ഞങ്ങളുടെ വായന​ക്കാ​രിൽ നിന്ന്‌

ഉണരുക! മെച്ച​പ്പെട്ടു ഞാൻ ഈയിടെ എന്റെ വാതിൽക്കൽ 1994 ഏപ്രിൽ 8-ലെ ഉണരുക!യുടെ ഒരു പ്രതി കണ്ടെത്തി. ഓ! എന്തു സംഭവി​ച്ചി​രി​ക്കു​ന്നു? നിങ്ങൾ കാലോ​ചി​ത​വും വിജ്ഞാ​ന​പ്ര​ദ​വു​മായ “’90-കൾക്കു പറ്റിയ” ഒരു പ്രസി​ദ്ധീ​ക​രണം ഉത്‌പാ​ദി​പ്പി​ച്ചി​രി​ക്കു​ന്നു. ആ മാററം ഞെട്ടി​ക്കു​ന്ന​താ​യി ഞാൻ കണ്ടെത്തി, ആദ്യമാ​യി ഞാൻ ലേഖനങ്ങൾ വായിച്ചു. (‘ഓ, അവ വീണ്ടും കിടക്കു​ന്നു’ എന്നു ചിന്തി​ച്ചു​കൊണ്ട്‌ ഞാൻ സാധാരണ അത്‌ ദൂരെ എറിയു​മാ​യി​രു​ന്നു.) എല്ലാവർക്കും വേണ്ടി എന്തെങ്കി​ലും ഉണ്ടായി​രു​ന്നു. കാൻസ​റി​നെ​പ്പ​റ്റി​യും “കാനഡ​യി​ലെ ഗാംഭീ​ര്യ​മേ​റിയ ‘ചലിക്കുന്ന പാത’”യെപ്പറ്റി​യു​മുള്ള ലേഖനങ്ങൾ ഞാൻ പ്രത്യേ​കിച്ച്‌ ആസ്വദി​ച്ചു. നിങ്ങൾ ശരിയായ പാതയി​ലാണ്‌. നല്ല വേല തുടരുക, വായി​ക്കു​ന്ന​തി​നു​മുമ്പ്‌ പ്രതി​ക​ളൊ​ന്നും വലി​ച്ചെ​റി​യു​ക​യി​ല്ലെന്ന്‌ ഞാൻ ഉറപ്പു​ത​രു​ന്നു.”

ഡി. ജി., ഐക്യ​നാ​ടു​കൾ

ഭൂമി​ശാ​സ്‌ത്ര​പ​ര​മായ കുഴപ്പം “പടിഞ്ഞാ​റോ​ട്ടു യൂറോ​പ്പി​ലേക്കു നീങ്ങുന്നു” എന്ന ശീർഷ​ക​ത്തിൽ മിഷന​റി​മാ​രെ​ക്കു​റി​ച്ചുള്ള ലേഖന​ങ്ങ​ളിൽ 1994 ഒക്ടോബർ 22-ലെ (ഇംഗ്ലീഷ്‌) നിങ്ങളു​ടെ ലക്കത്തിൽ, ബോണി​ഫെസ്‌ ജിസ്‌മാ​റിൽ, ജർമനി​യി​ലെ ഗോട്ടിം​ഗനു സമീപം “തോറി​ലെ വിശുദ്ധ ഓക്കു​മരം വെട്ടി​യി​ടാൻ മുതിർന്ന”തായി നിങ്ങൾ പ്രസ്‌താ​വി​ക്കു​ന്നു. എന്റെ അറിവ​നു​സ​രിച്ച്‌, ജിസ്‌മാർ ഗോട്ടിം​ഗനു സമീപമല്ല, പിന്നെ​യോ ഫ്രിറ്റ്‌സ്‌ലാ​റി​നു സമീപ​മാണ്‌.

എ. എൽ., ജർമനി

നിങ്ങൾ പറഞ്ഞതു ശരിയാണ്‌. ജിസ്‌മാർ എന്ന പേരിൽ രണ്ടു സ്ഥലങ്ങൾ ഉള്ളതു​കൊ​ണ്ടാണ്‌ അങ്ങനെ സംഭവി​ച്ചത്‌, ഞങ്ങൾക്ക്‌ ആശയക്കു​ഴപ്പം ഉണ്ടായി. തെറ്റു ചൂണ്ടി​ക്കാ​ണി​ച്ച​തി​നു നന്ദി.—പത്രാ​ധി​പർ

മതവും യുദ്ധവും നിങ്ങളു​ടെ 1994 ഒക്ടോബർ 22 ലക്കത്തിലെ “മതം യുദ്ധത്തിൽ പക്ഷംപി​ടി​ക്കു​മ്പോൾ” എന്ന പരമ്പര യുദ്ധത്തെ ഉടൻതന്നെ കുററം വിധി​ക്കു​ന്ന​തിൽ കത്തോ​ലി​ക്കാ നായകൻമാ​രു​ടെ ഭാഗത്തു​ണ്ടായ പരാജ​യ​മാ​യി നിങ്ങൾ മനസ്സി​ലാ​ക്കി​യി​രി​ക്കുന്ന കാര്യങ്ങൾ ചർച്ച​ചെ​യ്‌തു. എന്നാൽ ചരിത്രം മറുവശം വെളി​പ്പെ​ടു​ത്തു​ന്നു. ജർമൻ യഹൂദൻമാ​രെ ഹിറ്റ്‌ലർ പീഡി​പ്പി​ക്കാൻ തുടങ്ങി​യ​പ്പോൾ മ്യൂണി​ക്കി​ലെ കർദി​നാൾ ഫോൾ ഹാബെർ യഹൂദൻമാർക്കു​വേണ്ടി വാദി​ച്ചു​കൊണ്ട്‌ പ്രസം​ഗി​ച്ചു. “ആര്യന്മാ​രും” യഹൂദ​ന്മാ​രും തമ്മിലുള്ള മിശ്ര​വി​വാ​ഹത്തെ വിലക്കിയ നാസി നിയമ​ങ്ങളെ മറ്റു വീരപു​രോ​ഹി​ത​ന്മാർ ഉടൻ കുററം​വി​ധി​ച്ചു. യൂറോ​പ്പിൽ രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​ശേഷം ഹിറ്റ്‌ലർ കത്തോ​ലി​ക്കാ സ്‌കൂ​ളു​കൾ അടച്ചു​പൂ​ട്ടി, കത്തോ​ലി​ക്കാ പ്രസി​ദ്ധീ​ക​ര​ണ​ങ്ങളെ അടിച്ച​മർത്തി, പോള​ണ്ടിൽ എല്ലാ കോൺവെൻറു​ക​ളും സന്ന്യാ​സി​മ​ഠ​ങ്ങ​ളും സെമി​നാ​രി​ക​ളും അടച്ചു​പൂ​ട്ടി.

ജെ. എൽ., ഐക്യ​നാ​ടു​കൾ

ലേഖനങ്ങൾ നിഷ്‌പ​ക്ഷ​വും പ്രശസ്‌ത​വു​മായ ഉറവു​കളെ അടിസ്ഥാ​ന​പ്പെ​ടു​ത്തി ആയിരു​ന്നു. ഉദാഹ​ര​ണ​ത്തിന്‌ “ജർമ്മൻ കത്തോ​ലി​ക്ക​രും ഹിറ്റ്‌ല​റു​ടെ യുദ്ധങ്ങ​ളും” എന്ന പുസ്‌തകം ഒരു കത്തോ​ലി​ക്കാ പ്രൊ​ഫ​സ​റായ ഗോർഡൻ സി. റ്റ്‌സാൻ എഴുതി​യ​താ​യി​രു​ന്നു. തുറന്നു​പ​റ​ഞ്ഞാൽ, ആദ്യഘ​ട്ട​ത്തി​ലെ​ങ്കി​ലും കത്തോ​ലി​ക്കാ പുരോ​ഹിത ശ്രേഷ്‌ഠർ നാസി പാർട്ടിക്ക്‌ സകലവി​ധ​പി​ന്തു​ണ​യും നൽകി​യ​തി​ന്റെ തെളിവ്‌ വളരെ​യ​ധി​ക​മാണ്‌. നാസി​കൾക്കെ​തി​രെ നില​കൊണ്ട ചില ഒറ്റപ്പെട്ട കത്തോ​ലി​ക്കാ പുരോ​ഹി​തൻമാർ ഉണ്ടായി​രു​ന്നി​ല്ലെന്ന്‌ ഇത്‌ അർഥമാ​ക്കു​ന്നില്ല. എന്നാൽ ഇതു വളരെ വിരള​മാ​യി​രു​ന്നു.—പത്രാ​ധി​പർ

മുലയൂ​ട്ടൽ “മുലയൂ​ട്ടൽ സംബന്ധിച്ച അടിസ്ഥാന വസ്‌തു​തകൾ” എന്ന നിങ്ങളു​ടെ ലേഖനം (ആഗസ്റ്റ്‌ 22, 1994) ആ വിഷയം സംബന്ധിച്ച നിങ്ങളു​ടെ മുൻ ലേഖന​ങ്ങളെ അപേക്ഷിച്ച്‌ വിശദ​മാ​യി​രു​ന്നു. മിക്ക​പ്പോ​ഴും, മുലയൂ​ട്ട​ലിൽ വിജയി​ക്കാൻ പിതാ​ക്കൻമാർ തങ്ങളുടെ ഭാര്യ​മാ​രെ സഹായി​ക്കാ​റില്ല. എന്നാൽ മുലയൂ​ട്ടൽ ഒരു വിജയ​മാ​ക്കാൻ സഹായി​ക്കു​ന്ന​തിന്‌ പിതാ​ക്കൻമാർക്കും മറ്റുകു​ടും​ബാം​ഗ​ങ്ങൾക്കും എന്തു​ചെ​യ്യാൻ കഴിയു​മെന്ന്‌ നിങ്ങളു​ടെ ലേഖനം വ്യക്തമാ​യി അവരോ​ടു പറയു​ക​യു​ണ്ടാ​യി.

ഡി. ഡി., ഐക്യ​നാ​ടു​കൾ

എന്റെ രണ്ടു മക്കളേ​യും മുലയൂ​ട്ടു​ന്ന​തി​ന്റെ അപൂർവ അനുഭവം എനിക്കു​ണ്ടാ​യി​രു​ന്നു. നോവു​പോ​ലെ പ്രാഥ​മി​ക​പ്ര​ശ്‌നങ്ങൾ ഉണ്ടായി, എന്നാൽ എന്റെ സഹോ​ദ​രി​യിൽനി​ന്നുള്ള പ്രോ​ത്സാ​ഹ​ന​വും ഡോക്ട​റിൽനി​ന്നുള്ള ഉപദേ​ശ​വും​കൊണ്ട്‌ ഞാൻ പ്രയാ​സത്തെ തരണം​ചെ​യ്‌തു. തന്റെ ശിശു​വി​നെ മുലയൂ​ട്ടാൻ കഴിയുന്ന ഓരോ അമ്മയെ​യും ഞാൻ പ്രോ​ത്സാ​ഹി​പ്പി​ക്കും, കാരണം അമ്മയും കുട്ടി​യും തമ്മിലുള്ള അഗാധ​മായ ബന്ധം ഒരാൾ ഒരിക്ക​ലും മറക്കാത്ത വിസ്‌മ​യ​ക​ര​മായ ഒരനു​ഭ​വ​മാണ്‌.

യൂ. ബി., ജർമനി

നിഗൂഢ രോഗം അഞ്ചാമത്തെ വയസ്സു​മു​തൽ നിങ്ങളു​ടെ മാസി​ക​ക​ളു​ടെ വായന​ക്കാ​ര​നാ​യി​രുന്ന ഞാൻ “ഗ്വാമി​ലെ നിഗൂഢ രോഗങ്ങൾ” എന്ന ലേഖനം യഥാർഥ​ത്തിൽ വിലമ​തി​ച്ചു. (ആഗസ്റ്റ്‌ 8, 1994) 1972-ലെ തന്റെ മരണം​വരെ ഒരു വിശ്വസ്‌ത ദൈവ​ദാ​സി​യാ​യി​രുന്ന എന്റെ അമ്മ ഈ രോഗ​ത്തിന്‌ അടിമ​യാ​യി​രു​ന്നു. നിങ്ങൾ നൽകിയ വിവര​ങ്ങൾക്കും പൂർണ​വി​ശ​ദീ​ക​ര​ണ​ത്തി​നും നന്ദി പറയാൻ ഞാൻ ആഗ്രഹി​ക്കു​ന്നു. നിങ്ങളു​ടെ മാസി​ക​യു​ടെ മൂല്യം കാണി​ക്കാൻ ഞാൻ ഈ ലക്കം എന്റെ കുടും​ബ​ത്തെ​യും സ്‌നേ​ഹി​ത​രെ​യും പരിച​യ​പ്പെ​ടു​ത്തു​ക​യു​ണ്ടാ​യി.

ഡബ്ലിയു. എ., ഐക്യ​നാ​ടു​കൾ