ബ്രിട്ട​നി​ലെ കന്നുകാ​ലി രോഗം

ബ്രിട്ടനിലെ ഉണരുക! ലേഖകൻ

ബ്രിട്ട​നി​ലെ കന്നുകാ​ലി​കൾക്കി​ട​യിൽ ഒരു ഭയങ്കര രോഗം 1986 നവംബ​റിൽ ആദ്യമാ​യി പ്രത്യ​ക്ഷ​മാ​യി. അന്നുമു​തൽ 11,000-ത്തിലധി​കം മൃഗങ്ങൾക്കു രോഗം ബാധിച്ചു. ഓരോ ആഴ്‌ച​യും 200 പുതിയ കേസുകൾ വരെ റിപ്പോർട്ടു ചെയ്യ​പ്പെട്ടു. സാങ്കേ​തി​ക​മാ​യി ഈ രോഗം ബൊ​വൈൻ സ്‌പോൻജി​ഫോം എൻസെ​ഫാ​ലോ​പ്പതി അഥവാ ചുരുക്കി ബി എസ്സ്‌ ഇ എന്നു വിളി​ക്ക​പ്പെ​ടു​ന്നു, ഈ രോഗ​ത്തി​ന്റെ യാതനാ​നിർഭ​ര​മായ ലക്ഷണങ്ങൾ നിമിത്തം വാർത്താ​മാ​ദ്ധ്യ​മങ്ങൾ ഈ രോഗത്തെ “ഭ്രാന്തി​പ്പശു” രോഗം എന്നു മുദ്ര കുത്തി.

എന്താണു ബി എസ്സ്‌ ഇ, അത്‌ എങ്ങനെ ഉത്ഭവിച്ചു, അത്‌ ഇത്ര ഉത്‌ക്ക​ണ്‌ഠ​ക്കി​ട​യാ​ക്കു​ന്നത്‌ എന്തു​കൊണ്ട്‌?

ബി എസ്സ്‌ ഇ ഭ്രാന്തി​ന്റെ ഒരു രൂപമാണ്‌. “അസാധാ​രണ രോഗാ​ണു​വാ​ഹി​കൾ” എന്നു വിളി​ക്ക​പ്പെ​ടുന്ന ക്രമവി​രുദ്ധ മാംസ്യ​ങ്ങൾ തലച്ചോ​റി​ന്റെ ഭാഗങ്ങൾ നശിപ്പി​ക്കു​ന്നു. സൂക്ഷ്‌മ​ദർശി​നി​യി​ലൂ​ടെ നോക്കു​മ്പോൾ രോഗം ബാധിച്ച അവയവം ദ്വാര​ങ്ങ​ളോ​ടു​കൂ​ടി സ്‌പഞ്ചു​പോ​ലെ കാണ​പ്പെ​ടു​ന്നു. രോഗം തീവ്ര​മാ​കു​ന്ന​ത​നു​സ​രിച്ച്‌ മൃഗം അസ്വസ്ഥ​മാ​കു​ക​യും മെലി​യു​ക​യും ചെയ്യുന്നു. കൈകാ​ലു​കൾ തളരു​ക​യും എഴു​ന്നേൽക്കാ​നാ​വാ​തെ ചാവു​ക​യോ അതിനെ കൊന്നു കളയേണ്ട സ്ഥിതി​യി​ലെ​ത്തു​ക​യോ ചെയ്യുന്നു.

ബ്രിട്ട​നി​ലെ ആടുക​ളിൽ സാധാരണ കണ്ടുവ​രുന്ന ഭ്രാന്തു​രോ​ഗ​ത്തോ​ടു വളരെ അടുത്തു ബന്ധപ്പെട്ട സ്‌​ക്രേ​പ്പി​യിൽ നിന്നാണ്‌ കന്നുകാ​ലി​കൾക്കു ബി എസ്സ്‌ ഇ പിടി​പെ​ട്ടത്‌. ഇതെങ്ങനെ സംഭവി​ച്ചു?

ആധുനിക കാലി​ത്തീ​ററ

പശു മേയു​ന്ന​തും അയവി​റ​ക്കു​ന്ന​തു​മായ ഒരു മൃഗമാണ്‌. സാധര​ണ​യാ​യി അതു സസ്യാ​ഹാ​രം, പ്രധാ​ന​മാ​യി പുല്ല്‌ തിന്നു ജീവി​ക്കു​ന്നു. എന്നാൽ അടുത്ത കാലത്താ​യി ബ്രിട്ടീഷ്‌ കാലി​ത്തീ​ററ നിർമ്മാ​താ​ക്കൾ സ്വാഭാ​വി​ക​മ​ല്ലാത്ത ഒരു പ്രൊ​ട്ടീൻ ഘടകം പതിവു തീററ​യോ​ടു കൂട്ടി​ച്ചേർത്തു. സ്‌​ക്രേപ്പി രോഗം ബാധിച്ചു ചത്ത ആടുകൾ ഉൾപ്പെടെ അറവു​ശാ​ല​ക​ളിൽനി​ന്നുള്ള പാഴ്‌വ​സ്‌തു​ക്കൾ പൊടി​ച്ചു വേവിച്ച്‌ ഉണക്കി​ച്ചേർക്കു​ക​യാ​ണു ചെയ്‌തത്‌. കന്നുകാ​ലി​കൾക്കു മാത്രമല്ല രോഗം ബാധി​ച്ചത്‌. ഒരു അസുലഭ അറേബ്യൻ മാൻ ഉൾപ്പെടെ അഞ്ച്‌ ഇനങ്ങളിൽ ഉൾപ്പെട്ട പുള്ളി​മാ​നു​ക​ളും മസ്‌തിഷ്‌ക്ക രോഗ​ത്താൽ ബ്രിട്ടീഷ്‌ മൃഗശാ​ല​ക​ളിൽ ചത്തു. ഇവയെ​ല്ലാം വാണിജ്യ പ്രാധാ​ന്യ​മുള്ള പുതിയ കാലി​ത്തീ​ററ തിന്നി​രു​ന്നു. വളർത്തു​മി​ങ്കി​നും ഇതേ തരം രോഗം ബാധിച്ചു. ഇതിന്റെ കാരണം പച്ചയായ ആട്ടിൻമാം​സ ഉച്ഛിഷ്ടം ഭക്ഷണമാ​യി നൽകി​യ​താ​ണെന്നു വിശ്വ​സി​ക്ക​പ്പെ​ടു​ന്നു.

ഉന്നത താപം, അയണിത താപ​പ്ര​സ​രണം, അൾട്രാ​വ​യ​ല​ററ്‌ പ്രകാശം എന്നിവയെ അസാധാ​ര​ണ​മാം വിധം ചെറുത്തു നിൽക്കാൻ ബി എസ്സ്‌ ഇ, സ്‌​ക്രേപ്പി രോഗ​ങ്ങൾക്കു കഴിയു​മെന്ന്‌ പരീക്ഷ​ണങ്ങൾ വെളി​പ്പെ​ടു​ത്തു​ന്നു. സാധാരണ വേവി​ക്ക​ലോ അണു നശീക​ര​ണ​ത്തി​ന്റെ മററു രീതി​ക​ളോ ഈ നിഗൂഢ രോഗാ​ണു​ക്കളെ നശിപ്പി​ക്കു​ക​യില്ല. മനുഷ്യർക്കു സ്‌​ക്രേപ്പി രോഗം ബാധി​ച്ച​താ​യുള്ള വ്യക്തമായ തെളി​വു​ക​ളി​ല്ലെ​ങ്കി​ലും ആശങ്കയു​ള​വാ​ക്കുന്ന ചോദ്യ​മി​താണ്‌: മാട്ടി​റച്ചി വിഭവങ്ങൾ ഭക്ഷിക്കുന്ന മനുഷ്യർക്ക്‌ ബി എസ്സ്‌ ഇ ഏതപകട സാദ്ധ്യ​ത​യാ​ണു​ള​വാ​ക്കു​ന്നത്‌?

മാനുഷ ബന്ധം?

“ഈ രാജ്യ​ത്തോ മറെറ​വി​ടെ​യെ​ങ്കി​ലു​മോ ഉള്ള ആരും ബി എസ്സ്‌ ഇ -യെപ്പററി ആശങ്ക​പ്പെ​ടേ​ണ്ട​തില്ല,” എന്നാണ്‌ കൃഷി മന്ത്രി​യായ ജോൺ ഗുമ്മർ പ്രകട​മാ​ക്കിയ, ബ്രിട്ടീഷ്‌ ഗവൺമെൻറി​ന്റെ ഔദ്യോ​ഗിക വീക്ഷണം. എന്നാൽ എല്ലാവർക്കും അത്ര ഉറപ്പില്ല. ഇംഗ്ലണ്ടി​ലെ ലീഡ്‌സ്‌ യൂണി​വേ​ഴ്‌സി​റ​റി​യിൽ ക്ലിനിക്കൽ മൈ​ക്രോ ബയോ​ളജി പ്രൊ​ഫ​സ​റായ റിച്ചാർഡ്‌ ലേസി ദി ഇൻഡി​പ്പെൻഡൻറ്‌ വർത്തമാ​ന​പ്പ​ത്ര​ത്തിൽ എഴുതു​ന്നു: “പശുവിന്‌ അതിന്റെ ആഹാര​ത്തിൽ നിന്നാണ്‌ രോഗം പിടി​പെ​ട്ട​തെ​ങ്കിൽ അപ്പോൾ പകരലി​ന്റെ മാർഗ്ഗം, കുറഞ്ഞ​പക്ഷം ആരംഭ​ത്തി​ലെ​ങ്കി​ലും വായി​ലൂ​ടെ​യാണ്‌. ഇത്‌ മനുഷ്യ​നും ഭക്ഷണത്തി​ലൂ​ടെ രോഗം പകരാ​നുള്ള സാദ്ധ്യത ഉളവാ​ക്കു​ന്നു.”

ഈ കാരണ​ത്താൽ ബ്രിട്ട​നിൽനി​ന്നുള്ള മാട്ടി​റച്ചി ഇറക്കു​മതി ജർമ്മനി നിരോ​ധി​ച്ചു. ബി എസ്സ്‌ ഇ രോഗം ബാധി​ച്ചി​ട്ടി​ല്ലാത്ത കന്നുകാ​ലി​ക​ളിൽ നിന്നുള്ള ഉല്‌പ​ന്ന​മാണ്‌ അത്‌ എന്നുള്ള ഉറപ്പ്‌ അവർക്കു ലഭിക്കു​ന്നു​മില്ല. അമേരിക്ക ബ്രിട്ട​നിൽ നിന്നുള്ള കന്നുകാ​ലി അവയുടെ ഭ്രൂണം, ബീജം എന്നീ ഇറക്കു​മ​തി​കൾ നിരോ​ധി​ച്ചു. മുൻ യു. എസ്‌. എസ്‌. ആർ. ഒരു പടി കൂടി മുന്നോ​ട്ടു​പോ​യി. ബി എസ്സ്‌ ഇ നിമിത്തം മാടു​ക​ളു​ടെ സകല ഉല്‌പ​ന്ന​ങ്ങ​ളും നിരോ​ധി​ച്ച​തോ​ടൊ​പ്പം എല്ലാത്തരം ബ്രിട്ടീഷ്‌ ആട്ടിറ​ച്ചി​യു​ടെ ഇറക്കു​മ​തി​യും അവർ നിരോ​ധി​ച്ചു. രോഗ വിമു​ക്ത​മെന്ന്‌ സർട്ടി​ഫി​ക്ക​ററ്‌ ലഭിച്ച കന്നുകാ​ലി​ക​ളിൽനി​ന്നുള്ള മാംസം മാത്രമെ ഉപയോ​ഗി​ക്ക​യു​ള്ളു​വെന്ന്‌ ഇംഗ്ലണ്ടി​ലെ ചില സ്‌കൂ​ളു​കൾ തീരു​മാ​നി​ച്ചു.

മാട്ടി​റ​ച്ചി​യിൽ നിന്നുള്ള ചില ഉപോ​ത്‌പ്പ​ന്ന​ങ്ങ​ളു​ടെ വിൽപന നിരോ​ധി​ച്ച​തുൾപ്പെടെ പല നടപടി​ക​ളും ബ്രിട്ടീഷ്‌ ഗവൺമെൻറ്‌ സ്വീക​രി​ച്ചു. ബ്രിട്ടീഷ്‌ ജനത പ്രതി​വർഷം മുന്നൂ​റു​കോ​ടി ഡോള​റി​ല​ധി​കം, ബർഗർ (ഒരു മാംസ വിഭവം), പൈ (ഇറച്ചി അട) എന്നിങ്ങനെ മാട്ടി​റ​ച്ചി​കൊ​ണ്ടുള്ള ഭക്ഷ്യങ്ങൾക്കാ​യി ചെലവി​ടു​ന്നു; അവരുടെ ആരോ​ഗ്യം അപകട​ത്തി​ല​ല്ലെന്നു ഉറപ്പു വരു​ത്തേ​ണ്ട​തുണ്ട്‌. എന്നാൽ ബി എസ്സ്‌ ഇ കന്നുകാ​ലി​ക​ളിൽ നിന്നു മനുഷ്യ​രി​ലേക്കു പകരു​ന്ന​ത​ല്ലെന്നു “പൂർണ്ണ​മായ ഉറപ്പു നൽകാൻ ഒരു ദശകമോ അതില​ധി​ക​മോ വേണ്ടി വരു”മെന്നു ഒരു ഔദ്യോ​ഗിക ഗവൺമെൻറു റിപ്പോർട്ട്‌ സമ്മതി​ക്കു​ന്നു. “രോഗം ബാധി​ക്കു​ന്നതു മുതൽ രോഗ​ല​ക്ഷണം പ്രകട​മാ​വു​ന്ന​തു​വ​രെ​യുള്ള കാല​ദൈർഘ്യ​മാണ്‌ പ്രയാസം,” എഡിൻബ​റോ ന്യൂ​റോ​പ​തോ​ജെ​ന​സിസ്‌ യൂണി​റ​റി​ന്റെ മുൻ ഡയറക്ടർ ഡോ. റിച്ചാർഡ്‌ കിംബർലിൻ പറയുന്നു. “പൊതു​ജ​നാ​രോ​ഗ്യ​ത്തി​നു ബി എസ്സ്‌ ഇ അപകട​ഭീ​ഷ​ണി​യാ​ണെ​ങ്കിൽ സി ജെ ഡി,a രോഗി​ക​ളു​ടെ സംഖ്യാ​വർദ്ധ​ന​യി​ലൂ​ടെ അതു പ്രകട​മാ​കുന്ന സമയത്തി​നി​ടെ രോഗ​വു​മാ​യി സമ്പർക്ക​ത്തി​ലാ​യ​വർക്കു വേണ്ടി എന്തെങ്കി​ലും ചെയ്യാൻ താമസി​ച്ചു​പോ​യി​രി​ക്കും.”

ഇതിനി​ടെ ഈ വിധമുള്ള ഭയത്തിനു ശമനം വരുത്താൻ ശാസ്‌ത്ര​ജ്ഞൻമാർ സ്‌പഷ്ട​മായ പുതിയ തെളി​വു​കൾക്കാ​യി അടിയ​ന്തി​രാ​ന്വേ​ഷണം നടത്തു​ക​യാണ്‌. ഈ ഗവേഷ​ണത്തെ സഹായി​ക്കാൻ ബ്രിട്ടീഷ്‌ ഗവൺമെൻറ്‌ രണ്ടു കോടി ഡോളർ നീക്കി​വെ​ച്ചി​രി​ക്കു​ന്നു. എന്നാൽ ബ്രിട്ടീഷ്‌ മെഡിക്കൽ ജേർണൽ ന്യായ​മാ​യി പ്രസ്‌താ​വി​ക്കു​ന്ന​തു​പോ​ലെ “മാട്ടി​റ​ച്ചി​യു​ടെ സുരക്ഷി​ത​ത്വം ഇനിയും പരീക്ഷ​ണ​വി​ധേ​യ​മാ​ക്ക​പ്പെ​ട്ടി​ട്ടില്ല, പരീക്ഷ​ണ​വി​ധേ​യ​മാ​ക്കാ​മെന്നു കരുതു​ന്നു​മില്ല.”

നിങ്ങൾ അതു ഭക്ഷിക്കു​മോ?

മനുഷ്യാ​രോ​ഗ്യ​ത്തിൻമേ​ലുള്ള ഫലമെ​ന്താ​യാ​ലും ബി എസ്സ്‌ ഇ സംവാദം അറവു​ശാ​ല​ക​ക​ളിൽ നിന്നുള്ള പാഴ്‌വ​സ്‌തു​ക്കൾ രൂപ​ഭേദം വരുത്തി വീണ്ടും ഉപയോ​ഗ​പ്പെ​ടു​ത്തുന്ന പതിവി​ലേക്കു പൊതു​ജന ശ്രദ്ധ തിരി​യാൻ ഇടയാ​ക്കി​യി​ട്ടുണ്ട്‌. കോഴി​വ​ളർത്തൽ കേന്ദ്ര​ങ്ങ​ളിൽ നിന്നുള്ള പാഴ്‌വ​സ്‌തക്കൾ പ്രക്രി​യ​കൾക്കു വിധേ​യ​മാ​ക്കി ബ്രിട്ട​നി​ലെ കന്നുകാ​ലി​കൾക്കും കോഴി​കൾക്കും ആഹാര​മാ​യി കൊടു​ത്തു​കൊ​ണ്ടി​രി​ക്കു​ന്നു. വ്യാപാര രംഗത്ത്‌ ഈ വസ്‌തു ഡിപിഎം (ഡ്രൈഡ്‌ പൗൾട്രി മനുവർ) എന്നറി​യ​പ്പെ​ടു​ന്നു. കോഴി​ക്കാ​ഷ്‌ഠം, കോഴി​ത്തൂ​വ​ലു​കൾ, ചത്ത കോഴി​കൾ എന്നിവ​യു​ടെ ഒരു മിശ്രി​ത​മാ​ണിത്‌. ഉണങ്ങിയ പന്നി​ച്ചോര ചോക്ക​ലേ​ററ്‌ ചേർത്തു രുചി വരുത്തി പശുക്കു​ട്ടി​കൾക്കു കൊടു​ക്കു​ന്നു. ആട്ടിൻ തലകൾ ആടിന്റെ മററു ഉച്ഛിഷ്ട​ങ്ങ​ളോ​ടൊ​പ്പം പൊടി​ച്ചത്‌ കാലി​ത്തീ​റ​റ​യാ​ക്കു​ന്നത്‌ 1988 ജൂലൈ മുതൽ നിയമ വിരു​ദ്ധ​മാ​ണെ​ങ്കി​ലും അതു ഇപ്പോ​ഴും പന്നികൾക്കും കോഴി​കൾക്കും നൽകുന്നു. ഇത്തരം രീതികൾ “പ്രകൃ​തി​വി​രുദ്ധ”മാണെന്ന്‌ ഒരു ഔദ്യോ​ഗിക ഗവൺമെൻറു റിപ്പോർട്ട്‌ മുദ്ര കുത്തുന്നു. ഭക്ഷ്യോ​ത്‌പാ​ദ​ന​ത്തി​ലെ അനിവാ​ര്യത സാമ്പത്തിക ലാഭം ഇവയുടെ അടിസ്ഥാ​ന​ത്തിൽ ചിലർ ഇവയെ ന്യായീ​ക​രി​ച്ചേ​ക്കാം. എന്നാൽ ആരോഗ്യ സംബന്ധ​മാ​യി ഇവ മൂല്യ​മു​ള്ള​താ​ണോ? (g90 11/8)

[അടിക്കു​റി​പ്പു​കൾ]

[23-ാം പേജിലെ ചിത്രം]

ബിഎസ്സ്‌ഇ ബാധിച്ച പശുവി​ന്റെ തലച്ചോ​റി​ലെ ദ്വാര​ങ്ങ​ളു​ടെ സുതാ​ര്യ​ത

[കടപ്പാട്‌]

J.A.H. Wells, Crown Copyright Material