അവർ വീടു​തോ​റും പ്രസം​ഗി​ക്കു​മോ?

“പാപ്പാ മതപ്ര​സം​ഗ​കരെ റോമി​ലെ തെരു​വു​ക​ളി​ലേക്ക്‌ അയയ്‌ക്കു​ന്നു.” ഗ്രെഗ്ഗ്‌ ബൂർക്കി​ന്റെ ഒരു വാർത്താ​റി​പ്പോർട്ടി​ന്റെ ശീർഷകം അതായി​രു​ന്നു. അദ്ദേഹം ഇങ്ങനെ എഴുതി: “രാജ്യത്തു മതപരി​വർത്തനം ചെയ്യു​ന്ന​തി​ലൂ​ടെ ആളുകളെ നേടുന്ന യഹോ​വ​യു​ടെ സാക്ഷികൾ പോ​ലെ​യുള്ള മതവി​ഭാ​ഗ​ങ്ങ​ളു​ടെ മാതൃക പിൻപ​റ​റാ​നും വീടു​തോ​റു​മുള്ള മതപ്ര​സം​ഗ​ത്തി​നു തുടക്ക​മി​ടാ​നും ജോൺ പോൾ മാർപ്പാ​പ്പാ ഇററലി​യി​ലെ കത്തോ​ലി​ക്കരെ പ്രോ​ത്സാ​ഹി​പ്പി​ച്ചി​രി​ക്കു​ന്നു.

“‘ഇതു സുവി​ശേ​ഷ​ത്തെ​ക്കു​റി​ച്ചു ലജ്ജിക്കാ​നുള്ള സമയമല്ല, പുരമു​ക​ളിൽനി​ന്നു ഘോഷി​ക്കേണ്ട സമയമാണ്‌,’ ദേശങ്ങൾതോ​റും സഞ്ചരി​ക്കുന്ന പ്രസം​ഗ​ക​രും മതോ​പ​ദേ​ഷ്ടാ​ക്ക​ളും ഉൾപ്പെട്ട 350 പേരോ​ടു തിങ്കളാഴ്‌ച പാപ്പാ പറഞ്ഞു. . . .

“‘തെരു​വു​ക​ളിൽ സുവി​ശേഷം പ്രഘോ​ഷി​ക്കാ​നുള്ള നിങ്ങളു​ടെ പദ്ധതി . . . സമൃദ്ധ​മായ ഫലങ്ങൾ കൈവ​രു​ത്തു​മെന്നു ഞാൻ പ്രത്യാ​ശി​ക്കു​ന്നു,’ അദ്ദേഹം അവരോ​ടു പറഞ്ഞു. ‘വിശ്വാ​സ​ത്തിൽനി​ന്നു വഴി​തെ​റ​റി​പ്പോ​യ​വ​രു​ടെ പക്കൽപോ​ലും എത്തുന്ന പ്രസം​ഗ​രീ​തി നിങ്ങൾ വീണ്ടും കണ്ടുപി​ടി​ച്ചി​രി​ക്കു​ന്നു.’”

റിപ്പോർട്ടർ ബൂർക്ക്‌ ഇങ്ങനെ അഭി​പ്രാ​യ​പ്പെട്ടു: “കഴിഞ്ഞ രണ്ടു പതിറ​റാ​ണ്ടു​ക​ളാ​യി ഇററലി​യിൽ കത്തോ​ലി​ക്കാ സഭയിലെ ഹാജർ കുത്തനെ കുറഞ്ഞി​രി​ക്കു​ന്നു, വീടു​തോ​റും പ്രസം​ഗി​ക്കു​ന്ന​വർക്കു വേണ്ടി​യുള്ള പാപ്പാ​യു​ടെ അമിത താത്‌പ​ര്യം ചുരു​ങ്ങി​യ​പക്ഷം ഭാഗി​ക​മാ​യെ​ങ്കി​ലും സഭയുടെ സ്വാധീ​നം കുറഞ്ഞു​വ​രു​ന്ന​തി​നോ​ടുള്ള പ്രതി​ക​ര​ണ​മാ​ണെന്നു തോന്നു​ന്നു.”

“വീടു​തോ​റു​മുള്ള മതപ്ര​സം​ഗ​ത്തി​നു തുടക്ക​മി​ടാ”നുള്ള അത്തരം ഉദ്‌ബോ​ധനം പുത്തരി​യല്ല. പോൾ VI-ാമൻ എന്നൊരു മുൻ പാപ്പാ, കത്തോ​ലി​ക്കാ​സഭ “നില​കൊ​ള്ളു​ന്നതു സുവി​ശേഷം പ്രചരി​പ്പി​ക്കാ​നാണ്‌” എന്നു പറയു​ക​യു​ണ്ടാ​യി. നിലവി​ലുള്ള പാപ്പാ, ജോൺ പോൾ II-ാമൻ, 1991-ൽ എല്ലാ ബിഷപ്പു​മാ​രെ​യും അഭിസം​ബോ​ധന ചെയ്‌തു​കൊ​ണ്ടുള്ള റെഡെം​റേ​റാ​റിസ്‌ മിസി​യോ പുറത്തി​റക്കി. പരസ്യ​മാ​യി പ്രസം​ഗി​ക്കാ​നുള്ള യേശു​വി​ന്റെ കൽപ്പന നിർവ​ഹി​ക്കേ​ണ്ട​തി​ന്റെ ആവശ്യം സംബന്ധിച്ച്‌ തന്റെ സഭയെ ജാഗരൂ​ക​മാ​ക്കാൻ വേണ്ടി​യാ​യി​രു​ന്നു അത്‌.

റോമൻ കത്തോ​ലി​ക്കാ എഴുത്തു​കാ​ര​നായ പീററർ ഹെർനൻ ലണ്ടൻ കത്തോ​ലി​ക്കാ ഹെരാൾഡിൽ ഈ ചോദ്യം ഉന്നയിച്ചു: “സുവി​ശേ​ഷ​ഘോ​ഷ​ണ​ത്തിന്‌ എന്തു സംഭവി​ച്ചു?” വളരെ​യ​ധി​കം ശ്ലാഘി​ക്ക​പ്പെ​ടുന്ന “സുവി​ശേ​ഷ​ഘോ​ഷണ ദശകം” സംബന്ധിച്ച്‌ അദ്ദേഹം ചിന്തയു​ള്ള​വ​നാ​യി​രു​ന്നു, അതിനി​പ്പോൾ അനേക​വർഷത്തെ പഴക്കമുണ്ട്‌. പുരോ​ഗതി കൈവ​രി​ക്കാ​ത്ത​തി​നെ​ക്കു​റിച്ച്‌ അദ്ദേഹം ഒരു ബിഷപ്പി​നോ​ടു ചോദി​ച്ച​പ്പോൾ ബിഷപ്പ്‌ ഇങ്ങനെ പ്രതി​ക​രി​ച്ചു: “നിങ്ങൾ ധൃതി​കൂ​ട്ട​രുത്‌. സഭ ഉണ്ടായിട്ട്‌ 2000 വർഷമല്ലേ ആയിട്ടു​ള്ളൂ.”

“ചുററു​മുള്ള ഗ്രാമ​ങ്ങ​ളിൽ സുവി​ശേഷം പ്രചരി​പ്പി​ക്കാൻ യേശു തന്റെ ശിഷ്യൻമാ​രെ അയച്ച​പ്പോൾ നൽകിയ അടിയ​ന്തി​രത എവിടെ? അല്ലെങ്കിൽ, ‘സുവി​ശേഷം പ്രസം​ഗി​ക്കു​ന്നി​ല്ലെ​ങ്കിൽ എനിക്കു കഷ്ടം! (1 കൊ. 9:16)’ എന്നു പറഞ്ഞ​പ്പോൾ വി പൗലോസ്‌ നൽകിയ അടിയ​ന്തി​രത എവിടെ?” എന്ന്‌ ഹെർനൻ ചോദി​ച്ച​തിൽ അതിശ​യി​ക്കാ​നില്ല. പരസ്യ​മാ​യും “വീടു​തോ​റും” പ്രസം​ഗിച്ച ആദിമ ക്രിസ്‌ത്യാ​നി​ക​ളു​ടെ മാതൃക കത്തോ​ലി​ക്കർ വാസ്‌ത​വ​ത്തിൽ അനുക​രി​ക്കു​മോ?—പ്രവൃ​ത്തി​കൾ 5:42; 20:20, ഡൂവേ വേർഷൻ.

വീടു​തോ​റു​മുള്ള സുവി​ശേ​ഷ​ഘോ​ഷ​ണ​ത്തി​ന്റെ കാര്യ​ത്തി​ലാ​ണെ​ങ്കിൽ “സന്ദേഹ​വാ​ദി​കൾ ‘താത്ത്വി​കം, അപ്രാ​യോ​ഗി​കം’ എന്നു പിറു​പി​റു​ക്കു​ന്നത്‌” തനിക്കു കേൾക്കാൻ കഴിയു​ന്നു​ണ്ടെന്ന്‌ ഹെർമൻ സമ്മതിച്ചു. എന്നാൽ, അത്‌ “അങ്ങനെയല്ല,” എന്നു ഹെർമൻ പറയുന്നു. “ആ അവകാ​ശ​വാ​ദത്തെ ന്യായീ​ക​രി​ക്കു​ന്ന​തിന്‌ ഞാനൊ​രു വിലകെട്ട പദം ഉപയോ​ഗി​ച്ചേ പററൂ. അതു വില​കെ​ട്ട​താ​ണെന്ന്‌ എനിക്ക​റി​യാം, കാരണം ഒരു കത്തോ​ലി​ക്കാ ലേഖന​ത്തിൽ കഴിഞ്ഞ പ്രാവ​ശ്യം ഞാനത്‌ ഉപയോ​ഗി​ച്ച​പ്പോൾ (മറെറാ​ന്നി​നും ഭേദഗതി വരുത്തി​യി​ല്ലെ​ങ്കി​ലും) ആ മുഴു സെക്‌ഷ​നും നീക്കം ചെയ്‌തു. ആ പദം യഹോ​വ​യു​ടെ സാക്ഷി എന്നതാണ്‌. . . . തന്റെ ആന്തരിക പ്രചോ​ദ​ന​ത്താൽ താൻ അവശ്യം ഒരു മിഷന​റി​യാ​ണെന്ന്‌ ഓരോ സാക്ഷി​യും പഠിപ്പി​ക്ക​പ്പെ​ടു​ന്നു.”

ഹെർനൻ യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളോ​ടു വിയോ​ജി​ക്കു​ന്നു​വെ​ങ്കി​ലും, ഒരു വ്യക്തി അവരുടെ പ്രസം​ഗ​രീ​തി​കൾ പരിഗ​ണി​ക്കു​മ്പോൾ “അപ്പോ​സ്‌ത​ല​പ്ര​വൃ​ത്തി​ക​ളിൽ വരച്ചു​കാ​ട്ട​പ്പെ​ട്ടി​രി​ക്കുന്ന ആദിമ​സ​ഭയെ ഓർക്കാ​തി​രി​ക്കുക ദുഷ്‌ക​ര​മാണ്‌” എന്ന്‌ അദ്ദേഹം സമ്മതി​ക്കു​ന്നു.

യഹോ​വ​യു​ടെ സാക്ഷികൾ തീക്ഷ്‌ണ​ത​യോ​ടെ തങ്ങളുടെ വീടു​തോ​റു​മുള്ള ശുശ്രൂ​ഷ​യിൽ തുടരു​ന്നു, അങ്ങനെ അവർ ഈ ആധുനിക നാളു​ക​ളിൽ യേശു​ക്രി​സ്‌തു​വി​ന്റെ കൽപ്പന നിറ​വേ​റ​റി​ക്കൊ​ണ്ടു​തന്നെ: “നിങ്ങൾ . . . ഭൂമി​യു​ടെ അതിവി​ദൂര ഭാഗ​ത്തോ​ള​വും എന്റെ സാക്ഷി​ക​ളാ​യി​രി​ക്കും.”—പ്രവൃ​ത്തി​കൾ 1:8, NW.