ഇററലി​യി​ലെ ബിഷപ്പു​മാർ എന്തിന്‌ ഉത്‌ക​ണ്‌ഠ​പ്പെ​ടു​ന്നു?

ഇററലിയിലെ ഉണരുക! ലേഖകൻ

ഇററാ​ലി​യൻ ബിഷപ്പു​മാ​രു​ടെ 1993 നവംബ​റി​ലെ കോൺഫ​റൻസ്‌ യഹോ​വ​യു​ടെ സാക്ഷി​ക​ളെ​ക്കു​റി​ച്ചു മോശ​മായ പല കാര്യങ്ങൾ അഭി​പ്രാ​യ​പ്പെ​ടു​ക​യു​ണ്ടാ​യി. അവർ ക്രിസ്‌ത്യാ​നി​ക​ള​ല്ലെ​ന്നും വീടു​തോ​റു​മുള്ള അവരുടെ പ്രസം​ഗ​പ്ര​വർത്തനം “സംസ്‌കാ​ര​ശൂ​ന്യ​മായ മതപരി​വർത്തന”മാണെ​ന്നും ആരോ​പി​ക്ക​പ്പെട്ടു.

എന്നിരു​ന്നാ​ലും, എല്ലാ മത അധികാ​രി​ക​ളും അതി​നോ​ടു യോജി​ക്കു​ന്നില്ല. ഉദാഹ​ര​ണ​ത്തിന്‌, മിലാൻ സ്‌റേ​റ​ററ്‌ യൂണി​വേ​ഴ്‌സി​റ​റി​യി​ലെ ക്രിസ്‌തീയ ചരിത്ര പ്രൊ​ഫസർ ആററി​ലി​യോ ആഗ്‌നോ​ലെ​റേറാ, യഹോ​വ​യു​ടെ സാക്ഷികൾ “ക്രിസ്‌തീ​യ​വി​രു​ദ്ധ​മാ​യി യാതൊ​ന്നു​മി​ല്ലാത്ത, ബലിഷ്‌ഠ​മായ, ഗൗരവ​സ്വ​ഭാ​വ​മുള്ള, ബൈബി​ള​ധി​ഷ്‌ഠി​ത​മായ, തികച്ചും നിയമ​പ​ര​മായ ഒരു സ്ഥാപന”മാണെന്നു വർണിച്ചു.

അവരുടെ “സംസ്‌കാ​ര​ശൂ​ന്യ​മായ മതപരി​വർത്തനം” സംബന്ധി​ച്ചോ? പ്രൊ​ഫസർ ആററി​ലി​യോ ഉണരുക!യോടു പറഞ്ഞു: “‘സംസ്‌കാ​ര​ശൂ​ന്യ​മായ’ എന്ന പദപ്ര​യോ​ഗം തികച്ചും അസ്വീ​കാ​ര്യ​മാണ്‌. അങ്ങനെ പറഞ്ഞാൽ അതിന്റെ അർഥം യേശു​ക്രി​സ്‌തു നടത്തിയ മതപരി​വർത്ത​ന​വും ‘സംസ്‌കാ​ര​ശൂ​ന്യ’മെന്നു​വ​രും.”

യഹോ​വ​യു​ടെ സാക്ഷി​കൾക്കെ​തി​രെ ബിഷപ്പു​മാർ അത്തരം മുൻവി​ധി കാട്ടു​ന്നത്‌ എന്തു​കൊ​ണ്ടാണ്‌? “ഇന്ന്‌ ഇററലി​യി​ലെ യഹോ​വ​യു​ടെ സാക്ഷി​ക​ളു​ടെ എണ്ണവും വിജയ​വും നിമി​ത്ത​മാണ്‌” അവരുടെ എതിർപ്പ്‌ എന്ന്‌ പ്രൊ​ഫസർ ആഗ്‌നോ​ലി​റേറാ കരുതു​ന്നു. അദ്ദേഹം ഇങ്ങനെ​യും കൂട്ടി​ച്ചേർക്കു​ന്നു, ഈ വളർച്ച “കത്തോ​ലി​ക്കാ മതത്തിന്റെ പ്രതി​സന്ധി ഉള്ളപ്പോൾത്ത​ന്നെ​യാണ്‌.”

സുവി​ശേ​ഷം പ്രസം​ഗി​ക്കാ​നുള്ള യേശു​വി​ന്റെ കൽപ്പന അനുസ​രി​ക്കു​ന്ന​വരെ അപമാ​നി​ക്കാ​നും എതിർക്കാ​നും ഇന്നു പുരോ​ഹി​ത​വർഗം തുനി​യു​ന്നു. (മത്തായി 28:19, 20; താരത​മ്യം ചെയ്യുക: മത്തായി 5:11, 12.) എതിർപ്പ്‌ ഉണ്ടായി​രു​ന്നി​ട്ടും ഇററലി​യി​ലെ ഏററവും വലിയ രണ്ടാമത്തെ മതം യഹോ​വ​യു​ടെ സാക്ഷികൾ ആണെന്ന്‌ ലാ സ്‌ററാമ്പ എന്ന പത്രം പറയുന്നു. അവിടെ ഇപ്പോൾ അവരുടെ സംഖ്യ 2,00,000-ത്തിലധി​കം വരും, അത്‌ വർധി​ച്ചു​കൊ​ണ്ടു​മി​രി​ക്കു​ന്നു.

അതിനു വിപരീ​ത​മാ​യി സമീപ വർഷങ്ങ​ളിൽ കത്തോ​ലി​ക്കാ പള്ളിയിൽ പോകു​ന്ന​വ​രു​ടെ എണ്ണം കുറഞ്ഞു​വ​രി​ക​യാ​ണു ചെയ്‌തി​ട്ടു​ള്ളത്‌. അതു​കൊണ്ട്‌ 1994-ന്റെ തുടക്ക​ത്തിൽ ജോൺ പോൾ II-ാമൻ ഇററലി​യി​ലെ കത്തോ​ലി​ക്കരെ സജീവ സുവി​ശേ​ഷ​ക​രാ​യി​ത്തീ​രാൻ പ്രോ​ത്സാ​ഹി​പ്പി​ച്ചു, വീടു​തോ​റും പോയി പ്രസം​ഗി​ക്കാൻതന്നെ—യഹോ​വ​യു​ടെ സാക്ഷികൾ ചെയ്യു​ന്ന​തു​പോ​ലെ!a

[അടിക്കു​റി​പ്പു​കൾ]