മിടു​മി​ടു​ക്ക​രായ കൊച്ചു ഗൃഹപ​രി​പാ​ല​കർ

ദക്ഷിണാഫ്രിക്കയിലെ ഉണരുക! ലേഖകൻ

ആഫ്രിക്കൻ മഴവന​ങ്ങ​ളി​ലെ ഇടസ്ഥല​ങ്ങ​ളിൽ കാണ​പ്പെ​ടുന്ന ഒരു മരമാണ്‌ ശാഖകൾക്ക്‌ അത്ര കെൽപ്പൊ​ന്നു​മി​ല്ലാത്ത ബർട്ടീ​രിയ. ഇതു പരമാ​വധി വളർന്നാൽ മാത്രമേ വനത്തിന്റെ സാധാരണ പൊക്കം കൈവ​രി​ക്കു​ക​യു​ള്ളൂ. മററു മരങ്ങൾക്കൊ​പ്പം ഇതു സാധി​ച്ചെ​ടു​ക്കു​ക​യെ​ന്നാൽ, അത്‌ ഒരു പോരാ​ട്ടം​ത​ന്നെ​യാണ്‌. ഈ പോരാ​ട്ടം വിജയി​ക്ക​ണ​മെ​ങ്കിൽ പടർന്നു​ക​യറി വരിഞ്ഞു​മു​റു​ക്കുന്ന വള്ളി​ച്ചെ​ടി​ക​ളെ​യും ഇലകളിൽ പ്രകാ​ശ​മെ​ത്തു​ന്ന​തി​നു തടസ്സമാ​കുന്ന പൂപ്പലു​ക​ളെ​യും അകററി​നിർത്തണം. പക്ഷേ ഇക്കാര്യ​ത്തിൽ അതിനു സഹായം ആവശ്യ​മാണ്‌. ഇവി​ടെ​യാണ്‌ കട്ടുറു​മ്പു​കൾ ഗൃഹപ​രി​പാ​ല​ക​രാ​യി ഒരു നിർണാ​യക പങ്കുവ​ഹി​ക്കു​ന്നത്‌. ഉറുമ്പും മരവും തമ്മിലുള്ള ഈ ബന്ധം കാമറൂ​ണി​ലെ മഴവന​മായ കോറൂ​പിൽവെച്ച്‌ ഫിലി​മിൽ പകർത്തു​ക​യു​ണ്ടാ​യി. ഫിൽ അഗ്‌ളണ്ട്‌, മൈക്കൾ റോസൻബർഗ്‌ എന്നിവർ ചേർന്നു നിർമിച്ച ആഫ്രിക്കൻ മഴവന​മായ കോറൂപ്‌ [ഇംഗ്ലീഷ്‌] എന്ന ടിവി ഡോക്യു​മെൻറ​റി​യു​ടെ ഭാഗമാ​യി​ട്ടാ​യി​രു​ന്നു അത്‌.

ഒരു ബർട്ടീ​രിയ മരം അന്വേ​ഷി​ച്ചു​ന​ട​ക്കുന്ന ഒരു പുതിയ ഉറുമ്പു​രാ​ജ്ഞി​യെ ഡോക്യു​മെൻററി അവതരി​പ്പി​ക്കു​ന്നു. തന്റെ കോളനി സ്ഥാപി​ക്കാൻ പററിയ സ്ഥലം കെൽപ്പു​കു​റഞ്ഞ അതിന്റെ ശിഖര​ങ്ങ​ളാ​ണെന്ന്‌ അവൾക്ക്‌ സഹജജ്ഞാ​ന​ത്താൽ അറിയാം. ശിഖര​ത്തിൽ ഒരു തുളയു​ണ്ടാ​ക്കി അവൾ അതിൽ മുട്ടയി​ടു​ന്നു. ഈ മരത്തിൽനി​ന്നു പൊട്ടി​യൊ​ഴു​കുന്ന ദ്രവ്യം കഴിക്കാ​നെ​ത്തുന്ന ചെറു​കീ​ട​ങ്ങൾക്കും ഇതിന്റെ ചില്ലകൾ ഭവനമാണ്‌. ഈ കീടങ്ങൾ ഉറുമ്പു​കൾക്ക്‌ പുഷ്ടി​പ്പെ​ടു​ത്തുന്ന ഒരു പാനീയം ചുരത്തി​ക്കൊ​ടു​ക്കു​ന്ന​തി​നാൽ ഉറുമ്പു​കൾ അവയെ കന്നുകാ​ലി​ക​ളെ​പ്പോ​ലെ പരിര​ക്ഷി​ക്കു​ന്നു.

ഉറുമ്പു കോളനി വേണ്ടത്ര വലുതാ​യി​ക്ക​ഴി​ഞ്ഞാ​ലു​ടൻ മററു താമസ​ക്കാ​രെ കുടി​യൊ​ഴി​പ്പി​ക്കാ​നും മരത്തെ വെടി​പ്പാ​ക്കാ​നും തുടങ്ങു​ന്നു. ഈ സമർഥ​രായ ചെറു​ഗൃ​ഹ​പാ​ല​കരെ ഒന്നു നിരീ​ക്ഷി​ക്കുക. എന്തൊരു വശ്യത! ചിലതു മരത്തിന്റെ അടിയി​ലേക്ക്‌ ഇറങ്ങി​ച്ചെന്ന്‌ വള്ളി​ച്ചെ​ടി​കളെ ആക്രമി​ക്കു​ന്നു. അവയാൽ വരിഞ്ഞു​മു​റു​ക്ക​പ്പെ​ടും എന്ന ഭീഷണി​യി​ലാണ്‌ മരം. ഉറുമ്പു​കൾ അതിന്റെ തണ്ടുകൾ മുതൽ കാർന്നു​തി​ന്നു​ന്നു. അങ്ങനെ വള്ളി​ച്ചെ​ടി​കളെ നശിപ്പി​ക്കു​ന്നു. മററ്‌ ഉറുമ്പു​കൾ ഇലകളിൽനി​ന്നു പാഴ്‌വ​സ്‌തു​ക്കൾ, പൂപ്പ്‌, പായൽ എന്നിവ നീക്കി ഇലകളെ വെടി​പ്പാ​ക്കു​ന്ന​താ​യി കാണാ​വു​ന്ന​താണ്‌. ഇലയുടെ അടിയിൽ ഒളിഞ്ഞി​രി​ക്കുന്ന പുഴു​വി​നെ​പ്പോ​ലും പുറത്തു ചാടി​ക്കു​ന്നു.

ടിവി ഡോക്യു​മെൻററി ഇങ്ങനെ വിശദീ​ക​രി​ക്കു​ന്നു: “ഗണിത​ക​ണി​ശ​ത​യോ​ടെ ഉറുമ്പു​കൾ പാഴ്‌വ​സ്‌തു​ക്ക​ളു​ടെ ഓരോ കഷണവും വെടി​പ്പാ​ക്കു​ന്നു. കേടു​വ​രു​ത്തുന്ന സകല കീടങ്ങ​ളും വള്ളി​ച്ചെ​ടി​ക​ളും നീക്ക​പ്പെ​ട്ടു​ക​ഴി​യു​മ്പോൾ ഉറുമ്പു​ക​ളിൽനി​ന്നുള്ള സംരക്ഷ​ണ​ത്തോ​ടെ ബർട്ടീ​രിയ മരത്തിനു മററു മരങ്ങളു​മാ​യി ഫലപ്ര​ദ​മാ​യി കിടപി​ടി​ക്കാ​നാ​വും. തത്‌ഫ​ല​മാ​യി, ഭക്ഷണത്തി​നു​വേ​ണ്ടി​യുള്ള ഏക ഉറവായ ചെറു​കീ​ട​ങ്ങളെ അതിൻമേ​ലി​രു​ത്തി പരിപാ​ലി​ക്കാ​നും കുഞ്ഞു​റു​മ്പു​കളെ വളർത്തി​ക്കൊ​ണ്ടു​വ​രാ​നും ബർട്ടീ​രിയ മരത്തിന്റെ കുരു​ന്നു​ചി​ല്ലകൾ ഉപയോ​ഗ​പ്പെ​ടു​ത്തു​ന്ന​തിന്‌ ഉറുമ്പു​കൾക്കു കഴിയു​ന്നു.”

ഈ ഉറുമ്പു​കൾ, എന്തൊരു പരി​ശ്ര​മ​ശാ​ലി​ക​ളായ ജോലി​ക്കാർ! ഒരു പുരാതന സദൃശ​വാ​ക്യം പറയുന്നു: “മടിയാ, ഉറുമ്പി​ന്റെ അടുക്കൽ ചെല്ലുക; അതിന്റെ വഴികളെ നോക്കി ബുദ്ധി​പ​ഠിക്ക.”—സദൃശ​വാ​ക്യ​ങ്ങൾ 6:6.