നിങ്ങൾ അവിടെ ഉണ്ടായി​രി​ക്കു​മോ?

കഴിഞ്ഞ വർഷം ലോക​ത്തെ​മ്പാ​ടു​മാ​യി 87,00,000-ത്തിലധി​കം ആളുകൾ യഹോ​വ​യു​ടെ സാക്ഷി​ക​ളു​ടെ “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌ററ്‌ കൺ​വെൻ​ഷനു ഹാജരാ​യി. “ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളിൽ ഒന്നിനു നിങ്ങൾ ഉണ്ടായി​രി​ക്കു​മോ? ഹാജരാ​കു​ന്ന​തി​നു നിങ്ങളെ ഹാർദ​മാ​യി ക്ഷണിക്കു​ന്നു.

മിക്ക സ്ഥലങ്ങളി​ലും വെള്ളി​യാഴ്‌ച രാവിലെ 9:30-ന്‌ സംഗീ​ത​ത്തോ​ടെ കൺ​വെൻ​ഷൻ ആരംഭി​ക്കും. “ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു?” എന്ന പ്രോ​ത്സാ​ഹ​ജ​ന​ക​മായ പ്രസം​ഗത്തെ പ്രാരംഭ സെഷൻ വിശേ​ഷ​വൽക്ക​രി​ക്കും. ദൈവം ആവശ്യ​പ്പെ​ടു​ന്നതു ചെയ്യു​ന്ന​തി​നു ദശലക്ഷ​ക്ക​ണ​ക്കി​നു മറ്റുള്ള​വരെ സഹായി​ക്കു​ന്ന​തി​നു നമുക്ക്‌ ഉപയോ​ഗി​ക്കാൻ കഴിയുന്ന വിവരങ്ങൾ ഇതിലു​ണ്ടാ​യി​രി​ക്കും.

“ദൈവ​ത്തി​ന്റെ നിബന്ധ​നകൾ മനസ്സി​ലാ​ക്കാൻ മറ്റുള്ള​വരെ സഹായി​ക്കൽ” എന്ന ഉച്ചകഴി​ഞ്ഞത്തെ അവതരണം ശിഷ്യ​രാ​ക്കൽ വേലയിൽ കൂടുതൽ ഫലപ്ര​ദ​മാ​യി പങ്കുപ​റ്റാൻ സമ്മേളി​തരെ സജ്ജരാ​ക്കും. പിന്നീട്‌, “വിനോ​ദ​ത്തി​ന്റെ മറഞ്ഞു​കി​ട​ക്കുന്ന കെണി​കൾക്കെ​തി​രെ ജാഗരൂ​ക​രാ​യി​രി​ക്കു​വിൻ” എന്ന രണ്ടു ഭാഗങ്ങ​ളുള്ള സിമ്പോ​സി​യം ഒഴിവാ​ക്കേണ്ട ഭൂത കെണി​ക​ളെ​ക്കു​റി​ച്ചു മുന്നറി​യി​പ്പു നൽകും. “ദൈവ​വ​ച​ന​ത്തി​ന്റെ അഖണ്ഡത വിശ്വ​സ്‌ത​ത​യോ​ടെ ഉയർത്തി​പ്പി​ടി​ക്കൽ” എന്ന പ്രധാ​ന​പ്പെട്ട പ്രസം​ഗ​ത്തോ​ടെ വെള്ളി​യാ​ഴ്‌ചത്തെ പരിപാ​ടി സമാപി​ക്കും.

“സമാധാന സുവാർത്ത എത്തിക്കുന്ന സന്ദേശ​വാ​ഹകർ” എന്ന മൂന്നു ഭാഗങ്ങ​ളുള്ള സിമ്പോ​സി​യ​ത്തോ​ടെ ശനിയാഴ്‌ച രാവി​ലത്തെ സെഷൻ ശിഷ്യ​രാ​ക്കൽ വേലയു​ടെ പ്രാധാ​ന്യ​ത്തിന്‌ ഊന്നൽ നൽകും. ആ സെഷനി​ലെ അവസാ​നത്തെ പ്രസംഗം സമർപ്പ​ണ​ത്തെ​യും സ്‌നാ​പ​ന​ത്തെ​യും കുറി​ച്ചു​ള്ള​താ​യി​രി​ക്കും. അതേത്തു​ടർന്നു പുതിയ ശിഷ്യൻമാ​രു​ടെ സ്‌നാ​പ​ന​വും ഉണ്ടായി​രി​ക്കും.

“കാര്യാ​ദി​ക​ളെ​ക്കു​റി​ച്ചുള്ള യഹോ​വ​യു​ടെ ചിന്താ​ഗ​തി​കൾ പരിഗ​ണി​ക്കു​വിൻ” എന്ന ശനിയാഴ്‌ച ഉച്ചകഴി​ഞ്ഞത്തെ അവതരണം, ആനുകാ​ലിക വിഷയ​ങ്ങ​ളെ​ക്കു​റിച്ച്‌ അനേകർക്കുള്ള ചോദ്യ​ങ്ങൾക്ക്‌ ഉത്തരം നൽകും. “സമാധാ​ന​ത്തി​ന്റെ ദൈവം നിങ്ങൾക്കു​വേണ്ടി കരുതു​ന്നു” എന്ന രണ്ടു ഭാഗങ്ങ​ള​ട​ങ്ങിയ ഹൃദ​യോ​ഷ്‌മ​ള​മായ സിമ്പോ​സി​യം നിങ്ങൾ ആസ്വദി​ക്കും. “കുടും​ബ​ജീ​വി​ത​ത്തിൽ ദൈവ​സ​മാ​ധാ​നം പിന്തു​ട​രു​വിൻ” എന്ന സെഷനി​ലെ സമാപന പ്രസം​ഗ​ത്തിൽ സവി​ശേ​ഷ​മായ ചിലത്‌ ആസ്വദി​ക്ക​പ്പെ​ടും.

“ശരിയായ തരത്തി​ലുള്ള സന്ദേശ​വാ​ഹ​കരെ തിരി​ച്ച​റി​യി​ക്കൽ” എന്ന ഞായറാഴ്‌ച രാവി​ലത്തെ മൂന്നു ഭാഗങ്ങ​ളുള്ള സിമ്പോ​സി​യം ബൈബിൾ പ്രവാ​ച​കൻമാ​രു​ടെ ദൃഷ്ടാ​ന്ത​ങ്ങളെ വർണി​ച്ചു​കൊ​ണ്ടു കൺ​വെൻ​ഷന്റെ വിഷയത്തെ വിശേ​ഷ​വൽക്ക​രി​ക്കും. ന്യായാ​ധി​പ​നായ ഗിദെ​യോ​നെ​ക്കു​റി​ച്ചുള്ള ബൈബിൾ വിവര​ണ​ത്തിൽനി​ന്നു മൂല്യ​വ​ത്തായ പാഠങ്ങൾ വ്യക്തമാ​ക്കുന്ന പൂർണ​വേ​ഷ​വി​ധാ​ന​ങ്ങ​ളോ​ടു​കൂ​ടിയ ഒരു നാടക​ത്തോ​ടെ രാവി​ലത്തെ പരിപാ​ടി സമാപി​ക്കും.—ന്യായാ​ധി​പ​ന്മാർ 6:11–8:28.

ഞായറാ​ഴ്‌ച ഉച്ചകഴിഞ്ഞ്‌, “ഒടുവിൽ യഥാർഥ സമാധാ​നം!—ഏത്‌ ഉറവിൽനിന്ന്‌?” എന്ന ശീർഷ​ക​ത്തി​ലുള്ള പരസ്യ​പ്ര​സം​ഗം കൺ​വെൻ​ഷന്റെ അവസാന സെഷന്റെ വിശേ​ഷ​ഭാ​ഗ​മാ​യി​രി​ക്കും. ഒടുവിൽ, “ദൈവ​സ​മാ​ധാന സന്ദേശ​വാ​ഹകർ എന്ന നിലയിൽ മുന്നേ​റു​ന്നു” എന്ന പ്രചോ​ദ​ന​മേ​കുന്ന പ്രസംഗം കൺ​വെൻ​ഷനു സമാപനം കുറി​ക്കും.

ഇന്ത്യയിൽ മാത്ര​മാ​യി 15 കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​രി​ക്കു​ന്ന​തി​നാൽ സാധ്യ​ത​യ​നു​സ​രി​ച്ചു നിങ്ങൾ താമസി​ക്കുന്ന സ്ഥലത്തിനു സമീപ​ത്താ​യി ഒരെണ്ണം ഉണ്ടായി​രി​ക്കും. നിങ്ങൾക്ക്‌ ഏറ്റവും അടുത്തുള്ള കൺ​വെൻ​ഷന്റെ സമയവും സ്ഥലവും അറിയു​ന്ന​തി​നു പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളോട്‌ അന്വേ​ഷി​ക്കുക. ഉണരുക!യുടെ ജൂൺ 8 ലക്കം ഇന്ത്യയി​ലെ എല്ലാ കൺ​വെൻ​ഷൻ സ്ഥലങ്ങളും പട്ടിക​പ്പെ​ടു​ത്തു​ക​യും ചെയ്യും.