യുവജ​നങ്ങൾ ചോദി​ക്കു​ന്നു...

എനിക്ക്‌ ഇത്ര അരക്ഷി​ത​ത്വം തോന്നു​ന്ന​തെ​ന്തു​കൊണ്ട്‌?

“ഞാൻ ആളുക​ളു​ടെ​യി​ട​യിൽ ആയിരി​ക്കു​മ്പോൾ, ഞാൻ കാണ​പ്പെ​ടു​ന്ന​വി​ധ​വും ഞാൻ എന്തു പറയു​ന്നു​വെ​ന്ന​തും ഞാൻ പ്രവർത്തി​ക്കുന്ന വിധവും മറെറാ​രാൾ എന്നെക്കു​റിച്ച്‌ എന്തു ചിന്തി​ക്കു​ന്നു​വെ​ന്ന​തും സംബന്ധിച്ച്‌ എപ്പോ​ഴും ഉത്‌ക്ക​ണ്‌ഠ​പ്പെ​ടു​ന്നു. ഞാൻ എല്ലാ സമയത്തും അരക്ഷി​ത​യാണ്‌.”—പതി​നേ​ഴു​വ​യ​സ്സു​കാ​രി ആൻജെ​ലി​ക്കാ.

നിങ്ങൾ യഥാർത്ഥ​ത്തിൽ ചെയ്യാൻ ഇഷ്ടപ്പെ​ടുന്ന കാര്യം ചെയ്യു​ന്ന​തിൽ നിന്ന്‌ പരാജ​യ​ഭീ​തി നിങ്ങളെ മാററി നിർത്തു​ന്നു​വോ? നിങ്ങൾ മററു​ള്ള​വ​രു​ടെ വിജയ​ങ്ങ​ളിൽ അസൂയ​യു​ള്ള​വ​രാ​ണോ? മററു​ള്ളവർ നിങ്ങ​ളെ​ക്കു​റിച്ച്‌ എന്തു ചിന്തി​ക്കു​ന്നു​വെ​ന്നതു സംബന്ധിച്ച്‌ നിങ്ങൾ വളരെ​യ​ധി​കം പ്രയാ​സ്സ​പ്പെ​ടു​ന്നു​ണ്ടോ? നിങ്ങൾക്ക്‌ പുതിയ ആളുകളെ അഭിമു​ഖീ​ക​രി​ക്കു​ന്ന​തിൽ അസ്വസ്ഥ​ത​യു​ണ്ടോ? നിങ്ങൾ വിമർശി​ക്ക​പ്പെ​ടു​മ്പോൾ തളർന്നു​പോ​കു​ന്നു​വോ? എങ്കിൽ നിങ്ങളും ഒരു പക്ഷേ അരക്ഷി​ത​ത്വ​ത്തി​ന്റെ വേദന അനുഭ​വി​ച്ചു​കൊ​ണ്ടി​രി​ക്കു​ന്നു. കേവലം ആ വിചാ​രങ്ങൾ എവിടെ നിന്നു വരുന്നു? നിങ്ങൾക്കെ​ങ്ങനെ അവയെ തരണം ചെയ്യാൻ കഴിയും?

ചെറു​പ്പ​വും വികാ​ര​ങ്ങളെ വ്രണ​പ്പെ​ടു​ത്താൻ പര്യാ​പ്‌ത​വും

ഒന്നാമത്‌, അരക്ഷി​ത​ത്വ​ത്തി​ന്റെ വിചാ​രങ്ങൾ ലോക​വ്യാ​പ​ക​മാ​യു​ള്ള​താ​ണെന്ന്‌ തിരി​ച്ച​റി​യുക. നാമെ​ല്ലാം അപൂർണ്ണ​ത​യിൽ ജനിച്ച​വ​രും അതു​കൊണ്ട്‌ പലപ്പോ​ഴും കുറവു​ള്ള​വ​രും വിലയി​ല്ലാ​ത്ത​വർപോ​ലും എന്നു വിചാ​രി​ക്കാൻ ചായ്‌വു​ള്ള​വ​രു​മാണ്‌. (യാക്കോബ്‌ 3:2; റോമർ 7:21-24 താരത​മ്യ​പ്പെ​ടു​ത്തുക. അതിലു​പരി നിങ്ങൾ ചെറു​പ്പ​വും അനുഭ​വ​പ​രി​ചയം കുറഞ്ഞ​വ​രു​മാണ്‌. അപരി​ചി​ത​മായ സന്ദർഭ​ങ്ങ​ളി​ലും അല്ലെങ്കിൽ നിങ്ങൾക്ക്‌ തികച്ചും പുതു​തായ ഏതെങ്കി​ലും കാര്യം ചെയ്യാൻ നിങ്ങ​ളോട്‌ ആവശ്യ​പ്പെ​ടു​മ്പോ​ഴും നിങ്ങൾക്ക്‌ അസ്വസ്ഥത അനുഭ​വ​പ്പെ​ടു​ക​യെ​ന്നത്‌ സ്വാഭാ​വി​കം മാത്ര​മാണ്‌.

ദൃഷ്ടാ​ന്ത​ത്തിന്‌, യുവാ​വാ​യി​രുന്ന യിരെ​മ്യാ​വി​നെ ദൈവ​ത്തി​ന്റെ പ്രവാ​ച​ക​നാ​യി നിയമി​ച്ച​പ്പോൾ അവന്റെ വിചാ​ര​മെ​ന്താ​യി​രു​ന്നു എന്ന്‌ ബൈബിൾ നമ്മോടു പറയുന്നു. തന്റെ 20കളിൽ നല്ലനി​ല​യി​ലാ​യി​രു​ന്നു​വെ​ങ്കി​ലും യിരെ​മ്യാ​വിന്‌ ഈ നിയമനം നിർവ​ഹി​ക്കു​ന്നതു സംബന്ധിച്ച്‌ അസ്വസ്ഥത അനുഭ​വ​പ്പെട്ടു, അവൻ, “ഞാൻ ഒരു ശിശു​മാ​ത്ര​മാണ്‌” എന്നു പറഞ്ഞു​കൊണ്ട്‌ ഒഴിക​ഴി​വു പറഞ്ഞു. (യിരെ​മ്യാവ്‌ 1:6) പ്രത്യ​ക്ഷ​ത്തിൽ യുവാ​വാ​യി​രുന്ന തിമൊ​ഥെ​യോ​സും അപര്യാ​പ്‌ത​നെന്ന്‌ വിചാ​രി​ച്ചു. അവനെ തന്റെ അരക്ഷി​ത​ബോ​ധത്തെ തരണം ചെയ്യു​ന്ന​തിന്‌ സഹായി​ക്കാൻ അപ്പോ​സ്‌ത​ല​നായ പൗലോസ്‌ ഋജുവായ ബുദ്ധി​യു​പ​ദേശം കൊടു​ക്കേ​ണ്ട​തു​ണ്ടാ​യി​രു​ന്നു.—1 തിമൊ​ഥെ​യോസ്‌ 4:11-16; 2 തിമൊ​ഥെ​യോസ്‌ 1:6, 7.

ടോക്കിംഗ്‌ വിത്ത്‌ യുവർ ററീ​നേജർ എന്ന പുസ്‌തകം, യുവജ​നങ്ങൾ, “നിർവ​ച​ന​ത്താൽ അങ്ങേയ​ററം വികാ​ര​ങ്ങളെ വ്രണ​പ്പെ​ടു​ത്താൻ കഴിയുന്ന അവസ്ഥയി​ലാണ്‌. . . . അവർ എങ്ങനെ കാണ​പ്പെ​ടു​ന്നു​വെ​ന്ന​തും എന്തു പറഞ്ഞി​രി​ക്കു​ന്നു​വെ​ന്ന​തും തങ്ങൾ ജനപ്രീ​തി​യു​ള്ള​വ​രാ​ണോ അല്ലെങ്കിൽ സ്‌നേ​ഹി​ക്ക​പ്പെ​ടു​ന്ന​വ​രാ​ണോ എന്നിവ സംബന്ധി​ച്ചും ഉത്‌ക്ക​ണ്‌ഠ​ക​ളുണ്ട്‌. . . . അവർ ആത്മാഭി​മാ​നി​ക​ളും എളുപ്പം അമ്പരി​പ്പി​ക്കാ​വു​ന്ന​വ​രും അവമാ​നി​ത​രാ​കു​ന്ന​വ​രും ആണ്‌.” അവർക്ക്‌ മിക്ക​പ്പോ​ഴും “തങ്ങൾ ആരാ​ണെ​ന്നതു സംബന്ധിച്ച്‌ ഒരു ഉറപ്പു​മില്ല.” ഇത്‌ എന്തു​കൊ​ണ്ടാണ്‌?

യുവാക്കൾ ശീഘ്ര​മായ ശാരീ​രിക വളർച്ച​യു​ടെ​യും മാററ​ത്തി​ന്റെ​യും കാലഘ​ട്ട​ത്തി​ന്റെ മദ്ധ്യത്തി​ലാ​ണെ​ന്ന​താണ്‌ ഒരു കാരണം. “[ഒരു യുവാ​വി​ന്റെ] നിയ​ന്ത്ര​ണ​ത്തി​ന​തീ​ത​മായ ഈ മാററങ്ങൾ തീവ്ര​ത​ര​വും ആവശ്യ​പ്പെ​ടു​ന്ന​തും ഭയജന​ക​വു​മാണ്‌ . . . [ഒരു] കൗമാ​ര​പ്രാ​യ​ക്കാ​രന്‌ തുരങ്ക​ത്തി​ന്റെ അവസാ​ന​ത്തി​ങ്കലെ വെളിച്ചം കാണാൻ കഴിയു​ക​യില്ല, അടുത്ത​താ​യി എന്താണ്‌ വരുന്ന​തെ​ന്നതു സംബന്ധിച്ച്‌ ഒരു ഗ്രാഹ്യ​വു​മില്ല. സ്വാഭാ​വി​ക​മാ​യി നിയ​ന്ത്ര​ണ​ത്തി​ന്റെ ഈ അഭാവം അരക്ഷി​ത​ത്വ​ത്തി​നും സമ്മർദ്ദ​ത്തി​നും ഇടയാ​ക്കു​ന്നു” എന്ന്‌ ഡോ. ബെററി ബി. യംഗ്‌സ്‌ നിരീ​ക്ഷി​ക്കു​ന്നു.

സ്‌നേ​ഹി​ത​രു​ടെ​യും കുടും​ബ​ത്തി​ന്റെ​യും സ്വാധീ​നം

മറെറാ​രു ഘടകം നിങ്ങളു​ടെ കുടുംബ സാഹച​ര്യ​ങ്ങ​ളാണ്‌. മാതൃ​കാ​പ​ര​മാ​യി, കുടും​ബം ആത്മീയ മാർഗ്ഗ​ദർശ​ന​ത്തി​ന്റെ​യും വൈകാ​രിക പിന്തു​ണ​യു​ടെ​യും ഉറവി​ട​മാ​യി സേവി​ക്കു​ന്നു. (എഫേസ്യർ 6:1-4) ബൈബിൾ മാതാ​പി​താ​ക്ക​ളോട്‌ ഇങ്ങനെ കൽപ്പി​ക്കു​ക​പോ​ലും ചെയ്യുന്നു: “പിതാ​ക്കൻമാ​രേ, നിങ്ങളു​ടെ മക്കൾ അധൈ​ര്യ​പ്പെ​ടാ​തി​രി​ക്കേ​ണ്ട​തി​ന്നു അവരെ കോപി​പ്പി​ക്ക​രുത്‌.”—കൊ​ലോ​സ്യർ 3:21.

ഖേദക​ര​മെന്നു പറയട്ടെ, ചില മാതാ​പി​താ​ക്കൾ തങ്ങളുടെ കുട്ടി​കളെ തുടർച്ച​യാ​യി അവസാ​ന​മി​ല്ലാത്ത വിമർശ​ന​ത്തിന്‌ അടി​പ്പെ​ടു​ത്തി​ക്കൊണ്ട്‌, ആവശ്യ​മായ അഭിന​ന്ദ​ന​വും പ്രീതി​യും നൽകാതെ അവരെ പ്രകോ​പി​പ്പി​ക്കു​ക​തന്നെ ചെയ്യുന്നു. മനഃശാ​സ്‌ത്ര​ജ്ഞ​നായ എലാനർ എസ്‌. ഫീൽഡ്‌ ഇപ്രകാ​രം വിശദീ​ക​രി​ക്കു​ന്നു: “മാതാ​പി​താ​ക്ക​ളു​ടെ വിമർശ​ന​ത്തിന്‌ മിക്ക​പ്പോ​ഴും ആഴമായി പതിക്കുന്ന അരക്ഷി​ത​ത്വ​ത്തി​ലേക്കു നയിക്കാൻ കഴിയും. . . . നിങ്ങൾക്ക്‌ ഒരു കൗമാ​ര​പ്രാ​യ​ക്കാ​രൻ എന്ന നിലയിൽ എന്നിട്ടും [നിഷേ​ധാ​ത്മക] സന്ദേശ​മാണ്‌ ലഭിക്കു​ന്ന​തെ​ങ്കിൽ അത്‌ നിങ്ങളു​ടെ അരക്ഷി​ത​ത്വ​ത്തി​ന്റെ വികാ​ര​ങ്ങളെ പരി​പോ​ഷി​പ്പി​ക്കു​ക​യേ​യു​ള്ളു.”

നിങ്ങൾ നോക്കു​ക​യോ പ്രവർത്തി​ക്കു​ക​യോ ചെയ്യുന്ന വിധത്തെ തുടർച്ച​യാ​യി വിമർശി​ച്ചു​കൊ​ണ്ടോ പരിഹ​സി​ച്ചു​കൊ​ണ്ടോ നിങ്ങളു​ടെ സഹപാ​ഠി​കൾക്കും നിങ്ങളു​ടെ ആത്മവി​ശ്വാ​സത്തെ തകർക്കാൻ കഴിയും. നിങ്ങൾ, “ലോക​ത്തി​ന്റെ ഭാഗമാ​യി​രി​ക്ക​രുത്‌” എന്ന യേശു​വി​ന്റെ കൽപ്പന അനുസ​രി​ക്കു​ന്നു​വെ​ങ്കിൽ നിങ്ങൾ വിശേ​ഷാൽ അത്തരം വിമർശ​ന​ത്തിന്‌ പാത്രീ​ഭൂ​ത​രാ​യി​ത്തീ​രും. (യോഹ​ന്നാൻ 17:16) “അത്‌ നിഷ്‌ഫ​ല​മാണ്‌!” എന്ന്‌ 15 വയസ്സു​കാ​ര​നായ ആൻഡ്രു വിശദീ​ക​രി​ച്ചു. “നിങ്ങൾ അതിൽ അനുരൂ​പ​നാ​കാൻ ശ്രമി​ക്കു​ക​യാണ്‌, എന്നാൽ നിങ്ങൾ അതി​നോട്‌ ചേർന്നു​പോ​കാ​തി​രി​ക്കാൻ ശ്രമി​ക്കു​ക​യാണ്‌. നിങ്ങൾ ഭ്രഷ്ടൻ ആകാൻ ആഗ്രഹി​ക്കു​ന്നില്ല, എന്നാൽ നിങ്ങൾ ബൈബിൾ തത്വങ്ങൾക്ക​നു​സ​ര​ണ​മാ​യി നിലനിൽക്കാൻ ശ്രമി​ക്കു​ക​യാണ്‌.” ഒരു 15 വയസ്സു​കാ​രി പെൺകു​ട്ടി ഇങ്ങനെ കൂട്ടി​ച്ചേർത്തു: “ഇതു കഠിന​മാണ്‌, എന്തു​കൊ​ണ്ടെ​ന്നാൽ നിങ്ങൾ ഒരു ചിത്ത​ഭ്രമം പിടി​പെ​ട്ട​വ​നാണ്‌ എന്ന്‌ മററു കുട്ടികൾ പറയു​ന്ന​തിന്‌ നിങ്ങൾ ആഗ്രഹി​ക്കു​ന്നില്ല. ആളുകൾ തങ്ങളെ ഇഷ്ടപ്പെ​ട​ണ​മെന്ന്‌ എല്ലാവ​രും ആഗ്രഹി​ക്കു​ന്നു.” ഒരു ഉചിത​മായ സമനില കാത്തു​സൂ​ക്ഷി​ക്കു​ന്നത്‌ ഒരു യഥാർത്ഥ പോരാ​ട്ട​മാ​യി​രി​ക്കാൻ കഴിയും. അത്‌ നിങ്ങളെ അരക്ഷി​ത​ബോ​ധ​മു​ള്ള​വ​നാ​യി വിട്ടേ​ക്കാം.

എന്നാൽ, ചില​പ്പോൾ അരക്ഷി​ത​ബോ​ധം സ്വയം​കൃ​ത​മാ​യി​രി​ക്കാം. “ഞാൻ മററാ​ളു​ക​ളു​ടെ കൂടെ​യാ​യി​രി​ക്കു​മ്പോൾ എനിക്ക്‌ യാതൊ​ന്നും നന്നായി ചെയ്യാൻ അറിഞ്ഞു​കൂ​ടാ​ത്ത​തി​നാൽ ഞാൻ ഒന്നുമ​ല്ലാ​ത്ത​വ​നേ​പ്പോ​ലെ എനിക്കു തോന്നു​ന്നു. അതു​കൊണ്ട്‌ എനിക്ക്‌ വളരെ​യ​ധി​കം അരക്ഷി​ത​ത്വം അനുഭ​വ​പ്പെ​ടു​ന്നു” എന്ന്‌ ഒരു 17 വയസ്സു​കാ​രൻ സമ്മതി​ച്ചു​പ​റഞ്ഞു. അത്തരം വികാ​രങ്ങൾ മററു​ള്ള​വ​രോട്‌ തങ്ങളേ​ത്തന്നെ അനുചി​ത​മാ​യി താരത​മ്യ​പ്പെ​ടു​ത്തു​ന്ന​തി​ന്റെ ഫലമാ​യി​രു​ന്നേ​ക്കാം.

അരക്ഷി​ത​ബോ​ധ​ത്തി​നെ​തി​രായ പോരാ​ട്ടം

അവയുടെ കാരണങ്ങൾ എന്തുത​ന്നെ​യാ​യി​രു​ന്നാ​ലും അരക്ഷി​ത​ബോ​ധം കേവലം വളർച്ച​യു​ടെ ഒരു ഭാഗമാണ്‌, പൂർണ്ണ​മാ​യി ഒരിക്ക​ലും അപ്രത്യ​ക്ഷ​മാ​കാ​തി​രു​ന്നേ​ക്കാം.a ആകാര​മോ മാന്യ​ത​യോ കഴിവു​ക​ളോ സംബന്ധി​ച്ചുള്ള അനുചി​ത​മായ ഉത്‌ക്ക​ണ്‌ഠക്ക്‌ ഒരുവൻ പതംവന്ന പ്രായ​പൂർത്തി​യാ​യ​വ​നാ​യ​ശേ​ഷ​വും ഒരുവന്റെ ആത്മവി​ശ്വാ​സത്തെ തുടർച്ച​യാ​യി ഇളക്കാൻ കഴിയും.

അനേകം യുവാക്കൾ വ്യാജ​മായ വീരവാ​ദ​ത്തി​ന്റെ പ്രകട​ന​ങ്ങ​ളാ​ലോ ക്ഷോഭ​ജ​ന​ക​മായ വസ്‌ത്ര​ധാ​ര​ണ​ത്താ​ലോ മത്സരത്താ​ലോ തങ്ങളുടെ ആത്മവി​ശ്വാ​സ​ക്കു​റ​വി​നെ മൂടു​ന്ന​തിന്‌ ശ്രമി​ക്കു​ന്നു. എന്നാൽ നിങ്ങൾക്ക്‌ അരക്ഷി​ത​ബോ​ധം ഉണ്ടാകു​മ്പോൾ ആ സമയത്തെ അഭിമു​ഖീ​ക​രി​ക്കു​ന്ന​തിന്‌ വളരെ മെച്ചപ്പെട്ട വിധങ്ങൾ ഉണ്ട്‌.

നിങ്ങളു​ടെ നിർമ്മാ​ണാ​ത്മ​ക​മായ ഗുണങ്ങളെ അംഗീ​ക​രി​ക്കുക: നിങ്ങൾക്ക്‌ പൂർണ്ണ​ത​യുള്ള ആകാര​മോ ശാരീ​രിക പ്രാപ്‌തി​യോ ഇല്ലായി​രി​ക്കാം, എന്നാൽ നിങ്ങൾ ക്രിസ്‌തീയ ഗുണങ്ങ​ളായ “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, എളിമ, ആത്മനി​യ​ന്ത്രണം” എന്നിവ വളർത്തി​യെ​ടു​ത്തി​ട്ടു​ണ്ടാ​യി​രി​ക്കാം. (ഗലാത്യർ 5:22, 23) ഈ ഗുണങ്ങൾ അനന്തമാ​യി ഏതൊരു ശാരീ​രിക ഗുണങ്ങ​ളെ​ക്കാ​ളും കൂടുതൽ മൂല്യ​വ​ത്താണ്‌, നിങ്ങൾക്ക്‌ ദൈവ​ത്തി​ന്റെ അംഗീ​കാ​രം ലഭിക്കു​ന്ന​തിന്‌ സഹായ​ക​മാ​കാൻപോ​ലും കഴിയും.

നീതി​ര​ഹി​ത​മാ​യ താരത​മ്യ​ങ്ങൾ ഒഴിവാ​ക്കുക: ഐക്യ​നാ​ടു​ക​ളു​ടെ 32-ാമത്തെ പ്രസി​ഡ​ണ്ടി​ന്റെ ഭാര്യ, എലിനർ റൂസ്‌വെൽററ്‌ ഒരിക്കൽ പറഞ്ഞ​പ്ര​കാ​രം: “നിങ്ങളു​ടെ അനുവാ​ദം കൂടാതെ ആർക്കും നിങ്ങൾ താഴ്‌ന്ന​ത​ര​ക്കാ​ര​നാ​ണെന്ന വിചാരം നിങ്ങളിൽ ഉണ്ടാക്കാൻ കഴിയു​ക​യില്ല.” ഗലാത്യർ 6:4 ഇപ്രകാ​രം പറഞ്ഞു​കൊണ്ട്‌ നല്ല ഉപദേശം നൽകുന്നു: “ഓരോ​രു​ത്തൻ തന്റെ സ്വന്തം പ്രവൃത്തി എന്തെന്ന്‌ തെളി​യി​ക്കട്ടെ, അപ്പോൾ അവന്‌ തന്റെ സ്വന്തമാ​യ​തി​നെ​സം​ബ​ന്ധി​ച്ചു മാത്രം സന്തോ​ഷി​ക്കാൻ ഇടയാ​കും, മററു വ്യക്തി​ക​ളോ​ടുള്ള താരത​മ്യ​ത്തി​ലല്ല.”

മററാർക്കെ​ങ്കി​ലും കൂടുതൽ സൗന്ദര്യ​മു​ള്ള​തോ മെച്ചപ്പെട്ട വസ്‌ത്ര​ങ്ങ​ളു​ള്ള​തോ നിങ്ങ​ളെ​ക്കാൾ ചുറു​ചു​റു​ക്കു​ള്ള​തോ അയാളെ അല്ലെങ്കിൽ അവളെ നിങ്ങ​ളെ​ക്കാൾ മെച്ചപ്പെട്ട വ്യക്തി​യാ​ക്കി​ത്തീർക്കു​മോ? ബാഹ്യ​മായ ഭാവങ്ങൾക്ക്‌ ദൈവ​മു​മ്പാ​കെ കുറഞ്ഞ വില​യേ​യു​ള്ളു എന്നതാണു സത്യം. ബൈബിൾ പറയുന്നു: “. . . മനുഷ്യൻ നോക്കു​ന്ന​തു​പോ​ലെയല്ല; മനുഷ്യൻ കണ്ണിന്നു കാണു​ന്നതു നോക്കു​ന്നു; യഹോ​വ​യോ ഹൃദയത്തെ നോക്കു​ന്നു.”—1 ശമൂവേൽ 16:7.

അസൂയ​യു​ടെ കെണിയെ ഒഴിവാ​ക്കുക: “അസൂയ അസ്ഥികൾക്ക്‌ ദ്രവത്വ​മാ​കു​ന്നു” അത്‌ അരക്ഷി​ത​ത്വ​ത്തെ ഉളവാ​ക്കു​ന്നു. (സദൃശ​വാ​ക്യ​ങ്ങൾ 14:30) പകരം, “സന്തോ​ഷി​ക്കു​ന്ന​വ​രോ​ടു​കൂ​ടെ സന്തോ​ഷി​ക്കാൻ” പഠിക്കു​ക​യും അവരുടെ നേട്ടങ്ങ​ളിൽ യഥാർത്ഥ​മാ​യി സന്തോ​ഷി​ക്കു​ക​യും ചെയ്യുക. (റോമർ 12:15) നിങ്ങൾ അങ്ങനെ ചെയ്യു​ന്നെ​ങ്കിൽ മററു​ള്ളവർ നിങ്ങളു​ടെ വിജയ​ങ്ങ​ളിൽ നിഷേ​ധാ​ത്മ​ക​മായ അഭി​പ്രാ​യങ്ങൾ പറയു​ന്ന​തിന്‌ വളരെ​ക്കു​റച്ചു ചായ്‌വേ കാണി​ക്ക​യു​ള്ളു.

മററാ​ളു​ക​ളു​മാ​യി ഇടപെ​ടുക: ഡോ. അല്ലൻ ഫ്രോമി, “സ്വന്തമാ​യി ഒരു നല്ല പ്രതി​ച്ഛാ​യ​യുള്ള ആളുകൾ ഒരു തരത്തി​ലുള്ള സമാധാ​നം ആസ്വദി​ക്കു​ന്നു, എന്തു​കൊ​ണ്ട​ന്നാൽ അവർ മററു​ള്ള​വ​രിൽ ശ്രദ്ധ കേന്ദ്രീ​ക​രി​ക്കു​ന്നു . . . തങ്ങളെ​ക്കു​റി​ച്ചു കുറഞ്ഞ ബോധ്യ​മു​ള്ളവർ സ്വയം തടവി​ലാ​ക്ക​പ്പെ​ടു​ന്ന​വ​രാണ്‌. അവർ തങ്ങളുടെ സ്വന്തം അഭിജ്ഞ​ത​യാൽ പൂട്ട​പ്പെ​ട്ടി​രി​ക്കു​ന്നു.” “നിങ്ങളു​ടെ തന്നെ കാര്യ​ങ്ങ​ളി​ലുള്ള വ്യക്തി​പ​ര​മായ താൽപ​ര്യ​ത്തിൽ മാത്രമല്ല പിന്നെ​യോ മററു​ള്ള​വ​രു​ടെ വ്യക്തപ​ര​മായ താൽപ​ര്യ​ങ്ങ​ളി​ലും ശ്രദ്ധപ​തി​പ്പി​ച്ചു”കൊണ്ട്‌ ആ തടവറ​യിൽനിന്ന്‌ രക്ഷപ്പെ​ടുക. (ഫിലി​പ്യർ 2:4) നിങ്ങൾ മററു​ള്ള​വ​രോട്‌ കൂടുതൽ ഇടപെ​ടു​മ്പോൾ നിങ്ങളു​ടെ തന്നെ അരക്ഷി​ത​ബോ​ധ​ത്തെ​ക്കു​റിച്ച്‌ കുറച്ചു ഉത്‌ക്ക​ണ്‌ഠയേ ഉണ്ടായി​രി​ക്ക​യു​ള്ളു.

സ്‌തം​ബ്ധ​രാ​വാ​തെ വിമർശ​നത്തെ സ്വീക​രി​ക്കുക: “ആളുകൾ പറഞ്ഞേ​ക്കാ​വുന്ന എല്ലാ വാക്കു​കൾക്കും ഹൃദയം കൊടു​ക്കാ​തി​രി​ക്കുക,” വിശേ​ഷിച്ച്‌ അവർ നിങ്ങളെ കൊച്ചാ​ക്കു​മ്പോൾ. (സഭാ​പ്ര​സം​ഗി 7:21) നേരേ​മ​റിച്ച്‌ വിമർശനം ന്യായാ​നു​സൃ​ത​മാ​ണെ​ങ്കിൽ അത്‌ ബാധക​മാ​ക്കാ​നുള്ള മാർഗ്ഗം കണ്ടെത്തുക. “ജ്ഞാനി​യായ ഒരാൾ ശ്രദ്ധി​ക്കു​ക​യും കൂടുതൽ പ്രബോ​ധനം കൈ​ക്കൊ​ള്ളു​ക​യും ചെയ്യും . . . ജ്ഞാനവും ശിക്ഷണ​വും ഭോഷൻമാർ നിരസി​ക്കു​ന്നു.” (സദൃശ​വാ​ക്യ​ങ്ങൾ 1:5, 7, NW) നിങ്ങൾ ഒരു വശത്ത്‌ കുറവു പ്രകട​മാ​ക്കി​യേ​ക്കാം, എന്നാൽ ഒരു വ്യക്തി​യെന്ന നിലയിൽ അത്‌ നിങ്ങളെ പരാജ​യ​പ്പെ​ടു​ത്തു​ക​യില്ല.

എന്നാൽ, വിമർശനം നിങ്ങളു​ടെ മാതാ​പി​താ​ക്ക​ളിൽനി​ന്നാ​ണു വരുന്ന​തെ​ങ്കി​ലെന്ത്‌? തങ്ങളുടെ കുട്ടി​കൾക്ക്‌ ശിക്ഷണം കൊടു​ക്കു​ക​യെ​ന്നത്‌ മാതാ​പി​താ​ക്ക​ളു​ടെ ജോലി​യാണ്‌. (എഫേസ്യർ 6:4) അത്‌ അമിതം, നീതി​ര​ഹി​തം, അവമാ​ന​കരം എന്ന്‌ നിങ്ങൾക്ക്‌ തോന്നു​ന്നെ​ങ്കിൽ ഒരുപക്ഷേ നിങ്ങൾക്ക്‌ മാതാ​പി​താ​ക്ക​ളു​മാ​യി കാര്യങ്ങൾ ചർച്ച​ചെ​യ്യു​ന്ന​തിന്‌ ഒരു ശാന്തമായ സമയം തിര​ഞ്ഞെ​ടു​ക്കാ​നും അവരുടെ വാക്കുകൾ നിങ്ങളെ എങ്ങനെ ബാധി​ക്കു​ന്നു​വെന്ന്‌ അവരെ അറിയി​ക്കാ​നും കഴിയും.

യഥാർത്ഥ​മാ​യ ലാക്കുകൾ വെക്കുക: നിങ്ങൾ ഒരു നല്ല വിദ്യാർത്ഥി​യാ​യി​രി​ക്കു​ന്ന​തിന്‌ യാത്രാ​മം​ഗ​ള​പ്ര​സം​ഗം നടത്തു​ന്ന​യാ​ളാ​യി​രി​ക്കു​ക​യോ കളികൾ ആസ്വദി​ക്കു​ന്ന​തിന്‌ ഒരു ഒളിമ്പിക്ക്‌ കളിക്കാ​ര​നാ​യി​രി​ക്കു​ക​യോ ചെയ്യേ​ണ്ട​യാ​വ​ശ്യ​മില്ല. “താഴ്‌മ​യു​ള്ള​വ​രു​ടെ പക്കലോ ജ്ഞാനമു​ണ്ടു,” താഴ്‌മ ഒരുവന്റെ പരിമി​തി​കൾ സംബന്ധിച്ച്‌ അറിവു​ള്ള​വ​നാ​യി​രി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു. (സദൃശ​വാ​ക്യ​ങ്ങൾ 11:2) എന്നിരു​ന്നാ​ലും പാരാ​ജ​യ​ഭീ​തി​യാൽ നിങ്ങളു​ടെ ലാക്കുകൾ വളരെ​യ​ധി​കം താഴ്‌ത്തി വെക്കരുത്‌. പരാജ​യ​ത്തിന്‌ പഠിക്കു​ന്ന​തി​നുള്ള ഒരു ഉപാധി​യാ​യി സേവി​ക്കാൻ കഴിയും. എന്തായാ​ലും, നിങ്ങൾ വീഴു​ന്ന​തി​നുള്ള ചായ്‌വി​നെ തരണം ചെയ്‌തു​കൊ​ണ്ടാണ്‌ നടക്കാൻ പഠിച്ചത്‌!

വ്യത്യ​സ്‌ത​നാ​യി​രി​ക്കു​ന്ന​തിന്‌ ഭയപ്പെ​ട​രുത്‌: സ്‌നേ​ഹി​തർ തങ്ങളുടെ സംസാ​ര​വും വസ്‌ത്ര​വും തലമു​ടി​യു​ടെ സ്‌​റൈ​റ​ലും നിയ​ന്ത്രി​ക്കു​ന്ന​തിന്‌ അനുവ​ദി​ക്കുന്ന യുവാക്കൾ അടിമ​ക​ളേ​ക്കാൾ അല്‌പം​മാ​ത്രം ഉയർന്ന​വ​രാണ്‌. (റോമർ 6:16) നിങ്ങൾ അതിനു​പ​കരം “യഹോ​വക്ക്‌ അടിമ​ക​ളാ​യി​രി”ക്കുക. (റോമർ 12:11) ശരിയാ​യതു ചെയ്യു​ന്ന​തി​നു​വേണ്ടി പരിഹ​സി​ക്ക​പ്പെ​ടു​ക​യാ​ണെ​ങ്കിൽ നിങ്ങളു​ടെ ധൈര്യ​പൂർവ​ക​മായ പ്രവൃ​ത്തി​കൾ ദൈവ​ത്തി​ന്റെ ഹൃദയ​ത്തി​നു സന്തോഷം കൈവ​രു​ത്തു​മെ​ന്ന​റി​യു​ന്ന​തി​നാൽ ആശ്വാസം കണ്ടെത്തുക.—സദൃശ​വാ​ക്യ​ങ്ങൾ 27:11.

ഈ നിർദ്ദേ​ശങ്ങൾ നിസം​ശ​യ​മാ​യി സഹായി​ക്കും. എന്നാൽ സുരക്ഷി​ത​ത്വ​ത്തി​ന്റെ ഒരു അനുഭവം ഒററരാ​ത്രി​കൊ​ണ്ടു​ണ്ടാ​കു​മെന്ന്‌ പ്രതീ​ക്ഷി​ക്ക​രുത്‌. ക്ഷമയു​ള്ള​വ​രാ​യി​രി​ക്കുക. തടസ്സങ്ങൾ പ്രതീ​ക്ഷി​ക്കുക, സ്വാനു​ക​മ്പ​യിൽ ഉൾപ്പെ​ടാ​തി​രി​ക്കാൻ പരി​ശ്ര​മി​ക്കു​ക​യും ചെയ്യുക. ക്രമേണ നിങ്ങൾ എന്നത്തേ​തി​ലും കൂടുതൽ സുരക്ഷി​ത​ത്വം അനുഭ​വ​പ്പെ​ടു​ന്ന​താ​യി കണ്ടെത്തും. (g90 4/22)

[അടിക്കു​റി​പ്പു​കൾ]

[25-ാം പേജിലെ ചിത്രം]

മാതാപിതാക്കൾക്ക്‌ പ്രശംസ നൽകു​ന്ന​തിൽനിന്ന്‌ പിൻവാ​ങ്ങി​നിൽക്കു​ന്ന​തി​നാ​ലും അമിത​വി​മർശ​ക​രാ​യി​രി​ക്കു​ന്ന​തി​നാ​ലും അരക്ഷി​ത​ത്വം ഉളവാ​ക്കാൻ കഴിയും