“നിങ്ങളു​ടെ കണ്ണുകൾ തുറന്നു നോക്കൂ”

നിങ്ങളു​ടെ കുട്ടികൾ എന്താണു കാണു​ന്നത്‌? യുദ്ധം? കുറ്റകൃ​ത്യം? മലിനീ​ക​രണം? ദാരി​ദ്ര്യം? രോഗം? അതേ, വാസ്‌ത​വ​ത്തിൽ ഇവയൊ​ക്കെ സ്ഥിരം കാഴ്‌ച​ക​ളാണ്‌. എന്നാൽ നിങ്ങള​വരെ ഈ സംഗതി​കൾക്കു​മ​പ്പു​റ​ത്തേക്ക്‌, ബൈബിൾ വാഗ്‌ദാ​നം ചെയ്‌തി​രി​ക്കുന്ന വിസ്‌മ​യാ​വ​ഹ​മായ ഭാവി​യി​ലേക്ക്‌ നോക്കാൻ പഠിപ്പി​ച്ചി​ട്ടു​ണ്ടോ? ഒമ്പതു വയസ്സു​കാ​ര​നായ ജോയൽ പിയെ​ഴ്‌സ​ണി​ന്റെ മാതാ​പി​താ​ക്കൾ അങ്ങനെ ചെയ്‌തു. ഫലമോ?

“നിങ്ങളു​ടെ കണ്ണുകൾ തുറന്നു നോക്കൂ” എന്ന വിഷയ​ത്തെ​ക്കു​റിച്ച്‌ ജോയൽ എഴുതി​യതു പരിഗ​ണി​ക്കുക. യു.എസ്‌.എ.-യിലെ വെർജീ​നി​യ​യിൽ ഒരു വിദ്യാ​ഭ്യാ​സ​ജി​ല്ല​യിൽ കുട്ടി​കൾക്കു​വേണ്ടി നടത്തിയ ഉപന്യാസ മത്സരത്തി​നുള്ള വിഷയ​മാ​യി​രു​ന്നു അത്‌. 1996 ആഗസ്റ്റ്‌ 22-ന്‌ ദ സെൻട്രൽ വെർജീ​നി​യൻ എന്ന വർത്തമാ​ന​പ​ത്രം ജോയ​ലി​ന്റെ ഉപന്യാ​സം പ്രസി​ദ്ധീ​ക​രി​ച്ചു. ദൈവ​വ​ച​ന​ത്തിൽനി​ന്നു പഠിച്ച കാര്യ​ങ്ങ​ളാണ്‌ അവന്റെ വിശ്വാ​സ​ത്തി​ന്റെ അടിസ്ഥാ​ന​മെന്ന്‌ അതു വെളി​പ്പെ​ടു​ത്തു​ന്ന​തെ​ങ്ങ​നെ​യെന്നു ശ്രദ്ധി​ക്കുക. അവനെ​ഴു​തി:

“ഇവി​ടെ​യു​ണ്ടാ​യി​രി​ക്കാൻ ഉദ്ദേശി​ക്ക​പ്പെ​ട്ടി​രുന്ന എല്ലാ മനോ​ഹാ​രി​ത​ക​ളും കാണാൻ നിങ്ങളു​ടെ കണ്ണുകൾ തുറന്നു നോക്കൂ.

“ഒരു സുപ്ര​ഭാ​ത​ത്തിൽ ഉറക്കമു​ണർന്ന്‌, മേലാൽ മലിനീ​ക​ര​ണ​മില്ല എന്നു കേൾക്കു​ന്നതു വിസ്‌മ​യാ​വ​ഹ​മാ​യി​രി​ക്കി​ല്ലേ? കൊല​പാ​ത​ക​ങ്ങ​ളും കുറ്റകൃ​ത്യ​ങ്ങ​ളും ഉണ്ടായി​രി​ക്കു​ക​യില്ല, പകരം ആളുക​ളു​ടെ ജീവി​ത​ത്തിൽ സമാധാ​ന​വും സന്തുഷ്ടി​യും കളിയാ​ടും.

“അയൽക്കാർ ഒത്തൊ​രു​മിച്ച്‌ ഒരു സുഹൃ​ത്തി​നെ വീടു​പ​ണി​യാൻ സഹായി​ക്കു​ക​യാണ്‌. അൽപ്പം മാറി, മറ്റു ചിലർ പൂന്തോ​ട്ടം നട്ടുപി​ടി​പ്പി​ക്കു​ന്നു. അവർ വെറുതെ ഒരുമി​ച്ചു ജോലി​ചെ​യ്യു​ന്നെന്നു മാത്രമല്ല, അവരുടെ ആന്തരത്തിൽ കാപട്യ​വു​മില്ല. അന്യോ​ന്യം സഹായി​ക്കു​ന്ന​തിൽ എല്ലാവ​രും പങ്കു​ചേ​രു​ന്നു. മേലാൽ ദരിദ്രർ ഉണ്ടായി​രി​ക്ക​യില്ല. ഇഷ്ടം​പോ​ലെ ആഹാര​മു​ണ്ടാ​യി​രി​ക്കും. ലോക​മെ​മ്പാ​ടും ഐക്യ​വും സമാധാ​ന​വും ഉണ്ടായി​രി​ക്കും. ആരും ഒരിക്ക​ലും പട്ടിണി കിടക്കു​ക​യോ രോഗി​ക​ളാ​യി​രി​ക്കു​ക​യോ ഇല്ല. എല്ലാവർക്കും കണ്ട്‌ ആസ്വദി​ക്കാൻ പറ്റിയ മനോ​ജ്ഞ​മായ ചുറ്റു​പാ​ടു​കൾ. നോക്കൂ, ഒരു കുട്ടി കടുവ​പ്പു​റത്തു സവാരി​ചെ​യ്യു​ന്നു! കടുവ മാത്രമല്ല, എല്ലാ മൃഗങ്ങ​ളും മനുഷ്യ​രു​മാ​യി സമാധാ​ന​ത്തി​ലാണ്‌.

“ഇതു​പോ​ലൊ​രു സ്ഥലത്തു ജീവി​ക്കാ​നാണ്‌ എന്റെ ആഗ്രഹം. അവിടെ എന്നോ​ടൊ​പ്പം ജീവി​ക്കാൻ നിങ്ങൾക്കാ​ഗ്ര​ഹ​മു​ണ്ടോ?”

കൊച്ചു ജോയൽ ഇവിടെ വർണി​ച്ച​തു​പോ​ലുള്ള അനു​ഗ്ര​ഹങ്ങൾ ദൈവം വാസ്‌ത​വ​ത്തിൽ വാഗ്‌ദാ​നം ചെയ്യു​ന്നു​ണ്ടോ? തീർച്ച​യാ​യും! ദയവായി നിങ്ങളു​ടെ ബൈബിൾ തുറന്ന്‌ സങ്കീർത്തനം 46:8, 9; 67:6; 72:16; യെശയ്യാ​വു 2:3, 4; 11:6-9; 33:24; 65:17-25; മത്തായി 6:9, 10; 2 പത്രൊസ്‌ 3:13; വെളി​പ്പാ​ടു 21:3, 4 എന്നീ ഭാഗങ്ങ​ളിൽ കാണുന്ന അത്തരം വാഗ്‌ദാ​ന​ങ്ങ​ളെ​ക്കു​റി​ച്ചു വായി​ക്കുക.