നിങ്ങളു​ടെ കുട്ടി​യി​ലെ സമ്മർദ​ത്തി​ന്റെ ലക്ഷണങ്ങൾ വായി​ച്ച​റി​യൽ

“സമ്മർദ​ത്തി​ന്റെ വികാ​രങ്ങൾ സാധാ​ര​ണ​മാ​യി പ്ലവനാ​ത്മ​ക​ങ്ങളല്ല: അവ സാധാ​ര​ണ​മാ​യി പ്രത്യേക സംഭവ​ങ്ങ​ളോ​ടോ സാഹച​ര്യ​ങ്ങ​ളോ​ടോ ഉള്ള പ്രതി​ക​ര​ണ​ങ്ങ​ളാണ്‌.”—ഡോ. ലില്യാൻ ജി. കാററ്‌സ്‌.

ഇരുണ്ട, മൂടൽമ​ഞ്ഞുള്ള ഒരു രാത്രി​യിൽ വിമാനം പറപ്പി​ക്കു​മ്പോൾ താൻ എങ്ങോ​ട്ടാ​ണു പോകു​ന്ന​തെന്നു വൈമാ​നി​കന്‌ എങ്ങനെ കാണാൻ കഴിയും? പറന്നു​യ​രു​ന്ന​തു​മു​തൽ നിലത്തി​റ​ങ്ങു​ന്ന​തു​വരെ അദ്ദേഹം സൂചന​കളെ ആശ്രയി​ക്കു​ന്നു. ഒരു വലിയ വിമാ​ന​ത്തി​ന്റെ കോക്ക്‌പി​റ​റി​ലെ ഫലകങ്ങ​ളിൽ നൂറി​ല​ധി​കം ഉപകര​ണങ്ങൾ ഘടിപ്പി​ച്ചി​ട്ടുണ്ട്‌, ഓരോ​ന്നും ജീവൽപ്ര​ധാ​ന​മായ വിവരങ്ങൾ അറിയി​ക്കു​ക​യും ഉണ്ടാകാ​നി​ട​യുള്ള പ്രശ്‌നങ്ങൾ സംബന്ധി​ച്ചു വൈമാ​നി​കനെ ജാഗരൂ​ക​നാ​ക്കു​ക​യും ചെയ്യുന്നു.

നമ്മുടെ സമ്മർദ​പൂ​രി​ത​മായ ലോക​ത്തിൽ വളർന്നു​വ​രു​ന്നത്‌ ഒരു കൊടു​ങ്കാ​റ​റിൽക്കൂ​ടി പറക്കു​ന്നതു പോ​ലെ​യാണ്‌. ശൈശ​വ​ത്തിൽനിന്ന്‌ യൗവന​ത്തി​ലേ​ക്കുള്ള ഒരു സുഗമ​മായ പറക്കൽ മാതാ​പി​താ​ക്കൾക്ക്‌ എങ്ങനെ സാധ്യ​മാ​ക്കാൻ കഴിയും? അനേക കുട്ടി​ക​ളും തങ്ങളുടെ സമ്മർദ​ങ്ങ​ളെ​ക്കു​റി​ച്ചു സംസാ​രി​ക്കാ​ത്ത​തി​നാൽ മാതാ​പി​താ​ക്കൾ ലക്ഷണങ്ങൾ വായി​ച്ച​റി​യാൻ പഠിക്കണം.

ശരീരം “സംസാ​രി​ക്കു​ന്നു”

കുട്ടി​ക്കു​ണ്ടാ​കുന്ന സമ്മർദം പലപ്പോ​ഴും ശരീര​ത്തി​ലൂ​ടെ വിനി​യമം ചെയ്യ​പ്പെ​ടു​ന്നു. ആമാശയ പ്രശ്‌നങ്ങൾ, തലവേദന, ക്ഷീണം, ഉറക്കം സംബന്ധിച്ച ക്രമ​ക്കേ​ടു​കൾ, വിസർജ​ന​പ്ര​ശ്‌നങ്ങൾ എന്നിവ ഉൾപ്പെടെ മാനസിക കാരണ​ങ്ങ​ളാ​ലു​ണ്ടാ​കുന്ന ശാരീ​രിക പ്രതി​ക​ര​ണങ്ങൾ, എന്തോ പിശകു​ണ്ടെ​ന്നു​ള്ള​തി​ന്റെ ലക്ഷണങ്ങൾ ആയിരി​ക്കാം.a

ഷാറൊ​ന്റെ കേൾവി​ക്കു​റവ്‌ തീവ്ര​മായ ഏകാന്ത​ത​യു​ടെ ഒരു കാലഘ​ട്ട​ത്തി​ന്റെ പാരമ്യ​മാ​യി​രു​ന്നു. എമി സ്‌കൂ​ളിൽ പോയ​പ്പോൾ തന്റെ അമ്മയെ പിരിഞ്ഞു നിന്നതു​കൊ​ണ്ടുള്ള ഭയം​കൊണ്ട്‌ അവൾക്ക്‌ ആമാശയ പേശി​ക​ളു​ടെ വലിച്ചിൽ അനുഭ​വ​പ്പെട്ടു. ജോണി​നു​ണ്ടായ മലബന്ധം തന്റെ മാതാ​പി​താ​ക്കൾ തമ്മിലുള്ള ക്രൂര​മായ വഴക്കു കാണു​മ്പോൾ ഉണ്ടാകു​മാ​യി​രുന്ന പിരി​മു​റു​ക്ക​ത്തി​ന്റെ ഫലമാ​യി​രു​ന്നു.

പത്തു വയസ്സു​കാ​രി​യായ ആഷ്‌ലി​യെ സംബന്ധി​ച്ച​ട​ത്തോ​ളം ലൈം​ഗിക പീഡന​ത്തി​നു ശാരീ​രി​ക​മായ പരിണ​ത​ഫ​ല​ങ്ങ​ളു​ണ്ടാ​യി​രു​ന്നു. “എനിക്കു സുഖമി​ല്ലാ​ഞ്ഞ​തു​കൊണ്ട്‌ [ഒരു ബലാൽസം​ഗത്തെ തുടർന്ന്‌] ഒരാഴ്‌ച​ത്തേക്ക്‌ സ്‌കൂ​ളിൽ പോകാ​തി​രു​ന്നതു ഞാൻ ഓർക്കു​ന്നു,” അവൾ അനുസ്‌മ​രി​ക്കു​ന്നു. വെൻ യുവർ ചൈൽഡ്‌ ഹാസ്‌ ബീൻ മൊ​ളെ​സ്‌റ​റഡ്‌ എന്ന പുസ്‌തകം ഇപ്രകാ​രം വിശദീ​ക​രി​ക്കു​ന്നു: “പീഡാ​നു​ഭ​വ​ഭാ​രം ആരോ​ഗ്യ​മി​ല്ലാ​ത്ത​വ​നാ​യി​ത്തീ​രുന്ന​തി​നു കുട്ടിയെ ഞെരു​ക്കി​യേ​ക്കാം.” ശാരീ​രി​ക​മായ വിഷമ​തകൾ, വിസർജന സമയത്തു​ണ്ടാ​കുന്ന വേദന, തുട​രെ​ത്തു​ടരെ ഉണ്ടാകുന്ന വയറു​വേദന, തലവേദന, വ്യക്തമായ കാരണ​മി​ല്ലാ​തെ​യുള്ള അസ്ഥിയു​ടെ​യോ മാംസ​പേ​ശി​ക​ളു​ടെ​യോ വേദന എന്നിവ അത്തരത്തി​ലുള്ള വിഷമ​സ്ഥി​തി​യു​ടെ സാധ്യ​ത​യുള്ള ശാരീ​രിക ലക്ഷണങ്ങ​ളിൽ പെടു​ന്ന​വ​യാണ്‌.

രോഗം മാനസിക കാരണ​ങ്ങ​ളാ​ലു​ള്ള​താ​യി തോന്നു​മ്പോൾ മാതാ​പി​താ​ക്കൾ ലക്ഷണം ഗൗരവ​മാ​യി എടുക്കണം. “കുട്ടി രോഗം നടിക്കു​ന്ന​താ​ണോ അല്ലയോ എന്നതല്ല സംഗതി, അതിന്‌ അടിസ്ഥാ​ന​മാ​യി​രി​ക്കുന്ന പ്രശ്‌ന​മാ​ണു സുപ്ര​ധാ​ന​മാ​യി​ട്ടു​ള്ളത്‌” എന്ന്‌ ഡോ. ആലിസ്‌ ഹോനിഗ്‌ പ്രസ്‌താ​വി​ക്കു​ന്നു.

പ്രവൃത്തി വാക്കി​നേ​ക്കാൾ ഉച്ചത്തിൽ സംസാ​രി​ക്കു​ന്നു

സ്വഭാ​വ​ത്തിൽ പെട്ടെ​ന്നുള്ള ഒരു മാററം പലപ്പോ​ഴും സഹായ​ത്തി​നുള്ള ഒരു വിളി​യാണ്‌. ഗിവിങ്ങ്‌ സോറോ വേർഡ്‌സ്‌ എന്ന പുസ്‌തകം ഇപ്രകാ​രം സൂചി​പ്പി​ക്കു​ന്നു: “ഒരു നല്ല വിദ്യാർഥിക്ക്‌ താണ ഗ്രേഡു​കൾ കിട്ടി തുടങ്ങു​മ്പോൾ അതു ശ്രദ്ധ അർഹി​ക്കു​ന്നു, നേരത്തെ ശല്യക്കാ​ര​നാ​യി​രുന്ന ഒരു കുട്ടി ഒരു ദൈവ​ദൂ​ത​നാ​യി മാറു​മ്പോ​ഴും അതുതന്നെ സത്യമാണ്‌.”

ഏഴുവ​യ​സ്സു​കാ​ര​നായ ററിമ്മി​യു​ടെ പെട്ടെ​ന്നുള്ള കിടപ്പു രീതി, അവന്റെ അമ്മ തന്റെ ജോലി​യിൽ പൂർണ​മാ​യും മുഴു​കി​യ​പ്പോൾ തുടങ്ങി. ആറുവ​യ​സ്സു​കാ​ര​നായ ആഡമിന്റെ പെട്ടെ​ന്നുള്ള പരുക്കൻ സ്വഭാവം സ്‌കൂ​ളി​ലെ അസമർഥത സംബന്ധിച്ച തോന്ന​ലു​ക​ളിൽ വേരൂ​ന്നി​യ​താ​യി​രു​ന്നു. ഏഴു വയസ്സുള്ള കാൾ വീണ്ടും കിടക്ക​യിൽ മൂത്ര​മൊ​ഴി​ക്കാൻ തുടങ്ങി​യത്‌, അവന്റെ ഇളയ സഹോ​ദ​രി​യി​ലേക്ക്‌ ഇപ്പോൾ വ്യതി​ച​ലി​പ്പി​ക്ക​പ്പെ​ട്ട​താ​യി തോന്നിയ, മാതാ​പി​താ​ക്ക​ളു​ടെ അംഗീ​കാ​ര​ത്തി​നു വേണ്ടി​യുള്ള അവന്റെ തീവ്ര​മായ അഭിലാ​ഷത്തെ പ്രകട​മാ​ക്കി.

സ്വവി​നാ​ശ​ക​ര​മായ സ്വഭാവം വിശേ​ഷാൽ ശല്യം ചെയ്യു​ന്ന​താണ്‌. പന്ത്രണ്ടു വയസ്സു​കാ​രി​യായ സാറാ​യ്‌ക്കു കൂടെ​ക്കൂ​ടെ​യു​ണ്ടായ അപകടങ്ങൾ വികൃതി നിമിത്തം മാത്ര​മാ​ണെന്നു പറയാൻ കഴിയു​മാ​യി​രു​ന്നില്ല. അവളുടെ മാതാ​പി​താ​ക്ക​ളു​ടെ വിവാ​ഹ​മോ​ച​നം​മു​തൽ, വേർപെ​ട്ടു​പോയ പിതാ​വി​ന്റെ വാത്സല്യം വീണ്ടെ​ടു​ക്കാൻ ശ്രമി​ക്കു​ന്ന​തിന്‌ അവൾ അറിയാ​തെ ഉപയോ​ഗി​ച്ചി​രുന്ന മാർഗം സ്വയം ദ്രോ​ഹി​ക്കൽ ആയിരു​ന്നു. സ്വയം ഏൽപ്പി​ക്കുന്ന നിസ്സാ​ര​മായ മുറി​വു​ക​ളാ​യാ​ലും ആത്മഹത്യാ​ശ്ര​മം​പോ​ലെ ഗൗരവ​മേ​റിയ കാര്യ​മാ​യാ​ലും സ്വവി​നാ​ശ​ക​ര​മായ സ്വഭാ​വ​ത്തി​ലൂ​ടെ തന്നി​ലേ​ക്കു​തന്നെ തിരി​യുന്ന ആക്രമണം കഠിന​മായ സമ്മർദ​ത്തി​ന്റെ ഒരു ലക്ഷണമാണ്‌.

ഹൃദയ​ത്തിൽനി​ന്നു സംസാ​രി​ക്കു​ന്നു

“ഹൃദയം നിറഞ്ഞു​ക​വി​യു​ന്നതു വായ്‌ സംസാ​രി​ക്കു​ന്നു” എന്ന്‌ യേശു പറയു​ക​യു​ണ്ടാ​യി. (മത്തായി 12:34) നിഷേ​ധാ​ത്മക ചിന്താ​ഗ​തി​ക​ളാൽ ഭരിക്ക​പ്പെ​ടുന്ന ഒരു ഹൃദയം സാധാ​ര​ണ​മാ​യി കുട്ടി പറയു​ന്ന​തെ​ന്താ​ണോ അതിനാൽ വെളി​പ്പെ​ടു​ന്നു.

“‘ആർക്കും എന്നെ ഇഷ്ടമല്ല’ എന്നു പറഞ്ഞു​കൊ​ണ്ടു വീട്ടി​ലേക്കു വരുന്ന കുട്ടികൾ അവരെ​ത്തന്നെ അവർ ഇഷ്ടപ്പെ​ടു​ന്നില്ല എന്നു യഥാർഥ​ത്തിൽ നിങ്ങ​ളോ​ടു പറയു​ക​യാ​കു​ന്നു” എന്ന്‌ ഡോ. ലൊറെൻ സ്‌റേറൺ പ്രസ്‌താ​വി​ക്കു​ന്നു. ആത്മപ്ര​ശംസ നടത്തു​ന്നതു സംബന്ധി​ച്ചും ഇതുതന്നെ സത്യമാ​യി​രി​ക്കാം. ആത്മാഭി​മാ​ന​ക്കു​റ​വി​ന്റെ വിപരീ​ത​മാ​ണു ബാഹ്യ​ദൃ​ഷ്ട്യാ പ്രകടി​പ്പി​ക്കു​ന്ന​തെ​ങ്കി​ലും യഥാർഥ​മോ സാങ്കല്‌പി​ക​മോ ആയ നേട്ടങ്ങളെ സംബന്ധി​ച്ചു വീമ്പി​ള​ക്കു​ന്നത്‌ അസമർഥ​ത​യു​ടെ ആഴമായ വികാ​ര​ങ്ങളെ തരണം ചെയ്യാ​നുള്ള ഒരു ശ്രമമാ​യി​രി​ക്കാം.

ശരിയാണ്‌, എല്ലാ കുട്ടി​കൾക്കും അസുഖം ബാധി​ക്കു​ക​യും വല്ലപ്പോ​ഴും തെററാ​യി പെരു​മാ​റു​ക​യും ഇടക്കി​ട​യ്‌ക്ക്‌ തങ്ങളെ​ക്കു​റി​ച്ചു​തന്നെ നിരാ​ശ​പ്പെ​ടു​ക​യും ചെയ്യുന്നു. എന്നാൽ അങ്ങനെ​യുള്ള പ്രശ്‌നങ്ങൾ ഒരു സ്വഭാ​വ​മാ​കു​ക​യും ആസന്ന കാരണ​മൊ​ന്നും വ്യക്തമ​ല്ലാ​തി​രി​ക്കു​ക​യും ചെയ്യു​മ്പോൾ മാതാ​പി​താ​ക്കൾ ലക്ഷണങ്ങ​ളു​ടെ അർഥം തൂക്കി​നോ​ക്കണം.

അങ്ങേയ​റ​റം ക്രൂര​മായ ഒരു ആക്രമ​ണ​ത്തി​നു കുററ​ക്കാ​രാ​യി​രുന്ന ആറു കൗമാ​ര​പ്രാ​യ​ക്കാ​രു​ടെ ബാല്യ​കാല സ്വഭാ​വ​രീ​തി​കൾ പരി​ശോ​ധി​ച്ച​ശേഷം മേരി സൂസൻ മില്ലർ ഇപ്രകാ​രം സൂചി​പ്പി​ച്ചു: “എല്ലാ ലക്ഷണങ്ങ​ളും ഉണ്ടായി​രു​ന്നു. ആൺകു​ട്ടി​കൾ വർഷങ്ങ​ളാ​യി തങ്ങളുടെ ജീവി​ത​രീ​തി​യിൽ ലക്ഷണങ്ങൾ പ്രകടി​പ്പി​ച്ചി​ട്ടു​ണ്ടാ​യി​രു​ന്നു, എന്നാൽ ആരും ഒരു ശ്രദ്ധയും കൊടു​ത്തില്ല. മുതിർന്നവർ കണ്ടു, പക്ഷേ അവർ അവഗണി​ച്ചു​ക​ളഞ്ഞു.”

ബാല്യ​കാ​ല സമ്മർദ​ത്തി​ന്റെ ലക്ഷണങ്ങൾ തിരി​ച്ച​റി​യു​ന്ന​തി​നും അതിന്റെ അടിസ്ഥാ​ന​ത്തിൽ പ്രവർത്തി​ക്കു​ന്ന​തി​നും മാതാ​പി​താ​ക്കൾ ഇന്ന്‌ എന്നത്തേ​തി​ലും അധിക​മാ​യി ജാഗരൂ​ക​രാ​യി​രി​ക്കണം.

[8-ാം പേജിലെ ചതുരം]

ഗർഭാശയത്തിൽ സമ്മർദ​മോ?

ഒരു ഗർഭസ്ഥ​ശി​ശു​വി​നു​പോ​ലും രക്തപ്ര​വാ​ഹ​ത്തി​ലെ രാസമാ​റ​റ​ങ്ങ​ളി​ലൂ​ടെ അതിന്റെ മാതാവ്‌ വിനി​യമം ചെയ്യുന്ന സമ്മർദ​വും ഭയവും ഉത്‌ക​ണ്‌ഠ​യും തിരി​ച്ച​റി​യാൻ കഴിയും. “വളർച്ച പ്രാപി​ച്ചു​കൊ​ണ്ടി​രി​ക്കുന്ന ഗർഭസ്ഥ​ശി​ശു ഗർഭിണി അനുഭ​വി​ക്കുന്ന ഓരോ ചെറിയ പിരി​മു​റു​ക്ക​വും അനുഭ​വി​ക്കു​ന്നു” എന്ന്‌ ലിൻഡാ ബെർഡ്‌ ഫ്രാങ്കെ ഗ്രോ​യിങ്ങ്‌ അപ്പ്‌ ഡൈ​വോ​ഴ്‌സ്‌ഡ്‌ എന്ന പുസ്‌ത​ക​ത്തിൽ എഴുതു​ന്നു. “ഗർഭസ്ഥ​ശി​ശു​വി​ന്റെ​യും സ്‌ത്രീ​യു​ടെ​യും നാഡീ​വ്യൂ​ഹങ്ങൾ നേരിട്ടു ബന്ധിക്ക​പ്പെ​ട്ടി​ട്ടി​ല്ലെ​ങ്കി​ലും വേർപെ​ടു​ത്താൻ കഴിയാത്ത ഒരു ഏകദിശാ ബന്ധം രണ്ടു പേരു​ടെ​യും ഇടയി​ലുണ്ട്‌.” ടൈം മാസിക പറയു​ന്ന​പ്ര​കാ​രം, 18 മാസവും അതിൽ താഴെ​യും പ്രായ​മുള്ള ശിശു​ക്ക​ളു​ടെ ഏതാണ്ട്‌ 30 ശതമാനം വൈകാ​രിക പിൻമാ​റ​റം​മു​തൽ വേവലാ​തി മൂലമു​ണ്ടാ​കുന്ന രോഗ​ങ്ങൾവ​രെ​യുള്ള സമ്മർദ സംബന്ധ​മായ വിഷമ​ത​ക​ളാൽ കഷ്ടപ്പെ​ടു​ന്ന​തെ​ന്തു​കൊ​ണ്ടെന്ന്‌ ഇതു വിശദീ​ക​രി​ച്ചേ​ക്കാം. “അസന്തു​ഷ്ട​രും ദുഃഖി​ത​രും ആയ സ്‌ത്രീ​കൾക്കു ജനിക്കുന്ന കുട്ടികൾ പലപ്പോ​ഴും അസന്തു​ഷ്ട​രും ദുഃഖി​ത​രും ആണ്‌,” ഫ്രാങ്കെ നിഗമനം ചെയ്യുന്നു.

[9-ാം പേജിലെ ചതുരം]

ഒരു കുട്ടി ആത്മഹത്യ ചെയ്യാൻ ശ്രമി​ക്കു​മ്പോൾ

“ഞാൻ ഒരു നൂറു വർഷ​ത്തേക്ക്‌ ഉറങ്ങി​യാൽ എന്തു സംഭവി​ക്കും?” ലെററി തന്റെ പിതാ​വി​നോ​ടു ചോദി​ച്ചു. ബാലി​ശ​മായ ഒരു ചോദ്യം, അദ്ദേഹം വിചാ​രി​ച്ചു. എന്നാൽ ലെററി ബാലിശ ചിന്താ​ഗ​തി​ക്കാ​രി ആയിരു​ന്നില്ല. പല ദിവസ​ങ്ങൾക്കു ശേഷം, ഒരു കുപ്പി ഉറക്ക ഗുളിക വിഴു​ങ്ങി​യതു നിമിത്തം അവൾ ആശുപ​ത്രി​യി​ലാ​ക്ക​പ്പെട്ടു.

നിങ്ങളു​ടെ കുട്ടി ആത്മഹത്യ​യെ​ക്കു​റി​ച്ചു ചിന്തി​ക്കു​ക​യോ യഥാർഥ​ത്തിൽ അതിനു​വേണ്ടി ശ്രമി​ക്കു​ക​യോ ചെയ്യു​ക​യാ​ണെ​ങ്കിൽ നിങ്ങൾ എന്തു ചെയ്യണം? “പെട്ടെ​ന്നുള്ള വിദഗ്‌ധ സഹായം തേടുക” എന്ന്‌ വിഷാദം—കുടും​ബങ്ങൾ അറിഞ്ഞി​രി​ക്കേ​ണ്ടത്‌ (Depression—What Families Should Know) എന്ന പുസ്‌തകം ഉദ്‌ബോ​ധി​പ്പി​ക്കു​ന്നു. “ആത്മഹത്യാ​സാ​ധ്യ​തകൾ കൈകാ​ര്യം ചെയ്യു​ന്നത്‌ അവിദ​ഗ്‌ധർക്കുള്ള ജോലി അല്ല, വിഷാ​ദ​മുള്ള വ്യക്തിയെ സംബന്ധി​ച്ചു നന്നായി കരുതു​ന്ന​വർക്കു​പോ​ലു​മു​ള്ളതല്ല. അവനോ അവളോ നിശബ്ദ​മാ​യി​രി​ക്കു​ക​യും ഭയങ്കര​മായ ഫലങ്ങ​ളോ​ടെ പൊട്ടി​ത്തെ​റി​ക്കു​ന്ന​തു​വരെ എല്ലാ വികാ​ര​ങ്ങ​ളും ഉള്ളിൽ ഒതുക്കു​ക​യും ചെയ്യു​മ്പോൾ നിങ്ങളു​ടെ കുടും​ബാം​ഗ​ത്തോട്‌ ആത്മഹത്യ ചെയ്യരു​തെന്നു പറഞ്ഞി​ട്ടുണ്ട്‌ എന്നു നിങ്ങൾ വിചാ​രി​ച്ചേ​ക്കാം.”

ശരിയായ ചികിത്സ നടത്തു​ന്ന​പക്ഷം ആത്മഹത്യ ചെയ്യാൻ ശ്രമി​ക്കുന്ന കുട്ടിയെ സംബന്ധി​ച്ച​ട​ത്തോ​ളം പ്രത്യാ​ശക്കു വകയുണ്ട്‌. “ആത്മഹത്യാ ശ്രമം നടത്തുന്ന അനേക​രും യഥാർഥ​ത്തിൽ അവരെ​ത്തന്നെ കൊല്ലാൻ ആഗ്രഹി​ക്കു​ന്നില്ല” എന്നു മുകളിൽ ഉദ്ധരിച്ച പുസ്‌തകം പ്രസ്‌താ​വി​ക്കു​ന്നു. “അവർ കേവലം ദ്രോഹം നിർത്താൻ ആഗ്രഹി​ക്കു​ന്നു. അവരുടെ ശ്രമങ്ങൾ സഹായ​ത്തി​നുള്ള നിലവി​ളി​യാണ്‌.” ക്രിസ്‌തീയ സഭയിൽ, ആത്മഹത്യാ​പ​ര​മായ പ്രവണ​ത​കളെ കൈകാ​ര്യം ചെയ്യാൻ വിഷമി​ക്കുന്ന മാതാ​പി​താ​ക്കൾക്കു മൂപ്പൻമാ​രിൽനി​ന്നു സ്‌നേ​ഹ​പു​ര​സ്സ​ര​മായ പിന്തു​ണ​യും നല്ല തിരു​വെ​ഴു​ത്തു ബുദ്ധ്യു​പ​ദേ​ശ​വും സ്വീക​രി​ക്കാ​വു​ന്ന​താണ്‌.

[അടിക്കു​റി​പ്പു​കൾ]