ആർ ബ്രിട്ട​നിൽ സുവി​ശേഷം പ്രചരി​പ്പി​ക്കും?

ബ്രിട്ടനിലെ ഉണരുക! ലേഖകൻ

വാരം​തോ​റും ഏതാണ്ട്‌ 1,500 അംഗങ്ങൾ എന്ന നിരക്കിൽ ബ്രിട്ട​നി​ലെ സഭകളു​ടെ ജീവരക്തം വററി​ക്കൊ​ണ്ടി​രി​ക്കു​ക​യാണ്‌, ദ യൂകെ ക്രിസ്‌റ​റ്യൻ ഹാൻഡ്‌ബുക്ക്‌ റിപ്പോർട്ടു ചെയ്യുന്നു. ചെറു​പ്പ​ക്കാർ സഭയെ ഉപേക്ഷി​ക്കു​ക​യാ​ണെന്ന്‌ ദ ടൈംസ്‌ പ്രഖ്യാ​പി​ക്കു​ന്നു, “കാരണം അതു വിരസ​വും ഏകാന്ത​വു​മാ​ണെന്ന്‌ അവർ കണ്ടെത്തു​ന്നു.”

ഓരോ ആഴ്‌ച​യി​ലും ഒന്ന്‌ എന്ന കണക്കിൽ ആംഗ്ലിക്കൻ പള്ളികൾ അടച്ചു​പൂ​ട്ടി​ക്കൊ​ണ്ടി​രി​ക്കെ, “തങ്ങളുടെ ജീവി​ത​ത്തിന്‌ അർഥവും ഉദ്ദേശ്യ​വും തേടുന്ന ആയിര​ക്ക​ണ​ക്കി​നാ​ളു​ക​ളുണ്ട്‌” എന്ന്‌ ചർച്ച്‌ ഓഫ്‌ ഇംഗ്ലണ്ടി​ന്റെ ചർച്ച്‌ ടൈംസ്‌ സമ്മതി​ക്കു​ന്നു.

ഈ പ്രതി​സ​ന്ധി​യെ അഭിമു​ഖീ​ക​രി​ച്ച​തി​നാൽ 1990-ൽ ബ്രിട്ട​നി​ലെ സഭകൾ ഒരു “സുവി​ശേ​ഷ​ഘോ​ഷണ ദശക”ത്തിനു പിന്നിൽ കൈ​കോർത്തു. “ഖേദക​ര​മാം​വണ്ണം കുറഞ്ഞു​പൊ​യ്‌ക്കൊ​ണ്ടി​രി​ക്കുന്ന സഭാം​ഗ​ങ്ങ​ളു​ടെ എണ്ണം വർധി​പ്പി​ക്കാ​നും ലൗകി​ക​ചി​ന്താ​ഗതി സംബന്ധിച്ച മനോ​ഭാ​വ​ത്തി​നു മാററം വരുത്താ​നു​മുള്ള ഒരു ശ്രമത്തിൽ പരമ്പരാ​ഗത, സ്ഥാപിത, സഭകൾ സുവി​ശേ​ഷ​ഘോ​ഷ​ണത്തെ തിരി​കെ​ക്കൊ​ണ്ടു​വ​രുന്ന ഒരു ദശകമാ​യി​രി​ക്കാം” ’90-കൾ എന്ന്‌ ദ സ്‌കോ​ട്ട്‌സ്‌മാൻ പറയു​ക​യു​ണ്ടാ​യി.

വിലപ്പെട്ട ഒരു പ്രതീക്ഷ—എന്നാൽ അതു പൂവണി​യു​മോ? കഴിഞ്ഞ ഏതാനും വർഷങ്ങ​ളിൽ എന്താണു സംഭവി​ച്ചി​രി​ക്കു​ന്നത്‌?

അസ്ഥിര​മായ ഒരടി​സ്ഥാ​നം

1989-ലെ തങ്ങളുടെ പൊതു വൈദിക സമിതി​യിൽ “സുവി​ശേ​ഷ​ഘോ​ഷണ ദശക”ത്തിനു വേണ്ടി ചർച്ച്‌ ഓഫ്‌ ഇംഗ്ലണ്ടി​ലെ പുരോ​ഹി​തൻമാർ വലിയ ഉത്സാഹ​മൊ​ന്നും ഉണർത്തി​വി​ട്ടില്ല. ഉദാഹ​ര​ണ​ത്തിന്‌, സഭാ ഏകീകരണ ദൗത്യ​ത്തി​ന്റെ​യും നവീകരണ കമ്മിറ​റി​യു​ടെ​യും ചെയർമാൻ ഇങ്ങനെ ഊന്നി​പ്പ​റഞ്ഞു: “തയ്യാ​റെ​ടു​പ്പാണ്‌ സർവ​പ്ര​ധാ​നം,” എന്നാൽ ജാഗ്ര​ത​യോ​ടെ ഇങ്ങനെ കൂട്ടി​ച്ചേർക്കു​ക​യും ചെയ്‌തു: “ചില അവസ്ഥക​ളിൽ ഇതിന്‌ ഒരു ദശകം മുഴു​വ​നും​തന്നെ വേണ്ടി​വ​ന്നേ​ക്കാം.”

ബിഷപ്പ്‌ ഗാവിൻ റെയ്‌ഡ്‌ ഇങ്ങനെ മുൻകൂ​ട്ടി​പ്പ​റഞ്ഞു: “അഞ്ചു വർഷത്തി​നു​ശേഷം നാണ​ക്കേടു വരുത്തുന്ന ഒരു ദൗത്യ​മാ​യി​രി​ക്കും ഇത്‌.”

പതറാത്ത ആംഗ്ലിക്കൻ സഭക്കാർ താമസി​യാ​തെ​തന്നെ റോമൻ കത്തോ​ലി​ക്ക​രു​മാ​യി ഒരു ഏകീകൃത നയം രൂപീ​ക​രി​ച്ചു. കത്തോ​ലി​ക്കർ 1988-ൽ അവരു​ടേ​തായ “സുവി​ശേ​ഷ​ഘോ​ഷണ ദശകം” ഔദ്യോ​ഗി​ക​മാ​യി അംഗീ​ക​രി​ച്ചി​രു​ന്നു. മറെറല്ലാ വിഭാ​ഗ​ങ്ങൾക്കും ചില ആശങ്കകൾ ഉണ്ടായി​രു​ന്നു. “സുവി​ശേ​ഷ​ഘോ​ഷണ ദശകം സംബന്ധിച്ച്‌ എനിക്ക്‌ അസ്വസ്ഥത തോന്നു​ന്ന​താ​യി ഞാൻ സമ്മതി​ക്കേ​ണ്ടി​യി​രി​ക്കു​ന്നു. അതു ഗംഭീ​ര​മായ ഒരു ശീർഷ​ക​മാണ്‌, എന്നാൽ എന്താണ​തി​ന്റെ അർഥം?” എന്ന്‌ ലണ്ടനിലെ സിററി റോഡി​ലുള്ള പ്രസി​ദ്ധ​മായ വെസ്ലീസ്‌ ചാപ്പലി​ലെ പുരോ​ഹി​ത​നായ പോൾ ഹ്യൂം ചോദി​ക്കു​ക​യു​ണ്ടാ​യി. “നാം ഇപ്പോൾതന്നെ ചെയ്യു​ന്നി​ല്ലാത്ത എന്തു ചെയ്യാ​നാ​ണു നാം ഉദ്ദേശി​ക്കു​ന്നത്‌?”

ലാക്കുകൾ തീരു​മാ​നി​ക്കൽ

സുവി​ശേ​ഷി​ക്കുക എന്നാൽ ശ്രദ്ധി​ക്കു​ന്ന​വരെ ക്രിസ്‌ത്യാ​നി​ത്വ​ത്തി​ലേക്കു മതപരി​വർത്തനം ചെയ്യാൻ വേണ്ടി സുവി​ശേഷം അഥവാ സുവാർത്ത പ്രസം​ഗി​ക്കുക എന്നാണ്‌—പല സഭാ​നേ​താ​ക്കൻമാ​രും സംഭവി​ച്ചു​കാ​ണാൻ ആഗ്രഹി​ക്കു​ന്ന​തിൽനി​ന്നു തികച്ചും വ്യത്യ​സ്‌ത​മാ​ണിത്‌. “ആളുകളെ ക്രിസ്‌ത്യാ​നി​ത്വ​ത്തി​ലേക്കു മതപരി​വർത്തനം ചെയ്യി​ക്കുക എന്നതു ഞങ്ങളുടെ ജോലി​യല്ല, അതു ദൈവ​ത്തി​ന്റെ ജോലി​യാണ്‌,” ഏകീകൃത നവോ​ത്ഥാന സഭയിലെ ഡോ. നൂബിജൻ പ്രഖ്യാ​പി​ക്കു​ക​യു​ണ്ടാ​യി. അസാധാ​ര​ണ​മായ അത്തരം ഒരു പ്രസ്‌താ​വ​ന​യ്‌ക്ക്‌ എന്താണു കാരണം? ക്രൈ​സ്‌ത​വേതര, വംശീയ, മതങ്ങളു​മാ​യി ബ്രിട്ട​നി​ലെ ബഹുവർഗ സമൂഹ​ത്തി​ന്റെ വർധി​ച്ചു​വ​രുന്ന മുറു​മു​റുപ്പ്‌. പിൻവ​രുന്ന കാര്യം ശ്രദ്ധി​ക്കുക:

ആംഗ്ലിക്കൻ സഭാ നേതാ​വായ നീൽ റിച്ചാർഡ്‌സൺ പറഞ്ഞു: “സുവി​ശേ​ഷ​ഘോ​ഷണ ദശകം മററു ദശകങ്ങ​ളെ​പ്പോ​ലെ പരാജ​യ​പ്പെ​ട്ടേ​ക്കാം, എന്നാൽ അത്‌ ഇഴഞ്ഞു​നീ​ങ്ങു​മ്പോൾതന്നെ സഭകൾ മാത്രമല്ല എല്ലാവ​രും​തന്നെ നേരി​ടുന്ന വലിയ പ്രശ്‌ന​ത്തിൽനിന്ന്‌, നമ്മുടെ നഗരങ്ങ​ളി​ലെ​ല്ലാ​മുള്ള മതങ്ങൾ ഒരുപക്ഷേ സ്‌ഫോ​ട​നാ​ത്മ​ക​മാ​യി കൂട്ടി​മു​ട്ടു​ന്ന​തിൽനിന്ന്‌, ശ്രദ്ധയ​ക​റ​റുന്ന ഒരു ഘടകമാണ്‌.” പ്രശ്‌നത്തെ ചൂണ്ടി​ക്കാ​ട്ടി​ക്കൊണ്ട്‌ അദ്ദേഹം ഇങ്ങനെ തുടർന്നു: “മതസമൂ​ഹ​ത്തി​ലെ വിഭാ​ഗങ്ങൾ തമ്മിലുള്ള ബന്ധങ്ങൾ ആരും മതംമാ​ററം നടത്താൻ ശ്രമി​ക്കാ​ത്ത​വണ്ണം ഉറച്ച വിശ്വാ​സ​ത്തിൽ അധിഷ്‌ഠി​ത​മാ​യി​രി​ക്കണം.”

‘സ്‌ഫോ​ട​നാ​ത്മക’ സാധ്യ​ത​യുള്ള അവസ്ഥയെ ശരിക്കും മനസ്സിൽ പിടി​ച്ചു​കൊണ്ട്‌ “സുവി​ശേ​ഷ​ഘോ​ഷണ ദശകം വിലക്ഷ​ണ​മായ ഒരു ശീർഷക”മാണെന്നു കാൻറർബ​റി​യി​ലെ ആർച്ചു​ബി​ഷ​പ്പായ ജോർജ്‌ കെയ്‌റി പ്രഖ്യാ​പി​ച്ചു, കാരണം “ദൃഢചി​ത്ത​രായ സുവി​ശേ​ഷകർ” ലക്ഷ്യം​വെ​ച്ചതു തങ്ങളെ​യാ​യി​രു​ന്നു​വെന്നു മുസ്ലീം, യഹൂദ നേതാ​ക്കൻമാർ കരുതി. “ചിലർ പറയു​ന്ന​തു​പോ​ലെ, സഭ ചെയ്യേണ്ട പ്രഥമ ജോലി സുവി​ശേ​ഷ​ഘോ​ഷ​ണ​മാ​ണെന്നു പറയു​ന്നത്‌ അബദ്ധമാണ്‌,” അദ്ദേഹം പിന്നീടു പറഞ്ഞു.

നേരേ​മ​റിച്ച്‌, മുസ്ലീ​ങ്ങ​ളെ​യും മററു​ള്ള​വ​രെ​യും ക്രിസ്‌തീയ ആട്ടിൻത്തൊ​ഴു​ത്തി​ലേക്കു കൂട്ടി​വ​രു​ത്തി​ക്കൊണ്ട്‌ ചർച്ച്‌ ഓഫ്‌ ഇംഗ്ലണ്ടി​നെ “ഇംഗ്ലണ്ടി​ലെ ചർച്ച്‌ ഓഫ്‌ ഗോഡ്‌ ആക്കി മാററുക” എന്നതാണ്‌ അടിസ്ഥാന ആവശ്യം എന്നു മൈക്കിൾ മാർഷൽ എന്ന ബിഷപ്പ്‌ തറപ്പി​ച്ചു​പ​റ​യു​ന്നു. “ഇസ്ലാം​മ​തത്തെ ക്രിസ്‌തു​വി​ലേക്കു നേടുക എന്ന ആഹ്വാനം അജണ്ടയി​ലെ ഒരു ഭാഗമാണ്‌,” എന്നദ്ദേഹം പ്രഖ്യാ​പി​ച്ചു. അത്തര​മൊ​രു സമീപ​ന​ത്തിൽ “അവശ്യം ഏററു​മു​ട്ട​ലി​ന്റെ ഒരു പതിറ​റാണ്ട്‌ ഉൾപ്പെ​ടും” എന്നദ്ദേഹം മുന്നറി​യി​പ്പു മുഴക്കു​ക​യും ചെയ്‌തു.

യഹൂദരെ സംബന്ധി​ച്ചോ? “യഥാർഥ സുവി​ശേ​ഷ​ഘോ​ഷ​ണ​ത്തിൽ യഹൂദ​രെ​യും ഉൾപ്പെ​ടു​ത്തണം” എന്ന തലക്കെട്ട്‌ ചർച്ച്‌ ടൈം​സിൽ പ്രത്യ​ക്ഷ​പ്പെട്ടു. എന്നാൽ ലിവർപൂ​ളി​ലെ ബിഷപ്പായ ഡേവിഡ്‌ ഷെപ്പാർഡ്‌ ശക്തമായി വിയോ​ജി​ച്ചു. “സുവി​ശേ​ഷ​ഘോ​ഷണ ദശകത്തി​ന്റെ പ്രഥമ ലക്ഷ്യം വിശ്വാ​സത്തെ തള്ളിക്ക​ള​ഞ്ഞവർ അല്ലെങ്കിൽ ദൈവ​ത്തിൽ വിശ്വ​സി​ക്കുക എന്നാൽ എന്തെന്ന്‌ ഒരിക്ക​ലും അറിഞ്ഞി​ട്ടി​ല്ലാ​ത്തവർ ആയിരി​ക്കണം,” അദ്ദേഹം പറഞ്ഞു. അതു സാധ്യ​മാ​ണോ? ദ ഗാർഡി​യന്റെ “സുവി​ശേ​ഷ​ഘോ​ഷ​ണ​ത്തി​ന്റെ ഫലം കുറയു​ന്നു” എന്ന ശീർഷ​ക​ത്തി​നു കീഴിൽ എഴുതവേ നീൽ റിച്ചാർഡ്‌സൺ ഇങ്ങനെ തറപ്പി​ച്ചു​പ​റ​യു​ന്നു: “[ബ്രിട്ട​നി​ലെ] ഏതൊ​രാൾക്കും ക്രിസ്‌ത്യാ​നി​ത്വ​ത്തി​ന്റെ അവകാ​ശ​വാ​ദ​ങ്ങളെ വിലയി​രു​ത്തി​നോ​ക്കാൻ വേണ്ടത്ര അവസരം ലഭിച്ചു​ക​ഴി​ഞ്ഞി​രി​ക്കു​ന്നു. അതു തങ്ങൾക്കു പററി​യതല്ല എന്നു ഭൂരി​പക്ഷം പേരും തീരു​മാ​നി​ച്ചു​ക​ഴി​ഞ്ഞി​രി​ക്കു​ന്നു എന്നതു സ്‌പഷ്ടം.”

നാനാ​ത​രം വിശ്വാ​സ​ങ്ങ​ളും വംശീ​യ​സം​സ്‌കാ​ര​ങ്ങ​ളു​മുള്ള അത്തര​മൊ​രു മതേതര സമൂഹ​ത്തിൽ സുവി​ശേ​ഷ​ഘോ​ഷണം നടത്താൻ ബ്രിട്ട​നി​ലെ സഭകൾ സജ്ജമാ​ണോ?

വെല്ലു​വി​ളി

മുൻ ആർച്ചു​ബി​ഷ​പ്പായ ഡോ. റൂണിസ്‌ ഇങ്ങനെ പ്രഖ്യാ​പി​ച്ചു: “സുവി​ശേ​ഷ​ഘോ​ഷ​ണ​ത്തി​ലെ നമ്മുടെ ഉദ്യോ​ഗ​സ്ഥൻമാർ ബിഷപ്പു​മാ​രും പുരോ​ഹി​തൻമാ​രു​മാണ്‌, നമ്മുടെ മിഷന​റി​മാർ അയ്‌മേ​നി​ക​ളും.” സുവി​ശേ​ഷ​ഘോ​ഷ​ണ​ത്തിൽ പരിച​യ​സ​മ്പ​ന്ന​നായ ഗിൽബർട്ട്‌ ഡബ്ലിയു. കെർബി ഇങ്ങനെ പറഞ്ഞു: “ഓരോ ക്രിസ്‌ത്യാ​നി​യും മറെറാ​രു​വ​നോ​ടു വിശ്വാ​സ​ത്തി​ന്റെ അടിസ്ഥാന തത്ത്വങ്ങൾ വിശദീ​ക​രി​ച്ചു​കൊ​ടു​ക്കാൻ കഴിയുന്ന ഒരു സ്ഥാനത്താ​യി​രി​ക്കണം. മറെറാ​രു​വനെ ക്രിസ്‌തു​വി​ലേക്കു നയിക്കു​ന്ന​തെ​ങ്ങ​നെ​യെന്ന്‌ ഓരോ ക്രിസ്‌ത്യാ​നി​യും പഠിപ്പി​ക്ക​പ്പെ​ടണം. . . . പ്രബു​ദ്ധ​മായ ഒരു സഭാം​ഗ​ത്വ​മാ​യി​രി​ക്കണം നമ്മുടെ ലക്ഷ്യം. . . . സുവി​ശേ​ഷ​ഘോ​ഷണം നടത്തു​ന്നത്‌ എങ്ങനെ​യെന്നു കാട്ടി​ക്കൊ​ടു​ക്കാ​തെ ആളുക​ളോട്‌ അതു ചെയ്യാൻ പറയു​ന്ന​തിൽ ഫലമില്ല.” മററു വാക്കു​ക​ളിൽ പറഞ്ഞാൽ, എങ്ങനെ സുവി​ശേ​ഷ​ഘോ​ഷണം നടത്തണ​മെന്നു സഭാം​ഗ​ങ്ങൾക്കു കാട്ടി​ക്കൊ​ടു​ക്കു​ന്ന​തിൽ ബിഷപ്പു​മാ​രും വൈദി​ക​രും നേതൃ​ത്വ​മെ​ടു​ക്കണം.

ബിബി​സി​യു​ടെ “പ്രീസ്‌റ​റ്‌ലാൻഡ്‌ മെമ്മോ​റി​യൽ ലക്‌ച്ചറി”ന്റെ ഉദ്‌ഘാ​ട​ന​പ്ര​സം​ഗ​ത്തിൽ തുറന്നു സംസാ​രി​ക്കവേ റേഡി​യോ പ്രക്ഷേ​പ​ക​നായ ബ്രയൻ റെഡ്‌ഹെഡ്‌ ഇങ്ങനെ പറഞ്ഞു: “മതത്തോ​ടു വിരക്തി​യു​ള്ള​വ​രു​ടെ ശ്രദ്ധ പിടി​ച്ചു​പ​റ​റാ​നുള്ള ശക്തി തങ്ങൾക്കു നഷ്ടപ്പെ​ട്ടി​രി​ക്കു​ന്നു എന്ന വസ്‌തു​തയെ തലകൾ ശിരോ​വേ​ഷ്ട​ന​ത്തിൽ ഒളിപ്പി​ക്കു​ന്നവർ അഭിമു​ഖീ​ക​രി​ക്കണം . . . മതപ്ര​സം​ഗ​മെന്ന കലയിൽ അവർ കൂടുതൽ ഊന്നൽ നൽകേ​ണ്ട​തുണ്ട്‌.” ഇത്‌ എവി​ടെ​യാ​ണു ചെയ്യേ​ണ്ടത്‌?

പിൽക്കാ​ലത്ത്‌ ഇംഗ്ലണ്ടി​ന്റെ ബിഷപ്പാ​യി​ത്തീർന്ന വില്യം വാൻഡിന്‌ ഈ നൂററാ​ണ്ടി​ന്റെ ആരംഭ​ത്തിൽ ഇംഗ്ലണ്ടി​ലെ ലാങ്കസ്‌റ​റ​റിൽ വെച്ചു തന്റെ ആദ്യകാല പരിശീ​ലനം ലഭിച്ചു. ആ കാലത്ത്‌ ഇടയസ​ന്ദർശ​നങ്ങൾ സാധാ​ര​ണ​മാ​യി​രു​ന്നു. “ഒരൊററ അപരാ​ഹ്ന​ത്തിൽ ഞാൻ മുട്ടി​വി​ളിച്ച വീടു​ക​ളു​ടെ ഏററവും കൂടിയ എണ്ണം നാൽപ്പ​താ​യി​രു​ന്നെന്നു ഞാൻ വിചാ​രി​ക്കു​ന്നു” എന്ന്‌ അദ്ദേഹം പിന്നീ​ടെ​ഴു​തി. “പള്ളിയിൽ ഒരിക്ക​ലും വരാത്ത​താ​യി തോന്നിയ ന്യൂന​പക്ഷം വരുന്ന ആളുക​ളു​ടെ ആവശ്യങ്ങൾ സംബന്ധിച്ച്‌ ആ വികാരി ബോധ​വാ​നു​മാ​യി​രു​ന്നു. ഒരു ‘വമ്പിച്ച നേട്ടം’ എന്ന്‌ ഇപ്പോൾ വിളി​ക്കാൻ കഴിയു​ന്നത്‌, ഈ വിരക്ഷി​ക്കും നിസം​ഗ​ത​യ്‌ക്കു​മെ​തി​രെ നേടി​യെ​ടു​ക്കാൻ അദ്ദേഹം ആകാം​ക്ഷ​യു​ള്ള​വ​നാ​യി​രു​ന്നു.”

ഇന്നു ബ്രിട്ട​നിൽ അത്തരം വ്യക്തി​പ​ര​മായ ഒരു സന്ദർശനം നടത്തുന്ന ഏതെങ്കി​ലും ഒരു പുരോ​ഹി​തൻ ഉണ്ടെങ്കിൽ അതു തീർച്ച​യാ​യും ഒരു അസാധാ​രണ സംഗതി​യാ​യി​രി​ക്കും! യേശു​വും അവന്റെ ശിഷ്യൻമാ​രും ചെയ്‌ത​തു​പോ​ലെ വീടു​ക​ളിൽച്ചെന്ന്‌ ആളുക​ളോ​ടു സുവി​ശേ​ഷ​ഘോ​ഷണം നടത്തു​ന്ന​തി​നു പകരമാ​യി യാതൊ​ന്നു​മി​ല്ലെന്നു ബ്രിട്ട​നി​ലെ സഭകൾ ഇപ്പോൾ മനസ്സി​ലാ​ക്കു​ക​യാണ്‌, എന്നാൽ വൈകി​പ്പോ​യി​രി​ക്കു​ന്നു.

“യഥാർഥ​ത്തിൽ അർപ്പി​ത​നായ ഒരു മനുഷ്യ​നു മാത്രമേ മററു​ള്ള​വരെ ദൈവ​ത്തി​ലേക്കു നേടാൻ കഴിയു​ക​യു​ള്ളൂ,” സുവി​ശേ​ഷ​ഘോ​ഷ​ണ​വും അയ്‌മേനി വർഗവും (ഇംഗ്ലീഷ്‌). “നമ്മുടെ തലമു​റ​യിൽ സഭ അതിന്റെ ഉദ്ദേശ്യം നിവർത്തി​ക്ക​ണ​മെ​ങ്കിൽ ഏതെങ്കി​ലും വിധത്തിൽ ഓരോ ക്രിസ്‌ത്യാ​നി​യും അനുസ​രി​ക്കേണ്ട കൽപ്പന​യാണ്‌ . . . ‘സുവി​ശേ​ഷ​കന്റെ പ്രവൃ​ത്തി​ചെയ്‌ക’ [2 തിമൊ​ഥെ​യൊസ്‌ 4:5] എന്നത്‌.”

“സുവാർത്ത”—അതിന്റെ ഉറവ്‌

മെഥഡി​സ്‌ററ്‌ സഭയുടെ ഡിവിഷൻ ഓഫ്‌ മിനി​സ്‌ട്രീ​സി​ന്റെ ജനറൽ സെക്ര​ട്ട​റി​യായ ജോൺ ടെയ്‌ലർ “സുവാർത്ത പങ്കുവ​യ്‌ക്കാ​നുള്ള നമ്മുടെ കടമ”യെക്കു​റിച്ച്‌ ലണ്ടനിലെ ദ ടൈം​സിന്‌ എഴുതി. അദ്ദേഹം ഇങ്ങനെ പറഞ്ഞു: “അതു​കൊണ്ട്‌ സഭയുടെ സ്വന്തം അംഗങ്ങളെ പരി​പോ​ഷി​പ്പി​ക്കു​ന്ന​തി​നും പഠിപ്പി​ക്കു​ന്ന​തി​നു​മുള്ള പുതി​യ​തും കൂടുതൽ ഫലപ്ര​ദ​വു​മായ മാർഗങ്ങൾ സഭ കണ്ടെത്തണം. സഭയിൽ പോലും ക്രിസ്‌തീയ തിരു​വെ​ഴു​ത്തു​കൾ സംബന്ധി​ച്ചു വലിയ അജ്ഞതയുണ്ട്‌.” ഈ അജ്ഞത അതിന്റെ അംഗങ്ങളെ എന്തി​ലേ​ക്കാ​ണു നയിച്ചി​രി​ക്കു​ന്നത്‌?

“ക്രിസ്‌തീയ ശിഷ്യ​ത്വം പ്രത്യേക തരത്തി​ലുള്ള സാമൂ​ഹി​ക​വും രാഷ്‌ട്രീ​യ​വു​മായ പ്രവർത്തനം ആവശ്യ​പ്പെ​ടു​ന്നു​വെന്ന്‌ . . . മുന്തിയ സുവി​ശേ​ഷ​ക​രായ അനേകം ചെറു​പ്പ​ക്കാർ തീർത്തു​പ​റ​യു​ന്നു,” മറെറാ​രു സുവി​ശേ​ഷ​മോ?—ലൗകിക രാഷ്‌ട്രീ​യ​ത്തിൽ ആംഗ്ലിക്കൻ സഭയുടെ വർധി​ച്ചു​വ​രുന്ന ഉൾപ്പെ​ട​ലി​ന്റെ രേഖയിൽ (ഇംഗ്ലീഷ്‌) റെയ്‌ച്ചൽ ററിങ്കൽ വിശദീ​ക​രി​ക്കു​ന്നു. രാഷ്‌ട്രീയ മാർഗ​ത്തി​ലൂ​ടെ സമാധാ​ന​വും നീതി​യും “സാമൂ​ഹിക നീതി”യും സ്ഥാപി​ക്ക​പ്പെ​ടു​മ്പോൾ ദൈവ​രാ​ജ്യം ഭൂമി​യി​ലേക്കു വ്യാപി​പ്പി​ക്ക​പ്പെ​ടു​മെന്ന്‌ ഈ “രാജ്യ​ദൈ​വ​ശാ​സ്‌ത്രം” പ്രസ്‌താ​വി​ക്കു​ന്നു, അങ്ങനെ​യാണ്‌ അതിനു പേരി​ട്ടി​രി​ക്കു​ന്നത്‌. അതു തീർച്ച​യാ​യും “വിമോ​ചന ദൈവ​ശാ​സ്‌ത്ര”മാണ്‌ അല്ലെങ്കിൽ, ആധുനിക രൂപത്തി​ലുള്ള, പഴയ “ക്രിസ്‌തീയ സാമൂ​ഹിക ചിന്താ​ഗതി.”

അത്തരം ചിന്താ​ഗതി, “എന്റെ രാജ്യം ഈ ലോക​ത്തി​ന്റെ ഭാഗമല്ല. . . . എന്റെ രാജ്യം ഈ ഉറവിൽനിന്ന്‌ ഉള്ളതല്ല” എന്ന യേശു​വി​ന്റെ പ്രസ്‌താ​വ​ന​യോട്‌ എങ്ങനെ പൊരു​ത്ത​പ്പെ​ടും? (യോഹ​ന്നാൻ 18:36, NW) അല്ലെങ്കിൽ യേശു​വി​നും മുമ്പ്‌ ജീവി​ച്ചി​രുന്ന ഒരു പ്രവാ​ച​കന്റെ, “ഈ രാജാ​ക്കൻമാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും” എന്ന വാക്കു​ക​ളോട്‌ അതെങ്ങനെ പൊരു​ത്ത​പ്പെ​ടും?—ദാനീ​യേൽ 2:44.

ഈ രാജ്യം സ്ഥാപി​ക്ക​പ്പെ​ടു​ന്നതു ദൈവ​ത്തി​ന്റെ കരങ്ങളാ​ലാണ്‌—മമനു​ഷ്യ​ന്റെ കരങ്ങളാ​ലല്ല—എന്നതു ശ്രദ്ധി​ക്കുക. യുദ്ധത്തിൽനി​ന്നും അനീതി​യിൽനി​ന്നും മരണത്തിൽനി​ന്നു തന്നെയു​മുള്ള വിടുതൽ യഹോ​വ​യിൽനിന്ന്‌ അവന്റെ നിയുക്ത രാജാ​വായ യേശു​ക്രി​സ്‌തു​വി​ലൂ​ടെ​യാ​ണു വരുന്നത്‌—അല്ലാതെ മനുഷ്യ​നിൽനി​ന്നല്ല. അതാണു വാസ്‌ത​വ​ത്തിൽ പ്രഘോ​ഷി​ക്ക​പ്പെ​ടേണ്ട സുവാർത്ത!—വെളി​പ്പാ​ടു 21:3, 4.

ഇന്നു ബ്രിട്ട​നിൽ തന്നെ 1,30,000-ത്തോളം വരുന്ന യഹോ​വ​യു​ടെ സാക്ഷികൾ ആ ബോധ്യ​മു​ള്ള​വ​രാണ്‌. എല്ലാ ദേശീയ സംഘങ്ങ​ളിൽനി​ന്നും മതവി​ശ്വാ​സ​ങ്ങ​ളിൽനി​ന്നും വന്നിരി​ക്കുന്ന അവർ ക്രിസ്‌ത്യാ​നി​ക​ളെന്ന നിലയിൽ ഒററ​ക്കെ​ട്ടാ​യി നില​കൊ​ള്ളു​ന്നു. കേൾക്കാൻ മനസ്സുള്ള ആരുമാ​യും സുവാർത്ത പങ്കുവ​യ്‌ക്കാൻ ആകാം​ക്ഷ​യുള്ള, നല്ല പരിശീ​ലനം സിദ്ധിച്ച, സുവി​ശേ​ഷ​ക​രാ​ണവർ. ആ ഉദ്ദേശ്യ​പ്രാ​പ്‌തി​ക്കു വേണ്ടി ലഭ്യമായ ഏതു മാർഗ​വും അവർ ഉപയോ​ഗ​പ്പെ​ടു​ത്തു​ന്നു, അവരുടെ ഫലപ്ര​ദ​മായ ശുശ്രൂ​ഷ​യിൽനി​ന്നു പ്രയോ​ജ​ന​മ​നു​ഭ​വി​ക്കു​ന്നവർ അനവധി​യാണ്‌.

[23-ാം പേജിലെ ചതുരം]

ബ്രിട്ടനിലെ സുവി​ശേ​ഷ​കർ

പിൻവ​രുന്ന ഉദ്ധരണി എടുത്തി​ട്ടു​ള്ളത്‌ കാത്തലിക്‌ ഹെറാൾഡ്‌ എന്ന ബ്രിട്ടീഷ്‌ റോമൻ കത്തോ​ലി​ക്കാ പ്രതി​വാര പത്രത്തിൽനി​ന്നാണ്‌, ഒക്‌ടോ​ബർ 22, 1993, പേജ്‌ 8.

“സുവി​ശേ​ഷ​ഘോ​ഷ​ണ​ത്തി​ന്റെ ദശകത്തിന്‌ എന്തു സംഭവി​ച്ചു? അല്ല, എന്തു സംഭവി​ച്ചു! രണ്ടു വർഷം മുമ്പ്‌ കുറെ കാല​ത്തേക്ക്‌ അതൊരു വിഷയ​മാ​യി​രു​ന്ന​ല്ലോ, അതേക്കു​റി​ച്ചുള്ള വിവരം പത്രത്തിൽ വരാത്ത ഒരാഴ്‌ച പോലു​മു​ണ്ടാ​യി​രു​ന്നില്ല. എന്നാൽ ഇന്നോ? ഒരക്ഷരം പോലും കേൾക്കാ​നി​ല്ല​ല്ലോ. . . .

“ചുററു​മുള്ള ഗ്രാമ​ങ്ങ​ളിൽ സുവി​ശേ​ഷി​ക്കാൻ ശിഷ്യൻമാ​രെ അയച്ച​പ്പോൾ യേശു നൽകിയ ആ അടിയ​ന്തി​രത എവിടെ? അല്ലെങ്കിൽ ‘ഞാൻ സുവി​ശേഷം അറിയി​ക്കു​ന്നില്ല എങ്കിൽ എനിക്കു അയ്യോ കഷ്ടം! (1 കൊ 9:16)’ എന്നു പറഞ്ഞ​പ്പോൾ വി പൗലോസ്‌ നൽകിയ അടിയ​ന്തി​ര​ത​യോ?

“സുവി​ശേ​ഷ​ഘോ​ഷണം ഇഷ്ടപ്ര​കാ​രം തിര​ഞ്ഞെ​ടു​ക്കാ​വുന്ന ഒന്നല്ല, മറിച്ച്‌ ക്രിസ്‌തു​തന്നെ ‘പോയി, സകല ജനതക​ളി​ലെ​യും ആളുകളെ ശിഷ്യ​രാ​ക്കു​വിൻ’ [മത്തായി 28:20] എന്നും പറഞ്ഞ്‌ നൽകിയ ഒരു കൽപ്പന​യാ​ണെന്നു പല കത്തോ​ലി​ക്ക​രും മനസ്സി​ലാ​ക്കു​ന്നി​ല്ലെന്ന പ്രശ്‌ന​വു​മുണ്ട്‌. . . .

“സന്ദേഹ​വാ​ദി​കളെ നേരി​ടാൻ തക്കവണ്ണം തങ്ങളുടെ വിശ്വാ​സ​ത്തി​ന്റെ കാര്യ​ത്തിൽ വേണ്ടത്ര പരിച​യ​മുള്ള എത്ര കത്തോ​ലി​ക്ക​രുണ്ട്‌? . . . ദൈവ​പു​ത്രൻ ഭൂമി​യിൽ വന്നിട്ടും അവൻ പറഞ്ഞതു പഠിക്കാൻ നമ്മൾ കുറച്ചു​പേരേ മിന​ക്കെ​ടു​ന്നു​ള്ളൂ എന്നത്‌ എത്രയോ അസാധാ​ര​ണ​മാണ്‌. . . .

“ഞാനി​പ്പോൾ [യഹോ​വ​യു​ടെ] സാക്ഷി​കൾക്കു വേണ്ടി വാദി​ക്കു​കയല്ല. . . . എന്നാൽ അതിന്റെ മറുവശം കൂടി അൽപ്പം ചിന്തി​ച്ചു​നോ​ക്കൂ. ദൈവ​ത്തി​ന്റെ സമ്പൂർണ നിലവാ​ര​ങ്ങ​ളി​ലുള്ള വിശ്വാ​സ​ത്തിൽ അധിഷ്‌ഠി​ത​മായ അവരുടെ ധാർമിക നിലപാ​ടു ചോദ്യം ചെയ്യ​പ്പെ​ടാൻ കഴിയാ​ത്ത​താണ്‌. ഇപ്പോൾ പറഞ്ഞ കാര്യ​ത്തെ​ക്കു​റിച്ച്‌ ഇനിയും പറയു​ക​യാ​ണെ​ങ്കിൽ, ഉപദേ​ശ​ങ്ങ​ളെ​ക്കു​റി​ച്ചു പഠിക്കു​ന്ന​തി​നും ക്രമമായ ബൈബിൾ പഠനത്തി​നും പ്രാ​യോ​ഗി​ക​മായ ക്രിസ്‌തീയ അനുദിന ജീവി​ത​ത്തി​നും വേണ്ടി മിക്ക​പ്പോ​ഴും മററാ​രു​ടെ​യെ​ങ്കി​ലും വീടു​ക​ളിൽവെച്ചു വാരത്തിൽ മൂന്നു സായാ​ഹ്ന​ങ്ങൾക്കു തുല്യ​മായ ഒന്ന്‌ ഓരോ സാക്ഷി​യും അർപ്പിച്ചു.

“അതു മാത്രമല്ല, തന്റെ ബോധ്യ​ത്താ​ലുള്ള പ്രവർത്ത​ന​ഗ​തി​യാൽ, താൻ അവശ്യം ഒരു മിഷന​റി​യാ​ണെന്ന്‌ ഓരോ സാക്ഷി​യും പഠിപ്പി​ക്ക​പ്പെ​ടുക കൂടി ചെയ്യുന്നു. തന്റെ സന്ദേശം അവതരി​പ്പി​ക്കാ​നാ​വ​ശ്യ​മായ അവശ്യ​രീ​തി​ക​ളും അവൻ പഠിപ്പി​ക്ക​പ്പെ​ടു​ന്നു. വീട്ടു​വാ​തി​ലിൽ മുട്ടു​ന്ന​തും ഈരണ്ടു പേരായി പോകു​ന്ന​തും അവന്റെ ജീവി​ത​ത്തി​ന്റെ കേന്ദ്ര​ഭാ​ഗം തന്നെയാണ്‌. ദരി​ദ്ര​രെ​യും സഹായ​മാ​വ​ശ്യ​മു​ള്ള​വ​രെ​യും കരുതു​ന്ന​തി​ലും സാക്ഷികൾ തീക്ഷ്‌ണ​ത​യു​ള്ള​വ​രാണ്‌.

“ചുരു​ക്കി​പ്പ​റ​ഞ്ഞാൽ, . . . പ്രവൃ​ത്തി​ക​ളു​ടെ പുസ്‌ത​ക​ത്തിൽ വരച്ചു​കാ​ട്ട​പ്പെ​ട്ടി​രി​ക്കുന്ന ആദിമ സഭയെ ഓർക്കാ​തി​രി​ക്കുക പ്രയാ​സ​മാണ്‌. അന്തിമ​ഫ​ല​ത്താ​ലാ​ണ​ല്ലോ വിജയം അളക്ക​പ്പെ​ടു​ന്നത്‌. പൊട്ടി​ത്തെ​റി​ക്കു​ന്നതു പോ​ലെ​യാണ്‌ അവരുടെ വളർച്ച. സമ്പൂർണ പ്രഘോ​ഷ​ണ​ത്തി​നു ഫലം കിട്ടു​ക​തന്നെ ചെയ്യും!”