ബൈബി​ളി​ന്റെ വീക്ഷണം

ദാരി​ദ്ര്യം മോഷ​ണ​ത്തി​നുള്ള ന്യായീ​ക​ര​ണ​മോ?

“ദാരി​ദ്ര്യം മാനവ​സ​ന്തു​ഷ്ടി​യു​ടെ ഒരു വലിയ ശത്രു​വാണ്‌; അത്‌ സ്വാത​ന്ത്ര്യ​ത്തെ നശിപ്പി​ക്കു​ന്നു​വെ​ന്ന​തിന്‌ സംശയ​മില്ല. അതു ചില സദ്‌ഗു​ണ​ങ്ങളെ അപ്രാ​യോ​ഗി​ക​വും മറ്റു ചിലവയെ അതീവ ദുഷ്‌ക​ര​വും ആക്കിത്തീർക്കു​ന്നു.”—18-ാം നൂറ്റാ​ണ്ടി​ലെ ഗ്രന്ഥകാ​ര​നായ സാമുവൽ ജോൺസൻ.

റോമൻ രാജ്യ​ത​ന്ത്ര​ജ്ഞ​നാ​യി​രുന്ന മാഗ്നുസ്‌ അവു​റേ​ലി​യുസ്‌ കാസി​യൊ​ഡോ​റസ്‌ പറഞ്ഞു: “ദാരി​ദ്ര്യ​മാണ്‌ കുറ്റകൃ​ത്യ​ത്തി​ന്റെ മാതാവ്‌.” ചില കുറ്റകൃ​ത്യ​ങ്ങൾ ദാരി​ദ്ര്യ​ത്തി​ന്റെ സ്വാഭാ​വിക ഫലമാ​ണെന്ന്‌ ഈ വീക്ഷണ​ഗ​തി​കൾ സൂചി​പ്പി​ക്കു​ന്ന​താ​യി തോന്നു​ന്നു. പലരും ഇന്ന്‌ പ്രത്യ​ക്ഷ​ത്തിൽ ഇതി​നോ​ടു യോജി​ക്കു​ന്നു, കുറ്റകൃ​ത്യം മോഷ​ണ​മാ​ണെ​ങ്കിൽ വിശേ​ഷി​ച്ചും.

അടിച്ച​മർത്ത​ലും ദാരി​ദ്ര്യ​വും മോഷ​ണ​ത്തി​നുള്ള ന്യായീ​ക​ര​ണ​മാ​ണെന്ന ആശയത്തിന്‌ ഏറെ പ്രചാരം സിദ്ധി​ച്ചി​രി​ക്കു​ന്നു. റോബിൻ ഹുഡി​നെ​പ്പ​റ്റി​യുള്ള 14-ാം നൂറ്റാ​ണ്ടി​ലെ ആംഗലേയ കഥാഗീ​തങ്ങൾ പരിചി​ന്തി​ക്കുക. ധനികരെ കൊള്ള​യ​ടി​ച്ചു കിട്ടു​ന്നത്‌ പാവങ്ങൾക്കു വീതി​ച്ചു​കൊ​ടു​ക്കുന്ന ഒരു ഐതി​ഹാ​സിക കവർച്ച​ക്കാ​ര​നെ​ക്കു​റി​ച്ചു​ള്ള​താ​ണത്‌. നൂറ്റാ​ണ്ടു​ക​ളോ​ളം ആളുകൾ അയാളെ ഒരു വീരനാ​യ​ക​നാ​യി കരുതി​പ്പോ​ന്നു.

ഇന്നു പലരും കടുത്ത സാമ്പത്തിക ബുദ്ധി​മു​ട്ടു​കൾ അനുഭ​വി​ക്കു​ന്നു​വെ​ന്നതു ശരിതന്നെ. ഒരു ഡോള​റിൽ താഴെ പണം​കൊണ്ട്‌ ദിവസം കഴിച്ചു​കൂ​ട്ടുന്ന 131 കോടി ആളുക​ളു​ണ്ടെന്ന്‌ ലോക​ബാങ്ക്‌ അടുത്ത​യി​ടെ റിപ്പോർട്ടു ചെയ്യു​ക​യു​ണ്ടാ​യി. ഒരു സർവേ​യിൽ, 70 ശതമാനം ഫിലി​പ്പീൻസു​കാർ തങ്ങൾ ദരി​ദ്ര​രാ​ണെന്നു സ്വയം കണക്കാ​ക്കു​ന്ന​താ​യി പറഞ്ഞു. ബ്രസീ​ലിൽ, ഏറ്റവും സമ്പന്നരായ 20 ശതമാനം ആളുകൾ ഏറ്റവും ദരി​ദ്ര​രായ 20 ശതമാനം ആളുകൾ സമ്പാദി​ക്കു​ന്ന​തി​ന്റെ 32 ഇരട്ടി​യാണ്‌ സമ്പാദി​ക്കു​ന്നത്‌. ഇത്തരം സാഹച​ര്യ​ങ്ങൾ ചില ആളുകളെ നിരാ​ശ​പ്പെ​ടു​ത്തു​ന്നു. ജീവൻ നിലനിർത്താൻവേണ്ട ദൈനം​ദി​നാ​വ​ശ്യ​ങ്ങൾക്കാ​യി ഏതു മാർഗ​വും, മോഷ​ണം​പോ​ലും, അവലം​ബി​ക്കുന്ന ഘട്ടത്തി​ലേക്ക്‌ ഇതവരെ കൊ​ണ്ടെ​ത്തി​ക്കു​ന്നു.

എന്നാൽ ബൈബിൾ വ്യക്തമാ​യി​ത്തന്നെ മോഷ​ണത്തെ കുറ്റം​വി​ധി​ക്കു​ന്നു. പത്തു കൽപ്പന​ക​ളിൽ എട്ടാമ​ത്തേത്‌ “മോഷ്ടി​ക്ക​രു​തു” എന്നാണ്‌. (പുറപ്പാ​ടു 20:15) എങ്കിലും ബൈബി​ളിൽ വിശ്വ​സി​ക്കുന്ന പലരും, കടുത്ത സാമ്പത്തിക പ്രതി​സ​ന്ധി​യാണ്‌ ഒരുവനെ മോഷ​ണ​ത്തി​നു പ്രേരി​പ്പി​ച്ച​തെ​ങ്കിൽ അതിനെ ന്യായീ​ക​രി​ക്കാൻ ചായ്‌വു കാട്ടാ​റുണ്ട്‌.

ഇത്‌ ഗൗരവാ​വ​ഹ​മായ ചോദ്യ​ങ്ങൾ ഉയർത്തു​ന്നു: ദാരി​ദ്ര്യം വാസ്‌ത​വ​മാ​യും മോഷ​ണ​ത്തി​നുള്ള ന്യായീ​ക​ര​ണ​മാ​ണോ? ഒരുവൻ കടുത്ത സാമ്പത്തിക ഞെരു​ക്ക​ത്തി​ലാ​ണെ​ങ്കിൽ എന്തു ചെയ്യണം? രോഗി​ക​ളോ വിശന്നു​വ​ല​യു​ന്ന​വ​രോ ആയ കുട്ടികൾ അയാൾക്കു​ണ്ടെ​ങ്കി​ലോ? അത്തരം സാഹച​ര്യ​ങ്ങ​ളിൽ മോഷ്ടി​ക്കാ​നുള്ള അനുവാ​ദം യഹോ​വ​യാം ദൈവം നൽകു​ന്നു​ണ്ടോ, വിശേ​ഷി​ച്ചും മോഷ്ടി​ക്ക​പ്പെ​ടുന്ന വസ്‌തു ഉടമസ്ഥർക്ക്‌ ആവശ്യ​മു​ള്ള​ത​ല്ലെ​ങ്കിൽ?

ദൈവം എന്തു പറയുന്നു?

യേശു തന്റെ പിതാ​വി​ന്റെ വ്യക്തി​ത്വ​ത്തെ പ്രതി​ഫ​ലി​പ്പി​ച്ച​തു​കൊണ്ട്‌, ദൈവ​ത്തി​ന്റെ കാഴ്‌ച​പ്പാട്‌ എന്തെന്നു മനസ്സി​ലാ​ക്കാൻ അവന്റെ ദൃഷ്ടാന്തം നമ്മെ സഹായി​ക്കും. (യോഹ​ന്നാൻ 12:49) ഭൂമി​യി​ലാ​യി​രു​ന്ന​പ്പോൾ യേശു വളരെ അനുക​മ്പ​യോ​ടെ​യാണ്‌ ദരി​ദ്ര​രോട്‌ ഇടപെ​ട്ടത്‌. ‘അവൻ പുരു​ഷാ​രത്തെ കണ്ടിട്ടു അവരെ​ക്കു​റി​ച്ചു മനസ്സലി​ഞ്ഞു’ എന്ന്‌ ബൈബിൾ പറയുന്നു. (മത്തായി 9:36) എന്നാൽ ഒരിക്ക​ലും, യാതൊ​രു സാഹച​ര്യ​ത്തിൻകീ​ഴി​ലും, അവൻ മോഷ​ണത്തെ അംഗീ​ക​രി​ച്ചില്ല. സമാന​മാ​യി, ദരി​ദ്ര​രെ​ക്കു​റിച്ച്‌ കരുത​ലു​ള്ള​വ​നാ​ണെ​ങ്കി​ലും ദൈവം ദാരി​ദ്ര്യ​ത്തെ മോഷ​ണ​ത്തി​നുള്ള ഒരു ന്യായീ​ക​ര​ണ​മാ​യി കണക്കാ​ക്കു​ന്നില്ല. യെശയ്യാ​വു 61:8-ൽ, (പി.ഒ.സി. ബൈബിൾ) ദൈവം ‘കൊള്ള​യും തിൻമ​യും വെറു​ക്കു​ന്നു’ എന്ന്‌ ബൈബിൾ നമ്മോടു പറയുന്നു. മോഷ്ടാ​ക്കൾ ദൈവ​രാ​ജ്യം അവകാ​ശ​മാ​ക്കു​ക​യി​ല്ലെന്ന്‌ അപ്പോ​സ്‌ത​ല​നായ പൗലൊസ്‌ വ്യക്തമാ​യി പറയുന്നു. അതു​കൊണ്ട്‌, ദൈവ​ത്തി​ന്റെ കാഴ്‌ച​പ്പാട്‌ എന്താ​ണെ​ന്നതു സംബന്ധിച്ച സംശയം അവശേ​ഷി​ക്കു​ന്നില്ല.—1 കൊരി​ന്ത്യർ 6:10.

എങ്കിലും, “കള്ളൻ വിശന്നി​ട്ടു വിശപ്പ​ട​ക്കു​വാൻ മാത്രം കട്ടാൽ ആരും അവനെ നിരസി​ക്കു​ന്നില്ല” എന്ന്‌ സദൃശ​വാ​ക്യം 6:30 പറയുന്നു. ഈ പ്രസ്‌താ​വന മോഷ​ണ​ത്തി​നുള്ള ഒരു ഒഴിക​ഴി​വാ​ണോ? തീർച്ച​യാ​യും അല്ല. അപ്പോ​ഴും, ദൈവം മോഷ്ടാ​വി​നെ ചെയ്‌ത കുറ്റത്തി​നു ശിക്ഷി​ക്ക​പ്പെ​ടേ​ണ്ട​വ​നാ​യി കണക്കാ​ക്കു​ന്നു​വെന്ന്‌ സന്ദർഭം നമുക്കു കാട്ടി​ത്ത​രു​ന്നു. പിൻവ​രുന്ന വാക്യം ഇപ്രകാ​രം പറയുന്നു: “പിടി​ക്ക​പ്പെ​ട്ടാൽ അയാൾ ഏഴിരട്ടി തിരികെ കൊടു​ക്കണം; അയാൾ തന്റെ വീട്ടി​ലു​ള്ള​തെ​ല്ലാം കൊടു​ക്കും.”—സദൃശ​വാ​ക്യ​ങ്ങൾ 6:31, ഓശാന ബൈബിൾ.

വിശപ്പു സഹിക്കാ​നാ​കാ​തെ മോഷണം നടത്തിയ ഒരുവൻ, അത്യാ​ഗ്രഹം മൂലമോ തന്റെ ഇരയ്‌ക്കു ദോഷം ചെയ്യണ​മെന്ന ഉദ്ദേശ്യ​ത്തോ​ടെ​യോ മോഷണം നടത്തി​യ​വ​നോ​ളം നിന്ദ്യ​ന​ല്ലെ​ങ്കി​ലും ദൈവാം​ഗീ​കാ​രം കാംക്ഷി​ക്കു​ന്നവർ ഒരു തരത്തി​ലുള്ള മോഷ​ണ​ത്താ​ലും കുറ്റക്കാ​രാ​കാൻ പാടില്ല. കടുത്ത ദാരി​ദ്ര്യം നിമി​ത്ത​മാണ്‌ മോഷ്ടി​ക്കു​ന്ന​തെ​ങ്കിൽപ്പോ​ലും അത്‌ ദൈവ​ത്തിന്‌ അപമാനം വരുത്തു​ന്നു. സദൃശ​വാ​ക്യ​ങ്ങൾ 30:8, 9 ഇപ്രകാ​രം പറയുന്നു: ‘നിത്യ​വൃ​ത്തി തന്നു എന്നെ പോഷി​പ്പി​ക്കേ​ണമേ. ദരി​ദ്ര​നാ​യി​ത്തീർന്നി​ട്ടു മോഷ്ടി​ച്ചു എന്റെ ദൈവ​ത്തി​ന്റെ നാമത്തെ തീണ്ടി​പ്പാൻ [“നിന്ദി​പ്പാൻ,” NW] സംഗതി​വ​ര​രു​തേ.’ അതേ ഒരു മോഷ്ടാവ്‌ ദൈവ​നാ​മ​ത്തി​നു നിന്ദ വരുത്തു​ന്നു. മോഷണം സ്‌നേ​ഹ​ശൂ​ന്യ​മായ ഒരു പ്രവൃ​ത്തി​യാ​യ​തു​കൊണ്ട്‌ അത്‌ സമ്പന്നർക്കെ​തി​രെ ആയാലും ദരി​ദ്രർക്കെ​തി​രെ ആയാലും പാപം​തന്നെ. ദൈവ​ത്തെ​യും അയൽക്കാ​ര​നെ​യും സ്‌നേ​ഹി​ക്കു​ന്ന​വരെ സംബന്ധി​ച്ചി​ട​ത്തോ​ളം മോഷ​ണ​ത്തിന്‌ ഒരിക്ക​ലും ന്യായീ​ക​ര​ണ​മില്ല.—മത്തായി 22:39; റോമർ 13:9, 10.

പ്രതി​കൂ​ല സാഹച​ര്യ​ങ്ങ​ളി​ലാ​യി​രി​ക്കുന്ന ഒരു വ്യക്തിക്ക്‌ മോഷ്ടി​ക്കാ​നുള്ള അവകാ​ശ​മു​ണ്ടെന്ന വാദഗ​തി​യിൽ കഴമ്പില്ല. കാരണം ഇത്‌, അത്ര കായി​ക​ബ​ല​മി​ല്ലാത്ത ഒരു കായി​ക​താ​ര​ത്തിന്‌ ജയിക്കാൻ തക്കവണ്ണം നിയമ​വി​രുദ്ധ ഔഷധങ്ങൾ കഴിക്കാം എന്നു പറയു​ന്ന​തു​പോ​ലി​രി​ക്കും. ജയിക്കു​ക​യാ​ണെ​ങ്കിൽത്തന്നെ അയാൾ വളഞ്ഞ വഴികൾ പ്രയോ​ഗി​ച്ചി​രി​ക്കു​ന്നു. തങ്ങൾക്കു കിട്ടേണ്ട വിജയം അയാൾ സത്യസ​ന്ധ​മ​ല്ലാത്ത മാർഗ​ങ്ങ​ളി​ലൂ​ടെ തട്ടി​യെ​ടു​ത്ത​താ​യി മറ്റുള്ള​വർക്കു തോന്നും, ആ തോന്നൽ ശരിയാ​ണു​താ​നും. ഒരു മോഷ്ടാ​വി​ന്റെ കാര്യ​വും അങ്ങനെ​തന്നെ. മറ്റുള്ള​വർക്ക്‌ അവകാ​ശ​പ്പെ​ട്ടത്‌ സത്യസ​ന്ധ​മ​ല്ലാത്ത വഴിക​ളി​ലൂ​ടെ അയാൾ കൈവ​ശ​പ്പെ​ടു​ത്തു​ന്നു. അയാളു​ടെ പ്രതി​കൂല സാഹച​ര്യം അയാൾ അവലം​ബി​ക്കുന്ന മാർഗ​ത്തി​നുള്ള ന്യായീ​ക​ര​ണമല്ല.

ദൈവാം​ഗീ​കാ​രം നേടാൻ ആഗ്രഹി​ക്കുന്ന ഏതൊരു മോഷ്ടാ​വും തന്റെ മുൻന​ട​ത്ത​യെ​ക്കു​റി​ച്ചു പശ്ചാത്ത​പി​ക്കണം. ബൈബിൾ ബുദ്ധ്യു​പ​ദേ​ശി​ക്കു​ന്നു: “കള്ളൻ ഇനി കക്കാതെ മുട്ടു​ള്ള​വന്നു ദാനം ചെയ്‌വാൻ ഉണ്ടാ​കേ​ണ്ട​തി​ന്നു കൈ​കൊ​ണ്ടു നല്ലതു പ്രവർത്തി​ച്ചു അദ്ധ്വാ​നി​ക്ക​യ​ത്രേ വേണ്ടതു.” (എഫെസ്യർ 4:28) യഥാർഥ അനുതാ​പം പ്രകട​മാ​ക്കുന്ന മുൻമോ​ഷ്ടാ​ക്കൾക്ക്‌ യഹോവ ക്ഷമിക്കു​മെന്ന ഉറപ്പിൽനിന്ന്‌ ആശ്വാസം കൈ​ക്കൊ​ള്ളാം.—യെഹെ​സ്‌കേൽ 33:14-16.

ദരി​ദ്രർക്ക്‌ എന്തു ചെയ്യാൻ കഴിയും?

ബൈബിൾ വാഗ്‌ദാ​നം ചെയ്യുന്നു: “യഹോവ നീതി​മാ​നെ പട്ടിണി കിടത്തു​ക​യില്ല; ദുഷ്ടന്മാ​രു​ടെ കൊതി​യോ അവൻ തള്ളിക്ക​ള​യു​ന്നു.” (സദൃശ​വാ​ക്യ​ങ്ങൾ 10:3) തങ്ങളുടെ ആഗ്രഹങ്ങൾ തൃപ്‌തി​പ്പെ​ടു​ത്താൻ മനപ്പൂർവം തന്റെ നിയമം ലംഘി​ക്കു​ന്ന​വരെ ദൈവം സഹായി​ക്കു​ക​യില്ല. എന്നാൽ തന്നെ അനുസ​രി​ക്കാൻ ആത്മാർഥ​മാ​യി ശ്രമി​ക്കു​ന്ന​വ​രോട്‌ അവന്‌ അനുക​മ്പ​യു​ണ്ടു​താ​നും. ആവശ്യ​മുള്ള വസ്‌തു​ക്കൾ നേടാ​നുള്ള അവരുടെ ശ്രമങ്ങളെ അവൻ അനു​ഗ്ര​ഹി​ക്കു​ക​യും ചെയ്യും.—സങ്കീർത്തനം 37:25.

ദൈവിക തത്ത്വങ്ങൾ പിൻപ​റ്റു​മ്പോൾ തങ്ങളുടെ ജീവി​താ​വസ്ഥ മെച്ച​പ്പെ​ടു​ന്ന​താ​യി ലക്ഷക്കണ​ക്കി​നാ​ളു​കൾ ഇതി​നോ​ടകം കണ്ടെത്തി​യി​രി​ക്കു​ന്നു. ഉദാഹ​ര​ണ​ത്തിന്‌, അധ്വാ​ന​ശീ​ല​രാ​യി​രി​ക്കാ​നും ചൂതാട്ടം, അമിത മദ്യപാ​നം, പുകവലി, മയക്കു​മ​രു​ന്നു ദുരു​പ​യോ​ഗം എന്നിവ പോലുള്ള ദുശ്ശീ​ലങ്ങൾ ഒഴിവാ​ക്കാ​നു​മുള്ള ബൈബിൾ ബുദ്ധ്യു​പ​ദേശം ബാധക​മാ​ക്കു​ന്നത്‌ തങ്ങൾക്ക്‌ യഥാർഥ​ത്തിൽ ആവശ്യ​മാ​യി​രി​ക്കു​ന്ന​തി​നെ​ക്കാൾ അധികം നേടാൻ അവരെ പ്രാപ്‌ത​രാ​ക്കി​യി​രി​ക്കു​ന്നു. (ഗലാത്യർ 5:19-21) ഇതിന്‌ അവർ വിശ്വാ​സം പ്രകട​മാ​ക്കേണ്ട ആവശ്യ​മുണ്ട്‌. അപ്രകാ​രം ചെയ്‌തി​ട്ടു​ള്ള​വ​രാ​കട്ടെ “യഹോവ നല്ലവൻ” ആണെന്നും തന്നെ ആശ്രയി​ക്കു​ന്ന​വരെ അവൻ വാസ്‌ത​വ​മാ​യും സഹായി​ക്കു​ന്നു​വെ​ന്നും മനസ്സി​ലാ​ക്കി​യി​രി​ക്കു​ന്നു.—സങ്കീർത്തനം 34:8.

[18-ാം പേജിലെ ചിത്ര​ത്തിന്‌ കടപ്പാട്‌]

റോബിൻ ഹുഡ്‌: General Research Division/The New York Public Library/Astor, Lenox and Tilden Foundations