അത്‌ അദ്ദേഹത്തെ പ്രവർത്തി​ക്കാൻ പ്രേരി​പ്പി​ച്ചു!

വെനെ​സ്വേ​ല​യു​ടെ തലസ്ഥാ​ന​മായ കാരക്കാ​സി​ലുള്ള ഒരു മനുഷ്യൻ തന്റെ പ്രായം​ചെന്ന പിതാവ്‌ റൂഫീ​നോ​യെ സന്ദർശി​ച്ചു. അവിടെ നാട്ടിൻപു​റ​ത്തുള്ള ഒരു ഒറ്റപ്പെട്ട ഗ്രാമ​മായ ലാ ലോമാ​യി​ലാ​യി​രു​ന്നു റൂഫീ​നോ താമസി​ച്ചി​രു​ന്നത്‌. നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം മകൻ അദ്ദേഹ​ത്തി​നു കൊണ്ടു​വന്നു കൊടു​ത്തു.

കുറച്ചു​കാ​ലം കഴിഞ്ഞ്‌, ലോസ്‌ ഹൂമോ​കാ​രോ​സിൽ നിന്നുള്ള യഹോ​വ​യു​ടെ സാക്ഷികൾ ലാ ലോമാ​യിൽ പ്രസം​ഗ​വേ​ല​യ്‌ക്കാ​യി ചെന്നു. അവരെ അമ്പരപ്പി​ച്ചു​കൊണ്ട്‌, ഒരു സാക്ഷി തങ്ങളെ സന്ദർശി​ക്കു​ന്ന​താ​യി ആളുകൾ പറഞ്ഞു. ആ പ്രദേ​ശത്തു സാക്ഷി​ക​ളൊ​ന്നും താമസ​മില്ല എന്നറി​യാ​വു​ന്ന​തു​കൊണ്ട്‌ സാക്ഷികൾ ആകെ അങ്കലാ​പ്പി​ലാ​യി. അപ്പോൾ ആരോ, സാക്ഷി​യെന്നു വിശ്വ​സി​ക്ക​പ്പെ​ടുന്ന ആളുടെ വീടു കാണി​ച്ചു​കൊ​ടു​ത്തു—അതു റൂഫീ​നോ​യു​ടെ വീടാ​യി​രു​ന്നു!

സന്ദർശ​ക​രെ കണ്ടുമു​ട്ടി​യ​തിൽ റൂഫീ​നോ അത്യധി​കം സന്തോ​ഷി​ച്ചു. അദ്ദേഹ​ത്തി​ന്റെ ഗ്രാമ​ത്തി​ലു​ള്ളവർ എന്തു​കൊ​ണ്ടാണ്‌ ഒരു യഹോ​വ​യു​ടെ സാക്ഷി​യാ​യി അദ്ദേഹത്തെ തിരി​ച്ച​റി​യി​ച്ചത്‌? റൂഫീ​നോ എന്നേക്കും ജീവി​ക്കാൻ പുസ്‌തകം വായിച്ചു തുടങ്ങി​യി​രു​ന്നു. അദ്ദേഹം 13-ാം അധ്യാ​യ​ത്തി​ലെ​ത്തി​യ​പ്പോൾ, അതിൽ യേശു തന്റെ അനുഗാ​മി​കളെ പ്രസം​ഗ​വേ​ല​യ്‌ക്ക്‌ അയയ്‌ക്കു​ന്നതു ചിത്രീ​ക​രി​ച്ചി​രി​ക്കു​ന്നതു കണ്ടു. അതിൽനി​ന്നും, ക്രിസ്‌ത്യാ​നി​കൾ ഇന്നും അതേ വേല ചെയ്യേ​ണ്ട​താ​ണെന്ന നിഗമ​ന​ത്തിൽ റൂഫീ​നോ എത്തി​ച്ചേർന്നു. അതു​കൊണ്ട്‌ അദ്ദേഹം തന്റെ അയൽക്കാ​രു​മാ​യി താൻ പഠിച്ചു​കൊ​ണ്ടി​രുന്ന ബൈബിൾ സത്യങ്ങൾ പങ്കു​വെ​ക്കാ​നാ​രം​ഭി​ച്ചു.

റൂഫീ​നോ​യു​മാ​യി ഒരു ക്രമമായ ബൈബി​ള​ധ്യ​യനം ആരംഭി​ക്കു​ക​യും അദ്ദേഹ​ത്തോ​ടു സഭാ​യോ​ഗ​ങ്ങ​ളെ​ക്കു​റി​ച്ചു പറയു​ക​യും ചെയ്‌തു. അടുത്ത ഞായറാ​ഴ്‌ച​തന്നെ അദ്ദേഹം രാജ്യ​ഹാ​ളി​ലെത്തി. 80 വയസ്സു​ണ്ടാ​യി​രു​ന്നി​ട്ടു​പോ​ലും റൂഫീ​നോ മൂന്നു മണിക്കൂർ നടന്നാണ്‌ അവി​ടെ​യെ​ത്തി​യത്‌! ആ ദിവസം മുതൽ, തീരെ വയ്യാത്ത​പ്പോ​ഴ​ല്ലാ​തെ, അദ്ദേഹം യോഗ​ങ്ങ​ളിൽ ഒന്നു പോലും മുടക്കി​യി​ട്ടില്ല. അദ്ദേഹം ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ പേർ ചാർത്തു​ക​യും ഒരു നല്ല പ്രസംഗം നടത്തു​ക​പോ​ലും ചെയ്‌തു. രോഗ​ബാ​ധി​ത​നായ റൂഫീ​നോ 1996 ജൂ​ലൈ​യിൽ മരിച്ചു, ഒരു പറുദീ​സാ ഭൂമി​യി​ലേ​ക്കുള്ള പുനരു​ത്ഥാ​ന​ത്തി​ന്റെ ദൃഢ പ്രത്യാ​ശ​യോ​ടെ.

ആകർഷ​ക​മാ​യ ചിത്ര​ങ്ങ​ളോ​ടു​കൂ​ടിയ, 256-പേജുള്ള നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​ത്തിൽനി​ന്നു നിങ്ങൾക്കും പ്രയോ​ജനം അനുഭ​വി​ക്കാൻ കഴിയു​മെന്നു ഞങ്ങൾ വിശ്വ​സി​ക്കു​ന്നു. അതിന്റെ ഒരു പ്രതി​യോ ഒരു സൗജന്യ ഭവന ബൈബി​ള​ധ്യ​യ​ന​മോ ഉണ്ടായി​രി​ക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ ദയവായി Watch Tower, H-58 Old Khandala Road, Lonavla 410 401, Mah., India,-യിലേക്കോ 5-ാം പേജിൽ കൊടു​ത്തി​രി​ക്കുന്ന ഉചിത​മായ മേൽവി​ലാ​സ​ത്തി​ലോ എഴുതുക.