വിഭ്രാ​ന്തി​ബാ​ധയെ തരണം​ചെ​യ്യൽ

റോബർട്ട്‌ സ്വസ്ഥമാ​യി തന്റെ ഓഫീ​സിൽ ഇരിക്കു​ക​യാ​യി​രു​ന്നു. പൊടു​ന്നനേ അദ്ദേഹ​ത്തി​ന്റെ ഹൃദയ​മി​ടി​പ്പു വർധിച്ചു. അങ്കലാ​പ്പോ​ടെ അദ്ദേഹം പെട്ടെന്നു നിവർന്നി​രു​ന്നു, അദ്ദേഹ​ത്തി​ന്റെ നെറ്റി​യി​ലൂ​ടെ വിയർപ്പു​ചാ​ലു​ക​ളൊ​ഴു​കി. തനിക്കു ഹൃദയ​സ്‌തം​ഭനം ഉണ്ടാവു​ക​യാ​ണെന്ന്‌ അദ്ദേഹം ഉറപ്പിച്ചു. അദ്ദേഹം ഫോൺ എത്തിപ്പി​ടി​ച്ചു. “എനിക്കു കാര്യ​മാ​യി​ട്ടെ​ന്തോ സംഭവി​ച്ചു​കൊ​ണ്ടി​രി​ക്കു​ക​യാണ്‌,” കിതച്ചു​കൊണ്ട്‌ അദ്ദേഹം പറഞ്ഞു. “ഞാൻ മോഹാ​ല​സ്യ​പ്പെ​ടാൻ പോവു​ക​യാ​ണെന്നു തോന്നു​ന്നു!”

റോബർട്ടി​നു വിഭ്രാ​ന്തി​ബാധ അനുഭ​വ​പ്പെ​ടു​ന്നത്‌ ഇത്‌ ആദ്യമാ​യി​ട്ടാ​യി​രു​ന്നു. ദുഃഖ​ക​ര​മെന്നു പറയട്ടെ, അത്‌ അവസാ​ന​ത്തേ​തു​മ​ല്ലാ​യി​രു​ന്നു. ഇതേ വിചാരം പിന്നീട്‌ അദ്ദേഹത്തെ ഒരു റസ്റ്ററൻറി​ലും തെരു​വു​ക​ട​യി​ലും വെച്ചു പിടി​കൂ​ടി. തന്റെ സുഹൃ​ത്തു​ക്കളെ സന്ദർശി​ച്ചു​കൊ​ണ്ടി​രുന്ന സാഹച​ര്യ​ത്തിൽപോ​ലും വിഭ്രാ​ന്തി പിടി​പ്പെട്ടു. താമസി​യാ​തെ, റോബർട്ടിന്‌ “സുരക്ഷി​ത​മായ” ഏക സ്ഥാനം വീടു മാത്ര​മാ​ണെ​ന്നാ​യി. ക്രമേണ അദ്ദേഹം വിഷാ​ദ​ചി​ത്ത​നാ​യി. “ആത്മഹത്യ​യെ​ക്കു​റി​ച്ചു​പോ​ലും ഞാൻ ചിന്തി​ച്ചി​ട്ടുണ്ട്‌,” അദ്ദേഹം സമ്മതി​ക്കു​ന്നു.

ആറു മാസം കഴിഞ്ഞ്‌, വിഭ്രാ​ന്തി​ബാ​ധ​യെ​യും അഗോ​ര​ഫോ​ബി​യ​യെ​യും കുറിച്ചു വർത്തമാ​ന​പ​ത്ര​ത്തിൽ വന്ന ഒരു ലേഖനം റോബർട്ട്‌ അവിചാ​രി​ത​മാ​യി കാണാ​നി​ട​യാ​യി. പഠിച്ച കാര്യങ്ങൾ അദ്ദേഹ​ത്തി​ന്റെ ജീവൻ രക്ഷിച്ചു.

വിഭ്രാ​ന്തി​യു​ണ്ടാ​കു​ന്നത്‌ എന്തു​കൊണ്ട്‌?

ആപത്തി​നോ​ടുള്ള ശരീര​ത്തി​ന്റെ സ്വാഭാ​വിക പ്രതി​ക​ര​ണ​മാ​ണു, വിഭ്രാ​ന്തി. നിങ്ങൾ ഒരു ഹൈ​വേ​യി​ലൂ​ടെ നടക്കു​ന്ന​താ​യി സങ്കൽപ്പി​ക്കുക. പെട്ടെന്ന്‌ ഒരു കാർ നിങ്ങൾക്കു​നേരെ പാഞ്ഞു​വ​രു​ന്നതു നിങ്ങളു​ടെ ശ്രദ്ധയിൽപെ​ടു​ന്നു. നിങ്ങളു​ടെ ശരീര​ത്തിൽ തത്‌ക്ഷ​ണ​മു​ണ്ടാ​കുന്ന ശാരീ​രി​ക​വും രാസപ​ര​വു​മായ മാറ്റങ്ങൾ, സുരക്ഷി​ത​ത്വ​ത്തി​നാ​യി ഓടി​മ​റ​യാൻ നിങ്ങളെ പ്രാപ്‌ത​നാ​ക്കു​ന്നു.

എന്നാൽ, ഇപ്പോൾ പ്രത്യ​ക്ഷ​മായ കാരണ​മൊ​ന്നും കൂടാതെ വിഭ്രാ​ന്തി​യു​ള​വാ​കു​ന്ന​താ​യി സങ്കൽപ്പി​ക്കുക. ഡോ. ആർ. റെയ്‌ഡ്‌ വിൽസൺ പറയുന്നു: “ആപത്ത്‌ ആസന്നമാ​ണെന്നു വിഭ്രാ​ന്തി തലച്ചോ​റി​നെ തെറ്റി​ദ്ധ​രി​പ്പി​ക്കു​മ്പോ​ഴാണ്‌ അകാരണ വിഭ്രാ​ന്തി ഉണ്ടാകു​ന്നത്‌. ആരുമാ​യും ശണ്‌ഠക്കു പോകാ​തെ നിങ്ങൾ ഒരു പലചര​ക്കു​ക​ട​യു​ടെ ഇടപ്പാ​ത​യിൽ നിൽക്കു​ക​യാ​ണെന്നു വിചാ​രി​ക്കുക. ഫ്‌ളിപ്പ്‌. എമർജൻസി ലൈറ്റ്‌ തെളി​യു​ന്നു. ‘അപായ സൂചന! ശരീര​ത്തി​ലെ വ്യവസ്ഥ​ക​ളെ​ല്ലാം യുദ്ധത്തി​നു തയ്യാറാ​യി​ക്ക​ഴി​ഞ്ഞു!’”

ഇത്തരത്തി​ലു​ള്ള വിഭ്രാ​ന്തി നേരി​ട്ടി​ട്ടു​ള്ള​വർക്കു മാത്രമേ അതിന്റെ തീവ്രത മനസ്സി​ലാ​വു​ക​യു​ള്ളു. അമേരി​ക്കൻ ഹെൽത്ത്‌ മാഗസിൻ അതിനെ “അഞ്ചു മിനി​റ്റോ ഒരു മണിക്കൂ​റോ ഒറ്റ ദിവസ​മോ നിങ്ങളു​ടെ ശരീരത്തെ പ്രകമ്പനം കൊള്ളി​ച്ച​ശേഷം വന്നപോ​ലെ​തന്നെ ക്ഷണത്തിൽ, ദുരൂ​ഹ​മാ​യി വിട​കൊ​ള്ളുന്ന, നിങ്ങളെ ഇടറു​ന്ന​വ​നും ക്ഷീണി​ത​നും ഇനി​യൊ​രു ബാധയെ ഭയപ്പെ​ടു​ന്ന​വ​നും ആക്കിത്തീർക്കുന്ന അഡ്രി​നാ​ലി​ന്റെ ഒരു തിരത്ത​ള്ളലാ”യി, വിശേ​ഷി​പ്പി​ക്കു​ന്നു.

വിഭ്രാ​ന്തി​ക്കുള്ള കാരണങ്ങൾ

വിഭ്രാ​ന്തി​ബാധ പൊതു​വേ യൗവന​ത്തി​ലാണ്‌ ആരംഭി​ക്കു​ന്നത്‌. പുരു​ഷ​ന്മാ​രെ​ക്കാൾ സ്‌ത്രീ​ക​ളെ​യാണ്‌ ഇതു കൂടു​ത​ലാ​യും ബാധി​ക്കു​ന്നത്‌. ഇവ ഉണ്ടാകാ​നുള്ള കാരണ​മെ​ന്താണ്‌? വ്യക്തമായ ഒരു ഉത്തരമില്ല. തലച്ചോ​റി​ന്റെ ലിമ്പിക്ക്‌ വ്യൂഹ​ത്തി​നു സംഭവി​ക്കുന്ന ഒരു ക്രമ​ക്കേടു മൂലമാ​ണു ജീവശാ​സ്‌ത്ര​പ​ര​മാ​യി ഇക്കൂട്ടർ രോഗ​ത്തി​നു വശംവ​ദ​രാ​കു​ന്ന​തെന്നു ചിലർ പറയുന്നു. ഈ അവസ്ഥ പാരമ്പ​ര്യ​മാ​യി ലഭി​ച്ചേ​ക്കാ​വു​ന്ന​താ​ണെന്നു പലർക്കും തോന്നു​ന്നു. പിരി​മു​റു​ക്ക​മു​ള​വാ​ക്കുന്ന ഘടകങ്ങൾ മൂലം തലച്ചോ​റി​ന്റെ രസത​ന്ത്ര​ത്തി​നു മാറ്റം വന്നേക്കാ​മെന്ന പക്ഷക്കാ​രാ​ണു മറ്റുള്ളവർ.

ചില കേസു​ക​ളിൽ, യുദ്ധം, ബലാൽസം​ഗം, അല്ലെങ്കിൽ കുട്ടി​യാ​യി​രി​ക്കു​മ്പോൾ ഏൽക്കേണ്ടി വന്ന ദുഷ്‌പെ​രു​മാ​റ്റം എന്നിങ്ങനെ വേദനി​പ്പി​ക്കുന്ന അനുഭ​വ​ങ്ങ​ളു​ടെ സ്‌മര​ണ​ക​ളാ​ണു രോഗ​ബാ​ധ​യു​ള​വാ​ക്കു​ന്നത്‌. ചെറു​പ്രാ​യ​ത്തിൽ നിഷിദ്ധ ബന്ധു​വേ​ഴ്‌ചക്ക്‌ ഇരകളായ, വിഭ്രാ​ന്തി രോഗ​മു​ള്ള​വ​രു​ടെ ശതമാനം, അതിന്‌ ഇരകളാ​കാ​ത്ത​വ​രു​ടെ ശതമാ​ന​ത്തെ​ക്കാൾ 13 ഇരട്ടി ഉയർന്ന​താ​യി​രു​ന്നു​വെന്ന്‌ ഒരു സർവേ വെളി​പ്പെ​ടു​ത്തി. വിഭ്രാ​ന്തി​ബാ​ധ​യും മറ്റു സിൻ​ഡ്രോ​മു​ക​ളും അവയിൽതന്നെ വലിയ പ്രശ്‌ന​ങ്ങ​ളാ​ണെ​ങ്കി​ലും, അവയ്‌ക്ക്‌ എഴുത്തു​കാ​ര​നായ ഇ. സ്യു ബ്ല്യൂം പറയുന്ന, “നിഷിദ്ധ ബന്ധു​വേഴ്‌ച ചക്ര​കേ​ന്ദ്ര​മാ​യുള്ള ആരക്കാ​ലു​ക​ളാ​യി​രി​ക്കാ​നും കഴിയും.”

തീർച്ച​യാ​യും, വിഭ്രാ​ന്തി​ബാ​ധ​ക​ളെ​ല്ലാം ക്ഷതം മൂലം ഉളവാ​കു​ന്നതല്ല. എന്നാൽ, കാരണം അതാ​ണെ​ങ്കിൽ “യഥാർഥ​ത്തി​ലു​ണ്ടായ ക്ഷതത്തെ സൗഖ്യ​മാ​ക്കു​ന്ന​തി​നു​പ​കരം, ദുഷ്‌പെ​രു​മാ​റ്റ​ത്തി​ന്റെ പരിണ​ത​ഫ​ലത്തെ ചികി​ത്സി​ക്കു​ന്നതു പ്രശ്‌നത്തെ ശാശ്വ​ത​മാ​യി പരിഹ​രി​ക്കില്ല” എന്ന്‌ ഡോ. വേയ്‌ൻ ക്രിറ്റ്‌സ്‌ബർഗ്‌ മുന്നറി​യി​പ്പു നൽകുന്നു. “അത്‌, ന്യു​മോ​ണിയ ഭേദമാ​കാൻ ചുമയ്‌ക്കുള്ള സിറപ്പ്‌ കഴിക്കു​ന്ന​തു​പോ​ലി​രി​ക്കും.”

അതു ചികി​ത്സി​ച്ചു​മാ​റ്റാ​നാ​കു​മോ?

വിഭ്രാ​ന്തി​ബാ​ധയെ നിയ​ന്ത്ര​ണ​ത്തി​ലാ​ക്കാൻ കഴിയും. വിഭ്രാ​ന്തി​യെ​ക്കു​റി​ച്ചുള്ള ഭയംമൂ​ലം വീട്ടിൽ ഒതുങ്ങി​ക്ക​ഴി​യു​ന്ന​വർക്ക്‌ എക്‌സ്‌പോ​ഷ്വർ തെറാ​പ്പി​വഴി സഹായ​മേ​കി​യി​ട്ടുണ്ട്‌. ഈ ചികി​ത്സ​യിൽ, രോഗി​യെ അയാൾ ഭയപ്പെ​ടുന്ന സാഹച​ര്യ​ത്തി​നു വിധേ​യ​നാ​ക്കു​ന്നു. വിഭ്രാ​ന്തി മാറു​ന്ന​തു​വരെ ആ അവസ്ഥയിൽതന്നെ കഴിച്ചു​കൂ​ട്ടാൻ വേണ്ട സഹായം അയാൾക്കു നൽകുന്നു. ഹൃ​ദ്രോ​ഗം, ആസ്‌തമ, പെപ്‌റ്റിക്ക്‌ അൾസർ, വൻകു​ടൽവീ​ക്കം എന്നീ രോഗ​ങ്ങ​ളു​ള്ള​വ​രോ അല്ലെങ്കിൽ സമാന​മായ രോഗ​ങ്ങ​ളു​ള്ള​വ​രോ ഈ ചികി​ത്സ​യ്‌ക്കു മുതി​രു​ന്ന​തി​നു​മു​മ്പു ഡോക്ട​റു​ടെ ഉപദേശം തേടണം.

ഉത്‌ക​ണ്‌ഠ വളരു​ന്നതു തടയാൻ വിശ്രമ വിദ്യകൾ പ്രയോ​ഗി​ക്കാം.a ഇവയിൽ ചിലത്‌ “ശാന്തത കൈവ​രി​ക്കാ​നുള്ള മാർഗങ്ങൾ” എന്ന പിൻവ​രുന്ന ചതുര​ത്തിൽ ചർച്ച ചെയ്യു​ന്നുണ്ട്‌. എന്നാൽ വിഭ്രാ​ന്തി ആരംഭി​ക്കു​ന്ന​തു​വരെ കാത്തി​രി​ക്ക​രുത്‌. ഉത്‌കണ്‌ഠ കുറവായ കാലയ​ള​വിൽ ഇത്‌ അഭ്യസി​ക്കു​ന്ന​താണ്‌ ഉത്തമം. ഈ കഴിവു​കൾ വശപ്പെ​ടു​ത്തു​ന്നത്‌, ഭാവി​യി​ലു​ണ്ടാ​യേ​ക്കാ​വുന്ന ബാധകളെ കുറച്ചു​കൊ​ണ്ടു​വ​രു​ക​യോ അല്ലെങ്കിൽ തടയു​ക​യോ പോലും ചെയ്‌തേ​ക്കാം.

പിഴവു​പ​റ്റ​രു​തെന്ന ശാഠ്യ​വും ആത്മാഭി​മാ​ന​ക്കു​റ​വും വിഭ്രാ​ന്തി തഴച്ചു​വ​ള​രാൻ ഇടയാ​ക്കു​ന്നു. “ഉത്‌ക​ണ്‌ഠ​യു​ടെ ആക്രമ​ണ​ങ്ങ​ളു​ണ്ടാ​യി​രു​ന്ന​പ്പോൾ, നിഷേ​ധാ​ത്മക വികാ​ര​ങ്ങ​ളാണ്‌ എന്റെ ജീവി​തത്തെ ഭരിച്ചി​രു​ന്നത്‌,” ഒരു രോഗി പറയുന്നു. “എനിക്ക്‌ ഉത്‌ക​ണ്‌ഠ​യു​ണ്ടാ​യി​രു​ന്ന​തു​കൊ​ണ്ടു ഞാൻ മറ്റുള്ള​വ​രെ​ക്കാൾ താഴ്‌ന്ന​വ​നാ​ണെ​ന്നും അതു​കൊ​ണ്ടു​തന്നെ സ്‌നേ​ഹി​ക്ക​പ്പെ​ടാൻ കൊള്ളാ​ത്ത​വ​നാ​ണെ​ന്നും ഞാൻ സ്വയം പറഞ്ഞു.” ഇത്തരത്തി​ലുള്ള മനോ​ഭാ​വ​ങ്ങളെ ഗതിമാ​റ്റി​വി​ടു​ന്നതു വിഭ്രാ​ന്തി​യി​ലേക്കു നയിക്കാ​വുന്ന ഉത്‌ക​ണ്‌ഠ​കളെ കുറയ്‌ക്കും.b

ഉത്‌ക​ണ്‌ഠ​ക​ളെ​ല്ലാം വിശ്വ​സ്‌ത​നായ ഒരു സുഹൃ​ത്തി​നോ​ടു സ്വകാ​ര്യ​മാ​യി പറയു​ന്ന​തി​നു വലിയ മൂല്യ​മുണ്ട്‌. അവയെ​ക്കു​റി​ച്ചു സംസാ​രി​ക്കു​ന്നത്‌, ക്ലേശി​ക്കു​ന്ന​യാ​ളെ, പരിഹ​രി​ക്കാൻ പറ്റുന്ന പ്രശ്‌ന​ങ്ങ​ളിൽനി​ന്നു സഹി​ക്കേ​ണ്ട​തായ പ്രശ്‌ന​ങ്ങളെ വേർതി​രി​ച്ചു കാണാൻ സഹായി​ക്കും. അവഗണി​ക്ക​രു​താത്ത ഒന്നാണു പ്രാർഥന. സങ്കീർത്തനം 55:22 ഇങ്ങനെ പറയുന്നു: “നിന്റെ ഭാരം യഹോ​വ​യു​ടെ​മേൽ വെച്ചു​കൊൾക; അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല.”

ഒരൊറ്റ വലിയ പ്രശ്‌ന​ത്തെ​ക്കാൾ—നിരവധി വൈദ്യു​തോ​പ​ക​ര​ണങ്ങൾ ഒരേ വൈദ്യു​ത​പ​ഥ​ത്താൽ പ്രവർത്തി​പ്പി​ക്ക​പ്പെ​ടു​മ്പോൾ ഫ്യൂസ്‌ പോകാ​മെ​ന്ന​തു​പോ​ലെ—നിസ്സാ​ര​മെന്നു തോന്നുന്ന ചെറിയ വ്യഥക​ളു​ടെ കൂമ്പാ​ര​മാ​ണു മിക്ക​പ്പോ​ഴും വിഭ്രാ​ന്തി​യു​ണ്ടാ​ക്കു​ന്നത്‌. പ്രശ്‌ന​ങ്ങ​ളോ​രോ​ന്നും ഒരു ഇൻഡെ​ക്‌സ്‌ കാർഡിൽ എഴുതു​ന്ന​താണ്‌ ഒരു പരിഹാ​രം. ഏറ്റവും ലളിത​മായ പ്രശ്‌നം​മു​തൽ ഏറ്റവും ദുഷ്‌ക​ര​മാ​യ​തു​വരെ എന്നിങ്ങനെ അവയെ ക്രമീ​ക​രി​ക്കുക. ഒരു സമയത്ത്‌ ഒരെണ്ണം പരിഹ​രി​ക്കാൻ ശ്രമി​ക്കുക. നിങ്ങളു​ടെ വ്യഥകൾ എഴുതു​ന്നത്‌, നിങ്ങൾ ഭയപ്പെ​ടു​ക​യോ ഒഴിവാ​ക്കു​ക​യോ ചെയ്യാൻ ശ്രമി​ക്കു​ന്ന​തി​നു​പ​കരം നിങ്ങൾക്കു നേരി​ടാ​നും പരിഹ​രി​ക്കാ​നും കഴിയുന്ന ഒന്നായി അവയെ വീക്ഷി​ക്കാൻ നിങ്ങളെ സഹായി​ക്കും.

ശുപാർശ ചെയ്യപ്പെട്ട വേദന​സം​ഹാ​രി​ക​ളോ ശമനൗ​ഷ​ധ​ങ്ങ​ളോ കഴിക്കു​ന്ന​തു​വഴി ചിലർക്കു സഹായം ലഭിക്കു​ന്നുണ്ട്‌. എങ്കിലും ഒരു മുൻക​രു​തൽ നല്ലതാണ്‌. “ഔഷധ​ചി​കിത്സ മാത്ര​മാണ്‌ പരിഹാ​ര​മെന്ന്‌ എനിക്കു തോന്നു​ന്നില്ല,” ഉപദേ​ഷ്ടാ​വായ മെൽവിൻ ഗ്രീൻ പറയുന്നു. “പരിഹാ​രം തേടു​മ്പോൾ അതൊരു അനുബന്ധം എന്ന നിലക്ക്‌ ഉപയോ​ഗി​ക്കണം. . . . മരുന്നു​കൾ നിങ്ങളെ കൂടുതൽ കർമനി​ര​ത​രാ​ക്കും. കൂടാതെ, അഗോ​ര​ഫോ​ബി​യയെ കൈകാ​ര്യം ചെയ്യു​ന്ന​തി​നും നിങ്ങളു​ടെ രോഗ​വി​മു​ക്തി​ക്കു​വേണ്ടി പ്രവർത്തി​ക്കു​ന്ന​തി​നും, മറ്റു സഹായങ്ങൾ തേടു​ന്ന​തിന്‌ അതു നിങ്ങൾക്ക്‌ അവസരം നൽകും.”

ഒരു ആത്മീയ പ്രശ്‌ന​മോ?

“‘ഒരിക്ക​ലും ഉത്‌ക​ണ്‌ഠ​പ്പെ​ട​രുത്‌’ എന്നു യേശു പറഞ്ഞി​രു​ന്നതു കാരണം ക്രിസ്‌ത്യാ​നി​കൾക്ക്‌ ഒരിക്ക​ലും ഉത്‌ക​ണ്‌ഠ​യു​ടെ ആക്രമ​ണങ്ങൾ അനുഭ​വ​പ്പെ​ടാൻ പാടില്ല എന്നാണു ഞാൻ കരുതി​യത്‌. ഞാൻ ദൈവ​ത്തിൽ വേണ്ടവി​ധം ആശ്രയി​ക്കു​ന്നി​ല്ലാ​യി​രി​ക്ക​ണ​മെന്നു ഞാൻ നിഗമനം ചെയ്‌തു,” ബ്രെൻഡ്‌ പറയുന്നു. പക്ഷേ, മത്തായി 6:34-ലെ യേശു​വി​ന്റെ വാക്കു​ക​ളു​ടെ സന്ദർഭം, അവൻ വിഭ്രാ​ന്തി​വൈ​ക​ല്യ​ത്തെ​ക്കു​റി​ച്ചു സംസാ​രി​ക്കു​ക​യ​ല്ലാ​യി​രു​ന്നെന്നു കാണി​ക്കു​ന്നു. പകരം, അവൻ ആത്മീയാ​വ​ശ്യ​ങ്ങ​ളെ​ക്കാൾ ഭൗതി​കാ​വ​ശ്യ​ങ്ങ​ളെ​ക്കു​റിച്ച്‌ ഉത്‌ക​ണ്‌ഠ​പ്പെ​ടു​ന്ന​തി​ലുള്ള അപകടത്തെ ഊന്നി​പ്പ​റ​യു​ക​യാ​യി​രു​ന്നു.

ഫിൻലൻഡിൽനി​ന്നുള്ള ഒരു സ്‌ത്രീ​യു​ടെ പിൻവ​രുന്ന അനുഭവം കാണി​ക്കു​ന്ന​തു​പോ​ലെ, തീർച്ച​യാ​യും ആത്മീയ താത്‌പ​ര്യ​ങ്ങൾ മുന്നിൽ വെക്കു​ന്ന​വർക്കും ഈ വൈക​ല്യം ബാധി​ച്ചേ​ക്കാം.

“യഹോ​വ​യു​ടെ സാക്ഷി​ക​ളായ ഞാനും എന്റെ കൂട്ടു​കാ​രി​യും വീടു​തോ​റു​മുള്ള പ്രസം​ഗ​വേ​ല​യിൽ ഏർപ്പെ​ട്ടി​രി​ക്കു​ക​യാ​യി​രു​ന്നു. പൊടു​ന്നനേ എനിക്കു തലകറ​ങ്ങു​ന്ന​തു​പോ​ലെ തോന്നി. എന്റെ ചിന്തകൾ തടസ്സ​പ്പെട്ടു. ഒന്നും യാഥാർഥ്യ​മാ​യി തോന്നി​യില്ല, വീണേ​ക്കു​മെന്നു ഞാൻ ഭയന്നു. അടുത്ത വാതിൽക്കൽ എന്റെ സംഭാ​ഷ​ണ​ത്തി​ന്മേ​ലുള്ള പിടി എനിക്കു പൂർണ​മാ​യും നഷ്ടപ്പെട്ടു.

“1970-ലാണ്‌ ഈ ഭയാനക അനുഭവം നടന്നത്‌. പിൻവന്ന രണ്ടു ദശകങ്ങ​ളിൽ എന്നെ പീഡി​പ്പി​ക്കാ​നി​രുന്ന മനോ​വ്യ​ഥ​യു​ടെ പരമ്പര​യി​ലെ ആദ്യ​ത്തേ​താ​യി​രു​ന്നു അത്‌. തുട​രെ​ത്തു​ടരെ, വ്യക്തമാ​യി ചിന്തി​ക്കാ​നാ​കാത്ത, അസ്‌പ​ഷ്ട​മായ ഒരു ലോക​ത്തി​ലാ​ണു ഞാനെന്നു തോന്നു​മാ​യി​രു​ന്നു. എനിക്കു തലകറ​ങ്ങു​ന്ന​തു​പോ​ലെ തോന്നും, എന്റെ ഹൃദയ​മി​ടി​പ്പി​നു ശക്തി കൂടും. സംസാ​ര​ത്തിൽ എനിക്കു വിക്കൽ അനുഭ​വ​പ്പെ​ടും അല്ലെങ്കിൽ ഒന്നും പറയാൻ കഴിയാ​തെ വരും.

“ഞാൻ യഹോ​വ​യു​ടെ സാക്ഷി​ക​ളു​ടെ ചുറു​ചു​റു​ക്കുള്ള, സന്തുഷ്ട​യായ ഒരു മുഴു​സമയ ശുശ്രൂ​ഷ​ക​യാ​യി​രു​ന്നു. ബൈബിൾ മനസ്സി​ലാ​ക്കാൻ മറ്റുള്ള​വരെ സഹായി​ക്കു​ന്നതു ഞാൻ എത്രമാ​ത്രം ഇഷ്ടപ്പെ​ട്ടി​രു​ന്നെ​ന്നോ! എന്നാൽ ഈ രോഗ​ബാധ എന്നെ നിരന്തരം പീഡി​പ്പി​ച്ചു​കൊ​ണ്ടി​രു​ന്നു. ‘എനി​ക്കെ​ന്താ​ണു കുഴപ്പം?,’ ഞാൻ വിസ്‌മയം കൊണ്ടു. ഒരു ന്യൂ​റോ​ള​ജിസ്റ്റ്‌ എന്റെ രോഗം റ്റെമ്പറൽ അപസ്‌മാ​ര​മാ​ണെന്നു നിർണ​യി​ച്ചു. പിൻവന്ന പത്തു വർഷം അദ്ദേഹം കുറി​ച്ചു​തന്ന മരുന്നു ഞാൻ കഴിച്ചു. എന്നിട്ടും, അത്‌ അത്ര ഫലവത്താ​യി​രി​ക്കാ​ത്ത​തെ​ന്താ​ണെന്നു ഞാൻ അത്ഭുതം കൂറി. എന്റെ അവസ്ഥ ഞാൻ സഹിക്കേണ്ട ഒന്നാണെന്ന വിചാരം ഞാൻ കൈ​ക്കൊ​ള്ളാൻ തുടങ്ങി.

“കുറച്ചു​നാ​ളു​കൾക്കു​ശേഷം, എന്റെ അസുഖം അപസ്‌മാ​ര​മ​ല്ലെ​ന്നും എനിക്കു നൽകിയ നിർദേശം ഫലപ്ര​ദ​മ​ല്ലെ​ന്നും ഞാൻ ഗ്രഹി​ക്കാ​നി​ട​യാ​യി. പതിവു​സ്ഥ​ല​ങ്ങ​ളി​ലേ​ക്കുള്ള നടത്തം പോലും അതിക​ഠി​ന​മായ ഒരു അധ്വാ​ന​മാ​യി​രു​ന്നു. എന്റെ വഴിയിൽ ആരെ​യെ​ങ്കി​ലും കണ്ടുമു​ട്ടു​ന്ന​തി​നെ ഞാൻ ഭയപ്പെട്ടു. സർവശ​ക്തി​യും സംഭരി​ച്ചാ​ണു ഞാൻ ക്രിസ്‌തീയ യോഗ​ങ്ങ​ളിൽ ഹാജരാ​യി​രു​ന്നത്‌. മിക്ക​പ്പോ​ഴും തലചു​റ്റ​ലോ​ടെ വിയർത്തു​കു​ളി​ച്ചു നെറ്റിക്കു കൈയും​കൊ​ടു​ത്തു ഞാൻ ഇരിക്കും. അപ്പോൾ ഹൃദയ​മി​ടി​പ്പി​നു ശക്തി കൂടും, എന്റെ മനസ്സു ശൂന്യ​മാ​യി​രി​ക്കും. ചില​പ്പോൾ ശരീരം മുഴുവൻ വലിഞ്ഞു​മു​റു​കു​ന്ന​തു​പോ​ലെ എനിക്ക്‌ അനുഭ​വ​പ്പെ​ടും. ഒരു സന്ദർഭ​ത്തിൽ ഞാൻ തീർച്ച​യാ​യും മരിച്ചു​പോ​കു​മെന്ന്‌ എനിക്കു​തോ​ന്നി.

“ശുശ്രൂ​ഷ​യിൽ തുടർന്നു നിലനിൽക്കുക എന്നതു ശരിക്കും ഒരു അത്ഭുത​മാ​യി​രു​ന്നെ​ങ്കിൽത​ന്നെ​യും അതെന്നെ താങ്ങി​നിർത്തി. ചില സമയങ്ങ​ളിൽ ബൈബി​ള​ധ്യ​യനം നിർവ​ഹി​ക്കു​ന്നത്‌ ഏറെ പരവേ​ശ​മു​ള​വാ​ക്കു​ന്ന​താ​യി​രു​ന്നു, ചില​പ്പോൾ അത്‌ എന്റെ പങ്കാളി ഏറ്റെടു​ത്തു​ന​ട​ത്തേ​ണ്ടി​വ​രു​മാ​യി​രു​ന്നു. വാസ്‌ത​വ​മാ​യും, നമ്മുടെ പ്രസം​ഗ​പ്ര​വർത്തനം ഒരു കൂട്ടായ പരി​ശ്ര​മ​മാണ്‌, ഒടുവിൽ ദൈവ​മാണ്‌ അതിനെ വളർത്തി​ക്കൊ​ണ്ടി​രി​ക്കു​ന്നത്‌. (1 കൊരി​ന്ത്യർ 3:6, 7) അധ്യാ​പ​കനു പരിമി​തി​ക​ളു​ണ്ടെ​ങ്കി​ലും ചെമ്മരി​യാ​ടു​തു​ല്യർ ശ്രവി​ക്കു​ക​യും പ്രതി​ക​രി​ക്കു​ക​യും ചെയ്യുന്നു.

“1991 മാർച്ചിൽ ഒരു ദിവസം, വിഭ്രാ​ന്തി​വൈ​ക​ല്യ​ത്തെ​ക്കു​റി​ച്ചുള്ള ഒരു ചെറു​പു​സ്‌തകം ഭർത്താവ്‌ എന്നെ കാണിച്ചു. വിവരി​ച്ചി​രി​ക്കുന്ന ലക്ഷണ​മെ​ല്ലാം എന്റേതു​പോ​ലെ​തന്നെ! ഞാൻ വിഷയ​ത്തെ​ക്കു​റി​ച്ചു കൂടുതൽ വായിച്ചു, പ്രഭാ​ഷ​ണ​ങ്ങ​ളിൽ സംബന്ധി​ച്ചു, ഒരു വിദഗ്‌ധനെ കണ്ടു നിയമ​ന​വും നേടി. രണ്ടു ദശകങ്ങൾക്കു​ശേഷം അവസാനം എന്റെ പ്രശ്‌നം തിരി​ച്ച​റി​ഞ്ഞു. ഞാൻ സൗഖ്യം പ്രാപി​ക്കു​ന്ന​തി​നുള്ള പാതയി​ലാ​യി​രു​ന്നു!

“വിഭ്രാ​ന്തി വൈക​ല്യ​മുള്ള ഭൂരി​പക്ഷം പേരെ​യും ശരിയായ ചികി​ത്സ​വഴി സഹായി​ക്കാ​വു​ന്ന​താണ്‌. കരുണാർദ്ര​രായ സുഹൃ​ത്തു​ക്കൾ നല്ലൊരു താങ്ങാണ്‌. ആകുല​ചി​ത്ത​നാ​യി​രി​ക്കുന്ന ഒരു വ്യക്തി​യു​ടെ​മേൽ അപരാധം കുന്നു​കൂ​ട്ടു​ന്ന​തി​നു​പ​കരം, വിവേ​ച​ന​ശേ​ഷി​യുള്ള ഒരു കൂട്ടാളി, വിഭ്രാ​ന്തി​വൈ​ക​ല്യ​മുള്ള ഒരു വ്യക്തി മനഃപൂർവം സാമൂ​ഹി​ക​വി​രു​ദ്ധ​നാ​യി​രി​ക്കു​ന്ന​ത​ല്ലെന്നു മനസ്സി​ലാ​ക്കും.—1 തെസ്സ​ലൊ​നീ​ക്യർ 5:14 താരത​മ്യം ചെയ്യുക.

“കഴിഞ്ഞു​പോയ 20 വർഷങ്ങൾ ഞാൻ പുനര​വ​ലോ​കനം ചെയ്യു​മ്പോൾ, ഇതി​നെ​ല്ലാം മധ്യേ എനിക്കു മുഴു​സമയ ശുശ്രൂ​ഷ​യിൽ നിലനിൽക്കാൻ കഴിഞ്ഞ​തിൽ ഞാൻ കൃതജ്ഞ​ത​യു​ള്ള​വ​ളാണ്‌. പോരാ​ട്ട​ത്തി​നു തക്ക മൂല്യ​മുള്ള ഒരനു​ഗ്ര​ഹ​മാ​യി​രു​ന്നു അത്‌. അതേസ​മ​യം​തന്നെ, എപ്പ​ഫ്രൊ​ദി​ത്തൊ​സി​നെ​പ്പോ​ലെ മോശ​മായ ആരോ​ഗ്യ​ത്തി​ന്റെ പേരിൽ ചിലർക്കു പദവികൾ വിട്ടൊ​ഴി​യേ​ണ്ടി​വ​രു​മെ​ന്നും ഞാൻ മനസ്സി​ലാ​ക്കു​ന്നു. ഇത്തരം ആളുക​ളോ​ടു യഹോ​വക്ക്‌ അനിഷ്ടം തോന്നു​ന്നില്ല. ന്യായ​യു​ക്ത​മാ​യി ഒരു വ്യക്തിക്കു നൽകാ​വു​ന്ന​തി​ല​ധി​കം അവൻ പ്രതീ​ക്ഷി​ക്കു​ന്നില്ല.

“ഇത്തരത്തി​ലുള്ള ഒരു വൈക​ല്യ​വും​കൊ​ണ്ടു ജീവി​ക്കു​ന്നത്‌, എന്നെത്തന്നെ വലി​യൊ​രാ​ളാ​യി വീക്ഷി​ക്കാ​തി​രി​ക്കാൻ പഠിപ്പി​ച്ചി​രി​ക്കു​ന്നു. പരിമി​തി​ക​ളുള്ള മറ്റുള്ള​വ​രോ​ടു കരുണ കാണി​ക്കാ​നും അതെന്നെ പ്രാപ്‌ത​യാ​ക്കി​യി​ട്ടുണ്ട്‌. എന്നാൽ, എല്ലാറ്റി​ലു​മു​പ​രി​യാ​യി യഹോ​വ​യു​മാ​യി​ട്ട​ടു​ക്കാൻ അതെന്നെ സഹായി​ച്ചു. എന്റെ കഠിന​പ​രീ​ക്ഷ​യി​ലു​ട​നീ​ളം ശക്തിയു​ടെ​യും ആശ്വാ​സ​ത്തി​ന്റെ​യും ഒരു യഥാർഥ സ്രോ​ത​സ്സാ​യി കൂടെ​ക്കൂ​ടെ ഞാനവനെ കണ്ടിട്ടുണ്ട്‌.”

[അടിക്കു​റി​പ്പു​കൾ]

[22-ാം പേജിലെ ചതുരം]

ശാന്തത കൈവ​രി​ക്കാ​നുള്ള മാർഗങ്ങൾ

ശ്വാ​സോ​ച്ഛ്വാ​സത്തെ ശാന്തമാ​ക്കുക. വിഭ്രാ​ന്തി​ബാ​ധ​യെ​ത്തു​ടർന്നു ദീർഘ​വും ശക്തവു​മായ ശ്വാ​സോ​ച്ഛ്വാ​സം ഉണ്ടാകു​ന്നു. നിങ്ങളു​ടെ ശ്വാ​സോ​ച്ഛ്വാ​സ​ത്തിന്‌ അയവു വരുത്താൻ ഈ വ്യായാ​മം ചെയ്‌തു​നോ​ക്കുക: കമിഴ്‌ന്നു​കി​ട​ക്കുക. ശ്വാസം അകത്തേ​ക്കെ​ടു​ക്കു​മ്പോൾ ആറുവരെ എണ്ണുക; ശ്വാസം പുറ​ത്തേക്കു വിടു​മ്പോൾ ആറുവരെ എണ്ണുക. അടുത്ത​താ​യി, ഇരിക്കു​മ്പോ​ഴും ഇതേത​ര​ത്തിൽ ദീർഘ​മാ​യി ശ്വാ​സോ​ച്ഛ്വാ​സം ചെയ്യാൻ ശ്രമി​ക്കുക. പിന്നീട്‌, എഴു​ന്നേ​റ്റു​നി​ന്നു​കൊണ്ട്‌ അങ്ങനെ ചെയ്യാൻ ശ്രമി​ക്കുക. പ്രാചീ​ര​ത്തിൽനിന്ന്‌ ദീർഘ​മാ​യി ശ്വസി​ക്കുക, സ്വാഭാ​വി​ക​മാ​കു​ന്ന​തു​വരെ ദിവസേന അഭ്യസി​ക്കുക. ഈ വ്യായാ​മം ചെയ്യു​മ്പോൾ മനോ​ഹ​ര​മായ പരിസ്ഥി​തി​കൾ വിഭാവന ചെയ്‌തു​കൊ​ണ്ടു ചിലർ പ്രയോ​ജനം അനുഭ​വി​ക്കു​ന്നു.

ചിന്തയെ ശാന്തമാ​ക്കുക. ‘ഞാൻ തലകറ​ങ്ങി​വീ​ണാ​ലോ?’ ‘ആരും എന്നെ സഹായി​ക്കാ​നി​ല്ലെ​ങ്കി​ലോ?’ ‘എന്റെ ഹൃദയം നിന്നു​പോ​യാ​ലോ?’ വിപത്‌ക​ര​മായ ചിന്തകൾ വിഭ്രാ​ന്തി ആളിക്ക​ത്തി​ക്കും. ഈ ചിന്തകൾ സാധാ​ര​ണ​മാ​യി വരും​കാല വിപത്തു​ക​ളെ​യോ പിൻകാല ബാധക​ളെ​യോ​ക്കു​റി​ച്ചാ​യി​രി​ക്കു​ന്ന​തു​കൊണ്ട്‌ അപ്പോ​ഴത്തെ സാഹച​ര്യ​ത്തി​ന്മേൽ ഏകാഗ്രത നേടാൻ ശ്രമി​ക്കുക. “അപ്പോ​ഴത്തെ സാഹച​ര്യ​ത്തി​ന്മേൽ ശ്രദ്ധ കേന്ദ്രീ​ക​രി​ക്കു​ന്നതു തത്‌ക്ഷണം ശാന്തത കൈവ​രു​ത്തും,” ഡോ. അലൻ ഗോൾഡ്‌സ്റ്റൈൻ പറയുന്നു. ഒരു റബർബാൻഡ്‌ കൈത്ത​ണ്ട​യിൽ ധരിക്കാ​നാ​ണു ചിലർ നിർദേ​ശി​ക്കു​ന്നത്‌. വിപത്‌ക​ര​മായ ചിന്തകൾ മനസ്സി​ലു​യ​രു​മ്പോൾ അതു വലിച്ചു​വി​ട്ടു​കൊണ്ട്‌ നിങ്ങ​ളോ​ടു​തന്നെ പറയുക: “നിർത്തൂ!” ഉത്‌കണ്‌ഠ വിഭ്രാ​ന്തി​യാ​യി മാറു​ന്ന​തി​നു​മു​മ്പു​തന്നെ അതിനെ തടുക്കുക.

പ്രതി​ക​രി​ക്കു​ന്നതു ശാന്തമാ​ക്കുക. നിങ്ങളെ വിഭ്രാ​ന്തി പിടി​കൂ​ടി​യാൽ അതിനെ ചെറു​ക്ക​രുത്‌. അത്‌ ഒരു തോന്നൽ മാത്ര​മാണ്‌, എന്നുമാ​ത്രമല്ല തോന്ന​ലു​കൾ നിങ്ങൾക്കു ദോഷം​ചെ​യ്യ​ണ​മെ​ന്നില്ല. തിരമാ​ല​കളെ നോക്കി​ക്കൊ​ണ്ടു നിങ്ങൾ ഒരു സമു​ദ്ര​ത്തി​ന​ടു​ത്തു നിൽക്കു​ന്ന​താ​യി സങ്കൽപ്പി​ക്കുക. അവ ഉയരുന്നു, ഉന്നതി​യി​ലെ​ത്തു​ന്നു, പിന്നെ ചിതറി​പ്പോ​കു​ന്നു. വിഭ്രാ​ന്തി​യും ഇതേ രീതി​യിൽത​ന്നെ​യാ​ണു സംഭവി​ക്കു​ന്നത്‌. തിരമാ​ലയെ ചെറു​ക്കു​ന്ന​തി​നു​പ​കരം അതിനെ കടന്നു​പോ​കാൻ അനുവ​ദി​ക്കുക. അതു കടന്നു​പോ​വുക തന്നെ ചെയ്യും. അതു തീർന്നു​ക​ഴി​യു​മ്പോൾ അതിരു​കടന്ന പ്രതി​ക​ര​ണ​മോ വിചി​ന്ത​ന​മോ ചെയ്യരുത്‌. ഒരു തുമ്മൽ, അല്ലെങ്കിൽ തലവേ​ദ​ന​പോ​ലെ അതു പോയി​ക്ക​ഴി​ഞ്ഞു.

വിഭ്രാ​ന്തി ഒരു മുട്ടാ​ള​നെ​പ്പോ​ലെ​യാണ്‌. അവനെ ചൊടി​പ്പി​ച്ചാൽ അവൻ ആക്രമി​ക്കും, ചൊടി​പ്പി​ക്കാ​തെ അവനെ അവന്റെ പാട്ടിനു വിട്ടേ​ക്കുക. ശാന്തത കൈവ​രി​ക്കാ​നുള്ള മാർഗങ്ങൾ, “നിങ്ങൾക്ക്‌ ആ നിമിഷം വിഭ്രാ​ന്തി​യെ ‘ചെറു​ക്കാൻ’ അല്ലെങ്കിൽ ‘തുടച്ചു​നീ​ക്കാൻ’ വേണ്ടി രൂപകൽപ്പന ചെയ്‌തി​രി​ക്കു​ന്നതല്ല” എന്നു ഡോ. ആർ. റീഡ്‌ വിൽസൺ വിശദ​മാ​ക്കു​ന്നു. മറിച്ച്‌, വിഭ്രാ​ന്തി നിങ്ങളെ നേരി​ടാൻ വരു​മ്പോൾ സമയം​പോ​ക്കാ​നുള്ള മാർഗ​ങ്ങ​ളാ​യി അവയെ വീക്ഷി​ക്കുക.”

[23-ാം പേജിലെ ചതുരം]

അഗോരഫോബിയ, ഭയത്തെ​ക്കു​റി​ച്ചുള്ള ഭയം

വിഭ്രാ​ന്തി​ബാധ അനുഭ​വ​പ്പെ​ടുന്ന പലരി​ലും അഗോ​ര​ഫോ​ബിയ ഉടലെ​ടു​ത്തേ​ക്കാം. പൊതു​സ്ഥ​ല​ങ്ങ​ളെ​ക്കു​റി​ച്ചുള്ള ഭയം എന്ന്‌ അതു നിർവ​ചി​ക്ക​പ്പെ​ട്ടി​രി​ക്കു​ന്നു​വെ​ങ്കി​ലും, കുറച്ചു​കൂ​ടെ കൃത്യ​മാ​യി അഗോ​ര​ഫോ​ബി​യയെ ഭയത്തെ​ക്കു​റി​ച്ചുള്ള ഭയമെന്ന്‌ വിളി​ക്കാ​വു​ന്ന​താണ്‌. അഗോ​ര​ഫോ​ബി​ക്കു​കൾ വിഭ്രാ​ന്തി​യെ അത്രകണ്ടു ഭയക്കു​ന്ന​തു​മൂ​ലം മുമ്പ്‌ അവർക്കു വിഭ്രാ​ന്തി​ബാധ ഉണ്ടായ സ്ഥലങ്ങ​ളെ​യെ​ല്ലാം ഭയക്കുന്നു. താമസി​യാ​തെ “സുരക്ഷി​ത​മായ” ഒരൊറ്റ ഇടമേ അവശേ​ഷി​ക്കു​ന്നു​ള്ളൂ—സാധാ​ര​ണ​മാ​യി വീട്‌.

എഴുത്തു​കാ​ര​നായ മെൽവിൻ ഗ്രീൻ പറയുന്നു: “നിങ്ങൾ വീടു വിട്ടി​റ​ങ്ങു​ക​യാ​ണെന്നു സങ്കൽപ്പി​ക്കുക, പൊടു​ന്നനേ, എവി​ടെ​നി​ന്നെ​ന്ന​റി​യില്ല നിങ്ങൾ കണ്ടിട്ടു​ള്ള​തി​ലേ​ക്കും​വെച്ച്‌ ഏറ്റവും വലിയ ഒരു മനുഷ്യൻ പ്രത്യ​ക്ഷ​പ്പെ​ടു​ന്നു, കൈയിൽ ഒരു ബേസ്‌ബോൾ ബാറ്റുണ്ട്‌. കാരണ​മൊ​ന്നും​കൂ​ടാ​തെ നിങ്ങളു​ടെ തലയ്‌ക്കിട്ട്‌ ഒറ്റയടി. ആ നിമിഷം സംഭവി​ച്ചതു വിശ്വാ​സം​വ​രാ​തെ നിങ്ങൾ ഏന്തിവ​ലി​ഞ്ഞു വീട്ടി​ലേക്കു പിൻവാ​ങ്ങു​ന്നു. നിങ്ങൾക്കു സുഖമാ​യെന്നു തോന്നു​മ്പോൾ, വീടി​നു​പു​റ​ത്തേക്ക്‌ എത്തി​നോ​ക്കു​ന്നു. എല്ലാം സാധാ​ര​ണ​ഗ​തി​യി​ലാണ്‌. വീണ്ടും നിങ്ങൾ വഴിയി​ലേ​ക്കി​റങ്ങി നടക്കുന്നു. പൊടു​ന്നനേ അതാ, വീണ്ടും അയാള​വി​ടെ, വീണ്ടും നിങ്ങൾക്ക്‌ ഒരടി​കൂ​ടെ ലഭിക്കു​ന്നു. നിങ്ങൾ വീട്ടി​ലേക്കു മടങ്ങുന്നു, അവിടെ നിങ്ങൾ സുരക്ഷി​ത​നാണ്‌. നിങ്ങൾ പുറം​വാ​തി​ലി​ലൂ​ടെ നോക്കു​ന്നു . . . അയാൾ അവി​ടെ​യുണ്ട്‌. നിങ്ങൾ ജനാല​വഴി നോക്കു​ന്നു . . . അയാൾ അവി​ടെ​യുണ്ട്‌. വീട്ടി​ലുള്ള സുരക്ഷി​ത​ത്വം വിട്ടാൽ, വീണ്ടും അടി കിട്ടു​മെന്നു നിങ്ങൾക്ക​റി​യാം. ചോദ്യ​മി​താണ്‌: നിങ്ങൾ വീടു​വി​ട്ടി​റ​ങ്ങു​മോ?”

ഒട്ടുമിക്ക അഗോ​ര​ഫോ​ബി​ക്കു​ക​ളും തങ്ങളുടെ തോന്ന​ലു​കളെ ഈ ദൃഷ്ടാ​ന്ത​ത്തി​ലേ​തു​പോ​ലുള്ള തോന്ന​ലു​മാ​യി സാദൃ​ശ്യ​പ്പെ​ടു​ത്തു​ന്നു, തങ്ങളുടെ അവസ്ഥ ആശയറ്റ​താ​ണെന്നു വിചാ​രി​ക്കു​ന്നു. പക്ഷേ, ഡോ. അലൻ ഗോൾഡ്‌സ്റ്റൈൻ സമാശ്വ​സി​പ്പി​ക്കു​ന്നു: “നിങ്ങൾ ഒരു അസാധാ​രണ വ്യക്തിയല്ല, നിങ്ങൾ ഒറ്റയ്‌ക്കല്ല. . . . നിങ്ങൾക്കു സ്വയം സഹായി​ക്കാൻ സാധി​ക്കും.