ബൈബി​ളി​ന്റെ വീക്ഷണം

യുഎഫ്‌ഒ-കൾ—ദൈവ​ത്തിൽനി​ന്നുള്ള സന്ദേശ​വാ​ഹ​ക​രോ?

ഇരുപ​താം നൂറ്റാണ്ട്‌ അവസാ​നി​ച്ചു​കൊ​ണ്ടി​രി​ക്കു​ക​യും ഭൂമി​യി​ലെ അവസ്ഥകൾ മേൽക്കു​മേൽ വഷളാ​യി​ക്കൊ​ണ്ടി​രി​ക്കു​ക​യും ചെയ്യു​മ്പോൾ തിരി​ച്ച​റി​യ​പ്പെ​ടാത്ത പറക്കും വസ്‌തു​ക്ക​ളി​ലും (യുഎഫ്‌ഒ-കൾ) അതിലെ യാത്ര​ക്കാ​രി​ലും ഭൗമേ​ത​ര​ജീ​വി​ക​ളി​ലും ഉള്ള വിശ്വാ​സം വ്യാപി​ച്ചു​കൊ​ണ്ടി​രി​ക്കു​ക​യാണ്‌. പൊതു​ജ​ന​ത്തി​ന്റെ വിഡ്‌ഢി​ത്തം കണ്ടു ചിരി​ക്കാ​നി​ഷ്ട​പ്പെ​ടുന്ന ആളുകൾ മെന​ഞ്ഞെ​ടുത്ത വെറും കൽപ്പിത കഥയും വഞ്ചനയും ചതിയും ആണോ യുഎഫ്‌ഒ-കൾ?

യുഎഫ്‌ഒ-കളെയോ അവയിലെ ഭൗമേതര യാത്ര​ക്കാ​രെ​യോ കണ്ടിട്ടു​ള്ള​താ​യി അവകാ​ശ​പ്പെ​ടു​ന്ന​വ​രിൽ സുബോ​ധ​മു​ള്ള​വ​രും ആശ്രയ​യോ​ഗ്യ​രു​മാ​യി കാണ​പ്പെ​ടുന്ന ആളുകൾ ഉൾപ്പെ​ടു​ന്നു; വാസ്‌ത​വ​ത്തിൽ, മറ്റു ഗ്രഹങ്ങ​ളിൽനി​ന്നുള്ള ഈ സന്ദർശ​ക​രിൽ വിശ്വ​സി​ക്കു​ന്ന​വ​രിൽ അഭിജ്ഞ​രായ പ്രൊ​ഫ​സർമാ​രും ശാസ്‌ത്ര​ജ്ഞൻമാ​രും മറ്റുമുണ്ട്‌. ഭൗമേ​ത​ര​ജീ​വി​കൾ മനുഷ്യ​രെ നിരീ​ക്ഷി​ക്കു​ക​യും ചില സമയങ്ങ​ളിൽ തങ്ങളോ​ടു സംഭാ​ഷി​ക്കു​ക​യും ചെയ്യു​ന്നു​വെന്ന്‌ അവർക്കു ബോധ്യ​മുണ്ട്‌. ബഹിരാ​കാ​ശ​ത്തു​നി​ന്നുള്ള സന്ദർശ​ക​രു​മാ​യി ബന്ധം പുലർത്തി​യി​രി​ക്കു​ന്ന​താ​യി അവകാ​ശ​പ്പെ​ടുന്ന ആളുകളെ സഹായി​ക്കാൻ ഭൗമേതര പിന്തു​ണാ​സം​ഘങ്ങൾ എന്നു വിളി​ക്ക​പ്പെ​ടു​ന്നവ ലഭ്യമാണ്‌.a

പരദേ​ശീയ അതിജീ​വന പദ്ധതി

മനുഷ്യ​ശ​രീ​ര​ത്തിൽ വസിക്കുന്ന ഭൗമേതര സന്ദർശ​ക​രാ​ണു തങ്ങളെന്ന്‌ ഉറച്ചു വിശ്വ​സി​ക്കുന്ന വർധി​ച്ചു​വ​രുന്ന ആളുക​ളിൽ ചിലരു​മാ​യി നമ്മു​ടെ​യി​ട​യി​ലെ പരദേ​ശി​കൾ (ഇംഗ്ലീഷ്‌) എന്ന പുസ്‌ത​ക​ത്തിൽ രൂത്ത്‌ മൊണ്ട്‌ഗൊ​മെറി അഭിമു​ഖം നടത്തുന്നു. 2000-ാമാണ്ടിൽ “ഒരു പ്രാപ​ഞ്ചിക സംഭവം” ഉണ്ടാകു​മെ​ന്നും “അതിനു​വേണ്ടി അധികാ​ര​ത്തി​ലുള്ള ദൂതസം​ഘ​ങ്ങ​ളും ഭരണാ​ധി​കാ​രി​ക​ളും തയ്യാ​റെ​ടു​പ്പു നടത്തു​ക​യാ​ണെ​ന്നും” മാനു​ഷ​വ​ത്‌ക​രി​ക്ക​പ്പെട്ട ഭൗമേ​ത​ര​ജീ​വി​ക​ളെന്ന്‌ അവകാ​ശ​പ്പെ​ടുന്ന ഇവരിൽ ചിലർ പ്രവചി​ക്കു​ന്നു. സസ്യങ്ങ​ളു​ടെ​യും ജന്തുക്ക​ളു​ടെ​യും സാമ്പി​ളു​കൾ ശേഖരി​ക്കാ​നും സംരക്ഷി​ക്കാ​നും ഭൗമേ​ത​ര​ജീ​വി​കൾ യുഎഫ്‌ഒ-കൾ ഉപയോ​ഗി​ക്കു​ന്നു​വെ​ന്നോ ഭൂമി​യു​ടെ ആസന്നമായ വിനാ​ശ​ത്തിൽ അകപ്പെ​ട്ടു​പോ​കാ​തെ കോടി​ക്ക​ണ​ക്കി​നു മനുഷ്യ​രെ സ്ഥലംമാ​റ്റാ​നുള്ള രക്ഷാക്ക​പ്പ​ലാ​യി യുഎഫ്‌ഒ-കൾ ഉപയോ​ഗി​ക്ക​പ്പെ​ടു​മെ​ന്നോ ചില ആളുകൾ വിശ്വ​സി​ക്കു​ന്നു. ആ വൻ നാശത്തി​നു​ശേഷം ആത്മീയ അവബോ​ധ​ത്തി​ന്റെ “പുതിയ യുഗവും പുതിയ വ്യവസ്ഥി​തി​യും” തുടങ്ങു​ന്ന​തി​നു​വേണ്ടി മനുഷ്യർ തിരി​ച്ചു​വ​രേ​ണ്ട​തുണ്ട്‌. “പരദേ​ശീയ യുവാക്കൾ” എന്നു സ്വയം വിളി​ക്കുന്ന ഒരു സംഘത്തി​ലെ അംഗമായ, യു.എസ്‌.എ.-യിലെ കൊ​ളൊ​റാ​ഡോ​യി​ലുള്ള ഒരു യുവാവ്‌ കാര്യ​മാ​യി​ത്തന്നെ ഉണരുക!യോട്‌ ഇങ്ങനെ പറഞ്ഞു: “പരദേ​ശ​ത്തുള്ള ഞങ്ങളുടെ പൂർവി​കർ വന്നു കൊണ്ടു​പോ​കാ​നാ​യി ഞാനും എന്റെ സുഹൃ​ത്തു​ക്ക​ളും കാത്തി​രി​ക്കു​ക​യാണ്‌.”

തങ്ങൾ ഭൗമേ​ത​ര​ജീ​വി​ക​ളാ​ണെന്ന്‌ ഉറപ്പി​ച്ചു​പ​റ​യു​ന്ന​വ​രിൽ ചിലർ തങ്ങൾ ദൈവ​ത്താൽ നയിക്ക​പ്പെ​ടു​ന്ന​താ​യി അവകാ​ശ​പ്പെ​ടു​ന്നു, മനുഷ്യ​വർഗത്തെ സഹായി​ക്കു​ന്ന​തിൽ ഉപദേശം ആരാഞ്ഞു​കൊ​ണ്ടു തങ്ങൾ അവനോ​ടു സ്വത​ന്ത്ര​മാ​യി സംസാ​രി​ക്കു​ന്ന​താ​യി മറ്റുചി​ലർ അവകാ​ശ​പ്പെ​ടു​ന്നു. വരാൻപോ​കുന്ന ഒരു ലോക​വി​പ​ത്തിൽനി​ന്നു മനുഷ്യ​വർഗത്തെ രക്ഷിക്കു​ന്ന​തി​നു ദൈവം മറ്റു ഗ്രഹങ്ങ​ളിൽനി​ന്നുള്ള സന്ദർശ​കരെ ഉപയോ​ഗി​ക്കു​ന്നു​വോ?

മനുഷ്യ​വർഗ​വു​മാ​യുള്ള ദൈവ​ത്തി​ന്റെ ആശയവി​നി​മ​യം

മനുഷ്യ ചരി​ത്ര​ത്തി​ന്റെ ആരംഭ​ത്തിൽ ദൈവം മനുഷ്യ​രു​മാ​യി ആശയവി​നി​യമം നടത്തി. ആദാം, ഹവ്വാ, നോഹ, അബ്രഹാം എന്നിവ​രോ​ടും മറ്റാളു​ക​ളോ​ടു​മുള്ള ദിവ്യ സംഭാ​ഷ​ണ​ങ്ങ​ളെ​ക്കു​റി​ച്ചു ബൈബിൾ രേഖ വിവരി​ക്കു​ന്നു.b (ഉല്‌പത്തി 3:8-10; 6:13; 15:1) ദൈ​വേഷ്ടം അറിയി​ക്കു​ന്ന​തി​നും ബൈബിൾ ഉത്‌പാ​ദി​പ്പി​ക്കു​ന്ന​തി​നും സ്വപ്‌ന​ങ്ങ​ളും ശബ്ദങ്ങളും ദർശന​ങ്ങ​ളും ഉപയോ​ഗി​ക്ക​പ്പെട്ടു. എന്നാൽ ബൈബിൾ പൂർത്തീ​ക​രി​ക്ക​പ്പെ​ട്ട​തി​നു​ശേഷം മനുഷ്യ​വർഗ​വു​മാ​യി നേരി​ട്ടുള്ള ഒരു സ്വർഗീയ ആശയവി​നി​മ​യ​ത്തി​ന്റെ ആവശ്യ​മു​ണ്ടാ​യി​രു​ന്നോ? ഇല്ല, എന്തു​കൊ​ണ്ടെ​ന്നാൽ വിശുദ്ധ തിരു​വെ​ഴു​ത്തു​കൾ ‘ദൈവ​ത്തി​ന്റെ മനുഷ്യ​നെ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആക്കുന്നു’ എന്നു ബൈബിൾ പ്രസ്‌താ​വി​ക്കു​ന്നു. (2 തിമൊ​ഥെ​യൊസ്‌ 3:16, 17) ബൈബിൾ പറയു​ന്ന​ത​നു​സ​രിച്ച്‌, ഈ പ്രക്ഷുബ്ധ കാലങ്ങ​ളി​ലേ​ക്കുള്ള മാർഗ​നിർദേശം ദൈവ​ത്തി​ന്റെ എഴുത​പ്പെട്ട വചനത്തിൽനി​ന്നു വരേണ്ട​താണ്‌. എന്നിരു​ന്നാ​ലും, ഒരു ഭൗമേതര വക്താവു മുഖാ​ന്തരം ദൈവം നമ്മോട്‌ ആശയവി​നി​യമം നടത്തു​ക​യോ നമുക്കു പ്രത്യേക പ്രബോ​ധ​നങ്ങൾ നൽകു​ക​യോ ചെയ്യു​മെന്നു വിശ്വ​സി​ക്കാൻ എന്തെങ്കി​ലും കാരണ​മു​ണ്ടോ? ഇല്ല, എന്തു​കൊ​ണ്ടെ​ന്നാൽ അപ്പോ​സ്‌ത​ല​നായ പൗലോസ്‌ ഇപ്രകാ​രം പ്രസ്‌താ​വി​ച്ചു: “ഞങ്ങൾ നിങ്ങ​ളോ​ടു അറിയി​ച്ച​തി​ന്നു വിപരീ​ത​മാ​യി ഞങ്ങൾ ആകട്ടെ സ്വർഗ്ഗ​ത്തിൽനി​ന്നു ഒരു ദൂതനാ​കട്ടെ നിങ്ങ​ളോ​ടു സുവി​ശേഷം അറിയി​ച്ചാൽ അവൻ ശപിക്ക​പ്പെ​ട്ടവൻ.”—ഗലാത്യർ 1:8.

ഭൗമേ​ത​ര​ജീ​വി​ക​ളെന്നു കരുത​പ്പെ​ടു​ന്ന​വ​രു​ടെ അവകാ​ശ​വാ​ദങ്ങൾ, ഭൂമി പെട്ടെ​ന്നു​തന്നെ വിപത്‌ക​ര​മായ പ്രമുഖ മാറ്റങ്ങൾക്കു വിധേ​യ​മാ​കാൻ പോകു​ന്നു​വെന്ന ബൈബിൾ പ്രവച​ന​ങ്ങ​ളോ​ടു യോജി​ക്കു​ന്ന​താ​യി തോന്നു​ന്നു​വെ​ങ്കി​ലും സൃഷ്ടി​കളെ ആശ്രയി​ച്ചുള്ള ഒരു അതിജീ​വ​ന​രീ​തി​യാണ്‌ അവ വാഗ്‌ദാ​നം ചെയ്യു​ന്നത്‌. ഒരു പരദേ​ശീയ ബഹിരാ​കാ​ശ​വാ​ഹ​ന​ത്തി​ന്റേ​തെന്നു കരുത​പ്പെ​ടുന്ന സുരക്ഷി​ത​ത്വ​ത്തി​ലേ​ക്കോ മറ്റേ​തെ​ങ്കി​ലും സ്ഥലത്തേ​ക്കോ ഓടി​പ്പോ​കാൻ ബൈബിൾ മനുഷ്യ​രെ പ്രോ​ത്സാ​ഹി​പ്പി​ക്കു​ന്നില്ല. മറിച്ച്‌, ദൈവ​വു​മാ​യുള്ള ഒരു സമർപ്പിത ബന്ധത്തിൽ സുരക്ഷി​ത​ത്വം കണ്ടെത്താൻ അതു നമ്മോടു പറയുന്നു, ആ സമർപ്പണം ജലസ്‌നാ​പ​ന​ത്താൽ പ്രതീ​ക​വ​ത്‌ക​രി​ക്ക​പ്പെ​ടു​ന്നു. (1 പത്രൊസ്‌ 3:21; സങ്കീർത്തനം 91:7-ഉം മത്തായി 28:19, 20-ഉം യോഹ​ന്നാൻ 17:3-ഉം താരത​മ്യം ചെയ്യുക.) “അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെ​ടും” എന്നാണ്‌ യേശു പറഞ്ഞത്‌.—മത്തായി 24:13.

ഒരു ഭൗതിക അഭയസ്ഥാ​ന​ത്തി​നു പകരം ദൈവ​വു​മാ​യുള്ള ഒരു ആത്മീയ ബന്ധമാണ്‌ അതിജീ​വ​ന​ത്തിന്‌ ആവശ്യ​മെന്ന്‌ ഈ തിരു​വെ​ഴു​ത്തു​കൾ ഊന്നി​പ്പ​റ​യു​ന്നി​ല്ലേ? അതു​കൊണ്ട്‌, ‘മനു​ഷ്യേ​തര ജീവി​കളെ’ക്കുറി​ച്ചുള്ള കഥകൾ മനുഷ്യ​വർഗത്തെ അതിജീ​വി​ക്കാൻ സഹായി​ക്കു​ന്ന​തി​നു പകരം ആളുക​ളു​ടെ നിത്യ​ക്ഷേ​മ​ത്തി​നു​വേണ്ടി ദൈവം യഥാർഥ​ത്തിൽ ആവശ്യ​പ്പെ​ടു​ന്ന​തിൽനി​ന്നും അവരുടെ ശ്രദ്ധ തിരി​ച്ചു​ക​ള​യു​ക​യാ​ണു ചെയ്യു​ന്നത്‌.

അതിജീ​വ​നം സംബന്ധിച്ച ദൈവ​ത്തി​ന്റെ മാർഗ​ങ്ങ​ളിൽനിന്ന്‌ മനുഷ്യ​വർഗത്തെ തിരി​ച്ചു​ക​ള​യാൻ ശ്രമി​ക്കു​ക​യും എന്നാൽ ദൈവത്തെ പ്രതി​നി​ധീ​ക​രി​ക്കു​ന്ന​താ​യി അവകാ​ശ​പ്പെ​ടു​ക​യും ചെയ്യു​ന്നത്‌ ആരാണ്‌? റിപ്പോർട്ട്‌ ഓൺ കമ്മ്യൂ​ണി​യൻ എന്ന തന്റെ പുസ്‌ത​ക​ത്തിൽ എഡ്‌ കോൺറോയ്‌ ഇപ്രകാ​രം പ്രസ്‌താ​വി​ക്കു​ന്നു: “മനഃശാ​സ്‌ത്ര​ത്തി​ലും സാമൂ​ഹ്യ​ശാ​സ്‌ത്ര​ങ്ങ​ളി​ലും പരിശീ​ല​ന​മുള്ള ഗൗരവ​ബോ​ധ​മുള്ള പറക്കും​ത​ളി​കാ ശാസ്‌ത്ര​ജ്ഞ​ന്മാ​രു​ടെ [യുഎഫ്‌ഒ-കളെക്കു​റി​ച്ചു പഠിക്കു​ന്നവർ] ഗവേഷ​ണ​ത്തിൽ ‘കിടക്കറ സന്ദർശകർ,’ പ്രേതങ്ങൾ, കുട്ടി​ച്ചാ​ത്തൻമാർ, മായാ​രൂ​പങ്ങൾ, മത ദർശനങ്ങൾ, ഭൂതങ്ങ​ളാ​യി കരുത​പ്പെ​ടു​ന്നവ” എന്നിവ​യെ​ക്കു​റി​ച്ചുള്ള താരതമ്യ പഠനങ്ങൾ ഉൾപ്പെ​ടു​ന്നു. യാത്ര​യ്‌ക്കാ​യി ബഹിരാ​കാശ കപ്പൽ ഉപയോ​ഗി​ക്കു​ന്നതു മിക്കവാ​റും അനാവ​ശ്യ​മാ​ണെന്നു പല പറക്കും​ത​ളി​കാ ശാസ്‌ത്ര​ജ്ഞൻമാ​രും മനുഷ്യ​രൂ​പ​ത്തി​ലുള്ള ഭൗമേ​ത​ര​ജീ​വി​ക​ളെന്ന്‌ അവകാ​ശ​പ്പെ​ടു​ന്ന​വ​രും പറയുന്നു. ഈ ജീവി​കൾക്കു ബഹിരാ​കാശ വാഹന​ത്തിൽ സഞ്ചരി​ക്കാ​തെ അദൃശ്യ​മാ​യി യാത്ര​ചെ​യ്യാ​നും ഭൂമി​യി​ലെ​വി​ടെ​യും മൂർത്തീ​ക​രി​ക്ക​പ്പെ​ടാ​നും കഴിയു​മെന്ന്‌ അവർ പറയുന്നു.

സാത്താ​നും അവന്റെ ഭൂതങ്ങ​ളും മനുഷ്യ​വർഗത്തെ വഴി​തെ​റ്റി​ക്കാൻ ഉദ്ദേശ്യ​മു​ള്ള​വ​രാ​ണെന്നു ബൈബിൾ മുന്നറി​യി​പ്പു നൽകുന്നു. മനുഷ്യ​വർഗ​ത്തി​ന്റെ നിരാ​ശ്ര​യ​ത്വ​ത്തെ​യും നൈരാ​ശ്യ​ത്തെ​യും മുത​ലെ​ടുത്ത്‌ അവർ ആകർഷ​ക​മായ, എന്നാൽ തെറ്റായ പരിഹാ​ര​മാർഗങ്ങൾ നൽകുന്നു. (2 കൊരി​ന്ത്യർ 11:14) അതു​കൊണ്ട്‌ ബൈബിൾ ഇപ്രകാ​രം മുന്നറി​യി​പ്പു നൽകുന്നു: “ഭാവി​കാ​ലത്തു ചിലർ വ്യാജാ​ത്മാ​ക്ക​ളെ​യും ഭൂതങ്ങ​ളു​ടെ ഉപദേ​ശ​ങ്ങ​ളെ​യും ആശ്രയി​ച്ചു ഭോഷ്‌കു പറയു​ന്ന​വ​രു​ടെ കപടത്താൽ വിശ്വാ​സം ത്യജി​ക്കും.”—1 തിമൊ​ഥെ​യൊസ്‌ 4:1.

സമാന​മാ​യി ഇന്ന്‌, അത്തരം ജീവി​ക​ളു​ടേ​തെന്നു കരുതുന്ന ഏതു സന്ദർശ​ന​ങ്ങ​ളും പ്രയോ​ജ​ന​ക​ര​മെന്നു തോന്നുന്ന ബുദ്ധ്യു​പ​ദേ​ശ​വും അവ ഏതു രൂപത്തി​ലാ​യാ​ലും തള്ളിക്ക​ള​യേ​ണ്ട​തുണ്ട്‌. ദൈവ​വ​ച​ന​ത്തി​നു​പ​കരം “ഭൗമേ​ത​ര​ജീ​വിക”ളുടെ ഉപദേശം പിൻപ​റ്റു​ന്നവർ തീർച്ച​യാ​യും വഴി​തെ​റ്റി​ക്ക​പ്പെ​ടും—ഈ നിർണാ​യക സമയങ്ങ​ളിൽ വരുത്തുന്ന ഒരു ഭയങ്കര പിഴവു തന്നെ.

[അടിക്കു​റി​പ്പു​കൾ]