അവൾ ദൈവ​ത്തിൽ വിശ്വ​സി​ക്കാ​ഞ്ഞത്‌ എന്തു​കൊണ്ട്‌?

ഒരു മുൻ സോവി​യറ്റ്‌ യൂണിയൻ റിപ്പബ്ലി​ക്കാ​യി​രുന്ന ജോർജി​യ​യി​ലെ റുസ്റ്റാ​വി​യി​ലുള്ള ഒല്യെസ്യ എന്ന ചെറു​പ്പ​ക്കാ​രി, തന്റെ വീട്ടിൽ വന്ന രണ്ടു​പേരെ മാതാ​പി​താ​ക്ക​ളു​ടെ ഒരു ഫോട്ടോ കാണി​ച്ചു​കൊണ്ട്‌ വികാ​രാർദ്ര​യാ​യി ഇങ്ങനെ പറഞ്ഞു: “ദൈവ​മു​ണ്ടാ​യി​രു​ന്നെ​ങ്കിൽ എന്റെ മാതാ​പി​താ​ക്കൾ ഇത്ര ചെറു​പ്പ​ത്തി​ലേ മരിക്കാൻ അവൻ അനുവ​ദി​ക്കു​ക​യി​ല്ലാ​യി​രു​ന്നു!” ഒല്യെ​സ്യ​യു​ടെ ഭർത്താവ്‌ റ്റൊമാ​സി വീട്ടി​ലെ​ത്തി​യ​ശേഷം ഭൂമി​യിൽ എന്നേക്കും ജീവിതം ആസ്വദി​ക്കുക!, “നോക്കൂ! ഞാൻ സകലവും പുതു​താ​ക്കു​ന്നു” എന്നീ ലഘുപ​ത്രി​കകൾ ആ സന്ദർശകർ അവർക്കു കൊടു​ത്തി​ട്ടു പോയി.

അവർ മടങ്ങി​ച്ചെ​ന്ന​പ്പോൾ ഒല്യെസ്യ “നോക്കൂ!” ലഘുപ​ത്രിക വായിച്ചു തീർത്തി​രി​ക്കു​ന്ന​താ​യി അവർ കണ്ടു. അവൾ ബൈബിൾ പഠിക്കാ​നുള്ള ആഗ്രഹ​വും പ്രകടി​പ്പി​ച്ചു. വായിച്ച കാര്യങ്ങൾ അവൾക്ക്‌ ഇഷ്ടപ്പെട്ടു. തുടർന്നു ചർച്ച നടത്തി​യ​പ്പോൾ അവൾ വേഗം ലഘുപ​ത്രിക തുറന്ന്‌ അടയാ​ള​പ്പെ​ടു​ത്തിയ ഭാഗങ്ങൾ വായി​ക്കാൻ തുടങ്ങി. യുക്തി​സ​ഹ​മായ വാദഗ​തി​കൾ അവളിൽ മതിപ്പു​ള​വാ​ക്കി​യി​രു​ന്നു.

ഉദാഹ​ര​ണ​ത്തിന്‌, ലഘുപ​ത്രിക ഇങ്ങനെ പ്രസ്‌താ​വി​ക്കു​ന്നു: ‘നമുക്ക്‌ ചുററു​മുള്ള മഹത്തായ അത്ഭുതങ്ങൾ—പുഷ്‌പങ്ങൾ, പക്ഷികൾ, മൃഗങ്ങൾ, മനുഷ്യൻ എന്നു വിളി​ക്ക​പ്പെ​ടുന്ന അത്ഭുത​സൃ​ഷ്ടി, ജീവ​ന്റെ​യും ജനനത്തി​ന്റെ​യും അത്ഭുതങ്ങൾ—ഇവയെ​ല്ലാം അവയെ ഉളവാ​ക്കിയ അദൃശ്യ​മായ മഹാബു​ദ്ധി​യെ സാക്ഷ്യ​പ്പെ​ടു​ത്തു​ന്നു. (റോമർ 1:20) ബുദ്ധി ഉള്ളടത്ത്‌ മനസ്സ്‌ ഉണ്ട്‌. മനസ്സ്‌ ഉള്ളടത്ത്‌ ഒരു ആൾ ഉണ്ട്‌. പരമോ​ന്നത ബുദ്ധി സകല ജീവി​ക​ളു​ടെ​യും സ്രഷ്ടാ​വായ, ജീവന്റെ ഉറവു​തന്നെ ആയ, പരമോ​ന്ന​ത​നായ ആളി​ന്റേ​താണ്‌. (സങ്കീർത്തനം 36:9) സ്രഷ്ടാവ്‌ തീർച്ച​യാ​യും സകല സ്‌തു​തി​ക്കും ആരാധ​ന​യ്‌ക്കും യോഗ്യ​നാണ്‌.—സങ്കീർത്തനം 104:24; വെളി​പ്പാട്‌ 4:11.’

മരിച്ചു​പോ​യ പ്രിയ​പ്പെ​ട്ട​വരെ പുനരു​ത്ഥാ​ന​ത്തിൽ തിരികെ വരുത്തു​മെന്ന ദൈവ​ത്തി​ന്റെ വാഗ്‌ദാ​ന​മാണ്‌ ബൈബിൾ പഠിക്കാൻ തന്നെ പ്രേരി​പ്പി​ച്ച​തെന്ന്‌ ഒല്യെസ്യ പിന്നീട്‌ തുറന്നു പറഞ്ഞു. ഈ ലഘുപ​ത്രി​ക​ക​ളിൽ അടങ്ങി​യി​രി​ക്കുന്ന, വിശ്വാ​സത്തെ ബലിഷ്‌ഠ​മാ​ക്കുന്ന വിവര​ങ്ങ​ളിൽനിന്ന്‌ നിങ്ങളും പ്രയോ​ജ​ന​മ​നു​ഭ​വി​ക്കു​മെന്ന്‌ ഞങ്ങൾ വിശ്വ​സി​ക്കു​ന്നു. ഭൂമി​യിൽ എന്നേക്കും ജീവിതം ആസ്വദി​ക്കുക!, “നോക്കൂ! ഞാൻ സകലവും പുതു​താ​ക്കു​ന്നു” എന്നീ ലഘുപ​ത്രി​ക​ക​ളു​ടെ പ്രതികൾ ലഭിക്കാ​നോ ആരെങ്കി​ലും നിങ്ങളെ സന്ദർശിച്ച്‌ ഒരു സൗജന്യ ബൈബി​ള​ധ്യ​യനം നടത്താ​നോ നിങ്ങൾ ആഗ്രഹി​ക്കു​ന്നെ​ങ്കിൽ ദയവായി Watch Tower, H-58 Old Khandala Road, Lonavla 410 401, Mah., India,-യിലേക്കോ 5-ാം പേജിൽ കൊടു​ത്തി​രി​ക്കുന്ന അനു​യോ​ജ്യ​മായ മേൽവി​ലാ​സ​ത്തി​ലോ എഴുതുക.