കഷ്ടപ്പാ​ടിൽനിന്ന്‌ വിമു​ക്ത​മായ ഒരു പുതിയ ലോകം

“കഴിഞ്ഞു​പോയ കാര്യങ്ങൾ ഓർക്കു​ക​യില്ല, അവ ഹൃദയ​ത്തി​ലേ​ക്കും വരിക​യില്ല. എന്നാൽ ജനങ്ങളേ നിങ്ങൾ ആഹ്ലാദി​ക്കുക, ഞാൻ സൃഷ്ടി​ക്കു​ന്ന​തി​നെ​ക്കു​റിച്ച്‌ എന്നേക്കും സന്തോ​ഷി​ക്കുക.”—യെശയ്യാവ്‌ 65:17, 18.

ആ പ്രാവ​ച​നിക വാക്കുകൾ 2,700-ൽപരം വർഷങ്ങൾക്കു​മുമ്പ്‌ ദൈവ​ത്താൽ നിശ്വ​സ്‌ത​മാ​ക്ക​പ്പെട്ടു. ഭാഗി​ക​മാ​യി അത്‌ ഭാവി​യിൽ ഭൂമി​യിൽ ഏതുതരം ജീവി​ത​മാ​യി​രി​ക്കു​മെന്ന്‌ വിവരി​ക്കു​ന്നു. എപ്പോൾ? ദൈവം ഈ വ്യവസ്ഥി​തിക്ക്‌ ഒരു അവസാനം വരുത്തി​യ​ശേഷം. അടുത്തു​തന്നെ, ഈ വ്യവസ്ഥി​തി​യെ മാററി എല്ലാ കഷ്ടതക​ളിൽനി​ന്നും വിമു​ക്ത​മായ ഒരു പുതിയ ലോകം പകരം സ്ഥാപി​ക്കുക എന്നത്‌ ദൈ​വോ​ദ്ദേ​ശ്യ​മാ​ണെന്ന്‌ അനേകം ബൈബിൾപ്ര​വ​ച​നങ്ങൾ വ്യക്തമാ​ക്കു​ന്നു.

മുൻ മാനു​ഷ​ച​രി​ത്ര​ത്തി​ലു​ട​നീ​ള​മുള്ള ജീവി​ത​വു​മാ​യി താരത​മ്യ​പ്പെ​ടു​ത്തു​മ്പോൾ ആ പുതിയ ലോക​ത്തി​ലെ ജീവിതം എത്ര വ്യത്യ​സ്‌ത​മാണ്‌! യഹോ​വ​യു​ടെ പ്രാവ​ച​നിക വാക്കുകൾ അത്‌ സമ്പൂർണ്ണ​മാ​യി യുദ്ധം, കുററ​കൃ​ത്യം, ദാരി​ദ്ര്യം, അനീതി എന്നിവ​യിൽനിന്ന്‌ വിമു​ക്ത​മാ​യി​രി​ക്കു​മെന്ന്‌ നമ്മോട്‌ പറയുന്നു. മരണവും രോഗ​ങ്ങ​ളും എന്നേക്കു​മാ​യി പൊയ്‌പ്പോ​യി​രി​ക്കും. തികച്ചും അപര്യാ​പ്‌ത​മെന്ന്‌ തെളി​ഞ്ഞി​രി​ക്കുന്ന വിഭാ​ഗീയ ഗവൺമെൻറു​കൾ, മതങ്ങൾ, സാമ്പത്തി​ക​വ്യ​വ​സ്ഥി​തി​കൾ എന്നിവ ഒരിക്ക​ലു​മു​ണ്ടാ​യി​രി​ക്ക​യില്ല. കഷ്ടപ്പാ​ടും ദുഷ്ടത​യും എന്നേക്കു​മാ​യി നീങ്ങി​പ്പോ​യി​രി​ക്കു​ന്ന​തി​നാൽ ദുഃഖാ​ശ്രു​വി​നു​പ​കരം സന്തോ​ഷാ​ശ്രു ഉണ്ടായി​രി​ക്കും.

ബൈബിൾപ്ര​വ​ച​ന​ങ്ങ​ളിൽ മുൻനി​ഴ​ലാ​ക്ക​പ്പെട്ടു

ബൈബിൾപ്ര​വ​ച​ന​ങ്ങ​ളു​ടെ ഈ ദൃഷ്ടാ​ന്ത​ങ്ങ​ളിൽ എപ്രകാ​രം അങ്ങനെ​യുള്ള അവസ്ഥകൾ മുൻനി​ഴ​ലാ​ക്ക​പ്പെ​ട്ടു​വെന്ന്‌ ശ്രദ്ധി​ക്കുക:

മേലാൽ യുദ്ധമില്ല: “അവൻ ഭൂമി​യു​ടെ അററം​വരെ യുദ്ധങ്ങളെ നിർത്തൽചെ​യ്യു​ന്നു.” (സങ്കീർത്തനം 46:9) “ജനത ജനത​ക്കെ​തി​രെ വാളു​യർത്തു​ക​യില്ല, അവർ മേലാൽ യുദ്ധം അഭ്യസി​ക്ക​യു​മില്ല.”—യെശയ്യാവ്‌ 2:4.

ഏവർക്കും നീതി: “ഞാൻ നീതിയെ അളവു​നൂ​ലാ​യും ന്യായത്തെ നിരപ്പാ​ക്കൽ ഉപകര​ണ​മാ​യും തീർക്കും.”—യെശയ്യാവ്‌ 28:17.

ഭയത്തിൽനി​ന്നു സ്വാത​ന്ത്ര്യം: “അവർ യഥാർത്ഥ​ത്തിൽ ഓരോ​രു​ത്തൻ തന്റെ മുന്തി​രി​വ​ള്ളി​യു​ടെ കീഴി​ലും തന്റെ അത്തിവൃ​ക്ഷ​ത്തിൻകീ​ഴി​ലും ഇരിക്കും, അവരെ ഭയപ്പെ​ട​ത്തുന്ന ആരും ഉണ്ടായി​രി​ക്ക​യു​മില്ല.” (മീഖാ 4:4) “അവർ തങ്ങളുടെ മണ്ണിൽ സുരക്ഷി​ത​രാ​ണെന്ന്‌ യഥാർത്ഥ​ത്തിൽ തെളി​യും.”—യെഹെ​സ്‌കേൽ 34:27.

വിശപ്പ്‌ ഇല്ലായ്‌മ​ചെ​യ്യും: “ഭൂമി​യിൽ ധാന്യ​സ​മൃ​ദ്ധി​യു​ണ്ടാ​കും; പർവത​ങ്ങ​ളു​ടെ ശിഖര​ങ്ങ​ളിൽ ഒരു കവി​ഞ്ഞൊ​ഴുക്ക്‌ ഉണ്ടാകും.” (സങ്കീർത്തനം 72:16) “വയലിലെ വൃക്ഷം തീർച്ച​യാ​യും അതിന്റെ ഫലം തരും, നിലം​തന്നെ അതിന്റെ ആദായം തരും.—യെഹെ​സ്‌കേൽ 34:27.

വാർദ്ധ​ക്യ​മൊ രോഗ​മൊ മേലാൽ ഇല്ല: “അവന്റെ മാംസം യൗവന​ത്തി​ലേ​തി​ലും പുതുക്കം പ്രാപി​ക്കട്ടെ; യുവസ​ഹ​ജ​മായ ഊർജ്ജ​സ്വ​ല​ത​യു​ടെ നാളു​ക​ളി​ലേക്ക്‌ അവൻ തിരി​ച്ചു​വ​രട്ടെ.” (ഇയ്യോബ്‌ 33:25) “‘എനിക്ക്‌ രോഗ​മാണ്‌’എന്ന്‌ യാതൊ​രു നിവാ​സി​യും പറയു​ക​യില്ല.”—യെശയ്യാവ്‌ 33:24.

മരണവും വിലാ​പ​വും വേദന​യും എന്നേക്കു​മാ​യി നീങ്ങ​പ്പോ​കും: “[ദൈവം] അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മേലാൽ മരണം ഉണ്ടായി​രി​ക്ക​യില്ല, വിലാ​പ​മൊ കരച്ചി​ലൊ വേദന​യൊ ഇനിമേൽ ഉണ്ടായി​രി​ക്ക​യില്ല. മുമ്പത്തെ കാര്യങ്ങൾ നീങ്ങി​പ്പോ​യി​രി​ക്കു​ന്നു.”—വെളി​പ്പാട്‌ 21:4.

ഭൂതകാ​ല​ത്താൽ ബാധി​ക്ക​പ്പെ​ടു​ക​യില്ല

ആസന്നമാ​യി​രി​ക്കുന്ന ദൈവ​നിർമ്മി​ത​മായ പുതിയ ലോകം വളരെ സംതൃ​പ്‌തി​ക​ര​മാ​യി​രി​ക്കു​ന്ന​തി​നാൽ കഴിഞ്ഞു​പോയ കഷ്ടപ്പാ​ടു​ക​ളു​ടെ അസുഖ​ക​ര​മായ ഏതെങ്കി​ലും ഓർമ്മ​ക​ളാൽപ്പോ​ലും ജീവി​താ​സ്വാ​ദനം തടസ്സ​പ്പെ​ടു​ക​യില്ല. ആ പുതിയ യുഗത്തി​ലെ ജനങ്ങളു​ടെ അനുദി​ന​ജീ​വി​ത​ത്തി​ലെ പരിപു​ഷ്ടി​പ്പെ​ടു​ത്തുന്ന ചിന്തക​ളും പ്രവൃ​ത്തി​ക​ളും കഴിഞ്ഞ കാലത്തെ ദുഷിച്ച ഓർമ്മ​കളെ തുടച്ചു​മാ​റ​റും. ദൈവ​ത്തി​ന്റെ വാഗ്‌ദാ​നം ഇതാണ്‌: “കഴിഞ്ഞു​പോയ കാര്യങ്ങൾ ഓർക്കു​ക​യില്ല, അവ ഹൃദയ​ത്തി​ലേ​ക്കും വരിക​യില്ല.” ദൈവം ഭൂവ്യാ​പ​ക​മാ​യി ഉളവാ​ക്കു​ന്ന​തിൽ ജനങ്ങൾ “എക്കാല​വും സന്തുഷ്ട​രാ​യി​രി​ക്കും.” മുഴു​ഭൂ​മി​യും സ്വസ്ഥമാ​യി​രി​ക്കു​ന്നു, അസ്വസ്ഥ​ത​യിൽനിന്ന്‌ വിമു​ക്ത​മാ​യി​രി​ക്കു​ന്നു. ജനങ്ങൾ സന്തോ​ഷ​പൂർണ്ണ​മായ ആർപ്പു​വി​ളി​ക​ളാൽ പ്രസന്ന​വ​ദ​ന​രാ​യി​ത്തീർന്നി​രി​ക്കു​ന്നു.”—യെശയ്യാവ്‌ 65:17, 18; 14:7.

ബൈബിൾ പ്രസ്‌താ​വി​ക്കു​ന്ന​തു​പോ​ലെ, ഇന്ന്‌ “നീട്ടി​വെ​ക്ക​പ്പെ​ടുന്ന പ്രതീ​ക്ഷകൾ ഹൃദയ​വ്യാ​ധി​ക്കി​ട​യാ​ക്കു​ന്നു.” എന്നാൽ പുതിയ ലോക​ത്തിൽ സാഹച​ര്യം നേരേ തിരി​ഞ്ഞു​വ​രും. ആ കാലത്ത്‌ “ആഗ്രഹി​ച്ചത്‌ സംഭവി​ക്കു​ക​തന്നെ ചെയ്യു​മ്പോൾ അത്‌ ഒരു ജീവവൃക്ഷ[മായി​രി​ക്കും].” (സദൃശ​വാ​ക്യ​ങ്ങൾ 13:12) ഹൃദയങ്ങൾ ഒരിക്ക​ലും കഷ്ടപ്പാ​ടു​ക​ളാ​ലൊ സാക്ഷാ​ത്‌ക്ക​രി​ക്ക​പ്പെ​ടാത്ത പ്രതീ​ക്ഷ​ക​ളാ​ലോ ഭാര​പ്പെ​ടു​ക​യില്ല. പകരം, അവ മനുഷ്യ​കു​ടും​ബ​ത്തിന്‌ ദൈവം നൽകുന്ന അതിശ​യ​ക​ര​മായ അനേകം കാര്യ​ങ്ങ​ളാൽ സന്തോ​ഷ​വും സംതൃ​പ്‌തി​യും നിറഞ്ഞ​താ​യി​രി​ക്കും.

വ്യത്യസ്‌ത ഭരണം

ദൈവ​ത്തിൽനിന്ന്‌ അന്യപ്പെട്ട അതൃപ്‌തി​ക​ര​മായ മാനു​ഷ​ഭ​ര​ണ​ത്തി​നു പകരം പുതിയ ലോക​ത്തിൽ തികച്ചും വ്യത്യ​സ്‌ത​മായ ഒരു ഭരണമു​ണ്ടാ​യി​രി​ക്കും. ഭരണാ​ധി​കാ​രം മനുഷ്യ​രിൽനിന്ന്‌ എടുത്തു​മാ​റ​റ​പ്പെ​ടും. ദൈവത്തെ ആശ്രയി​ക്കാ​തെ ഭരിക്കാൻ അവർ വീണ്ടും ഒരിക്ക​ലും അനുവ​ദി​ക്ക​പ്പെ​ടു​ക​യില്ല.

ബൈബിൾ പ്രവചനം ഇപ്രകാ​രം പറയുന്നു: “ആ രാജാ​ക്കൻമാ​രു​ടെ [ഇപ്പോൾ അധികാ​ര​ത്തി​ലുള്ള ഭരണാ​ധി​കാ​രി​കൾ] നാളു​ക​ളിൽ സ്വർഗ്ഗ​സ്ഥ​നായ ദൈവം ഒരിക്ക​ലും നശിപ്പി​ക്ക​പ്പെ​ടു​ക​യി​ല്ലാത്ത ഒരു രാജ്യം [സ്വർഗ്ഗ​ത്തിൽ] സ്ഥാപി​ക്കും. ആ രാജ്യം​തന്നേ മററ്‌ യാതൊ​രു ജനതയി​ലേ​ക്കും കൈമാ​റ​റ​പ്പെ​ടു​ക​യില്ല [മേലാൽ ഒരിക്ക​ലും മാനു​ഷ​ഭ​രണം ഉണ്ടായി​രി​ക്ക​യില്ല]. അത്‌ ഈ രാജത്വ​ങ്ങളെ എല്ലാം [ഇപ്പോൾ സ്ഥിതി​ചെ​യ്യുന്ന] തകർക്കു​ക​യും അവസാ​നി​പ്പി​ക്കു​ക​യും ചെയ്യും, അതുതന്നെ അനിശ്ചി​ത​കാ​ല​ത്തേക്ക്‌ നിലനിൽക്കു​ക​യും ചെയ്യും.”—ദാനി​യേൽ 2:44.

“നിന്റെ രാജ്യം വരേണമേ, നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും നിറ​വേ​റ​റ​പ്പെ​ടേ​ണമേ” എന്ന്‌ പറഞ്ഞു​കൊണ്ട്‌ യേശു ഭൂമി​മേ​ലുള്ള പുതിയ ഭരണത്തി​നു​വേണ്ടി പ്രാർത്ഥി​ക്കാൻ തന്റെ അനുഗാ​മി​കളെ പഠിപ്പി​ച്ചു.—മത്തായി 6:10.

മനുഷ്യ​വർഗ്ഗ​ത്തി​ന്റെ പുതിയ ഗവൺമെൻറ്‌ അതായി​രി​ക്കും—യേശു​വി​ന്റെ കൈക​ളി​ലെ ദൈവ​രാ​ജ്യ​ത്താ​ലുള്ള ദൈവ​ത്തി​ന്റെ സ്വർഗ്ഗീ​യ​ഭ​രണം. ഭൂമി​യിൽ ദൈവ​ത്തി​ന്റെ വിശ്വസ്‌ത മാനു​ഷ​ദാ​സൻമാർ ദൈവി​ക​നിർദ്ദേ​ശ​ത്തിന്‌ ചേർച്ച​യാ​യി കാര്യങ്ങൾ നിർവ​ഹി​ക്കും. (യെശയ്യാവ്‌ 32:1) അപ്പോ​സ്‌ത​ല​നായ പത്രോസ്‌ ഈ പുതിയ ക്രമീ​ക​ര​ണ​ത്തെ​ക്കു​റിച്ച്‌, “അവന്റെ വാഗ്‌ദ​ത്ത​പ്ര​കാ​രം നാം കാത്തി​രി​ക്കുന്ന നീതി വസിക്കേണ്ട പുതിയ ആകാശ​ങ്ങ​ളും പുതിയ ഭൂമി​യും” എന്നു പ്രസ്‌താ​വി​ച്ചു. (2 പത്രോസ്‌ 3:13) ആ രാജ്യ​ഭ​രണം ബൈബി​ളി​ന്റെ കേന്ദ്ര​പ​ഠി​പ്പി​ക്ക​ലാണ്‌.

‘സൃഷ്ടി സ്വാത​ന്ത്ര്യം പ്രാപി​ക്കു​ന്നു’

ഈ പുതിയ ഭരണം ഭൂമി​യു​ടെ പ്രകൃ​തി​ശ​ക്തി​ക​ളെ​യും പരിപൂർണ്ണ​മാ​യി നിയ​ന്ത്ര​ണ​ത്തിൽ കൊണ്ടു​വ​രും. “പ്രകൃ​തി​യു​ടെ പ്രവർത്തന”ങ്ങളായ ഭൂകമ്പം, ചുഴലി​ക്കാ​ററ്‌, വെള്ള​പ്പൊ​ക്കം, വരൾച്ച എന്നിവ ഒരിക്ക​ലും വിപത്തി​നി​ട​യാ​ക്കു​ക​യില്ല. യേശു​തന്നെ ഈ ശക്തികൾക്ക്‌ ആജ്ഞകൊ​ടു​ത്തു​കൊണ്ട്‌ തന്റെ അധികാ​രം പ്രകട​മാ​ക്കി. ഉദാഹ​ര​ണ​മാ​യി ഒരു സന്ദർഭ​ത്തിൽ യേശു​വും അവന്റെ ശിഷ്യൻമാ​രും കയറി​യി​രുന്ന വള്ളം കൊടു​ങ്കാ​റ​റിൽ മിക്കവാ​റും മറിയാ​റാ​യ​പ്പോൾ അവൻ കാററി​നെ​യും കടലി​നെ​യും ശാന്തമാ​ക്കി. അത്ഭുത​പ​ര​ത​ന്ത്ര​രായ ശിഷ്യൻമാർ “ഇത്‌ ഏതുതരം മനുഷ്യ​നാണ്‌, കാററും കടലും​പോ​ലും ഇവനെ അനുസ​രി​ക്കു​ന്നു​വ​ല്ലോ” എന്ന്‌ ഉദ്‌ഘോ​ഷി​ച്ചു.—മത്തായി 8:23-27.

അതു​കൊണ്ട്‌ ഭൂമി​യും അതിലെ മാനു​ഷ​സൃ​ഷ്‌ടി​ക​ളും ഒരു അതുല്യ​മായ സ്വാത​ന്ത്ര്യം കണ്ടെത്തും. “സൃഷ്ടി​ത​ന്നെ​യും ദ്രവത്വ​ത്തി​ന്റെ അടിമ​ത്വ​ത്തിൽനിന്ന്‌ സ്വാത​ന്ത്ര്യം​പ്രാ​പി​ക്കു​ക​യും ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം അനുഭ​വി​ക്കു​ക​യും ചെയ്യും. എന്തു​കൊ​ണ്ടെ​ന്നാൽ സകല സൃഷ്‌ടി​യും ഇപ്പോൾവരെ ഒരുമി​ച്ചു ഞരങ്ങു​ക​യും ഒരുമി​ച്ചു​വേ​ദ​ന​പ്പെ​ടു​ക​യും ചെയ്യുന്നു എന്ന്‌ നാം അറിയു​ന്നു.”—റോമർ 8:21, 22.

മാനു​ഷ​ഭ​ര​ണം പെട്ടെന്ന്‌ അവസാ​നി​ക്കു​മെ​ന്നും ദൈവ​ത്തി​ന്റെ നൂതന​ഗ​വൺമെൻറ്‌ ഭൂമി​യു​ടെ മുഴു കാര്യാ​ദി​ക​ളു​ടെ​യും നടത്തിപ്പ്‌ ഏറെറ​ടു​ക്കു​മെ​ന്നും നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​മോ? സുനി​ശ്ചി​ത​മാ​യും നമുക്കു കഴിയും, എന്തു​കൊ​ണ്ടെ​ന്നാൽ അഖിലാ​ണ്ഡ​പ​ര​മാ​ധി​കാ​രി തന്റെ വാക്ക്‌ നൽകി​യി​ട്ടുണ്ട്‌: “‘എന്റെ സ്വന്തം പദ്ധതി നിലനിൽക്കും, എന്റെ പ്രമോ​ദ​മെ​ല്ലാം ഞാൻ ചെയ്യും’; . . . ഞാൻതന്നെ ഇതു സംസാ​രി​ച്ചി​രി​ക്കു​ന്നു; ഞാൻ അതു നടപ്പി​ലാ​ക്കു​ക​യും ചെയ്യും. ഞാൻ അത്‌ രൂപീ​ക​രി​ച്ചി​രി​ക്കു​ന്നു, ഞാൻ അതു ചെയ്യു​ക​യും ചെയ്യും.”—യെശയ്യാവ്‌ 46:10, 11.

“ഒരു നിയമിത കാലം”

അത്‌ എങ്ങനെ കൈവ​രും? അത്‌ എപ്പോൾ സംഭവി​ക്കും? ദൈവ​ത്തി​ന്റെ വചനം പ്രസ്‌താ​വി​ക്കു​ന്നു: “എല്ലാറ​റി​നും ഒരു നിയമി​ത​സ​മ​യ​മുണ്ട്‌.” (സഭാ​പ്ര​സം​ഗി 3:1) ഇതിൽ ദൈവം ‘മതി!’ എന്നു പറയു​ന്ന​തി​നും ദുഷ്ടത​യും കഷ്ടപ്പാ​ടും അവസാ​നി​പ്പി​ക്കു​ന്ന​തി​നും ഉള്ള ഒരു നിയമിത സമയവും ഉൾപ്പെ​ടു​ന്നു. ദാനി​യേൽ “അന്തത്തിന്റെ നിയമി​ത​കാ​ലത്തെ” പരാമർശി​ച്ചു.” (ദാനി​യേൽ 8:19) യേശു​വും ഒരു “നിയമിത കാലത്തെ”ക്കുറിച്ച്‌ പറഞ്ഞു.—മത്തായി 13:32, 33.

ഉവ്വ്‌, ദൈവം താൻ മാനു​ഷ​കാ​ര്യാ​ദി​ക​ളിൽ ഇടപെ​ടു​ന്ന​തി​നും തന്നിൽനിന്ന്‌ അന്യപ്പെട്ട മാനു​ഷ​ഭ​ര​ണ​ത്തി​ന്റെ സങ്കടക​ര​മായ പരീക്ഷ​ണത്തെ തുടച്ചു​നീ​ക്കു​ന്ന​തി​നു​മുള്ള ഒരു സുനി​ശ്ചിത സമയം വെച്ചി​ട്ടുണ്ട്‌. “സത്യ​ദൈവം നീതി​മാ​നെ​യും ദുഷ്‌ട​നെ​യും ന്യായം​വി​ധി​ക്കും, എന്തു​കൊ​ണ്ടെ​ന്നാൽ എല്ലാ കാര്യ​ങ്ങൾക്കും ഒരു സമയമുണ്ട്‌.” (സഭാ​പ്ര​സം​ഗി 3:17) ബൈബിൾപ്ര​വ​ച​ന​നി​വൃ​ത്തി കഷ്ടപ്പാ​ടി​ന്റെ അനുവാ​ദ​ത്തിന്‌ ദൈവം നീക്കി​വെച്ച കാലം പെട്ടെന്ന്‌ അവസാ​നി​ക്കും എന്ന്‌ സൂചി​പ്പി​ക്കു​ന്നു. ആ സമയപ​രി​ധി അവസാ​നി​ക്കു​മ്പോൾ ആയിര​ക്ക​ണ​ക്കി​നു വർഷങ്ങ​ളിൽ മാനു​ഷ​കു​ടും​ബ​ത്തിന്‌ വലിയ കഷ്ടപ്പാട്‌ കൈവ​രു​ത്തിയ അതൃപ്‌തി​ക​ര​മായ മാനുഷ ഭരണവ്യ​വ​സ്ഥി​തി​യെ അവൻ ആസ്‌തി​ക്യ​ത്തിൽനിന്ന്‌ തകർത്തു നീക്കി​ക്ക​ള​യും.—മത്തായി 24:3-14; 2 തിമൊ​ഥെ​യോസ്‌ 3:1-5, 13; വെളി​പ്പാട്‌ 19:11-21.

ദൈവം തന്റെ ന്യായ​വി​ധി നടപ്പി​ലാ​ക്കു​മ്പോൾ, അവന്റെ ഭരണത്തിന്‌ കീഴ്‌പ്പെ​ടു​ന്ന​വർക്ക്‌ കീഴ്‌പ്പെ​ടാ​ത്ത​വ​രോ​ടുള്ള വിപരീ​ത​താ​ര​ത​മ്യ​ത്തിൽ എന്തു സംഭവി​ക്കു​മെന്ന്‌ ശ്രദ്ധി​ക്കുക: “കേവലം അൽപ്പകാ​ല​ത്തി​നു​ശേഷം ദുഷ്ടൻ മേലാൽ ഉണ്ടായി​രി​ക്ക​യില്ല; . . . എന്നാൽ സൗമ്യ​ത​യു​ള്ള​വർതന്നെ ഭൂമിയെ കൈവ​ശ​മാ​ക്കും, അവർ തീർച്ച​യാ​യും സമാധാ​ന​സ​മൃ​ദ്ധി​യിൽ പരമാ​നന്ദം കണ്ടെത്തും.” “ദുഷ്ടൻമാ​രു​ടെ സന്തതിയെ സംബന്ധി​ച്ചോ അവർ നിശ്ചയ​മാ​യും ഛേദി​ക്ക​പ്പെ​ടും. നീതി​മാൻമാർതന്നെ ഭൂമിയെ കൈവ​ശ​മാ​ക്കും, അവർ അതിൽ എന്നേക്കും വസിക്ക​യും ചെയ്യും.” “നീതി​മാ​നെ നിരീ​ക്ഷി​ക്കുക, ആ മമനു​ഷ്യ​ന്റെ ഭാവി സമാധാ​ന​പൂർണ്ണ​മാ​യി​രി​ക്കും. എന്നാൽ അതി​ക്ര​മി​കൾതന്നെ നിശ്ചയ​മാ​യും ഒരുമിച്ച്‌ നിർമ്മൂ​ല​മാ​ക്ക​പ്പെ​ടും.”—സങ്കീർത്തനം 37:10, 11, 28, 29, 37, 38; സദൃശ​വാ​ക്യ​ങ്ങൾ 2:21, 22; മത്തായി 5:5 കൂടി കാണുക.

എന്നാൽ നേര​ത്തെ​തന്നെ മരിച്ചു​പോയ സഹസ്ര​ല​ക്ഷ​ക്ക​ണ​ക്കി​നാ​ളു​കളേ സംബന്ധി​ച്ചെന്ത്‌? അവർ ഒരു പുതിയ ലോക​ത്തിൽനിന്ന്‌ എങ്ങനെ പ്രയോ​ജനം അനുഭ​വി​ക്കും? പുനരു​ത്ഥാ​ന​ത്താൽ; ഇവിടെ ഭൂമി​യിൽതന്നെ ജീവനി​ലേ​ക്കുള്ള ഒരു പുനഃ​സ്ഥി​തീ​ക​ര​ണ​ത്താൽ. അവർ ശവക്കു​ഴി​യിൽനിന്ന്‌ തിരികെ വരിക​യും എന്നേക്കും ജീവൻ ആസ്വദി​ക്കു​ന്ന​തി​നുള്ള അവസരം കൊടു​ക്ക​പ്പെ​ടു​ക​യും ചെയ്യും. ദൈവ​ത്തി​ന്റെ വചനം ഇപ്രകാ​രം ഉറപ്പു​നൽകു​ന്നു: “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും ഒരു പുനരു​ത്ഥാ​നം നടക്കാൻ പോകു​ന്നു.” (പ്രവൃ​ത്തി​കൾ 24:15) യേശു ലാസറി​നെ​യും നയീനി​ലെ വിധവ​യു​ടെ പുത്ര​നെ​യും പോലെ മരിച്ച വ്യക്തി​കളെ ഉയിർപ്പി​ച്ചു​കൊണ്ട്‌ ഇത്‌ പ്രകടി​പ്പി​ക്ക​യും ചെയ്‌തു.—യോഹ​ന്നാൻ 11:38-44; ലൂക്കോസ്‌ 7:11-16.

“പ്രതി​ഫലം”

ദൈവ​ത്തി​ന്റെ ഉദ്ദേശ്യം കഷ്ടപ്പാ​ടു​കൾ അവസാ​നി​പ്പി​ക്കു​ക​യും ഒരു പുതി​യ​ലോ​കം ആനയി​ക്കു​ക​യും ചെയ്യുക എന്നതാണ്‌ എന്ന്‌ അറിയു​ന്നത്‌ എത്ര ഹൃദയാ​ന​ന്ദ​ക​ര​മാണ്‌! പൂർണ്ണാ​രോ​ഗ്യ​ത്തി​ലും സന്തോ​ഷ​ത്തി​ലും ദുഷ്ടത​യും കഷ്ടപ്പാ​ടും എന്നേക്കു​മാ​യി കഴിഞ്ഞ​കാല സംഗതി​ക​ളാ​യി​രി​ക്കുന്ന പറുദീ​സാ ചുററു​പാ​ടു​ക​ളിൻമ​ദ്ധ്യേ ദശലക്ഷ​ക്ക​ണ​ക്കി​നു വർഷങ്ങൾ—വാസ്‌ത​വ​ത്തിൽ എന്നേക്കും—ജീവി​ക്കു​ന്ന​തി​നെ​ക്കു​റിച്ച്‌ ചിന്തി​ക്കുക!

മനുഷ്യ​വർഗ്ഗ​ത്തി​നുള്ള ദൈവ​ത്തി​ന്റെ ഈ “പ്രതി​ഫലം”—മുഴു​നി​ത്യ​ത​യി​ലേ​ക്കു​മു​ള്ളത്‌—ദൈവം അനുവ​ദിച്ച ആനുപാ​തി​ക​മാ​യി ഏതാനും ആയിരം വർഷ​ത്തേ​ക്കുള്ള കഷ്ടപ്പാ​ടി​നെ അപേക്ഷിച്ച്‌ വളരെ​യ​ധി​കം മുന്തി​നിൽക്കു​ന്നു എന്നതി​നോട്‌ നിങ്ങൾ യോജി​ക്കു​ന്നി​ല്ലേ? കൂടാതെ നാം വ്യക്തി​പ​ര​മാ​യി നമ്മുടെ ജീവി​ത​ത്തിൽ സഹി​ച്ചേ​ക്കാ​വുന്ന 70-ഓ 80-ഓ അതിൽ കുറവൊ വർഷത്തെ കഷ്ടപ്പാ​ടി​നേ​ക്കാൾ വളരെ​യ​ധി​കം മുന്തി​യ​ത​ല്ല​യോ?

ഒരു ദീർഘ​കാ​ലാ​ടി​സ്ഥാ​ന​ത്തി​ലുള്ള വീക്ഷണം

കാര്യങ്ങൾ സംബന്ധിച്ച തന്റെ ദീർഘ​കാ​ലാ​ടി​സ്ഥാ​ന​ത്തി​ലുള്ള വീക്ഷണ​ത്തിൽ, സ്രഷ്ടാ​വിന്‌, ആദ്യം അഖിലാ​ണ്ഡ​പ​ര​മാ​ധി​കാ​രി​യെന്ന നിലയിൽ ഭരിക്കു​ന്ന​തി​നുള്ള തന്റെ അവകാ​ശ​വും തന്റെ ഭരണത്തി​ന്റെ ഔചി​ത്യ​വും പോലുള്ള നിർണ്ണാ​യക കാര്യ​ങ്ങൾക്ക്‌ തീരു​മാ​ന​മു​ണ്ടാ​ക്കു​ന്നത്‌ ജീവൽപ്ര​ധാ​ന​മാ​യി​രു​ന്നെന്ന്‌ അറിയാം. തിര​ഞ്ഞെ​ടു​പ്പു​സ്വാ​ത​ന്ത്ര്യ​ത്തി​ന്റെ ഉചിത​വും അനുചി​ത​വു​മായ ഉപയോ​ഗ​ങ്ങൾസം​ബ​ന്ധിച്ച കാര്യ​ത്തിന്‌ തീരു​മാ​ന​മു​ണ്ടാ​ക്കു​ന്നത്‌ ജീവൽപ്ര​ധാ​ന​മാണ്‌. തന്റെ നീതി​യുള്ള നിയമ​ങ്ങൾക്ക്‌ വിശ്വ​സ്‌ത​മാ​യി കീഴ്‌പ്പെ​ടുന്ന മനുഷ്യർക്ക്‌ ലോക​ഭ​ര​ണാ​ധി​കാ​രി​ക​ളാ​ലുള്ള പീഡന​ത്തി​ന്റെ​യും പരി​ശോ​ധ​ന​യു​ടെ​യും കീഴിൽ തന്നോട്‌ നിർമ്മലത പാലി​ക്കാൻ കഴിയു​മെ​ന്നു​ള്ള​തി​നാൽ തന്റെ സൃഷ്ടി പൂർണ്ണ​ത​യു​ള്ള​താ​ണെന്ന്‌ പ്രകട​മാ​ക്കേ​ണ്ട​തും ആവശ്യ​മാ​യി​രു​ന്നു, ഇതിന്റെ ഒരു മുന്തിയ ദൃഷ്ടാന്തം ഭൂമി​യി​ലാ​യി​രു​ന്ന​പ്പോൾ തന്റെ സ്വന്തം പുത്ര​നായ യേശു ആണ്‌.

എല്ലാ വിവാ​ദ​പ്ര​ശ്‌ന​ങ്ങ​ളും പരിഹ​രി​ച്ച​ശേഷം, ദൈവം സമാധാ​ന​പൂർണ്ണ​മായ അഖിലാ​ണ്ഡത്തെ കളങ്ക​പ്പെ​ടു​ത്തു​ന്ന​തിന്‌ ദുഷ്ടത​യും കഷ്ടപ്പാ​ടും വീണ്ടും പ്രത്യ​ക്ഷ​പ്പെ​ടാൻ അനുവ​ദി​ക്ക​യില്ല. “കൊടിയ വിപത്ത്‌ രണ്ടാം പ്രാവ​ശ്യം പൊങ്ങി​വ​രു​ക​യില്ല.”—നഹൂം 1:9.

വരാനി​രി​ക്കു​ന്ന നിത്യ​ത​യി​ലെ​ല്ലാം ഈ കഴിഞ്ഞ ആയിര​ക്ക​ണ​ക്കിന്‌ വർഷങ്ങ​ളിൽ സംഭവി​ച്ച​തി​നെ അധിക​മാ​യും ഒരു സുപ്രീം​കോ​ട​തി​യിൽ തീരു​മാ​നി​ക്ക​പ്പെട്ട ഒരു മാതൃ​കാ​പ​ര​മായ കേസെ​ന്ന​പോ​ലെ ദൈവ​ത്തിന്‌ ഉപയോ​ഗ​പ്പെ​ടു​ത്താൻ കഴിയും. ഇതിന്റെ വിധി​ന്യാ​യം ദൈവ​ത്തി​ന്റെ പരമാ​ധി​കാ​ര​ത്തോ​ടൊ സ്വത​ന്ത്ര​മായ ഇച്ഛാശ​ക്തി​യു​ടെ ഉചിത​മായ ഉപയോ​ഗ​ത്തോ​ടൊ ബന്ധപ്പെട്ട പ്രശ്‌നങ്ങൾ അഖിലാ​ണ്ഡ​ത്തിൽ വേറെ എവി​ടെ​യെ​ങ്കി​ലും വീണ്ടും എപ്പോ​ഴെ​ങ്കി​ലും പൊന്തി​വ​രു​ന്ന​പക്ഷം ഭാവി​യിൽ ഏതു സമയത്തും ബാധക​മാ​ക്കാൻ കഴിയും.

നിങ്ങൾ എന്തു തിര​ഞ്ഞെ​ടു​ക്കും?

ഇന്ന്‌ നമുക്ക്‌ ഒരു തിര​ഞ്ഞെ​ടു​പ്പുണ്ട്‌. നമുക്ക്‌ നമ്മുടെ സ്വത​ന്ത്ര​മായ ഇച്ഛാശ​ക്തി​യെ ഈ രണ്ടു വിധങ്ങ​ളിൽ ഒന്നിന​നു​സ​ര​ണ​മാ​യി ഉപയോ​ഗി​ക്കാൻ കഴിയും: നമുക്ക്‌ ദൈവ​ത്തി​ന്റെ ഉദ്ദേശ്യ​ങ്ങളെ അവഗണി​ക്കാ​നും അപൂർണ്ണ മനുഷ്യ​രു​ടെ ഭരണം​കൊണ്ട്‌ തൃപ്‌തി​പ്പെ​ടാ​നും അതിന്റെ ഭാവി​ഫ​ല​ത്തിൽ പങ്കുപ​റ​റാ​നും തീരു​മാ​നി​ക്കാൻക​ഴി​യും, അല്ലെങ്കിൽ നമുക്ക്‌ ദൈവ​ത്തി​ന്റെ ഉദ്ദേശ്യ​ങ്ങൾ എന്തെന്നും അവന്റെ രാജ്യ​ത്തി​ന്റെ അർപ്പിത പ്രജക​ളെന്ന നിലയിൽ അവനെ പ്രീതി​പ്പെ​ടു​ത്താൻ നാം ചെയ്യേ​ണ്ട​തെ​ന്തെ​ന്നും പഠിക്കു​ന്ന​തിന്‌ നമ്മുടെ തെര​ഞ്ഞെ​ടു​പ്പിൻ സ്വാത​ന്ത്ര്യം ഉപയോ​ഗി​ക്കാൻക​ഴി​യും.

യേശു ദൈവ​ത്തോ​ടുള്ള പ്രാർത്ഥ​ന​യിൽ ഇപ്രകാ​രം പറഞ്ഞു: “അവർ ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും കുറി​ച്ചുള്ള അറിവ്‌ ഉൾക്കൊ​ള്ളു​ന്ന​തി​ന്റെ അർത്ഥം നിത്യ​ജീ​വൻ എന്നാണ്‌.” (യോഹ​ന്നാൻ 17:3) അതു​കൊണ്ട്‌ നാം പുതി​യ​ലോ​ക​ത്തി​ലെ നിത്യ​ജീ​വൻ ആഗ്രഹി​ക്കു​ന്നെ​ങ്കിൽ നാം ദൈവ​ത്തെ​ക്കു​റി​ച്ചും അവന്റെ ഉദ്ദേശ്യ​ങ്ങ​ളെ​ക്കു​റി​ച്ചും അവന്റെ നിബന്ധ​ന​ക​ളെ​ക്കു​റി​ച്ചും ഉള്ള സത്യം പഠിക്കു​ന്ന​തിന്‌ ശ്രമം ചെയ്യേ​ണ്ട​യാ​വ​ശ്യ​മുണ്ട്‌. ബൈബിൾ അത്‌ എങ്ങനെ വർണ്ണി​ക്കു​ന്നു എന്ന്‌ ശ്രദ്ധി​ക്കുക: “നിങ്ങൾ യഹോ​വ​യോ​ടു​കൂ​ടെ​യാ​ണെന്ന്‌ തെളി​യി​ക്കു​ന്ന​ട​ത്തോ​ളം അവൻ നിങ്ങ​ളോ​ടു​കൂ​ടെ ഉണ്ടായി​രി​ക്കും; നിങ്ങൾ അവനെ അന്വേ​ഷി​ക്കു​ന്നെ​ങ്കിൽ അവൻ നിങ്ങളാൽ കണ്ടെത്ത​പ്പെ​ടു​ന്ന​തിന്‌ അനുവ​ദി​ക്കും, എന്നാൽ നിങ്ങൾ അവനെ ഉപേക്ഷി​ക്കു​ന്നെ​ങ്കിൽ അവൻ നിങ്ങ​ളെ​യും ഉപേക്ഷി​ക്കും.”—2 ദിനവൃ​ത്താ​ന്തം 15:2.

ഈ പഴയ ലോക​ത്തി​ന്റെ സമയം തീർന്നു​പോ​യി​ക്കൊ​ണ്ടി​രി​ക്ക​യാണ്‌; പുതി​യ​തൊന്ന്‌ വരുന്നു​മുണ്ട്‌: “ലോകം നീങ്ങി​പ്പോ​കു​ക​യാ​കു​ന്നു, അതിന്റെ മോഹ​ങ്ങ​ളും അങ്ങനെ​തന്നെ, എന്നാൽ ദൈ​വേഷ്ടം ചെയ്യു​ന്നവൻ എന്നേക്കും സ്ഥിതി​ചെ​യ്യു​ന്നു.” (1 യോഹ​ന്നാൻ 2:17) നിങ്ങൾ ഏതു തിര​ഞ്ഞെ​ടു​ക്കും—നീങ്ങി​പ്പോ​കുന്ന പഴയ​ലോ​ക​ത്തെ​യോ അതോ ആസന്നമാ​യി​രി​ക്കുന്ന പുതി​യ​തി​നെ​യോ?

ദൈവ​ത്തി​ന്റെ വചനം പറയുന്നു: “ഞാൻ ജീവനും മരണവും, അനു​ഗ്ര​ഹ​വും ശാപവും, നിങ്ങളു​ടെ മുമ്പിൽ വെച്ചി​രി​ക്കു​ന്നു; നിങ്ങളും നിങ്ങളു​ടെ സന്തതി​ക​ളും നിങ്ങളു​ടെ ദൈവ​മായ യഹോ​വയെ സ്‌നേ​ഹി​ച്ചു​കൊ​ണ്ടും അവന്റെ ശബ്ദത്തിന്‌ ശ്രദ്ധ കൊടു​ത്തു​കൊ​ണ്ടും അവനോ​ടു പററി​നി​ന്നു​കൊ​ണ്ടും നിങ്ങൾ ജീവി​ച്ചി​രി​ക്കേ​ണ്ട​തിന്‌ തീർച്ച​യാ​യും ജീവനെ തിര​ഞ്ഞെ​ടു​ത്തു​കൊൾക; എന്തു​കൊ​ണ്ടെ​ന്നാൽ നിങ്ങളു​ടെ ജീവനും നിങ്ങളു​ടെ നാളു​ക​ളു​ടെ ദൈർഘ്യ​വും അവനാണ്‌.”—ആവർത്തനം 30:19, 20.

തങ്ങളുടെ ഇഷ്ടത്തെ ദൈവ​ത്തി​ന്റെ ഇഷ്ടത്തി​ന​നു​രൂ​പ​പ്പെ​ടു​ത്തു​ന്ന​വർക്കു​വേണ്ടി അവൻ കരുതി​വെ​ച്ചി​രി​ക്കുന്ന അനു​ഗ്ര​ഹങ്ങൾ ആസ്വദി​ക്ക​ണ​മെ​ന്നു​ള്ളത്‌ നിങ്ങളു​ടെ ആഗ്രഹ​മാ​ണോ? ഈ മാസി​ക​യു​ടെ പ്രസാ​ധകർ അല്ലെങ്കിൽ ലോക​ത്തി​ലെ​വി​ടെ​യു​മുള്ള യഹോ​വ​യു​ടെ സാക്ഷികൾ ഇതുസം​ബ​ന്ധിച്ച്‌ കൂടുതൽ അറിയു​ന്ന​തിന്‌ നിങ്ങളെ, സൗജന്യ​മാ​യി സഹായി​ക്കു​ന്ന​തിന്‌ സന്തോ​ഷ​മു​ള്ള​വ​രാണ്‌. (g90 10/8)

[12-ാം പേജിലെ ആകർഷ​ക​വാ​ക്യം]

മരിച്ചവർക്ക്‌ ശവക്കു​ഴി​യിൽനിന്ന്‌ ഉയിർപ്പി​ക്ക​പ്പെ​ടു​ന്ന​തി​നാൽ ദൈവ​ത്തി​ന്റെ പുതിയ ലോക​ത്തിൽ ജീവി​ക്കു​ന്ന​തി​നുള്ള അവസരം ലഭിക്കും