ബെർലിൻ—നമ്മുടെ ലോക​ത്തി​ന്റെ ഒരു മുഖക്ക​ണ്ണാ​ടി?

ജർമ്മനിയിലെ ഉണരുക! ലേഖകൻ

ആയിര​ത്തി​ത്തൊ​ള്ളാ​യി​രത്തി എൺപ​ത്തൊൻപതു നവംബർ 9-ന്‌ ആഹ്ലാദ​ഭ​രി​ത​രായ ജനക്കൂ​ട്ടങ്ങൾ ബർലിൻ മതിൽ കയറു​ന്ന​തും അസംഖ്യം പൂർവ ബർലിൻകാർ നിരോ​ധിത കവാട​ങ്ങ​ളി​ലൂ​ടെ കടക്കു​ന്ന​തും കാണാ​മാ​യി​രു​ന്നു—മിക്ക ജർമ്മൻകാർക്കും ലോക​മെ​മ്പാ​ടു​മുള്ള ടി. വി. നിരീ​ക്ഷ​കർക്കും അവിശ്വ​സ​നീ​യ​മായ ദൃശ്യം.

“വടക്കേ ദേശത്തെ രാജാവ്‌” എന്നും “തെക്കേ ദേശത്തെ രാജാവ്‌” എന്നും പറയപ്പെട്ട രണ്ടു വൻശക്തി​കൾ തമ്മിലുള്ള മൽസരത്തെ 1945 മുതൽ ബർലിൻ പല സംഗതി​ക​ളി​ലും പ്രതി​ഫ​ലി​പ്പി​ച്ചി​ട്ടുണ്ട്‌. (ദാനി​യേൽ 11:36-45) ബർലി​നിൽ ഈ മൽസരം വളർന്ന​തെ​ങ്ങനെ? അതിർത്തി​കൾ ഇപ്പോൾ തുറന്ന​തെ​ങ്ങനെ? നമ്മുടെ വിഭജി​ത​ലോ​ക​ത്തി​നും മാററം വരുമോ?

രണ്ടാം ലോക​മ​ഹാ​യുദ്ധ കാലത്ത്‌ സോവി​യ​ററു യൂണി​യ​നും അമേരി​ക്ക​യും ബ്രിട്ട​നും നാസി ജർമ്മനി​യോ​ടു യുദ്ധം ചെയ്യു​ന്ന​തി​നാ​യി യോജി​ച്ചു. ഈ സഹകരണം യുദ്ധാ​ന​ന്ത​ര​വും തുടരു​മെന്ന്‌ സഖ്യക​ക്ഷി​കൾ കരുതി. അതിനാൽ പരാജിത ജർമ്മനി​യെ അധിനി​വേശ മേഖല​ക​ളാ​യി വിഭജി​ക്കു​ന്ന​തി​നും പ്രത്യേക പദവി കൽപ്പി​ക്ക​പ്പെട്ട തലസ്ഥാ​ന​മാ​ക​യാൽ ബർലിൻ പങ്കു വെക്കു​ന്ന​തി​നും അവർ ഉടമ്പടി ചെയ്‌തു. അങ്ങനെ 1945ൽ സോവി​യ​ററ്‌ യൂണി​യ​ന്റെ​യും അമേരി​ക്ക​യു​ടെ​യും ബ്രിട്ട​ന്റെ​യും ഫ്രാൻസി​ന്റെ​യും സൈനിക ഭരണകൂ​ട​ങ്ങ​ളിൻ കീഴിൽ നിയ​ന്ത്രി​ക്ക​ത്ത​ക്ക​വി​ധം ജർമ്മനി​യും ബർലി​നും വിഭജി​ക്ക​പ്പെട്ടു.

കാര്യ​ങ്ങ​ളെ ഈ രാഷ്‌ട്രങ്ങൾ വ്യത്യ​സ്‌ത​മാ​യാണ്‌ വീക്ഷി​ച്ച​തെന്ന്‌ പെട്ടെന്ന്‌ വ്യക്തമാ​യി. ബർലിനു മുഴുവൻ കമ്മ്യൂ​ണി​സ്‌ററു ഭരണം വേണ​മെന്ന്‌ സോവി​യ​ററ്‌ യൂണിയൻ ആഗ്രഹി​ച്ചു. എന്നാൽ പാശ്ചാത്യ ശക്തികൾ തങ്ങളുടെ പ്രദേ​ശ​ങ്ങ​ളിൽ ഒരു ബഹുഭരണ വ്യവസ്ഥയെ പ്രോ​ത്സാ​ഹി​പ്പി​ച്ചു. 1946 ഒക്‌ടോ​ബ​റി​ലെ തെര​ഞ്ഞെ​ടു​പ്പിൽ അഞ്ചു ബർലിൻകാ​രിൽ നാലു​പേർവീ​തം കമ്മ്യൂ​ണി​സ്‌റ​റു​കൾക്കെ​തി​രെ വോട്ടു ചെയ്‌തു.

പാശ്ചാത്യ ശക്തികൾ, 1948-ൽ ഒരു സാമ്പത്തിക പുനർനിർമ്മാ​ണ​ത്തി​നും പടിഞ്ഞാ​റൻ ജർമ്മനി​യി​ലെ തങ്ങളുടെ അധിനി​വേശ പ്രദേ​ശത്ത്‌ ഒരൊററ ജനാധി​പത്യ സംസ്ഥാനം ആയിരി​ക്കു​ന്ന​തി​നും വേണ്ടി തീരു​മാ​നി​ച്ച​പ്പോൾ സോവി​യ​റ​റു​കൾ സഖ്യനി​യ​ന്ത്രണ സമിതി വിട്ടു. സംയുക്ത ചതുർശ്ശക്തി ഭരണം ഇങ്ങനെ അവസാ​നി​ച്ചു. ബർലിൻ ആസ്ഥാന​മാ​ക്കി ജർമ്മനി​യെ യോജി​ച്ചു ഭരിക്കാ​മെ​ന്നുള്ള പ്രതീക്ഷ ഹ്രസ്വാ​യു​സ്സു​ള്ള​താ​യി​ത്തീർന്നു.

ശീതസ​മരം ആരംഭി​ക്കു​ന്നു

സോവി​യ​ററു മേഖല​യാൽ ചുററ​പ്പെട്ട ബർലിൻ ചതുർശ്ശ​ക്തി​ക​ളു​ടേത്‌ എന്ന പദവി നിലനിർത്തി. നഗരത്തി​ന്റെ പൂർവ ഭാഗം നിയ​ന്ത്രി​ച്ചി​രുന്ന സോവി​യ​റ​റു​കളെ സംബന്ധി​ച്ചി​ട​ത്തോ​ളം പശ്ചിമ ഭാഗം അപകട​കാ​രി​യായ ഒരു “ഒരു വിഭിന്ന ഘടകം” ആയിരു​ന്നു. 1948 ജൂണിൽ പശ്ചിമ ബർലിന്റെ വിതരണ മാർഗ്ഗങ്ങൾ വിച്‌ഛേ​ദി​ക്കു​ന്ന​തി​നും ബർലി​നു​മേ​ലുള്ള അവകാ​ശങ്ങൾ ഉപേക്ഷി​ക്കാൻ പാശ്ചാ​ത്യ​രെ നിർബ​ന്ധി​ക്കു​ന്ന​തി​നു​മാ​യി സോവി​യ​റ​റു​കൾ ഒരു സമ്പൂർണ്ണ ഉപരിതല ഉപരോ​ധം ഏർപ്പെ​ടു​ത്തി. പാശ്ചാത്യ ശക്തികൾ എങ്ങനെ പ്രതി​ക​രി​ച്ചു?

വിമാന മാർഗ്ഗം സാധനങ്ങൾ എത്തിക്കുന്ന ചരി​ത്ര​ത്തി​ലെ ഏററവും ബൃഹത്തായ സംരംഭം 1948 ജൂൺ 26-ന്‌ ആരംഭി​ച്ചു. ഒരു വർഷത്തി​നു​ള്ളിൽ അമേരി​ക്ക​യും ബ്രിട്ട​നും നഗരത്തി​നുള്ള ഭക്ഷണവും കൽക്കരി​യും മററു ചരക്കു​ക​ളു​മാ​യി 23 ലക്ഷം ടൺ സാധനങ്ങൾ വഹിച്ചു​കൊ​ണ്ടുള്ള 2,79,114 വിമാ​ന​പ്പ​റ​ക്ക​ലു​കൾ നടത്തി. “ബർലിൻ ഉപരോ​ധം ശീതയു​ദ്ധ​ത്തി​നുള്ള നിർദ്ദേ​ശ​മാ​യി​രു​ന്നു,” എന്ന്‌ ദി ബർലിൻ വാൾ എന്ന ഗ്രന്ഥത്തിൽ നോർമൻ ഗൽബ്‌ പ്രസ്‌താ​വി​ക്കു​ന്നു. “അതേ സമയം ഉപരോ​ധ​ത്തോ​ടുള്ള പ്രതി​ക​രണം പടിഞ്ഞാ​റി​ന്റെ​മേൽ അമേരി​ക്ക​ക്കുള്ള നേതൃ​ത്വ​ത്തെ നാടകീ​യ​മാ​യി ദൃഢ​പ്പെ​ടു​ത്തി.”

അദ്ദേഹം തുടർന്നു പറയുന്നു: “കമ്മ്യൂ​ണി​സ്‌ററു മേഖല​ക്കു​ള്ളി​ലെ സഖ്യരാ​ജ്യ​ങ്ങ​ളു​ടെ ഒററപ്പെട്ട പ്രദേ​ശത്തു നിന്നു അവരെ പുറത്തു ചാടി​ക്കു​ന്ന​തി​നുള്ള സോവി​യ​ററ്‌ യത്‌ന​ങ്ങളെ പ്രതി​രോ​ധി​ക്കാൻ സഖ്യ രാജ്യ​ങ്ങൾക്കു കഴിവു​ണ്ടാ​യി​രു​ന്നു. സോവി​യ​ററു വ്യവസ്ഥയെ തകർക്കു​ന്ന​തിന്‌ പാശ്ചാ​ത്യർ നിശ്ചയി​ച്ചി​രി​ക്കു​ന്നു എന്ന ധാരണ രൂഢമൂ​ല​മാ​കു​ന്ന​തിന്‌ ഇത്‌ ഇടയാക്കി. അതിജീ​വി​ക്കു​ന്ന​തിന്‌ സോവി​യ​ററ്‌ യൂണിയൻ ഒരു വൻ ആയുധ ശക്തി ആകേണ്ട​താ​ണെ​ന്ന​തിൽ ക്രെം​ലി​നിൽ ഒരു സംശയ​വും അവശേ​ഷി​ച്ചില്ല. റഷ്യയും അമേരി​ക്ക​യും തമ്മിലുള്ള വൻശക്തി മത്സരത്തിന്‌ ബർലി​നു​വേ​ണ്ടി​യുള്ള സമരം വേദി​യാ​യി. ഈ ശക്തിമ​ത്സരം ഇരുപ​താം നൂററാ​ണ്ടി​ന്റെ ഉത്തരാർത്ഥ​ത്തിൽ അന്തർദ്ദേ​ശീയ രംഗത്തെ പ്രമുഖ വിഷയ​മാ​യി.”

ഉപരോ​ധം അവസാ​നി​ച്ച​പ്പോൾ ബർലിന്റെ പദവി നിലനിർത്തി​ക്കൊണ്ട്‌ അവി​ടെ​ത്തന്നെ നിലനിൽക്കാൻ പാശ്ചാത്യ ശക്തികൾ നിശ്ചയി​ച്ചു. കിഴക്കും പടിഞ്ഞാ​റും തമ്മിലുള്ള വിടവ്‌ യോജി​പ്പി​ക്കാ​നാ​വാ​ത്ത​താ​യി. 1949-ൽ രണ്ടു ജർമ്മൻ രാഷ്‌ട്രങ്ങൾ സ്ഥാപി​ത​മാ​യി: ജർമ്മൻ ഫെഡറൽ റിപ്പബ്ലി​ക്കും (പടിഞ്ഞാറ്‌) ജർമ്മൻ ഡെമോ​ക്രാ​റ​റിക്‌ റിപ്പബ്ലി​ക്കും (കിഴക്ക്‌). ഇപ്പോൾ ബർലിന്‌ രണ്ടു ഭരണ വ്യവസ്ഥ​ക​ളും രണ്ടു നാണയ​ങ്ങ​ളു​മാ​യി. 1952-1953കാലത്ത്‌ പൂർവ​ജർമ്മനി, കിഴക്കും പടിഞ്ഞാ​റും ബർലി​നു​കൾ തമ്മിലുള്ള ടെല​ഫോൺ, റോഡ്‌ ബന്ധങ്ങളും ബസ്‌ റൂട്ടു​ക​ളും വിച്‌ഛേ​ദി​ച്ചു.

ഉപഭോ​ക്താൾക്ക്‌ ഉൽപ്പന്ന​ങ്ങ​ളു​ടെ ഒരു വലിയ ശ്രേണി ലഭ്യമാ​ക്കി​ക്കൊണ്ട്‌ പശ്ചിമ ഭാഗത്തെ പൗരൻമാർ സാമ്പത്തി​കാ​ഭി​വൃ​ദ്ധി അനുഭ​വി​ച്ച​പ്പോൾ പൂർവ​ഭാ​ഗ​ത്തുള്ള അനേകർ അസംതൃ​പ്‌ത​രാ​യി. പൂർവ​ജർമ്മ​നി​യു​ടെ എല്ലാ ഭാഗ​ത്തേ​ക്കും പ്രകട​നങ്ങൾ വ്യാപി​പ്പി​ച്ചു​കൊണ്ട്‌ പൂർവ ബർലിൻകാർ പണിമു​ട​ക്കി​ലേക്ക്‌ നീങ്ങിയ 1953 ജൂണിൽ ഇതു പ്രത്യ​ക്ഷ​മാ​യി. വിലവർദ്ധ​നവ്‌ കമ്മ്യൂ​ണി​സ്‌ററു വ്യവസ്ഥി​തി​ക്കെ​തി​രെ അക്രമാ​സ​ക്ത​മായ ലഹളക്കു വഴി​യൊ​രു​ക്കി. പൂർവ​ജർമ്മൻ ഗവൺമെൻറ്‌ സോവി​യ​ററ്‌ സേന​യോട്‌ സഹായം അഭ്യർത്ഥി​ച്ചു. ടാങ്കുകൾ ലഹള അടിച്ച​മർത്തി.

പാശ്ചാത്യ ശക്തികൾ സ്വന്തം ബർലിൻ പ്രദേ​ശ​ങ്ങൾക്ക്‌ സംരക്ഷണം നൽകു​ക​യും നിരീ​ക്ഷി​ച്ചു​കൊ​ണ്ടി​രി​ക്കു​ക​യുമ​ല്ലാ​തെ ഒന്നും ചെയ്‌തില്ല. ജർമ്മനി​യു​ടെ വിഭജനം താല്‌ക്കാ​ലി​ക​മാ​യി​രി​ക്കു​മെ​ന്നുള്ള പ്രതീക്ഷ തകർന്നു. പഴയ സോവി​യ​ററ്‌ പശ്ചിമ​മേ​ഖ​ലകൾ തമ്മിലുള്ള അതിർത്തി കിഴക്കി​നും പടിഞ്ഞാ​റി​നു​മി​ട​യി​ലുള്ള വിഭജ​ന​രേ​ഖ​യാ​യി.

“സമാധാ​ന​ത്തി​ന്റെ​യും” “ലജ്ജയു​ടെ​യും” മതിൽ

തെക്കേ ദേശത്തെ രാജാവ്‌ പശ്ചിമ ബർലിനെ മോഹി​പ്പി​ക്കുന്ന ഒരു “പാശ്ചാത്യ വാണിജ്യ കവാടം” ആക്കിത്തീർത്തു. പശ്ചിമ ബർലി​നി​ലുള്ള ബന്ധുമി​ത്രാ​ദി​കളെ പ്രയാ​സം​കൂ​ടാ​തെ സന്ദർശി​ക്കാൻ കഴിഞ്ഞ കിഴക്കൻ ജർമ്മനി​യിൽനി​ന്നുള്ള ജനങ്ങൾ അവിടെ ജീവിതം എത്ര വ്യത്യ​സ്‌ത​മാ​ണെന്നു കണ്ടു. 1960-ൽ ഏകദേശം 2,00,000 ജർമ്മൻകാർ കിഴക്കു​നിന്ന്‌ പടിഞ്ഞാ​റേക്ക്‌ പലായനം ചെയ്‌തു. മിക്കവ​രും പശ്ചിമ ബർലി​നി​ലൂ​ടെ കടന്നു. “വടക്കേ ദേശത്തെ രാജാവ്‌” എങ്ങനെ ഈ “വാർച്ച” തടയു​മാ​യി​രു​ന്നു? പൂർവ​ജർമ്മൻ സായുധ ഗാർഡു​ക​ളും ജോലി​ക്കാ​രും ചേർന്ന്‌ മതിൽ നിർമ്മി​ക്കു​ന്നത്‌ 1961 ഓഗസ്‌ററ്‌ 13-ാം തീയതി പ്രഭാ​ത​ത്തിൽ കാണാൻ കഴിഞ്ഞു. നേർമൻ ഗൽബ്‌ പറയു​ന്ന​തു​പോ​ലെ, “ജനങ്ങളു​ടെ ആദർശ​പ​ര​മായ ചായ്‌വ​നു​സ​രിച്ച്‌ ഈ മതിൽ ‘ലജ്ജയുടെ മതിലെ’ന്നോ ‘സമാധാ​ന​ത്തി​ന്റെ മതിലെ’ന്നോ വിളി​ക്ക​പ്പെട്ടു.” ഒരു പൂർവ​ജർമ്മൻ കമ്യൂ​ണി​സ്‌റ​റു​കാ​രൻ ഇങ്ങനെ വിശദീ​ക​രി​ച്ചു: “ഞങ്ങൾക്ക്‌ മറെറാ​ന്നും ചെയ്യാൻ കഴിയു​മാ​യി​രു​ന്നില്ല. ഞങ്ങളുടെ ഒന്നാന്തരം പൗരൻമാ​രിൽ അനേകം​പേരെ നഷ്ടപ്പെ​ടു​ക​യാ​യി​രു​ന്നു.”

ബർലിൻ മതിൽ അഭയാർത്ഥി​പ്ര​വാ​ഹം തടഞ്ഞെ​ന്നു​മാ​ത്രമല്ല ബന്ധുക്ക​ളേ​യും സ്‌നേ​ഹി​ത​രേ​യും പരസ്‌പരം വേർതി​രി​ക്കു​ക​യും ചെയ്‌തു. മതിൽ നിർമ്മിച്ച്‌ ഇരുപ​ത്തെട്ടു മാസങ്ങൾക്കു​ശേഷം പൂർവ ബർലി​നി​ലുള്ള ബന്ധുക്കളെ കാണാൻ പശ്ചിമ ബർലിൻകാർക്ക്‌ ഒരു ദിവസ​ത്തേക്ക്‌ എന്ന ക്രമത്തിൽ പ്രവേ​ശനം നൽക​പ്പെട്ടു. ഒരു ചതുർശ്ശക്തി ഉടമ്പടി​യെ തുടർന്ന്‌ 1970-കളിൽ കൂടുതൽ അയവു​ണ്ടാ​യി. കിഴക്കും പടിഞ്ഞാ​റും തമ്മിൽ ടെല​ഫോൺ വിളി​ക​ളും സന്ദർശ​ന​ങ്ങ​ളും അനുവ​ദി​ച്ചു. എങ്കിലും ബർലിൻ മതിൽ കടക്കാ​നുള്ള ശ്രമത്തി​നി​ട​യിൽ എൺപ​തോ​ളം​പേർക്ക്‌ ജീവൻ നഷ്ടപ്പെട്ടു.

മതിൽ പൊളി​ക്കു​ന്ന​തി​നു മുമ്പായി ചാൻസലർ കോൾ പ്രസ്‌താ​വി​ച്ചു: “രണ്ടാം​ലോ​ക​മ​ഹാ​യു​ദ്ധ​ത്തി​നു​ശേഷം ആദ്യമാ​യി ജനറൽ സെക്ര​ട്ടറി ഗോർബ​ച്ചേ​വി​ന്റെ പുനസ്സം​ഘ​ടനാ നയം കിഴക്കും പടിഞ്ഞാ​റും തമ്മിലുള്ള സംഘർഷത്തെ അതിജീ​വി​ക്കു​ന്ന​തിന്‌ ഒരു ന്യായ​മായ പ്രതീക്ഷ കൈവ​രു​ത്തു​ന്നു.” ഇതു ബർലി​നിൽ പ്രകട​മാ​യ​തെ​ങ്ങനെ?

“വടക്കേ​ദേ​ശത്തെ രാജാ​വി​ന്റെ രാജ്യ​ത്തി​നു​ള്ളി​ലെ പരിഷ്‌കാ​രങ്ങൾ, 1989 മദ്ധ്യത്തിൽ ആയിര​ക്ക​ണ​ക്കി​നു പൂർവ ജർമ്മൻകാർ പല പൂർവ യൂറോ​പ്യൻ രാജ്യ​ങ്ങ​ളി​ലെ പശ്ചിമ ജർമ്മൻ സ്ഥാനാ​പ​തി​കാ​ര്യാ​ല​യ​ങ്ങ​ളി​ലേക്ക്‌ ഓടി​പ്പോ​കാ​ന​നു​വ​ദി​ച്ചു. സ്ഥാനാ​പതി കാര്യാ​ല​യങ്ങൾ ആളുക​ളെ​ക്കൊ​ണ്ടു നിറഞ്ഞു. സ്ഥിതി​ഗ​തി​കൾ അസഹ്യ​മാ​യി. 1989 സെപ്‌റ​റം​ബ​റിൽ കിഴക്കു നിന്നു വിട്ടയച്ച പരിക്ഷീ​ണ​രായ അഭയാർത്ഥി​ക​ളു​ടെ ഒരു പ്രവാഹം പടിഞ്ഞാ​റെ​ത്തി​യ​പ്പോൾ ഊഷ്‌മ​ള​മായ സ്വീക​രണം നൽക​പ്പെട്ടു. അഭൂത​പൂർവ​മായ ആവേശ​വും അത്യധി​ക​മായ ആഹ്ലാദ​വും അലതല്ലി.

ഈ ജനപ്ര​വാ​ഹം കിഴക്കൻ ജർമ്മനി​യിൽ വാദ​പ്ര​തി​വാ​ദ​ത്തിന്‌ തിരി​കൊ​ളു​ത്തി. ഇങ്ങനെ പുറ​പ്പെ​ട്ടു​പോ​കാൻ കാരണ​മെന്ത്‌? സമൂല പരിഷ്‌കാ​രങ്ങൾ നിഷേ​ധി​ക്ക​പ്പെട്ടു. 1989 ഒക്‌ടോ​ബ​റി​ലും നവംബ​റി​ലും പൂർവ ബർലി​നി​ലെ ലീപ്‌സി​ഗി​ലും മററു നഗരങ്ങ​ളി​ലും പത്തു ലക്ഷത്തി​ല​ധി​കം പൂർവ​ജർമ്മൻകാർ സമാധാ​ന​പ​ര​മായ പ്രകടനം നടത്തി. “ഞങ്ങളാണു ജനം” എന്ന്‌ അവർ ആർത്തു​വി​ളി​ച്ചു. പൂർവ ജർമ്മൻ ഗവൺമെൻറ്‌ വിട്ടു​കൊ​ടു​ത്തു. 28 വർഷങ്ങൾക്കു​ശേഷം ബർലിൻ മതിലും രാഷ്‌ട്രീ​യ​വും സാമ്പത്തി​ക​വു​മായ മാററ​ങ്ങ​ളി​ലേ​ക്കുള്ള വാതി​ലു​ക​ളും തുറക്ക​പ്പെട്ടു. ഡൈ സിററ്‌ എന്ന ജർമ്മൻ വർത്തമാ​ന​പ​ത്രം അഭി​പ്രാ​യ​പ്പെ​ട്ട​തു​പോ​ലെ “ലോക ചരിത്രം 1989-ൽ അടിസ്ഥാ​നങ്ങൾ വരെ ഇളക്ക​പ്പെട്ടു, ഭരണകൂ​ട​ങ്ങ​ളാൽ എന്നതി​ലു​പരി ജനസമൂ​ഹ​ങ്ങ​ളാൽ ഇതു സംഭവി​ച്ചു.”

അതിർത്തി​കൾ തുറക്ക​പ്പെ​ട്ട​തു​കൊണ്ട്‌ ബർലിൻകാർ “ജീവി​ക്കു​ന്നത്‌ ഇനി​മേ​ലിൽ ഒരു ദ്വീപി​ലാ​യി​രി​ക്കു​ന്നില്ല,” എന്ന്‌ ജർമ്മൻ വർത്തമാ​ന​പ്പ​ത്ര​മായ സ്വിഢ​യി​ഷെ സെയ്‌റ​റുംഗ്‌ പറയുന്നു. 1990-ൽ മതിൽ പൊളി​ക്കാൻ തുടങ്ങി.

യഥാർത്ഥ സമാധാ​ന​വും സുരക്ഷി​ത​ത്വ​വും സമീപം

ദീർഘ​കാ​ല​മാ​യി പശ്ചിമ പൂർവ ബർലി​നു​കൾ നമ്മുടെ വിഭജിത ലോകത്തെ മാത്രമല്ല അതിന്റെ പ്രശ്‌ന​ങ്ങ​ളേ​യും കൂടെ​യാണ്‌ പ്രതി​ഫ​ലി​പ്പി​ക്കു​ന്ന​താ​യി കാണ​പ്പെ​ട്ടത്‌. ഉദാഹ​ര​ണ​ത്തിന്‌ അനേകം പൂർവ​ജർമ്മൻകാർ ചില സാമൂ​ഹിക നൻമകൾ ആസ്വദി​ച്ചു​വെ​ങ്കി​ലും സാമ്പത്തിക ദൗർല​ഭ്യ​ങ്ങ​ളും വ്യാപ​ക​മായ മലിനീ​ക​ര​ണ​വും അവർ സഹിച്ചു. പശ്ചിമ ബർലിൻ, വിദ്യാർത്ഥി​സ​മരം ഭീകര​പ്ര​വർത്തനം രാഷ്‌ട്രീ​യാ​പ​വാ​ദം എന്നിങ്ങനെ സ്വന്തം പ്രശ്‌ന​ങ്ങളെ അഭിമു​ഖീ​ക​രി​ച്ചു. അതു​കൊണ്ട്‌ മമനു​ഷ്യ​ന്റെ ആഗോള പ്രശ്‌ന​ങ്ങളെ പരിഹ​രി​ക്കാൻ കഴിയുന്ന ഒരു ദർശനം പടിഞ്ഞാ​റോ കിഴക്കോ ഇല്ല.—സദൃശ​വാ​ക്യ​ങ്ങൾ 14:12.

രാഷ്‌ട്ര​ങ്ങൾക്ക്‌ എന്തുതന്നെ നേടാൻ കഴി​ഞ്ഞേ​ക്കാ​മെ​ങ്കി​ലും നമ്മുടെ വിഭജിത ലോകത്തെ സംയോ​ജി​പ്പി​ക്കാ​നുള്ള മാനുഷ യത്‌ന​ങ്ങൾക്ക്‌ സ്വാർത്ഥ​തയെ നീക്കി​ക്ക​ള​യു​ന്ന​തി​നൊ ഭൂമിയെ ഒരു പറുദീ​സ​യാ​ക്കു​ന്ന​തി​നൊ കഴിയില്ല. ഒരു മനുഷ്യാ​തീത ശക്തിക്കു മാത്രമേ യഥാർത്ഥ ഐക്യം കൈവ​രു​ത്തു​ന്ന​തി​നും രോഗ​വും മരണവും നീക്കു​ന്ന​തി​നും കഴിയു​ക​യു​ള്ളു. ദൈവ​രാ​ജ്യം ഈ വലിയ ജോലി നിർവ​ഹി​ക്കും.—മത്തായി 6:10; വെളി​പ്പാട്‌ 21:1-5. (g90 8/8)