ലൈം​ഗി​കോ​പ​ദ്രവം—നിങ്ങ​ളെ​ത്തന്നെ സംരക്ഷി​ക്കാ​വുന്ന വിധം

“യാതൊ​രു സ്‌ത്രീ​യും ലൈം​ഗിക കുത്തു​വാ​ക്കി​നു ദിവസേന വിധേ​യ​യാ​കേ​ണ്ട​തില്ല, എന്നാൽ ദുഷ്‌പെ​രു​മാറ്റ വിമു​ക്ത​മായ ഒരു പ്രാചീന തൊഴിൽ സാഹച​ര്യം പ്രതീ​ക്ഷി​ക്കു​ന്നതു സ്‌ത്രീ​കളെ സംബന്ധി​ച്ചി​ട​ത്തോ​ളം ന്യായ​യു​ക്ത​വു​മല്ല” എന്നു മാസികാ പ്രസാ​ധി​ക​യായ ഗ്രാറ്റ്‌കൻ മോർഗെൻസൻ പറയുന്നു. ജോലി​സ്ഥലം കൂടുതൽ സുരക്ഷി​ത​മാ​ക്കാ​നുള്ള തൊഴി​ലു​ട​മ​ക​ളു​ടെ​യും കോട​തി​ക​ളു​ടെ​യും ശ്രമങ്ങൾ പ്രശം​സാർഹ​മാ​യി ചില നല്ല ഫലങ്ങൾ ഉളവാ​ക്കി​യി​ട്ടുണ്ട്‌. ദൃഷ്ടാ​ന്ത​ത്തിന്‌, നിയമ​ന​ട​പ​ടി​യു​ടെ അപകട​സാ​ധ്യത തൊഴിൽസാ​ഹ​ച​ര്യം മെച്ച​പ്പെ​ടു​ത്താൻ ശ്രമി​ക്കു​ന്ന​തി​നു ലോക​വ്യാ​പ​ക​മാ​യി തൊഴി​ലു​ട​മ​ക​ളെ​യും തൊഴി​ലാ​ളി​ക​ളെ​യും പ്രേരി​പ്പി​ച്ചി​ട്ടുണ്ട്‌. തൊഴിൽസ്ഥ​ലത്തെ ലൈം​ഗി​കോ​പ​ദ്രവം കൈകാ​ര്യം ചെയ്യു​ന്ന​തി​നു​വേണ്ടി നിരവധി കമ്പനികൾ അവയ്‌ക്കു​ള്ളിൽത്തന്നെ നടപടി​ക്ര​മങ്ങൾ ഏർപ്പെ​ടു​ത്തി​യി​ട്ടുണ്ട്‌. തൊഴിൽസ്ഥ​ലത്തെ ഉചിത​മായ പെരു​മാ​റ്റം തൊഴി​ലാ​ളി​കളെ പഠിപ്പി​ക്കു​ന്ന​തി​നു യോഗ​ങ്ങ​ളും സെമി​നാ​റു​ക​ളും നടത്ത​പ്പെ​ടു​ന്നു.

തീർച്ച​യാ​യും കമ്പനി​യു​ടെ നയങ്ങളും പ്രാ​ദേ​ശിക നിയമ​ങ്ങ​ളും അറിഞ്ഞു പിൻപ​റ്റു​ന്നതു തികച്ചും ഉചിത​മാണ്‌. (റോമർ 13:1; തീത്തൊസ്‌ 2:9) ബൈബിൾ തത്ത്വങ്ങൾ ബാധക​മാ​ക്കു​ന്ന​തും സഹായ​ക​ര​മാ​ണെന്നു ക്രിസ്‌ത്യാ​നി​കൾ കണ്ടെത്തി​യി​രി​ക്കു​ന്നു. സഹജോ​ലി​ക്കാ​രു​മാ​യുള്ള ഇടപെ​ട​ലു​ക​ളിൽ ഈ നിശ്വസ്‌ത മാർഗ​നിർദേ​ശങ്ങൾ പിൻപ​റ്റു​ന്ന​തി​നു ലൈം​ഗി​കോ​പ​ദ്ര​വ​ത്തി​ന്റെ ഇരയാ​യി​ത്തീ​രു​ന്ന​തോ അല്ലെങ്കിൽ അതു ചെയ്യു​ന്ന​യാ​ളാ​യി​ത്തീ​രു​ന്ന​തോ ഒഴിവാ​ക്കു​ന്ന​തി​നു നിങ്ങളെ വളരെ​യ​ധി​കം സഹായി​ക്കാൻ കഴിയും.

പുരു​ഷൻമാർക്കാ​യുള്ള ഉചിത​മായ നടത്ത

പുരു​ഷൻമാർ സ്‌ത്രീ​ക​ളോട്‌ എങ്ങനെ ഇടപെ​ട​ണ​മെന്ന സംഗതി പരിഗ​ണി​ക്കുക. വിപരീ​ത​ലിം​ഗ​വർഗ​ത്തിൽപെ​ട്ട​വരെ സ്‌പർശി​ക്കു​ന്ന​തി​നെ​തി​രെ അനേകം വിദഗ്‌ധർ താക്കീതു നൽകുന്നു. സ്‌നേ​ഹ​പു​ര​സ്സരം പുറത്തു തട്ടുന്നതു വളരെ എളുപ്പം ദുർവ്യാ​ഖ്യാ​നി​ക്കാ​പ്പെ​ടാ​വു​ന്ന​താ​ണെന്ന്‌ അവർ മുന്നറി​യി​പ്പു നൽകുന്നു. “ജഡ്‌ജി​മാർ വളരെ ഗൗരവ​മാ​യെ​ടു​ക്കുന്ന ഒരു സംഗതി​യാ​ണു സ്‌പർശി​ക്കൽ” എന്നു തൊഴിൽ വക്കീലായ ഫ്രാങ്ക്‌ ഹാർട്ടി കുറി​ക്കൊ​ള്ളു​ന്നു. അദ്ദേഹ​ത്തി​ന്റെ നിർദേ​ശ​മോ? “ഹസ്‌ത​ദാ​നം ചെയ്യു​ന്ന​തി​ല​ധി​കം അതിൽ ഉൾപ്പെ​ട്ടി​രി​ക്കു​ന്നെ​ങ്കിൽ അതു ചെയ്യരുത്‌.” ഈ സംഗതി​യിൽ എല്ലാ അവസര​ങ്ങ​ളി​ലും ബാധമാ​കുന്ന നിയമം ബൈബിൾതന്നെ വെക്കു​ന്നി​ല്ലെ​ന്നു​ള്ളതു സത്യമാണ്‌.a എന്നാൽ നിലവി​ലുള്ള നിയമ-ധാർമിക കാലാ​വ​സ്ഥ​യു​ടെ വീക്ഷണ​ത്തിൽ ജാഗ്രത ഉചിത​മാണ്‌, പ്രത്യേ​കി​ച്ചും സംസാ​രി​ക്കു​മ്പോൾ സ്‌പർശി​ക്കാൻ ഒരു അബോ​ധ​ചാ​യ്‌വു​ള്ള​വർക്ക്‌.

അത്തരം ബുദ്ധ്യു​പ​ദേശം പിൻപ​റ്റു​ന്നത്‌ എല്ലായ്‌പോ​ഴും എളുപ്പ​മ​ല്ലെന്നു സമ്മതി​ക്കു​ന്നു. ദൃഷ്ടാ​ന്ത​ത്തിന്‌, ഗ്‌ലൻ ഒരു ഹിസ്‌പാ​നിക്‌ സംസ്‌കാ​ര​ത്തിൽനി​ന്നു​ള്ള​വ​നാണ്‌. അദ്ദേഹം പറയുന്നു: “ഇവിടെ ഐക്യ​നാ​ടു​ക​ളി​ലു​ള്ള​വ​രേ​ക്കാൾ, നിങ്ങളെ ആലിം​ഗനം ചെയ്യാൻ കൂടുതൽ പ്രവണ​ത​യു​ള്ള​വ​രാ​ണു ഞാൻ വരുന്ന സ്ഥലത്തെ ആളുകൾ. എന്റെ കുടും​ബ​ത്തിൽ ഞങ്ങൾ മിക്ക​പ്പോ​ഴും സുഹൃ​ത്തു​ക്കളെ ചുംബിച്ച്‌ അഭിവാ​ദ്യം ചെയ്യുന്നു. എന്നാൽ അതു ചെയ്യാൻ തിരക്കു​കൂ​ട്ട​രു​തെന്ന്‌ ഇവിടെ ഞങ്ങൾക്കു മുന്നറി​യി​പ്പു നൽക​പ്പെട്ടു.” എന്നിരു​ന്നാ​ലും, ബൈബിൾ തത്ത്വങ്ങൾ ഈ സംഗതി​യിൽ സഹായ​ക​മെന്നു തെളി​യു​ന്നു. യുവാ​വായ തിമോ​ത്തി​യോട്‌ അപ്പോ​സ്‌ത​ല​നായ പൗലോസ്‌ പറഞ്ഞു: “ഇളവയരെ സഹോ​ദ​ര​ന്മാ​രെ​പ്പോ​ലെ​യും മൂത്ത സ്‌ത്രീ​കളെ അമ്മമാ​രെ​പ്പോ​ലെ​യും ഇളയ സ്‌ത്രീ​കളെ പൂർണ്ണ​നിർമ്മ​ല​ത​യോ​ടെ സഹോ​ദ​രി​ക​ളെ​പ്പോ​ലെ​യും പ്രബോ​ധി​പ്പിക്ക.” (1 തിമൊ​ഥെ​യൊസ്‌ 5:1, 2) വിവേ​ച​നാ​ര​ഹി​ത​മായ, പ്രലോ​ഭ​നാ​ത്മ​ക​മായ അല്ലെങ്കിൽ അനിഷ്ട​ക​ര​മായ സ്‌പർശ​നത്തെ അതു തള്ളിക്ക​ള​യു​ന്നി​ല്ലേ?

അതേ തത്ത്വം സംസാ​ര​ത്തി​നു ബാധക​മാ​ക്കാ​വു​ന്ന​താണ്‌. ഉചിത​മാ​യി ബൈബിൾ ഇങ്ങനെ പറയുന്നു: “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുതു; അങ്ങനെ ആകുന്നു വിശു​ദ്ധ​ന്മാർക്കു ഉചിതം. ചീത്തത്തരം, പൊട്ട​ച്ചൊൽ, കളിവാ​ക്കു ഇങ്ങനെ ചേർച്ച​യ​ല്ലാ​ത്തവ ഒന്നും അരുതു.” (എഫെസ്യർ 5:3, 4) സംസാ​രി​ക്കു​ന്ന​തി​നു മുമ്പ്‌ ഒരു ചോദ്യം പരിഗ​ണി​ക്കാൻ ലൈം​ഗി​കോ​പ​ദ്രവ വക്കീലായ കാർത്തി ചിനോ​യി നിർദേ​ശി​ക്കു​ന്നു: “നിങ്ങളു​ടെ മാതാ​വോ സഹോ​ദ​രി​യോ പുത്രി​യോ അത്‌ അഭിമു​ഖീ​ക​രി​ക്കാൻ നിങ്ങൾ ആഗ്രഹി​ക്കു​മോ?” അശ്ലീല​മായ, അന്തസി​ല്ലാത്ത സംസാരം, സംസാ​രി​ക്കു​ന്ന​യാ​ളി​നെ​യും കേൾക്കു​ന്ന​യാ​ളി​നെ​യും തരംതാ​ഴ്‌ത്തു​ന്നു.

ലൈം​ഗി​കോ​പ​ദ്രവം തടയൽ

ലൈം​ഗി​കോ​പ​ദ്ര​വ​ത്തി​ന്റെ ഇരയാ​യി​ത്തീ​രു​ന്നത്‌ ഒഴിവാ​ക്കാൻ ശ്രമി​ക്കാൻ ഒരുവന്‌ എങ്ങനെ കഴിയും? പ്രഥമ പ്രസംഗ നിയോ​ഗ​വു​മാ​യി തന്റെ ശിഷ്യൻമാ​രെ അയച്ച​പ്പോൾ യേശു അവർക്കു നൽകിയ ബുദ്ധ്യു​പ​ദേശം, ഒരുപക്ഷേ ഈ സന്ദർഭ​ത്തിൽ ബാധക​മാ​ക്കാ​വു​ന്ന​താണ്‌: “ചെന്നാ​യ്‌ക്ക​ളു​ടെ നടുവിൽ ആടി​നെ​പ്പോ​ലെ ഞാൻ നിങ്ങളെ അയക്കുന്നു; ആകയാൽ പാമ്പി​നെ​പ്പോ​ലെ ബുദ്ധി​യു​ള്ള​വ​രും പ്രാവി​നെ​പ്പോ​ലെ കളങ്കമി​ല്ലാ​ത്ത​വ​രും ആയിരി​പ്പിൻ.” (മത്തായി 10:16) എന്തായാ​ലും ഒരു ക്രിസ്‌ത്യാ​നി നിസ്സഹാ​യനല്ല. ബൈബിൾ നമുക്കി​ങ്ങനെ ഉറപ്പു​നൽകു​ന്നു: “ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കും; വകതി​രവു നിന്നെ കാക്കും; വിവേകം നിന്നെ സൂക്ഷി​ക്കും.” (സദൃശ​വാ​ക്യ​ങ്ങൾ 2:10, 11) അതു​കൊ​ണ്ടു നമുക്കി​പ്പോൾ നിങ്ങ​ളെ​ത്തന്നെ കാത്തു​സൂ​ക്ഷി​ക്കാൻ സഹായി​ക്കുന്ന ചില ബൈബിൾ തത്ത്വങ്ങൾ നോക്കാം.

1. നിങ്ങൾതന്നെ സഹജോ​ലി​ക്കാ​രു​മാ​യി എങ്ങനെ പെരു​മാ​റു​ന്നു​വെന്നു സൂക്ഷി​ക്കുക. നിർവി​കാ​ര​നോ വിരോ​ധ​മു​ള്ള​വ​നോ ആയിരി​ക്കു​ക​യെന്ന്‌ ഇത്‌ അർഥമാ​ക്കു​ന്നില്ല. എന്തു​കൊ​ണ്ടെ​ന്നാൽ “എല്ലാവ​രോ​ടും സമാധാ​നം ആചരി”ക്കാൻ ബൈബിൾ നമ്മെ ഉദ്‌ബോ​ധി​പ്പി​ക്കു​ന്നു. (എബ്രായർ 12:14; റോമർ 12:18) എന്നാൽ “പുറത്തു​ള്ള​വ​രോ​ടു ജ്ഞാന​ത്തോ​ടെ പെരു​മാ​റു​വിൻ” എന്ന്‌ ബൈബിൾ ക്രിസ്‌ത്യാ​നി​കൾക്കു മുന്നറി​യി​പ്പു നൽകു​ക​തന്നെ ചെയ്യു​ന്ന​തി​നാൽ, അത്‌ ഒരു വ്യാപാ​ര​സ​മാന പെരു​മാ​റ്റം, വിശേ​ഷാൽ വിപരീ​ത​ലിം​ഗ​വർഗ​ത്തിൽ പെട്ടവ​രോട്‌ ഇടപെ​ടു​മ്പോൾ, നിലനിർത്തു​ന്നത്‌ ഉചിത​മാണ്‌. (കൊ​ലൊ​സ്സ്യർ 4:5) എലിസ​ബെത്ത്‌ പവലി​നാ​ലുള്ള ടോക്കിങ്‌ ബാക്ക്‌ ടു സെക്‌ഷ്വൽ പ്രഷർ (ഇംഗ്ലീഷ്‌) എന്ന പുസ്‌തകം, “തങ്ങളുടെ നിലയ്‌ക്കു യോജിച്ച ഹൃദ്യ മനോ​ഭാ​വ​വും ലൈം​ഗിക മുന്നേ​റ്റ​ങ്ങ​ളോ​ടുള്ള സ്വീകാ​ര്യ​തയെ സൂചി​പ്പി​ച്ചേ​ക്കാ​വുന്ന തരം സൗഹൃ​ദ​വും തമ്മിൽ ഒരു കൃത്യ​മായ വ്യത്യാ​സം മനസ്സി​ലാ​ക്കാൻ” ജോലി​ക്കാ​രെ ഉദ്‌ബോ​ധി​പ്പി​ക്കു​ന്നു.

2. വിനീ​ത​മാ​യി വസ്‌ത്രം ധരിക്കുക. നിങ്ങൾ ധരിക്കു​ന്നതു മറ്റുള്ള​വർക്ക്‌ ഒരു സന്ദേശ​മ​യ​ക്കു​ന്നു. ചില തരം വസ്‌ത്ര​ധാ​രണം ബൈബിൾ കാലങ്ങ​ളിൽ ഒരു വ്യക്തിയെ അധാർമി​ക​നോ അനിയ​ത​സം​ഭോ​ഗ​ശീ​ല​നോ ആയി മുദ്ര​കു​ത്തി​യി​രു​ന്നു. (സദൃശ​വാ​ക്യ​ങ്ങൾ 7:10) മിക്ക​പ്പോ​ഴും അതുതന്നെ ഇന്നും സത്യമാണ്‌. ഇറുകി​യ​തോ ലോല​മോ ശരീരം​വെ​ളി​പ്പെ​ടു​ത്തു​ന്ന​തോ ആയ വസ്‌ത്ര​ധാ​രണം തെറ്റായ തരത്തി​ലുള്ള ശ്രദ്ധയെ ആകർഷി​ച്ചേ​ക്കാം. തങ്ങൾ ആഗ്രഹി​ക്കുന്ന എന്തും ധരിക്കാൻ അവകാ​ശ​മു​ണ്ടെന്ന്‌ ചിലർ വിചാ​രി​ച്ചേ​ക്കാ​മെ​ന്നതു സത്യം​തന്നെ. എന്നാൽ എഴുത്തു​കാ​രി​യായ എലിസ​ബെത്ത്‌ പവൽ പ്രസ്‌താ​വി​ക്കു​ന്ന​തു​പോ​ലെ, “പണം മോഷ്ടി​ക്കു​ന്നത്‌ അനുവ​ദ​നീ​യ​മാ​ണെന്നു വിശ്വ​സി​ക്കു​ന്ന​വ​രു​ടെ ഇടയിൽ നിങ്ങൾ ജോലി​ചെ​യ്‌തി​രു​ന്നെ​ങ്കിൽ, പേഴ്‌സ്‌ അരയിൽ ധരിക്ക​രു​തെന്നു ഞാൻ പറയു​മാ​യി​രു​ന്നു. . . . സമൂഹ​ത്തി​ന്റെ മനോ​ഭാ​വ​ങ്ങ​ളു​ടെ . . . ദൗർബ​ല്യം നിങ്ങൾ തിരി​ച്ച​റി​യു​ക​യും അവരാൽ ഇരകളാ​ക്ക​പ്പെ​ടു​ന്ന​തിൽനി​ന്നു നിങ്ങ​ളെ​ത്തന്നെ സംരക്ഷി​ക്കാൻ ശ്രമി​ക്കു​ക​യും വേണം.” ബൈബി​ളി​ന്റെ ബുദ്ധ്യു​പ​ദേശം അതു​കൊ​ണ്ടു കാലോ​ചി​ത​മാണ്‌. “യോഗ്യ​മായ വസ്‌ത്രം ധരിച്ചു ലജ്ജാശീ​ല​ത്തോ​ടും സുബോ​ധ​ത്തോ​ടും​കൂ​ടെ തങ്ങളെ അലങ്കരി”ക്കാൻ അതു സ്‌ത്രീ​കളെ പ്രബോ​ധി​പ്പി​ക്കു​ന്നു. (1 തിമൊ​ഥെ​യൊസ്‌ 2:9) വിനീ​ത​മാ​യി വസ്‌ത്രം ധരിക്കുക, നിങ്ങൾ അസഭ്യ സംസാ​ര​ത്തി​ന്റെ​യും പ്രവൃ​ത്തി​ക​ളു​ടെ​യും ലക്ഷ്യമാ​കാ​നുള്ള കുറഞ്ഞ സാധ്യ​ത​യേ​യു​ള്ളൂ.

3. നിങ്ങളു​ടെ സഹവാ​സങ്ങൾ സൂക്ഷി​ക്കുക! ലൈം​ഗിക ആക്രമ​ണ​ത്തിന്‌ ഇരയാ​യി​ത്തീർന്ന ചെറു​പ്പ​ക്കാ​രി​യായ ദീനാ​യെ​ക്കു​റി​ച്ചു ബൈബിൾ നമ്മോടു പറയുന്നു. തന്നെ കൈ​യ്യേറ്റം ചെയ്‌ത​വന്റെ ശ്രദ്ധ അവൾ വ്യക്തമാ​യും ആകർഷി​ച്ചു. എന്തു​കൊ​ണ്ടെ​ന്നാൽ ദീന പതിവാ​യി കനാൻ “ദേശത്തി​ലെ കന്യക​മാ​രെ കാണ്മാൻ പോയി.” കനാന്യ സ്‌ത്രീ​കൾ അനിയ​ത​സം​ഭോ​ഗ​ത്തി​നു പേരു​കേ​ട്ട​വ​രാ​യി​രു​ന്നു! (ഉല്‌പത്തി 34:1, 2) സമാന​മാ​യി ഇന്ന്‌, കാമാ​തുര വിഷയങ്ങൾ സംസാ​രി​ക്കു​ന്ന​തി​നു പേരു​കേട്ട സഹജോ​ലി​ക്കാ​രു​മാ​യി നിങ്ങൾ പതിവാ​യി സല്ലപി​ക്കു​ക​യോ അവരെ ശ്രദ്ധി​ക്കു​ക​യോ ചെയ്യു​ന്നെ​ങ്കിൽ, ലൈം​ഗിക വാഗ്‌ദാ​ന​ങ്ങ​ളോ​ടു നിങ്ങൾ സ്വീകാ​ര്യ​ക്ഷ​മ​രാ​യി​രി​ക്കു​മെന്നു ചിലർ നിഗമനം ചെയ്‌തേ​ക്കാം.

സഹജോ​ലി​ക്കാ​രെ നിങ്ങൾ അവഗണി​ക്ക​ണ​മെന്ന്‌ ഇത്‌ അർഥമാ​ക്കു​ന്നില്ല. എന്നാൽ സംഭാ​ഷണം സഭ്യേ​ത​ര​മാ​കു​ന്നെ​ങ്കിൽ എന്തു​കൊ​ണ്ടു കേവലം സ്ഥലം വിട്ടു​കൂ​ടാ? രസാവ​ഹ​മാ​യി, ഉന്നത ധാർമിക നിലവാ​ര​ങ്ങ​ളോ​ടു മതിപ്പു​ണ്ടെന്ന സൽപ്പേര്‌ ഉണ്ടായി​രി​ക്കു​ന്നതു ലൈം​ഗി​കോ​പ​ദ്ര​വ​ത്തിൽനി​ന്നു തങ്ങളെ സംരക്ഷി​ക്കാൻ സഹായി​ക്കു​ന്നു​വെന്ന്‌ ഒട്ടനവധി യഹോ​വ​യു​ടെ സാക്ഷികൾ കണ്ടെത്തി​യി​രി​ക്കു​ന്നു.—1 പത്രൊസ്‌ 2:12.

4. അനുര​ഞ്‌ജന സാഹച​ര്യ​ങ്ങൾ ഒഴിവാ​ക്കുക. ചെറു​പ്പ​ക്കാ​രി​യായ താമാ​റി​നെ ലൈം​ഗി​ക​മാ​യി മുത​ലെ​ടു​ക്കാൻക​ഴി​യേ​ണ്ട​തിന്‌ അവളു​മാ​യി ഒറ്റക്കാ​യി​രി​ക്കാൻ യുവാ​വായ അമ്‌നോൻ എങ്ങനെ പദ്ധതി​യി​ട്ടെന്നു ബൈബിൾ നമ്മോടു പറയുന്നു. (2 ശമൂവേൽ 13:1-14) ഒരുപക്ഷേ മദ്യം പങ്കിടാ​നോ യാതൊ​രു പ്രത്യ​ക്ഷ​കാ​ര​ണ​വു​മി​ല്ലാ​തെ സമയം കഴിഞ്ഞു ജോലി​യിൽ തുടരാ​നോ ഒരു കീഴ്‌ജീ​വ​ന​ക്കാ​രി​യെ ക്ഷണിച്ചു​കൊണ്ട്‌ ഉപദ്ര​വ​കാ​രി​കൾ ഇന്നു സമാന​മാ​യി പെരു​മാ​റി​യേ​ക്കാം. അത്തരം ക്ഷണങ്ങൾ സംബന്ധി​ച്ചു ജാഗ്ര​ത​പാ​ലി​ക്കുക! ബൈബിൾ പറയുന്നു: “വിവേ​ക​മു​ള്ളവൻ അനർഥം കണ്ടു ഒളിച്ചു​കൊ​ള്ളു​ന്നു.”—സദൃശ​വാ​ക്യ​ങ്ങൾ 22:3.

നിങ്ങൾ ഉപദ്ര​വി​ക്ക​പ്പെ​ടു​ന്നെ​ങ്കിൽ

തീർച്ച​യാ​യും ഒരു സ്‌ത്രീ നിർദോ​ഷ​മാ​യി പെരു​മാ​റു​മ്പോൾ പോലും ചില പുരു​ഷൻമാർ അനുചി​ത​മായ മുന്നേ​റ്റങ്ങൾ നടത്തും. നിങ്ങൾ ലക്ഷ്യമാ​ക്ക​പ്പെ​ട്ടി​രി​ക്കു​ന്നെ​ങ്കിൽ അത്തരം മുന്നേ​റ്റ​ങ്ങ​ളോ​ടു നിങ്ങൾ എങ്ങനെ പ്രതി​ക​രി​ക്കണം? പരി​ഭ്ര​മി​ക്കാ​തെ അതുമാ​യി ഇടപെ​ടാൻ ചിലർ ശുപാർശ ചെയ്‌തി​ട്ടുണ്ട്‌! ‘ഓഫീസ്‌ ലൈം​ഗി​കത ജീവി​ത​ത്തി​ലെ സുഗന്ധ​മാണ്‌!’ എന്ന്‌ ഒരു സ്‌ത്രീ പറയുന്നു. എന്നാൽ അത്തരം അനുചിത ശ്രദ്ധയെ രസകര​മാ​യോ ഭംഗി​വാ​ക്കാ​യോ വീക്ഷി​ക്കു​ന്ന​തി​നു വിപരീ​ത​മാ​യി, യഥാർഥ ക്രിസ്‌ത്യാ​നി​കൾ അതിനെ വെറു​ക്കു​ന്നു. അവർ “ദുഷ്ടതയെ ദ്വേഷി​ക്കുക”യും അത്തരം നീക്കങ്ങ​ളു​ടെ ഉദ്ദേശ്യം സാധാ​ര​ണ​മാ​യി ലൈം​ഗിക അധാർമി​ക​ത​യി​ലേക്കു പ്രലോ​ഭി​പ്പി​ക്കു​ക​യെ​ന്ന​താ​ണെന്നു തിരി​ച്ച​റി​യു​ക​യും ചെയ്യുന്നു. (റോമർ 12:9, NW, 2 തിമൊ​ഥെ​യൊസ്‌ 3:6, 7 താരത​മ്യം ചെയ്യുക.) അസഭ്യ പെരു​മാ​റ്റം ഏറ്റവും കുറഞ്ഞത്‌ അവരുടെ ക്രിസ്‌തീയ മാന്യ​ത​യ്‌ക്ക്‌ ഒരു അപമാ​ന​മാണ്‌. (1 തെസ്സ​ലൊ​നീ​ക്യർ 4:7, 8 താരത​മ്യം ചെയ്യുക.) നിങ്ങൾക്ക്‌ എങ്ങനെ അത്തരം സാഹച​ര്യ​ങ്ങളെ കൈകാ​ര്യം ചെയ്യാൻ കഴിയും?

1. ഒരു നിലപാ​ടു സ്വീക​രി​ക്കുക! ദൈവ​ഭ​യ​മുള്ള പുരു​ഷ​നായ യോ​സേഫ്‌ അധാർമിക നിർദേ​ശ​ങ്ങ​ളോട്‌ എങ്ങനെ പ്രതി​ക​രി​ച്ചെന്നു ബൈബിൾ നമ്മോടു പറയുന്നു: “യജമാ​നന്റെ ഭാര്യ യോ​സേ​ഫി​ന്മേൽ കണ്ണു പതിച്ചു; എന്നോ​ടു​കൂ​ടെ ശയിക്ക എന്നു പറഞ്ഞു.” പ്രസ്‌തുത പ്രശ്‌നം താനേ പോയി​ക്കൊ​ള്ളു​മെന്നു പ്രത്യാ​ശി​ച്ചു​കൊ​ണ്ടു യോ​സേഫ്‌ അവളുടെ നിർദേശം വെറുതെ അവഗണി​ച്ചു​ക​ള​ഞ്ഞോ? നേരെ മറിച്ചാ​യി​രു​ന്നു സംഗതി! “ഞാൻ ഈ മഹാ​ദോ​ഷം പ്രവർത്തി​ച്ചു ദൈവ​ത്തോ​ടു പാപം ചെയ്യു​ന്നതു എങ്ങനെ” എന്നു പറഞ്ഞു​കൊണ്ട്‌ അവൻ അവളുടെ മുന്നേ​റ്റ​ങ്ങളെ ധീരമാ​യി നിരസി​ച്ചു.—ഉല്‌പത്തി 39:7-9.

യോ​സേ​ഫി​ന്റെ നടപടി​കൾ പുരു​ഷൻമാർക്കും സ്‌ത്രീ​കൾക്കും നല്ലൊരു ദൃഷ്ടാന്തം വയ്‌ക്കു​ന്നു. അന്തസി​ല്ലാത്ത സംഭാ​ഷ​ണ​മോ ആക്രമ​ണോ​ത്സു​ക​മായ പെരു​മാ​റ്റ​മോ അവഗണി​ക്കു​ന്ന​തോ, ഇനിയും കൂടുതൽ വഷളായി, അതിനെ ഭയപ്പെ​ടു​ന്ന​തോ വിരള​മാ​യേ അതു നീങ്ങി​പ്പോ​കാൻ ഇടയാ​ക്കു​ക​യു​ള്ളൂ. മറിച്ച്‌, ഭയമോ ആശങ്കയോ അതു വർധി​ക്കാൻ കാരണ​മാ​ക്കി​യേ​ക്കാം! ബലാൽക്കാ​രി​കൾ മിക്ക​പ്പോ​ഴും ലൈം​ഗി​കോ​പ​ദ്ര​വത്തെ “ഒരു ആക്രമ​ണ​ത്തിൽ ഒരു സ്‌ത്രീ തിരിച്ച്‌ ആക്രമി​ക്കാ​നുള്ള സാധ്യത നിർണ​യി​ക്കാ​നാ​യി” ഉപയോ​ഗി​ക്കു​ന്നു. “ഉപദ്ര​വി​ക്കു​മ്പോൾ അവൾ നിഷ്‌ക്രി​യ​യും ചകിത​യു​മാ​ണെ​ങ്കിൽ ആക്രമി​ക്ക​പ്പെ​ടു​മ്പോൾ അവൾ നിഷ്‌ക്രി​യ​യും ഭയവി​ഹ്വ​ല​യു​മാ​യി​രി​ക്കു​മെന്ന്‌ അവർ ഊഹി​ക്കു​ന്നു” എന്നു ബലാൽസംഗ നിവാരണ ഉപദേ​ഷ്ട്രി​യായ മാർത്താ ലാൻഗെലൻ മുന്നറി​യി​പ്പു നൽകുന്നു. അതു​കൊണ്ട്‌ ഉപദ്ര​വ​ത്തി​ന്റെ ആദ്യ സൂചന​യിൽ തന്നെ നിങ്ങൾ ഒരു നിലപാ​ടു സ്വീക​രി​ക്കു​ന്നതു നിർണാ​യ​ക​മാണ്‌. ഒരു എഴുത്തു​കാ​രൻ പറയു​ന്ന​ത​നു​സ​രിച്ച്‌, “കുറ്റക​ര​മായ പെരു​മാ​റ്റം നിർത്താൻ ഒരു ഉപദ്ര​വ​കാ​രി​യെ പ്രേരി​പ്പി​ക്കു​ന്ന​തി​നു മിക്ക​പ്പോ​ഴും പെട്ടെ​ന്നു​ത​ന്നെ​യും വ്യക്തമാ​യും ഇല്ല എന്നു പറയു​ന്നതു മതിയാ​കും.”

2. നിങ്ങളു​ടെ ഇല്ല എന്നത്‌ ഇല്ല എന്നുതന്നെ അർഥമാ​ക്കട്ടെ! തന്റെ ഗിരി​പ്ര​ഭാ​ഷ​ണ​ത്തിൽ യേശു അപ്രകാ​രം പറഞ്ഞു. (മത്തായി 5:37) ഉപദ്ര​വ​കാ​രി​കൾ മിക്ക​പ്പോ​ഴും തികഞ്ഞ സ്ഥിരോ​ത്സാ​ഹി​ക​ളാ​യ​തി​നാൽ അവന്റെ പ്രസ്‌താ​വന ഈ സാഹച​ര്യ​ങ്ങൾക്കു യോജി​ച്ച​താണ്‌. കേവലം നിങ്ങൾ എത്ര ദൃഢത​യു​ള്ള​വ​രാ​യി​രി​ക്കണം? അതു സാഹച​ര്യ​ങ്ങ​ളെ​യും ഉപദ്ര​വ​കാ​രി​യു​ടെ പ്രതി​ക​ര​ണ​ത്തെ​യും ആശ്രയി​ച്ചി​രി​ക്കു​ന്നു. നിങ്ങളു​ടെ നിലപാ​ടു ബോധ്യ​പ്പെ​ടു​ത്തു​ന്ന​തിന്‌ ഏതളവി​ലുള്ള ദൃഢത ആവശ്യ​മാ​ണോ അത്‌ ഉപയോ​ഗി​ക്കുക. ചില കേസു​ക​ളിൽ, ഒരു ശാന്ത സ്വരത്തി​ലുള്ള ലളിത​മായ നേരി​ട്ടുള്ള പ്രസ്‌താ​വന മതിയാ​കും. ദൃഷ്ടി​സ​മ്പർക്കം സ്ഥാപി​ക്കുക. വിദഗ്‌ധർ പിൻവ​രു​ന്നവ നിർദേ​ശി​ക്കു​ന്നു: (എ) നിങ്ങളു​ടെ വികാ​രങ്ങൾ പ്രസ്‌താ​വി​ക്കുക. (“നിങ്ങൾ . . . മ്പോൾ ഞാൻ അത്‌ ഇഷ്ടപ്പെ​ടു​ന്ന​തേ​യില്ല.”) (ബി) ആ കുറ്റക​ര​മായ പെരു​മാ​റ്റത്തെ വ്യക്തമാ​യി പേരെ​ടു​ത്തു പറയുക. (“നിങ്ങൾ അപരി​ഷ്‌കൃ​ത​മായ, വൃത്തി​കെട്ട ഭാഷ ഉപയോ​ഗി​ക്കു​മ്പോൾ . . .”) (സി) പ്രസ്‌തുത വ്യക്തി എന്തു​ചെ​യ്യാൻ നിങ്ങൾ ആഗ്രഹി​ക്കു​ന്നു​വെന്നു വ്യക്തമാ​ക്കുക. (“ആ വിധത്തിൽ എന്നോടു സംസാ​രി​ക്കു​ന്നതു നിങ്ങൾ നിർത്തണം!”)

ലാൻഗെ​ലൻ ഇങ്ങനെ മുന്നറി​യി​പ്പു​നൽകു​ന്നു: “എന്നാൽ ഒരു സാഹച​ര്യ​ത്തി​ലും എതിരി​ട​ലിന്‌ ആക്രമ​ണത്തെ അവലം​ബി​ക്ക​രുത്‌. പ്രത്യാ​ക്ര​മണം (അധി​ക്ഷേ​പി​ക്കുക, ഭീഷണി​പ്പെ​ടു​ത്തുക, ചീത്ത പറയുക, ഇടിക്കുക, ഉപദ്ര​വ​കാ​രി​യു​ടെ മേൽ തുപ്പുക) വിപരീ​ത​ഫ​ല​മു​ള​വാ​ക്കു​ന്നു. വാചി​കാ​ക്ര​മണം അപകട​ക​ര​മാണ്‌. ആത്മരക്ഷ ആവശ്യ​മാ​ക്കുന്ന ഒരു യഥാർഥ ശാരീ​രിക ആക്രമ​ണ​മി​ല്ലെ​ങ്കിൽ ശാരീ​രി​കാ​ക്ര​മണം ഉപയോ​ഗി​ക്കേണ്ട യാതൊ​രാ​വ​ശ്യ​വു​മില്ല.” അത്തരം പ്രാ​യോ​ഗിക ഉപദേശം റോമർ 12:17-ലെ ബൈബി​ളി​ന്റെ വാക്കു​ക​ളു​മാ​യി യോജി​ക്കു​ന്നു, ‘ആർക്കും തിന്മക്കു പകരം തിന്മ ചെയ്യരുത്‌.’

ലൈം​ഗി​കോ​പ​ദ്രവം നിർത്തി​ക്കാ​നുള്ള നിങ്ങളു​ടെ ഉത്തമ ശ്രമങ്ങൾ കൂട്ടാ​ക്കാ​തെ അതു തുടരു​ന്നെ​ങ്കി​ലെന്ത്‌? ചില കമ്പനികൾ ലൈം​ഗി​കോ​പ​ദ്രവം കൈകാ​ര്യം ചെയ്യു​ന്ന​തി​നു നടപടി​ക്ര​മങ്ങൾ ഉണ്ടാക്കി​യി​ട്ടുണ്ട്‌. കമ്പനിക്കു പരാതി​കൊ​ടു​ക്കു​മെന്ന ഒരു കേവല ഭീഷണി മിക്ക​പ്പോ​ഴും നിങ്ങളെ വെറു​തെ​വി​ടാൻ ഉപദ്ര​വ​കാ​രി​യെ പ്രേരി​പ്പി​ക്കും. എന്നാൽ അങ്ങനെ അല്ലാ​തെ​യു​മി​രു​ന്നേ​ക്കാം. ദുഃഖ​ക​ര​മെന്നു പറയട്ടെ, അനുക​മ്പ​യുള്ള ഒരു സൂപ്പർ​വൈ​സറെ കണ്ടെത്തൽ സ്‌ത്രീ​കൾക്കും പുരു​ഷൻമാർക്കും എല്ലായ്‌പോ​ഴും അത്ര എളുപ്പ​മുള്ള ഒരു കാര്യമല്ല. ഒരു വനിതാ ജോലി​ക്കാ​രി​യാൽ ഉപദ്ര​വി​ക്ക​പ്പെ​ട്ടെന്നു പറയുന്ന ഗ്‌ലൻ പരാതി​നൽകൽ പരീക്ഷി​ച്ചു​നോ​ക്കി. അയാൾ ഓർമി​ക്കു​ന്നു: “ഞാൻ മേലധി​കാ​രി​യോട്‌ അതെക്കു​റി​ച്ചു പറഞ്ഞ​പ്പോൾ എനിക്കു യാതൊ​രു സഹായ​വും കിട്ടി​യില്ല. യഥാർഥ​ത്തിൽ, ഞാൻ സന്തോ​ഷ​വാ​നാ​ണെന്ന്‌ അദ്ദേഹം വിചാ​രി​ച്ചു. ഞാൻ ആ സ്‌ത്രീ​യെ​ക്കു​റി​ച്ചു ജാഗ്ര​ത​പാ​ലി​ക്കു​ക​യും അവളെ ഒഴിവാ​ക്കാൻ ഒരു പ്രത്യേക ശ്രമം നടത്തു​ക​യും ചെയ്യേ​ണ്ടി​യി​രു​ന്നു.”

ചിലർ നിയമ​ന​ട​പടി പരീക്ഷി​ച്ചി​ട്ടുണ്ട്‌. എന്നാൽ നിങ്ങൾ മാധ്യ​മ​ത്തിൽ വായിച്ച നിയമ​ന​ട​പ​ടി​ക​ളി​ലെ വലിയ വിധികൾ സാധാ​ര​ണമല്ല. കൂടാതെ, ടോക്കിങ്‌ ബാക്ക്‌ ടു സെക്‌ഷ്വൽ പ്രഷർ എന്ന പുസ്‌തകം ഇപ്രകാ​രം മുന്നറി​യി​പ്പു​നൽകു​ന്നു: “ലൈം​ഗി​കോ​പ​ദ്ര​വ​ത്തി​നെ​തി​രെ​യുള്ള നിയമ​പ​ര​മായ പരിഹാ​ര​ങ്ങൾക്കു വലിയ അളവിൽ വൈകാ​രിക ഊർജ​വും സമയവും ആവശ്യ​മാണ്‌; അവ ശാരീ​രി​ക​വും മാനസി​ക​വു​മായ സമ്മർദ​ത്തിൽ കലാശി​ക്കു​ന്നു.” “ബദ്ധപ്പെട്ടു വ്യവഹാ​ര​ത്തി​ന്നു പുറ​പ്പെ​ട​രുത്‌” എന്നു നല്ല കാരണ​ത്തോ​ടെ ബൈബിൾ മുന്നറി​യി​പ്പു​നൽകു​ന്നു. (സദൃശ​വാ​ക്യ​ങ്ങൾ 25:8) നിയമ​ന​ട​പ​ടി​യു​ടെ വൈകാ​രി​ക​വും ആത്മീയ​വു​മായ വില പരിഗ​ണി​ച്ച​ശേഷം ചിലർ മറ്റൊരു തൊഴിൽ തേടാൻ താത്‌പ​ര്യം കാട്ടി​യി​രി​ക്കു​ന്നു.

ലൈം​ഗി​കോ​പ​ദ്ര​വ​ത്തി​ന്റെ അന്ത്യം

ലൈം​ഗി​കോ​പ​ദ്രവം പുതു​മയല്ല. അത്‌ അപൂർണ​മായ, കുടി​ല​മായ, അത്യാ​ഗ്ര​ഹം​ബാ​ധിച്ച മനുഷ്യ ഹൃദയം​പോ​ലെ തന്നെ സാർവ​ത്രി​ക​മാണ്‌. നിബന്ധ​ന​ക​ളോ കോർട്ട്‌ കേസു​ക​ളോ ഒരിക്ക​ലും സമൂഹത്തെ ലൈം​ഗി​കോ​പ​ദ്ര​വ​ത്തിൽനി​ന്നു മോചി​പ്പി​ക്കു​ക​യില്ല. ലൈം​ഗി​കോ​പ​ദ്ര​വ​ത്തിൽനി​ന്നു വിമു​ക്ത​മാ​കു​ന്ന​തിന്‌ ആളുക​ളു​ടെ ഹൃദയ​ത്തിൽ ഒരു മൗലിക മാറ്റം ആവശ്യ​മാണ്‌.

ദൈവ​ത്തി​ന്റെ വചനവും അവന്റെ ആത്മാവും ലോക​വ്യാ​പ​ക​മാ​യി ആളുക​ളിൽ ഇന്ന്‌ അത്തര​മൊ​രു മാറ്റം വരുത്തു​ന്നു. പ്രവാ​ച​ക​നായ യെശയ്യാ​വു മുൻകൂ​ട്ടി പറഞ്ഞതു​പോ​ലെ​തന്നെ ചെന്നാ​യും സിംഹ​വും കോലാ​ട്ടിൻകു​ട്ടി​യേ​യും കാളക്കു​ട്ടി​യേ​യും പോലെ പെരു​മാ​റാൻ പഠിക്കു​ന്ന​തു​പോ​ലെ​യാ​ണിത്‌. (യെശയ്യാ​വു 11:6-9) ആളുക​ളോ​ടൊ​ത്തു ബൈബിൾ പഠിക്കു​ന്ന​തി​ലൂ​ടെ, രൂഢമൂ​ല​മാ​യ​തും നിലനിൽക്കു​ന്ന​തു​മായ വ്യക്തിത്വ മാറ്റങ്ങൾ വരുത്താൻ അനേകാ​യി​രം മുൻ ‘ചെന്നായ്‌’ക്കളെ ഓരോ വർഷവും യഹോ​വ​യു​ടെ സാക്ഷികൾ സഹായി​ക്കു​ന്നു. “നിങ്ങളു​ടെ മുമ്പി​ലത്തെ നടത്തയു​ടെ ഗതിക്ക്‌ അനുരൂ​പ​മായ പഴയ വ്യക്തി​ത്വം ഉരിഞ്ഞു​കള”യാനും “യഥാർഥ നീതി​യി​ലും വിശ്വ​സ്‌ത​ത​യി​ലും ദൈ​വേ​ഷ്ട​ത്തിന്‌ അനുസ​ര​ണ​മാ​യി സൃഷ്ടി​ക്ക​പ്പെട്ട പുതിയ വ്യക്തി​ത്വം” അതിനു പകരം വയ്‌ക്കാ​നു​മുള്ള തിരു​വെ​ഴു​ത്തു കൽപ്പനക്ക്‌ ഈ ആളുകൾ ശ്രദ്ധനൽകു​ന്നു.—എഫേസ്യർ 4:22-24, NW.

ബൈബിൾ നിലവാ​ര​ങ്ങ​ളോ​ടു പറ്റിനിൽക്കുന്ന സ്‌ത്രീ-പുരു​ഷൻമാ​രെ​ക്കൊ​ണ്ടു ഭൂമി ഒരിക്കൽ നിറയും. എല്ലാത്ത​ര​ത്തി​ലു​മുള്ള ദുഷ്‌പെ​രു​മാ​റ്റ​ങ്ങൾക്ക്‌ ഒരു അന്ത്യമു​ണ്ടാ​യി​രി​ക്കുന്ന ആ ദിനം ദൈവ​ഭ​യ​മുള്ള ആളുകൾ ആകാം​ക്ഷാ​പൂർവം കാത്തി​രി​ക്കു​ന്നു. അന്നുവരെ, ഇന്നത്തെ നിന്ദ്യ​മായ യാഥാർഥ്യ​ങ്ങളെ തങ്ങൾക്കാ​വു​ന്നത്ര മെച്ചമാ​യി അവർ നേരി​ടു​ന്നു.

[അടിക്കു​റിപ്പ്‌]

[7-ാം പേജിലെ ആകർഷ​ക​വാ​ക്യം]

“നിങ്ങളു​ടെ മാതാ​വോ സഹോ​ദ​രി​യോ പുത്രി​യോ അത്‌ അഭിമു​ഖീ​ക​രി​ക്കാൻ നിങ്ങൾ ആഗ്രഹി​ക്കു​മോ?”

[8-ാം പേജിലെ ചിത്രം]

ലൈംഗികോപദ്രവത്തിൽനിന്ന്‌ ഒരുവനെ സംരക്ഷി​ക്കു​ന്ന​തി​നു വ്യാപാ​ര​സ​മാന പെരു​മാ​റ്റ​ത്തി​നും വിനീ​ത​മായ വസ്‌ത്ര​ധാ​ര​ണ​ത്തി​നും വളരെ​യ​ധി​കം ചെയ്യാൻ കഴിയും

[10-ാം പേജിലെ ചിത്രം]

ആദരപൂർവമായ ഒരു വിധത്തിൽ പരസ്‌പരം ഇടപെ​ടാൻ യഥാർഥ ക്രിസ്‌ത്യാ​നി​കൾ ഇന്നു പഠിക്കു​ന്നു