താങ്ങു​ത​ടി​ക​ളി​ന്മേൽ ഒരു സമുദാ​യം

ബെനിനിലെ ഉണരുക! ലേഖകൻ

“ബെനിന്റെ സുപ്ര​ധാന വിനോ​ദ​സ​ഞ്ചാ​ര​കേ​ന്ദ്ര​ങ്ങ​ളിൽ ഒന്നാണു ഗാൻവി​യേ,” പശ്ചിമാ​ഫ്രി​ക്ക​യി​ലേ​ക്കുള്ള ഒരു യാത്രാ ഗൈഡ്‌ പറയുന്നു. മറ്റൊന്ന്‌ ഇങ്ങനെ പറയുന്നു: “ആഫ്രി​ക്ക​ക്കാർതന്നെ ഗാൻവി​യേ​യിൽ ആകൃഷ്ട​രാണ്‌; പാശ്ചാ​ത്യ​രു​ടെ​യ​ത്ര​യും​തന്നെ ആഫ്രിക്കൻ വിനോ​ദ​സ​ഞ്ചാ​രി​കളെ നിങ്ങൾ കാണും.”

ഗാൻവി​യേ തീർച്ച​യാ​യും അതുല്യം​തന്നെ. ബെനി​നിൽ കൊ​ട്ടോ​നോ​വി​നു വടക്കായി നൊകൂ​വേ തടാക​ത്തി​ലെ ജലത്തി​നു​മീ​തെ താങ്ങു​ത​ടി​ക​ളി​ന്മേൽ പണിത, 15,000 നിവാ​സി​ക​ളുള്ള ഒരു ഗ്രാമ​മാ​ണിത്‌. ഗാൻവി​യേ​യിൽ സൈക്കി​ളു​ക​ളില്ല, കാറു​ക​ളില്ല, നടപ്പാ​ത​ക​ളില്ല, റോഡു​ക​ളില്ല. ഗ്രാമ​വാ​സി​കൾക്കു സ്‌കൂ​ളി​ലോ ചന്തയി​ലോ ചികി​ത്സാ​കേ​ന്ദ്ര​ത്തി​ലോ അയൽവീ​ട്ടി​ലോ മറ്റെവി​ടെ​യെ​ങ്കി​ലോ പോക​ണ​മെ​ങ്കിൽ, അവർ ഇറോ​കോ വൃക്ഷത്തിൽനി​ന്നു കൊത്തി​യു​ണ്ടാ​ക്കിയ ഒരു ചിറ്റോ​ട​ത്തിൽ കയറും.

മിക്ക കുടും​ബ​ങ്ങൾക്കും നിരവധി ചിറ്റോ​ട​ങ്ങ​ളുണ്ട്‌—പിതാ​വിന്‌ ഒരെണ്ണം, മാതാ​വിന്‌ ഒരെണ്ണം, ചില​പ്പോൾ കുട്ടി​കൾക്കും ഒരെണ്ണ​മു​ണ്ടാ​യി​രി​ക്കും. കുട്ടികൾ ചെറു​പ്പ​ത്തിൽതന്നെ തുഴയാൻ പഠിക്കു​ന്നു. അഞ്ചുവ​യ​സ്സാ​കു​മ്പോ​ഴേ​ക്കും ഒരു കുട്ടിക്കു തന്നെത്താൻ ഒരു വഞ്ചി തുഴയാൻ സാധി​ക്കും. താമസി​യാ​തെ, അവനോ അവൾക്കോ ഒരു ചിറ്റോ​ട​ത്തിൽനി​ന്നു​കൊണ്ട്‌ മീൻ പിടി​ക്കാ​നുള്ള ഒരു ചെറിയ വല എറിയാ​നുള്ള ധൈര്യം കൈവ​രു​ന്നു. ചില കുട്ടികൾ, ചിറ്റോ​ട​ങ്ങ​ളിൽ തലകു​ത്തി​നി​ന്നു​കൊ​ണ്ടു വിനോ​ദ​സ​ഞ്ചാ​രി​ക​ളു​ടെ മുന്നിൽ തങ്ങളുടെ കഴിവു പ്രദർശി​പ്പി​ക്കു​ന്ന​തിൽ രസം കണ്ടെത്തു​ന്നു.

ഗാൻവി​യേ​യി​ലെ ചങ്ങാട​ച്ച​ന്ത​യിൽ വ്യാപാ​രി​കൾ, മിക്കവാ​റും സ്‌ത്രീ​കൾ, തങ്ങളുടെ മുന്നിൽ കൂമ്പാരം കൂട്ടി​യി​ട്ടി​രി​ക്കുന്ന ചരക്കു​ക​ളു​മാ​യി—സുഗന്ധ​വ്യ​ജ്ഞ​നങ്ങൾ, പഴങ്ങൾ, മത്സ്യം, ഔഷധം, വിറക്‌, ബിയർ, റേഡി​യോ എന്നിവ​യു​മാ​യി—ചിറ്റോ​ട​ത്തിൽ ഇരിക്കും. ഉഷ്‌ണ​മേ​ഖലാ വെയി​ലിൽനി​ന്നു സംരക്ഷ​ണ​മേ​കുന്ന, വളരെ വീതി​യേ​റിയ വക്കുക​ളോ​ടു​കൂ​ടിയ വൈ​ക്കോൽ തൊപ്പി​ക​ളു​മ​ണിഞ്ഞ്‌ സാധനങ്ങൾ വാങ്ങാൻ ചിറ്റോ​ടം തുഴ​ഞ്ഞെ​ത്തു​ന്ന​വർക്ക്‌ അവർ സാധനങ്ങൾ വിൽക്കു​ന്നു. ചില​പ്പോൾ വിൽപ്പ​ന​ക്കാ​രി​കൾ കൊച്ചു പെൺകു​ട്ടി​ക​ളാ​യി​രി​ക്കും. അവരുടെ പ്രായം കണ്ടു തെറ്റി​ദ്ധ​രി​ക്ക​രുത്‌! നന്നേ ചെറു​പ്പ​ത്തിൽതന്നെ സാമർഥ്യ​ത്തോ​ടെ ക്രയവി​ക്രയം ചെയ്യാ​നുള്ള കച്ചവട​സൂ​ത്രങ്ങൾ അവർ പഠിക്കു​ന്നു.

സ്‌ത്രീ​കൾ ചന്തകളിൽ വിൽക്കു​ക​യും വാങ്ങു​ക​യും ചെയ്യു​മ്പോൾ പുരു​ഷ​ന്മാർ മത്സ്യബ​ന്ധ​ന​ത്തിൽ, കുറച്ചു​കൂ​ടെ കൃത്യ​മാ​യി പറഞ്ഞാൽ മത്സ്യകൃ​ഷി​യിൽ, ഏർപ്പെ​ടു​ന്നു. തടാക​ത്തി​ന്റെ അടിത്ത​ട്ടി​ലെ ചേറിൽ വടി​കൊ​ണ്ടുള്ള ഒരു കൊടും​കാ​ടു സൃഷ്ടി​ക്ക​ത്ത​ക്ക​വി​ധം നൂറു​ക​ണ​ക്കി​നു ശിഖരങ്ങൾ കുത്തി​നി​റു​ത്തു​ന്നത്‌ അവരുടെ മത്സ്യബന്ധന രീതി​യിൽ ഉൾപ്പെ​ടു​ന്നു. അഴുകി​ത്തു​ട​ങ്ങുന്ന ശിഖരങ്ങൾ ഭക്ഷിക്കാൻ മത്സ്യം നീന്തി​യെ​ത്തു​ന്നു. കുറച്ചു ദിവസ​ങ്ങൾക്കു​ശേഷം മീൻപി​ടു​ത്ത​ത്തി​നു പുരു​ഷ​ന്മാർ തങ്ങളുടെ വലകളു​മാ​യി തിരി​ച്ചെ​ത്തു​ക​യാ​യി.

ഒളിസ​ങ്കേതം വിനോ​ദ​സ​ഞ്ചാ​ര​കേ​ന്ദ്ര​മാ​കു​ന്നു

ഗാൻവി​യേ​യി​ലെ ടൊഫി​ന്യൂ, ഇന്നറി​യ​പ്പെ​ടു​ന്ന​തു​പോ​ലെ എപ്പോ​ഴും “വെള്ളത്തി​ലെ ജനങ്ങൾ” ആയിരു​ന്നില്ല. ഒരു അയൽ ആഫ്രിക്കൻ രാജ്യ​ത്തിൽനി​ന്നുള്ള പീഡന​ത്തിൽ നിന്നു രക്ഷപ്പെ​ടാ​നാണ്‌ അവർ തടാക​ത്തി​ലേ​ക്കും ചതുപ്പു​നി​ല​ങ്ങ​ളി​ലേ​ക്കും പലായനം ചെയ്‌തത്‌. ടൊഫിൻ ഭാഷയിൽ ഗാൻ എന്ന പദം “ഞങ്ങൾ രക്ഷപ്പെ​ട്ടി​രി​ക്കു​ന്നു” എന്നും വിയേ എന്ന പദം “സമുദാ​യം” എന്നും തർജമ ചെയ്യാ​വു​ന്ന​തു​കൊണ്ട്‌, ഗാൻവി​യേ എന്ന പേര്‌ ഈ ചരി​ത്രത്തെ പ്രതി​ഫ​ലി​പ്പി​ക്കു​ന്നു​വെന്നു പണ്ഡിത​ന്മാർ പറയുന്നു. അങ്ങനെ, തടാക ഗ്രാമ​ങ്ങ​ളു​ടെ ഈ തലസ്ഥാ​നത്തെ “ഒടുവിൽ സമാധാ​നം കണ്ടെത്തിയ ജനസമു​ദാ​യം” എന്നു സ്വാത​ന്ത്ര്യ​മെ​ടു​ത്തു​കൊ​ണ്ടു തർജമ ചെയ്യാ​വു​ന്ന​താണ്‌.

നൊകൂ​വേ തടാക​ത്തി​ന​രി​കെ​യുള്ള ചതുപ്പു​നി​ല​ങ്ങ​ളിൽ അഭയം തേടി​യതു ഫലപ്ര​ദ​മായ ഒരു തന്ത്രമാ​യി​രു​ന്നു. കാരണം, വെള്ളത്തി​ലോ വെള്ള​പ്പൊ​ക്കം സംഭവി​ക്കാ​നി​ട​യുള്ള പ്രദേ​ശ​ങ്ങ​ളി​ലോ സാഹസ​ത്തിന്‌ ഒരു​മ്പെ​ടാൻ എതിർ രാജ്യത്തെ മതവി​ശ്വാ​സങ്ങൾ പടയാ​ളി​കളെ അനുവ​ദി​ച്ചി​രു​ന്നില്ല. അങ്ങനെ, നിത്യ​വൃ​ത്തി​ക്കുള്ള മാർഗ​വും ശത്രു​ക്ക​ളിൽനി​ന്നുള്ള ഒരു അഭയസ​ങ്കേ​ത​വും തടാകം പ്രദാനം ചെയ്‌തു. വിനോ​ദ​സ​ഞ്ചാ​രി​കൾ വൻതോ​തിൽ മോ​ട്ടോർ ബോട്ടു​ക​ളിൽ സന്ദർശി​ക്കുന്ന, ഇപ്പോൾ കീർത്തി​കേട്ട ഈ പ്രദേശം ഒരിക്കൽ ഒരു ഒളിസ​ങ്കേ​ത​മാ​യി​രു​ന്നു​വെ​ന്നതു വിരോ​ധാ​ഭാ​സം​തന്നെ.