ഞങ്ങൾ കാളക​ളോ​ടു പൊരു​തുന്ന “മന്ത്രവാ​ദി​നി​കൾ” ആയിരു​ന്നു

കാളകൾ കൂററൻമാർ ആയിരു​ന്നു. ഓരോ​ന്നും അര ടണ്ണോളം തൂക്കമു​ള്ളവ ആയിരു​ന്നി​രി​ക്കണം. എന്റെ രണ്ടു സഹോ​ദ​രി​മാ​രും ഞാനും സാധാ​ര​ണ​യാ​യി ചെറിയ കാളക​ളോ​ടാ​യി​രു​ന്നു പോരാ​ടി​യി​രു​ന്നത്‌; പക്ഷേ ഇവ ഭീതി​യു​ണർത്തുന്ന കൊമ്പു​ക​ളോ​ടു​കൂ​ടി പൂർണ്ണ വളർച്ച​യെ​ത്തി​യ​വ​യാ​യി​രു​ന്നു. തീർച്ച​യാ​യും ഞങ്ങൾക്ക്‌ അവയോ​ടു പൊരു​തു​വാൻ വിസമ്മ​തി​ക്കാ​മാ​യി​രു​ന്നു; എന്നാൽ ജനക്കൂട്ടം അതി​നോട്‌ എങ്ങനെ​യാ​യി​രി​ക്കും പ്രതി​ക​രി​ക്കുക? ലാസ്‌മെ​യ്‌ഗാസ്‌ (മന്ത്രവാ​ദി​നി​കൾ) കാളക​ളോട്‌ പൊരു​തു​ന്നതു കാണു​വാൻ പ്രവേശന ഫീസ്‌ നൽകി​യ​വ​രാ​ണവർ; അവരെ നിരാ​ശ​പ്പെ​ടു​ത്തു​വാൻ ഞങ്ങൾക്ക്‌ ആഗ്രഹ​മി​ല്ലാ​യി​രു​ന്നു. ഞങ്ങൾ മടി​യോ​ടെ കാള​പ്പോർ കളത്തി​ലേക്ക്‌ ഇറങ്ങി​ച്ചെന്നു.

കാളക​ളോട്‌ പോരാ​ടി മൂന്നു സഹോ​ദ​രി​മാർ എന്തു ചെയ്യു​ക​യാ​യി​രു​ന്നു എന്ന്‌ നിങ്ങൾ അത്‌ഭു​ത​പ്പെ​ട്ടേ​ക്കാം. കൊള്ളാം, തീർച്ച​യാ​യും ഈ തൊഴി​ലിൽ സ്‌ത്രീ​കൾ പുരു​ഷൻമാർക്കൊ​പ്പം മെച്ചമാ​ണെന്ന്‌ കാണി​ക്കു​വാ​നാ​യി​രു​ന്നില്ല അത്‌. കടുത്ത സാമ്പത്തി​കാ​വ​ശ്യ​ങ്ങൾ ആയിരു​ന്നു പുരുഷ ശക്തിയു​ടെ ഈ ലോക​ത്തേക്ക്‌ ഞങ്ങളെ തള്ളിവി​ട്ടത്‌.

കൗമാര പ്രായ​ക്കാ​രാ​യി​രു​ന്ന​പ്പോൾ, ഞങ്ങൾ വടക്കു​പ​ടി​ഞ്ഞാ​റൻ സ്‌പെ​യി​നി​ലെ ഞങ്ങളുടെ പട്ടണം വിട്ട്‌ മാഡ്രി​ഡി​ലേക്കു തിരിച്ചു; അവിടെ തൊഴിൽ കണ്ടെത്താം എന്നതാ​യി​രു​ന്നു ഞങ്ങളുടെ പ്രതീക്ഷ. ഒന്നും ലഭിക്കാ​താ​യ​പ്പോൾ, കാള​പ്പോ​രിൽ ഏർപ്പെ​ട്ടി​രി​ക്കുന്ന ഞങ്ങളുടെ ഒരു സുഹൃ​ത്തി​ന്റെ ഉപദേശം ഞങ്ങൾ സ്വീക​രി​ക്കു​ക​യും “കാളക​ളു​മാ​യുള്ള ഞങ്ങളുടെ ഭാഗ്യം പരീക്ഷി​ക്കാം” എന്നു നിശ്ചയി​ക്കു​ക​യും ചെയ്‌തു. ലാസ്‌ മെയ്‌ഗാസ്‌ സ്‌പെ​യി​നി​ലെ ഞങ്ങളുടെ ഉത്ഭവസ്ഥ​ലത്തെ എളുപ്പ​ത്തിൽ തിരി​ച്ച​റി​യി​ക്കുന്ന ഒരു നാമം ആയിരു​ന്ന​തി​നാൽ ലാസ്‌ മെയ്‌ഗാസ്‌ (മന്ത്രവാ​ദി​നി​കൾ) എന്നു ഞങ്ങളെ​ത്തന്നെ ഞങ്ങൾ വിളിച്ചു; കൂടാതെ കാളകളെ മയക്കു​വാൻ സാധി​ക്കും എന്നു ഞങ്ങൾ പ്രതീ​ക്ഷി​ക്കു​ക​യും ചെയ്‌തു. രണ്ടു വർഷത്തെ കടുത്ത പരിശീ​ലന കാലത്തി​നു​ശേഷം ഞങ്ങൾ കാര്യ​മാ​യി​ത്തന്നെ കാള​പ്പോർ നടത്തുന്ന പോരാ​ളി​ക​ളാ​യി​ത്തീർന്നു.

അപകട​ങ്ങ​ളും മരണവും

സാധാ​ര​ണ​യാ​യി, ഞങ്ങൾ രണ്ടു മൂന്നു വർഷം പ്രായ​മെ​ത്തിയ ചെറിയ കാളക​ളോ​ടാ​യി​രു​ന്നു പോർ നടത്തി​യി​രു​ന്നത്‌; അവ വളരെ ശക്തവും ഭീകര​വു​മാ​യി​രി​ക്കു​ക​യില്ല. പക്ഷേ അപകടം ഒഴിവാ​ക്ക​പ്പെ​ടു​ന്നു എന്ന്‌ അതിന്‌ അർത്ഥമില്ല; കാരണം അവ വേഗത​യേ​റി​യ​വ​യും കൂടുതൽ ചുറു​ചു​റു​ക്കു​ള്ള​വ​യു​മാ​യി​രി​ക്കാൻ ചായ്‌വു കാട്ടുന്നു. എങ്കിലും ഞങ്ങൾ ഭാഗ്യ​ശാ​ലി​ക​ളാ​യി​രു​ന്നു; ഒരു ഒടിഞ്ഞ കണങ്കാ​ലോ കുറച്ചു വൃത്തി​കെട്ട പോറ​ലു​ക​ളോ കാലിലെ ഒരു മുറി​വോ പോലു​ള്ളവ ഒഴിച്ചാൽ ഞങ്ങൾ ഗുരു​ത​ര​മായ പരിക്കു​ക​ളിൽനിന്ന്‌ രക്ഷപ്പെ​ട്ടി​രു​ന്നു. ഭീമാ​കാ​രൻമാ​രായ വളർച്ച​യെ​ത്തിയ കാളകളെ അഭിമു​ഖീ​ക​രി​ക്കേ​ണ്ടി​വന്ന സന്ദർഭ​ങ്ങ​ളിൽപോ​ലും ഞങ്ങൾ നിരപാ​യം പ്രദർശന കളരി വിട്ടു.

കാള​പ്പോർ സീസണിൽ ഞങ്ങൾ മിക്ക​പ്പോ​ഴും രാവി​ലെ​യും ഉച്ചതി​രി​ഞ്ഞും നാലു കാളക​ളോ​ടു വീതം പൊരു​തി​യി​രു​ന്നു. ഒടുവിൽ ഞങ്ങളുടെ കിടക്ക തയ്യാറാ​ക്കുന്ന ലാഘവ​ത്തോ​ടെ ഒരു കാളയെ കൊല്ലു​വാൻ ഞങ്ങൾക്കു കഴിഞ്ഞു. യഥാർത്ഥ​ത്തിൽ എട്ടു വർഷത്തെ ഒരു കാലഘ​ട്ട​ത്തിൽ സ്‌പെ​യി​നി​ലെ​യും പോർട്ടു​ഗ​ലി​ലെ​യും ഫ്രാൻസി​ലെ​യും കാള​പ്പോർ കളങ്ങളി​ലാ​യി 1500 കാളകളെ ഞങ്ങൾ കാള​പ്പോർ നടത്തി കൊന്നു. തെക്കെ അമേരി​ക്ക​യി​ലേക്ക്‌ ഒരു കരാർ നേടി​യെ​ടു​ക്കുക എന്നതാ​യി​രു​ന്നു ഞങ്ങളുടെ ലക്ഷ്യം; അവിടെ പോരി​നു​പ​യോ​ഗി​ക്കുന്ന കാളക​ളെ​യും അവയെ വളർത്തു​വാൻ പററിയ ഒരു മേച്ചിൽ പ്രദേ​ശ​വും വാങ്ങു​വാൻ മതിയായ വിധം വലിയ തുക സമ്പാദി​ക്കു​വാൻ ഞങ്ങൾക്കു കഴിയു​മാ​യി​രു​ന്നു.

ഞങ്ങളെ​ക്കൊണ്ട്‌ തുടക്കം ഇടുവി​ച്ചത്‌ വരവും ചെലവും കഷ്ടിച്ചു സമീക​രി​ക്കുക എന്ന ആവശ്യ​ത്തി​നു​വേ​ണ്ടി​യാ​യി​രു​ന്നു എങ്കിലും അധികം താമസി​യാ​തെ സാഹസി​ക​ത​ക്കും പ്രശസ്‌തി​ക്കും പണത്തി​നും വേണ്ടി​യുള്ള തൃഷ്‌ണ ഞങ്ങളുടെ പ്രധാന പ്രേര​ക​ഘ​ട​ക​മാ​യി. അപകടം ഉണ്ടായി​രു​ന്നെ​ങ്കി​ലും ഞങ്ങൾ അത്‌ ആസ്വദി​ച്ചു! സത്യമാ​യും കാള​പ്പോര്‌ നടത്തു​ന്ന​വ​രു​ടെ മരണവാർത്ത കൂടെ​ക്കൂ​ടെ ഞങ്ങൾ കേട്ടി​രു​ന്നു; ഉൾപ്പെ​ട്ടി​രി​ക്കുന്ന അപകട​ങ്ങ​ളു​ടെ രൂക്ഷമായ ഓർമ്മി​ക്ക​ലി​നാൽ കുറച്ചു ദിനങ്ങ​ളോ​ളം അത്‌ ഞങ്ങളെ ബാധി​ക്കു​ക​യും ചെയ്യു​മാ​യി​രു​ന്നു. എന്നാൽ താൽക്കാ​ലി​ക​മായ ഈ ഉത്‌ക്ക​ണ്‌ഠയെ ഞങ്ങൾക്കു വേഗം മറിക​ട​ക്കു​വാൻ കഴിയു​മാ​യി​രു​ന്നു. കാള​പ്പോർ നടത്ത​പ്പെ​ടുന്ന പ്രദർശന കളരി​ക്കു​ള്ളി​ലേക്ക്‌ കടക്കു​മ്പോൾ അന്യോ​ന്യം ശുഭാ​ശം​സകൾ നേരു​ന്ന​തി​നു പകരം ഞങ്ങൾ പറയു​മാ​യി​രു​ന്നു: “പോരാ​ട്ട​വു​മാ​യി മുന്നോട്ട്‌!”

ഒരു വ്യത്യസ്‌ത തരത്തി​ലുള്ള പോരാ​ട്ടം

ആയിര​ത്തി​തൊ​ള്ളാ​യി​രത്തി എൺപത്തി​നാ​ലിൽ ഞങ്ങളുടെ ലക്ഷ്യങ്ങ​ളെ​പ്പ​റ​റി​യും ഉപജീവന മാർഗ്ഗ​ത്തെ​പ്പ​റ​റി​ത്ത​ന്നെ​യും പുനർവി​ചി​ന്തനം ചെയ്യി​ക്കു​മാറ്‌ ചിലത്‌ എനിക്കും എന്റെ സഹോ​ദ​രി​മാ​രായ മിലാ​ഗ്രോ​സി​നും എൽഡാ​ക്കും സംഭവി​ച്ചു. ഞങ്ങൾ മൂന്നു​പേ​രും യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തുടങ്ങി. ദൈവ​രാ​ജ്യ​ത്തെ​യും ദൈവം വാഗ്‌ദത്തം ചെയ്‌ത ഭാവി പറുദീ​സ​യെ​യും കുറി​ച്ചുള്ള ഞങ്ങളുടെ പഠനത്താൽ ഞങ്ങൾ പുളകി​ത​രാ​യി. എന്നാൽ പ്രയാ​സ​ക​ര​മായ ഒരു തീരു​മാ​നം അപ്പോൾ ആവശ്യ​മാ​യി വന്നു. ഞങ്ങളുടെ തൊഴിൽ ഞങ്ങൾ പഠിക്കുന്ന വസ്‌തു​ത​ക​ളോ​ടു യോജി​പ്പി​ലാ​യി​രി​ക്കു​ന്നു​വോ?

അന്തിമ​മാ​യി, കാള​പ്പോർ നടത്തുന്ന ഞങ്ങളുടെ തൊഴി​ലിൽ ഞങ്ങൾക്കു തുടരു​വാൻ കഴിയു​ക​യില്ല എന്ന്‌ രണ്ടു കാര്യങ്ങൾ ഞങ്ങളെ ബോദ്ധ്യ​പ്പെ​ടു​ത്തി. ഒന്നാമ​താ​യി കാള​പ്പോർ നടത്ത​പ്പെ​ടുന്ന പ്രദർശ​ന​ക്ക​ള​രി​യി​ലെ അന്തരീക്ഷം ഞങ്ങൾ നിരീ​ക്ഷി​ച്ചു. ജനക്കൂ​ട്ട​ത്തി​ന്റെ ഉൻമാദം ഒരു റോമൻ സർക്കസി​ലെ ജനക്കൂ​ട്ടത്തെ അനുസ്‌മ​രി​പ്പി​ച്ചു. ക്രിസ്‌തീയ സ്‌ത്രീ​കൾക്ക്‌ അനു​യോ​ജ്യ​മായ ഒരു പരിതഃ​സ്ഥി​തി ആയിരു​ന്നു​വോ അത്‌?

രണ്ടാമത്തെ പ്രശ്‌നം ദിവ്യ​സം​ര​ക്ഷ​ണ​വു​മാ​യി ബന്ധപ്പെ​ട്ട​താ​യി​രു​ന്നു. മിക്കവാ​റും എല്ലാ കാള​പ്പോ​രു​കാ​രും കത്തോ​ലി​ക്ക​രാ​യി​രു​ന്ന​തി​നാൽ തങ്ങൾക്കു പ്രിയ​പ്പെട്ട കന്യകാ മറിയ​ത്തിൽ നിന്നോ “വിശു​ദ്ധ​രിൽ” നിന്നോ അവർ സംരക്ഷണം തേടുന്നു. ചിലർ പ്രാർത്ഥി​ക്കു​വാ​നാ​യി തങ്ങളുടെ ഹോട്ടൽ മുറി​ക​ളിൽ കൂടെ​ക്കൊ​ണ്ടു​പോ​കാ​വുന്ന അൾത്താ​രകൾ സജ്ജീക​രി​ക്കു​ന്ന​തു​പോ​ലും ഞാൻ കണ്ടിട്ടുണ്ട്‌; പോർക്ക​ള​ത്തി​ലെ പരിക്കു​ക​ളിൽനിന്ന്‌ ഇത്‌ തങ്ങളെ സംരക്ഷി​ക്കു​മെന്ന്‌ അവർ വിശ്വ​സി​ക്കു​ന്നു. ജനങ്ങളെ ആവേശ​ഭ​രി​ത​രാ​ക്കു​വാ​നും പണം സമ്പാദി​ക്കു​വാ​നു​മാ​യി, ഞങ്ങളുടെ ജീവനെ അപകട​ത്തി​ലാ​ക്കു​ക​യും മൃഗങ്ങ​ളോ​ടു കരുതി​ക്കൂ​ട്ടി ക്രൂരത പ്രകട​മാ​ക്കു​ക​യും ചെയ്യു​മ്പോൾ ഞങ്ങൾക്ക്‌ യഹോ​വ​യോട്‌ സംരക്ഷ​ണ​ത്തി​നാ​യി അപേക്ഷി​ക്കു​വാൻ കഴിയില്ല എന്ന്‌ ഞങ്ങൾക്ക്‌ മനസ്സി​ലാ​യി. കാള​പ്പോർ ഉപേക്ഷി​ക്കു​വാൻ തന്നെ ഞങ്ങൾ തീരു​മാ​നി​ച്ചു.

ഞങ്ങൾ ഈ തീരു​മാ​നം എടുത്ത ഉടനെ​തന്നെ ഞങ്ങൾ വളരെ​ക്കാ​ലം കാത്തി​രുന്ന തെക്കെ അമേരി​ക്കൻ കരാർ സാക്ഷാ​ത്‌ക​രി​ക്ക​പ്പെട്ടു. ഒരു വൻതുക സമ്പാദി​ക്കു​വാ​നുള്ള അവസരം ഞങ്ങളുടെ കൈപ്പി​ടി​യി​ലാ​യി​രു​ന്നു. എന്നാൽ ഞങ്ങളുടെ തിര​ഞ്ഞെ​ടു​പ്പിൽ ഞങ്ങൾ നിശ്ചയ​ദാർഢ്യ​മു​ള്ള​വ​രാ​യി​രു​ന്നു. 1985 ഒക്‌ടോ​ബർ 3-ന്‌ ഞങ്ങൾ ‘മന്ത്രവാ​ദി​നി​കൾ’ എന്നുള്ള നിലയിൽ ഞങ്ങളുടെ അവസാ​നത്തെ പ്രകടനം കാഴ്‌ച​വെച്ചു. ഏതാണ്ട്‌ ഒരു വർഷത്തി​നു​ശേഷം ഞങ്ങൾ സ്‌നാ​പ​ന​മേ​ററു. ഇപ്പോൾ ‘വിശ്വാ​സ​ത്തി​ന്റെ നല്ല പോർ പൊരു​തു​വാൻ’ ഞങ്ങൾ കഠിന​മാ​യി യത്‌നി​ക്കു​ന്നു—1 തിമൊ​ഥെ​യോസ്‌ 6:12.

ഞങ്ങൾ ഇപ്പോ​ഴും കൂട്ടായി തൊഴിൽ ചെയ്യുന്നു; എന്നാൽ ഒരു കാള​പ്പോർ കളത്തിലല്ല, മറിച്ച്‌ ഒരു റസ്‌റേ​റാ​റൻറി​ലാ​ണത്‌. പ്രശസ്‌തി​യേ​യും ധനത്തെ​യും​കാൾ മെച്ചമായ ചിലതു കണ്ടെത്തി​യ​തി​നാൽ ഞങ്ങൾ വളരെ സന്തുഷ്ട​രാണ്‌—സർവശ​ക്ത​നായ ദൈവ​വു​മാ​യുള്ള ഒരു നല്ല ബന്ധവും ഭാവി​യെ​ക്കു​റിച്ച്‌ ഉറപ്പുള്ള ഒരു പ്രതീ​ക്ഷ​യും. ദൈവ​ത്തി​ന്റെ പുതിയ ലോക​ത്തിൽ മെരു​ങ്ങാത്ത കാളകളെ ഞങ്ങൾക്കു തലോ​ടു​വാൻ സാധി​ക്കുന്ന കാലത്തി​ലേക്ക്‌ ഞങ്ങൾ നോക്കു​ന്നു; അവിടെ മനുഷ്യ​നോ മൃഗമോ “യാതൊ​രു ദോഷ​മോ നാശമോ ചെയ്യു​ക​യില്ല. . . . എന്തു​കൊ​ണ്ട​ന്നാൽ സമുദ്രം വെള്ളത്താൽ നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​ന​ത്താൽ തീർച്ച​യാ​യും നിറക്ക​പ്പെ​ടും.” (യെശയ്യാവ്‌ 11:9)—പിലാർ വിലാ കാവോ​യാൽ പറയ​പ്പെ​ട്ടത്‌. (g90 7⁄8)

[14-ാം പേജിലെ പിലാർ വിലാ കാവോ, മിലാ​ഗ്രോസ്‌ വിലാ കാവോ, എൽഡാ വിലാ കാവോ എന്നിവ​രു​ടെ ചിത്രം]

[15-ാം പേജിലെ പിലാർ വിലാ കാവോ, മിലാ​ഗ്രോസ്‌ വിലാ കാവോ, എൽഡാ വിലാ കാവോ എന്നിവ​രു​ടെ ചിത്രം]