണത്തിന്‌ ഇടയാ​ക്കു​ക​യോ ചെയ്യും.

ജാഗ്രത പുലർത്തേ​ണ്ട​തി​ന്റെ ആവശ്യകത ദ ബോസ്റ്റൺ ഗ്ലോബ്‌ എന്ന ഇംഗ്ലീഷ്‌ പത്രത്തിൽ റിച്ചാർഡ്‌ എ. നോക്‌സ്‌ നൽകിയ ഒരു റിപ്പോർട്ടിൽ ഊന്നി​പ്പ​റ​യു​ന്നുണ്ട്‌: “ദിവസ​വും വേദനാ​സം​ഹാ​രി​കൾ കഴിക്കുന്ന, ലക്ഷക്കണ​ക്കി​നു വാത​രോ​ഗി​കൾക്ക്‌ ആകസ്‌മി​ക​വും ഗുരു​ത​ര​വു​മായ രക്തസ്രാ​വം ഉണ്ടാകാൻ സാധ്യ​ത​യു​ണ്ടെന്ന്‌ സ്റ്റാൻഫോർഡ്‌ യൂണി​വേ​ഴ്‌സി​റ്റി​യി​ലെ ഗവേഷകർ റിപ്പോർട്ടു ചെയ്യുന്നു.” അദ്ദേഹം കൂട്ടി​ച്ചേർക്കു​ന്നു: “വേദനാ​സം​ഹാ​രി​കൾ അന്റാസി​ഡു​ക​ളു​മാ​യോ പ്രചാ​ര​മേ​റിയ അമ്ല രോധക ഗുളി​ക​ക​ളു​മാ​യോ കൂട്ടി​ച്ചേർക്കു​ന്നത്‌ ഗുരു​ത​ര​മായ ഉദര ക്രമ​ക്കേ​ടു​ക​ളിൽനിന്ന്‌ സംരക്ഷണം നൽകു​ക​യില്ല. ഒരുപക്ഷേ അത്‌ അപകടം വർധി​പ്പി​ക്കു​ക​പോ​ലും ചെയ്‌തേ​ക്കാം.”

സാധാ​ര​ണ​മാ​യ സ്വയം ചികി​ത്സ​യു​ടെ കാര്യ​മോ? ബ്രസീ​ലി​ലെ റീവറാ​വുൺ പ്രേറ്റൂ എന്ന സ്ഥലത്തുള്ള ഒരു ഡോക്‌ടർ പറയുന്നു: “എല്ലാവർക്കും ഒരു കൊച്ചു ഭവന ഔഷധ​ശാല ഉണ്ടായി​രി​ക്കു​ന്നത്‌ പ്രയോ​ജ​ന​പ്രദം ആയിരി​ക്കു​മെന്നു ഞാൻ കരുതു​ന്നു . . . എങ്കിലും ഈ മരുന്നു​കൾ ഉപയോ​ഗി​ക്കു​മ്പോൾ വിവേ​ച​ന​യും സാമാന്യ ബുദ്ധി​യും കാട്ടണം.” (7-ാം പേജിലെ ചതുരം കാണുക.) കൂടാതെ, അടിസ്ഥാന ആരോഗ്യ വിദ്യാ​ഭ്യാ​സം ജീവി​ത​ത്തി​ന്റെ ഗുണമേന്മ വർധി​പ്പി​ക്കു​ന്നു. ഓരോ വ്യക്തി​യു​ടെ​യും അവസ്ഥ വ്യത്യ​സ്‌ത​മാ​യ​തി​നാൽ ഏതെങ്കി​ലും പ്രത്യേക മരുന്നോ ചികി​ത്സാ​വി​ധി​ക​ളോ പ്രകൃതി ചികി​ത്സ​യോ ഉണരുക! നിർദേ​ശി​ക്കു​ന്നില്ല.

നല്ല ആരോ​ഗ്യം—നിങ്ങൾക്ക്‌ എന്തു ചെയ്യാൻ കഴിയും?

“ഡോക്‌ടർ പഥ്യാ​ഹാ​ര​ക്രമം, ഡോക്ടർ ശാന്തമാ​നസം, ഡോക്ടർ ഉല്ലാസം ഇവരാണ്‌ ലോക​ത്തി​ലെ ഏറ്റവും നല്ല ഡോക്‌ടർമാർ,” 18-ാം നൂറ്റാ​ണ്ടി​ലെ ഒരു ഗ്രന്ഥകാ​ര​നായ ജോനാ​ഥൻ സ്വിഫ്‌റ്റ്‌ എഴുതി. തീർച്ച​യാ​യും സമീകൃ​താ​ഹാ​ര​വും ആവശ്യ​ത്തി​നു വിശ്ര​മ​വും മാനസിക സന്തോ​ഷ​വു​മാണ്‌ നല്ല ആരോ​ഗ്യ​ത്തി​നു​വേണ്ട ഘടകങ്ങൾ. ഇതിനു വിപരീ​ത​മാ​യി, കൗശല​പൂർവ​ക​മായ പരസ്യ​ങ്ങ​ളു​ടെ അവകാ​ശ​വാ​ദ​പ്ര​കാ​രം മരുന്നു​കൾ കഴിച്ച​തു​കൊ​ണ്ടു മാത്രം നമുക്ക്‌ നല്ല ആരോ​ഗ്യം കൈവ​രി​ക്കാൻ സാധി​ക്കില്ല. “ഔഷധ​ങ്ങ​ളു​ടെ അനാവ​ശ്യ​വും അപകട​ക​ര​വു​മായ ഉപയോ​ഗം” പ്രതി​രോധ വ്യവസ്ഥയെ ദുർബ​ല​മാ​ക്കി​യേ​ക്കാം.—ഡിനി​യോ​നാർയൂ ടെറാ​പ്പേ​വൂ​ട്ടി​ക്കൂ ഗ്വാനി​ബാര.

എന്നാൽ നമ്മുടെ ജീവിത രീതി​ക്കുള്ള ഉത്തരവാ​ദി​ത്വം നാംതന്നെ ഏറ്റെടു​ത്തു​കൊ​ണ്ടും മയക്കു​മ​രു​ന്നു ദുരു​പ​യോ​ഗം, പുകവലി, അമിത മദ്യപാ​നം, അതിസ​മ്മർദം എന്നിവ ഉപേക്ഷി​ച്ചു​കൊ​ണ്ടും നമുക്ക്‌ നമ്മുടെ ക്ഷേമം മെച്ച​പ്പെ​ടു​ത്താൻ കഴിയും. 60-ലധികം വയസ്സുള്ള മരിയൻ ദീർഘ​കാ​ല​മാ​യി ബ്രസീ​ലിൽ മിഷന​റി​യാ​യി സേവി​ക്കു​ന്നു. അവർ പറയുന്നു: “ജീവി​ത​ത്തിൽ മിതത്വം പാലി​ച്ചു​കൊ​ണ്ടും പോഷ​ക​സ​മ്പ​ന്ന​മായ വിവി​ധ​തരം ആഹാരം ഭക്ഷിച്ചു​കൊ​ണ്ടും ഞാൻ ഒരു പരിധി​വരെ നല്ല ആരോ​ഗ്യം ആസ്വദി​ക്കു​ന്നു.” അവർ ഇങ്ങനെ​യും വിവരി​ക്കു​ന്നു: “പൊതു​വേ നേരത്തേ എഴു​ന്നേൽക്കാ​നാണ്‌ എനിക്കി​ഷ്ടം, അതു​പോ​ലെ​തന്നെ നേരത്തേ കിടക്കാ​നും.” സാമാന്യ ബോധം, ആരോ​ഗ്യാ​വ​ഹ​മായ ശീലം, ക്രമമായ വൈദ്യ പരി​ശോ​ധ​നകൾ, യോഗ്യത നേടിയ ഒരു കുടുംബ ഡോക്‌ട​റു​മൊ​ത്തുള്ള ആശയവി​നി​യമം എന്നിവ​യു​ടെ മൂല്യം കുറച്ചു കാണരുത്‌.

ആരോ​ഗ്യ​മു​ള്ള​വ​രാ​യി​രി​ക്കാൻ ആഗ്രഹ​മു​ണ്ടെ​ങ്കി​ലും, അതേക്കു​റിച്ച്‌ ഉദാസീ​നത പുലർത്താ​തി​രി​ക്കാ​നും അതേസ​മയം അമിത​മാ​യി ഉത്‌ക​ണ്‌ഠ​പ്പെ​ടാ​തി​രി​ക്കാ​നും മരിയൻ ശ്രദ്ധി​ക്കു​ന്നു. അവർ പറയുന്നു: “ഇപ്പോ​ഴ​ത്തേക്കു മാത്രമല്ല ഭാവി​യി​ലേ​ക്കും കൂടി പ്രയോ​ജനം ചെയ്യത്തക്ക വിധത്തിൽ ഏറ്റവും ശരിയാ​യത്‌ ചെയ്യേ​ണ്ട​തി​നും ആരോ​ഗ്യം മെച്ച​പ്പെ​ടു​ത്താൻ അമിത​മാ​യി സമയവും പണവും ചെലവ​ഴി​ക്കാ​തി​രി​ക്കാ​നും ആരോഗ്യ സംബന്ധ​മാ​യി എന്തു തീരു​മാ​നം എടു​ക്കേണ്ടി വന്നാലും ഞാൻ യഹോ​വ​യു​ടെ മാർഗ​നിർദേ​ശ​ത്തി​നാ​യി പ്രാർഥി​ക്കു​ന്നു.” അവർ കൂട്ടി​ച്ചേർക്കു​ന്നു: “ചുറു​ചു​റു​ക്കോ​ടി​രി​ക്കേ​ണ്ടത്‌ മർമ​പ്ര​ധാ​ന​മാ​യ​തി​നാൽ മെയ്യന​ങ്ങാ​തെ ജീവി​ക്കാ​തി​രി​ക്കാ​നും അതേ സമയം പരിധി വിട്ട്‌ അധ്വാ​നി​ക്കാ​തി​രി​ക്കേ​ണ്ട​തി​നും എന്റെ സമയവും ഊർജ​വും ഉപയോ​ഗി​ക്കുന്ന വിധത്തിൽ ന്യായ​ബോ​ധം പുലർത്താൻ എന്നെ സഹായി​ക്കേ​ണമേ എന്നു ഞാൻ ദൈവ​ത്തോ​ടു പ്രാർഥി​ക്കു​ന്നു.”

യഥാർഥ സന്തോഷം അനുഭ​വി​ക്ക​ണ​മെ​ന്നു​ണ്ടെ​ങ്കിൽ നമുക്ക്‌ ഭാവിയെ അവഗണി​ക്കാൻ സാധി​ക്കില്ല. താരത​മ്യേന നല്ല ആരോ​ഗ്യം ഇപ്പോൾ ഉണ്ടെങ്കിൽത്തന്നെ രോഗം, വേദന, കഷ്ടപ്പാട്‌, മരണം എന്നിവ നിലനിൽക്കു​ന്നു. നാം എന്നെങ്കി​ലും പൂർണ ആരോ​ഗ്യം ആസ്വദി​ക്കും എന്നതിന്‌ എന്തെങ്കി​ലും പ്രത്യാ​ശ​യു​ണ്ടോ?

[6-ാം പേജിലെ ചതുരം]

സമനിലയോടു കൂടിയ സ്വയം പരിച​ര​ണ​ത്തി​ന്റെ പ്രയോ​ജ​ന​ങ്ങൾ

നിങ്ങളു​ടെ ആരോ​ഗ്യം വലി​യൊ​രു അളവോ​ളം നിങ്ങൾ എന്തു ഭക്ഷിക്കു​ന്നു, കുടി​ക്കു​ന്നു എന്നതിനെ ആശ്രയി​ച്ചി​രി​ക്കും. കാർ ഓടി​ക്കാൻ വെള്ളം ചേർത്ത പെ​ട്രോൾ ഉപയോ​ഗി​ക്കു​ക​യോ വാതക​ത്തിൽ പഞ്ചസാര ചേർക്കു​ക​യോ ചെയ്‌താൽ താമസി​യാ​തെ​തന്നെ എഞ്ചിന്‌ തകരാറു സംഭവി​ക്കും. അതു​പോ​ലെ, പോഷ​ക​ര​ഹി​ത​മായ ഭക്ഷണവും പാനീ​യ​വും കഴിച്ചു ജീവി​ക്കാൻ ശ്രമി​ച്ചാൽ ഒടുവിൽ നിങ്ങളു​ടെ ആരോ​ഗ്യം ക്ഷയിക്കും. കമ്പ്യൂട്ടർ മേഖല​യിൽ ഇതിനെ “ഗിഗോ” എന്നാണ്‌ വിളി​ക്കു​ന്നത്‌, അതായത്‌ “ചപ്പുച​വ​റു​കൾ ഉള്ളി​ലേ​ക്കെ​ടു​ക്കു​ന്നു, ചപ്പുച​വ​റു​കൾ പുറത്തു​വി​ടു​ന്നു.”

കുടുംബ വൈദ്യ​ശാ​സ്‌ത്ര വിദഗ്‌ധ​നായ പ്രൊ​ഫസർ ഡോ. മെലാനി മിന്റ്‌സർ വിവരി​ക്കു​ന്നു: “മൂന്നു തരം രോഗി​ക​ളുണ്ട്‌: വീട്ടിൽവെച്ച്‌ തന്നെത്താൻ ശുശ്രൂ​ഷി​ച്ചു ഭേദമാ​ക്കാൻ സാധി​ക്കുന്ന നിസ്സാര കാര്യ​ങ്ങൾക്കു​പോ​ലും ഡോക്‌ടറെ ചെന്നു കാണു​ന്നവർ, ആരോഗ്യ പരിപാ​ലന സംവി​ധാ​നം ഉചിത​മാ​യി ഉപയോ​ഗി​ക്കു​ന്നവർ, ആവശ്യ​മു​ള്ള​പ്പോൾപോ​ലും ഡോക്‌ടറെ ചെന്നു കാണാ​ത്തവർ. ആദ്യത്തെ വകുപ്പിൽ പെട്ടവർ മിക്ക​പ്പോ​ഴും ഡോക്‌ടറെ മിന​ക്കെ​ടു​ത്തു​ന്നതു കൂടാതെ സ്വന്തം സമയവും പണവും പാഴാ​ക്കു​ന്നു. മൂന്നാ​മത്തെ വകുപ്പിൽ പെട്ടവ​രാ​കട്ടെ ആവശ്യ​മായ വിദഗ്‌ധ വൈദ്യ​സ​ഹാ​യം തേടാൻ വൈകി​ച്ചു​കൊണ്ട്‌ തങ്ങളുടെ ജീവൻ അപകട​ത്തി​ലാ​ക്കു​ന്നു. കൂടുതൽ ആളുകൾ രണ്ടാമത്തെ വകുപ്പിൽ പെട്ടി​രു​ന്നെ​ങ്കിൽ എന്ന്‌ ഡോക്‌ടർമാർ പ്രത്യാ​ശി​ക്കു​ന്നു.”

“ഏറ്റവും തൃപ്‌തി​ക​ര​മായ ആരോ​ഗ്യ​ത്തി​ന്റെ ഏഴു താക്കോ​ലു​കൾ ഇവയാണ്‌: ശരിയായ തരം ഭക്ഷണപാ​നീ​യങ്ങൾ കഴിക്കുക, ക്രമമാ​യി വ്യായാ​മം ചെയ്യുക, പുകവ​ലി​ക്കാ​തി​രി​ക്കുക, ആവശ്യ​ത്തിന്‌ വിശ്രമം എടുക്കുക, സമ്മർദം കുറയ്‌ക്കുക, അടുത്ത സാമൂ​ഹിക ബന്ധങ്ങൾ ഉണ്ടായി​രി​ക്കുക, രോഗങ്ങൾ പിടി​പെ​ടു​ന്ന​തും അത്യാ​ഹി​തങ്ങൾ സംഭവി​ക്കു​ന്ന​തും കുറയ്‌ക്കാ​നുള്ള മുൻക​രു​ത​ലു​കൾ ജ്ഞാനപൂർവം സ്വീക​രി​ക്കുക.”—ആൻ സൈമൺസ്‌, എം.ഡി., ബേബി ഹാസ്സെൽബ്രിങ്‌, മൈക്കിൾ കാസൽമൻ എന്നിവർ എഴുതിയ ഡോക്ടറെ വിളി​ക്കും മുമ്പ്‌—300-ലധികം വൈദ്യ സംബന്ധ​മായ പ്രശ്‌ന​ങ്ങൾക്കുള്ള സുരക്ഷി​ത​വും ഫലപ്ര​ദ​വു​മായ സ്വയം പരിച​രണം, (ഇംഗ്ലീഷ്‌).

[7-ാം പേജിലെ ചതുരം]

ഒരു ഭവന ഔഷധ​പ്പെ​ട്ടി

“ആരോ​ഗ്യ​മുള്ള മുതിർന്ന​വർക്കു​ണ്ടാ​കുന്ന രോഗ​ല​ക്ഷ​ണ​ങ്ങ​ളിൽ 90 ശതമാ​ന​വും—നൊമ്പരം, വേദന, ചതവ്‌ എന്നിവ​യും അസ്വസ്ഥ​ത​ത​യു​ടെ​യോ രോഗ​ത്തി​ന്റെ​യോ മറ്റ്‌ അടയാ​ള​ങ്ങ​ളും—ലഘൂക​രി​ച്ചു കാണു​ക​യും റിപ്പോർട്ടു ചെയ്യാ​തി​രി​ക്കു​ക​യും ചെയ്യുന്നു. . . . മിക്ക​പ്പോ​ഴും ചില സത്വര പ്രതി​വി​ധി​കൾ കൈ​ക്കൊ​ള്ളും, തലവേദന വരു​മ്പോൾ 2 ആസ്‌പി​രിൻ ഗുളി​കകൾ കഴിക്കു​ന്ന​തു​പോ​ലെ എന്തെങ്കി​ലും.”

“ഇതെല്ലാം മിക്ക​പ്പോ​ഴും സാധി​ക്കു​ന്നത്‌ വീട്ടിൽ ഒരു ഔഷധ​പ്പെട്ടി ഉള്ളതു​കൊ​ണ്ടാണ്‌. ആവശ്യ​മി​ല്ലാ​തെ ഡോക്‌ടറെ ക്ലിനി​ക്കിൽ ചെന്നു കാണു​ന്ന​തു​കൊണ്ട്‌ ഉണ്ടാകുന്ന പണച്ചെ​ലവ്‌ അത്‌ ഇല്ലാതാ​ക്കു​ന്നു.”—സമ്പൂർണ ഭവന വൈദ്യ​ശാ​സ്‌ത്ര വഴികാ​ട്ടി, (ഇംഗ്ലീഷ്‌) ഡോക്‌ടർമാ​രു​ടെ​യും വൈദ്യ​ശാ​സ്‌ത്ര വിദഗ്‌ധ​രു​ടെ​യും കൊളം​ബിയ യൂണി​വേ​ഴ്‌സി​റ്റി കോ​ളെജ്‌.

ബാൻഡ്‌ എയിഡു​കൾ, ടേപ്പ്‌, അണുവി​മു​ക്ത​മാ​ക്കിയ ഗോസ്സ്‌ പാഡുകൾ, പഞ്ഞി, ബാൻഡേ​ജു​കൾ, വിവി​ധ​തരം ഓയ്‌ൻമെ​ന്റു​കൾ, ക്രീമു​കൾ, ആന്റി​സെ​പ്‌റ്റിക്‌ ലേപനങ്ങൾ, കത്രിക, വായിൽ വെക്കുന്ന ഒരു തെർമോ​മീ​റ്റർ എന്നിവ​യും സമാന​മായ മറ്റ്‌ പ്രാ​യോ​ഗിക ഇനങ്ങളും സഹിത​മുള്ള ഒരു ഭവന ഔഷധ​പ്പെട്ടി ഉണ്ടായി​രി​ക്ക​ണ​മെന്ന്‌ ഇതേ പുസ്‌തകം നിർദേ​ശി​ക്കു​ന്നു.

ചികി​ത്സ​യ്‌ക്കാ​യി, അത്‌ പനിയും വേദന​യും കുറയ്‌ക്കാ​നുള്ള ഗുളി​കകൾ, അന്റാസി​ഡു​കൾ, ചുമയ്‌ക്കുള്ള മരുന്ന്‌, ഒരു ആന്റിഹി​സ്റ്റ​മീൻ/കഫക്കെ​ട്ടി​നുള്ള മരുന്ന്‌, വയറി​ള​ക്കാ​നുള്ള വീര്യം കുറഞ്ഞ മരുന്ന്‌, വയറി​ളക്കം നിർത്താ​നുള്ള മരുന്ന്‌ എന്നിവ നിർദേ​ശി​ക്കു​ന്നു.

[8-ാം പേജിലെ ചതുരം]

ഒരു മുന്നറി​യി​പ്പിൻ വാക്ക്‌

“കുറി​പ്പി​ല്ലാ​തെ ലഭിക്കു​മെ​ങ്കി​ലും ഒറ്റിസി മരുന്നു​കൾ യഥാർഥ​ത്തിൽ മരുന്നു​കൾത​ന്നെ​യാണ്‌. കുറി​പ്പോ​ടെ മാത്രം ലഭിക്കുന്ന മരുന്നു​ക​ളു​ടെ കാര്യ​ത്തി​ലെ​ന്ന​പോ​ലെ ചിലവ മറ്റ്‌ മരുന്നു​ക​ളു​മാ​യോ പ്രത്യേ​കം ചില ആഹാര​സാ​ധ​ന​ങ്ങ​ളു​മാ​യോ ആൽക്ക​ഹോ​ളു​മാ​യോ കൂട്ടി​ക്ക​ലർത്താൻ പാടില്ല. മറ്റു മരുന്നു​കൾപോ​ലെ​തന്നെ ഗുരു​ത​ര​മായ പ്രശ്‌നങ്ങൾ മറച്ചു​വെ​ക്കാ​നോ ആസക്തി​യു​ള​വാ​ക്കാ​നോ അവയിൽ ചിലതി​നു കഴിയും. ചില സന്ദർഭ​ങ്ങ​ളിൽ ഒറ്റിസി മരുന്നു​കൾ ഡോക്‌ടറെ ചെന്നു കാണേ​ണ്ട​തി​നു പകരമാ​കില്ല.

“എന്നിരു​ന്നാ​ലും മിക്കവ​യും സുരക്ഷി​ത​വും ഫലപ്ര​ദ​വു​മാണ്‌ . . . അവ നല്ല ഫലം നൽകുന്നു.”—മരുന്നു​കൾ ബുദ്ധി​പൂർവം ഉപയോ​ഗി​ക്കൽ (ഇംഗ്ലീഷ്‌).

[7-ാം പേജിലെ ചിത്രങ്ങൾ]

പാർശ്വഫലങ്ങൾ തീരെ​യി​ല്ലാത്ത പച്ചമരു​ന്നു​ക​ളും ഔഷധ​ങ്ങ​ളും ഇല്ലെന്ന്‌ ഓർക്കുക

1. വിൽപ്പ​ന​ക്കാ​രന്റെ ഔഷധ​പ്പെ​ട്ടി

2. തുറസ്സായ സ്ഥലത്ത്‌ മരുന്ന്‌ വിൽക്കു​ന്ന​യാൾ

3. പച്ചമരു​ന്നു​കൾ അടങ്ങിയ സഞ്ചികൾ