നിലനിൽക്കുന്ന സമാധാ​നം ആർക്കു കൈവ​രു​ത്താ​നാ​വും?

“അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും: ജനത ജനതയ്‌ക്കെ​തി​രെ വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്കു​ക​യു​മില്ല.”

ജെയിംസ്‌ രാജാ​വി​ന്റെ ബൈബിൾ ഭാഷാ​ന്ത​ര​ത്തി​ലെ, യെശയ്യാവ്‌ 2-ാം അധ്യാ​യ​ത്തി​ന്റെ 4-ാം വാക്യ​ത്തിൽ നിന്നു​ള്ള​താണ്‌ മേൽപ്പറഞ്ഞ വാക്യം. ഐക്യ​രാ​ഷ്ട്ര വികസ​ന​പ​ദ്ധതി (യുഎൻഡി​പി) പ്രസി​ദ്ധീ​ക​രിച്ച ഹ്യൂമൻ ഡെവല​പ്‌മെൻറ്‌ റിപ്പോർട്ട്‌ 1994 ആ വാക്കുകൾ ഉദ്ധരി​ച്ച​ശേഷം ഇപ്രകാ​രം കൂട്ടി​ച്ചേർത്തു: “[1990-ൽ] ശീതയു​ദ്ധ​ത്തി​ന്റെ അന്ത്യ​ത്തോ​ടെ ഈ പ്രവച​ന​ത്തി​ന്റെ സമയം വന്നെത്തി​യ​താ​യി കാണ​പ്പെട്ടു. എന്നാൽ ഇന്നുവരെ ഇതു വഴുതി​മാ​റുന്ന ഒരു പ്രത്യാ​ശ​യാ​ണെന്നു തെളി​ഞ്ഞി​രി​ക്കു​ന്നു.”

സൈന്യ​ത്തെ വെട്ടി​ച്ചു​രു​ക്കൽ

സൈനിക ചെലവു​ക​ളി​ലെ വൻ വെട്ടി​ച്ചു​രു​ക്ക​ലു​കൾ, സാർവ​ദേ​ശീയ രാഷ്ട്രീയ അന്തരീ​ക്ഷ​ത്തി​ലു​ണ്ടായ മാറ്റവു​മാ​യി ഒത്തു​പോ​കു​ന്നില്ല എന്നതാണു സമാധാന പ്രത്യാ​ശ​യ്‌ക്കു മങ്ങലേൽപ്പി​ക്കുന്ന ഒരു ഘടകം. ചില വെട്ടി​ച്ചു​രു​ക്ക​ലു​കൾ ഉണ്ടായി​ട്ടു​ണ്ടെ​ന്നതു ശരിതന്നെ. യുഎൻ-ന്റെ കണക്കനു​സ​രിച്ച്‌ ആഗോള സൈനിക ചെലവു​കൾ 1987-ൽ 99,500 കോടി ഡോള​റാ​യി​രു​ന്ന​തിൽനിന്ന്‌, 1992-ൽ 81,500 കോടി ഡോള​റാ​യി കുറഞ്ഞു. എങ്കിലും 81,500 കോടി ഡോളർ ഒരു വൻതുക തന്നെയാണ്‌. അത്‌ ഏതാണ്ട്‌ ലോക​ജ​ന​സം​ഖ്യ​യു​ടെ മൊത്തം വരുമാ​ന​ത്തി​ന്റെ പകുതി​യോ​ടു തുല്യ​മാണ്‌!

നിരാ​യു​ധീ​ക​ര​ണ​ത്തി​നെ​തി​രെ പ്രവർത്തി​ക്കുന്ന മറ്റൊരു ഘടകം, സൈന്യം സുരക്ഷി​ത​ത്വം കൊണ്ടു​വ​ന്നേ​ക്കു​മെന്ന വീക്ഷണ​മാണ്‌. അങ്ങനെ ശീതയു​ദ്ധം അവസാ​നി​ച്ചെ​ങ്കിൽകൂ​ടി ദേശീയ സുരക്ഷി​ത​ത്വ​ത്തി​നാ​യുള്ള ചെലവു​കൾ ഉയർന്ന​നി​ര​പ്പിൽതന്നെ നില​കൊ​ള്ള​ണ​മെന്നു വ്യവസാ​യ​വൽകൃത രാഷ്ട്ര​ങ്ങ​ളി​ലുള്ള പലരും വാദി​ക്കു​ന്നു. 1993 ഫെബ്രു​വ​രി​യിൽ, ജെയിംസ്‌ വൂൾസി യു.എസ്‌.-ന്റെ കേന്ദ്ര ഇന്റലി​ജൻസ്‌ ഏജൻസി​യി​ലെ ഡയറക്ട​റാ​യി​രുന്ന സമയത്ത്‌ കോൺഗ്ര​സി​നോട്‌ ഇപ്രകാ​രം പറഞ്ഞു: “നാം ഒരു ഉഗ്ര വ്യാളത്തെ [യുഎസ്‌എ​സ്‌ആർ] കൊന്നി​രി​ക്കു​ന്നു. എന്നാൽ വിസ്‌മ​യാ​വ​ഹ​മാം​വി​ധം വൈവി​ധ്യ​ത​യുള്ള വിഷപ്പാ​മ്പു​കൾ നിറഞ്ഞ ഒരു വനത്തി​ലാ​ണു നാമി​പ്പോൾ ജീവി​ക്കു​ന്നത്‌.”

വ്യാള​ങ്ങ​ളോ വിഷപ്പാ​മ്പു​ക​ളോ ആയിത്തീർന്നേ​ക്കാ​മെന്നു നിരൂ​പി​ച്ചി​രി​ക്കുന്ന രാഷ്ട്ര​ങ്ങ​ളിൽനി​ന്നുള്ള ആക്രമ​ണ​ങ്ങളെ തടുക്കാ​നു​ള്ളൊ​രു മാർഗ​മാ​യും വികസ്വര രാഷ്ട്ര​ങ്ങ​ളിൽ ഉയർന്ന സൈനിക ചെലവു​കളെ ന്യായീ​ക​രി​ച്ചി​രി​ക്കു​ന്നു. എന്നാൽ യഥാർഥ​ത്തിൽ, “വികസ്വര രാഷ്ട്രങ്ങൾ ചില അന്താരാ​ഷ്ട്ര യുദ്ധങ്ങൾ നടത്തി​യി​ട്ടുണ്ട്‌. തന്നെയു​മല്ല, പലതും തങ്ങളു​ടെ​തന്നെ ജനങ്ങളെ അടിച്ച​മർത്തു​ന്ന​തി​നാ​യി​ട്ടാണ്‌ ആയുധ​സേ​നയെ ഉപയോ​ഗി​ച്ചി​ട്ടു​ള്ളത്‌,” എന്നു യുഎൻഡി​പി പ്രസ്‌താ​വി​ക്കു​ന്നു. വാസ്‌ത​വ​ത്തിൽ, യുഎൻഡി​പി റിപ്പോർട്ട്‌ ഇപ്രകാ​രം വിശദീ​ക​രി​ച്ചു: “വികസ്വര രാഷ്ട്ര​ങ്ങ​ളിൽ, സാമൂ​ഹിക അവഗണന മൂലം (പോഷ​കാ​ഹാ​ര​ക്കു​റ​വും തടുക്കാൻ കഴിയുന്ന രോഗ​ങ്ങ​ളും മൂലം) മരണമ​ട​യു​ന്ന​തി​നുള്ള സാധ്യ​തകൾ, പുറത്തു​നി​ന്നുള്ള ആക്രമ​ണങ്ങൾ ഹേതു​വാ​യു​ണ്ടാ​കുന്ന യുദ്ധത്തിൽ മരണമ​ട​യു​ന്ന​തി​നുള്ള സാധ്യ​ത​ക​ളേ​ക്കാൾ 33 തവണ ഉയർന്ന​താണ്‌. എങ്കിലും, ശരാശരി, ഓരോ ഡോക്ടർക്കും 20 പട്ടാള​ക്കാർ വീതമുണ്ട്‌. എന്തായാ​ലും പട്ടാള​ക്കാർ നിമിത്തം വ്യക്തി​പ​ര​മായ സുരക്ഷി​ത​ത്വം വർധി​ക്കു​ന്ന​തി​നേ​ക്കാൾ കുറയാ​നാണ്‌ ഏറെ സാധ്യത.”

അന്താരാ​ഷ്ട്ര ആയുധ വാണി​ജ്യം

ശീതയു​ദ്ധ​കാ​ലത്ത്‌, രണ്ടു വൻശക്തി​ക​ളും സഖ്യങ്ങളെ അരക്കി​ട്ടു​റ​പ്പി​ക്കു​ന്ന​തി​നും സൈനി​കാ​സ്ഥാ​നങ്ങൾ നേടു​ന്ന​തി​നും ശക്തി നിലനി​റു​ത്തു​ന്ന​തി​നും വേണ്ടി സഖ്യരാ​ഷ്ട്ര​ങ്ങൾക്ക്‌ ആയുധങ്ങൾ വിൽക്കു​ക​യു​ണ്ടാ​യി. പല രാഷ്ട്ര​ങ്ങ​ളു​ടെ​യും സേനകൾ ശക്തി​പ്പെട്ടു. ഉദാഹ​ര​ണ​ത്തിന്‌, ഇപ്പോൾ 33 രാജ്യ​ങ്ങളെ സംബന്ധി​ച്ചി​ട​ത്തോ​ളം ഓരോ​ന്നി​നും സ്വന്തമാ​യി യുദ്ധത്തി​നു​പ​യോ​ഗി​ക്കുന്ന 1,000-ത്തിലേറെ ടാങ്കു​ക​ളുണ്ട്‌.

ഇപ്പോൾ ശീതയു​ദ്ധം അവസാ​നി​ച്ചി​രി​ക്കെ, ആയുധ വിൽപ​ന​യ്‌ക്കു​വേ​ണ്ടി​യുള്ള രാഷ്ട്രീ​യ​വും തന്ത്രപ​ര​വു​മായ ന്യായീ​ക​രണം കുറഞ്ഞി​രി​ക്കു​ന്നു. എങ്കിലും ധനസം​ബ​ന്ധ​മായ പ്രേര​ക​ശക്തി ശക്തമാ​യി​ത്തന്നെ നില​കൊ​ള്ളു​ന്നു. അതു ധനമാർജി​ക്കു​ന്ന​തി​നുള്ള മാർഗ​മാണ്‌! അങ്ങനെ, സ്വദേ​ശത്ത്‌ ആയുധ​ങ്ങൾക്കുള്ള ആവശ്യം കുറയവേ, തൊഴിൽ സംരക്ഷി​ക്കു​ന്ന​തി​നും സമ്പദ്‌വ്യ​വസ്ഥ ആരോ​ഗ്യാ​വ​ഹ​മാ​യി നിലനി​റു​ത്തു​ന്ന​തി​നു​മുള്ള മാർഗം ആയുധങ്ങൾ വിദേ​ശത്തു വിൽക്കു​ന്ന​താ​ണെന്ന്‌ ആയുധ​നിർമാ​താ​ക്കൾ ഗവൺമെൻറു​കളെ ബോദ്ധ്യ​പ്പെ​ടു​ത്തു​ന്നു.

വേൾഡ്‌ വാച്ച്‌ മാസിക ഇപ്രകാ​രം അഭി​പ്രാ​യ​പ്പെ​ടു​ന്നു: “വൻശക്തി​കൾ തങ്ങളുടെ വമ്പൻ ആണവ മി​സൈ​ലു​കൾ പിൻവ​ലി​ക്ക​വെ​തന്നെ തങ്ങളുടെ സാങ്കേ​തിക ബോം​ബു​കൾ, തോക്കു​കൾ എന്നിവ​യി​ല​ധി​ക​വും വാങ്ങി​യേ​ക്കാ​വുന്ന ഏതൊ​രാൾക്കും അവ വിൽക്കാൻ വഴികൾ തേടു​ക​യാണ്‌ എന്നതു വിരോ​ധാ​ഭാ​സം തന്നെ.” അതിന്റെ കണക്കോ? സ്റ്റോക്ക്‌ഹോ​മി​ലെ ഇന്റർനാ​ഷണൽ പീസ്‌ റിസർച്ച്‌ ഇൻസ്റ്റി​റ്റ്യൂട്ട്‌ പറയു​ന്ന​ത​നു​സ​രിച്ച്‌, 1988 മുതൽ 1992 വരെ അന്താരാ​ഷ്ട്ര വിപണി​യിൽ വിറ്റഴിച്ച സാങ്കേ​തിക ആയുധ​ങ്ങ​ളു​ടെ മൂല്യം 15,100 കോടി ഡോള​റാ​യി​രു​ന്നു. ഏറ്റവും കൂടുതൽ കയറ്റു​മതി ചെയ്‌തത്‌ ഐക്യ​നാ​ടു​ക​ളാ​യി​രു​ന്നു, തുടർന്ന്‌ മുൻ സേവി​യറ്റ്‌ യൂണി​യന്റെ ചില രാജ്യ​ങ്ങ​ളും.

ആണവ ഭീഷണി നിലനിൽക്കു​ന്നു

ആണവ ഭീഷണി സംബന്ധി​ച്ചെന്ത്‌? ഐക്യ​നാ​ടു​ക​ളും സേവി​യറ്റ്‌ യൂണി​യ​നും (അല്ലെങ്കിൽ അതിന്റെ പിന്തു​ടർച്ച​ക്കാ​രായ രാജ്യ​ങ്ങ​ളും) 1987-ൽ മദ്ധ്യദൂര ആണവ സേനാ ഉടമ്പടി​യി​ലും 1991-ലും 1993-ലും രണ്ട്‌ ദീർഘ​ദൂര അണ്വാ​യുധ വെട്ടി​ച്ചു​രു​ക്കൽ ഉടമ്പടി​ക​ളി​ലും (സ്റ്റാർട്ട്‌) ഒപ്പുവച്ചു.

സ്റ്റാർട്ട്‌ ഉടമ്പടി, ഒന്നിൽകൂ​ടു​തൽ യുദ്ധത്ത​ല​പ്പു​ക​ളോ​ടു​കൂ​ടിയ, കരകൾ ആസ്ഥാന​മാ​ക്കി​യുള്ള എല്ലാ മി​സൈ​ലു​ക​ളും നിരോ​ധി​ച്ചു. മാത്രമല്ല, ആണവ യുദ്ധത്ത​ല​പ്പു​കൾ വഹിക്കാ​വുന്ന സകല ഉപകര​ണ​ങ്ങ​ളി​ലും മുക്കാൽ ഭാഗ​ത്തോ​ളം 2003-ാം ആണ്ടോടെ നീക്കം ചെയ്യാ​നുള്ള ആഹ്വാ​ന​വും അതു നൽകു​ക​യു​ണ്ടാ​യി. ഒരു ആണവ മൂന്നാം ലോക മഹായു​ദ്ധ​ത്തി​ന്റെ ഭീഷണി മങ്ങി​പ്പോ​യെ​ങ്കി​ലും, ഭൂമി​യി​ലെ മുഴു ജീവ​നേ​യും പലപ്രാ​വ​ശ്യം നശിപ്പി​ക്കാൻ മതിയായ അണ്വാ​യു​ധ​ങ്ങ​ളു​ടെ വിപു​ല​മായ സംഭര​ണ​ശാ​ലകൾ നിലവി​ലുണ്ട്‌.

ഈ ആയുധങ്ങൾ വിഘടി​പ്പി​ക്കു​ന്നത്‌, ആണവവ​സ്‌തു​ക്ക​ളു​ടെ മോഷ​ണ​ത്തിന്‌ അവസരങ്ങൾ വർധി​പ്പി​ക്കു​ന്നു. ഉദാഹ​ര​ണ​ത്തിന്‌, റഷ്യ വർഷത്തിൽ 2,000-ത്തോളം യുദ്ധത്ത​ല​പ്പു​കൾ അഴിച്ചു ശേഖരി​ച്ചു​വെ​യ്‌ക്കു​ന്നു. അവയിൽനിന്ന്‌, പിറ്റുകൾ എന്നു വിളി​ക്കുന്ന മുഷ്ടി​വ​ലി​പ്പ​ത്തി​ലുള്ള പ്ലൂട്ടോ​ണി​യം ഉരുളകൾ വീണ്ടെ​ടു​ക്കു​ന്നു. നിർമി​ക്കു​ന്ന​തി​നു വളരെ​യേറെ ചെലവും സാങ്കേ​തി​ക​വി​ദ്യ​യും ആവശ്യ​മായ ഒരു യുദ്ധത്ത​ല​പ്പി​ലുള്ള പിറ്റ്‌, ന്യൂക്ലി​യർ ബോം​ബി​ന്റെ മുഖ്യ ഘടകമാണ്‌. സാധാ​ര​ണ​ഗ​തി​യിൽ റേഡി​യോ ആക്ടീവത തടയുന്ന സ്റ്റീൽ പാളികൾ കൊണ്ടാണ്‌ പിറ്റുകൾ ആവരണം ചെയ്യ​പ്പെ​ടു​ന്നത്‌. അതു​കൊണ്ട്‌ ഒരു മോഷ്ടാ​വിന്‌ പ്രത്യ​ക്ഷ​മാ​യി​തന്നെ ഒരെണ്ണം പോക്ക​റ്റി​ലിട്ട്‌ കൊണ്ടു​പോ​കാ​വു​ന്ന​താണ്‌. ഒരു റെഡി​മെ​യ്‌ഡ്‌ പിറ്റ്‌ കൈവ​ശ​മാ​ക്കിയ ഒരു തീവ്ര​വാ​ദിക്ക്‌, പിന്നീട്‌ അതിനെ വിസ്‌ഫോ​ട​ന​പ​ദാർഥ​ങ്ങൾകൊ​ണ്ടു പൊതിഞ്ഞ്‌ ഘോര​ശ​ക്തി​യുള്ള ഒരു ബോംബ്‌ പുനർനിർമി​ക്കാ​വു​ന്ന​താണ്‌.

ഉത്‌ക​ണ്‌ഠ​യു​ള​വാ​ക്കുന്ന മറ്റൊരു സംഗതി, കൂടുതൽ രാജ്യ​ങ്ങ​ളി​ലേക്ക്‌ അണ്വാ​യു​ധം പടർന്നു​പി​ടി​ക്കു​ന്ന​തി​ലുള്ള ഭീഷണി​യാണ്‌. ചൈന, ഫ്രാൻസ്‌, റഷ്യ, യു​ണൈ​റ്റഡ്‌ കിങ്‌ഡം, ഐക്യ​നാ​ടു​കൾ എന്നീ അഞ്ചു രാഷ്ട്രങ്ങൾ അംഗീ​കൃത ആണവ രാഷ്ട്ര​ങ്ങ​ളാണ്‌. കൂടാതെ മറ്റു പല രാജ്യ​ങ്ങൾക്കും അണ്വാ​യു​ധങ്ങൾ വേഗത്തിൽ നിർമി​ക്കു​ന്ന​തി​നുള്ള കഴിവു​ള്ള​താ​യി വിചാ​രി​ക്ക​പ്പെ​ടു​ന്നു.

കൂടുതൽ രാഷ്ട്രങ്ങൾ അണ്വാ​യു​ധങ്ങൾ കരസ്ഥമാ​ക്കു​ന്ന​തോ​ടെ ആരെങ്കി​ലും അവ ഉപയോ​ഗി​ക്കു​മെ​ന്ന​തി​നുള്ള സാധ്യ​ത​യും ഏറുന്നു. ഭയജന​ക​മായ ഈ ആയുധ​ങ്ങ​ളു​ടെ ഉപയോ​ഗത്തെ ആളുകൾ ഭയപ്പെ​ടു​ന്ന​തിൽ കാരണ​മി​ല്ലാ​തില്ല. ദ ട്രാൻസ്‌ഫോർമേഷൻ ഓഫ്‌ വാർ എന്ന പുസ്‌തകം പറയു​ന്ന​പ്ര​കാ​രം, “സാങ്കേ​തിക ആയുധങ്ങൾ നിസ്സാ​ര​മാ​ണെന്നു തോന്നി​ക്കു​മാറ്‌ അണ്വാ​യു​ധ​ങ്ങ​ളു​ടെ ശക്തി അത്രമാ​ത്രം ബൃഹത്താണ്‌.”

നിരാ​യു​ധീ​ക​ര​ണ​വും സമാധാ​ന​വും

എന്നാൽ, രാഷ്ട്രങ്ങൾ തങ്ങളുടെ അത്യാ​ധു​നിക നശീകരണ ആയുധങ്ങൾ ഉപേക്ഷി​ക്കു​ന്നു​വെ​ങ്കി​ലോ? അത്‌ സമാധാ​ന​പൂർണ​മായ ഒരു ലോകം വാഗ്‌ദാ​നം ചെയ്യു​മോ? ഒരു കാരണ​വ​ശാ​ലും ഇല്ല. സൈനിക ചരി​ത്ര​കാ​ര​നായ ജോൺ കീഗൻ ഇപ്രകാ​രം പറയുന്നു: “1945 ആഗസ്റ്റ്‌ 9 മുതൽ അണ്വാ​യു​ധങ്ങൾ ആരേയും കൊന്നി​ട്ടില്ല. ആ തീയതി മുതൽ യുദ്ധത്തിൽ മരണമടഞ്ഞ 5,00,00,000 ആളുക​ളിൽ മിക്കവ​രും കൊല്ല​പ്പെ​ട്ടത്‌ വിലകു​റഞ്ഞ, വൻതോ​തിൽ ഉത്‌പാ​ദി​പ്പി​ക്ക​പ്പെ​ടുന്ന ആയുധ​ങ്ങ​ളാ​ലും, അതേ കാലഘ​ട്ട​ത്തിൽ ലോക​ത്തിൽ ഏറെ പ്രചാ​ര​ത്തി​ലു​ണ്ടാ​യി​രുന്ന ട്രാൻസി​സ്റ്റർ റേഡി​യോ​യെ​ക്കാ​ളും ഡ്രൈ സെൽ ബാറ്ററി​ക​ളെ​ക്കാ​ളും അൽപ്പം വിലകൂ​ടു​ത​ലുള്ള ചെറിയ ഉൾവി​സ്‌താ​ര​മുള്ള വെടി​ക്കോ​പ്പു​ക​ളാ​ലു​മാണ്‌.”

താഴ്‌ന്ന സാങ്കേ​തിക നിർമിത ആയുധ​ങ്ങ​ളു​ടെ ഉപയോ​ഗ​ത്തിന്‌ ഒരു ദൃഷ്ടാ​ന്ത​മാണ്‌ റുവാ​ണ്ട​യിൽ നടന്ന കൂട്ട​ക്കൊല. ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ (1994) പറയു​ന്ന​പ്ര​കാ​രം ഈ രാജ്യ​ത്തി​ലെ “മിക്കയാ​ളു​ക​ളും റോമൻ കത്തോ​ലി​ക്ക​രാണ്‌. . . . മിക്ക പ്രാഥ​മി​ക​സ്‌കൂ​ളു​ക​ളും ഹൈസ്‌കൂ​ളു​ക​ളും നടത്തു​ന്നതു റോമൻ കത്തോ​ലി​ക്കാ സഭകളും ഇതര ക്രിസ്‌തീയ സഭകളു​മാണ്‌.” എന്നിട്ടും റുവാ​ണ്ട​യിൽ അഞ്ചു ലക്ഷത്തോ​ളം കൊല്ല​പ്പെ​ട്ടതു വാക്കത്തി​ക​ളേ​ന്തിയ ആളുക​ളാ​ലാണ്‌. വ്യക്തമാ​യും, ലോക​സ​മാ​ധാ​നം കൊണ്ടു​വ​രാൻ സാങ്കേ​തിക ആയുധ​ങ്ങ​ളു​ടെ​യും അണ്വാ​യു​ധ​ങ്ങ​ളു​ടെ​യും വെട്ടി​ച്ചു​രു​ക്ക​ലി​നേ​ക്കാൾ കൂടു​ത​ലായ എന്തോ ആവശ്യ​മാണ്‌. കൂടാതെ, ലോക​മ​തങ്ങൾ പ്രദാനം ചെയ്യുന്ന പഠിപ്പി​ക്ക​ലു​ക​ളിൽനി​ന്നു വ്യത്യ​സ്‌ത​മായ എന്തോ ആവശ്യ​മാണ്‌.

വർഗീയ ശത്രു​തകൾ ഏറുന്നു

അഭയാർത്ഥി​കൾക്കു വേണ്ടി​യുള്ള, യുഎൻ ഹൈക​മ്മീ​ഷണർ സാദാ​ക്കോ ഒഗാട്ടാ അടുത്ത​യി​ടെ ഇപ്രകാ​രം പ്രസ്‌താ​വി​ച്ചു: “ശീതയു​ദ്ധ​ത്തി​നു​ശേഷം ഉടൻതന്നെ എല്ലാ പ്രശ്‌ന​ങ്ങ​ളും പരിഹ​രി​ക്ക​പ്പെ​ടു​മെന്നു ഞങ്ങൾ കരുതി. ശീതയു​ദ്ധ​ത്തി​നു മറ്റൊരു വശം ഉള്ളതായി ഞങ്ങൾ മനസ്സി​ലാ​ക്കി​യില്ല—വൻശക്തി​കൾ, തങ്ങൾക്കു സ്വാധീ​ന​മുള്ള മേഖല​ക​ളിൽ ആജ്ഞകളോ അല്ലെങ്കിൽ നിർബ​ന്ധിത ആജ്ഞകളോ നൽകുന്നു. . . . അങ്ങനെ ഇപ്പോൾ, ശീതയു​ദ്ധാ​ന​ന്തരം, പരമ്പരാ​ഗ​ത​മായ, ഉറങ്ങി​ക്കി​ട​ന്നി​രുന്ന, ഒരുപക്ഷേ ഒന്നാം ലോക​മ​ഹാ​യു​ദ്ധ​ത്തി​നു മുമ്പു​ണ്ടാ​യി​രുന്ന തരത്തി​ലുള്ള ധാരാളം വർഗീയ സംഘട്ട​നങ്ങൾ നാം കാണുന്നു.”

പുലി​റ്റ്‌സെർ സമ്മാനം നേടി​ക്കൊ​ണ്ടി​രി​ക്കുന്ന ചരി​ത്ര​കാ​ര​നും എഴുത്തു​കാ​ര​നു​മായ ആർതർ ഷ്‌ളെ​സി​ങ്കർ സമാന​മായ ഒരു ആശയം നൽകുന്നു: “വിദ്വേ​ഷ​ത്തി​ന്റെ ഒരു ഗണം നീങ്ങു​മ്പോൾ തത്‌സ്ഥാ​നത്തു മറ്റൊന്ന്‌ പ്രതി​ഷ്‌ഠി​ക്ക​പ്പെ​ടു​ന്നു. കിഴക്കൻ യൂറോ​പ്പി​ലെ​യും മുൻ സോവി​യറ്റ്‌ യൂണി​യ​നി​ലെ​യും അടിച്ച​മർത്ത​പ്പെട്ട ആദർശ​വാ​ദ​ത്തി​ന്റെ ശക്തമായ പിടി അയഞ്ഞ​തോ​ടെ ചരി​ത്ര​ത്തി​ലും ഓർമ​യി​ലും ആഴത്തിൽ വേരൂ​ന്നിയ, മുമ്പ്‌ അടിച്ച​മർത്തി​വെ​ച്ചി​രുന്ന വർഗീ​യ​വും ദേശീ​യ​വും മതപര​വും ഭാഷസം​ബ​ന്ധ​വു​മായ പക സടകു​ട​ഞ്ഞെ​ണീ​റ്റു. . . . 20-ാം നൂറ്റാണ്ട്‌ ആദർശ​വാ​ദ​ങ്ങൾക്കു വേണ്ടി​യുള്ള കലഹങ്ങ​ളു​ടെ നൂറ്റാ​ണ്ടാ​യി​രു​ന്നെ​ങ്കിൽ, 21-ാം നൂറ്റാണ്ട്‌ വർഗീയ കലഹങ്ങ​ളു​ടെ ഒരു നൂറ്റാ​ണ്ടാ​യി ആരംഭം കുറി​ക്കു​ന്നു.”

ഒരു ഐക്യ​രാ​ഷ്ട്ര കണക്കെ​ടു​പ്പ​നു​സ​രിച്ച്‌, 1989-നും 1992-നും ഇടയ്‌ക്ക്‌ 82 സായുധ ഏറ്റുമു​ട്ട​ലു​കൾ ഉണ്ടായി​ട്ടുണ്ട്‌, അവയിൽ മിക്കതും വികസ്വര രാഷ്ട്ര​ങ്ങ​ളി​ലാ​ണു നടന്നത്‌. 1993-ൽ, 42 രാജ്യ​ങ്ങ​ളിൽ വൻ ഏറ്റുമു​ട്ട​ലു​കൾ നടന്നു. മറ്റു 37 രാജ്യ​ങ്ങ​ളിൽ രാഷ്ട്രീയ പ്രക്ഷോ​ഭ​ങ്ങ​ളു​ണ്ടാ​യി. അതേസ​മയം—ബജറ്റ്‌ അങ്ങേയറ്റം കശക്ക​പ്പെ​ട്ട​തി​നാൽ—ഐക്യ​രാ​ഷ്ട്രങ്ങൾ വെറും 17 സൈനിക പ്രവർത്ത​ന​ങ്ങ​ളിൽ, കാര്യ​മായ വിജയ​മൊ​ന്നും കൈവ​രി​ച്ചി​ല്ലെ​ങ്കി​ലും സമാധാ​നം സ്ഥാപി​ക്കു​ന്ന​തി​നു പെടാ​പാ​ടു​പ്പെട്ടു. വ്യക്തമാ​യും, സമാധാ​ന​പൂർണ​മായ ഒരു ലോക​ത്തി​നാ​യി മനുഷ്യ​വർഗം മറ്റൊ​രി​ട​ത്തേക്കു നോ​ക്കേ​ണ്ടി​യി​രി​ക്കു​ന്നു.

തെളി​ഞ്ഞു​വ​രുന്ന പ്രശ്‌ന​ങ്ങൾ

ഭാവി​യി​ലേക്കു ശുഭ​പ്ര​തീ​ക്ഷ​യോ​ടെ നോക്കു​ന്ന​തി​നു​പ​കരം വർധി​ച്ച​നി​ര​ക്കിൽ, പലരും അശുഭ​പ്ര​തീ​ക്ഷ​യാ​ണു പുലർത്തു​ന്നത്‌. ദി എറ്റ്‌ലേൻറിക്ക്‌ മന്ത്‌ലി-യുടെ 1994 ഫെബ്രു​വരി ലക്കത്തിന്റെ പുറം​താൾ, വരും ദശകങ്ങ​ളെ​പ്പ​റ്റി​യുള്ള ഒരു മുന്നറി​യി​പ്പി​നെ ഇപ്രകാ​രം സംക്ഷേ​പി​ക്കു​ന്നു: “പാരി​സ്ഥി​തിക-സാമൂ​ഹിക വിപത്തു​ക​ളിൽനി​ന്നുള്ള അഭയാർത്ഥി​ക​ളു​ടെ വേലി​യേറ്റം ഹേതു​വാ​യി രാഷ്ട്രങ്ങൾ തകരുന്നു. . . . ജലം ഉൾപ്പെടെ ദുർല​ഭ​മായ വസ്‌തു​ക്കളെ പ്രതി​യാ​ണു യുദ്ധങ്ങൾ നടത്തു​ന്നത്‌. കൂടാതെ, സായുധ കൊള്ള​ക്കാ​രു​ടെ സംഘം പ്രമാ​ണി​വർഗ​ത്തി​ന്റെ സ്വകാര്യ സുരക്ഷാ സേനക​ളു​മാ​യി ഏറ്റുമു​ട്ടു​മ്പോൾ, കുറ്റകൃ​ത്യ​ങ്ങൾക്കൊ​പ്പം യുദ്ധവും തുടർന്നു നില​കൊ​ള്ളു​ന്നു.”

നിലനിൽക്കു​ന്ന സമാധാ​നം അപ്രാ​പ്യ​മാ​ണെന്ന്‌ ഇത്‌ അർഥമാ​ക്കു​ന്നു​ണ്ടോ? ഒരു കാരണ​വ​ശാ​ലു​മില്ല! പിൻവ​രുന്ന ലേഖനം, നമുക്ക്‌ ഭാവി​യി​ലേക്ക്‌ ദൃഢവി​ശ്വാ​സ​ത്തോ​ടെ നോക്കാൻ കഴിയു​ന്ന​തി​നുള്ള കാരണങ്ങൾ കാണി​ക്കു​ന്നു.

[5-ാം പേജിലെ ചതുരം]

മതം—സമാധാ​ന​ത്തി​നുള്ള ഒരു പ്രേര​ക​ശ​ക്തി​യോ?

രാഷ്ട്രങ്ങൾ യുദ്ധത്തി​നി​റ​ങ്ങു​മ്പോൾ, ലോക​മ​തങ്ങൾ സമാധാ​ന​ത്തി​ന്റെ​യും സാഹോ​ദ​ര്യ​ത്തി​ന്റെ​യും പഠിപ്പി​ക്ക​ലു​കൾ ഉപേക്ഷി​ക്കു​ന്നു. ഒന്നാം ലോക​മ​ഹാ​യു​ദ്ധ​കാ​ലത്തെ സംബന്ധി​ച്ചു ബ്രിട്ടീഷ്‌ ബ്രി​ഗേ​ഡി​യർ ജനറൽ ഫ്രാങ്ക്‌ പി. ക്രോഷർ ഇപ്രകാ​രം പറയു​ക​യു​ണ്ടാ​യി: “ഉള്ളതി​ലേക്ക്‌ ഏറ്റവും രക്തദാ​ഹി​ക​ളായ ജീവികൾ ക്രിസ്‌തീയ സഭകളാണ്‌, നമ്മൾ അവയെ നന്നായി ഉപയോ​ഗ​പ്പെ​ടു​ത്തി​യി​രി​ക്കു​ന്നു.”

യുഗങ്ങ​ളി​ലു​ട​നീ​ളം, യുദ്ധങ്ങ​ളിൽ മതങ്ങൾക്കുള്ള പങ്ക്‌ സമാന​മാ​യി​രു​ന്നു. കത്തോ​ലി​ക്കാ ചരി​ത്ര​കാ​ര​നായ ഇ. ഐ. വാട്ട്‌ക്കൻ ഇപ്രകാ​രം സമ്മതിച്ചു: “തങ്ങളുടെ രാജ്യ​ത്തി​ന്റെ ഗവൺമെൻറു​കൾ നടത്തിയ യുദ്ധങ്ങ​ളെ​യെ​ല്ലാം ബിഷപ്പു​മാർ സ്ഥിരമാ​യി പിന്തു​ണ​ച്ചി​രു​ന്നു​വെന്ന ചരി​ത്ര​വ​സ്‌തുത സമ്മതി​ക്കു​ന്നതു വേദനാ​ജ​ന​ക​മാ​ണെ​ങ്കി​ലും വ്യാജ​മായ മനഃ​പ്ര​ബു​ദ്ധ​ത​ക്കോ കപടമായ വിശ്വ​സ്‌ത​ത​യ്‌ക്കോ​വേണ്ടി നിരസി​ക്കു​വാ​നോ അവഗണി​ക്കു​വാ​നോ നമുക്കു സാധ്യമല്ല.” കൂടാതെ, കാനഡാ​യി​ലുള്ള വാൻകൗ​വ​റി​ലെ സൺ എന്ന പത്രത്തി​ന്റെ മുഖ​പ്ര​സം​ഗം ഇപ്രകാ​രം പ്രസ്‌താ​വി​ച്ചു: “സഭകൾ പതാകയെ പിന്തു​ട​രു​ന്നു എന്നത്‌ ഒരുപക്ഷേ എല്ലാ വ്യവസ്ഥാ​പിത മതങ്ങളു​ടെ​യും ഒരു ബലഹീ​ന​ത​യാ​യി​രി​ക്കാം. . . ഇരുപ​ക്ഷ​ത്തും ദൈവ​മു​ണ്ടെന്ന അവകാ​ശ​വാ​ദം ഉന്നയി​ക്കാ​തെ നടത്തപ്പെട്ട ഏതൊരു യുദ്ധമുണ്ട്‌?”

വ്യക്തമാ​യും, സമാധാ​ന​ത്തി​നുള്ള ഒരു പ്രേര​ക​ശ​ക്തി​യാ​യി​രി​ക്കു​ന്ന​തി​നു പകരം—റുവാ​ണ്ടാ​യി​ലെ കൂട്ട​ക്കൊല ശക്തമായി ദൃഷ്ടാ​ന്തീ​ക​രി​ച്ച​തു​പോ​ലെ—ലോക​മ​തങ്ങൾ യുദ്ധങ്ങ​ളെ​യും അറു​കൊ​ല​ക​ളെ​യും പ്രോ​ത്സാ​ഹി​പ്പി​ച്ചി​രി​ക്കു​ന്നു.

[6-ാം പേജിലെ ചതുരം]

യുദ്ധത്തിന്റെ ഫലശ്യൂ​നത

1936-ൽ പ്രസി​ദ്ധീ​ക​രിച്ച ഞാൻ സമാധാ​നം കണ്ടെത്തി​യില്ല (ഇംഗ്ലീഷ്‌) എന്ന പുസ്‌ത​ക​ത്തിൽ വിദേശ ലേഖകൻ വെബ്‌ മില്ലർ ഇപ്രകാ​രം എഴുതി: “വിചി​ത്ര​മെന്നു പറയട്ടെ, അത്യന്തം നികൃ​ഷ്ട​ത​യും ഫലശൂ​ന്യ​ത​യു​മ​ടക്കം [ഒന്നാം ലോക​മ​ഹാ​യു​ദ്ധ​ത്തി​ന്റെ] കൊടും​ഭീ​കരത, അതു സംഭവി​ച്ചു​ക​ഴിഞ്ഞ്‌ കൃത്യം എട്ടു വർഷം കഴിയാ​തെ എന്നിൽ ശക്തമായ പ്രഭാവം ചെലു​ത്തി​യില്ല. അതിന്റെ മ്ലേച്ഛത​യും ഫലശൂ​ന്യ​ത​യും അത്യു​ഗ്ര​മാ​യി​രു​ന്നി​ട്ടു​കൂ​ടി.” ആ അവസര​ത്തിൽ അദ്ദേഹം വെർഡ​ണി​ലെ രണഭൂമി പുനഃ​സ​ന്ദർശി​ച്ചു. അവിടെ 10,50,000 മനുഷ്യർ മരണമ​ട​ഞ്ഞ​താ​യി അദ്ദേഹം അവകാ​ശ​പ്പെട്ടു.

“യുദ്ധകാ​ലത്ത്‌, കോടി​ക്ക​ണ​ക്കിന്‌ ആളുക​ളോ​ടൊ​പ്പം ഞാനും കബളി​പ്പി​ക്ക​പ്പെ​ട്ടി​രു​ന്നു,” മില്ലർ എഴുതി. “പുതിയ യുദ്ധങ്ങളെ ജനിപ്പി​ക്കു​ന്ന​തിൽ മാത്രമേ ലോക മഹായു​ദ്ധം വിജയി​ച്ചു​ള്ളൂ. എൺപത്തഞ്ചു ലക്ഷം മനുഷ്യർ വെറുതേ മരിച്ചു, കോടി​കൾ പറയാൻവ​യ്യാത്ത ഭീകര​തകൾ സഹിച്ചു, കൂടാതെ ദശകോ​ടി​കൾ ദുഃഖ​വും ഇല്ലായ്‌മ​യും അസന്തു​ഷ്ടി​യും സഹിച്ചു. ഇവയെ​ല്ലാം​തന്നെ വിസ്‌മ​യാ​വ​ഹ​മായ വ്യാ​മോ​ഹം മൂലമാ​ണു സംഭവി​ച്ചത്‌.”

ഈ പുസ്‌തകം പ്രസി​ദ്ധീ​ക​രി​ച്ചു മൂന്നു വർഷം കഴിഞ്ഞ​പ്പോൾ രണ്ടാം ലോക മഹായു​ദ്ധം ആരംഭി​ച്ചു. വാഷി​ങ്‌ടൺ പോസ്റ്റ്‌ ഇപ്രകാ​രം പ്രസ്‌താ​വി​ക്കു​ന്നു: “നമ്മുടെ ഇരുപ​താം നൂറ്റാ​ണ്ടി​ലെ യുദ്ധങ്ങൾ, യോദ്ധാ​ക്ക​ളു​ടെ​യും സാധാരണ പൗരന്മാ​രു​ടെ​യും നേർക്ക്‌ ഒരേ​പോ​ലെ നടത്ത​പ്പെ​ടുന്ന ‘സമഗ്ര​യു​ദ്ധങ്ങൾ’ ആയിരി​ക്കു​ന്നു. . . . ഇതുമാ​യി തട്ടിച്ചു​നോ​ക്കു​മ്പോൾ നൂറ്റാ​ണ്ടു​കൾക്കു മുമ്പു​ണ്ടാ​യി​ട്ടുള്ള പ്രാകൃത യുദ്ധങ്ങൾ നിസ്സാ​ര​മായ ഏറ്റുമു​ട്ട​ലു​ക​ളാണ്‌.” ഒരു അധികാ​രി​യിൽ നിന്നുള്ള കണക്കനു​സ​രിച്ച്‌, 1914 മുതൽ ഏകദേശം 19.7 കോടി ആളുകൾ യുദ്ധങ്ങ​ളി​ലും സാമൂ​ഹിക പ്രക്ഷോ​ഭ​ങ്ങ​ളി​ലു​മാ​യി മരിച്ചി​ട്ടുണ്ട്‌.

എന്നിട്ടും, മനുഷ്യ​രു​ടെ യുദ്ധങ്ങ​ളോ പ്രക്ഷോ​ഭ​ങ്ങ​ളോ ഒന്നും​തന്നെ സമാധാ​ന​മോ സന്തുഷ്ടി​യോ കൊണ്ടു​വ​ന്നി​ട്ടില്ല. വാഷിം​ങ്‌ടൺ പോസ്റ്റ്‌ പറഞ്ഞ​പ്ര​കാ​രം: “അസ്വസ്ഥ​രായ ജനകോ​ടി​കളെ സാന്ത്വ​ന​പ്പെ​ടു​ത്താ​നോ തൃപ്‌തി​പ്പെ​ടു​ത്താ​നോ ഒരു രാഷ്ട്രീയ വ്യവസ്ഥ​ക്കും സാമ്പത്തിക വ്യവസ്ഥ​ക്കും ഈ നൂറ്റാ​ണ്ടിൽ ഇതുവരെ കഴിഞ്ഞി​ട്ടില്ല.”

[7-ാം പേജിലെ ചിത്രം]

റുവാണ്ടയിൽ കൊല​ചെ​യ്യ​പ്പെട്ട—കൂടു​ത​ലും സ്വന്തമ​ത​ത്തിൽപ്പെട്ട ആളുക​ളാൽതന്നെ—ലക്ഷക്കണ​ക്കി​നാ​ളു​ക​ളിൽ ഒരാളാണ്‌ ഈ അമ്മ

[കടപ്പാട്‌]

Albert Facelly/Sipa Press