ഹൃദയം തകർന്നു മരിക്കാൻ സാധ്യ​ത​യു​ണ്ടോ?

അതൊരു നിത്യ​സം​ഭ​വ​മാ​ണെ​ന്നതു ദുഃഖ​ക​ര​മാണ്‌: തികച്ചും ആരോ​ഗ്യ​വാ​നായ ഒരു വൃദ്ധമ​നു​ഷ്യ​നു മരണത്തിൽ തന്റെ ഇണയെ നഷ്ടപ്പെ​ട്ട​തോ​ടെ അയാൾ ആകെ തകർന്നു​പോ​വു​ക​യും ഏതാനും ദിവസ​ങ്ങൾക്കോ ആഴ്‌ച​കൾക്കോ ഉള്ളിൽ മരിക്കു​ക​യും ചെയ്യുന്നു. മരണകാ​രണം? ‘തകർന്ന ഹൃദയം,’ സുഹൃ​ത്തു​ക്കൾ പറയുന്നു.

ഇത്‌ ഒരലങ്കാ​രം എന്നതി​നേ​ക്കാ​ളു​പ​രി​യാ​വാം. അപഗ്ര​ഥി​ക്കാ​നാ​വാത്ത സമ്മർദങ്ങൾ ഹൃദയത്തെ ക്രമര​ഹി​ത​മായ സ്‌പന്ദ​ന​ങ്ങൾക്കോ വിക്ഷോ​ഭ​ങ്ങൾക്കു​പോ​ലു​മോ വിധേ​യ​മാ​ക്കാൻ കഴിയുന്ന രാസവ​സ്‌തു​ക്കൾ കൊണ്ടു നിറക്കു​മെന്ന്‌ ഗവേഷ​കർക്കു വളരെ​ക്കാ​ല​മാ​യി അറിയാം. എന്നാൽ മസ്‌തി​ഷ്‌ക​ത്തിൽ ഈ പ്രക്രിയ എങ്ങനെ​യാ​രം​ഭി​ക്കു​ന്നു എന്ന വസ്‌തുത ഒരു നിഗൂ​ഢ​ത​യാ​യി നിലനിൽക്കു​ന്നു.

ഹൃദയത്തെ വികാ​ര​ങ്ങ​ളു​മാ​യി ബന്ധിപ്പി​ക്കുന്ന തലച്ചോ​റി​ലെ ഒരു ഭാഗം താൻ തിരി​ച്ച​റി​ഞ്ഞ​താ​യി യു.എസ്‌.എ.-യിൽ മേരി​ലാൻഡി​ലെ ബാൾട്ടി​മോ​റി​ലുള്ള ജോൺസ്‌ ഹോപ്‌കിൻസ്‌ സർവക​ലാ​ശാ​ലാ മെഡിക്കൽ സ്‌കൂ​ളി​ലെ നാഡീ​രോ​ഗ​വി​ദ​ഗ്‌ധ​നായ സ്റ്റീഫൻ എം. ഓപ്പൻഹീ​മർ വിശ്വ​സി​ക്കു​ന്നു. ശ്വസനം, ഹൃദയ​സ്‌പ​ന്ദനം എന്നിവ പോ​ലെ​യുള്ള പ്രവർത്ത​ന​ങ്ങളെ നിയ​ന്ത്രി​ക്കുന്ന സ്വത​ന്ത്ര​നാ​ഡീ​വ്യ​വ​സ്ഥയെ, ദേഷ്യം, ഭയം, സന്തോഷം തുടങ്ങിയ വികാ​ര​ങ്ങളെ നിയ​ന്ത്രി​ക്കുന്ന സംവേ​ദ​നാ​ഡീ​വ്യ​വ​സ്ഥ​യു​മാ​യി ബന്ധിപ്പി​ക്കുന്ന തലച്ചോ​റി​ലെ ഒരു ചെറിയ ഭാഗമാണ്‌ ഇൻസു​ലാർ കോർട്ടെ​ക്‌സ്‌. എലിക​ളിൽ ഇൻസു​ലാർ കോർട്ടെ​ക്‌സ്‌ ഉത്തേജി​പ്പി​ച്ച​പ്പോൾ, മനുഷ്യ​രിൽ പെട്ടെ​ന്നുള്ള ഹൃദയ​പേ​ശീ​സ​ങ്കോ​ച​ത്തി​ന്റെ ഫലമാ​യു​ണ്ടാ​കു​ന്ന​തി​നു സമാന​മായ ഹൃദയ​പേ​ശീ​ക്ഷ​ത​ത്തി​ലാണ്‌ അതു കലാശി​ച്ച​തെന്ന്‌ ഡോ. ഓപ്പൻഹീ​മർ കണ്ടെത്തി. മനുഷ്യ​രിൽ ഇൻസു​ലാർ കോർട്ടെ​ക്‌സ്‌ ഉത്തേജി​പ്പി​ച്ച​പ്പോ​ഴും അത്‌ ഹൃദയ​സ്‌പ​ന്ദ​ന​നി​ര​ക്കി​ലും രക്തസമ്മർദ​ത്തി​ലും മാറ്റങ്ങൾ ഉളവാ​ക്കി​യ​താ​യി കണ്ടു. ഈ കണ്ടുപി​ടി​ത്തങ്ങൾ തെളി​യി​ക്കു​ന്നത്‌ ഹൃദയം തകർന്നു മരിക്കാൻ സാധ്യ​ത​യു​ണ്ടെ​ന്നാണ്‌.

യേശു​ക്രി​സ്‌തു​വും ഹൃദയം തകർന്നാ​ണു മരിച്ച​തെന്നു ചിലർ പറയുന്നു. അവനെ​ക്കു​റിച്ച്‌ ഇങ്ങനെ മുൻകൂ​ട്ടി​പ്പ​റ​ഞ്ഞി​രു​ന്നു: “നിന്ദ എന്റെ ഹൃദയത്തെ തകർത്തു, ഞാൻ ഏറ്റവും വിഷാ​ദി​ച്ചി​രി​ക്കു​ന്നു.” (സങ്കീർത്തനം 69:20) ഈ വാക്കുകൾ അക്ഷരീ​യ​മാ​യി മനസ്സി​ലാ​ക്കേ​ണ്ട​വ​യാ​ണോ? യേശു​വി​ന്റെ മരണത്തി​നു തൊട്ടു​മു​മ്പുള്ള മണിക്കൂ​റു​കൾ ശാരീ​രി​ക​മാ​യി മാത്രമല്ല, മാനസി​ക​മാ​യും വേദനാ​ക​ര​മാ​യി​രു​ന്ന​തു​കൊണ്ട്‌ ഒരുപക്ഷേ അങ്ങനെ ആയിരി​ക്കാം. (മത്തായി 27:46; ലൂക്കൊസ്‌ 22:44; എബ്രായർ 5:7) കൂടു​ത​ലാ​യി, മരണ​ശേഷം ഉടനെ​തന്നെ യേശു​വി​ന്റെ ശരീര​ത്തിൽ ഒരു കുന്തം കൊ​ണ്ടേൽപ്പിച്ച മുറി​വിൽനി​ന്നു “രക്തവും വെള്ളവും” ഒഴുകി​യ​തെ​ന്തു​കൊ​ണ്ടാ​ണെന്ന്‌ തകർന്ന ഹൃദയം എന്ന വസ്‌തു​തക്കു വിശദീ​ക​രി​ക്കാൻ കഴി​ഞ്ഞേ​ക്കാം. ഹൃദയ​ത്തി​നോ ഒരു പ്രധാന രക്തക്കു​ഴ​ലി​നോ ഉണ്ടാകുന്ന ഒരു പൊട്ട​ലിന്‌ ഹൃദയ അറയി​ലേ​ക്കോ ഹൃദയത്തെ ശ്ലഥമായി വലയം ചെയ്യുന്ന ദ്രാവകം നിറഞ്ഞ ഒരു സ്‌തര​മായ പെരി​ക്കാർഡി​യ​ത്തി​ലേ​ക്കോ രക്തം കയറ്റാൻ കഴിയും. ഇതി​ലേ​തെ​ങ്കി​ലും ഒരു സ്ഥലത്ത്‌ ഒന്നു കുത്തി​യാൽ അത്‌ “രക്തവും വെള്ളവും” പോലെ തോന്നുന്ന എന്തോ ദ്രാവകം ഒഴുകാ​നി​ട​യാ​ക്കും.—യോഹ​ന്നാൻ 19:34.

യേശു​വി​ന്റെ, പ്രായേണ പെട്ടെ​ന്നുള്ള മരണത്തിൽ, അവനെ സ്‌തം​ഭ​ത്തിൽ തറച്ച വിധവും തന്റെ മരണത്തി​നു തൊട്ടു​മുമ്പ്‌ അവൻ സഹിച്ച ദ്രോ​ഹ​വും ഉൾപ്പടെ മറ്റനേകം ഘടകങ്ങൾ നിസ്സം​ശ​യ​മാ​യും ഉൾപ്പെ​ട്ടി​രു​ന്നു​വെ​ന്നതു തീർച്ച​യാണ്‌. അത്തരം കഠിന​സാ​ഹ​ച​ര്യ​ങ്ങ​ളിൽ യേശു തന്റെ വിശ്വ​സ്‌തത നിലനിർത്തി​യെ​ന്ന​തിൽ നമ്മൾ എത്ര നന്ദിയു​ള്ള​വ​രാണ്‌! അതിന്റെ ഫലമായി തന്റെ പിതാ​വായ യഹോ​വ​യാം ദൈവം അവനെ വളരെ ഉയർത്തി. (ഫിലി​പ്പി​യർ 2:8-11) മാത്ര​വു​മല്ല, അവൻ നമുക്ക്‌ ഒരു പറുദീ​സാ​ഭൂ​മി​യിൽ ജീവി​ക്കാ​നുള്ള അവസര​മൊ​രു​ക്കി​ത്ത​രി​ക​യും ചെയ്‌തി​രി​ക്കു​ന്നു.—യോഹ​ന്നാൻ 17:3; വെളി​പ്പാ​ടു 21:3, 4.