മുൻകൂ​ട്ടി പറഞ്ഞി​രി​ക്കുന്ന ലോകാ​വ​സാ​നം സമീപ​മോ?

“ന്യൂക്ലി​യർ യുഗത്തി​ന്റെ പിറവി​യോ​ടെ അപ്പോ​ക്ക​ലി​പ്‌സി​നോ​ടു ബന്ധപ്പെട്ട സ്വപ്‌നങ്ങൾ സദാ അലട്ടുന്ന സംഭവ​മാ​യി​ത്തീർന്നു. 1945 ആഗസ്റ്റ്‌ 6-ന്‌ ഹിരോ​ഷിമ ചുട്ടു​ചാ​മ്പ​ലാ​ക്ക​പ്പെ​ട്ട​ശേഷം എല്ലാവർക്കും ഒരു സംഗതി വ്യക്തമാ​യി​രു​ന്നു: ഇനി ലോക​ത്തി​നു വാസ്‌ത​വ​ത്തിൽ അവസാ​നി​ക്കാൻ കഴിയും!” എന്ന്‌ 1994 ഫെബ്രു​വരി 6-ലെ ഡെ​ട്രോ​യിറ്റ്‌ ഫ്രീ പ്രസ്സ്‌ മാഗസിൻ അഭി​പ്രാ​യ​പ്പെട്ടു.

ന്യൂ​യോർക്കി​ലെ മനശ്ശാ​സ്‌ത്ര വിശക​ല​ന​കർത്താ​വും ചരിത്ര പ്രൊ​ഫ​സ്സ​റു​മായ ചാൾസ്‌ ബി. സ്‌​ട്രോ​സി​യർ കഴിഞ്ഞ ഡിസം​ബ​റിൽ ഇങ്ങനെ പറഞ്ഞു: “സകലതും വലി​യൊ​രു സ്‌ഫോ​ട​ന​ത്തോ​ടെ​യോ നിശബ്ദ​മാ​യോ അല്ലെങ്കിൽ എയ്‌ഡ്‌സി​ന്റെ കഠോര വേദന​യോ​ടെ​യോ ഒടുങ്ങി​ത്തീ​രാൻ കഴിയു​മെന്നു നമ്മോടു പറയാൻ കവിക​ളു​ടെ ആവശ്യം മേലാ​ലില്ല.” വാസ്‌ത​വ​ത്തിൽ, അദ്ദേഹം ഇങ്ങനെ കൂട്ടി​ച്ചേർത്തു: “മനുഷ്യ​വർഗ​ത്തി​ന്റെ അവസാ​ന​ത്തെ​ക്കു​റി​ച്ചു ചിന്തി​ക്കാ​തി​രി​ക്കാൻ സജീവ​മായ ഭാവന ഇപ്പോൾ ആവശ്യ​മാണ്‌.”

ലോകം അവസാ​നി​ക്കു​മെന്ന്‌ യേശു​ക്രി​സ്‌തു പഠിപ്പി​ച്ച​തു​കൊണ്ട്‌, ആ അന്ത്യം യഥാർഥ​ത്തിൽ ആസന്നമാ​ണോ​യെന്ന്‌ അവന്റെ പഠിപ്പി​ക്ക​ലു​ക​ളിൽനി​ന്നു നമുക്കു നിർണ​യി​ക്കാൻ കഴിയു​മോ?

അവസാനം—എപ്പോൾ?

ഈ ലോകം അഥവാ വ്യവസ്ഥി​തി എപ്പോൾ അവസാ​നി​ക്കു​മെ​ന്നതു തിരി​ച്ച​റി​യാ​നുള്ള ഒരു “അടയാളം” യേശു​വി​ന്റെ ശിഷ്യൻമാർ അവനോ​ടു ചോദി​ച്ചു. “അതു എപ്പോൾ സംഭവി​ക്കും എന്നും നിന്റെ വരവി​ന്നും ലോകാ​വ​സാ​ന​ത്തി​ന്നും അടയാളം എന്തു എന്നും പറഞ്ഞു​ത​രേണം” എന്ന്‌ അവർ ആരാഞ്ഞു. (മത്തായി 24:3) ഈ ചോദ്യ​ത്തിന്‌ ഉത്തരമാ​യി യേശു നൽകിയ “അടയാളം” നിങ്ങൾക്കു പരി​ശോ​ധി​ക്കാൻ കഴിയും. ബൈബി​ളിൽ മത്തായി 24, മർക്കൊസ്‌ 13, ലൂക്കൊസ്‌ 21 എന്നീ അധ്യാ​യ​ങ്ങ​ളി​ലാണ്‌ അതു രേഖ​പ്പെ​ടു​ത്തി​യി​രി​ക്കു​ന്നത്‌. ആ അടയാ​ള​ത്തിൽ ഉൾപ്പെ​ട്ടി​രി​ക്കുന്ന മുഖ്യ സംഭവ​ങ്ങ​ളിൽ ചിലതാ​ണു പിൻവ​രു​ന്നവ:

വൻ യുദ്ധങ്ങൾ: “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും.” (മത്തായി 24:7) അടയാ​ള​ത്തി​ന്റെ ഈ ഭാഗം നിവൃ​ത്തി​യേ​റി​യതു നാം തീർച്ച​യാ​യും കണ്ടുക​ഴി​ഞ്ഞു. “ആദ്യത്തെ ‘സമഗ്ര’ യുദ്ധം [1914-ൽ തുടങ്ങിയ] ഒന്നാം ലോക​മ​ഹാ​യു​ദ്ധ​മാ​യി​രു​ന്നു” എന്ന്‌ ഒരു ചരി​ത്ര​കാ​രൻ അഭി​പ്രാ​യ​പ്പെട്ടു. എന്നിരു​ന്നാ​ലും, രണ്ടാം ലോക​മ​ഹാ​യു​ദ്ധം അതിലും പല മടങ്ങു വിനാ​ശ​ക​ര​മാ​യി​രു​ന്നു, അത്‌ ഏതാണ്ട്‌ അഞ്ചു കോടി ആളുക​ളു​ടെ ജീവൻ കവർന്നെ​ടു​ക്കു​ക​യു​ണ്ടാ​യി. യുദ്ധം ഭൂമി​യിൽ തുടർന്നും സംഹാ​ര​താ​ണ്ട​വ​മാ​ടു​ന്നു.

ഭക്ഷ്യക്ഷാ​മ​ങ്ങൾ: “ക്ഷാമവും . . . ഉണ്ടാകും.” (മത്തായി 24:7) ഒന്നാം ലോക​മ​ഹാ​യു​ദ്ധ​ത്തെ​ത്തു​ടർന്നു കടുത്ത ക്ഷാമമു​ണ്ടാ​യി. അന്നുമു​തൽ ക്ഷാമം ഭൂമി​യു​ടെ പല ഭാഗങ്ങ​ളിൽ തേരോ​ട്ടം നടത്തു​ന്ന​തിൽ തുടർന്നി​രി​ക്കു​ന്നു. സമ്പന്ന രാഷ്ട്ര​ങ്ങ​ളിൽപ്പോ​ലും ദാരി​ദ്ര്യ​വും വികല​പോ​ഷ​ണ​വും വ്യാപ​ക​മാണ്‌.

വൻ ഭൂകമ്പങ്ങൾ: “വലിയ ഭൂകമ്പ​വും . . . ഉണ്ടാകും.” (ലൂക്കൊസ്‌ 21:11) പ്രമു​ഖ​മായ ഏതാനും ചിലതു മാത്രം പരിചി​ന്തി​ക്കുക: 1920, ചൈന, 2,00,000 പേർ മരിച്ചു; 1923, ജപ്പാൻ, 1,43,000 പേർ മരിച്ചു; 1970, പെറു, 66,800 പേർ മരിച്ചു; 1976, ചൈന, മരിച്ചവർ 2,40,000 (8,00,000 എന്നു ചിലർ പറയുന്നു). ഭൂകമ്പ​രോ​ധക എഞ്ചിനി​യ​റി​ങി​ലെ ഒരു വിദഗ്‌ധൻ 1976-ൽ ചൈന​യിൽ ഉണ്ടായ ഭൂകമ്പത്തെ “മാനവ​ച​രി​ത്ര​ത്തി​ലെ ഏറ്റവും വലിയ ഭൂകമ്പ അത്യാ​ഹി​തം” എന്നാണു വിളി​ച്ചത്‌.

രോഗം: “മഹാവ്യാ​ധി​ക​ളും . . . ഉണ്ടാകും.” (ലൂക്കൊസ്‌ 21:11) ഒന്നാം ലോക​മ​ഹാ​യു​ദ്ധം കഴിഞ്ഞ്‌ ഉടനെ​തന്നെ സ്‌പാ​നിഷ്‌ ഫ്‌ളൂ​വി​നാൽ ഏതാണ്ട്‌ 2.1 കോടി ആളുകൾ മരിച്ചു. സയൻസ്‌ ഡയജസ്റ്റ്‌ ഇങ്ങനെ റിപ്പോർട്ടു ചെയ്‌തു: “മുഴു ചരി​ത്ര​ത്തി​ലും മരണം ഒരിക്ക​ലും ഇത്ര തീവ്ര​മാ​യി വേഗത്തിൽ സന്ദർശനം നടത്തി​യി​ട്ടില്ല.” അന്നുമു​തൽ ഹൃ​ദ്രോ​ഗം, കാൻസർ, എയ്‌ഡ്‌സ്‌ തുങ്ങി​യ​വ​യും മറ്റു പലതരം രോഗ​ങ്ങ​ളും കോടി​ക്ക​ണ​ക്കി​നാ​ളു​കളെ കൊ​ന്നൊ​ടു​ക്കി​യി​ട്ടുണ്ട്‌.

കുറ്റകൃ​ത്യം: “നിയമ​രാ​ഹി​ത്യ​ത്തി​ന്റെ വർധനവ്‌.” (മത്തായി 24:12, NW) പല രാജ്യ​ങ്ങ​ളി​ലും കുറ്റകൃ​ത്യം നിയ​ന്ത്ര​ണാ​തീ​ത​മാണ്‌. കൊല​പാ​തകം, കവർച്ച, ബലാൽസം​ഗം, ഭീകര​പ്ര​വർത്തനം, അഴിമതി—ദിവസ​വും നാം അത്തരം കുറ്റകൃ​ത്യ​ങ്ങ​ളെ​ക്കു​റി​ച്ചു കേൾക്കു​ക​യോ നാംതന്നെ അവ അനുഭ​വി​ക്കു​ക​യോ ചെയ്യുന്നു.

അന്ത്യനാ​ളു​ക​ളിൽ ഉണ്ടായി​രി​ക്കുന്ന അവസ്ഥക​ളെ​ക്കു​റി​ച്ചു മറ്റു ബൈബിൾ പ്രവച​ന​ങ്ങ​ളും മുൻകൂ​ട്ടി പറഞ്ഞു. ഉദാഹ​ര​ണ​ത്തിന്‌, വെളി​പ്പാ​ടു പുസ്‌ത​ക​ത്തിൽ നാലു കുതി​ര​ക്കാ​രു​ടെ സവാരി​യെ​ക്കു​റി​ച്ചുള്ള ദർശന​മുണ്ട്‌. (വെളി​പ്പാ​ടു 6:1-8) ആദ്യത്തെ കുതി​ര​ക്കാ​രൻ ചിത്രീ​ക​രി​ക്കു​ന്നതു ജയിച്ച​ട​ക്കുന്ന രാജാ​വെ​ന്ന​നി​ല​യിൽ യേശു​വി​നെ​ത്ത​ന്നെ​യാണ്‌. മറ്റുള്ള സവാരി​ക്കാ​രും അവരുടെ കുതി​ര​ക​ളും ചിത്രീ​ക​രി​ക്കു​ന്നതു യേശു​വി​ന്റെ ഭരണത്തി​ന്റെ തുടക്കത്തെ അടയാ​ള​പ്പെ​ടു​ത്തുന്ന സംഭവ​ങ്ങ​ളെ​യാണ്‌: യുദ്ധം, ക്ഷാമം, വിവിധ സംഗതി​കൾ നിമി​ത്ത​മുള്ള അകാല മരണം.

ഇനിയും മറ്റു ചില ബൈബിൾ പ്രവച​നങ്ങൾ “ഈ ലോക​ത്തി​ന്റെ അന്ത്യയുഗ”ത്തിൽ പ്രബല​മാ​യി​രി​ക്കുന്ന മനോ​ഭാ​വ​ങ്ങ​ളെ​യും സ്ഥിതി​വി​ശേ​ഷ​ങ്ങ​ളെ​യും വർണി​ക്കു​ന്നു. യേശു​വി​ന്റെ ഒരു അപ്പോ​സ്‌തലൻ എഴുതി​യത്‌ എന്താ​ണെന്നു പരിചി​ന്തി​ക്കുക. നിങ്ങൾ ഈ പ്രവചനം വായി​ക്കു​മ്പോൾ സ്വയം ചോദി​ക്കുക: ഇത്‌ ഇന്നത്തെ പ്രക്ഷു​ബ്‌ധ​മായ കാലങ്ങളെ കൃത്യ​മാ​യി വർണി​ക്കു​ന്നി​ല്ലേ?

“ഈ ലോക​ത്തി​ന്റെ അന്ത്യയു​ഗം കുഴപ്പ​ങ്ങ​ളു​ടെ ഒരു കാലമാ​യി​രി​ക്കും” എന്ന്‌ അപ്പോ​സ്‌തലൻ എഴുതി. “മനുഷ്യർ പണത്തെ​യും തങ്ങളെ​ത്ത​ന്നെ​യു​മ​ല്ലാ​തെ ഒന്നി​നെ​യും സ്‌നേ​ഹി​ക്കു​ക​യില്ല; അവർ ഗർവി​ഷ്‌ഠ​രും അഹങ്കാ​രി​ക​ളും ദ്രോ​ഹി​ക​ളു​മാ​യി​രി​ക്കും; മാതാ​പി​താ​ക്ക​ളോട്‌ ആദരവു​ണ്ടാ​യി​രി​ക്കില്ല, നന്ദിയോ ദയയോ സ്വാഭാ​വിക പ്രിയ​മോ ഉണ്ടായി​രി​ക്കില്ല; അടങ്ങാത്ത പകയു​ള്ള​വ​രും അലിവു കാട്ടാ​ത്ത​വ​രും അപവാ​ദ​ത്താൽ വിശ്വാ​സ​യോ​ഗ്യത നഷ്ടപ്പെ​ട്ട​വ​രും മിതത്ത്വ​മി​ല്ലാ​ത്ത​വ​രും ഉഗ്രന്മാ​രും സകല നന്മക​ളോ​ടും അപരി​ചി​ത​രും വഞ്ചകരും സാഹസ​പ്രി​യ​രും സ്വപ്രാ​ധാ​ന്യ​ത്താൽ ചീർത്ത​വ​രും ആയിരി​ക്കും. അവർ ദൈവ​ത്തി​ന്റെ സ്ഥാനത്ത്‌ ഉല്ലാസത്തെ പ്രതി​ഷ്‌ഠി​ക്കു​ന്ന​വ​രും മതത്തിന്റെ ബാഹ്യ​മായ ഒരു രൂപം നിലനിർത്തു​ന്ന​വ​രും എന്നാൽ യാഥാർഥ്യ​ത്തെ ത്യജി​ക്കു​ന്ന​വ​രു​മായ മനുഷ്യർ ആയിരി​ക്കും.”—2 തിമോ​ത്തി 3:1-5, ദ ന്യൂ ഇംഗ്ലീഷ്‌ ബൈബിൾ.

ലോകാ​വ​സാ​ന​ത്തെ സംബന്ധിച്ച മറ്റൊരു പ്രധാ​ന​പ്പെട്ട പ്രവചനം, ദൈവം “ഭൂമിയെ നശിപ്പി​ക്കു​ന്ന​വരെ നശിപ്പി”ക്കുമെന്നു വാഗ്‌ദത്തം ചെയ്യുന്ന പ്രവച​ന​മാണ്‌. (വെളി​പ്പാ​ടു 11:18) മുൻത​ല​മു​റ​ക​ളി​ലെ മനുഷ്യർക്കു ഭൂമിയെ നശിപ്പി​ക്കാ​നുള്ള സാങ്കേ​തിക കഴിവ്‌ ഉണ്ടായി​രു​ന്നില്ല, എന്നാൽ ഇപ്പോൾ അവർക്കുണ്ട്‌. ഇന്നു പരിസ്ഥി​തി​യെ മലീമ​സ​മാ​ക്കു​ന്ന​തിൽ പുതിയ സാങ്കേ​തി​ക​വി​ദ്യ​കൾ ഒരു പ്രധാന പങ്കു വഹിക്കു​ന്നുണ്ട്‌. “ഉന്നത ശാസ്‌ത്ര​ജ്ഞൻമാർ ഭൂമി​യു​ടെ നാശ​ത്തെ​ക്കു​റി​ച്ചു മുന്നറി​യി​പ്പു മുഴക്കു​ന്നു” എന്നതു​പോ​ലുള്ള തലക്കെ​ട്ടു​കൾ 1992 നവംബ​റിൽ പത്രങ്ങ​ളിൽ പ്രത്യ​ക്ഷ​പ്പെ​ടു​ക​യു​ണ്ടാ​യി.

യഥാർഥ പ്രവച​നത്തെ തിരി​ച്ച​റി​യു​ക

ഇതു സംബന്ധി​ച്ചു യാതൊ​രു സംശയ​വും അവശേ​ഷി​ക്കു​ന്നില്ല. “അന്ത്യയുഗ”ത്തിൽ അഥവാ “വ്യവസ്ഥി​തി​യു​ടെ സമാപന”കാലത്തു നടക്കു​മെന്നു ബൈബിൾ മുൻകൂ​ട്ടി പറഞ്ഞ കാര്യ​ങ്ങ​ളെ​ല്ലാം ഇപ്പോൾത്തന്നെ സംഭവി​ച്ചു​കൊ​ണ്ടി​രി​ക്കു​ക​യാണ്‌. നിവൃ​ത്തി​യി​ലേക്കു നീങ്ങുന്ന യഥാർഥ പ്രവചനം നാം കാണുന്നു, നാം അതിനു ചെവി കൊടു​ക്കു​ന്നതു മർമ​പ്ര​ധാ​ന​മാണ്‌. നോഹ​യു​ടെ നാളു​ക​ളി​ലെ അവസ്ഥയെ വർണി​ച്ചു​കൊ​ണ്ടു യേശു ഇതു പ്രകട​മാ​ക്കി, ആ കാലത്തെ ലോകം അവസാ​നി​ക്കു​ന്ന​തി​നു തൊട്ടു മുമ്പ്‌ അവൻ ഒരു “നീതി​പ്ര​സം​ഗി”യായി​രു​ന്നു.—2 പത്രൊസ്‌ 2:5.

യേശു ഇങ്ങനെ വിശദീ​ക​രി​ച്ചു: “ജലപ്ര​ള​യ​ത്തി​ന്നു മുമ്പുള്ള കാലത്തു നോഹ പെട്ടക​ത്തിൽ കയറി​യ​നാൾവരെ അവർ തിന്നും കുടി​ച്ചും വിവാഹം കഴിച്ചും വിവാ​ഹ​ത്തി​നു കൊടു​ത്തും പോന്നു; ജലപ്ര​ളയം വന്നു എല്ലാവ​രെ​യും നീക്കി​ക്ക​ള​യു​വോ​ളം അവർ അറിഞ്ഞ​തു​മില്ല.” (മത്തായി 24:38, 39) യഥാർഥ പ്രവചനം അവഗണി​ക്ക​പ്പെ​ടു​മ്പോൾ പരിണ​ത​ഫ​ലങ്ങൾ വിപത്‌ക​ര​മാണ്‌.

ഒരുപക്ഷേ നിങ്ങൾ ഇങ്ങനെ പറഞ്ഞേ​ക്കാം, ‘ഉവ്വ്‌, ഈ ബൈബിൾ പ്രവച​ന​ങ്ങ​ളി​ലൊ​ക്കെ എനിക്കു വിശ്വാ​സ​മുണ്ട്‌; ഏതെങ്കി​ലും ഒരു നാൾ അന്ത്യം വരും, എന്നാൽ അതു കുറെ അകലെ​യാ​യി​രി​ക്കും.’ എന്നുവ​രി​കി​ലും, നിങ്ങൾക്ക്‌ ഉറപ്പു​ണ്ടോ? നിങ്ങൾ മുന്നറി​യിപ്പ്‌ ഇപ്പോൾ ചെവി​ക്കൊ​ള്ളേ​ണ്ട​തല്ലേ?

ചെവി​ക്കൊ​ള്ളേണ്ട മുന്നറി​യി​പ്പു​കൾ

ചില മുന്നറി​യി​പ്പു​കൾ അടിസ്ഥാ​ന​മി​ല്ലാ​ത്ത​വ​യാ​ണെ​ന്നതു സ്‌പഷ്ടം, അവയ്‌ക്കു ചെവി കൊടു​ക്കു​ന്നതു മടയത്ത​ര​മാ​യി​രി​ക്കു​ക​യും ചെയ്യും. എന്നാൽ മറ്റുള്ളവ അങ്ങനെയല്ല. സമൂഹ​ത്തി​ലെ ഉന്നതൻമാ​രുൾപ്പെടെ പലരും മുന്നറി​യി​പ്പി​നെ കേവലം തുച്ഛീ​ക​രി​ക്കു​ന്ന​തു​കൊണ്ട്‌ അത്‌ അവഗണി​ക്കാൻ യാതൊ​രു കാരണ​വു​മില്ല. ഈ ദൃഷ്ടാന്തം പരിചി​ന്തി​ക്കുക.

1902 മാർച്ചി​ലാ​യി​രു​ന്നു അത്‌. മാർട്ടി​നിക്ക്‌ എന്ന മനോ​ഹ​ര​മായ കരീബി​യൻ ദ്വീപിൽ പീലീ എന്ന അഗ്നിപർവതം സജീവ​മാ​യി. ഏപ്രിൽ ആയപ്പോ​ഴേ​ക്കും അതു പുകയും ചാരവും പാറക്ക​ഷ​ണ​ങ്ങ​ളും പുറ​ത്തേക്കു തുപ്പി, ഒപ്പം ഉഗ്രമായ തീജ്വാ​ല​ക​ളും. എട്ടു കിലോ​മീ​റ്റർ അകലെ​യുള്ള സെൻറ്‌ പിയറി നഗരത്തി​ലെ ആളുകൾ പരി​ഭ്രാ​ന്ത​രാ​യി. ഒരു നിവാസി എഴുതി: “നഗരം ചാരം​കൊ​ണ്ടു മൂട​പ്പെട്ടു. ശക്തമായ ജ്വാല​ക​ളിൽനി​ന്നു രക്ഷ നേടാൻ പല ആളുകൾക്കും നനഞ്ഞ തൂവാ​ലകൾ ധരി​ക്കേ​ണ്ടി​വന്നു.”

മേയ്‌ ആരംഭ​ത്തിൽ അഗ്നിപർവതം കൂടുതൽ സജീവ​മാ​യി. ഒരു പ്രാ​ദേ​ശിക പത്രം ഇങ്ങനെ പറഞ്ഞു: “ചാരമഴ ഒരിക്ക​ലും അവസാ​നി​ക്കു​ന്നില്ല . . . വാഹനങ്ങൾ പോകുന്ന ശബ്ദം തെരു​വു​ക​ളിൽ കേൾക്കാ​നില്ല. ചക്രങ്ങൾ പൂഴ്‌ന്നു പോയി​രി​ക്ക​യാണ്‌.” ചൂട്‌ ശ്വാസം മുട്ടി​ക്കു​ന്ന​താ​യി​രു​ന്നു.

മേയ്‌ 5-ന്‌ അഗ്നിപർവതം തിളച്ചു​മ​റി​യുന്ന ഒരു ദ്രാവകം പുറത്തു​വി​ട്ടു, ഒഴുകി​പ്പോന്ന പാതയിൽ അത്‌ ഡസ്സൻ കണക്കി​നാ​ളു​കളെ കൊ​ന്നൊ​ടു​ക്കി. എന്നാൽ നഗരത്തി​ലെ നേതാ​ക്കൻമാർ എന്താണു പറഞ്ഞത്‌?

കരിമ്പിൻ കൊയ്‌ത്ത്‌ അടുത്തു​വ​രി​ക​യാ​യി​രു​ന്നു, വലിയ അപകട​മൊ​ന്നു​മി​ല്ലെന്നു ബിസി​ന​സ്സു​കാർ ആളുകൾക്ക്‌ ഉറപ്പു കൊടു​ത്തു. ആളുകൾ അവിടം വിട്ടു പോകാൻ, മേയ്‌ 10-ന്‌ നടക്കാ​നി​രുന്ന തിര​ഞ്ഞെ​ടു​പ്പിൽ ശ്രദ്ധ പതിപ്പിച്ച രാഷ്ട്രീയ നേതാ​ക്കൻമാ​രും ആഗ്രഹി​ച്ചില്ല. അതു​കൊണ്ട്‌ ആളുക​ളു​ടെ ഭയപ്പാ​ടു​കളെ ഇല്ലാതാ​ക്കാൻ അവർ ശ്രമിച്ചു. മാത്രമല്ല, ബിസി​ന​സ്സി​നോ​ടും രാഷ്ട്രീയ സംഘങ്ങ​ളോ​ടും സഹകരി​ച്ചു പ്രവർത്തിച്ച പുരോ​ഹി​തൻമാർ, അവിടം വിട്ടു പോക​രു​തെന്ന്‌ ഇടവക​ക്കാ​രെ നിർബ​ന്ധി​ച്ചു.

അപ്പോൾ അതു സംഭവി​ച്ചു. മേയ്‌ 8 രാവിലെ 8 മണിക്ക്‌ അൽപ്പം മുമ്പ്‌ പീലീ പർവതം ഉഗ്രമായ ഹുങ്കാ​ര​ത്തോ​ടെ പൊട്ടി​ത്തെ​റി​ച്ചു. ഭീമമായ, വളരെ​യ​ധി​കം ചൂടു​പി​ടിച്ച കാർമേ​ഘങ്ങൾ അവിശ്വ​സ​നീ​യ​മായ വേഗത​യോ​ടെ സെൻറ്‌ പിയറി​നു നേരെ ചീറി​യ​ടു​ത്തു. ചൂടു വാതകം പെട്ടെ​ന്നു​തന്നെ ആയിര​ക്ക​ണ​ക്കി​നാ​ളു​ക​ളു​ടെ ജീവൻ കവർന്നെ​ടു​ത്തു. ഫലത്തിൽ സെൻറ്‌ പിയറി​ലുള്ള എല്ലാവ​രും മരിച്ചു—ഏതാണ്ട്‌ 30,000-മോ അതിൽക്കൂ​ടു​ത​ലോ ആളുകൾ. അതിജീ​വിച്ച ഒരേ ഒരു വ്യക്തി ഒരു തടവറ​യു​ടെ അടിയി​ലെ ഇരുട്ട​റ​യി​ലാ​യി​രുന്ന ഒരു തടവു​കാ​ര​നാ​യി​രു​ന്നു.

ഇന്നത്തെ സ്ഥിതി​വി​ശേ​ഷം

സമാന​മാ​യി ഇന്ന്‌, ബൈബിൾ പ്രവച​നങ്ങൾ നിവൃ​ത്തി​യി​ലേക്കു നീങ്ങു​ക​യാ​ണെ​ന്നുള്ള തെളി​വി​നെ തുച്ഛീ​ക​രി​ക്കുന്ന അനേക​രുണ്ട്‌. ഈ വ്യവസ്ഥി​തി​യു​ടെ അവസാനം ആസന്നമാ​ണെന്ന്‌ ന്യായ​ബോ​ധ​മുള്ള ഏതൊരു വ്യക്തി​യെ​യും ബോധ്യ​പ്പെ​ടു​ത്തേണ്ട തെളി​വി​നു ചെവി കൊടു​ക്കാൻ അവർ കൂട്ടാ​ക്കു​ന്നില്ല. എന്നിരു​ന്നാ​ലും, ബൈബിൾ അവരുടെ മനോ​ഭാ​വ​ത്തെ​ക്കു​റി​ച്ചു പോലും മുൻകൂ​ട്ടി പറയു​ക​യു​ണ്ടാ​യി, ഇങ്ങനെ പ്രസ്‌താ​വി​ച്ചു​കൊണ്ട്‌: “അവന്റെ പ്രത്യ​ക്ഷ​ത​യു​ടെ വാഗ്‌ദത്തം എവിടെ? പിതാ​ക്കൻമാർ നിദ്ര​കൊ​ണ്ട​ശേഷം സകലവും സൃഷ്ടി​യു​ടെ ആരംഭ​ത്തിൽ ഇരുന്ന​തു​പോ​ലെ തന്നേ ഇരിക്കു​ന്നു എന്നു പറഞ്ഞു സ്വന്ത​മോ​ഹ​ങ്ങളെ അനുസ​രി​ച്ചു നടക്കുന്ന പരിഹാ​സി​കൾ പരിഹാ​സ​ത്തോ​ടെ അന്ത്യകാ​ലത്തു വരു​മെന്നു വിശേ​ഷാൽ അറിഞ്ഞു​കൊൾവിൻ.”—2 പത്രൊസ്‌ 3:3, 4.

എന്നാൽ ഇന്നത്തെ പരിഹാ​സി​കൾ തെറ്റി​ദ്ധ​രി​ക്ക​പ്പെ​ട്ടി​രി​ക്കു​ക​യാണ്‌. കാര്യ​ങ്ങൾക്കു മാറ്റം വന്നിരി​ക്കു​ന്നു എന്നതാണു വസ്‌തുത. ബൈബിൾ പ്രവച​നങ്ങൾ നിവൃ​ത്തി​യേ​റി​ക്കൊ​ണ്ടി​രി​ക്കു​ക​യാണ്‌. അന്ത്യം ആസന്നമാ​ണെ​ന്ന​തി​ന്റെ തെളിവ്‌ വളരെ​യ​ധി​ക​മാണ്‌.

ജീവര​ക്ഷാ​ക​ര​മാ​യ നടപടി​ക്കു നിങ്ങൾ താമസം വരുത്ത​രുത്‌. എന്നാൽ നിങ്ങൾ എന്തു ചെയ്യേ​ണ്ട​തുണ്ട്‌?

[10-ാം പേജിലെ ചിത്ര​ത്തിന്‌ കടപ്പാട്‌]

U.S. National Archives photo

[10-ാം പേജിലെ ചിത്ര​ത്തിന്‌ കടപ്പാട്‌]

WHO/E. Hooper

[11-ാം പേജിലെ ചിത്ര​ത്തിന്‌ കടപ്പാട്‌]

WHO photo by W. Cutting