അശ്ലീലം കോളെജിൽ
ആയിരത്തിത്തൊള്ളായിരത്തിത്തൊണ്ണൂററിമൂന്ന് നവംബർ 1-ലെ സാൻഫ്രാൻസിസ്കോ ക്രോണിക്കിളിൽ വന്ന “മാററിയറും റോസും ചേർന്നു തയ്യാറാക്കിയ റിപ്പോർട്ട്” സാൻഫ്രാൻസിസ്കോ സ്റേറററ് യൂണിവേഴ്സിററിയിൽ നടത്തിയ വിവാദപരമായ ഒരു ക്ലാസ്സിനെ പരാമർശിച്ചിരുന്നു. മനുഷ്യലൈംഗികത എന്ന വിഷയത്തെക്കുറിച്ച് പ്രൊഫസർ ജോൺ ഡെക്കക്കോ ആണ് അതു നടത്തിയത്. മാററിയറും റോസും അതിനെക്കുറിച്ചു പിൻവരുന്നപ്രകാരം അഭിപ്രായപ്പെടുന്നു:
“എന്തൊരു ക്ലാസ്സാണത്. എസ്എഫ്എസ്യു ഡിഗ്രി കിട്ടാൻ വേണ്ടി കാമാസക്തമായ മൂന്നു നിബന്ധനകൾക്കായി നിങ്ങൾ പരതുകയാണെങ്കിൽ ക്ലാസ്സ് സിലബസ്സിൽ പട്ടികപ്പെടുത്തിയിരിക്കുന്ന ലൈംഗികോത്തേജകമായ (ചിലപ്പോൾ രാഷ്ട്രീയപരമായി ശരിയായ) വിഷയങ്ങൾക്കു സമ്മതം മൂളുക.”
എന്നിട്ട് ആ റിപ്പോർട്ട് ഇവ പട്ടികപ്പെടുത്തുന്നു: സ്വയംഭോഗം, ഭിന്നദിശാഭോഗം, പുരുഷസ്വവർഗസംഭോഗം, സ്ത്രീസ്വവർഗസംഭോഗം, മൃഗസംഭോഗം, ക്രൂരവും നികൃഷ്ടവുമായ മദനകേളി മുതലായവ. ഈ പ്രവർത്തനങ്ങൾ സംബന്ധിച്ച ചില പ്രസംഗങ്ങളിൽ വീഡിയോ ടേപ്പുകളും ഉൾപ്പെടുന്നു.
അത്തരം പ്രവർത്തനങ്ങളെ യഹോവ വെറുക്കുന്ന “അറപ്പുളവാക്കുന്ന ആചാരരീതിക”ളോടു താരതമ്യപ്പെടുത്താവുന്നതാണ്. ലേവ്യപുസ്തകം 18-ാമധ്യായത്തിലെ മോശൈക ന്യായപ്രമാണ സംഹിതയിൽ ഇവ എണ്ണിപ്പറഞ്ഞിരിക്കുന്നു. അഗമ്യഗമനരീതിയിലുള്ള പ്രവൃത്തികളെയും വ്യഭിചാരത്തെയും മററു തരത്തിലുള്ള ലൈംഗിക വൈകൃതങ്ങളെയും കുററംവിധിച്ചശേഷം 22-ഉം 23-ഉം വാക്യങ്ങൾ ഇപ്രകാരം പ്രസ്താവിക്കുന്നു: “സ്ത്രീയോടു എന്നപോലെ പുരുഷനോടുകൂടെ ശയിക്കരുതു; അതു മ്ലേച്ഛത. യാതൊരു മൃഗത്തോടുംകൂടെ ശയിച്ചു അതിനാൽ നിന്നെ അശുദ്ധനാക്കരുതു; യാതൊരു സ്ത്രീയും ഒരു മൃഗത്തോടുകൂടെ ശയിക്കേണ്ടതിന്നു അതിന്റെ മുമ്പിൽ നില്ക്കയും അരുതു; അതു നികൃഷ്ടം.”
യഹോവ വെറുക്കുന്ന ഈ കാര്യങ്ങൾ ചെയ്തു ശീലിച്ചാൽ അവന്റെ കുററവിധിയിലേ അതു കലാശിക്കുകയുള്ളൂ: “ഇവയിൽ ഒന്നുകൊണ്ടും നിങ്ങളെ തന്നേ അശുദ്ധരാക്കരുതു; ഞാൻ നിങ്ങളുടെ മുമ്പിൽനിന്നു നീക്കിക്കളയുന്ന ജാതികൾ ഇവയാൽ ഒക്കെയും തങ്ങളെത്തന്നേ അശുദ്ധരാക്കിയിരിക്കുന്നു. ദേശവും അശുദ്ധമായിത്തീർന്നു; അതുകൊണ്ടു ഞാൻ അതിന്റെ അകൃത്യം അതിൻമേൽ സന്ദർശിക്കുന്നു; ദേശം തന്റെ നിവാസികളെ ഛർദ്ദിച്ചുകളയുന്നു. ആരെങ്കിലും ഈ സകലമ്ലേച്ഛതകളിലും ഏതെങ്കിലും ചെയ്താൽ അങ്ങനെ ചെയ്യുന്നവരെ അവരുടെ ജനത്തിൽനിന്നു ഛേദിച്ചുകളയേണം.”—ലേവ്യപുസ്തകം 18:24, 25, 29.
എസ്എഫ്എസ്യു കോഴ്സിൽ പഠിക്കുന്ന ഒരു വിദ്യാർഥി, “പരമ്പരാഗത രീതിയെ തൂത്തെറിഞ്ഞുകൊണ്ട് ഈ ആളുകൾ മറേറതൊരാളെയും പോലെയാണെന്നു കാണിച്ചതിന്” ഡെക്കക്കോയെ പ്രശംസിക്കുകപോലും ചെയ്തു. മറേറതൊരാളെയും പോലെയോ? തീർച്ചയായും ആളുകൾ പൊതുവേ, സ്വവർഗസംഭോഗം, സ്ത്രീസ്വവർഗസംഭോഗം, ക്രൂരവും നികൃഷ്ടവുമായ മദനകേളികൾ തുടങ്ങിയ കാര്യങ്ങൾ ചെയ്യാറില്ല. അവർ മൃഗങ്ങളുമായി വേഴ്ചയിലേർപ്പെടാറുമില്ല. ഇന്നു സമൂഹത്തിൽ പേടിപ്പെടുത്തുന്ന അളവിൽ ധാർമികാധഃപതനം ഉണ്ടെന്നു സമ്മതിക്കാം, എന്നാൽ ഈ യൂണിവേഴ്സിററിയിൽ വിശദീകരിച്ചുകൊടുക്കുന്ന ഈ പ്രവർത്തനങ്ങൾ പണ്ഡിതപഠനത്തിന്റെയും ഗവേഷണത്തിന്റെയും മുഖംമൂടിയണിഞ്ഞ് നടത്തുന്ന അന്ധമായ അശ്ലീലമാണ്.