കുടും​ബ​ങ്ങളേ—തീരെ വൈകി​പ്പോ​കു​ന്ന​തി​നു മുമ്പ്‌ അടുക്കൂ

“കുടും​ബ​മാണ്‌ ഏററവും പുരാ​ത​ന​മായ മാനു​ഷ​സ്ഥാ​പനം. പലപ്ര​കാ​ര​ത്തി​ലും അതാണ്‌ ഏററവും പ്രധാ​ന​പ്പെ​ട്ടത്‌. അത്‌ സമൂഹ​ത്തി​ന്റെ ഏററവും അടിസ്ഥാ​ന​പ​ര​മായ ഘടകമാണ്‌. കുടും​ബ​ജീ​വി​തം ശക്തമാ​യി​രു​ന്നോ അതോ ദുർബ്ബ​ല​മാ​യി​രു​ന്നോ എന്നതിനെ ആശ്രയി​ച്ചു മുഴു സംസ്‌കാ​ര​ങ്ങ​ളും അതിജീ​വി​ക്കു​ക​യോ അപ്രത്യ​ക്ഷ​പ്പെ​ടു​ക​യോ ചെയ്‌തി​ട്ടുണ്ട്‌.”—ദി വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡി​യാ (1973ലെ പതിപ്പ്‌).

കുടും​ബ​ഘ​ടകം കുട്ടി​കൾക്ക്‌ ഒരു സംരക്ഷ​ണ​ക്കു​ട​യാണ്‌. ഇന്നു മിക്ക സ്ഥലങ്ങളി​ലും ആ കുട സുഷി​രങ്ങൾ നിറഞ്ഞ​താണ്‌; മററ​നേകം സ്ഥലങ്ങളിൽ അതു മടക്കി മറയത്തു മാററി വെക്കു​ക​യാണ്‌. പരമ്പരാ​ഗത രീതി​യി​ലുള്ള കുടും​ബം മിക്ക​പ്പോ​ഴും പഴഞ്ചനെന്ന നിലയിൽ നിരാ​ക​രി​ക്ക​പ്പെ​ടു​ക​യാണ്‌. ടെലി​വി​ഷൻ ഹാസ്യ​ചി​ത്രങ്ങൾ മിക്ക​പ്പോ​ഴും പിതാ​ക്കൻമാ​രെ മടയരാ​യും അമ്മമാരെ കുറേ​ക്കൂ​ടെ സമർത്ഥ​രാ​യും മക്കളെ ഏററം നല്ല അറിവു​ള്ള​വ​രാ​യും ചിത്രീ​ക​രി​ക്കു​ന്നു.

വൈവാ​ഹി​ക അവിശ്വ​സ്‌തത സാധാ​ര​ണ​മാണ്‌. ചില വ്യവസാ​യ​വൽകൃത രാജ്യ​ങ്ങ​ളിൽ ആദ്യവി​വാ​ഹ​ങ്ങ​ളിൽ പകുതി​യും ഉപേക്ഷ​ണ​ത്തിൽ കലാശി​ക്ക​യാണ്‌. വിവാ​ഹ​മോ​ച​ന​ത്തി​ന്റെ ആധിക്യ​ത്താൽ മാതാ​വോ പിതാ​വോ മാത്ര​മുള്ള കുടും​ബങ്ങൾ പെരു​കു​ക​യാണ്‌. നിരവധി ആളുകൾ വിവാ​ഹ​ത്തി​ന്റെ പ്രയോ​ജനം കൂടാതെ ഒന്നിച്ചു​പാർക്കു​ന്നു. സ്വവർഗ്ഗ​സം​ഭോ​ഗി​കൾ വൈവാ​ഹി​ക​പ്ര​തി​ജ്ഞ​യാൽ തങ്ങളുടെ ബന്ധത്തെ ഉത്‌കൃ​ഷ്ട​മാ​ക്കാൻ ശ്രമി​ക്കു​ന്നു. സ്വാഭാ​വി​ക​വും അസ്വാ​ഭാ​വി​ക​വു​മായ ലൈം​ഗി​ക​ത​യാണ്‌ ചലച്ചി​ത്ര​ങ്ങ​ളി​ലെ​യും വിഡി​യോ​ക​ളി​ലെ​യും മുഖ്യ ആകർഷണം. സ്‌കൂ​ളു​കൾ ചാരി​ത്ര്യ​ത്തെ അപ്രാ​യോ​ഗി​ക​മെന്നു വീക്ഷി​ക്ക​യും ദുർവൃ​ത്തി സുരക്ഷി​ത​മാ​ക്കു​ന്ന​തിന്‌ ഗർഭനി​രോ​ധന ഉറകൾ വിതരണം ചെയ്യു​ക​യും ചെയ്യുന്നു—അവ സുരക്ഷി​ത​മാ​ക്കു​ന്നു​മില്ല. ലൈം​ഗിക പകർച്ച​വ്യാ​ധി​ക​ളും കുമാ​രി​മാ​രു​ടെ ഗർഭധാ​ര​ണ​വും കുതി​ച്ചു​യ​രു​ക​യാണ്‌. കുഞ്ഞു​ങ്ങ​ളാണ്‌ ഇരകളാ​യി​ത്തീ​രു​ന്നത്‌—ജനിക്കാൻ അവർ അനുവ​ദി​ക്ക​പ്പെ​ട്ടാൽ. പരമ്പരാ​ഗത രീതി​യി​ലുള്ള കുടും​ബ​ത്തി​ന്റെ തിരോ​ധാ​ന​ത്താൽ നഷ്ടമനു​ഭ​വി​ക്കു​ന്നത്‌ മുഖ്യ​മാ​യും കുട്ടി​ക​ളാണ്‌.

വർഷങ്ങൾക്കു​മുമ്പ്‌, നോബൽസ​മ്മാന ജേതാ​വായ അലെക്‌സിസ്‌ കാരെൽ അറിയ​പ്പെ​ടാത്ത മനുഷ്യൻ (Man, the Unknown) എന്ന തന്റെ പുസ്‌ത​ക​ത്തിൽ ഇങ്ങനെ മുന്നറി​യി​പ്പു മുഴക്കി: “കുടുംബ പരിശീ​ല​ന​ത്തി​നു​പ​കരം മുഴു​വ​നാ​യും സ്‌കൂ​ളി​നെ ആശ്രയി​ച്ച​തി​ലൂ​ടെ ആധുനിക സമൂഹം ഗുരു​ത​ര​മായ ഒരു തെററു ചെയ്‌തി​രി​ക്കു​ന്നു. തങ്ങളുടെ തൊഴി​ലി​ലോ, സാമൂ​ഹി​കാ​ഭി​ലാ​ഷ​ങ്ങ​ളി​ലോ, ലൈം​ഗി​ക​ഉ​ല്ലാ​സ​ങ്ങ​ളി​ലോ, സാഹി​ത്യ​പ​ര​മോ കലാപ​ര​മോ ആയ വാസന​ക​ളി​ലോ ശ്രദ്ധി​ക്കു​ന്ന​തിന്‌ അല്ലെങ്കിൽ വെറുതെ ചീട്ടു​ക​ളി​ക്കു​ന്ന​തി​നും സിനി​മ​യ്‌ക്കു​പോ​കു​ന്ന​തി​നും തങ്ങളുടെ സമയം തിര​ക്കേ​റിയ അലസത​യിൽ പാഴാ​ക്കു​ന്ന​തി​നും വേണ്ടി അമ്മമാർ തങ്ങളുടെ കുഞ്ഞു​ങ്ങളെ നേഴ്‌സ​റി​യിൽ [താമസി​യാ​തെ ഡേ കെയറി​ലും പ്രീ സ്‌കൂ​ളി​ലും] ഉപേക്ഷി​ക്കു​ന്നു. അതു​കൊണ്ട്‌, അവരാണ്‌ കുട്ടിക്കു മുതിർന്ന​വ​രോ​ടു സഹവസി​ക്കു​ന്ന​തി​നും അവരിൽ നിന്നു ധാരാളം കാര്യങ്ങൾ പഠിക്കു​ന്ന​തി​നും കഴിഞ്ഞി​രുന്ന ആ കുടും​ബ​ക്കൂ​ട്ട​ത്തി​ന്റെ തിരോ​ധാ​ന​ത്തി​നു ഉത്തരവാ​ദി​കൾ. . . . തന്റെ പൂർണ്ണ​ശക്തി പ്രാപി​ക്കു​ന്ന​തിന്‌ ഓരോ വ്യക്തി​ക്കും ആപേക്ഷി​ക​മായ ഏകാന്ത​ത​യും കുടും​ബം ഉൾപ്പെ​ടുന്ന പരിമി​ത​മായ സാമൂ​ഹി​ക​ക്കൂ​ട്ട​ത്തി​ന്റെ ശ്രദ്ധയും ആവശ്യ​മാണ്‌.”—പേജ്‌ 176.

കുറേ​ക്കൂ​ടെ അടുത്ത​കാ​ലത്ത്‌, ടെലി​വി​ഷ​നി​ലെ മോശ​മായ ഭാഷയി​ലെ​യും ലൈം​ഗിക ദുർമ്മാർഗ്ഗ​ത്തി​ലെ​യും വ്യാപ​രി​ക്ക​ലി​ലൂ​ടെ അതു കുടും​ബ​ങ്ങ​ളു​ടെ​മേൽ നടത്തുന്ന കൈ​യേ​റ​റ​ത്തെ​പ്പ​ററി ഹാസ്യ​ന​ട​നായ സ്‌ററീവ്‌ അലൻ അഭി​പ്രാ​യ​പ്പെട്ടു. അദ്ദേഹം പറഞ്ഞു: “ഈ ഒഴുക്ക്‌ നമ്മെ സദാ അഴുക്കു​ചാ​ലി​ലേ​ക്കു​തന്നെ എത്തിക്കു​ക​യാണ്‌. തങ്ങളുടെ കുട്ടി​കൾക്കു മാതാ​പി​താ​ക്കൾ വിലക്കി​യി​രുന്ന അതേ ഭാഷ ഇപ്പോൾ യാതൊ​രു നിയ​ന്ത്ര​ണ​വു​മി​ല്ലാ​തെ കേബിൾ ടെലി​വി​ഷൻ വ്യവസാ​യ​സം​ഘാ​ട​ക​രാൽ മാത്രമല്ല, ഒരിക്കൽ ഉന്നത നിലവാ​രം പുലർത്തി​യി​രുന്ന ശൃംഖ​ല​ക​ളാ​ലും പ്രോ​ത്സാ​ഹി​പ്പി​ക്ക​പ്പെ​ടു​ക​യാണ്‌. കുട്ടി​ക​ളും മററു​ള്ള​വ​രും മോശ​മായ ഭാഷ ഉപയോ​ഗി​ക്കു​ന്ന​താ​യി ചിത്രീ​ക​രി​ക്കുന്ന ടെലി​വി​ഷൻ പരിപാ​ടി​കൾ അമേരി​ക്കൻ കുടും​ബ​ങ്ങ​ളു​ടെ തകർച്ച​യെ​ത്ത​ന്നെ​യാ​ണു ദൃഢീ​ക​രി​ക്കു​ന്നത്‌.”

സമൂഹം ഇന്ന്‌ അതിന്റെ കുഞ്ഞു​ങ്ങൾക്കാ​യി എന്തു ഒസ്യത്താണ്‌ കൊടു​ക്കു​ന്നത്‌? പത്രം വായിക്കൂ, ടെലി​വി​ഷൻ കാണൂ, വിഡി​യോ ശ്രദ്ധിക്കൂ, സായാഹ്ന വാർത്ത കേൾക്കൂ, റാപ്‌ സംഗീതം ശ്രവിക്കൂ, നിങ്ങൾക്കു ചുററും എല്ലായി​ട​ത്തും മുതിർന്ന​വ​രു​ടെ മാതൃക നോക്കൂ. കുട്ടികൾ മാനസി​ക​വും വൈകാ​രി​ക​വു​മാ​യി ഗുണം കുറഞ്ഞ ഭക്ഷണം​കൊ​ണ്ടു നിറക്കു​ക​യാണ്‌. “ഒരു രാജ്യത്തെ നശിപ്പി​ക്കാൻ നിങ്ങൾ അവിടെ നിലവി​ലുള്ള നാണയത്തെ ദുഷി​പ്പി​ക്കു​ന്നു” എന്ന്‌ മുൻ ബ്രിട്ടീഷ്‌ വിദ്യാ​ഭ്യാ​സ സെക്ര​ട്ടറി സർ കീത്ത്‌ ജോസഫ്‌ പറഞ്ഞു. അദ്ദേഹം ഇങ്ങനെ കൂട്ടി​ച്ചേർത്തു: “ഒരു സമൂഹത്തെ നശിപ്പി​ക്കാ​നുള്ള മാർഗ്ഗം കുട്ടി​കളെ ദുഷി​പ്പി​ക്കു​ക​യാണ്‌.” “ദുഷി​പ്പി​ക്കുക” എന്നാൽ, ശബ്ദസാ​ഗരം നിഘണ്ടു​വ​നു​സ​രിച്ച്‌ പിഴപ്പി​ക്കുക എന്നർത്ഥ​മുണ്ട്‌. അത്‌ ഇന്നു ഊററ​മാ​യി ചെയ്യ​പ്പെ​ടു​ക​യാണ്‌. ബാലജ​ന​ദു​ഷ്‌കൃ​ത്യ​ത്തെ​പ്പ​ററി ധാരാളം പറയ​പ്പെ​ടു​ന്നുണ്ട്‌; മുതിർന്ന​വ​രു​ടെ ദുഷ്‌കൃ​ത്യ​ത്തെ​പ്പ​ററി അതിലും കൂടുതൽ പറയ​പ്പെ​ടേ​ണ്ട​തുണ്ട്‌.

അവ നമ്മെ ബാധി​ക്കാൻ തിരികെ വരും

അമേരി​ക്ക​യി​ലെ കുടും​ബ​സേ​വ​ന​ത്തി​ന്റെ (Family Service America) പ്രസി​ഡ​ണ്ടും ചീഫ്‌ എക്‌സി​ക്ക്യു​ട്ടീവ്‌ ഓഫീ​സ​റു​മായ ജനീവ ബി. ജോൺസൺ ഈ വർഷാ​രം​ഭ​ത്തിൽ ചെയ്‌ത ഒരു പ്രസം​ഗ​ത്തിൽ ഇങ്ങനെ പറഞ്ഞു: “കുടും​ബം എന്ന സ്ഥാപനം കഠിന​മാ​യി, ഒരുപക്ഷേ, മാരക​മാ​യി​ത്തന്നെ രോഗ​ഗ്ര​സ്‌ത​മാണ്‌.” അതിനെ “നമ്മുടെ കുട്ടി​ക​ളിൽ അനേകർക്കും ഒരു ഭയാന​ക​മായ ചിത്രം” എന്നു വിളി​ച്ചു​കൊണ്ട്‌ അവർ പിന്നെ അനിഷ്ട​സൂ​ച​ക​മാ​യി ഇങ്ങനെ പറഞ്ഞു: “മോശ​മായ പാർപ്പി​ട​ങ്ങ​ളിൽ, മോശ​മായ ആഹാര​വും മോശ​മായ വൈദ്യ​സ​ഹാ​യ​വും, മോശ​മായ വിദ്യാ​ഭ്യാ​സ​വും നൽക​പ്പെ​ടുന്ന കുട്ടി​ക​ളിൽ ഇത്ര​യേ​റെ​പ്പേരെ സമ്പന്നസ​മൂ​ഹ​ത്തി​ലെ സമുദാ​യ​ഭ്ര​ഷ്ട​രു​ടെ സ്ഥാന​ത്തേക്കു തള്ളാനുള്ള രാഷ്‌ട്ര​ത്തി​ന്റെ സന്നന്നദ്ധത നമ്മെ ബാധി​ക്കു​ന്ന​തി​നു തിരികെ വരാൻ പോക​യാണ്‌. അത്‌ ഇപ്പോൾത്തന്നെ നമ്മെ ബാധി​ക്കു​ക​യാണ്‌. നിങ്ങൾക്ക്‌ അതി​നെ​ക്കു​റി​ച്ചു പത്രങ്ങ​ളിൽ വായി​ക്കു​ന്ന​തി​നും റേഡി​യോ വാർത്ത​ക​ളിൽ കേൾക്കു​ന്ന​തി​നും ടെലി​വി​ഷൻ സെററിൽ കാണു​ന്ന​തി​നും കഴിയു​ന്നു. പരി​ശോ​ധി​ക്കു​ന്ന​തി​നുള്ള ഒരു ചെറു​മാ​തൃക ഇതാ:

ജഡോൺ ഒരു തോക്കു വലി​ച്ചെ​ടു​ത്തു ജെറാ​മെ​യ്‌നി​ന്റെ മാറിൽ മൂന്നു പ്രാവ​ശ്യം നിറ​യൊ​ഴി​ക്കു​ന്നു. ജെറാ​മെ​യിൻ മരിച്ചു. അവനു 15 വയസ്സു​ണ്ടാ​യി​രു​ന്നു. ജഡോ​ണി​നു 14-ഉം. അവർ ഏററവും നല്ല മിത്ര​ങ്ങ​ളാ​യി​രു​ന്നു. അവർ ഒരു പെൺകു​ട്ടി​യെ​ക്കു​റി​ച്ചു തർക്കി​ച്ചു​വ​ത്രേ.

മൈക്കിൾ ഹില്ലി​യാർഡ്‌ എന്ന 16 വയസ്സു​കാ​രന്റെ ശവസം​സ്‌കാ​ര​ത്തി​നു 100 പേർ സംബന്ധി​ക്കു​ന്നു. ബാസ്‌ക​റ​റ്‌ബോൾ കളിയി​ലെ ഒരു തർക്കം കഴിഞ്ഞ്‌ നടന്നു​നീ​ങ്ങിയ അവന്റെ തലയ്‌ക്കു​പി​ന്നി​ലാ​യി​രു​ന്നു വെടി​യേ​റ​റത്‌.

ന്യൂ​യോർക്കി​ലെ ബ്രുക്ലി​നിൽ മൂന്നു കൗമാ​ര​പ്രാ​യ​ക്കാർ ചേർന്നു ഭവനര​ഹി​ത​രായ ഒരു ദമ്പതി​ക​ളു​ടെ മേൽ തീകൊ​ളു​ത്തി. മദ്യം ചേർന്ന ഈതർ ദ്രാവകം കത്താതെ വന്നപ്പോൾ അവർ ഗ്യാസ​ലീൻ പരീക്ഷി​ച്ചു. അതു കത്തി.

ഫ്‌ളോ​റി​ഡാ​യിൽ ഒരു അഞ്ചു വയസ്സു​കാ​രൻ പിച്ച​വെ​ച്ചു​ന​ട​ക്കുന്ന ഒരു കുട്ടിയെ ഒരു അഞ്ചാം​നി​ല​യി​ലെ ഗോവ​ണി​പ്പ​ടി​യിൽനി​ന്നും മരണത്തി​ലേക്കു തള്ളിവി​ട്ടു.

ടെക്‌സാ​സിൽ ഒരു പത്തുവ​യ​സ്സു​കാ​രൻ ഒരു തോ​ക്കെ​ടു​ത്തു തന്റെ കളിക്കൂ​ട്ടു​കാ​രനെ വെടി​വ​ച്ചു​വീ​ഴ്‌ത്തു​ക​യും അവന്റെ ശരീരം വീട്ടി​ന​ടി​യിൽ തള്ളിക്ക​യ​റ​റി​വ​യ്‌ക്കു​ക​യും ചെയ്‌തു.

ജോർജി​യാ​യിൽ, 15 വയസ്സുള്ള ഒരാൺകു​ട്ടി ശിക്ഷണം ലഭിച്ചു​കൊ​ണ്ടി​രി​ക്കെ പ്രിൻസി​പ്പ​ലി​നെ കുത്തി​ക്കൊ​ന്നു.

ന്യൂ​യോർക്ക്‌ നഗരത്തിൽ, 20 വയസ്സിനു താഴെ​യും മേലെ​യു​മുള്ള ഒരു സംഘം ഭവനര​ഹി​ത​രാ​യവർ രാപാർത്തി​രുന്ന ഒരിടത്ത്‌ ബാററു​കൾ, പൈപ്പു​കൾ, കോടാ​ലി​കൾ, കത്തികൾ, ഒരു കൊടു​വാൾ എന്നിവ​യു​മാ​യി അതി​ക്ര​മി​ച്ചു​ക​യ​റു​ക​യും ഒരുവന്റെ തൊണ്ട കുത്തി​പ്പി​ളർക്കു​ക​യും മററു പലരെ​യും മുറി​വേ​ല്‌പി​ക്കു​ക​യും ചെയ്‌തു. അവരുടെ ഉദ്ദേശ്യ​മോ? ഒരു അന്വേ​ഷകൻ ഇങ്ങനെ വിശദീ​ക​രി​ച്ചു: “ഭവനര​ഹി​ത​രാ​യ​വരെ ആക്രമി​ച്ചു​കൊണ്ട്‌ അവർ പുളകി​ത​രാ​വു​ക​യാ​യി​രു​ന്നു.”

മിഷി​ഗ​ണി​ലു​ള്ള ഡെ​ട്രോ​യി​റ​റിൽ, 2 വയസ്സുള്ള ഒരു പെൺകു​ട്ടി​യെ ബലാത്‌ക്കാ​രം ചെയ്യു​ന്ന​തിൽ ഒരു 11 വയസ്സു​കാ​രൻ ഒരു 15 വയസ്സു​കാ​ര​നു​മാ​യി കൂട്ടു​ചേർന്നു. അവർ തങ്ങളുടെ ഇരയെ ഒരു കുപ്പ​ത്തൊ​ട്ടി​യിൽ ഉപേക്ഷി​ച്ച​താ​യി റിപ്പോർട്ടു ചെയ്യ​പ്പെ​ടു​ന്നു.

ഒഹാ​യോ​യി​ലെ ക്ലീവ്‌ലാൻറിൽ, ആറു മുതൽ ഒൻപതു വയസ്സു വരെ പ്രായ​മുള്ള നാലു ആൺകു​ട്ടി​കൾ ഒരു പ്രാഥ​മിക വിദ്യാ​ല​യ​ത്തിൽ വച്ച്‌ ഒരു 9 വയസ്സു​കാ​രി​യെ ബലാൽസം​ഗം ചെയ്‌തു. ഇതേക്കു​റിച്ച്‌ അഭി​പ്രാ​യ​പ്പെ​ട്ടു​കൊ​ണ്ടു പംക്തി​യെ​ഴു​ത്തു​കാ​ര​നായ ബ്രെൻറ്‌ ലാർക്കിൻ ക്ലീവ്‌ലാൻറ്‌ പ്ലെയിൻ ഡീലറിൽ എഴുതവെ ഇങ്ങനെ പറഞ്ഞു: “ഈ സംഭവം ഈ രാജ്യത്ത്‌ എന്തു സംഭവി​ക്കു​ന്നു​വെന്ന്‌, അധഃപ​തിച്ച നിലയി​ലേക്കു നമ്മുടെ മൂല്യ​സം​ഹിത എപ്രകാ​രം നീങ്ങു​ന്നു​വെന്ന്‌ വിളി​ച്ച​റി​യി​ക്കു​ന്നു.”

ക്ലീവ്‌ലാൻറ്‌ സ്‌റേ​റ​ററ്‌ യൂണി​വേ​ഴ്‌സി​റ​റി​യി​ലെ മനഃശാ​സ്‌ത്ര പ്രൊ​ഫ​സ്സ​റായ ലെസ്‌ലി ഫിഷർ ടെലി​വി​ഷനെ കുററ​പ്പെ​ടു​ത്തി. അദ്ദേഹം അതിനെ “വലിയ ഒരു ലൈം​ഗിക യന്ത്ര”മെന്നു വിളിച്ചു, “8-ഉം 9-ഉം വയസ്സുള്ള കുട്ടികൾ ഇക്കാര്യ​ങ്ങൾ നിരീ​ക്ഷി​ക്കു​ന്നു.” അമേരി​ക്ക​യി​ലെ കുടും​ബ​ത്തി​ന്റെ അധഃപ​ത​ന​ത്തിന്‌ അദ്ദേഹം മാതാ​പി​താ​ക്കളെ കുററ​പ്പെ​ടു​ത്തു​ക​യും ചെയ്‌തു: “അച്ഛനും അമ്മയും തങ്ങളുടെ തന്നെ പ്രശ്‌ന​ങ്ങ​ളിൽ അമിത​മാ​യി ആമഗ്നരാ​വു​ക​യും, തങ്ങളുടെ കുട്ടി​കളെ പരിപാ​ലി​ക്കു​ന്ന​തി​നു സമയം കണ്ടെത്താൻ അവർക്കു കഴിയാ​തെ വരിക​യും ചെയ്യുന്നു.”

ഇടുന്ന​തും ചപ്പുച​വറു, പുറ​ത്തെ​ടു​ക്കു​ന്ന​തും ചപ്പുച​വറ്‌

സമൂഹ​ത്തി​ലെ വിവിധ ഘടകങ്ങൾ പ്രത്യേ​കി​ച്ചും മാധ്യ​മങ്ങൾ, വിനോ​ദ​കൾ, വിനോ​ദ​വ്യ​വ​സാ​യം എന്നിവ —മനുഷ്യ​സ​മു​ദാ​യ​ത്തി​ലെ ഏററവും വഷളാ​യ​തി​നു കൂട്ടു നിന്നു​കൊ​ണ്ടു നേട്ടമു​ണ്ടാ​ക്കുന്ന ഘടകങ്ങൾ—ലൈം​ഗി​ക​ത​യും അക്രമ​വും അഴിമ​തി​യും ഛർദ്ദി​ച്ചു​കൊ​ണ്ടു ചെറു​പ്പ​ക്കാ​രെ​യും കുടും​ബ​ങ്ങ​ളെ​യും അധഃപ​തി​പ്പി​ക്കു​ന്ന​തിൽ ഗണ്യമായ പങ്കു വഹിക്കു​ന്നു. അങ്ങനെ, ‘ജീർണ്ണത വിതച്ച്‌ ജീർണ്ണത കൊയ്യു​ന്നു എന്ന ചട്ടം പ്രാവർത്തി​ക​മാ​കു​ന്നു. ഇടുന്ന​തും ചപ്പുച​വറു, പുറ​ത്തെ​ടു​ക്കു​ന്ന​തും ചപ്പുച​വറ്‌. ഒരുവന്‌ അർഹി​ക്കുന്ന പരിണ​ത​ഫലം തന്നെ ഉണ്ടാകു​ന്നു—പരിണ​ത​ഫ​ലങ്ങൾ ഭയങ്കര​മാണ്‌.

മനസ്സാ​ക്ഷി​യി​ല്ലാ​ത്ത കുട്ടി​ക​ളു​ടെ ഒരു തലമു​റയെ ആണോ സമൂഹം ഉത്‌പാ​ദി​പ്പി​ക്കു​ന്നത്‌? ന്യൂ​യോർക്കി​ലെ സെൻട്രൽ പാർക്കിൽ, ചുററി​ക്ക​റങ്ങി നടന്ന കൗമാ​ര​പ്രാ​യ​ക്കാ​രു​ടെ ഒരു സംഘം 28 വയസ്സുള്ള ഒരു സ്‌ത്രീ​യെ പ്രഹരി​ക്കു​ക​യും ബലാൽസം​ഗം ചെയ്യു​ക​യും ചെയ്‌ത​ശേഷം മരിച്ചു​വെന്നു കരുതി കടന്നു​ക​ള​യു​ക​യും ചെയ്‌ത കുപ്ര​സി​ദ്ധ​മായ പേക്കൂ​ത്തി​നെ തുടർന്ന്‌ ഉന്നയി​ക്ക​പ്പെട്ട ചോദ്യ​മാ​യി​രു​ന്നു ഇത്‌. അവർ “പരിഷ്‌കാ​രി​ക​ളും കഠിന​രും” ആയിരു​ന്നെ​ന്നും അറസ്‌ററു ചെയ്യ​പ്പെ​ട്ട​പ്പോൾ അവർ പരിഹ​സി​ക്കു​ക​യും പുലമ്പു​ക​യും പാടു​ക​യും ചെയ്‌തു”വെന്നും പോലീസ്‌ പറഞ്ഞു. തങ്ങൾ ചെയ്‌ത കുററ​ത്തി​നു അവർ ഇങ്ങനെ ന്യായം പറഞ്ഞു: “അതൊരു രസമാ​യി​രു​ന്നു,” “ഞങ്ങൾക്കു വിരസത തോന്നി​യി​രു​ന്നു,” “ചെയ്യാ​നുള്ള ഒന്നായി​രു​ന്നു അത്‌.” “മനസ്സാക്ഷി എന്നു നാം വിളി​ക്കുന്ന ആദ്ധ്യാ​ത്മിക ഉപാംഗം നഷ്ടപ്പെ​ട്ടു​പോയ, ഒരുപക്ഷേ ഒരിക്ക​ലും അതു രൂപം പ്രാപി​ച്ചി​ട്ടി​ല്ലാഞ്ഞ, ആദ്ധ്യാ​ത്മിക അംഗച്‌ഛേദം ചെയ്യ​പ്പെ​ട്ടവർ” എന്നു റൈറം മാസിക അവരെ വിളിച്ചു.

യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ ഇങ്ങനെ പ്രോ​ത്സാ​ഹി​പ്പി​ച്ചു: “മനസ്സാ​ക്ഷി​യി​ല്ലാത്ത കുട്ടി​ക​ളു​ടെ മറെറാ​രു തലമു​റയെ ഒഴിവാ​ക്കാൻ ഈ രാഷ്‌ട്രം നടപടി​യെ​ടു​ക്കണം.” മനസ്സാ​ക്ഷി​യി​ല്ലാത്ത കുട്ടികൾ: വലിയ അപായ​സാ​ധ്യത (High Risk: Children Without a Conscience) എന്ന തങ്ങളുടെ വികാ​ര​വി​സ്‌ഫോ​ട​ക​മായ പുസ്‌ത​ക​ത്തിൽ ഒരു പ്രമുഖ മനഃശാ​സ്‌ത്ര​ജ്ഞ​നായ ഡോ. കെൻ മാഗി​ഡും കാരൾ മെക്കെൽവി​യും അതേ അപകടത്തെ തന്നെ വിശേ​ഷ​വൽക്ക​രി​ക്കു​ന്നു. അനേകം മനഃശാ​സ്‌ത്ര​ജ്ഞ​രിൽ നിന്നും മനോ​രോ​ഗ​വി​ദ​ഗ്‌ദ്ധ​രിൽ നിന്നു​മുള്ള വ്യക്തി​ച​രി​ത്ര​ങ്ങ​ളും തെളി​വും മാഗി​ഡി​ന്റെ പിൻവ​രുന്ന വാദഗ​തിക്ക്‌ വൻതോ​തി​ലുള്ള പിന്തുണ നൽകുന്നു: ജനനത്തി​ങ്ക​ലും അതേത്തു​ടർന്നുള്ള കരുപ്പി​ടി​ക്ക​ലി​ന്റെ വർഷങ്ങ​ളി​ലും മാതാ​പി​താ​ക്കൾക്കും കുട്ടി​ക്കു​മി​ട​യിൽ നല്ല ബന്ധമു​ണ്ടാ​യി​രി​ക്കു​ന്ന​തി​ലുള്ള പരാജ​യ​മാണ്‌ അടിസ്ഥാന കാരണം.

തീർച്ച​യാ​യും, തീരെ വൈകി​പ്പോ​കു​ന്ന​തി​നു മുമ്പ്‌ ആ കരുപ്പി​ടി​ക്ക​ലി​ന്റെ കാലത്തു കുടും​ബങ്ങൾ അടുക്കുക തന്നെ വേണം! (g91 9⁄22)