ബൈബി​ളി​ന്റെ വീക്ഷണം

ക്രിസ്‌ത്യാ​നി​കൾ യുദ്ധവി​രോ​ധി​കൾ ആയിരി​ക്ക​ണ​മോ?

“ക്രിസ്‌ത്യാ​നി​ത്വ​ത്തി​ന്റെ ആദിമ നൂറ്റാ​ണ്ടു​ക​ളി​ലേ​തു​പോ​ലെ​തന്നെ സഭകൾ വീണ്ടും യുദ്ധവി​രോ​ധി​ക​ളാ​യി​ത്തീ​രണം.”—ഹ്യൂ​ബെർട്ട്‌ ബട്ട്‌ലർ, ഐറിഷ്‌ എഴുത്തു​കാ​രൻ.

രണ്ടാം ലോക​മ​ഹാ​യു​ദ്ധാ​ന​ന്തരം യൂഗോ​സ്ലാ​വി​യ​യിൽ നടത്തിയ ഒരു സന്ദർശ​ന​ത്തി​നു ശേഷം ഹ്യൂ​ബെർട്ട്‌ ബട്ട്‌ലർ സധൈ​ര്യം എഴുതിയ ഉപന്യാ​സ​ത്തി​ലെ വാക്കു​ക​ളാണ്‌ മേലു​ദ്ധ​രി​ച്ചി​രി​ക്കു​ന്നത്‌! 1947-ൽ എഴുതി​യെ​ങ്കി​ലും കഴിഞ്ഞ വർഷമേ അതു പ്രസി​ദ്ധീ​ക​രി​ച്ചു​ള്ളൂ. “പറയാ​നാ​വാ​ത്തത്ര ദുഷിച്ച കുറ്റകൃ​ത്യ​ങ്ങൾക്ക്‌ യുദ്ധകാ​ലത്ത്‌ ക്രിസ്‌തീയ സഭ പരോ​ക്ഷാ​നു​മതി നൽകി​യ​തും ക്രിസ്‌തു​വി​ന്റെ പഠിപ്പി​ക്ക​ലിൽനി​ന്നു വളരെ​യേറെ വ്യതി​ച​ലി​ച്ച​തും” അദ്ദേഹത്തെ ഞെട്ടിച്ചു.

ജനരഞ്‌ജ​ക​മ​ല്ലാ​ത്ത പ്രസ്ഥാ​ന​ങ്ങൾക്ക്‌ അല്ലെങ്കിൽ സംഘങ്ങൾക്ക്‌ വേണ്ടി തുറന്നു സംസാ​രി​ക്കാൻ ബട്ട്‌ല​റി​നു ഭയമു​ണ്ടാ​യി​രു​ന്നില്ല. അദ്ദേഹം അങ്ങനെ ചെയ്‌ത​പ്പോൾ, മറ്റാരും പിന്താ​ങ്ങാ​നു​ണ്ടാ​യി​രു​ന്നില്ല. “എല്ലാ മതവി​ഭാ​ഗ​ങ്ങ​ളി​ലും​വെച്ച്‌ ഏറ്റവും നിർദോ​ഷ​വും കുറ്റര​ഹി​ത​വു​മായ രാഷ്‌ട്രീയ നിഷ്‌പക്ഷത പുലർത്തുന്ന വിഭാഗം” എന്ന്‌ ദി ഐറിഷ്‌ ടൈംസ്‌ വർണിച്ച യഹോ​വ​യു​ടെ സാക്ഷി​ക​ളു​ടെ ധീരമായ നിലപാ​ടു​കളെ സഭകളു​ടെ പെരു​മാ​റ്റ​വു​മാ​യി വിപരീത താരത​മ്യം ചെയ്‌തു​കൊണ്ട്‌ അദ്ദേഹം തന്റെ വികാ​രങ്ങൾ തുറന്നു പ്രകടി​പ്പി​ച്ചു. “യുദ്ധത്തെ നീതീ​ക​രി​ക്കു​ന്ന​തി​നു രാഷ്‌ട്രീയ-മത രംഗത്തെ നേതാ​ക്ക​ന്മാർ ഉപയോ​ഗിച്ച സമസ്‌ത കുതന്ത്ര ന്യായ​വാ​ദ​ങ്ങ​ളെ​യും നിരസിച്ച” സാക്ഷി​കളെ യുദ്ധന​ട​പ​ടി​ക​ളിൽ പങ്കു​ചേ​രാൻ വിസമ്മ​തി​ച്ച​തിന്‌ യൂഗോ​സ്ലാ​വി​യൻ അധികാ​രി​കൾ വിചാ​ര​ണ​ചെ​യ്‌തു​വെന്ന്‌ “യൂഗോ​സ്ലാ​വി​യ​യെ​ക്കു​റി​ച്ചുള്ള റിപ്പോർട്ട്‌” (ഇംഗ്ലീഷ്‌) എന്ന തന്റെ ഉപന്യാ​സ​ത്തിൽ ബട്ട്‌ലർ എഴുതി.

എന്നാൽ, യഹോ​വ​യു​ടെ സാക്ഷി​കളെ യുദ്ധവി​രോ​ധി​ക​ളാ​യി വർണി​ക്കു​ന്നതു തിരു​വെ​ഴു​ത്തു​പ​ര​മാ​യി ശരിയാ​ണോ? “യുദ്ധവി​രോ​ധി​കൾ” എന്ന പദത്താൽ എന്താണ്‌ അർഥമാ​ക്കു​ന്ന​തെ​ന്ന​തി​നെ ആശ്രയി​ച്ചി​രു​ന്നേ​ക്കാം അത്‌. വ്യക്തി​പ​ര​മാ​യി വലിയ ദുരി​തങ്ങൾ സഹിച്ചു​കൊണ്ട്‌, യുദ്ധത്തിൽ ആയുധ​ങ്ങ​ളെ​ടു​ക്കാൻ വിസമ്മ​തി​ച്ച​തി​ലെ ധീരത​യ്‌ക്ക്‌ സാക്ഷി​കളെ അഭിന​ന്ദി​ക്കാ​നാണ്‌ ബട്ട്‌ലർ ആ പദപ്ര​യോ​ഗം ഉപയോ​ഗി​ച്ചത്‌. എന്നാൽ ദുഃഖ​ക​ര​മെന്നു പറയട്ടെ, യുദ്ധജ്വ​രം ബാധിച്ച ഒട്ടനവ​ധി​യാ​ളു​കൾ ഒരു യുദ്ധവി​രോ​ധി​യെ “രാഷ്‌ട്ര​ത്തോ​ടുള്ള തന്റെ ഉത്തരവാ​ദി​ത്വ​ത്തിൽനിന്ന്‌ ഒഴിഞ്ഞു​മാ​റാൻ ഉത്സാഹി​ക്കുന്ന ഒരു നിർലജ്ജ ഭീരു​വോ രാജ്യ​ദ്രോ​ഹി​യോ ആയിട്ടാണ്‌” വീക്ഷി​ക്കു​ന്നത്‌. ആ വീക്ഷണ​ഗതി ശരിയാ​ണോ?

യുദ്ധ​ത്തോ​ടോ അക്രമ​ത്തോ​ടോ ഉള്ള എതിർപ്പ്‌

“സംഘട്ട​നത്തെ, പ്രത്യേ​കി​ച്ചും യുദ്ധത്തെ ശക്തമാ​യും സജീവ​മാ​യും എതിർക്കുന്ന” ഒരുവ​നാണ്‌ യുദ്ധവി​രോ​ധി എന്ന്‌ വെബ്‌സ്റ്റേ​ഴ്‌സ്‌ നയന്ത്‌ ന്യൂ കൊളീ​ജി​യറ്റ്‌ ഡിക്‌ഷ്‌നറി പറയുന്നു. “യുദ്ധമോ അക്രമ​മോ തർക്കങ്ങൾ തീർക്കാ​നുള്ള ഒരു മാർഗ​മാ​യി അംഗീ​ക​രി​ക്കു​ന്ന​തി​നോ​ടുള്ള എതിർപ്പ്‌; പ്രത്യേ[കിച്ചും]: ധാർമി​ക​മോ മതപര​മോ ആയ കാരണ​ങ്ങ​ളാൽ ആയുധ​മേ​ന്താൻ വിസമ്മ​തി​ക്കൽ” എന്ന്‌ അത്‌ “യുദ്ധവി​രോധ”ത്തെ നിർവ​ചി​ക്കു​ന്നു. ആദിമ ക്രിസ്‌തീയ സഭയിലെ വിശ്വാ​സി​കൾക്ക്‌ ഈ നിർവ​ച​നങ്ങൾ എങ്ങനെ ബാധക​മാ​കു​മാ​യി​രു​ന്നു?

അവർ, ‘ധാർമി​ക​വും മതപര​വു​മായ കാരണ​ങ്ങ​ളാൽ ആയുധ​മേ​ന്താൻ വിസമ്മ​തി​ക്കു’കയും സകലവിധ ‘സംഘട്ട​ന​ങ്ങ​ളും യുദ്ധങ്ങ​ളും’ ഒഴിവാ​ക്കു​ക​യും ചെയ്‌തു. എന്തു​കൊണ്ട്‌? കാരണം, തന്റെ അനുഗാ​മി​കൾ “ലോക​ത്തി​ന്റെ ഭാഗമല്ല” എന്നും “വാൾ എടുക്കു​ന്നവർ ഒക്കെയും വാളാൽ നശിച്ചു​പോ​കും” എന്നും യേശു പറഞ്ഞി​ട്ടു​ണ്ടെന്ന്‌ അവർക്ക​റി​യാ​മാ​യി​രു​ന്നു. (യോഹ​ന്നാൻ 15:19, NW; മത്തായി 26:52) “ചുരു​ങ്ങി​യ​പക്ഷം, മാർക്കസ്‌ ഔറേ​ലി​യ​സി​ന്റെ [പൊ.യു. 161-180] ഭരണം​വരെ ഒരു ക്രിസ്‌ത്യാ​നി​യും തന്റെ സ്‌നാ​പ​ന​ശേഷം പട്ടാള​ക്കാ​ര​നാ​കു​മാ​യി​രു​ന്നില്ല” എന്ന്‌ ആദിമ സഭയും ലോക​വും (ഇംഗ്ലീഷ്‌) എന്ന പുസ്‌ത​ക​ത്തിൽ ഒരു ചരി​ത്ര​കാ​രൻ നമ്മോടു പറയുന്നു. പുരാതന ലോക​ത്തി​ലെ നവലോക അടിസ്ഥാ​നങ്ങൾ (ഇംഗ്ലീഷ്‌) എന്ന പുസ്‌ത​ക​ത്തിൽ ഒരു ചരി​ത്ര​കാ​രി പറയുന്നു: “പോരാ​ട്ടം നടത്തു​ന്നതു തെറ്റാ​ണെ​ന്നും രാഷ്‌ട്ര​ത്തി​നു യോദ്ധാ​ക്കളെ ആവശ്യ​മു​ള്ള​പ്പോൾ പോലും സൈന്യ​ത്തിൽ സേവി​ക്കാൻ പാടി​ല്ലെ​ന്നും ആദിമ ക്രിസ്‌ത്യാ​നി​കൾ വിശ്വ​സി​ച്ചി​രു​ന്നു.”

സുവാർത്ത പ്രസം​ഗി​ക്കുക എന്നതാ​യി​രു​ന്നു ക്രിസ്‌ത്യാ​നി​ക​ളു​ടെ നിയോ​ഗം. (മത്തായി 24:14; 28:19, 20) ദൈവ​ത്തി​ന്റെ ശത്രു​ക്കൾക്കെ​തി​രെ യുദ്ധം ചെയ്യാൻ, അവന്റെ വധനിർവാ​ഹ​ക​രാ​യി പ്രവർത്തി​ക്കാൻ തങ്ങൾക്ക്‌ അവനിൽനി​ന്നു യാതൊ​രു നിയോ​ഗ​വും ലഭിച്ചി​ട്ടി​ല്ലെന്ന്‌ അവർ മനസ്സി​ലാ​ക്കി. (മത്തായി 5:9; റോമർ 12:17-21) ബട്ട്‌ലർ പ്രസ്‌താ​വി​ച്ച​പ്ര​കാ​രം, ക്രിസ്‌ത്യാ​നി​ക​ളെന്നു വിളി​ക്ക​പ്പെ​ടു​ന്നവർ ‘ക്രിസ്‌തു​വി​ന്റെ പഠിപ്പി​ക്ക​ലിൽനി​ന്നു വളരെ​യേറെ വ്യതി​ച​ലി​ക്കു​മ്പോൾ’ മാത്ര​മാണ്‌ അവർ രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ അകപ്പെ​ടു​ന്നത്‌. അപ്പോൾ, മിക്ക​പ്പോ​ഴും ഒരു സംഘട്ട​ന​ത്തി​ന്റെ ഇരുപ​ക്ഷ​ത്തും, വൈദി​കർ സൈന്യ​ങ്ങളെ അനു​ഗ്ര​ഹി​ക്കു​ക​യും വിജയ​ത്തി​നാ​യി പ്രാർഥി​ക്കു​ക​യും ചെയ്യുന്നു. (യോഹ​ന്നാൻ 17:16-ഉം 18:36-ഉം താരത​മ്യം ചെയ്യുക.) ദൃഷ്ടാ​ന്ത​ത്തിന്‌, കഴിഞ്ഞ നൂറ്റാ​ണ്ടു​ക​ളിൽ പ്രൊ​ട്ട​സ്റ്റൻറു​കാ​രും കത്തോ​ലി​ക്ക​രും, “തങ്ങൾ ദൈവ​ക്രോ​ധ​ത്തി​ന്റെ ഉപകര​ണ​ങ്ങ​ളാ​ണെന്നു സ്വയം ഉദ്‌ഘോ​ഷി​ച്ചു​കൊണ്ട്‌ പശ്ചിമ​യൂ​റോ​പ്പി​നെ ഭീതി​യിൽ [ആഴ്‌ത്തിയ]” ഒട്ടനവധി രക്തപങ്കില യുദ്ധങ്ങൾ നടത്തി​യെന്നു കെന്നത്ത്‌ ക്ലാർക്ക്‌ സംസ്‌കാ​രം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ എഴുതു​ന്നു. ഇത്തരം യുദ്ധത്തെ നീതീ​ക​രി​ക്കാ​നാ​യി രൂപം​കൊ​ടുത്ത വാദമു​ഖങ്ങൾ “സ്‌പഷ്ട​മാ​യും ലൗകിക അധികാ​രി​കളെ പ്രീതി​പ്പെ​ടു​ത്താ​നുള്ള ആഗ്രഹ​ത്തിൽനി​ന്നു വളർന്നു വന്നിട്ടു​ള്ള​താ​ണെ​ന്നും അവ പുരാതന ക്രിസ്‌തീയ ഉപദേ​ശ​ത്തി​നും സുവി​ശേ​ഷ​ത്തി​ന്റെ മുഴു അന്തഃസ​ത്ത​യ്‌ക്കും തികച്ചും എതിരാ”ണെന്നും മക്ലി​ന്റോ​ക്കി​ന്റെ​യും സ്‌​ട്രോം​ഗി​ന്റെ​യും സൈ​ക്ലോ​പീ​ഡിയ ഓഫ്‌ ബിബ്ലിക്കൽ, തിയ​ളോ​ജി​ക്കൽ, ആൻഡ്‌ എക്ലിസി​യാ​സ്റ്റി​ക്കൽ ലിറ്റ​റേച്ചർ പറയുന്നു.—യാക്കോബ്‌ 4:4.

യുദ്ധ​ത്തോ​ടു പൂർണ​മാ​യും എതിരാ​ണോ?

എന്നാൽ, ‘പുരാതന ക്രിസ്‌തീയ ഉപദേ​ശ​വും സുവി​ശേ​ഷ​ത്തി​ന്റെ മുഴു അന്തഃസ​ത്ത​യും’ വാസ്‌ത​വ​ത്തിൽ യുദ്ധവി​രു​ദ്ധ​മാ​ണോ? നേരത്തേ നിർവ​ചി​ച്ചി​രി​ക്കു​ന്ന​ത​നു​സ​രിച്ച്‌, ആദിമ ക്രിസ്‌ത്യാ​നി​കളെ സത്യമാ​യും യുദ്ധവി​രോ​ധി​ക​ളാ​യി വർണി​ക്കാ​നാ​കു​മോ? ഇല്ല! എന്തു​കൊണ്ട്‌? അവർ, യുദ്ധം ചെയ്യാ​നുള്ള ദൈവ​ത്തി​ന്റെ അവകാ​ശത്തെ അംഗീ​ക​രി​ച്ചു എന്നതാണ്‌ ഒരു കാരണം. (പുറപ്പാ​ടു 14:13, 14; 15:1-4; യോശുവ 10:14; യെശയ്യാ​വു 30:30-32) അതിനു​പു​റമേ, പുരാതന ഇസ്രാ​യേൽ ദൈവ​ത്തി​ന്റെ ഭൂമി​യി​ലെ ഏക ഉപകര​ണ​മാ​യി​രുന്ന സമയത്ത്‌ തനിക്കു​വേണ്ടി പോരാ​ടാൻ ആ ജനതയെ അധികാ​ര​പ്പെ​ടു​ത്തി​യ​തി​ലുള്ള ദൈവ​ത്തി​ന്റെ അവകാ​ശത്തെ അവർ ഒരിക്ക​ലും ചോദ്യം​ചെ​യ്‌തില്ല.—സങ്കീർത്തനം 144:1; പ്രവൃ​ത്തി​കൾ 7:45; എബ്രായർ 11:32-34.

ഭൂമി​യിൽനി​ന്നു ദുഷ്ടൻമാ​രെ നീക്കം​ചെ​യ്യാൻ ദൈവ​ത്തിന്‌ അവകാശം മാത്രമല്ല നീതി​യു​ടെ അടിസ്ഥാ​ന​ത്തിൽ ഒരു കടപ്പാ​ടു​മുണ്ട്‌. തങ്ങളുടെ വഴികൾ നേരേ​യാ​ക്കാ​നുള്ള ദൈവ​ത്തി​ന്റെ ക്ഷമാപൂർവ​ക​മായ അഭ്യർഥ​ന​ക​ളോട്‌ ഒട്ടുമിക്ക ദുഷ്‌പ്ര​വൃ​ത്തി​ക്കാ​രും ഒരിക്ക​ലും അനുകൂ​ല​മാ​യി പ്രതി​ക​രി​ക്കു​ക​യില്ല. (യെശയ്യാ​വു 45:22; മത്തായി 7:13, 14) ദൈവം ദുഷ്ടത സഹിക്കു​ന്ന​തിന്‌ ഒരു പരിധി​യുണ്ട്‌. (യെശയ്യാ​വു 61:2; പ്രവൃ​ത്തി​കൾ 17:30) അതു​കൊണ്ട്‌, ഒടുവിൽ ദൈവം ദുഷ്ടന്മാ​രെ ഭൂമി​യിൽനി​ന്നു ബലമായി നീക്കം​ചെ​യ്യു​മെന്നു ക്രിസ്‌ത്യാ​നി​കൾ തിരി​ച്ച​റി​യു​ന്നു. (2 പത്രൊസ്‌ 3:9, 10) ബൈബിൾ മുൻകൂ​ട്ടി​പ്പ​റ​യു​ന്ന​തു​പോ​ലെ, “കർത്താ​വായ യേശു തന്റെ ശക്തിയുള്ള ദൂതന്മാ​രു​മാ​യി സ്വർഗ്ഗ​ത്തിൽനി​ന്നു അഗ്നിജ്വാ​ല​യിൽ പ്രത്യ​ക്ഷ​നാ​യി ദൈവത്തെ അറിയാ​ത്ത​വർക്കും നമ്മുടെ കർത്താ​വായ യേശു​വി​ന്റെ സുവി​ശേഷം അനുസ​രി​ക്കാ​ത്ത​വർക്കും പ്രതി​കാ​രം കൊടു​ക്കു​മ്പോ”ഴായി​രി​ക്കും അത്‌.—2 തെസ്സ​ലൊ​നീ​ക്യർ 1:6-9.

ബൈബി​ളി​ലെ അവസാ​നത്തെ പുസ്‌തകം ഈ സംഘട്ട​നത്തെ ‘സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധം’ അഥവാ അർമ​ഗെ​ദോൻ എന്നു വിവരി​ക്കു​ന്നു. (വെളി​പ്പാ​ടു 16:14, 16) “നീതി​യോ​ടെ വിധി​ക്ക​യും പോരാ​ടു​ക​യും” ചെയ്‌തു​കൊണ്ട്‌ യേശു​ക്രി​സ്‌തു ഇതിൽ നേതൃ​ത്വ​മെ​ടു​ക്കു​മെന്ന്‌ അതു പറയുന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) (വെളി​പ്പാ​ടു 19:11, 14, 15) യേശു​ക്രി​സ്‌തു ഉചിത​മാ​യി “സമാധാന പ്രഭു” എന്നു വിളി​ക്ക​പ്പെ​ട്ടി​രി​ക്കു​ന്നു. (യെശയ്യാ​വു 9:6) എന്നാൽ അവൻ ഒരു യുദ്ധവി​രോ​ധി​യല്ല. ദൈവ​ത്തി​ന്റെ മത്സരി​ക​ളായ സമസ്‌ത ശത്രു​ക്ക​ളെ​യും നീക്കം​ചെ​യ്യു​ന്ന​തിന്‌ അവൻ ഇതി​നോ​ടകം സ്വർഗ​ത്തിൽ ഒരു യുദ്ധം നടത്തി​ക്ക​ഴി​ഞ്ഞി​രി​ക്കു​ന്നു. (വെളി​പ്പാ​ടു 12:7-9) “ഭൂമിയെ നശിപ്പി​ക്കു​ന്ന​വരെ നശിപ്പി”ക്കുന്നതിന്‌ അവൻ പെട്ടെ​ന്നു​തന്നെ മറ്റൊരു യുദ്ധം നടത്തും. എന്നിരു​ന്നാ​ലും, ആ ദിവ്യ ന്യായ​വി​ധി​യിൽ ഭൂമി​യി​ലെ അവന്റെ അനുഗാ​മി​കൾ പങ്കെടു​ക്കു​ക​യില്ല.—വെളി​പ്പാ​ടു 11:17, 18.

സത്യ​ക്രി​സ്‌ത്യാ​നി​കൾ സമാധാ​നത്തെ സ്‌നേ​ഹി​ക്കു​ന്നു. ലോക​ത്തി​ലെ സൈനിക-രാഷ്‌ട്രീയ-വംശീയ സംഘട്ട​ന​ങ്ങ​ളിൽ അവർ സമ്പൂർണ നിഷ്‌പക്ഷത പാലി​ക്കു​ന്നു. എങ്കിലും, കർശന​മാ​യി പറഞ്ഞാൽ, അവർ യുദ്ധവി​രോ​ധി​കളല്ല. എന്തു​കൊണ്ട്‌? കാരണം, ഒടുവിൽ ഭൂമി​യിൽ തന്റെ ഇഷ്ടം നടപ്പാ​ക്കുന്ന ദൈവ​ത്തി​ന്റെ യുദ്ധത്തെ അവർ സ്വാഗതം ചെയ്യുന്നു—എന്നെ​ന്നേ​ക്കു​മാ​യി, സാർവ​ത്രിക പരമാ​ധി​കാ​ര​ത്തി​ന്റെ വിവാ​ദ​വി​ഷയം പരിഹ​രി​ക്കു​ക​യും സമാധാ​ന​ത്തി​ന്റെ സകല ശത്രു​ക്ക​ളിൽനി​ന്നും ഭൂമിയെ സ്വത​ന്ത്ര​മാ​ക്കു​ക​യും ചെയ്യുന്ന യുദ്ധമാ​ണത്‌.—യിരെ​മ്യാ​വു 25:31-33; ദാനീ​യേൽ 2:44; മത്തായി 6:9, 10.

[22-ാം പേജിലെ ചിത്ര​ത്തിന്‌ കടപ്പാട്‌]

Christ Mocked/The Doré Bible Illustrations/Dover Publications, Inc.