വണ്ണം കൂടു​ത​ലു​ള്ളത്‌ മെച്ചമ​ല്ലാ​ത്ത​പ്പോൾ

“എനി​ക്കെന്റെ വസ്‌ത്ര​ങ്ങ​ളൊ​ന്നും പാകമല്ല. എനിക്കി​പ്പോൾ 86 കിലോ തൂക്കമുണ്ട്‌, ഇത്രയും വണ്ണം വെക്കു​മെന്നു ഞാൻ ഒരിക്ക​ലും സങ്കൽപ്പി​ച്ചി​രു​ന്നില്ല!” 35 വയസ്സു​കാ​രി​യായ റോസ വിലപി​ച്ചു.

വർധി​ച്ചു​വ​രുന്ന തൂക്ക​ത്തെ​ക്കു​റിച്ച്‌ വ്യാകു​ല​പ്പെ​ടു​ന്ന​തിൽ റോസ തനിച്ചല്ല. അവൾ പാർക്കുന്ന ഐക്യ​നാ​ടു​ക​ളി​ലെ ഏതാണ്ട്‌ മൂന്നി​ലൊ​ന്നാ​ളു​കൾ പൊണ്ണ​ത്ത​ടി​യു​ള്ള​വ​രാണ്‌. ബ്രിട്ട​നിൽ പൊണ്ണ​ത്ത​ടി​യുള്ള മുതിർന്ന​വ​രു​ടെ അനുപാ​തം പത്തുവർഷം​കൊണ്ട്‌ ഇരട്ടി​യാ​യി​ത്തീർന്നു. അമിത​തൂ​ക്കം വിരള​മാ​യി​രുന്ന ജപ്പാനിൽ പൊണ്ണ​ത്തടി സാധാ​ര​ണ​മാ​യി​ത്തീർന്നു​കൊ​ണ്ടി​രി​ക്കു​ക​യാണ്‌.

അമിത​തൂ​ക്ക​മു​ള്ള കുട്ടി​ക​ളു​ടെ എണ്ണം വർധി​ച്ചു​വ​രി​ക​യാണ്‌. കാനഡ​യി​ലെ കുട്ടി​ക​ളു​ടെ ഏതാണ്ട്‌ 20 ശതമാനം പൊണ്ണ​ത്ത​ടി​യ​ന്മാ​രാ​യി​രി​ക്കു​മ്പോൾ 6-നും 17-നും ഇടയ്‌ക്കു പ്രായ​മുള്ള 47 ലക്ഷത്തോ​ളം അമേരി​ക്കൻ കുട്ടികൾ വളരെ​യ​ധി​കം അമിത​തൂ​ക്ക​മു​ള്ള​വ​രാണ്‌. സിംഗ​പ്പൂ​രിൽ ഇക്കഴിഞ്ഞ വർഷങ്ങ​ളിൽ കുട്ടി​കൾക്കി​ട​യി​ലെ പൊണ്ണ​ത്ത​ടി​യിൽ ഒരു മൂന്നി​രട്ടി വർധനവ്‌ ഉണ്ടായി​ട്ടുണ്ട്‌.

ചില രാജ്യ​ങ്ങ​ളിൽ, ശരീരം വണ്ണം​വെച്ച്‌ ചീർക്കു​ന്നത്‌ സമൃദ്ധി​യു​ടെ​യും ആരോ​ഗ്യ​ത്തി​ന്റെ​യും തെളി​വാ​യി, അതേ ദാരി​ദ്ര്യ​ത്തെ​ക്കാ​ളും പോഷ​കാ​ഹാ​ര​ക്കു​റ​വി​നെ​ക്കാ​ളും വളരെ അഭികാ​മ്യ​മാ​യി വീക്ഷി​ക്ക​പ്പെ​ടു​ന്നു. എന്നാൽ ആഹാരം മിക്ക​പ്പോ​ഴും സുലഭ​മാ​യി​രി​ക്കുന്ന പാശ്ചാത്യ നാടു​ക​ളിൽ വണ്ണം വെക്കു​ന്നത്‌ സാധാ​ര​ണ​ഗ​തി​യിൽ അഭികാ​മ്യ​മാ​യി കണക്കാ​ക്ക​പ്പെ​ടു​ന്നില്ല. നേരേ​മ​റിച്ച്‌, അവിടു​ത്തെ ആളുകൾ അതിനെ പൊതു​വേ ഗൗരവ​മാ​യി എടുക്കു​ന്നു. എന്തു​കൊണ്ട്‌?

“പൊണ്ണ​ത്തടി ആകാര​ഭം​ഗി കെടു​ത്തു​മെന്ന്‌ മിക്ക ആളുക​ളും വിശ്വ​സി​ക്കു​ന്നു​വെ​ങ്കി​ലും വാസ്‌ത​വ​ത്തിൽ അത്‌ ഗുരു​ത​ര​മായ ഒരു രോഗ​മാണ്‌” എന്ന്‌ മുൻ യു.എസ്‌. സർജൻ ജനറലായ ഡോ. സി. എവ്‌ററ്റ്‌ കൂപ്പ്‌ പറയുന്നു. ന്യൂ​യോർക്കി​ലെ അന്തഃ​സ്രാ​വ​വി​ദ​ഗ്‌ധ​നായ എഫ്‌. ഇഗ്‌സേ​വി​യർ പിസന്യാ​യർ ഇപ്രകാ​രം വിശദീ​ക​രി​ക്കു​ന്നു: “[അമേരി​ക്ക​യി​ലെ വണ്ണം​വെക്കൽ] കൂടു​ത​ലാ​ളു​കളെ പ്രമേഹം, ഉയർന്ന രക്തസമ്മർദം, മസ്‌തി​ഷ്‌കാ​ഘാ​തം, ഹൃ​ദ്രോ​ഗം, ചില തരം അർബു​ദങ്ങൾ എന്നിവ​യു​ടെ അപകട​സാ​ധ്യ​ത​യി​ലാ​ക്കു​ന്നു.”

കൂടുതൽ തൂക്കം, കൂടുതൽ അപകട​സാ​ധ്യ​ത

അമേരി​ക്ക​യി​ലെ 1,15,000 വനിതാ നേഴ്‌സു​മാ​രിൽ നടത്തിയ 16 വർഷത്തെ ഒരു പഠന​ത്തെ​ക്കു​റി​ച്ചു പരിചി​ന്തി​ക്കുക. മുതിർന്ന​വർക്ക്‌ അഞ്ചുമു​തൽ എട്ടുവരെ കിലോ​ഗ്രാം തൂക്കം വർധി​ക്കു​മ്പോ​ഴും അത്‌ ഹൃ​ദ്രോ​ഗ​ത്തി​നുള്ള സാധ്യത വർധി​പ്പി​ക്കു​ന്ന​താ​യി പഠനം കണ്ടെത്തി. കാൻസർ മരണങ്ങ​ളു​ടെ മൂന്നി​ലൊ​ന്നി​നും ഹൃദയ-രക്തക്കുഴൽ സംബന്ധ​മായ മരണങ്ങ​ളു​ടെ പകുതി​ക്കും കാരണം അമിത​തൂ​ക്ക​മാ​യി​രു​ന്നു​വെന്ന്‌ 1995 സെപ്‌റ്റം​ബർ 14-ലെ ദ ന്യൂ ഇംഗ്ലണ്ട്‌ ജേർണൽ ഓഫ്‌ മെഡി​സി​നിൽ പ്രസി​ദ്ധീ​ക​രി​ക്ക​പ്പെട്ട പ്രസ്‌തുത പഠനം സൂചി​പ്പി​ക്കു​ക​യു​ണ്ടാ​യി. 1996 മേയ്‌ 22/29-ലെ ദ ജേർണൽ ഓഫ്‌ ദി അമേരി​ക്കൻ മെഡിക്കൽ അസ്സോ​സി​യേ​ഷ​നി​ലെ (ജാമാ) ഒരു റിപ്പോർട്ട​നു​സ​രിച്ച്‌, “പുരു​ഷൻമാർക്കി​ട​യി​ലെ ഉയർന്ന രക്തസമ്മർദ​ത്തി​ന്റെ 78%-ത്തിന്റെ​യും സ്‌ത്രീ​കൾക്കി​ട​യി​ലെ ഉയർന്ന രക്തസമ്മർദ​ത്തി​ന്റെ 65%-ത്തിന്റെ​യും നേരി​ട്ടുള്ള കാരണം പൊണ്ണ​ത്ത​ടി​യാ​ണെന്നു പറയാൻ കഴിയും.” “സാരമാ​യി അമിത​തൂ​ക്കം” (ഉണ്ടായി​രി​ക്കേണ്ട തൂക്ക​ത്തെ​ക്കാൾ 40 ശതമാ​ന​മോ അതിൽക്കൂ​ടു​ത​ലോ) ഉള്ളവർക്ക്‌ “കാൻസർ ഉണ്ടാകു​ന്ന​തി​നുള്ള സാധ്യത കൂടു​ത​ലു​ണ്ടെ”ന്ന്‌ അമേരി​ക്കൻ കാൻസർ സൊ​സൈറ്റി പറയുന്നു.

എന്നാൽ തൂക്കം അമിത​മാ​കു​ന്ന​തു​കൊ​ണ്ടു മാത്രം അപകടം ഉണ്ടാകു​ന്നില്ല; ശരീര​ത്തി​ലെ കൊഴു​പ്പി​ന്റെ വിതര​ണ​വും രോഗ​സാ​ധ്യ​തയെ സ്വാധീ​നി​ക്കു​ന്നു. വാസ്‌ത​വ​ത്തിൽ, ഉദരത്തിൽ അമിത കൊഴു​പ്പുള്ള ആളുകൾക്ക്‌ ഇടുപ്പു​ക​ളി​ലും തുടക​ളി​ലും കൂടുതൽ വണ്ണമുള്ള ആളുക​ളെ​ക്കാൾ അപകട​സാ​ധ്യ​ത​യുണ്ട്‌. ഉദരഭാ​ഗത്തെ കൊഴുപ്പ്‌ പ്രമേഹം, ഹൃ​ദ്രോ​ഗം, സ്‌തനാർബു​ദം, ഗർഭാ​ശ​യാർബു​ദം എന്നിവ​യ്‌ക്കുള്ള സാധ്യത വർധി​പ്പി​ക്കു​ന്നു.

അതു​പോ​ലെ​ത​ന്നെ, അമിത​തൂ​ക്ക​മുള്ള യുവജ​നങ്ങൾ ഉയർന്ന രക്തസമ്മർദം, വർധിച്ച കൊള​സ്റ്റ​റോൾ നിരക്ക്‌, പ്രമേ​ഹ​പൂർവ അസ്വാ​സ്ഥ്യ​ങ്ങൾ എന്നിവ​യാൽ ബുദ്ധി​മു​ട്ട​നു​ഭ​വി​ക്കു​ന്നു. അവർ മുതി​രു​മ്പോൾ മിക്ക​പ്പോ​ഴും പൊണ്ണ​ത്ത​ടി​യു​ള്ള​വ​രാ​യി​രി​ക്കും. “കുട്ടി​ക്കാ​ലത്ത്‌ വണ്ണമു​ണ്ടാ​യി​രു​ന്നവർ ഏറെ നേരത്തെ മരണമ​ട​യു​ക​യും മറ്റാളു​ക​ളെ​ക്കാ​ളും നന്നേ ചെറു​പ്പ​ത്തിൽ വളരെ​യ​ധി​കം രോഗ​ങ്ങൾക്ക്‌ ഇരയാ​കു​ക​യും ചെയ്‌ത”തായി ബ്രിട്ടീഷ്‌ വൈദ്യ​ശാ​സ്‌ത്ര ജേർണ​ലായ ദ ലാൻസെ​റ്റിൽ പ്രസി​ദ്ധീ​ക​രി​ച്ചു​വന്ന ഡാറ്റാ ഉപയോ​ഗിച്ച്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്‌തു.

തൂക്കം സംബന്ധിച്ച പുതിയ മാർഗ​രേ​ഖ​കൾ

ഗുരു​ത​ര​മായ തൂക്ക പ്രതി​സന്ധി ബോധ്യ​മായ യു.എസ്‌. ഗവൺമെൻറ്‌, തൂക്കം സംബന്ധിച്ച്‌ മുമ്പു ശുപാർശ​ചെ​യ്‌തി​രുന്ന അതിന്റെ മാർഗ​രേ​ഖകൾ 1995-ൽ കൂടുതൽ കർശന​മാ​ക്കി. (അടുത്ത പേജിലെ ചതുരം കാണുക.) പുതു​ക്കിയ മാർഗ​രേ​ഖകൾ “ആരോ​ഗ്യ​ക​ര​മായ തൂക്ക”ത്തെയും “മിതമായ അമിത​തൂക്ക”ത്തെയും “അമിത​മായ അമിത​തൂക്ക”ത്തെയും തിരി​ച്ച​റി​യി​ക്കു​ന്നു. ഈ മാർഗ​രേ​ഖകൾ പ്രായ​ഭേ​ദ​മെ​ന്യേ, മുതിർന്ന പുരു​ഷൻമാർക്കും സ്‌ത്രീ​കൾക്കും ഒരു​പോ​ലെ ബാധക​മാ​കു​ന്നു.

1990-ലെ മാർഗ​രേ​ഖ​ക​ള​നു​സ​രിച്ച്‌, മധ്യവ​യ​സ്‌ക​രു​ടെ ശരീര​ത്തി​ന്റെ മധ്യഭാ​ഗ​ത്തി​നു​ണ്ടാ​കുന്ന കൂടു​ത​ലായ വണ്ണം—അത്‌ പലപ്പോ​ഴും മിഡ്‌ൽ-ഏയ്‌ജ്‌ സ്‌​പ്രെഡ്‌ എന്നു വിളി​ക്ക​പ്പെ​ടു​ന്നു—കുഴപ്പ​മു​ണ്ടാ​ക്കു​ന്ന​താ​യി​രു​ന്നില്ല. എന്നാൽ പുതിയ മാർഗ​രേ​ഖകൾ ഈ പ്രശ്‌നത്തെ ഒഴിവാ​ക്കു​ന്നില്ല, എന്തു​കൊ​ണ്ടെ​ന്നാൽ മുതിർന്ന​വർക്ക്‌ കാല​ക്ര​മേണ വണ്ണം കൂടാൻ പാടില്ല എന്നാണ്‌ നിർദേശം. അങ്ങനെ, മുമ്പ്‌ സാധാരണ തൂക്കമു​ള്ള​വ​നാ​യി കണക്കാ​ക്ക​പ്പെ​ട്ടി​രുന്ന ഒരു വ്യക്തി ഇപ്പോൾ അമിത​തൂ​ക്ക​ക്കാ​രു​ടെ ഗണത്തിൽ പെട്ടേ​ക്കാം. ഉദാഹ​ര​ണ​ത്തിന്‌, 35-നും 65-നും ഇടയ്‌ക്കു പ്രായ​മുള്ള 168 സെൻറി​മീ​റ്റർ പൊക്ക​വും 75 കിലോ​ഗ്രാം തൂക്കവും ഉള്ള ഒരു വ്യക്തി 1990-ലെ മാർഗ​രേ​ഖ​ക​ളിൻപ്ര​കാ​രം ആരോ​ഗ്യാ​വ​ഹ​മായ തൂക്ക പരിധി​യിൽ പെടുന്ന ആളായി​രു​ന്നി​രി​ക്കാം. എന്നാൽ പുതിയ മാർഗ​രേ​ഖ​ക​ളിൻപ്ര​കാ​രം, ആ വ്യക്തിക്ക്‌ അഞ്ചു കിലോ​ഗ്രാം തൂക്കം കൂടു​ത​ലാ​യി​രി​ക്കും!

നമുക്ക്‌ ഇത്രയും വണ്ണം​വെ​ച്ച​തെ​ങ്ങനെ?

ജനിതക സവി​ശേ​ഷ​ത​കൾക്ക്‌ പൊണ്ണ​ത്ത​ടി​യ​നാ​കാ​നുള്ള ഒരു വ്യക്തി​യു​ടെ പ്രവണ​തയെ സ്വാധീ​നി​ക്കാൻ കഴിയും. എന്നാൽ പാശ്ചാത്യ രാജ്യ​ങ്ങ​ളിൽ വണ്ണംകൂ​ടു​ന്ന​തി​നുള്ള കാരണം ജനിതക സവി​ശേ​ഷ​ത​കളല്ല. അവിടെ അതിന്റെ കാരണം മറ്റെന്തോ ആണ്‌.

കൊഴു​പ്പു കഴിക്കു​ന്നത്‌ നമ്മെ കൊഴു​പ്പി​ക്കു​ന്നു​വെ​ന്ന​തി​നോട്‌ ആരോഗ്യ പ്രൊ​ഫ​ഷ​ണൽമാർ യോജി​ക്കു​ന്നു. വളരെ​യ​ധി​കം മാംസ​ങ്ങ​ളി​ലും അനേകം ക്ഷീരോ​ത്‌പ​ന്ന​ങ്ങ​ളി​ലും ബേക്കു ചെയ്‌ത സാധന​ങ്ങ​ളി​ലും തത്‌ക്ഷണ ഭക്ഷണങ്ങ​ളി​ലും ലഘുഭ​ക്ഷ​ണ​ങ്ങ​ളി​ലും വറത്തു​പൊ​രിച്ച സാധന​ങ്ങ​ളി​ലും സോസു​ക​ളി​ലും ഇറച്ചി​ച്ചാ​റി​ലും എണ്ണകളി​ലും ഒക്കെ ധാരാളം കൊഴുപ്പ്‌ അടങ്ങി​യി​ട്ടുണ്ട്‌, അവ കഴിക്കു​ന്നത്‌ പൊണ്ണ​ത്ത​ടി​ക്കി​ട​യാ​ക്കു​ന്നു. എങ്ങനെ?

നമ്മുടെ ശരീരം ചെലവ​ഴി​ക്കു​ന്ന​തി​ലു​മ​ധി​കം കലോറി നാം കഴിക്കുന്ന ആഹാര​ത്തി​ലു​ണ്ടെ​ങ്കിൽ അത്‌ വണ്ണം വെക്കു​ന്ന​തിന്‌ ഇടയാ​ക്കു​ന്നു. ഒരു ഗ്രാം കൊഴു​പ്പിൽ ഒമ്പതു കലോ​റി​യും ഒരു ഗ്രാം മാംസ്യ​ത്തിൽ അല്ലെങ്കിൽ ഒരു ഗ്രാം ധാന്യ​ക​ത്തിൽ നാലു കലോ​റി​യും ആണുള്ളത്‌. അതു​കൊണ്ട്‌ കൊഴു​പ്പു കഴിക്കു​മ്പോൾ നാം കൂടുതൽ കലോറി സ്വീക​രി​ക്കു​ന്നു. എന്നാൽ മറ്റൊരു പ്രധാ​ന​പ്പെട്ട ഘടകമുണ്ട്‌—അത്‌ ധാന്യ​ക​ങ്ങ​ളും മാംസ്യ​വും കൊഴു​പ്പും പ്രദാനം ചെയ്യുന്ന ഊർജം മനുഷ്യ​ശ​രീ​രം ഉപയോ​ഗി​ക്കുന്ന വിധമാണ്‌. ശരീരം ആദ്യം ധാന്യ​ക​ങ്ങ​ളെ​യും മാംസ്യ​ത്തെ​യും അപചയം നടത്തി​യ​ശേ​ഷ​മാണ്‌ കൊഴു​പ്പി​നെ അപചയം നടത്തു​ന്നത്‌. കൊഴു​പ്പി​ന്റെ ഉപയോ​ഗി​ക്ക​പ്പെ​ടാത്ത കലോറി ശരീര കൊഴു​പ്പാ​യി മാറ്റ​പ്പെ​ടു​ന്നു. അതു​കൊണ്ട്‌ കൊഴു​പ്പ​ട​ങ്ങിയ ആഹാര​പ​ദാർഥ​ങ്ങ​ളു​ടെ അളവു കുറയ്‌ക്കു​ന്നത്‌ വണ്ണം കുറയ്‌ക്കു​ന്ന​തി​നുള്ള ഒരു പ്രധാന മാർഗ​മാണ്‌.

എന്നാൽ, കൊഴു​പ്പി​ന്റെ അളവു കുറച്ചി​രി​ക്കു​ന്നു​വെന്നു വിചാ​രി​ക്കുന്ന ചിലർ പോലും തങ്ങളുടെ ശരീരം ചീർക്കു​ന്ന​താ​യി കണ്ടെത്തു​ന്നു. അതെന്തു​കൊണ്ട്‌? അവർ വളരെ​യ​ധി​കം ആഹാരം കഴിക്കു​ന്നു​വെ​ന്ന​താണ്‌ ഒരു കാരണം. ഐക്യ​നാ​ടു​ക​ളി​ലെ ഒരു പോഷ​കാ​ഹാര വിദഗ്‌ധ ഇങ്ങനെ പറയുന്നു: “ഒത്തിരി വിളമ്പു​ന്ന​തു​കൊണ്ട്‌ നാം ഒത്തിരി കഴിക്കു​ന്നു. അതു ലഭ്യമാ​യി​രി​ക്കു​മ്പോൾ നാം കഴിക്കു​ന്നു.” കൊഴു​പ്പു കുറവു​ള്ള​തോ കൊഴു​പ്പി​ല്ലാ​ത്ത​തോ ആയ ആഹാര​പ​ദാർഥങ്ങൾ കൂടുതൽ കഴിക്കാ​നുള്ള പ്രവണത ആളുകൾക്കുണ്ട്‌. എന്നാൽ ഒരു യു.എസ്‌. ഭക്ഷ്യ വ്യവസായ ഉപദേശക സ്ഥാപന​ത്തി​ലെ ഒരു വിദഗ്‌ധൻ ഇങ്ങനെ വിശദീ​ക​രി​ക്കു​ന്നു: “കൊഴു​പ്പു കുറവുള്ള ഉത്‌പ​ന്നങ്ങൾ പലപ്പോ​ഴും സ്വാദി​ലുള്ള കുറവു നികത്തു​ന്നത്‌ [കൂടുതൽ കലോ​റി​യുള്ള] പഞ്ചസാ​ര​യു​ടെ അളവു കൂട്ടി​ക്കൊ​ണ്ടാണ്‌.” അതു​കൊണ്ട്‌ ദ ന്യൂ​യോർക്ക്‌ ടൈംസ്‌ ഇങ്ങനെ റിപ്പോർട്ടു​ചെ​യ്‌തു: “90-കളിലെ രണ്ടു പ്രവണ​തകൾ—കൊടു​ക്കുന്ന പണത്തിന്‌ കിട്ടാ​വു​ന്നി​ട​ത്തോ​ളം വാങ്ങൽ, കൊഴു​പ്പു കുറവു​ള്ള​തോ കൊഴു​പ്പി​ല്ലാ​ത്ത​തോ ആയ ആഹാര​പ​ദാർഥങ്ങൾ കഴിക്കൽ—തീറ്റി​ഭ്രാ​ന്തി​നെ പ്രോ​ത്സാ​ഹി​പ്പി​ച്ചി​രി​ക്കു​ന്നു,” അങ്ങനെ വണ്ണവും കൂടുന്നു.

ടിവി-യുടെ മുന്നിൽ തപസ്സി​രി​ക്കുന്ന ജീവി​ത​ശൈ​ലി​യും വണ്ണം​വെ​ക്കു​ന്ന​തി​നി​ട​യാ​ക്കു​ന്നു. ബ്രിട്ട​നി​ലെ മുതിർന്ന​വ​രു​ടെ മൂന്നി​ലൊ​ന്നി​ല​ധി​കം ആഴ്‌ച​യിൽ 20 മിനി​റ്റു​നേരം പോലും മിതമായ വ്യായാ​മം ചെയ്യാ​ത്ത​വ​രാ​ണെന്ന്‌ അവിടു​ത്തെ ഒരു പഠനം കണ്ടെത്തി. പകുതി​യിൽ താഴെ പേർ സജീവ​മായ സ്‌പോർട്‌സിൽ ഒരിക്ക​ലും പങ്കെടു​ക്കു​ന്നില്ല. പല പാശ്ചാത്യ രാജ്യ​ങ്ങ​ളി​ലും കാർയാ​ത്ര, നടപ്പിന്റെ സ്ഥാനം ഏറ്റെടു​ത്തി​രി​ക്കു​ക​യാണ്‌. ടെലി​വി​ഷൻ വീക്ഷി​ക്കു​ന്ന​തിൽ ഉണ്ടായി​ട്ടുള്ള വർധനവ്‌ അലസത​യെ​യും തീറ്റി​ഭ്രാ​ന്തി​നെ​യും പ്രോ​ത്സാ​ഹി​പ്പി​ക്കു​ന്നു. ഐക്യ​നാ​ടു​ക​ളിൽ, കുട്ടികൾ ആഴ്‌ച​തോ​റും 26 മണിക്കൂർ ടെലി​വി​ഷൻ കാണു​ന്ന​താ​യി കണക്കാ​ക്ക​പ്പെ​ടു​ന്നു, വീഡി​യോ വിനോ​ദ​ങ്ങൾക്കു വേണ്ടി ചെലവ​ഴി​ക്കുന്ന സമയം ഇതിൽ ഉൾപ്പെ​ടു​ന്നില്ല. അതേസ​മയം, ഏതാണ്ട്‌ 36 ശതമാനം സ്‌കൂ​ളു​ക​ളിൽ മാത്രമേ ഇപ്പോ​ഴും കായി​ക​വി​ദ്യാ​ഭ്യാ​സം ഉള്ളൂ.

അമിത​തൂ​ക്ക​മു​ള്ള​വ​രാ​യി​രി​ക്കു​ന്ന​തിന്‌ മനഃശാ​സ്‌ത്ര​പ​ര​മായ കാരണ​ങ്ങ​ളു​മുണ്ട്‌. “വൈകാ​രിക ആവശ്യങ്ങൾ നിമി​ത്ത​മാണ്‌ നാം ആഹാരം കഴിക്കു​ന്നത്‌,” എന്ന്‌ ജോൺസ്‌ ഹോപ്‌കിൻസ്‌ വെയിറ്റ്‌ മാനേ​ജ്‌മെൻറ്‌ സെന്ററി​ലെ ഡോ. ലോ​റെൻസ്‌ ചെസ്‌കിൻ പറയുന്നു. “നമുക്കു സന്തോ​ഷ​മു​ള്ള​പ്പോൾ നാം ഭക്ഷണം കഴിക്കു​ന്നു, ദുഃഖ​മു​ള്ള​പ്പോ​ഴും നാം ഭക്ഷണം കഴിക്കു​ന്നു. ആഹാരം മറ്റു പല കാര്യ​ങ്ങൾക്കും ഉള്ള ഒരു പകരക്കാ​ര​നാ​ണെന്ന വിശ്വാ​സ​ത്തി​ലാണ്‌ നാം വളർന്നു​വ​ന്നി​രി​ക്കു​ന്നത്‌.”

നമുക്കു വിജയി​ക്കാൻ കഴിയു​മോ?

അമിത​തൂ​ക്കം സംബന്ധിച്ച പ്രശ്‌നങ്ങൾ സങ്കീർണ​മാണ്‌. ഓരോ വർഷവും എട്ടു കോടി അമേരി​ക്ക​ക്കാർ ഭക്ഷണ​ക്രമം പാലി​ക്കു​ന്ന​താ​യി കണക്കാ​ക്ക​പ്പെ​ടു​ന്നു. എന്നാൽ സ്വൽപ്പം തൂക്കം കുറഞ്ഞാ​ലു​ടൻതന്നെ മിക്കവ​രും തങ്ങളുടെ മുൻ ഭക്ഷണരീ​തി​യി​ലേക്കു മടങ്ങി​പ്പോ​കു​ന്നു. അഞ്ചു വർഷം​കൊണ്ട്‌, 95 ശതമാനം പേരും തങ്ങൾക്കു നഷ്ടമായ തൂക്കം വീണ്ടെ​ടു​ക്കു​ന്നു.

തൂക്കം കുറയ്‌ക്കാ​നും കുറഞ്ഞ തൂക്കം നിലനിർത്താ​നും ജീവി​ത​ശൈ​ലി​യിൽ മാറ്റം​വ​രു​ത്തേ​ണ്ടത്‌ ആവശ്യ​മാണ്‌. അത്തരം മാറ്റങ്ങൾ വരുത്താൻ ശ്രമവും പ്രതി​ജ്ഞാ​ബ​ദ്ധ​ത​യും കുടും​ബ​ത്തിൽനി​ന്നും സുഹൃ​ത്തു​ക്ക​ളിൽനി​ന്നു​മുള്ള സഹായ​വും ആവശ്യ​മാണ്‌. ചില കേസു​ക​ളിൽ ആരോഗ്യ പ്രൊ​ഫ​ഷ​ണൽമാ​രു​ടെ സഹായ​വും ആവശ്യ​മാ​യി വന്നേക്കാം. എങ്കിലും, നിങ്ങളു​ടെ ശ്രമങ്ങൾ വിജയി​ക്കാൻ ക്രിയാ​ത്മ​ക​മായ പ്രചോ​ദനം അത്യാ​വ​ശ്യ​മാണ്‌. നിങ്ങ​ളോ​ടു​തന്നെ ഇങ്ങനെ ചോദി​ക്കു​ന്നത്‌ നല്ലതാണ്‌: ‘ഞാൻ എന്തു​കൊ​ണ്ടാണ്‌ തൂക്കം കുറയ്‌ക്കാൻ ആഗ്രഹി​ക്കു​ന്നത്‌?’ ആരോ​ഗ്യ​പ​ര​മായ അപകടങ്ങൾ ഒഴിവാ​ക്കാൻ ആഗ്രഹി​ക്കു​ന്ന​തോ​ടൊ​പ്പം കൂടുതൽ സുഖം തോന്നാ​നും ശരീര​ഭം​ഗി വർധി​പ്പി​ക്കാ​നും നിങ്ങളു​ടെ ജീവി​ത​ത്തി​ന്റെ ഗുണമേന്മ മെച്ച​പ്പെ​ടു​ത്താ​നും കൂടി ആഗ്രഹി​ക്കു​ന്നെ​ങ്കിൽ തൂക്കം കുറയ്‌ക്കാ​നുള്ള നിങ്ങളു​ടെ ശ്രമങ്ങൾ വിജയി​ക്കാൻ ഏറെ സാധ്യ​ത​യുണ്ട്‌.

പോഷ​ക​ഗു​ണ​മു​ള്ള​തും കലോറി കുറവു​ള്ള​തു​മായ സ്വാദി​ഷ്‌ഠ​വും സംതൃ​പ്‌തി​ദാ​യ​ക​വു​മായ ആഹാരം നിങ്ങൾക്ക്‌ വേണ്ടു​വോ​ളം കഴിക്കാം. എന്നാൽ തൂക്കം കുറയ്‌ക്കാൻ സഹായി​ക്കുന്ന ആഹാര​പ​ദാർഥ​ങ്ങ​ളെ​ക്കു​റി​ച്ചു പരിചി​ന്തി​ക്കു​ന്ന​തി​നു മുമ്പ്‌ ഭക്ഷണ​ക്ര​മ​ത്തി​ലെ ചില ഘടകങ്ങൾ ആരോ​ഗ്യ​സം​ബ​ന്ധ​മായ അപകട​ങ്ങൾക്ക്‌ ഇടയാ​ക്കു​ന്ന​തെ​ങ്ങ​നെ​യെന്നു നമുക്കു പരി​ശോ​ധി​ക്കാം.

[അടിക്കു​റി​പ്പു​കൾ]

ഉണ്ടായി​രി​ക്കേണ്ട തൂക്ക​ത്തെ​ക്കാൾ 20-ഓ അതില​ധി​ക​മോ ശതമാനം കൂടു​ത​ലാ​യി​രി​ക്കു​മ്പോൾ അതിനെ പലപ്പോ​ഴും പൊണ്ണ​ത്തടി എന്നു പറയുന്നു.

1995-ലെ മാർഗ​രേ​ഖകൾ മിക്ക പ്രായ ഗ്രൂപ്പു​കാർക്കും ബാധക​മാണ്‌, എന്നാൽ എല്ലാവർക്കു​മല്ല. “65 വയസ്സിനു മേൽ പ്രായ​മു​ള്ള​വർക്ക്‌ തൂക്കം സംബന്ധിച്ച പുതിയ മാർഗ​രേ​ഖകൾ ഒരുപക്ഷേ ബാധക​മ​ല്ലാ​യി​രി​ക്കാം എന്നതി​നോട്‌ പൊതു​വേ യോജി​പ്പുണ്ട്‌,” എന്ന്‌ 1996 ജൂൺ 19-ലെ ജാമാ​യിൽ ഡോ. റോബർട്ട്‌ എം. റസൽ പറയുന്നു. “പ്രായ​മു​ള്ള​വർക്ക്‌ അൽപ്പം തൂക്കം കൂടു​ത​ലു​ണ്ടാ​യി​രി​ക്കു​ന്നത്‌ പ്രയോ​ജ​ന​ക​രം​പോ​ലു​മാ​യി​രു​ന്നേ​ക്കാം. എന്തു​കൊ​ണ്ടെ​ന്നാൽ അത്‌ രോഗ ഘട്ടങ്ങളിൽ ആവശ്യ​മായ ഊർജം പ്രദാ​നം​ചെ​യ്യു​ക​യും പേശി​ക​ളു​ടെ​യും അസ്ഥിക​ളു​ടെ​യും തൂക്കം സംരക്ഷി​ക്കു​ന്ന​തിൽ സഹായി​ക്കു​ക​യും ചെയ്യുന്നു.”

തൂക്കം കുറയ്‌ക്കു​ന്ന​തി​നുള്ള നിർദേ​ശ​ങ്ങൾക്കാ​യി ഉണരുക!യുടെ 1994 മേയ്‌ 8 ലക്കത്തിന്റെ 20-2 പേജു​ക​ളും 1993 ജനുവരി 22 (ഇംഗ്ലീഷ്‌) ലക്കത്തിന്റെ 12-14 പേജു​ക​ളും 1989 ഡിസംബർ 8 (ഇംഗ്ലീഷ്‌) ലക്കത്തിന്റെ 3-12 പേജു​ക​ളും കാണുക.

[6-ാം പേജിലെ ചാർട്ട്‌]

നിങ്ങൾക്ക്‌ “ആരോ​ഗ്യ​ക​ര​മായ തൂക്ക”മാണോ “മിതമായ അമിത​തൂക്ക”മാണോ “അമിത​മായ അമിത​തൂക്ക”മാണോ ഉള്ളത്‌? ഇവിടെ കാണി​ച്ചി​രി​ക്കുന്ന ഗ്രാഫ്‌ ആ ചോദ്യ​ത്തിന്‌ ഉത്തരം കണ്ടെത്താൻ നിങ്ങളെ സഹായി​ക്കും

സ്‌ത്രീപുരുഷൻമാർക്കുവേണ്ടിയുള്ള 1995-ലെ തൂക്ക മാർഗ​രേ​ഖ​കൾ

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഉയരം സെ.മീ.

198

190

180

170

160 ആരോ​ഗ്യ​ക​ര​മായ തൂക്കം മിതമായ അമിത​തൂ​ക്കം അമിത​മായ അമിത​തൂ​ക്കം

150

കി.ഗ്രാം. 30 40 50 60 70 80 90 100 110

തൂക്കം†

സ്ഥിതിവിവരക്കണക്കുകൾ അടിസ്ഥാനപ്പെട്ടിരിക്കുന്നത്‌: U.S. Department of Agriculture, U.S. Department of Health and Human Services

ചെരുപ്പില്ലാതെ.

†വസ്‌ത്രമില്ലാതെ. ഉയർന്ന തൂക്കങ്ങൾ ബാധക​മാ​കു​ന്നത്‌ പല പുരു​ഷൻമാ​രു​ടെ​യും കാര്യ​ത്തി​ലെ​ന്ന​പോ​ലെ പേശി​ക​ളും അസ്ഥിക​ളും കൂടു​ത​ലു​ള്ള​വർക്കാണ്‌.