കടം വരുത്തി​വെ​ക്കു​ന്നതു നല്ലതാ​ണോ?

“പണം ഉണ്ടാകു​ന്ന​തി​നു മുമ്പ്‌ ഒരിക്ക​ലും അതു ചെലവാ​ക്ക​രുത്‌.” അനേകരെ സംബന്ധി​ച്ചി​ട​ത്തോ​ളം കടത്തി​ലാ​കു​ന്നത്‌ ഒരു ശീലമാ​യി മാറി​യി​രി​ക്കു​ന്ന​തി​നാൽ, മുൻ യു.എസ്‌. പ്രസി​ഡൻറ്‌ തോമസ്‌ ജെഫേ​ഴ്‌സൺ നൽകിയ ഈ ബുദ്ധ്യു​പ​ദേശം പഴഞ്ചനാ​ണെന്നു തോന്നു​ന്നു​ണ്ടോ?

പല നാടു​ക​ളി​ലും വില​യോ​ടു താരത​മ്യം ചെയ്യു​മ്പോൾ വരുമാ​നം കുറവാണ്‌, പണപ്പെ​രു​പ്പം സമ്പാദ്യ​ത്തെ തിന്നു​ക​ള​യു​ന്നു. മാത്ര​മോ, സാമ്പത്തിക കാലാവസ്ഥ മൂല്യങ്ങൾ സംബന്ധിച്ച ആളുക​ളു​ടെ ബോധ​ത്തെ​യും ബാധി​ക്കാ​റുണ്ട്‌. എന്നിരു​ന്നാ​ലും, സത്യസന്ധത പ്രധാ​ന​പ്പെ​ട്ട​താണ്‌. നികുതി വെട്ടി​പ്പും കടം കൊടു​ത്തു​തീർക്കാ​തി​രി​ക്ക​ലും പോലുള്ള കാര്യങ്ങൾ വളരെ സാധാ​ര​ണ​മാ​യി​രി​ക്കു​ന്ന​തു​കൊണ്ട്‌, നല്ലൊരു മനസ്സാക്ഷി നിലനിർത്തുക തീർച്ച​യാ​യും ഒരു വെല്ലു​വി​ളി തന്നെയാണ്‌. അപ്പോൾ, ആളുക​ളു​ടെ പ്രധാന സംസാ​ര​വി​ഷയം സാമ്പത്തി​ക​രം​ഗ​മാ​യി​രി​ക്കു​ന്ന​തു​കൊണ്ട്‌ അതിശ​യി​ക്കാ​നില്ല. സങ്കീർണ​മായ സാമ്പത്തിക പ്രശ്‌ന​ങ്ങളെ കൈകാ​ര്യം ചെയ്യാ​നുള്ള മാർഗ​ങ്ങ​ളെ​ക്കു​റിച്ച്‌ ആളുകൾ ചിന്തി​ക്കവേ, പത്രങ്ങ​ളി​ലും മാസി​ക​ക​ളി​ലും ടെലി​വി​ഷ​നി​ലും പണം സ്വരൂ​പി​ക്കു​ന്ന​തി​നെ​യും പണമു​ണ്ടാ​ക്കു​ന്ന​തി​നെ​യും കുറി​ച്ചുള്ള കഥകൾ പെരു​കു​ക​യാണ്‌. അതേസ​മ​യം​തന്നെ, നിങ്ങളു​ടെ​യും നിങ്ങളു​ടെ കുടും​ബ​ത്തി​ന്റെ​യും ചെലവു​കൾ വഹിക്കു​ന്നത്‌ എങ്ങനെ​യെ​ന്നതു സംബന്ധിച്ച ഉത്‌കണ്‌ഠ നിങ്ങൾക്കുണ്ട്‌.—1 തിമൊ​ഥെ​യൊസ്‌ 5:8.

താരത​മ്യേ​ന കുറച്ചു പേരേ സാമ്പത്തിക സ്ഥിരത ആസ്വദി​ക്കു​ന്നു​ള്ളൂ എന്നതു​കൊണ്ട്‌, നിങ്ങളു​ടെ കുടും​ബ​ത്തി​ന്റെ കഷ്ടപ്പാ​ടു​കൾ ദൂരീ​ക​രി​ക്കാൻ നിങ്ങൾക്ക്‌ എന്തു ചെയ്യാൻ കഴിയും? ഒരു സംഗതി, മനസ്സിൽ സൂക്ഷി​ക്കേണ്ട മർമ​പ്ര​ധാ​ന​മായ ഒരു കാര്യ​മു​ണ്ടെ​ന്ന​താണ്‌.

വളരെ​യ​ധി​കം കടം ഒഴിവാ​ക്കു​ക

ചിലർ കടത്തി​ലാ​കു​ന്നത്‌ എന്തു​കൊ​ണ്ടാണ്‌? രോഗം പോലെ മോശ​മായ ഒരു സാഹച​ര്യം​കൊ​ണ്ടല്ല പലപ്പോ​ഴും കടം വാങ്ങു​ന്നത്‌. ചില ഭൗതിക വസ്‌തു​ക്കൾ സ്വന്തമാ​ക്കാ​നുള്ള ആഗ്രഹം വളരെ ശക്തമാ​യി​രി​ക്കാം. നേരേ​മ​റിച്ച്‌, കടം വാങ്ങാ​നുള്ള പ്രലോ​ഭനം അതിൽത്തന്നെ മോശ​മാ​യി​രി​ക്കു​ന്നില്ല. വാസ്‌ത​വ​ത്തിൽ, വാടക കൊടു​ക്കു​ന്ന​തി​നെ​ക്കാൾ ഒരു വീടിന്‌ ഈട്‌ കൊടു​ക്കു​ന്നത്‌ നല്ലതാ​യി​രി​ക്കാം, അല്ലെങ്കിൽ ഒരു കാർ വാങ്ങു​ന്നത്‌ ആവശ്യ​മാ​യി​രി​ക്കാം. തന്റെ കുടും​ബം സന്തുഷ്ട​മാ​യി​രി​ക്കാൻ ആഹാരം തേടു​ന്നവൻ ആഗ്രഹി​ക്കു​ന്നു. ഒരു ഭർത്താ​വും പിതാ​വും എന്നനി​ല​യിൽ വിജയി​ക്കാൻ അദ്ദേഹം ആഗ്രഹി​ക്കു​ന്നു. മറ്റുള്ള​വർക്കുള്ള പല ഭൗതിക സംഗതി​കൾ ആസ്വദി​ക്കാ​നുള്ള അവകാശം തങ്ങളുടെ കുടും​ബ​ത്തി​നു​മു​ണ്ടെന്ന്‌ അദ്ദേഹ​ത്തി​നു തോന്നി​യേ​ക്കാം.

ഇഷ്ടപ്പെ​ടു​ന്ന​തും എന്നാൽ അവശ്യ​മ​ല്ലാ​ത്ത​തു​മായ ഒരു സാധനം വാങ്ങാ​നുള്ള പണം കടം വാങ്ങാ​നുള്ള പ്രലോ​ഭ​ന​മു​ണ്ടാ​യേ​ക്കാ​മെ​ന്നതു സമ്മതി​ക്കു​ന്നു. സാധനങ്ങൾ സ്വരൂ​പി​ക്കു​ന്നത്‌ ഒരുവന്‌ മനോ​സു​ഖ​മു​ണ്ടാ​ക്കു​ന്നു, ഇല്ലേ? മനോ​ഹ​ര​മായ വസ്‌ത്രം, ഒരു ജോടി പുതിയ ഷൂസ്‌, അല്ലെങ്കിൽ ഒരു പുതിയ കാർ പോലുള്ള ഒന്ന്‌ ആസ്വദി​ക്കാ​ത്തത്‌ ആരാണ്‌? ആകർഷ​ക​മായ ഒരു വീടു​ണ്ടാ​യി​രി​ക്കാൻ ആരാണ്‌ ഇഷ്ടപ്പെ​ടാ​ത്തത്‌? എന്നാൽ, സൂക്ഷി​ക്കുക! ബിസി​ന​സ്സു​കാർ വളരെ അനുന​യ​സ്വ​ഭാ​വ​മു​ള്ള​വ​രാണ്‌, ആവശ്യ​മി​ല്ലാ​ത്ത​തും വഹിക്കാൻ കഴിയാ​ത്ത​തു​മായ സാധനങ്ങൾ അവർ ആളുകൾക്കു വിറ്റ്‌ ധാരാളം പണമു​ണ്ടാ​ക്കു​ന്നു.

നിരന്തരം കടം കൊടു​ത്തു​തീർക്കു​ന്ന​തും കുടും​ബ​ബ​ന്ധ​ങ്ങ​ളു​ടെ​മേൽ സമ്മർദ​ത്തിന്‌ ഇടയാ​ക്കി​യേ​ക്കാ​മെന്ന്‌ ഓർത്തി​രി​ക്കുക. പരിണ​ത​ഫ​ല​മാ​യി വിയോ​ജി​പ്പോ നീരസ​മോ ഉണ്ടാ​യേ​ക്കാം. “വായ്‌പ വാങ്ങു​ന്ന​തി​ലും കടത്തി​ലും അടിസ്ഥാ​ന​പ്പെ​ടുന്ന ഉടനെ ഗൃഹജീ​വി​ത​ത്തി​ന്റെ സ്വാത​ന്ത്യ​വും മനോ​ഹാ​രി​ത​യും അവസാ​നി​ക്കു​ന്നു” എന്നു നാടക​കൃ​ത്തായ ഹെൻട്രിക്‌ ശരിയാ​യി​ത്തന്നെ പറഞ്ഞു. യഥാസ​മ​യത്തു കടം വീട്ടു​ന്നി​ല്ലെ​ങ്കിൽ, നിങ്ങളു​ടെ സത്‌പേ​രി​നു കളങ്കം നേരി​ട്ടേ​ക്കാം. പലിശ സഹിതം കൊടു​ത്തു​തീർക്കു​ന്ന​തി​നെ​ക്കാൾ വളരെ എളുപ്പ​മാണ്‌ കടം വാങ്ങിയ പണം ചെലവാ​ക്കാൻ, അതു​കൊണ്ട്‌ കടം വാങ്ങിയ തുക തങ്ങൾ പ്രതീ​ക്ഷിച്ച സന്തോഷം കൈവ​രു​ത്തു​ന്നി​ല്ലെന്നു പലരും കണ്ടെത്തു​ന്നു.

സാധാരണ, ഗവൺമെൻറു​കൾ കൂടു​തൽക്കൂ​ടു​തൽ കടം വാങ്ങുന്നു, അങ്ങനെ കൊടു​ത്തു​തീർക്കാ​നുള്ള പലിശ അവർ വർധി​പ്പി​ക്കു​ക​യും ചെയ്യുന്നു. അതു സാധാ​ര​ണ​മാ​യി​രി​ക്കാ​മെ​ങ്കി​ലും, കടത്താൽ ഭാരപ്പെട്ട രാഷ്ട്ര​ങ്ങളെ എന്തിന്‌ അനുക​രി​ക്കണം? വളരെ​യ​ധി​കം കടം ആളുകൾക്കു സമ്പത്തു​ണ്ടാ​ക്കു​ന്ന​തി​നു​പ​കരം ദാരി​ദ്ര്യ​വും അരക്ഷി​താ​വ​സ്ഥ​യും വർധി​പ്പി​ച്ചേ​ക്കാം. ഒരു ഡാനീഷ്‌ ചൊല്ല്‌ പറയു​ന്ന​തു​പോ​ലെ, “തിന്നു​പോയ അപ്പത്തിന്റെ വില കൊടു​ക്കുക ദുഷ്‌ക​ര​മാണ്‌.”

ജ്ഞാനപൂർവം പണം ചെലവാ​ക്കാൻ പഠിക്കു​മ്പോൾ, കടഭാരം നിമി​ത്ത​മുള്ള സമ്മർദം വളരെ​യ​ധി​കം കുറയു​ന്നു എന്നത്‌ സന്തോ​ഷ​ക​ര​മാണ്‌. അതു​കൊണ്ട്‌, കടം വാങ്ങാ​നുള്ള സമ്മർദം ഒഴിവാ​ക്കാൻ നിങ്ങളു​ടെ ഷോപ്പിങ്‌ ശ്രദ്ധാ​പൂർവം ആസൂ​ത്രണം ചെയ്യു​ന്ന​തിന്‌ സമയ​മെ​ടു​ക്കുക. കടുത്ത നാണയ​പ്പെ​രു​പ്പ​മുള്ള രാജ്യ​ങ്ങ​ളിൽപോ​ലും പണം സ്വരൂ​പി​ക്കാ​നുള്ള മാർഗ​ങ്ങ​ളുണ്ട്‌—സാധനങ്ങൾ വാങ്ങു​മ്പോൾ വില​പേ​ശുക, അവശ്യ സാധനങ്ങൾ മാത്രം വാങ്ങുക. അതു നിങ്ങൾക്കുള്ള വിഭവ​ങ്ങൾക്കൊ​ണ്ടു ജീവി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു, കാത്തി​രി​ക്കാൻ മനസ്സൊ​രു​ക്കം കാണി​ക്കു​ന്ന​തി​നാ​ലോ അതില്ലാ​തെ കഴിയു​ന്ന​തി​നാ​ലോ തന്നെ.

നിങ്ങ​ളോ​ടു​ത​ന്നെ ഇങ്ങനെ ചോദി​ക്കുക: ഞാൻ കടത്തി​ലാ​കു​ന്നത്‌ എന്റെ കുടും​ബ​ത്തി​ന്റെ​മേൽ പ്രയാസം വരുത്തി​വെ​ക്കു​മോ? കടമെ​ടു​ത്തതു കൊടു​ത്തു​തീർക്കാൻ കഴിഞ്ഞി​ല്ലെ​ങ്കിൽ എന്റെ സത്‌പേ​രിന്‌ എന്തു സംഭവി​ക്കും? വീണ്ടും ആശ്രയ​യോ​ഗ്യത നേടി​യെ​ടു​ക്കാൻ വളരെ കാലം വേണ്ടി​വ​ന്നേ​ക്കാം! ഈ സംഗതി​യിൽ പ്രാ​യോ​ഗി​ക​വും ഈടു​റ്റ​തു​മായ ബുദ്ധ്യു​പ​ദേശം ലഭ്യമാണ്‌. കടം എന്ന കാര്യം കൈകാ​ര്യം ചെയ്യാൻ നിങ്ങ​ളെ​യും നിങ്ങളു​ടെ കുടും​ബ​ത്തെ​യും ബൈബി​ളി​നു സഹായി​ക്കാൻ കഴിയു​മോ എന്ന്‌ എന്തു​കൊണ്ട്‌ പരി​ശോ​ധി​ച്ചു​കൂ​ടാ?

ബൈബി​ളി​നു നിങ്ങളെ സഹായി​ക്കാ​നാ​കു​മോ?

ഏറ്റവും പ്രധാ​ന​മാ​യി, യഹോ​വ​യി​ലുള്ള സമ്പൂർണ ആശ്രയം നട്ടുവ​ളർത്താൻ ബൈബി​ളി​നു നമ്മെ​യെ​ല്ലാ​വ​രെ​യും സഹായി​ക്കാൻ കഴിയും. തീർച്ച​യാ​യും, ഈ “ദുർഘ​ട​സ​മയങ്ങ”ളിൽ നമുക്കു സഹായം ആവശ്യ​മാണ്‌. (2 തിമൊ​ഥെ​യൊസ്‌ 3:1) നമ്മോട്‌ ഇങ്ങനെ ഉദ്‌ബോ​ധി​പ്പി​ച്ചി​രി​ക്കു​ന്നു: ‘നിങ്ങളു​ടെ നടപ്പു ദ്രവ്യാ​ഗ്ര​ഹ​മി​ല്ലാ​ത്ത​താ​യി​രി​ക്കട്ടെ; ഉള്ളതു​കൊ​ണ്ടു തൃപ്‌തി​പ്പെ​ടു​വിൻ; “ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല” എന്നു അവൻ തന്നേ അരുളി​ച്ചെ​യ്‌തി​രി​ക്കു​ന്നു​വ​ല്ലോ. ആകയാൽ “കർത്താവു എനിക്കു തുണ; ഞാൻ പേടി​ക്ക​യില്ല; മനുഷ്യൻ എന്നോടു എന്തു ചെയ്യും” എന്നു നമുക്കു ധൈര്യ​ത്തോ​ടെ പറയാം.’ (എബ്രായർ 13:5, 6) നമ്മുടെ ദാതാ​വായ ദൈവ​ത്തി​ലുള്ള ശക്തമായ വിശ്വാ​സം വളർത്തി​യെ​ടു​ക്കു​ന്നത്‌ എത്രയോ മർമ​പ്ര​ധാ​ന​മാണ്‌!

ഉപജീ​വ​ന​ത്തി​നു​ള്ള വക എങ്ങനെ​യു​ണ്ടാ​ക്കാ​മെന്നു ബൈബിൾ ഓരോ വ്യക്തി​യോ​ടും പറയു​ന്നി​ല്ലെ​ങ്കി​ലും, അതു തീർച്ച​യാ​യും ഈടുറ്റ മാർഗ​നിർദേശം പ്രദാനം ചെയ്യു​ന്നുണ്ട്‌. ആദ്യം തങ്ങളുടെ ആത്മീയ​ത​യ്‌ക്കു വേണ്ടി കരുതാൻ യേശു​ക്രി​സ്‌തു തന്റെ ശ്രോ​താ​ക്കളെ പ്രോ​ത്സാ​ഹി​പ്പി​ച്ചു: “തങ്ങളുടെ ആത്മീയ ആവശ്യം സംബന്ധി​ച്ചു ബോധ​മു​ള്ളവർ സന്തുഷ്ട​രാ​കു​ന്നു.” (മത്തായി 5:3, NW) ലാക്കുകൾ വെക്കാ​നും നമ്മോടു പറയ​പ്പെ​ട്ടി​രി​ക്കു​ന്നു: “ഞങ്ങൾ നിഷ്‌കർഷി​ച്ച​തു​പോ​ലെ, നിങ്ങളു​ടെ കർത്തവ്യ​ങ്ങൾ നിർവ​ഹി​ച്ചു നിങ്ങളു​ടെ കൈകൾകൊ​ണ്ടു​തന്നെ വേല ചെയ്‌തു സമാധാ​ന​മാ​യി ജീവി​ക്കാൻ പരി​ശ്ര​മി​ക്കുക. ഇങ്ങനെ ചെയ്‌താൽ, നിങ്ങൾ പുറ​മേ​യു​ള്ള​വ​രു​ടെ ബഹുമാ​നം നേടും; പരാ​ശ്രയം വേണ്ടി​വ​രില്ല.” (1 തെസ​ലോ​നീ​ക്കർ 4:11, 12, ഓശാന ബൈബിൾ) സമാധാ​ന​പ​ര​മാ​യി ജീവി​ക്കാ​നും ഒരു പരിധി​വരെ ശാന്തത ആസ്വദി​ക്കാ​നും നമ്മുടെ പരിധി​കൾക്കു​ള്ളിൽ ജീവി​ക്കേ​ണ്ടത്‌ ആവശ്യ​മല്ലേ?

നമ്മുടെ ചിന്തയെ പൊരു​ത്ത​പ്പെ​ടു​ത്താൻ ദൈവ​വ​ച​ന​ത്തി​നു നമ്മെ സഹായി​ക്കാൻ കഴിയും. “ദാരി​ദ്ര്യ​വും സമ്പത്തും എനിക്കു തരാതെ നിത്യ​വൃ​ത്തി തന്നു എന്നെ പോഷി​പ്പി​ക്കേ​ണമേ. ഞാൻ തൃപ്‌ത​നാ​യി​ത്തീർന്നി​ട്ടു: യഹോവ ആർ എന്നു നിന്നെ നിഷേ​ധി​പ്പാ​നും ദരി​ദ്ര​നാ​യി​ത്തീർന്നി​ട്ടു മോഷ്ടി​ച്ചു എന്റെ ദൈവ​ത്തി​ന്റെ നാമത്തെ തീണ്ടി​പ്പാ​നും സംഗതി വരരുതേ” എന്നു ദൈവ​ത്തോ​ടു അപേക്ഷി​ച്ച​പ്പോൾ സദൃശ​വാ​ക്യ​ങ്ങ​ളു​ടെ എഴുത്തു​കാ​രൻ സമനി​ല​യുള്ള ഒരു വീക്ഷണം പ്രകട​മാ​ക്കി. (സദൃശ​വാ​ക്യ​ങ്ങൾ 30:8, 9) അതു​കൊണ്ട്‌ താത്‌കാ​ലി​ക​മാ​യി കുറച്ചു സാധന​ങ്ങൾകൊ​ണ്ടു മാത്രം കഴി​യേ​ണ്ടി​വ​രു​ന്നെ​ങ്കിൽ ലജ്ജി​ക്കേ​ണ്ട​തില്ല. പലരും കരുതു​ന്ന​തു​പോ​ലെ, നിങ്ങളു​ടെ സന്തുഷ്ടി ആശ്രയി​ച്ചി​രി​ക്കു​ന്നതു ഭൗതിക വസ്‌തു​ക്ക​ളി​ലോ തങ്ങളെ മറ്റുള്ള​വ​രു​മാ​യി താരത​മ്യ​പ്പെ​ടു​ത്തു​ന്ന​തി​ലോ ഭൗതിക സ്വത്തുക്കൾ സംബന്ധിച്ച്‌ അനാവ​ശ്യ​മാ​യി ഉത്‌ക​ണ്‌ഠ​പ്പെ​ടു​ന്ന​തി​ലോ അല്ല.—മത്തായി 6:31-33.

മാത്രമല്ല, നല്ല ശീലങ്ങൾ നട്ടുവ​ളർത്താൻ ബൈബി​ളി​നു നിങ്ങളെ സഹായി​ക്കാൻ കഴിയും. നിങ്ങൾക്കു വഹിക്കാൻ കഴിയുന്ന കാര്യ​ങ്ങ​ളിൽ സംതൃ​പ്‌തി കണ്ടെത്തി​ക്കൊണ്ട്‌ പിശു​ക്ക​നാ​യി​രി​ക്കാ​തെ, മിതവ്യ​യ​ശീ​ല​മു​ള്ള​വ​രാ​യി​രി​ക്കാൻ പഠിക്കുക. നിങ്ങൾ ഒരു യുവവ്യ​ക്തി​യാ​ണെ​ങ്കിൽ, മുതിർന്നവർ വർഷങ്ങ​ളി​ലെ അധ്വാ​നം​കൊണ്ട്‌ ആർജി​ക്കുന്ന കാര്യങ്ങൾ നിമി​ഷ​നേ​രം​കൊണ്ട്‌ ലഭിക്കാ​മെന്നു പ്രതീ​ക്ഷി​ക്ക​രുത്‌. ഭൗതി​ക​ത്വ​ചി​ന്താ​ഗ​തിക്ക്‌ അടിമ​യാ​കു​ന്നത്‌ ഒഴിവാ​ക്കുക. “ധനിക​ന്മാ​രാ​കു​വാൻ ആഗ്രഹി​ക്കു​ന്നവർ പരീക്ഷ​യി​ലും കണിയി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തീ​രു​ക​യും ചെയ്യുന്നു. ദ്രവ്യാ​ഗ്രഹം [“പണസ്‌നേഹം,” NW] സകലവിധ ദോഷ​ത്തി​ന്നും മൂലമ​ല്ലോ. ഇതു ചിലർ കാംക്ഷി​ച്ചിട്ട്‌ വിശ്വാ​സം വിട്ടു​ഴന്നു ബഹുദുഃ​ഖ​ങ്ങൾക്കു അധീന​രാ​യി​ത്തീർന്നി​രി​ക്കു​ന്നു” എന്നു പറഞ്ഞു​കൊണ്ട്‌ ബൈബിൾ പണത്തെ​ക്കു​റി​ച്ചല്ല, പണസ്‌നേ​ഹ​ത്തെ​ക്കു​റി​ച്ചാ​ണു നമുക്ക്‌ ഉചിത​മാ​യി മുന്നറി​യി​പ്പു നൽകു​ന്നത്‌. (1 തിമൊ​ഥെ​യൊസ്‌ 6:9, 10) നിങ്ങൾക്കു വാസ്‌ത​വ​ത്തിൽ ആവശ്യ​മു​ള്ള​തും നിങ്ങൾ കേവലം ആഗ്രഹി​ക്കു​ന്ന​തും തമ്മിലുള്ള വ്യത്യാ​സം തിരി​ച്ച​റി​യു​ന്നത്‌ എത്ര അടിയ​ന്തി​ര​മാണ്‌!

എന്നിരു​ന്നാ​ലും, നിങ്ങളു​ടെ വരുമാ​നം തീരെ താഴ്‌ന്ന​താ​ണെന്നു നിങ്ങൾക്കു തോന്നു​ന്നു​ണ്ടോ? നിരാ​ശ​രാ​കാ​തെ അവശ്യ​വ​സ്‌തു​ക്ക​ളു​ടെ അഭാവത്തെ നേരി​ടുക എളുപ്പമല്ല എന്നതു സത്യം തന്നെ. എന്നുവ​രി​കി​ലും, നിങ്ങൾക്കു ഭാരിച്ച ചുമടു​ക​ളും സാമ്പത്തിക നഷ്ടം പോലും വരുത്തി​വെ​ക്കുന്ന അവശ്യ സംഗതി​ക​ള​ല്ലാത്ത കാര്യങ്ങൾ ഇല്ലാ​തെ​തന്നെ ജീവി​ക്കു​ന്ന​തിന്‌ മനസ്സൊ​രു​ക്ക​മു​ള്ള​വ​രാ​യി​രി​ക്കുക. ശ്രദ്ധാ​പൂർവം ആസൂ​ത്രണം ചെയ്യുക, ചെലവു ചുരു​ക്കുക. അനുഭ​വ​പ​രി​ച​യ​മുള്ള ഒരു സ്‌നേ​ഹി​ത​നോ​ടു സംസാ​രി​ക്കു​ക​വഴി നിങ്ങൾക്കു പ്രാ​യോ​ഗിക നിർദേ​ശങ്ങൾ ലഭി​ച്ചേ​ക്കാം. ഒരു പുതിയ ജോലി പഠിക്കു​ന്നതു സഹായ​പ്ര​ദ​മാ​യി​രി​ക്കു​മോ? ഓർക്കുക: സാഹച​ര്യ​ങ്ങൾ എന്തായി​രു​ന്നാൽത്ത​ന്നെ​യും, ബൈബിൾ തത്ത്വങ്ങൾ പിൻപറ്റൽ, ആത്മീയ കാര്യ​ങ്ങൾക്ക്‌ ഒന്നാം സ്ഥാനം കൊടു​ക്കൽ, യഹോ​വ​യിൽ പൂർണ​മാ​യി ആശ്രയി​ക്കൽ തുടങ്ങിയ കാര്യങ്ങൾ ജീവത്‌പ്ര​ധാ​ന​മാണ്‌.—ഫിലി​പ്പി​യർ 4:11-13.

അതേ, കടത്തിൽ മുങ്ങു​ന്നത്‌ നല്ലതല്ല. “കടമുള്ള മനുഷ്യൻ വലയിൽ കുടു​ങ്ങു​ന്നു” എന്നു പറയാ​റുണ്ട്‌. കടഭാരം കുടും​ബ​ജീ​വി​ത​ത്തി​നും ആരോ​ഗ്യ​ത്തി​നും ആത്മീയ​ത​യ്‌ക്കും അപകട​ക​ര​മാ​യി​ത്തീർന്നേ​ക്കാം. ഋണബാധ്യത കടം വാങ്ങുന്ന ഒരുവനെ ഏറെ ദരി​ദ്ര​നാ​ക്കുക പോലും ചെയ്‌തേ​ക്കാം. സദൃശ​വാ​ക്യ​ങ്ങൾ 22:7 ഇങ്ങനെ പറയുന്നു: “ധനവാൻ ദരി​ദ്ര​ന്മാ​രെ ഭരിക്കു​ന്നു; കടം മേടി​ക്കു​ന്നവൻ കടം കൊടു​ക്കു​ന്ന​വന്നു ദാസൻ.” അതു​കൊണ്ട്‌ അനാവ​ശ്യ​മായ കടം ഒഴിവാ​ക്കുക. അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കൾക്കു ശുപാർശ ചെയ്‌ത​തിൽ അടങ്ങി​യി​രി​ക്കുന്ന തത്ത്വത്തിൽനി​ന്നു നമുക്ക്‌ ഇപ്പോ​ഴും പ്രയോ​ജനം നേടാൻ കഴിയും: “അന്യോ​ന്യം സ്‌നേ​ഹി​ക്കു​ന്നതു അല്ലാതെ ആരോ​ടും ഒന്നും കടമ്പെ​ട്ടി​രി​ക്ക​രു​തു; അന്യനെ സ്‌നേ​ഹി​ക്കു​ന്നവൻ ന്യായ​പ്ര​മാ​ണം നിവർത്തി​ച്ചി​രി​ക്കു​ന്നു​വ​ല്ലോ.”—റോമർ 13:8.

നിങ്ങളു​ടെ രാജ്യത്തെ സാമ്പത്തി​കാ​വസ്ഥ ഗണ്യമാ​ക്കാ​തെ ദൈവ​ത്തി​ന്റെ പുതിയ ലോക​ത്തി​ലേക്ക്‌ ഉറപ്പോ​ടെ നോക്കുക. കടം കൊടു​ക്കു​ന്ന​വ​രും കടം വാങ്ങു​ന്ന​വ​രും എന്നനി​ല​യിൽ മനുഷ്യ​വർഗം മേലാൽ വിഭജി​ത​മാ​യി​രി​ക്കില്ല. ദൈവ​രാ​ജ്യ​ത്തിൻ കീഴിൽ ആരും ദരി​ദ്ര​രാ​യി​രി​ക്കില്ല. യഹോ​വ​യു​ടെ വാഗ്‌ദത്തം സത്യമാ​യി ഭവിക്കും: “അവൻ നിലവി​ളി​ക്കുന്ന ദരി​ദ്ര​നെ​യും സഹായ​മി​ല്ലാത്ത എളിയ​വ​നെ​യും വിടു​വി​ക്കു​മ​ല്ലോ. എളിയ​വ​നെ​യും ദരി​ദ്ര​നെ​യും അവൻ ആദരി​ക്കും. ദരി​ദ്ര​ന്മാ​രു​ടെ ജീവനെ അവൻ രക്ഷിക്കും.” (സങ്കീർത്തനം 72:12, 13) കേവലം അതിജീ​വി​ക്കാ​നാ​യി പാടു​പെ​ടു​ന്ന​തി​നു​പ​കരം, ഭൂമി​യി​ലെ നിവാ​സി​കൾ ‘സമാധാ​ന​സ​മൃ​ദ്ധി​യിൽ ആനന്ദി​ക്കും.’—സങ്കീർത്തനം 37:11.

[12-ാം പേജിലെ ചിത്രം]

തോമസ്‌ ജെഫേ​ഴ്‌സൺ

[കടപ്പാട്‌]

Painting by Gilbert Stuart. Courtesy Bowdoin College Museum of Art/Dictionary of American Portraits/Dover

[13-ാം പേജിലെ ചിത്രം]

ഭാരിച്ച കടം വരുത്തി​വെ​ച്ചാൽ, അതിനു നിങ്ങളു​ടെ വിവാ​ഹ​ജീ​വി​ത​ത്തിൽ സമ്മർദ​ത്തിന്‌ ഇടയാ​ക്കാൻ കഴിയും