ആധുനി​ക​നാ​ളി​ലെ ഒരു നല്ല ശമര്യാ​ക്കാ​രൻ

കാനഡ​യി​ലെ ഒരു സ്‌ത്രീ​ക്കു വാഹന അപകടം നേരിട്ടു. ആധുനി​ക​നാ​ളി​ലെ ഒരു നല്ല ശമര്യാ​ക്കാ​രൻ അവളുടെ സഹായ​ത്തി​നെത്തി. (ലൂക്കൊസ്‌ 10:29-37) അദ്ദേഹ​ത്തി​ന്റെ ദയയാൽ പ്രേരി​ത​യായ അവൾ ദ ജോർജ്‌ടൗൺ ഇൻഡി​പ്പെൻഡൻറിന്‌ പിൻവ​രു​ന്ന​പ്ര​കാ​രം എഴുതി:

‘പ്രിയ പത്രാ​ധി​പർ:

‘രണ്ടു കാരണങ്ങൾ നിമി​ത്ത​മാ​ണു ഞാൻ എഴുതു​ന്നത്‌. ഒന്നാമ​താ​യി, കഴിഞ്ഞ വാരാ​ന്ത​ത്തിൽ എന്റെ കാർ നിയ​ന്ത്രണം വിട്ട്‌ ഒരു കുഴി​യി​ലേക്കു പോയ​പ്പോൾ എന്നെ സഹായിച്ച ഒരു ജോർജ്‌ടൗൺ നിവാ​സി​ക്കു നന്ദി പറയാൻ ഞാൻ ആഗ്രഹി​ക്കു​ന്നു.

‘വാഹന​മോ​ടി​ച്ചു പോകു​ക​യാ​യി​രുന്ന മി. ജാൻ സോ​ണ്ടേ​ഴ്‌സ്‌ വണ്ടി നിർത്തി. അദ്ദേഹം എനിക്കു പ്രഥമ​ശു​ശ്രൂഷ ചെയ്യു​ക​യും എന്നെ ആശ്വസി​പ്പി​ക്കു​ക​യും ചെയ്‌തു. ആമ്പുലൻസ്‌ ഡ്രൈ​വർമാ​രും പൊലീ​സും എത്തി എന്റെ കാര്യം ഏറെറ​ടു​ക്കു​ന്ന​തു​വരെ അദ്ദേഹം എന്നോ​ടൊ​പ്പ​മു​ണ്ടാ​യി​രു​ന്നു. മി. സോ​ണ്ടേ​ഴ്‌സി​നെ​പ്പോ​ലെ ഒരു നല്ല ശമര്യാ​ക്കാ​രൻ നിങ്ങളു​ടെ ജനസമു​ദാ​യ​ത്തിൽ ജീവി​ക്കു​ന്ന​തു​കൊണ്ട്‌ ആ സമൂഹം അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു.

‘എന്നെയും ഭർത്താ​വി​നെ​യും വന്നു കാണാൻ മി. സോ​ണ്ടേ​ഴ്‌സ്‌ ആശുപ​ത്രി സന്ദർശി​ച്ചു. ഞാൻ സുഖമാ​യി​രി​ക്കു​ന്നു എന്ന്‌ ഉറപ്പു വരുത്താ​നാ​യി​രു​ന്നു ആ സന്ദർശനം. മി. സോ​ണ്ടേ​ഴ്‌സ്‌ ജോർജ്‌ടൗ​ണി​ലെ യഹോ​വ​യു​ടെ സാക്ഷി​ക​ളു​ടെ ഹെഡ്‌ ഓഫീ​സി​ലാ​ണു പ്രവർത്തി​ക്കു​ന്ന​തെന്നു മനസ്സി​ലാ​ക്കി​യ​പ്പോൾ ഞാൻ അമ്പരന്നു​പോ​യി. അവർ ചികി​ത്സ​യിൽ വിശ്വ​സി​ക്കു​ന്നില്ല എന്നാണു ഞാൻ എപ്പോ​ഴും ചിന്തി​ച്ചി​രു​ന്നത്‌, ഇതാ അവരി​ലൊ​രാൾ എനിക്കു​വേണ്ടി പ്രഥമ​ശു​ശ്രൂഷ ചെയ്‌തി​രി​ക്കു​ന്നു. ഇത്‌ എഴുതു​ന്ന​തി​നുള്ള രണ്ടാമത്തെ കാരണ​ത്തി​ലേക്ക്‌ അത്‌ എന്നെ കൊ​ണ്ടെ​ത്തി​ക്കു​ന്നു.

‘യഹോ​വ​യു​ടെ സാക്ഷികൾ എന്റെ വീട്ടിൽ വന്നപ്പോ​ഴെ​ല്ലാം ഞാൻ അവരോ​ടു കാട്ടി​യി​ട്ടുള്ള പരുഷ​മായ സ്വഭാ​വ​ത്തിന്‌ ഞാൻ എല്ലാ യഹോ​വ​യു​ടെ സാക്ഷി​ക​ളോ​ടും മാപ്പു ചോദി​ക്കാ​നാ​ഗ്ര​ഹി​ക്കു​ന്നു. നിങ്ങൾ മതഭ്രാ​ന്തൻമാ​രാ​ണെ​ന്നാ​ണു ഞാൻ എല്ലായ്‌പോ​ഴും വിശ്വ​സി​ച്ചി​രു​ന്നത്‌. ഭയങ്കര​മായ ആ നിഗമനം തെററാ​ണെന്നു മി. സോ​ണ്ടേ​ഴ്‌സ്‌ തെളി​യി​ച്ചു. ശരിയാ​ണെന്നു നിങ്ങൾക്കു തോന്നുന്ന കാര്യങ്ങൾ ചെയ്യാൻ ശ്രമി​ക്കുന്ന സാധാരണ ആളുക​ളാ​ണു നിങ്ങൾ.

‘മി. സോ​ണ്ടേ​ഴ്‌സ്‌, നിങ്ങൾക്ക്‌ ഒരിക്കൽകൂ​ടി നന്ദി. നിങ്ങളു​ടെ വിശ്വാ​സം കാത്തു​കൊൾക. ദൈവം നിങ്ങളെ അനു​ഗ്ര​ഹി​ക്കട്ടെ.

‘ററി. എം., ടൊറ​ന്റോ’

‘നീ നിന്നെ​പ്പോ​ലെ​തന്നെ നിന്റെ അയൽക്കാ​രനെ സ്‌നേ​ഹി​ക്കണ’മെന്നു യഹോ​വ​യു​ടെ സാക്ഷികൾ വിശ്വ​സി​ക്കു​ന്നു. (ലൂക്കൊസ്‌ 10:27) യഹോ​വ​യു​ടെ സാക്ഷി​ക​ളെ​ക്കു​റി​ച്ചു കൂടുതൽ മനസ്സി​ലാ​ക്കാ​നോ ഒരു സൗജന്യ ബൈബി​ള​ധ്യ​യനം ഉണ്ടായി​രി​ക്കാ​നോ ആഗ്രഹിക്കുന്നെങ്കിൽ, Watchtower, H-58 Old Khandala Road, Lonavla, 410 401. Mah.-ക്കോ 5-ാം പേജിൽ കൊടു​ത്തി​രി​ക്കുന്ന അനു​യോ​ജ്യ​മായ വിലാ​സ​ത്തി​ലോ എഴുതുക.